Legalidades
A Bíblia reconhece a necessidade de leis e governo civil. Os cristãos são chamados a obedecer às autoridades estabelecidas por Deus, enquanto mantêm a lealdade suprema a Cristo.
Submissão às autoridades
Toda autoridade é instituída por Deus. O cristão é chamado a respeitar as leis, pagar tributos e honrar quem governa.
ସାସନ୍କିନିୱାରି ଉଣ୍ତିଙ୍ଗ୍ ପାଣି
ସାସନ୍କିନିୱାରିଙ୍ଗ୍ଁ ମାନାନିକା ୱିଜେରି ପାଣି, ଇରିଙ୍ଗ୍ଁ ମାପୁରୁଦି ସାରି ଡ଼ିସ୍ତିଙ୍ଗ୍ ଏନ୍ ସାସନ୍ ଅଦିକାର୍ ପୟ୍ଏନ୍ । ଅଦିକାର୍ତୁ ମାନି ସାସନ୍କିନିକାର୍ ମାପୁରୁଦି ମାଣାନ୍ ବାସେଆତାମାନାର୍ । ଆଦେଙ୍ଗ୍ଁ ଏନ୍ ଅଦିକାର୍ ପୟ୍ତି ସାସନ୍କିନିୱାରିଙ୍ଗ୍ଁ ବିରୁଦ୍ କିନାନ୍, ୱାନ୍ ମାପୁରୁଦି ମାଣାନ୍ ଆତିମାନି ନିୟମ୍ତି ବିରୁଦ୍କିନାନ୍ । ଏନ୍ ଇକା କିନାନ୍, ୱାନ୍ ବିଚାର୍ତି ଆଗ୍ଡ଼ି ନିନାନ୍ । ଏମେକାର୍ ନେଗିପାଣି କିନାର୍, ୱାରି ସାସନ୍କିନିୱାରିଙ୍ଗ୍ଁ ତିଲାନି ଉଣ୍ତିଙ୍ଗ୍ଁ ଇନି ମାଟା ସିଲେତ୍ ତିଲାନି ମାଟା ତାଗ୍ଇପାଣିକିନିୱାରିଙ୍ଗ୍ଁ । ସାସନ୍କିନିୱାନି ଉଣ୍ତିଙ୍ଗ୍ଁ ତିଲାଇକା ମି ବଦା ନୋ ? ଆତିଙ୍ଗ୍ଁ ସତ୍ପାଣି କିଦୁ, ୱାନ୍ ମି ପ୍ରସଂସା କିନାନ୍ । ମି ନେଗିକା କିନି ଉଣ୍ତିଙ୍ଗ୍ଁ ୱାନ୍ ମାପୁରୁଦି ମାଣାନ୍ ବାସେଆତାମାନାନ୍ । ମାତର୍ ମିର୍ ଜଦି ତାଗ୍ଇପାଣି କିଜିମାନିଦେର୍, ଆର୍ତିଙ୍ଗ୍ଁ ସାସନ୍କିନିୱାନିଙ୍ଗ୍ଁ ତିଲାଦୁ, ଇରିଙ୍ଗ୍ଁ ମି ଦଣ୍ତ୍ ସିନି ଉଣ୍ତିଙ୍ଗ୍ଁ ସତ୍ତାନ୍ ୱାନି ଅଦିକାର୍ ମାନାତ୍ । ୱାନ୍ ମାପୁରୁଦି ମାଣାନ୍ ବାସେଆତି ସେବାକିନିକାନ୍ । ତାଗ୍ଇପାଣିକିନିୱାରିଙ୍ଗ୍ଁ ସାସ୍ତି ସିନି