Livro da vida

20 फिरी भी तुस इस गल्‍ली सेइं खुशी न भोइयथ कि भूतां तुश्शो हुक्म मनतन, पन इस गल्‍ली सेइं खुश भोइयथ कि तुश्शू नवं सुर्गे मां लिखेरूए।"

3 ते हे सच़्च़े मद्दतगार अवं तीं कां भी बिनती केरताईं, कि तू तैन कुआन्शां केरि मद्दत केर, किजोकि तैनेईं मीं सेइं साथी खुशखबरी फैलाने मां, क्लेमेंस ते मेरे तैन मद्दत केरनेबालन समेत मेहनत की, ज़ैन केरां नंव्वां ज़िन्दगरे किताबी मां लिखोरन।

8 ते धेरती पुड़ रानेबाले सेब्भी लोकेईं तैसेरी पूज़ा की। सिर्फ तैनेईं न की ज़ैन केरां नंव्वां ज़िन्दगरे किताबी मां दुनिया बनाने करां पेइले लिखोरां थियां। तै किताब गबड़ेरी ज़िन्दगरी किताबे ज़ैन बलिदानेरे लेई मारू जेवं।

8 ज़ै हैवान तीं लाव, ई पेइलो थियो, पन हुनी नईं रानो, ते अथाह कुण्डेरां निसेलो ते परमेशर तैस पूरे तरीके सेइं नाश केरेलो, ते ज़ैना लोक इस दुनियाई मां ज़ींने लगोरेन ज़ैन केरां नंव्वां परमेशरे दुनिया बनाने करां पेइले ज़िन्दगरे किताबी मां नईं लिखोरां, तैना इस हैवान हेरतां हैरान भोल्हे, ई हैवान पेइलो ज़ींतो थियो ते हुनी ज़ींतो नईं पन फिरी एज्जेलो।

बड्डो छ़ितो तखत ते आखरी न्याय

11 फिरी मीं अक बड्डो छ़ितो तखत ते ज़ै तैस पुड़ बिशोरो थियो लाव, ज़ेसेरे सामनेरां धरती ते अम्बर नश्शू, ते तैन केरे लेई ठार न मैल्ही। 12 फिरी मीं निकड़े बडे ज़ैना मर्रे थिये तखतेरे सामने खड़े लाहे, ते किताबां खोल्‍ली जेई; ते फिरी अक होरि किताब खोल्‍ली; मतलब ज़िन्दगरी किताब खोल्‍ली; ते ज़ेन्च़रे तैन किताबन मां लिखोरू थियूं, तैन केरे कम्मां केरे मुताबिक मुड़दां केरो न्याय कियो। 13 ते समुन्दरे तैना मर्रे मैन्हु दित्ते ज़ैना तैस मां थिये, ते मौतां ते पाताले ज़ैना तैस मां मर्रे थिये दित्ते; ते तैन मरां हर एक्‍केरो तैन केरे कम्मां केरे मुताबिक न्याय कियो। 14 ते मौत ते पाताल भी अग्गरे समुन्दरे मां शारू, ई अग्गरो समुन्दरे त दूइयोवं मौते। 15 ते ज़ेसेरू भी नवं ज़िन्दगरे किताबी मां लिखोरू न मैल्हू, तै अग्गरे समुन्दरे मां शारो जेव।

27 ते तैस मां कोई भिट्टी चीज़ या गन्दु कम केरनेबालो या झूठ बनानेबालो, केन्ची भी तरीके सेइं अन्तर न गालो; पन सिर्फ तैना लोक ज़ैन केरां नंव्वां गबड़ेरे ज़िन्दगरे किताबी मां लिखोरां भोल्हां।

आखरी दिहाड़ां केरि नबूवत

1 "तैस्से मौके मीकाएल नंव्वेरो स्वर्गदूतां केरे प्रधान, ज़ै तेरे कौमी ढ्लां केरि मद्दत केरनेरे लेई खड़ो रहतो थियो, तै उठेलो। तैखन एरी मुसीबतरो मौको भोल्हो, ज़ेरो कोन्ची कौमरे पैदा भोने करां लेइतां अज़ तगर कधे नईं भोवरो; पन तैस मौके तेरे लोकन मरां ज़ेत्रां केरां नंव्वां परमेशरेरी किताबी* मां लिखोरन, तैना बेंच़ी गाले। 2 ते ज़ैना ज़मीनी मां दबोरेन तैन मरां बड़े लोक ज़ींते भोल्हे, बड़े लोक हमेशारी ज़िन्दगरे लेई, ते बड़े एपनी बदनैमरे लेई ते बड़े भिट्टे ठहरनेरे लेई।✝

5 ज़ैना ज़ींत हासिल केरेले तैन इस्से तरीके सेइं तैन केरां ज़ेरां छ़ित्तां लिगड़ां लुवां गालां। अवं तैन केरू नवं तैस किताबी मरां हटेइलो ज़ैस मां परमेशरे तैन केरां नंव्वां लिखोरन ज़ैना हमेशारी ज़िन्दगी हासिल केरेले। अवं तैन केरू नवं अपने बाजी ते अपने स्वर्गदूतां केरे सामने एलान केरेलो।

16 तेरी एछ़्छ़ेईं अवं तैखने लाहोरो थियो,

ते मेरे सब अंग ज़ैना रोज़ बनते गाते थिये तैना बन्ने करां पेइले

तेरी किताबी मां लिखोरे थिये।

8 तू मेरे दरबदर फिरनेरो हिसाब रखतस;

तू मेरा ऐंखरू एपनी कुप्पी मां रख!

कुन तैन केरि चर्चा तेरी किताबी मां नईं?

26 किजोकि ज़ैस तीं सज़ाह दित्ती तैस्से तैना सतातन,

ते ज़ैना तीं ज़खमी किये, तैना तैन केरि तकलीफरी चर्चा केरतन।✝

27 तैन केरे अधर्मे पुड़ अधर्म बधो;

ते तैना तेरे धर्मे हासिल न केरन।

28 तैन केरू नवं ज़िन्दगरे किताबी मरां कट्टू गाए,

ते धर्मी लोकन सेइं साथी लिखू न गाए।✝

याद केरनेरी किताब

16 तैखन यहोवारो डर मन्ने बालेईं एप्पु मांमेइं गल्‍लां की, ते यहोवा तैन केरि गल्‍लां ध्यान देइतां शुनतो थियो, ते ज़ैना लोक यहोवारो डर मन्ते थिये, तैन केरे यादरे लेई तैसेरे सामने अक किताब लिखी गाती थी।

32 फिरी भी तू तैन केरो पाप माफ़ केरां नईं त एपनी लिखोरी किताबी मरां मेरू नवं केट्टी छ़डां।" 33 यहोवाए मूसे सेइं ज़ोवं, "ज़ैनी मेरे खलाफ पाप कियोरोए तैसेरू नवं मीं अपने किताबी मरां कटनुए।