Livro da vida

20 Kɛn a byɛ ebee mpaa osia me ndɔɔ yɛn ɛ̃fel mi ɛ̃bi-ɛ̃bi ɛ̃lweel byɛ, esia mpaa me ndɔɔ yɛn Nziã amaaswɛn ãnkuũ ã byɛ ke ywel!»

3 Yɛ hɛ̃ wu ndoo a mɛ̃ wa taa-taa wu ɔ̃sal, mɛ̃ nsɔɔ ola yɛ k’awuaal a akaal obɔ. Bɔ b’adzwaan mboo mɔ̃ ye mɛ̃ me ndɔɔ a Nsia yi Ngesɛ, emfa ngemɔ̃ onge Kelemã y’andoo a mɛ̃ b’ɔ̃sal bakyɛ, bɛn ãkuũ ãli onse ɔ̃nkaan wu elaã.

8 Baal b’ɔ̃kiri wueel abvi ndɛ olweel. Baal obɔ bɛn fa k’ési Nziã ɔ̃kiri, ãnkuũ ã bɔ k’ákel onse ɔ̃nkaan wu elaã wa Muaan-emɛmɛɛ̃ wu ábam wɛ.

8 Nyam wu emwɛn yɛ áli tsɔɔn mwiĩ, kɛn a meba, ndɛ k’abekal wɛ. Ndɛ àpal onse ywɛn li ela li ke nsɛn a nsie, bvool àyi nkel. Baal a nsie bɛn ãnkuũ k’áswɛn onse ɔ̃nkaan wu elaã fa ŋ’ési Nziã ɔ̃kiri wɛ, akieel akam ŋ’ekieel emwɛn bɔ nyam. Ke ngwel wɛ, ndɛ tsɔɔn áli mwiĩ, meba ndɛ k’abekal wɛ. Kɛn a ndɛ akieel apal bvool.

Otsiil b’ãndɔɔ bo ntɔ

11 Mɛ̃ bu mwɛn kiri li okwɛn li nɛn li fuu ye wu ábvi nsɛn nkal a lɔ. Nsie ye ywel ebal ke nkwel a lɔ, bvool k’abemwɛn bvɛ wɛ. 12 Mɛ̃ bu mwɛn b’ákwi-ákwi, akuul y’akiɔɔl, tɛ ke nkwel a kiri li okwɛn. Adzweel ɛ̃nkaan bvool adzweel ɔ̃nkaan ɔ̃kyam wu oli ɔ̃nkaan wu elaã. Atsiil ãndɔɔ ã b’ákwi-ákwi onge b’ákel onse ɛ̃nkaan omyɛ̃, m’emfa ki ɛ̃sal ɛ̃ bɔ. 13 Ãdza m’ɔ̃ngwa ãloo b’ákwi-ákwi me mɔ̃, epfu y’ola o b’ákwi-ákwi, oloo b’áli okɔ: Atsiil ãndɔɔ ã bɔ, mbuul bwɛn a mbuul m’emfa ki ɛ̃sal ɛ̃ ndɛ. 14 Atyel epfu y’ola o b’ákwi-ákwi onse yɛɛ e mbaa*. Yɛɛ e mbaa eli epfu li yuaal*. 15 Mbuul wɛn nkuun k’áswɛn onse ɔ̃nkaan wu elaã wɛ, atyel ndɛ onse ywɛn e mbaa.

27 Eluɔ ngemɔ̃ ki mbiin kieel k’esam bam onse lɔ wɛ, ekal b’asa ãndɔɔ m’opfuru wuo mã mfya. B’akieel asam onse lɔ, kɛn a bɛn ãnkuũ ã bɔ ákel onse ɔ̃nkaan wu elaã wa Muaan-emɛmɛɛ̃.

5 M’emfa okyɛ, wu akieel abvel mpɛn, akieel alaal ndɛ ekɔ bvi afuu-fuu. Mɛ̃ ndyam kieel k’edzeel nkuũ a ndɛ onse ɔ̃nkaan wu elaã wɛ. Mɛ̃ ekieel ekiool ke nkwel a Tal a mɛ̃ y’ãnzwel ã ndɛ wɛn ndɛ oli wa mɛ̃.