Livro da vida

20 पण ते बी भुतड़ा अमारो हुकम मानीन अमारा हक मे से करीन तमु खुस नी हय जो, बाखीन अमारा नाम ह़रग मे लीखाय र्‌या करीन खुस हय जो।"

3 ए मारा खरला हाती, मे तने बी वीन्‌ती करीन केम के तु तीहया बयरा नी मदत कर, काहाके तीहया मारी ह़ाते खुस-खबर ह़मळाव्‌वा मे, कलेमेस अने मारा बीजा ह़ाती ह़ाते मेहनत कर्‌या, आमनु आखा नु नाम भगवान नी अमर जीवाय नी कीताप मे लीखला से।

8 धरती नी सुरुवात नी पेले गेथात जीमना नाम बादा चड़ावलु गाडरु नी जीवाय नी कीताप मे लीखला से,✝ तीमने सोड़ीन आखा धरती पोर रेवा वाळा तीहया जंगली जानवर नी पुंजा करहे।

8 ✝जे जंगली जानवर तु देखलो से, तीहयु पेले ते जीवत्‌लु हतु पण हाव नी हय, ते बी तीहयु पताळ खाडा मे गेथु नीकळहे तात खत्‌तम हय जहे; अने धरती पोर रेवा वाळा आखा माणहु जीमना नाम धरती बणली तीहयी टेमे गेथा जीवाय नी कीताप मे लीख्‌या नी, आहयु जंगली जानवर नी आहयी हालत देखीन के पेले हतु अने हाव नी हय अने अळतेण आय लागहे, तीने देखीन वहराय जहे।✝

आखरी नीयाव

11 अळतेण मे एक धोळ्‌ळी राजगादी अने तीनी पोर बह रेला ने देख्‌यो, तीनी अगळ गेथा धरती अने वादळु नाह ज्‌या, अने तीमनो पतो तक नी चाल्‌यो। 12 अळतेण मे नान्‌ला-मोट्‌ला आखा मरला ने राजगादी अगळ उबा हय रेला देख्‌यो, अने कीताप उगाड़्‌या; अने अळतेण एक अळी कीताप उगाड़्‌या, मतलब जीवाय नी कीताप अने जेम तीहया कीताप्‌या मे लीखलु हतु, तेमेत तीमना कामु नी अनसारे मरला नो नीयाव कर्‌या।✝ 13 जे मरला दर्‌या मे हता तीहया मरला ने दर्‌या आप देदी, अने मोत अने पताळ बी तीहया मरला ने जे तीमनी मे हता, आप देदा; अने तीमनी माय्‌न एक-एक जणा नो तीमना कामु नी अनसारे नीयाव कर्‌या। 14 मोत अने पताळ ने बी आक्‌ठु नी दर्‌या मे नाख देदा। आहयु आक्‌ठु नी दर्‌या बीजी मोत से; 15 अने जे कोय नु बी नाम जीवाय नी कीताप मे लीखलु नी जड़्‌यु, तीने आक्‌ठु नी दर्‌या मे नाख्‌या।

27 पण कानी बी वीटळ्‌ळी चीज तीनी मे नी भराय सके, अने नी गलत काम करवा वाळा, अने नी झुट मेकवा वाळा मोय नी भराय सके, पण तीहया माणहु एतरात जीमनु नाम गाडरु नी जीवाय नी कीताप मे लीखलु से।✝

आखरी टेम

1 "तीहयी टेमे मुख्‌यो ह़रगदुत मीकाएल, जे तारा माणहु नी रखवाळी करवा उबो रेय, तीहयो उठहे, तत्‌यार एवी वेला नी टेम आवहे, जेवी काना देस ने बणवा गेथी हजु लग नी आयी, अने नी हये; पण तीहयी टेमे तारा माणहु मे जेतरा नु नाम भगवान नी कीताप मे लीखलु हहे, तीहया बच नीकळहे।✝ 2 जे धरती मे हेटा मड़ाट्‌या मे ह़ुय र्‌या तीमनी मे गेथा ढेरेत माणहु जाग उठहे कंय ते हमेसा नी जीवाय नी लेदे, अने कंय ने बदनामी अने हमेसा नी ह़ीगी नी लेदे ठेरहे।✝

5 ✝जे जीक जहे तीने एमेत धोळ्‌ळा लुगड़ा पेरावहे, अने मे तीनु नाम जीवाय नी कीताप मे गेथु कानी बी रीते कदी नी काटु; पण तीनु नाम मारा बाह अने तीना ह़रगदुत अगळ देखाड़ही के आहयो मारो से।"

32 ते बी हाव तु ईमना पाप ने माफ कर नीता तारी लीखली कीताप मे गेथु मारु नाम काट दे।"✝ 33 यहोवा मुसा ने केदो, "जे मारा वीरोद मे पाप करलु से तीनुत नाम मे मारी कीताप मे गेथु काट देही।