Lei
A lei de Deus é expressão do seu caráter e amor. Do Sinai ao Sermão do Monte, a lei orienta, protege e revela o padrão santo de Deus para a vida humana.
O propósito da lei
A lei de Deus revela o pecado e nos conduz a Cristo. Pela lei é que temos consciência do que é justo e do que é errado.
किल्हैकि बधाने साबै कामां करै निं कोहै बी मणछ धर्मीं हई सकदअ, इहअ करै कि मोसा गूरै लिखअ द बधान करा ऐहा गल्ला हाम्हां लै प्रगट कि हाम्हैं आसा पापी।
पापे गलामी का छ़ुटी धर्में दास
तै किज़ै हुअ? बधाने बशै निं हाम्हैं आथी हाम्हैं आसा परमेशरे जशा दी, तै कै हाम्हैं पाप करी सका? नां, हाम्हैं निं पाप करी ई सकदै।
विश्वासीए आज़ादी
तम्हां बोल़णअ, "हाम्हैं सका सोभै गल्ला करी," पर सोभै फाईदे निं आथी। तम्हां बोल़णअ, "हाम्हैं सका सोभै गल्ला करी" पर सोभी च़िज़ा संघै बढोतरी निं आथी।
किल्हैकि सारअ बधान हआ ऐहा एकी गल्ला दी पूरअ, "तूह कर आपणैं साथी-संघी संघै आप्पू ज़ेही झ़ूरी।"
पर ज़ेभै हाम्हैं पबित्र आत्में बशै रहा सह करा हाम्हां दी झ़ूरी, नंद, मेल़-ज़ोल़, भलाई, विश्वास, क्रिप्पा, सबर, शरीफी, सबर पैईदा इहै-इहै कामें खलाफ निं कोहै बधान आथी।
हाम्हां लागा एकी दुजे मज़त करनी ज़ुंण बी हाम्हां मांझ़ै तंगी-तकलिफी दी होए अर एऊ ई साबै करै मसीहे बधाना पूरै।
Amar e obedecer
O maior mandamento é amar a Deus e ao próximo. Toda a lei se resume nestes dois mandamentos, que são o fundamento de tudo.
दुजअ हुकम आसा अह कि तूह करै आप्पू फेर रहणैं आल़ै होरी मणछा लै बी तेही झ़ूरी ज़िहअ तूह आप्पू लै झ़ूरा। एता का बडअ निं होर कोहै हुकम आथी।"
"मेरअ हुकम आसा अह कि ज़ेही झ़ूरी मंऐं तम्हां लै किई, तेही झ़ूरी करा तम्हैं आप्पू मांझ़ै एकी-दुजै संघै।
ठीक इहअ ई, ज़िहअ तम्हैं च़ाहा कि होर मणछ तम्हां संघै करे, तम्हैं बी करा तिन्नां संघै तिहअ ई। परमेशरे गूरै बी आसा बधाना दी ईंयां ई ज्ञैन खोज़ै दै।
एकी दुजे बारै ज़िम्मैंबारी
आप्पू मांझ़ै निं झ़ूरी छ़ाडी होरी किछ़ी च़िज़े ऋणी हई, किल्हैकि ज़ुंण दुजै लै झ़ूरी करा सह करा परमेशरे बधाने हर गल्ला पूरी।
प्रभू ईशू का आसा हाम्हां अह हुकम भेटअ द कि ज़ुंण बी परमेशरा संघै झ़ूरी डाहा, तेऊ लागा आपणैं साथी-भाई संघै बी झ़ूरी करनी।
मेरै पैरै भाईओ, ज़ै म्हारी सोर हाम्हां लै दोश नांईं लाए, तै हआ हाम्हां आपणैं परमेशरा सम्हनै हैअ। तेखअ ज़ुंण बी हाम्हैं परमेशरा का मांगा, सह जाआ हाम्हां तेऊ का भेटी। किल्हैकि हाम्हैं मना तेऊए हुकम अर हाम्हैं करा तिहअ ई ज़ेता करै सह खुश हआ।
Bênçãos da obediência à lei
Se andardes nos meus mandamentos, vivereis. A obediência à lei de Deus traz vida, paz e prosperidade espiritual.