ଉଣ୍ତିଙ୍ଗ୍ଁ ୱାନ୍ ମାପୁରୁଦି ଆଦେସ୍ ମାନାନାନ୍ । ଆଦେଙ୍ଗ୍ଁ ମିର୍ ସାସନ୍କିନିୱାରିଙ୍ଗ୍ଁ ମାନାନିକା ମାନାତ୍ କେବଲ ମାପୁରୁଦି ଦଣ୍ତ୍ ତିଲେଇତାନ୍ ସିଲେ, ମାତର୍ ନିଜେଦି ବୁଦିଦି ନାସ୍ଟୁଦାନ୍ ରକିୟା ପୟ୍ଦେଙ୍ଗ୍ଁ ଇଜି ।
ଇୟାଉଣ୍ତିଙ୍ଗ୍ ମିର୍ ସିସୁଟୁ ବା ସିଜିମାନ୍ଡ୍ରୁ, ଇରିଙ୍ଗ୍ଁ ସାସନ୍କିନିକାର୍ ଆଦେସ୍ ମାନାନିୱାଲେ ମାପୁରୁଦି ସେବା କିନାର୍ । ଆଦେଙ୍ଗ୍ ୱାର୍ ଆମାକା ପୟ୍ନିକା ମାନାତ୍, ୱାନିଙ୍ଗ୍ ଆକା ସିଦୁ । ନିଜେଦିକା ମାରି ସିସୁଟୁ ମିଦି ଆମାକା ସିନିକା ମାନାତ୍, ଆକା ସିଦୁ ମାରି ୱାରିଙ୍ଗ୍ ୱେଡ଼ିକା ନି ସନ୍ମାନ୍ତାନ୍ ମାନାଦୁ ।
ନିଜେ ନିଜେଙ୍ଗ୍ ଜିବନ୍ନୋଦୁ
ନିଜେଦିଙ୍ଗ୍ଁ ନି ଆଇୱାରିଙ୍ଗ୍ ଜିବନ୍ନୋନିକା ଡ଼ିସ୍ସି ମାରି ଇନି ବିସୟ୍ତୁ ଆମାୱାନି ରୁଣୁ ଆଜି ତେବାମାଟ୍ । ଏନ୍ ଆଇୱାନିଙ୍ଗ୍ ଜିବନ୍ନୋନାନ୍, ୱାନ୍ ନିୟମ୍ ମାନାନାନ୍ ।
ମିର୍ ଅଣଜିହୁଦି ଲାକ୍ତୁ ନେଗେନ୍ତାନ ସାଲାବୁଲା କିଦୁ, ଏଣ୍ତେସ୍ ୱାର୍ ଆମା ବିସୟ୍ତାନ୍ ମିଙ୍ଗିଁ ତାଗ୍ଇପାଣିକିନିକାର୍ ଇଜି ନିନ୍ଦା କିନାର୍, ମି ନେଗିପାଣି ସୁଡ଼ୁଜି କ୍ରିସ୍ତଦି ୱାନିଦିନ୍ତୁ ମାପୁରୁଦି ଦନ୍ୟବାଦ୍ କିନାର୍ ।
ପ୍ରବୁଦି ଦର୍ତାନ୍ ଅନୁରୋଦ୍ କିଜିନା, ୱିଜୁ ସାସନ୍କିନିୱାରିଙ୍ଗ୍ଁ ମାନାଦୁ, ଦେସ୍ତି ୱିଜେରିଙ୍ଗ୍ ପେରିସାସନ୍କିନି ରାଜାଦିଙ୍ଗ୍ ମାରି ଆଇଆଇ ସାସନକିନିପେରିୱାରିଙ୍ଗ୍ ମାନାଦୁ, ମାରି ସାସନ୍କିନିକାର୍ ସାସ୍ତି ସିନି ଉଣ୍ତିଙ୍ଗ୍ ମାରି ନେଗିପାଣି କିଜିମାନି ଲୋକାଙ୍ଗ୍ ଦନ୍ୟବାଦ୍ କିନି ଉଣ୍ତିଙ୍ଗ୍ ରାଜାଦି ମାଣୁକୁ ବାସେଆତା ମାନାର୍ ।
ଆର୍ତିଙ୍ଗ୍ ମାଙ୍ଗିଁ ଇନିଆ, ଇୟା ବିସୟ୍ତାନ୍ ନି ମାଟାଇନିକା ? କାଇସର୍ ରାଜେଙ୍ଗ୍ ସିସୁଟୁ ସିନିକା ନିୟମ୍ତି ଇସାବ୍ତାନ୍ ଟିକ୍ ନୋ ବୁଲ୍ ?"
