Língua

21 Ku kple agbe ƒe ŋusẽ le aɖe si,

eye ame siwo lɔ̃e la aɖu eƒe kutsetse.

2 Elabena mía dometɔ ɖe sia ɖe daa vo le mɔ geɖewo nu. Ne ame aɖe medaa vo le nuƒoƒo me o la, eyae nye ame si de blibo, ale wòtea ŋu dea ga eƒe ŋutilã blibo la.

3 Numega sue si míedea sɔwo ƒe nu me la, eyae nana be woɖoa to mí, eye míetea ŋu trɔa lã blibo la ɖe afi sia afi. 4 Mítsɔ tɔdziʋu gãwo abe kpɔɖeŋu ene. Togbɔ be wololo gãa, eye ya sesẽwo hea wo hã la, kuɖɔ sue aɖe si le ʋua gɔme lae kuɖɔɖola la zãna, tsɔna trɔa tɔdziʋu gã la ƒe mo ɖe afi sia afi si wòdi be tɔdziʋu gã la nayi la. 5 Nenema ke, ame ƒe aɖe nye ŋutinu sue aɖe ko, gake etea ŋu ƒoa adegbe gã. Mikpɔ ale si dzoxi sue aɖe tea ŋu tɔa dzo ave gãwoe la ɖa. 6 Aɖe ŋutɔ hã nye dzo; enye xexeme vɔ̃ɖi le ŋutinuwo dome. Egblẽa ameti blibo la dome. Etɔa dzo ame ƒe agbenɔnɔ blibo la, eye mlɔeba la, wòtɔa dzo eya ŋutɔ hã le dzomavɔʋe me.

7 Amegbetɔ ate ŋu amla lã ɖe sia ɖe ƒomevi, xeviwo, nutatawo kple tɔmelãwo siaa, 8 gake ame aɖeke mate ŋu amla ame ƒe aɖe o. Enye aɖi vɔ̃ɖi si dzi womate ŋu aɖu o.

9 Míetsɔa míaƒe aɖe kafua míaƒe Aƒetɔ kple Fofo la, eye míegatsɔa aɖe ma ke ƒoa fi dea amegbetɔ si wowɔ ɖe Mawu ƒe nɔnɔme me. 10 Kafukafu kple fiƒode dona tso ame ƒe nu ɖeka ma ke me. Ke nɔvinyewo, le nyateƒe me la, mele be wòanɔ alea o. 11 Ɖe vudo ɖeka ate ŋu adzi tsi vivi kple dzetsia? 12 Nɔvinyewo, ɖe gboti ate ŋu atse amikutsetsewo alo wainka ate ŋu atse gbowoa? Gbeɖe, dzetsivudo hã mate ŋu adzi tsi vivi o.

15 Dzigbɔɖie wotsɔna blea fia nue

eye aɖe bɔbɔe ate ŋu agbã ƒu.

18 Nya vlowo ƒona ɖe ame abe yi ene,

ke ame dzɔdzɔe ƒe aɖe hea dɔyɔyɔ vɛ.

19 Nyateƒenuyiwo nɔa anyi ɖikaa,

ke alakpaɖe nu mesena yina o.

19 Afi si nya geɖe le la, nu vɔ̃ megbea afi ma nɔnɔ o,

ke ame si lé eƒe aɖe la, nunyalae.

28 Wobua bometsila gɔ̃ hã nunyalae nenye be ezi ɖoɖoe,

eye wobunɛ sidzelae ne ekpɔ eƒe aɖe dzi nyuie.

Xɔse kple dɔwɔwɔ

26 Ne ame aɖe gblɔ be yenye xɔsetɔ, ke mede ga eƒe aɖe o la, ele eɖokui blem, eye eƒe xɔse la hã nye dzodzro.

1 Megblɔ be, "Malé ŋku ɖe nye mɔwo ŋu,

akpɔ nye aɖe dzi be mawɔ nu vɔ̃ o,

eye zi ale si ame vɔ̃ɖi la gale ŋkunye me la,

made ga nye nu."

