Língua

21 Kekamo’a vahera zamazeri so’e nehuno, zamazeri havizana hugahie. Hagi kema huzantema avesima nentesimo’a, ana ke’amoma rentesia raga’a agra’a erigahie.

2 Na’ankure rama’a zampi havizana nehune. Hagi iza’o agrama kema hanifima fatgo osu kegaga huzanku’ma kva’ma hanimo’a, agra soe ne’kino amne mika avufgamofona kvahu so’e nehie.

3 Hanki osi ainia hosirimimofo zamagipi tamage’antesie huta nofi renteta, zamazeri rukre hanunkeno’a, amne hosimofo mika avufgamo’a tamage’anteno rukre hugahie. 4 Hagi vente’mofone keho, tusi’aza me’neanagi ra zahomo retunefe. Hianagi osi zotareti, inantego ventema azeri ne’moma vunakuma hirega, azeri rukre higeno nevie.

5 Hagi anahukna huno agefuna osi avufgamo’agi, tusi’a veganokno ageru rugahie. Osi teve regregeno, ra avo’no traza afe teaza hugahie! 6 Hagi tagefunamo’a tevegna hu’ne. Tagefunafina kefo kemo avite’neankino, amne ana miko kavufamofona eri haviza hugahie. Amne ana miko kavufga teve kampina avrenente. Ana tevea teve kuma’mo taginte’ne.

7 Na’ankure mika ruzahu ruzahu afi' zagakfama, namazagama, zmasaguregati regrarohe’za vano nehaza zagaramima, hagerimpi zagamofona vahe’mo’za azeri agazone neheze. 8 Hianagi vahe’mo’a, agefunamofo kegava krino, azeri agazonea osugahie. Vahe’mofo azeri fri avua tagazamo avitegeno, kefo kemoke atirami vava hugahie.

9 Tagnefunanu Rantimofone, Anumzanena ra zanagia nezanamita, ana tagnefunanura Anumzamo’a Agragna retro huzmente’nea vahe’mokizmi sifna kea hunezmantone. 10 Ana agipintike asomu kene, sifna kenena atineramie. Nenfugta nasarehetanena e’inahu’zana omneno. 11 Amne magoke kampuipintira, tintfane, hagerinena ehanatigaha’o? 12 Nenfugata nasarahetanena, fiki zafamo’a olivi raga amne rentegahifi, krepi nofimo fiki raga rentegahio? I’o. Anahu kna huno hagerimpintira tintfana fore osugahie.

15 Hagi ame hunka krimpama ohe’zamo’a, kva vahera rimpa azerifru hunka, kagrarega avrentegahane. Ante fru hunka hukemo’a, ha' frama hu’zana mika azeri agateregahane.

18 Antahintahima osuno ame’ama huno hu ke’mo’a, kazimo vahe avufafi reankna nehie. Hianagi antahintahima huteno, keagagama hu vahe’mofo kemo’a, zamaza huno zamazeri neganamare.

19 Tamage ke’mo’a mevava hugahie. Hianagi havigema hu kemo’a, za’zatera omanegahie.

19 Rama’a kegagama huzamo’a, kumipi kavareno nevie. Hianagi iza’o agefu’nama kegavama himo’a, ama' antahi’zane vahe mani’ne.

28 E’ina hu’negu neginagi vahe’mo’ma kema osuno manisia zankura, vahe’mo’za knare antahi’za eri’ne hugahaze.

26 Mago’moka mono vahe’mani’noe nehunka kagefu’na kegava osnanana, kagra’a regavatga hanankeno mono kamo’a amnezankna hugahie.

Devitima knama manino’ma vania knagu hunte’nea zagamere

1 Nagra amanage hu’noe, kema hanufina kegava hu’ne’na, kema hu’zampintira kumira osugosue. Hagi Anumzamofoma amage’ma nontaza vahe’enema mani’nenuna, nagra nagira reaka hu’na kea osugosue.