ମାତର୍ ଜିସୁ ୱାରି ତାଗ୍ଇ ଉପାୟ୍ ନେସ୍ସି ଇର୍ହାନ୍, "ଏ କପଟିର୍, ନାଙ୍ଗିଁ ଗୁଟାଦୁ ଆରେପ୍ତେଙ୍ଗ୍ ଏନ୍ଦା ସେସ୍ଟାକିଜିନିଦେର୍ ? ଆମା ଅଦଲିଦାନ୍ ସିସୁଟୁ ତର୍ସିନିଦେର୍, ଆବେନୁ ଉନ୍ଡ୍ରି ତାସ ନାଙ୍ଗିଁ ତର୍ତୁ !"
ୱାର୍ ଉନ୍ଡ୍ରି ଅଦ୍ଲି ଡାବୁଙ୍ଗ୍ ତାତାରୋ ୱାନିଙ୍ଗ୍ ସିତାର୍ । ୱାନ୍ ୱାରିଙ୍ଗ୍ ୱେନ୍ବାତାନ୍, "ଇୟା ଅଦ୍ଲି ମୁସ୍କୁ ଏ ବମା ମାରି ଦର୍ ମାନାତ୍ ?"
ୱାର୍ ଇର୍ହାର୍, କାଇସର୍ଦି, "ଜିସୁ ୱାରିଙ୍ଗ୍ ଇର୍ହାନ୍, ଆର୍ତିଙ୍ଗ୍ ଆମାକା କାଇସର୍ଦି, ଆକା କାଇସର୍ ରାଜେଙ୍ଗ୍ ସିଦୁ ମାରି ଆମାକା ମାପୁରୁଦି, ଆକା ମାପୁରୁଙ୍ଗୁଁ ସିଦୁ ।"
Obrigações legais
Jesus cumpriu obrigações legais, pagou impostos e orientou seus seguidores a obedecer à lei sem comprometer a fé.
ଜିସୁ ମନ୍ଦିରତୁ ସିସ୍ଟୁ ସିତାନ୍
ତାନେୱେନ୍କା ଜିସୁ ନି ୱାନି ସିସୁର୍ କପର୍ନାହୁମ୍ତୁ ୱାତାର୍, ମନ୍ଦିର୍ତି ସିସୁଟୁଲୋସ୍ନିକାର୍ ପିତରତି ଲାକ୍ତୁ ୱାଜି ୱେନ୍ବାତାର୍, "ମି ଗୁରୁ ଇନିକା ମନ୍ଦିର୍ତି ସିସୁଟୁ ସିଏନ୍ ନୋ ?"
ପିତର୍ ଇର୍ହାନ୍, "ହୁଁ, ସିନାନ୍ ।"
ପିତର୍ ଇନ୍ଡ୍ର ୱାତି ୱେନ୍କା ଜିସୁ ଆଗ୍ଡ଼ି ୱାନିଙ୍ଗ୍ ୱେନ୍ବାତାନ୍, "ସିମୋନ, ନିନ୍ ଇନିକା ଅଡ଼୍ବିଜିନି ? ଇୟା ଦୁନିଆଦି ରାଜାରିଙ୍ଗ୍ ଏନ୍ ସିସୁଟୁଡାବୁଙ୍ଗ୍ ସିନାନ୍ ୱାରି ଦେସ୍ତି ପ୍ରଜାରି ମାଣ୍କୁ ନୋ ଆଇଦେସ୍ତିୱାରି ମାଣ୍କୁ ?"
