Língua

21 చావు బ్రతుకులు నాలుక వశంలో ఉన్నాయి,

దానిని ప్రేమించేవారు దాని ఫలాన్ని తింటారు.

2 మనమందరం అనేక విషయాల్లో తడబడతాము. మాట్లాడంలో తప్పులు చేయనివారు పరిపూర్ణులై శరీరమంతటిని ఒక కళ్లెంతో అదుపులో ఉంచుకోగల శక్తిని కలిగి ఉంటారు.

3 మనం గుర్రాలను లోబరచుకోవడానికి వాటి నోటికి కళ్లెం వేసి దాని ఆధారంగా వాటి శరీరమంతటిని త్రిప్పుతాము. 4 ఓడలను చూడండి; చాలా పెద్దగా ఉంటాయి, అవి బలమైన గాలికి కొట్టుకొనిపోతున్నా దానిని నడిపేవాని ఇష్ట ప్రకారం చాలా చిన్నగా ఉండే చుక్కాని సహాయంతో త్రిప్పబడుతుంది. 5 అలాగే నాలుక చిన్న అవయవమే కానీ అది అధికంగా ప్రగల్భాలు పలుకుతుంది. చిన్న నిప్పురవ్వ వల్ల ఎంతో పెద్ద అడవి కాల్చివేయబడుతుంది. 6 కాబట్టి నాలుక అగ్నిలాంటిది. నాలుక ఒక పాపాల పుట్టగా మన అవయవాల మధ్య ఉంచబడింది; అది శరీరమంతటిని పాడుచేస్తుంది, ప్రకృతి చక్రంలో చిచ్చు పెడుతుంది; నరకాగ్ని చేత దానికదే కాలిపోతుంది.

7 మృగాలను, పక్షులను, ప్రాకే ప్రాణులను, సముద్రపు జీవులను మానవజాతి అదుపుచేస్తుంది, అదుపుచేసింది. 8 కాని నిరంతరం చెడుచేస్తూ, మరణకరమైన విషంతో నిండిన నాలుకను ఎవరూ అదుపుచేయలేరు.

9 ఆ నాలుకతోనే తండ్రియైన దేవుని స్తుతిస్తాం, ఆ నాలుకతోనే దేవుని పోలికతో చేయబడిన వారిని శపిస్తాము. 10 ఒకే నోటి నుండి స్తుతి శాపాలు వస్తున్నాయి. నా సహోదరీ సహోదరులారా, మనం అలా ఉండకూడదు. 11 ఒక నీటి ఊటలో ఒకే చోట నుండి మంచినీరు ఉప్పునీరు వస్తాయా? 12 నా సహోదరీ సహోదరులారా, అంజూర చెట్టుకు ఒలీవల పండ్లు, ద్రాక్షతీగెలకు అంజూర పండ్లు కాస్తాయా? అదే విధంగా ఉప్పునీటి ఊట నుండి మంచినీరు రావు.

15 సహనం ద్వారా ఒక పాలకుడిని ఒప్పించవచ్చు,

మృదువైన నాలుక ఎముకను విరుగ గొట్ట గలదు.

18 నిర్లక్ష్యపు మాటలు ఖడ్గాల్లా గుచ్చుతాయి,

కాని జ్ఞానుల నాలుకలు స్వస్థత కలిగిస్తాయి.

19 నిజాయితీగల పెదవులు శాశ్వతంగా ఉంటాయి,

అబద్ధాలు మాట్లాడే నాలుక క్షణికమే ఉంటుంది.

19 విస్తారమైన మాటల్లో పాపానికి అంతం ఉండదు,

కాని వివేకులు నాలుకను అదుపులో పెడతారు.

28 ఒకడు తెలివితక్కువ వాడైనను మౌనముగా ఉండిన ఎడల జ్ఞానియని ఎంచబడును,

తమ పెదవులను అదుపులో పెట్టుకునేవాడు వివేకిగా ఎంచబడును.

26 తాము భక్తిపరులమని భావిస్తూ తమ నాలుకను అదుపులో పెట్టుకోనివారు తమ హృదయాలను తామే మోసం చేసుకుంటారు. అలాంటివారి భక్తి విలువలేనిది.

1 నేను, "నేను నా నాలుకతో పాపం చేయకుండా ఉండడానికి

నా మార్గాలను సరిచూసుకుంటాను;

దుష్టులు నా దగ్గర ఉన్నప్పుడు

నా నోటికి చిక్కం పెట్టుకుంటాను" అని అన్నాను.