बिधातो हुकम मनी भेटा बर्गत
मोसा बोलअ इज़राईली लै इहअ, "इज़राईलीओ, ज़ुंण बिधाते बधान अर बिधी हुंह तम्हां का आझ़ खोज़ा, तम्हैं मनै तिन्नां सदा। तै बणाणैं बिधाता तम्हैं धरतीए सोभी लोगा का मशूर देश अर तेऊ दैणीं तम्हां लै हर गल्ला दी बर्गत।
हुंह करा तम्हां लै हुकम कि तम्हैं झ़ूरै सदा बिधाता लै अर तेऊ लै रहै सदा शुचै-पाक्कै, तम्हैं ज़िऊऐ तेही ज़िन्दगी ज़िहअ सह बोला अर तेऊए बधान अर बिधी मनणैओ डाहै हर बगत खैल।
अटल़ करार अर तेते मांग
"इज़राईलीओ, थारअ परमेशर बिधाता निं तम्हां का एता सुआई होर किछ़ै मांग करदअ कि तम्हैं आपणैं परमेशर बिधातो अदर करे अर तम्हैं तेही ज़िन्दगी ज़िऊए, ज़िहअ सह बोला। सह च़ाहा इहअ कि तम्हैं लोल़ी आपणअ सारअ मन्न, प्राण अर आपणअ सारअ ज़ोर लाई तेऊ लै झ़ूरै। ज़ुंण बिधाते बधान अर बिधी आझ़ मंऐं तम्हां का लाऐ खोज़ी ईंयां लोल़ी तम्हैं मनै अर एता करै हणअ थारअ भलअ ई।
बिधाते बधान अर बिधी ज़ुंण मंऐं आझ़ खोज़ी लाऐ, तिंयां लोल़ी तम्हैं आपणैं दिलै सदा आद डाहै। इना डाहै तम्हैं आपणैं शोहरू-माठै का भिई-भिई बोली खोज़ी। हर बगत करनी तिन्नां संघै एते ई बारै गल्ला, घअरै-बणैं, हांढदी-फिरदी, बैल़ी सुत्तदी अर दोत्ती उझ़दी करै तम्हैं एते ई बारै गल्ला।
बधाने अह कताब निं लोल़ी तम्हैं कधि बिस्सरी, एता करै धैल़-राच उझ़दी-बेशदी पहल़ी अर ज़ुंण एथ लिखअ द आसा, तेऊ साबै लोल़ी तम्हैं ज़िन्दगी ज़िऊई। तै हणैं तम्हैं ऐहा ज़ैगा सोभी गल्ला दी सफल।
पर तम्हैं डाहै धैन अर तेऊ बधाना मनै तिहअ ई ज़ुंण बिधाते दास मोसा तम्हां का खोज़ी आसा डाहअ द। तेऊ आसा तम्हां लै हुकम किअ द कि तम्हैं झ़ूरै सिधै आपणैं परमेशर बिधाता लै अर तम्हैं ज़िऊऐ तेही ज़िन्दगी ज़िहअ बिधाता च़ाहा। तम्हैं मनै बिधाते सोभ हुकम अर तेऊ लै रहै शुचै-पाक्कै। सोभी गल्ला करै रहै तम्हैं बिधाते च़ाकरी लागी।"
हे बिधाता, हुंह रहा तत्त-दिला का तेरी च़ाकरी लागी,
तूह निं मुंह आपणैं बधाने बिधी का कबाता दैई पेशणैं।
मंऐं ढाकी आप्पू सह बात ज़ेथ सत्त आसा,
हुंह डाहा कबल्लअ तेरै बधाना दी धैन।
पर ज़ुंण बिधाते डरा हेठै रहा, तिन्नां लै झ़ूरा बिधाता जुगै-जुगै तैणीं,
तेऊए बर्गत रहा तिन्नें आद-लुआदा लै बी पोस्ती दर पोस्ती हंदी लागी।
मतलब ज़ुंण तेऊए करारा लै शुचै रहा अर
ज़ुंण तेऊए हुकम मना अर तेते साबै आपणीं ज़िन्दगी ज़िऊआ।
Lei e graça
A lei veio para nos guiar; a graça veio para nos salvar. Em Cristo, cumprimos a lei pelo amor — o fruto do Espírito não tem lei contra si.
ओ शोहरू-माठै आल़ैओ, आपणैं शोहरू लै निं धैल़ रोश्श काढा, पर तिन्नां धाचा-पाल़ा प्रभूए शिक्षा अर चतैनगी दैई करै।
ओ मणछो! मंऐं परमेशर बिधाता आसा तम्हां का खोज़ी हेरअ द कि भलअ किज़ै आसा अर किज़ै आसा बूरअ, ‘हुंह च़ाहा इहअ कि तम्हैं धर्मीं अर झणैल़ू होए अर मानदार रही ज़िहअ हुंह थारअ परमेशर बोले तेही ज़िन्दगी ज़िऊए।’"
पर हुंह च़ाहा कि नसाफ लोल़ी गाडा ज़िहअ बगअ,
धर्म लोल़ी बडै दरैऊआ ज़िहअ बगअ ज़ुंण कधि निं शुक्कदअ।
इहै जूँआं दी निं ज़ुंढिआ ज़ुंण बराबर निं आथी
ज़ुंण प्रभू ईशू मसीहा दी विश्वास निं करदै तिन्नां संघै निं मेल़-ज़ोल़ आथी, किल्हैकि धर्म अर पापो कै मेल़-ज़ोल़ हणअ? न्हैरै अर प्रैश्शे कै संगत?