ପିତର୍ ଇର୍ହାନ୍, "ଆଇଦେସ୍ତିୱାରି ମାଣ୍କୁ ।"
ଜିସୁ ଇର୍ହାନ୍, "ଆର୍ତିଙ୍ଗ୍ ଦେସ୍ତି ପ୍ରଜାର୍ ସିସୁଟୁତର୍ନି ବଜୁତାନ୍ ଉସାସ୍ଆନାର୍ ? ମାତର୍ ମାପ୍ ଇଲେଇ ୱାରିଙ୍ଗ୍ ଅପ୍ମାନ୍ କିଦେଙ୍ଗ୍ ଅଡ଼୍ବିଏପ୍ । ମିର୍ ଗାଡାଦୁ ସୋଲ୍ସ ବଣସି ପୋକ୍ତୁ । ଆଗ୍ଡ଼ି ଆମା ମିନି ୱାନାତ୍, ତାନି ୱେୟୁଦାନ୍ ଉନ୍ଡ୍ରି ୱେନ୍ଣ୍ତିଦି ଅଦ୍ଲି ପଇନିଦେର୍ । ଆକା ଅସ ନା ଉଣ୍ତିଙ୍ଗ୍ ନି ମି ଉଣ୍ତିଙ୍ଗ୍ ମନ୍ଦିର୍ତି ସିସୁଟୁଡାବୁଙ୍ଗ୍ ସିଦୁ ।"
ଜଦି ଏନ୍ ମି ବିରଦ୍ତାନ୍ ରାସ୍ସି କର୍ଟଦୁ ସନ୍ଡ଼୍ରେଙ୍ଗ୍ ଜାସେକିନାନ୍, କର୍ଟଦୁ ସନି ଆଗ୍ଡ଼ି ୱେଡ଼ା ମାନ୍ବୁ ମାନ୍ବୁ ୱାନି ୱାଲେ ନିଜେ ନିଜେମାନୁ ମିସାଦୁ । ଆଏତିଙ୍ଗ୍ କର୍ଟଦୁ ସରିଙ୍ଗ୍, ୱାନ୍ ମିଙ୍ଗିଁ ବିସାର୍କିନିୱାନି କିୟୁଦୁ ଆସ୍ପିସ୍କିନାନ୍ ମାରି ଆତିଙ୍ଗ୍ ନ୍ୟାୟ୍ କିନିକାନ୍ ମିଙ୍ଗିଁ ଜଇଲ୍ତୁ ଅତେଙ୍ଗ୍ ଇଜି ପଲିସ୍କା କିୟୁଦୁ ସର୍ପେ କିନାସିନାନ୍ । ନାନ୍ ମିଙ୍ଗିଁ ସତ୍ ଇଜିନା, ମି ମୁସ୍କୁ କିଆଇଆତିମାନି ୱାଡି ଡାବୁଙ୍ଗୁଁ ବା ଡ଼େସିସିଇ ସାନ୍ଦି ମିର୍ ଆବେଟ୍କୁ ସହସ ୱାଦେଙ୍ଗ୍ ଆଟ୍ଇଦେର୍ ।
ନା ଉଣ୍ତିଙ୍ଗ୍ ମିର୍ ରାଜା ନି ସାସନ୍କିନିୱାରି ଆଗ୍ଡ଼ି ତାଆୟ୍ଆଜି ବିସାର୍ଆନିଦେର୍ । ଇୟାଉଣ୍ତିଙ୍ଗ୍ ୱାରିଙ୍ଗ୍ ନି ଅଣଜିହୁଦି ଲୋକାଙ୍ଗ୍ ନେଗିକାବୁର୍ ସାକି ସିଦେଙ୍ଗ୍ ଇଜି ସାରି ପୟ୍ନିଦେର୍ । ମି ବିସାର୍ ଆନିୱାଲେ ଇନିକା ଇନିଦେର୍, ମାରି ଏଣ୍ତେସ୍ ଇନିଦେର୍, ଆୟା ବିସୟ୍ତାନ୍ ସିନ୍ତା କିମାଟ୍ । ଟିକ୍ ଆୟା ସମୟ୍ତୁ ଆକା ମିଙ୍ଗିଁ ୱେର୍ଆଇଆଜି ସିଆନାତ୍ ।
ଜିସୁଦି ଜନମ୍
ଆୟାୱାଲେ ରୋମିୟ ଦେସ୍ତି ପେରିରାଜା ଅଗସ୍ଟ କାଇସର୍ ମାଣ୍କୁ ଦେସ୍ତି ୱିଜୁ ଲୋକା ଦର୍କୁ ରାସାନି ଉଣ୍ତିଙ୍ଗ୍ ମାଟା ୱେର୍ତାର୍ । ସିରିଆଦି ସାସନ୍କିନି କୁରିଣିୟଦି ସମୟତୁ ପାର୍ତୁମ୍ତୁ ଇୟା ଲୋକୁ ଲେକିସ୍କିନିକା ଆତାମାର୍ଆତ୍ । ଆୟା ଉଣ୍ତିଙ୍ଗ୍ ୱିଜେରେ ଦର୍ ରାସ୍ନି ଉଣ୍ତିଙ୍ଗ୍ ନିଜେ ନିଜେଦି ଗାଡ଼୍କାଙ୍ଗ୍ ସର୍ଆର୍ ।