12 మీలో ఎవరైతే జీవితాన్ని ప్రేమిస్తారో

ఎవరు ఎక్కువ మంచి రోజులను చూడాలనుకుంటారో

13 మీరు చెడు పలుకకుండ మీ నాలుకను,

అబద్ధాలు చెప్పకుండ తమ పెదవులను అదుపులో పెట్టుకోవాలి.

30 నీతిమంతుల నోరు జ్ఞానాన్ని పలుకుతుంది,

వారి నాలుక న్యాయమైనది మాట్లాడుతుంది.

31 వారి దేవుని ధర్మశాస్త్రం వారి హృదయాల్లో ఉంది;

వారి పాదాలు జారవు.

28 నా నాలుక మీ నీతిని ప్రకటిస్తుంది,

దినమంతా మిమ్మల్ని స్తుతిస్తుంది.

4 యెహోవా, నా నాలుక మాట పలుకక ముందే,

అదేమిటో మీకు పూర్తిగా తెలుసు.

2 యెహోవా, అబద్ధమాడే పెదవుల నుండి

మోసకరమైన నాలుక నుండి

నన్ను రక్షించండి.

3 పొగిడే ప్రతి పెదవిని

గొప్పలు చెప్పుకునే ప్రతి నాలుకను యెహోవా మౌనం చేయును గాక.

4 "మా నాలుకలతో మేము గెలుస్తాం;

మా పెదవులు మమ్మల్ని కాపాడతాయి; మామీద ప్రభువెవరు?"

అని వారంటారు.

9 నాకు పట్టణంలో హింస, గొడవలు కనబడుతున్నాయి,

ప్రభువా, దుష్టులను గందరగోళానికి గురి చేయండి,

వారి మాటలను తారుమారు చేయండి.

9 అందువల్ల దేవుడు ఆయనను ఉన్నత స్థానానికి హెచ్చించి

అన్ని నామముల కంటే పై నామాన్ని ఆయనకిచ్చారు,

10 యేసు నామమున ప్రతివారి మోకాలు వంగునట్లు,

పరలోకమందును భూమి మీదను భూమి క్రిందను,

11 ప్రతి నాలుక యేసు క్రీస్తు ప్రభువని ఒప్పుకుంటుంది,

తండ్రియైన దేవునికి మహిమ కలుగును గాక.

1 మానవుల లేదా దేవదూతల భాషలు నేను మాట్లాడ కలిగినా, నాకు ప్రేమ లేకపోతే కేవలం మ్రోగే గంటలా గణగణ మ్రోగించే తాళంలా ఉంటాను.

36 కాని నేను మీతో చెప్పేది ఏంటంటే ప్రతి వ్యక్తి తాను అజాగ్రత్తతో పలికిన ప్రతి మాట కోసం తీర్పు రోజున లెక్క అప్పగించాల్సిందే. 37 ఎందుకంటే నీ మాటలను బట్టే నీవు నిర్దోషిగా, నీ మాటలను బట్టే నీవు శిక్షకు పాత్రునిగా తీర్పును పొందుకొంటావు."

5 అయితే యెహోవా మనుష్యులు కట్టుకుంటున్న పట్టణాన్ని, గోపురాన్ని చూడటానికి క్రిందికి దిగి వచ్చారు. 6 యెహోవా, "ఒకవేళ ప్రజలు ఒకే భాష మాట్లాడుతూ ఇది చేయడం ప్రారంభిస్తే, అప్పుడు వారు చేద్దామనుకుంది ఏదైనా వారికి అసాధ్యం కాదు. 7 రండి, మనం క్రిందికి వెళ్లి వారి భాషను తారుమారు చేద్దాం, అప్పుడు ఒకరి సంభాషణ ఒకరు అర్థం చేసుకోలేరు" అని అన్నారు.

8 కాబట్టి యెహోవా వారిని భూమి అంతట చెదరగొట్టారు, వారు పట్టణ నిర్మాణం ఆపివేశారు. 9 యెహోవా భూప్రజలందరి భాషను తారుమారు చేశారు కాబట్టి అది బాబెలు* అని పిలువబడింది. యెహోవా వారిని అక్కడినుండి భూలోకమంతా చెదరగొట్టారు.