Livramento
Deus é o grande Libertador. Através da Bíblia, vemos Deus livrando seu povo de inimigos, de perigos e da morte. Quem clama ao Senhor, Ele ouve e liberta.
Deus ouve e livra
Clamaram ao Senhor na sua tribulação, e Ele os livrou das suas angústias. O Senhor é refúgio e a salvação dos que nele confiam.
Ikiavɨra Itir Godɨn damazimɨn derazir gumazamiziba,
me Godɨn deima a me barasi.
A men akurvazima osɨmtɨziba me abɨrir puvatɨ.
Eghtɨ me na ko mɨkɨmtɨ, kɨ me baragham.
Egh osɨmtɨzim me batoghtɨ kɨ me ko ikɨva,
ua me inigh ziar ekiam me danɨngam.
Gumazir kam Ikiavɨra Godɨn mɨkɨm suam,
"Nɨ nan dɨvazir gavgavimɨn mɨn itima,
kɨ nɨn aven uabɨ moga deravɨra iti.
Nɨ nan God.
Kɨ nɨghnɨzir gavgavim nɨrara iti."
Bar guizbangɨra, God bar deragh nɨ geghuv nɨn gantɨ,
Bizir kuratam azuazimɨn mɨn modogh ikɨ,
nɨn suiragh nɨ gasɨghasighan kogham.
Nɨ an dafarimɨn aven ikɨtɨ,
arɨmariar kuratam nɨ inightɨ,
nɨ aremeghan kogham.
En God, a uabɨ God, an en akurvasi.
Ikiavɨra Itir God, an en Ekiam, an en akurvazima, e ariaghiri puvatɨ.
O God, bizir kɨ fomɨra damuasa nɨ ko akam akɨrizim, kɨ a damuam.
Nɨ nan akurazɨ kɨ ovengezir puvatɨ.
Nɨ nan akurazɨ kɨ asaghpora irɨzir puvatɨ.
Kamaghɨn amizɨ, kɨ dughiabar zurara nɨ ko daru,
nɨn angazangarimɨn aven daru mangɨvɨra ikɨ ovegham.
Egh bizir nɨ amizir kaba bagh nɨ mɨnabɨva
ofa isɨ nɨ danɨngam.
Gumazamizir gavgaviba puvatɨziba ko, onganarazibagh amiba,
ia gumazir kurabar dafariba da ua me inigh.
O Ikiavɨra Itir God, nɨ ifuegh
zuamɨra izɨ nan akuragh!
Kamaghɨn dera, nɨn gumazamiziba osɨmtɨziba bativ,
egh zurara nɨ ko mɨkɨmtɨ,
osɨmtɨzim aperiar ekiamɨn mɨn me avigh mangɨsɨ izɨ,
me avigh mangɨghan kogham.
Livramento poderoso
Deus livrou Daniel dos leões, os jovens hebreus do fogo e Israel do Egito. Seu braço não é curto para salvar.
E guizɨn Godɨn ziam fe. Nɨ mɨkemezɨ moghɨn e damigh, eghtɨ en Godɨn gavgavim itim, an en akuraghtɨ, nɨn gavgavim ko danganir ekiar avir bar pamten isim, e a gitagham. God en akuragham. Eghtɨ an en akuraghan koghtɨ, nɨ bizir kam gɨfogh, e nɨn asebar ziaba fan koghɨva, egh uaghan teviba pɨrighɨva aviragh golɨn marvir guar nɨ asarazir kamɨn ziam fan kogham."
Dughiar kamɨn nan apaniba bar gavgavigha na abɨnasava ami.
Ezɨ Ikiavɨra Itir God, men dafariba da ua na ini.
Ezɨ Devit Eleasar ko, azenir kamɨn tongɨra mɨtɨghav ikia, Filistiaba nguazir kam inian men aghuagha, pamten me ko uariv sosi. Egha aning Filistian kabav soghezɨma me ariaghire. Arazir kamɨn, Ikiavɨra Itir God bar Filistiaba abɨrazɨ, Israelia deravɨra iti.
Ia pazɨ me damutɨ, me akurvazim bagh na bagh arangtɨ, kɨ men dɨmdiam baragham.
Datɨrɨghɨn ko dughiabar zurara,
kɨ guizɨn Godɨn ikiam.