ମାରି, ଜୋସେପ ବା ଦର୍ ରାସ୍ନି ଉଣ୍ତିଙ୍ଗ୍ ମରିୟମତି ୱାଲେ ଗାଲିଲିଦି ନାଜରିତ ଗାଡ଼୍ତାନ୍ ଜିହୁଦା ଦେସ୍ତି ବେତଲିହିମ୍ ଦର୍ଦି ଦାଉଦତି ଗାଡ଼୍ତୁ ସର୍ଆର୍, ଇରିଙ୍ଗ୍ ୱାନ୍ ଦାଉଦତି କୁଟ୍ମୁ ମାରି କୁଦାଦି ଲୋକୁ ମାର୍ଆର୍; ଜୋସେପ ପେଡ଼ି ଆଦେଙ୍ଗ୍ ଲସ୍ସାୟ୍ଆତି ମରିୟମତି ୱାଲେ ଦର୍ ରାସ୍ତେଙ୍ଗ୍ ସର୍ହାନ୍ । ମାରି ମରିୟମ୍ ପଟାଦୁ ମାର୍ଆତ୍ ।
Perspectiva divina
As nações são como uma gota no balde diante de Deus. Ele abre portas que nenhuma lei pode fechar.
ସୁଡ଼ୁଦୁ, କୁଡ଼ାଦି ଲୋକୁ ସାଟିଦି ଏରୁ ବଟୁ ୱାଜା ମାରି ତୁସ୍ନିବାଣି ଦୁଡ଼ିଦି ୱାଜା ଇସାବ୍ ଆନାର୍; ସୁଡ଼ୁଦୁ, ୱାନ୍ ସାମ୍ଦୁର ନାଣିମିରି ଦେସ୍କାଙ୍ଗ୍ ଇସ୍ରି ଜିନିସ୍ଦି ୱାଜା ନିକ୍ନାନ୍ । ୱିଜୁ ଦେସ୍ତି ଲୋକୁ ୱାନି ଆଗ୍ଡ଼ି ଇନିକା ସିଲେ; ୱାର୍ ୱାନି ଲାକ୍ତୁ ୱାରିକା ମାରି ଦାରା ସିଲିକା ଆନାର୍ ।
ଇବେନୁ ନା ବିରୁଦ୍ତାନ୍ ଗାଦିଲୋକ୍ ମାର୍ହିଙ୍ଗ୍ ବା, ନେଗି ପାଣି କିଦେଙ୍ଗ୍ ନା ଉଣ୍ତିଙ୍ଗ୍ ଅସାର୍ ସେର୍ଲା ରେଆତା ମାନାତ୍ ।
ଆବେଟ୍ ପିଲାତ୍ ୱାନିଙ୍ଗ୍ ଇର୍ହାନ୍, "ନିନ୍ ଇନିକା ନା ୱାଲେ ୱାର୍ଗିଇ ? ନିଙ୍ଗିଁ ଡ଼ିସ୍ତେଙ୍ଗ୍ ନା ଅଦିକାର୍ ମାନାତ୍ ମାରି ନିଙ୍ଗିଁ କ୍ରୁସକାଟ୍ତୁ ଏକିସ୍ତେଙ୍ଗ୍ ନା ଅଦିକାର୍ ମାନାତ୍, ଇକା ଇନିକା ନିନ୍ ନେସ୍ଏଜିନି ?"
ଜିସୁ ଇର୍ହାନ୍, "ଜଦି ମାପୁରୁଦିମାଣାନ୍ ନିଙ୍ଗିଁ ଅଦିକାର୍ ରେଏତିଙ୍ଗ୍ ମାନ୍ଦି, ଆର୍ତିଙ୍ଗ୍ ନା ବିରଦ୍ତାନ୍ ନିଦି ଇନି ଅଦିକାର୍ ସିଲେତାତ୍ ମାନ୍ଦି; ଏନ୍ ନାଙ୍ଗିଁ ନି କିୟୁଦୁ ସର୍ପେ କିତାମାନାନ୍, ୱାନି ପାପ୍ ନାଣ୍ତୋସାନିୱାଜା ।"
Este artigo te tocou? Faça uma oração!
+581 estão orando agora.
Junte-se à corrente de oração.