Ler a Bíblia

8 ሃይሲ ዎጋ ማጻፋይ ኔ ዶናፔ ሻኬቶፎ፤ ኢዛ ጊዶን ዲዛይሳ ኔ ሎኤ ናጌታዳ ፖላና ማላ ጋላስ ጊዲን ኦማርስ ዛራ ዛራ ቆፓ፤ ኔ ሄሳ ኦኮ ኔ ቆፒዳ ኡባይ ኔስ ሱራናኔ ሃናና።

105 ኔ ቃላይ ታ ቶሆስ ጾምፔ፤

ታ ኦጌስካ ፖኦ።

130 ኔ ቃላ ቢርሼይ

ፖኦ ኢሜስ፤

ኣኬካይ ፓጪዳይታስ

ኣኬካ ኢሜስ።

97 ታኒ ኔ ዎጋ ኣይ ኬና ሲቃዚና!

ጋላስ ኩሜ

ታኒ ኢዛ ዩሻ ቆፓይስ።

98 ኔ ኣዛዞቲ ኡባ ዎዴካ

ታናራ ዲዛ ጊሻስ

ታ ሞርኬታፔ ኣዲ

ታና ኣኬካንቻ ሂስቲዳ።

99 ኔ ዎዳ ዎጋ

ዩሻ ቆፒዛ ጊሻስ

ታና ታማርሲዳ ኡባፌ

ዎዚናማ ጊዳዲስ።

9 ናቴ ባ ኦጌ ጌሻቴን

ዎስቲ ናጋናስ ዳንዳይዜ?

ኔ ቃላይ ጊዛ ማላ

ዴኢኮ ዳንዳዬስ።

10 ታኒ ታ ኩሜ ዎዚናፔ

ኔና ኮያይስ፤

ኔ ኣዛዞታፔ ካሬ ኬዞንታ ማላ

ታና ናጋ።

11 ታኒ ኔ ቦላ

ናጋራ ኦንታ ማላ

ኔ ቃላ ታ ዎዚናን ቆታዲስ።

16 ጌሻ ማጻፋቲ ዉሪካ ጾሳ ኣያናይ ካሌን ጻፌቲዳይታ፤ ኢስቲካ ኣስ ታማርሳናስ፥ ሃንቃናስ፥ ሱሪሳናስ ቃሴካ ጺሎቴ ኦጌን ካሌናስ ጎኤቴስ። 17 ሄሲካ ጾሳ ኣሲ ሎኦ ኦሶ ኡባስ ቤሲዛዴ ጊዳና ማላሳ።

39 ኢንቴስ ጌሻ ማጻፋታፔ ሜርና ዴኦ ዴማናስ ሚሳቲን ማጻፋታ ፒልጌታ፤ ማጻፋቲካ ታ ጊሻስ ማርካቴቴስ።

4 ኑኒ ጌሻ ማጻፋታፔ ዴሚዛ ዳንዳያይኔ ሚኖቴ ኑስ ዳና ማላ ኮይሮፔ ጻፌቲዳይሲ ዉሪካ ኑ ኢዛፔ ኑስ ቲሚርቴ ዴማና ማላ ጻፌቲዴስ።

3 ሃይሲ ዉሪካ ሃናናይ ማታ ዎዴን ጊዲዳ ጊሻስ ሃይሳ ቲንቢቴ ቃላ ናባቢዛ ኣሲ ኣንጄቲዳዴ። ሄሳካ ቲንቢቴ ቃላ ሲዪዛይቲኔ ሃ ቲንቢቴ ቃላ ጻፌቲዳይሳ ፖሊ ኦዛይቲ ኢስቲ ኣንጄቲዳይታ።

13 ታ ሄ ባና ጋካናስ ቃላ ናባባናስ፥ ዞራናሲኔ ታማርሳናስ ሚና።

11 ቤሪያ ኣሳይ ታሶሎንቄ ኣሳፔ ኣዲ ኣኬካራ ዲዛ ኣሳ። ጋሶይካ ሃይሲ ዮኦዚ ቱሜሻ? ጊ ጊዲ ጌሻ ማጻፋታ ቃላ ዎንቲን ዎንቲን ፒልጊ ጼሊዲ ኡፋይሳን ኤኪዴስ።

10 ኢዝራይ ባ ዴኦ ኡባን ጾሳ ዎጋ ፒልጊ ኤራናስ፥ ኦናሲኔ ጾሳ ኣዛዞታኔ ዎጋታ ኩሜ ኢስራኤሌ ናይታ ታማርሳናስ ባናቴ ኣ ኢሚዴስ።

8 ኢስቲካ ኣሳስ ናባቤቲዳ ጾሳ ዎጋ ማጻፋይ ሎኢ ጌላና ማላ ሎኤ ቢርሺ ዮቲዳ።

24 ዬሱሲካ ኢስታስ፥ «ኢንቴ ባሌቲዛይ ጌሻ ማጻፋታኔ ጾሳ ዎልቃ ኤሮንታ ጊሻሳ።

6 ሃች ታ ኔና ኣዛዚዳ ኣዛዞታ ዎዚናን ዎ። 7 ሃይታ ኣዛዞታ ኔ ናይታ ታማርሳ፤ ኔኒ ኔሶን ኡቲዛ ዎዴ ጊዲን ኦጌ ባሼካ፥ ኢቺዛ ዎዴ ጊዲን ቤጊዛ ዎዴ ኡባን ሃይታንታ ኣኬካሼ ዩሻ ቆፓ። 8 ኔስ ማላታ ጊዳና ማላ ኔ ኩሼ ቦላ ቃቻ ቃሴካ ኔ ፒ ቦላ ዎ።

ኣ ኤራቴፌ ቤቲዛ ኣንጆ

1 ታ ናዞ! ኔኒ ታ ቃላ ሲዪኮ፥

ታ ኣዛዞካ ኔኒ ኔ ዎዚናን ዎኮ፥

2 ኔ ሃይ ኣ ኤራቴኮ

ዛሪኮ፥

ኔ ዎዚና ኣኬካኮ

ኔ ዛሪኮ፥

3 ሻኪ ኤሪሲዛ ኤራቴ

ኔ ኮይኮ፥

ኔ ቃላ ቁ ሂስታዳ

ኣኬካ ጼይጊኮ፥

4 ኢዞካ ቢራ ኮይዛ ማላ

ኔ ኮይኮ፥

ቆታን ዲዛ ኣቆታ ማላ

ኔ ኢዞ ሚን ኮይኮ፥

5 ሄ ዎዴ ኔኒ

ጎዳስ ያሻቴ ኣኬካና፤

ጾሳካ ሎኤዳ ኤራና።

6 ጎዳይ ኣ ኤራቴ

ኢሚዛ ጊሻስ

ኢዛፔ ኤራቴኔ

ኣኬካይ ቤቴስ።