Língua

21 Faxɛ nun simaya fatanma mixi xa wɔyɛnyi nan na.

Wɔyɛnla a sare sɔtɔma nɛ.

2 Won birin tantanma fe wuyaxi ma. Xa mixi nde mu tantanma a xa wɔyɛnyi kui, a mu tantanma dɛdɛ. Na kanyi nɔma a yɛtɛ birin suxude tinxinyi kui.

3 Mixi na wa soe xa a waxɔnfe raba, a karafoe nan nasoma a dɛ i. Na nan nɔma a fate birin naɲɛrede. 4 Kunkui fan na na ki nɛ. Hali kunkui belebele, foye xungbe naxan tutunma, mixi a raɲɛrɛma feya xurudi nan na, a a ragi a na wa sigafe dɛnnaxɛ. 5 Nɛnyi fan xurun, kɔnɔ a fe igboma.

Wo a mato, tɛ dondoronti di nɔma wondi belebele gande. 6 Tɛ nan na nɛnyi fan na, naxan findixi duniɲa fe kobi ra. Fate birin nɔxɔma fe ɲaaxi ra a xa wali saabui nan na. Mixi nɛnyi nɔma tɛ sode a xa duniɲɛigiri birin na, barima tɛ nan na nɛnyi ra, tɛ naxan kelima yahannama.

7 Adamadi nɔma daalise mɔɔli birin xurude. Sube xaaɲɛe, xɔnie, bubusee, nun baa ma yɛxɛe, adamadi bara e birin xuru, 8 kɔnɔ mixi yo mu nɔma adamadi nɛnyi xurude. Xɔnɛ na a ra naxan ma lintanyi mu danma, naxan xa kasarɛ mu ɲɔnma.

9 Won won Baba, won Marigi, batuma nɛnyi kerenyi naxan na, won man adamadi dankama a tan nan na, Ala naxan daaxi a yɛtɛ misaali ra. 10 N ngaxakerenyie, dubɛ nun dankɛ minife dɛ keren na, a mu fan. 11 Ye xɔnɛ nun ye bɛxi nɔma minide dulonyi keren na? 12 N ngaxakerenyie, xɔrɛ bili nɔma tugi bogi raminide? Mangoe bili nɔma xɔrɛ bogi raminide? Fɔxɛ ye minima dulonyi naxan na, ye bɛxi mu minima mɛnni ra.

15 Tunnabɛxiya a niyama nɛ mangɛ xa natɛ masara,

wɔyɛn ɲɔxunmɛ sɛnbɛ gbo han a nɔma xɔri ragirade.

18 Mixi dɛ wuyaxi xa wɔyɛnyi mixi maxɔnɔma nɛ alɔ santidɛgɛma,

kɔnɔ lɔnnila tan xa wɔyɛnyi mixi nan nayalanma.

19 Nɔndi falɛ xa masenyi mu masarama,

kɔnɔ wule falɛ xa masenyi luma nɛ masara ra.

19 Wɔyɛnyi rawuyafe nɔma mixi findide yunubitɔɛ ra,

kɔnɔ xaxilima tan a dɛ suxuma nɛ.

28 Xaxilitare nɔma a maɲɔxunde lɔnnila ra xa a dunduxi,

a nɔma a maɲɔxunde fahaamula ra xa a sabarixi.

26 Mixi yo a yɛtɛ maɲɔxun diinɛla ra, kɔnɔ a mu a dɛ nɔxi, na kanyi na a yɛtɛ madaxufe nɛ. A xa diinɛ tide yo mu na.

Adama luma alɔ foye

Ala maxandi

1 Dawuda xa bɛɛti bɛɛtibae xa mangɛ Yedutun bɛ

12 N ma die, wo fa, wo xa fa wo tuli mati n na.

N xa Alatala yaragaaxui masen wo bɛ.

13 Nde wama simaya xɔnkuye xɔn?

Nde wama lufe sɛɛwɛ kui tɛmui birin?

30 Tinxintɔɛ lɔnni nan masenma,

sɛriyɛ nan minima a dɛ kui.

31 A Marigi Ala xa sɛriyɛ na a bɔɲɛ kui,

a mu birama kira xɔn.

28 N i xa tinxinyi masenma nɛ,

n i tantuma nɛ tɛmui birin.

4 Beenun wɔyɛnyi xa mini n dɛ i,

i tan ɲan bara a birin kolon.

2 Alatala, n natanga wule falɛe dɛ ma,

naxee mixie madaxuma.

3 Kankan a boore tɔɔɲɛgɛma,

a a yanfama wɔyɛn ɲɔxunmɛ ra.

Filankafui nan e ra.

4 Alatala xa e dɛ balan. E dɛ igbo.

9 N xa n gi mafuren, alɔ foye xungbe.

9 Na nan a toxi Ala naxa a binya,

a a xili gbo dangi xili birin na,

10 alako naxee na koore,

naxee na bɔxi,

naxee na bɔxi bun ma,

e na Isa xili mɛ tɛmui naxɛ,

e birin xa e xinbi sin a bun,

11 e xa a fala,

«Ala xa Mixi Sugandixi Isa nan na Marigi ra.»

Na xa findi matɔxɔɛ ra Baba Ala bɛ.

Xanunteya

1 Hali n nɔma adamae nun malekɛe xui falade, xa xanunteya mu na n bɔɲɛ kui, n xui luma nɛ alɔ paani nun tɔlɔnyi bɔnbɔ xui.

36 N xa a fala wo bɛ, kiitisa lɔxɔɛ, adamadie dɛntɛgɛ sama nɛ wɔyɛn kobi birin ma naxee mini e dɛ i. 37 I wɔyɛnyi naxan falama duniɲɛigiri kui, na nan kiiti fanma i ra, na nan kiiti kanama i ra.»

5 Kɔnɔ Alatala naxa goro na taa matode, a nun na banxi belebele. 6 Alatala naxa a masen, «Xa yi mixie bara kafu e boore ma yi wali rabade, e na xui keren fala, wali birin e wama naxan nabafe, a sɔɔnɛyama nɛ. 7 Won xɛɛ, won xa goro e xa xui masunbude alako e naxa e boore wɔyɛn xui fahaamu.» 8 Na kui Alatala naxa na gali rayensen yɛ. Na banxi tife naxa dan. 9 Na yire xili naxa sa Babeli, barima Alatala duniɲa mixie xuie rawuya mɛnni nɛ, a fa e rayensen yɛ duniɲa birin ma.