Livro da vida

20 ಹೊ ಕೆಟ್ಟ ಆತ್ಮಾವೊಬಿ ತುಮೊನೆ ವಿಧೆಯ ಥಾವಸ ಎ ಅದಿಕಾರ ತುಮೊನೆ ಛೆ ರ‍್ಹಯಲ ಹುತಿ ಖುಶಿ ಥಯೆ ನೈಸೊ ತುಮಾರಾ ನಾಮೊ ಸ್ವರ್ಗಮಾ ಬರ್ದಲ ಛೆ ಕವಾನಾ ಹುತಿ ಖುಶಿ ಕ್ಹು ರ‍್ಹವೊ.

3 ಮಾರಾ ಕ್ಹರಿನಾ ಕ್ಹಾತೆ ರ‍್ಹಯಲ ಸೆವಕ, ತೆ ಹೆಣ್ಣ ಮನಕ್ಹೊನೆ ಮದತ ಕರಾಲೊ ಥೌ ಕೈನ ಮಿ ತುಕನ ಮಾಂಗಿಲ್ಯುಸ. ತ್ಯುನೆ ಕ್ಲೆಮೆನ್ಸ್ ವರಿ ಮರಾ ಕ್ಹಾತೆ ರ‍್ಹಯಲ ಸೆವಕೊ ಮಾರಾ ಕ್ಹಾತೆ ಸುವಾರ್ತೆನಾಹುತಿ ಕೊಶಿಶ ಕರ‍್ಯಾ. ತ್ಯುನಾ ನಾಮೊ ಜಿವಭಾದ್ಯ ಬುಕ್ಕಮ್ಮಾ ಬರ್ದಲ ಛೆ.

8 ದುನಿಯಾಮಾ ರ‍್ಹಯಲ ಕ್ಹಾರಾ ಮನಕ್ಹೊ ತೆ ಖತರ್ನಾಕ ಜಾನ್ವರನೆ ಆರಾಧನಾ ಕರಸ. ದುನಿಯಾ ಶುರುತಿಬಿ ಖಲಾಸ ಥಯಲ ಬಕ್ರಾನಾ ಬಚ್ಚು಼ ಥಯಲ ಜಿವಭಾದ್ಯ ಪುಸ್ತಕಮಾ ಕಿನು ನಾಮ ಬರ್ದಲ ನತ್ತಿ ತೆಜ಼ ಎ ಮನಕ್ಹೊ ವ್ಹೈ.

8 ತು ದೆಕಲ ಎ ಜಾನ್ವರ ಯಕ್ಕ ಟೈಮ್ಮಾ ಜಿವ್ತು ವ್ಹತ್ತು, ಹಮ್ನಾ ನತ್ತಿ. ತೆನೈಸೊ ತೆ ಜಾನ್ವರ ಪಾತಾಳಮಾತು ಜಿ಼ವ್ತು ಥೈನ ಉಪ್ಪರ ಉಟಿನ ಆಯಲ್ಪರ ಹಾಳ ಥಾವಸ. ದುನಿಯಾಮ ಜಿವ್ನಾ ಕರಾಲಾ ಮನಕ್ಹೊ ತೆ ಜಾನ್ವರನೆ ದೆಕಿನ, ತೆ ಯಕ್ಕ ಕಾಲ್ಮಾ ಜಿವ್ತು ವ್ಹತ್ತು, ಹಮ್ನಾ ನತ್ತಿ. ತೆನೈಸೊ ವರಿ ತೆ ಆವಸ ಕೈನ ಘಾಬ್ರಾ ಥಾವಸ. ದುನಿಯಾ ತಯ್ಯಾರ ಥಾವಾತಿ ಅಗ್ದುರತುಜ಼಼ ಜಿವಭಾದೆ ಬುಕ್ಮಾ ಎ ಮನಕ್ಹೊನು ನಾಮ ಬರ್ದಲ ನತ್ತಿಜ಼.

