Livro da vida

3 Ngɔn, afi ifiri ni imi ni tomong atsak, kabɔk, di sɛ banyining yɔng fɛ́ ba mi nye nyɛk ni i di sɛs mo ni tomong itaas ifɛ̀ itek, ngma nɛ ba Kilemen ni ishɛrɛp bafi itomong e, bayɔng fɛ́ ayerek bá se ni ifumung kutset.

8 Ngma banet azatse ya kukyɛng ashi me ntong, ba yet bayɔng fɛ́ da ba jɛk ayerek bá ni kufumung kutset neme dang na ba nye kazatse awo, kufumung e yet kufi kitsamang e fɛ́ ba kin tsɛɛt.

8 Kunyam-ayit fi ngɔn di yɔng, ku kin se neme, ku se vit kyɔrɔng, ku bi ti ku wuruk ni bong fi ku se vit nkum awo, ni ku ma tsɛng sak iwey ko. Banet azatse fɛ́ da bamang jɛk ayerek bà ni kufumung kutset neme ni itumung kazatse awo, ayɔɔt bi ka ba yit ni izen fɛ́ ba di kunyam-ayit e, nek ku kin se neme, ku se vit yɔkɔnɔng, ku bi ti ku bɛ.

Ishɔt igang e

11 Wat in di kuta igwɔm kukan e, ayɔng fɛ́ a sonong ni ko. Kazatse nɛ kaza wat ka te bit ashon wu, ba bit karɔ inyeseng ni ba. 12 In di bafaben, baratek nɛ babane, ni nyeseng ashon kuta igwɔm e. Ba tarak afumung, ba tɛ ba tarak kufumung kukak, kuyɔng fi ku yet kufumung kutset. Ba ras bafaben ishɔt, kpaf ni ikyɛng fɛ́ ba raas, fi i se ni ijɛk na afumung e. 13 Izek turung nkom banet fi nse ayɛt na, iku nɛ ari-irong nesek bafaben fɛ́ ba se ni na, kaakyɛ anet ba ku ra ishɔt kpaf ni ikyɛng fɛ́ a mi ra. 14 Ama anɔng, ba sok iku ni ari-irong sak ni kubong árong. Kubong árong e yet iku ifɛ́ afaa. 15 Ngma ayɔng fɛ́ da ba sɛ iyerek wu ni jɛk ayɛt kufumung kutset e awo, ba ku barak ni kubong irong e.

27 Vit ikyɛng fi i se gbiridik fi i bi nɔ ni iwɔp e, ke afi iras nkyɔrɔk nsum, ke bafi mbɔɔs ayi. Tit bayɔng fɛ́ ayerek bá di se ni jɛk ni kufumung kutset, kufi Kitsamang bi nɔ azɔng.

5 Ngma ayɔng fɛ́ a ya imara me, ba bi ku te kukpin kukan ti iba ba. Imi bi fuut iyerek wu ni kufumung ayerek bafi kutset awo, tit in bi tak iyerek wu ayet anaan ashon Ada hom nɛ batomaza wu.