12 Mia dometɔ siwo lɔ̃ agbe,

eye miedi be miakpɔ ŋkekenyui geɖewo la,

13 mikpɔ miaƒe aɖewo dzi nyuie tso vɔ̃ ŋuti,

eye miaƒe nuyiwo tso aʋatsokaka ŋuti.

30 Nunyanya doa go tso ame dzɔdzɔe ƒe nu me,

eye eƒe aɖe gblɔa nu si le eteƒe.

31 Eƒe Mawu ƒe se le eƒe dzi me,

eya ta eƒe afɔ meɖiɖina o.

28 Nye aɖe aƒo nu le wò dzɔdzɔenyenye ŋuti,

eye wòadzi wò kafukafuha ɖaa.

4 O! Yehowa, hafi nya aɖe nava nye aɖe dzi la,

ènya nya la katã xoxo.

2 O! Yehowa, ɖem,

tso aʋatsonuyiwo kple alakpaɖewo ƒe asi me.

3 Yehowa nelã beblenuyiwo katã

kple aɖe siwo doa wo ɖokui ɖe dzi

4 hegblɔna be, "Míaɖu dzi kple míaƒe aɖewo,

míaƒe nuyiwo nye mía tɔ,

ame kae aɖu amegã ɖe mía dzi?"

9 O! Aƒetɔ, tɔtɔ ame vɔ̃ɖiwo,

tɔtɔ woƒe nyagbɔgblɔwo, elabena mekpɔ ŋutasesẽ

kple ʋunyaʋunya le dua me.

9 Eya ta Mawu doe ɖe dzi yi ɖase teƒe kɔkɔtɔ kekeake,

eye wòtsɔ ŋkɔ si ƒo ŋkɔwo katã ta la nɛ.

10 Be le Yesu ƒe ŋkɔ me, ame sia ame,

adze klo nɛ le dziƒo kple anyigba dzi kple anyigba te,

11 eye aɖe sia aɖe aʋu eme be Yesu Kristoe nye Aƒetɔ,

hena Mawu Fofo la ƒe ŋutikɔkɔe.

Lɔlɔ̃ ƒo nuwo katã ta le xexea me

1 Ne metsɔ amewo kple mawudɔlawo ƒe gbegbɔgblɔ ƒo nui, evɔ lɔlɔ̃ mele asinye o la, ɖeko mele abe gakogoe alo ayawagba ƒe ɖiɖi ene.

36 Mele egblɔm na mi kple kakaɖedzi be, mia dometɔ ɖe sia ɖe ana akɔnta le nya vlo ɖe sia ɖe si ado tso eƒe nu me la ŋu le ʋɔnudrɔ̃gbe la, 37 eya ta minyae be nya si ado tso miaƒe nu me fifia lae afia afi si mianɔ le ʋɔnudrɔ̃gbe la, eye eyae woatsɔ atso afia na mi loo, alo woatsɔ abu fɔ mi."

5 Ke esi Yehowa va kpɔ dua kple mɔ si tum amegbetɔviwo nɔ la, 6 egblɔ be, "Ne woate ŋu awɔ nu siawo katã fifia, esi wònye azɔ koe wodze sii be gbe ɖeka gblɔm yewole, eye dukɔ ɖeka yewonye la, mibu nu si woava wɔ emegbe la ŋu kpɔ! Naneke meli si woado kpo wɔwɔ o. 7 Mina míaɖi ayi anyigba dzi, eye míatɔtɔ woƒe gbe ale be womagase wo nɔewo gɔme o!"

8 Ale Yehowa ka wo katã hlẽ ɖe anyigba blibo la dzi. Ale du la tsotso nu tso. 9 Eya ta wona ŋkɔ du ma be Babel si gɔmee nye, "Tɔtɔ," elabena afi ma Yehowa tɔtɔ gbe na amewo le, eye wokaka ɖe afi sia afi le anyigba blibo la dzi.