12 Izaga ofrinka zaza kna ama mopafina knare hunka manizankura kave’nesie? 13 E’ina hunaku’ma hanunka, kefo nanekene havi nanekema hu’zankura, kagira kegava huo.

30 Fatgo avu’ava’ma nehaza vahe’mokizmia, zmagipintira knare antahi’zana atineramigeno, knare avu’avazane kefo avu’avazanema keama’ma hu’zana rempi hunezmie. 31 Hagi Anumzamofo kasegemo zamagu’afina avite’neankino, hazaonkre Anumzamofona amage ante fatgo hugahaze.

28 Ana’ma hananke’na fatgo kavukvazana huama nehu’na, maka kna zagamera hu’na kagi’a ahentesga hugahue.

4 Maka nanekea osu’nogenka, e’i naneke hugahie hunka Ra Anumzamoka ko antahinka kenka hu’nane.

2 Nagra amanage hu’na nunamuna hu’noe. Ra Anumzamoka zamagi’arima nehu’za vahe’ma rezamatgama nehaza vahe tvaontera omanisuanki naza hunka navre atro.

3 Ra Anumzamo Agrake havigema nehaza vahe’mofo zamagira ruhamunegino, zamavufaga rama nehaza zamaganefu’na ruhamunenkie. 4 Zamagra ana vahe’mo’za hu’za, tagra tavufga rankema hanuna zamo vahera zmagateregahunanki, iza tagrira kva vahetia manigahie hu’za nehaze.

9 Ra Anumzamoka ha' vahe’nimozama retroma nehaza antahintahia eri savri hunka eri haviza huo. Na’ankure vahe’ma azeri haviza hu avu’avazane, mani fru osu avu’avaza rankumapina negoe.

9 Na’ankure ana agafare, Anumzamo azeri antesga nehuno, musezama (gift) Agri’ma ami’neana, maka’zamofo agi’a agtere’nea agi ami’ne. 10 Ana hu’negu Jisasi agirera monafine, mopafine, mopa agu’afine, maka’zamo agrite rena rentegahie. 11 Ana nehanigeno maka vahe’mo’za Jisas Kraisi’a Rane hu’za zamagiteti huama nehu’za, Anumza Nerfa’a hanave’afi mani’ne hugahaze.

Avesinte zamofo naneke

1 Hagi nagrama vahe zmagerupintiro, ankero vahe’mokizimi zmagerura rugahuanagi, vahe’ma avesinte’zama omne’nenke’na, bero’mo ra ageru riankna nehu’na, zavena ahageno ageru riankna hugahue.

36 Hianagi Nagra amanage hu’na neramasamue, Anumzamo’ma vahe’ma refakoma huknarera, miko’a havigema nehaza kere, tamagenoka huzmantegahie. 37 Naneke hunante fatgo hu’nane huno refako hugantegahie. Naneke hunenante haviza hu’nane huno refako hugantegahie.

5 Hianagi Ra Anumzamo’a rankuma’ene, zaza none, vahe’mo’zama ki’naza nonku’ma kenaku erami’ne. 6 Ra Anumzamo’a amanage hu’ne, Zamagra magoke naga mani’ne’za magoke zamageru neru’za, amazana eri agafa hazankiza, mago’zama hunaku’ma hanaza zana, amne tro hugahaze. 7 E’i zanku tagra uramita ke’zami eri savari hamanenke’za, zamagra zamageru’ma antahizankura amuho hugahaze. 8 Anage nehuno Ra Anumzamo’a zamazeri fragu vazige’za kumazimi tro huvaga ore’za atre’za maka moparega vu’za e’za hu’za umani’naze. 9 E’ina hu’nea agafare ana ran kumakura Babelie hu’za hu’naze. Na’ankure Ra Anumzamo ana mopafi vahe’mokizmi zamagerura zamazeri havia huteno, hakare moparega zamazeri atrege’za vu’za e’za hu’naze.