Kɨ gumazamizitabar suiraghtɨ me nan agharimɨn ikɨtɨ,
tina nan gavgavim iriagh, nan agharimɨn me batuegham? Bar puvatɨgham.
Egh kɨ ingangaritam damutɨ,
gumazitam nan ingangarim tɨvaghan kogham."
Redenção e restauração
Todo aquele que invocar o nome do Senhor será salvo. Deus livra do pecado, da morte e de todo mal aqueles que se humilham diante dele.
Godɨn Akɨnafarim ghaze, "Ekiamɨn ziamɨn diaghamin adarasi, a men akurvagham." Kamaghɨn amizɨ, Godɨn vamɨra iti, a bar en Ekiam. Eghtɨ gumazamizir an deiba, a bar bizir aghuir avɨriba men akurvagham. Judaba ko Kantrin Igharazibar Gumazamiziba, Godɨn damazimɨn magh gari.
Ezɨ datɨrɨghɨn nɨ tizibav zuai? Nɨ dɨkavigh ruegh, an ziamɨn diaghtɨma a nɨn arazir kuraba gɨn amadagh.’ "
Ezɨ ia an Otarim mɨzuai, a Godɨn Nguibam ategh uamategham. Otarir kam aremezɨma God a gamizɨ, a ua dɨkafi. A Iesus, an en akurvasi, egh dughiar Godɨn anɨngagharim izamim, an en akuragham.
Eghtɨ ia nan akaba baraghan kogh, arazir kurabar amuam, kɨ amozimɨn tɨvaghtɨ a izan kogham, o kɨ odeziba amadaghtɨ da izɨ ian azenibar amam. O ia nan gumazamiziba, kɨ ia bagh arɨmariar bar kuratam amadagham. Eghtɨ dughiar kamɨn, ia nan gumazamizir kɨ uan ziam fasa inabaziba, ia uari abɨragh, na ko mɨkɨm, nan boroghɨn izɨ na baghvɨra ikɨ, egh ia uan arazir kuraba bagh navibagh iraghtɨ, kɨ uan Nguibamɨn ikɨ ian dɨmdiaba baragh ian arazir kuraba gɨn amadagh, egh ian nguazim damightɨ, a ua deragham.
Kɨ kamaghsua, Afeziam ziar ekiam uan Otarimɨn ingangarimɨn a iniam. Kamaghɨn, ia nan ziamɨn biziba bagh azangsɨghtɨ, kɨ dar amuam. Ia nan ziamɨn bizitam bagh nan azaraghtɨ, kɨ a damuam."
Iesus ghaze, a Godɨn Duam amadaghtɨ a izam
Egha Iesus ua kamaghɨn mɨgei, "Ia bar na gifueghɨva, egh ia deravɨra nan akaba baragh dar gɨn mangam. Eghtɨ kɨ Afeziamɨn azangsɨghtɨ, a gavgavim ia danɨngamin Akurvazir mam ia bagh anemangam. Eghtɨ a ia ko ikɨ mamaghɨra ikiam.
E fo, God gumazir arazir kurabagh amiba barazir puvatɨ. Gumazitam Godɨn ziam fɨva egh an ifongiamɨn gɨn mangɨtɨ, eghtɨ God a baragham.
Ia Godɨn boroghɨra mangɨtɨ, a ian boroghɨra izam. Ia arazir kurabagh amir gumazamiziba, ia uan navir averiabar amightɨ da zuegh, mati gumazamiziba uan dafariba ruezɨ da bar zue. Ezɨ ia gumazamizir nɨghnɨzir pumuning itiba, nɨghnɨzir kurar ian navibar itiba, ia da atakigh.
"Ia afeziar arazir kurabagh amiba, ia zurara bizir bar aghuiba uan boribagh anɨdi. Ia deraghvɨra kamaghɨn fogh, guizbangɨra ian Afeziar uan Nguibamɨn itim bar akueghvɨra bizir aghuiba isɨ gumazamizir a ko mɨgeibar anɨngam.
Gumazir kam datɨrɨghɨn God ko mɨkɨmtɨ an a baragham.
God an akurazɨ an ovengezir puvatɨ,
kamaghɨn amizɨ, a Godɨn damazimɨn izɨ an ziam fɨ bar akuegham.
Este artigo te tocou? Faça uma oração!
+581 estão orando agora.
Junte-se à corrente de oração.