ಲಾಸ್ಟನೊ ಫೈಸಲೊ

11 ತೆ ಥಯಲ್ಪರ ಮಿ ಬಿಜೆಕ ಮ್ಹೊಟಿ ಸಿಂಹಾಸನ ತೆ ಸಿಂಹಾಸನ್ಪರ ಬೈಟಲವಾಲಾನೆ ದೆಕ್ಯೊ. ತಿನಾ ಕ್ಹಾಮಾತಿ ಜಿಮಿನ ವರಿ ಹಬಾಳ ಗೈನ ದಡಿರ‍್ಹೈಗಯು. 12 ಮರಿಗೈಲವಾಲಾವೊಮಾ ನ್ಹಾನಾ ಮ್ಹೊಟಾ ಮನಕ್ಹೊ ತೆ ಸಿಂಹಾಸನ್ನಾ ಕ್ಹಾಮಾ ಹುಬ್ರಾಯಾತಾ. ತೆಳಾಮಾ ಜಿವಭಾದ್ಯ ಪುಸ್ತಕ ಖಲ್ಲಾ ಕರ‍್ಯಾ. ಬಿಜಾ಼ ಪುಸ್ತಕೊಬಿ ಖುಲ್ಲಾ ಕರಿನ ಮುಕ್ಕಯಾತಾ. ಮರಿಗಯಲ ಮನಕ್ಹೊ ವರಿ ತ್ಯುನೆ ಕರಲ ಕ್ಹಾರಾ ಕಾಮೊನೆ ದೆಕಿನ ತ್ಯುನೊ ಫೈಸಲೊ ಕರ‍್ಯಾ. ಎ ಕ್ಹಾರು ಪುಸ್ತಕೊಮಾ ಬರ್ದಲ ಛೆ.

13 ಸುಮುದ್ರಮಾ ಪಡಿನ ಮರಲ ಮನಕ್ಹೊನೆ ತೆ ಸಮುಂದರ ವಪ್ಸಿನ ದಿದ್ಯು. ಮೃತ್ಯು ಪಾತಾಳಮಾ ರ‍್ಹಯಲ ಮನಕ್ಹೊನೆ ವಪ್ಸಿನ ದಿದ್ಯು. ಹರಿ ಯಕ್ಕ ಮನಕ್ಹೊನೆ ತ್ಯುನಾ ಕಾಮೊನಾ ತಕ್ಕ ಫಸ್ಲೊ ಥಯೊ. 14 ಪಾಚಾ಼ತಾ ಮೃತ್ಯುನೆ ವರಿ ಪಾತಳನೆ ಆಗನಿ ಇರಮಾ ನಾಕಾ ಲಗಾಡ್ಯಾ. ಎ ಆಗನಿ ಇರ ಬೆವಾ ಮರಣ ವ್ಹೈ. 15 ಜಿವ ಭಾದ್ಯ ಪುಸ್ತಕ್ಕಮಾ ಕಿನೊ ನಾಮ ಬರ್ದಲ ನತ್ತಿ ತೆ ಮನಕ್ಹನೆ ತೆ ಆಗನಿ ಇರಮಾ ನಾಕಾಲಗಡಸ.

27 ಪರಿಶುದ್ಧ ನೈ ರ‍್ಹಯಲ ಗಾಮೊ ತೆ ಗಾಮ್ಮಾ ಆತುಜ಼಼ ನೈ. ಮರ್ಯಾದಿ ಕಾಡಾನಾ ಕಾಮೊ ಕರಾಲೊ ರ‍್ಹೈನೆಕಾ ಸುಳ್ಳ ಬೊಲಾಲೊ ರ‍್ಹೈನೆಕಾ ತೆ ಗಾಮ್ಮಾ ಕೆಳಾಮಾಜ಼ ಆತೊಜ಼ ನೈ. ಬಕ್ರಾನು ಬಚ್ಚು಼ ಥಯಲವಾಲೊ ಜಿವಭಾದ್ಯ ಪುಸ್ತಕಮಾ ಕಿನು ನಾಮ ಬರ್ದ್ಯೊಸ ತ್ಯುನೆ ಯಕ್ಕಜ಼ ತೆ ಗಾಮ್ಮಾ ಆ ಸಕಸ.

1 ತಾರಾ ಮನಕ್ಹೊನೊ ಪಕ್ಷ ಧರಿಲಿದಲ ಮಹಾಪಾಲಕ ಥಯಲ ಮಿಕಾಯೆಲ ತೆ ಕಾಲಮಾ ಉಟಸ ಪೈಲಾತಿ ಪೈಲಾ ಜನಾಂಗ ಹುಟ್ಟಲ ದಿನತಾಬಿ ತಯಾಲಕ್ಕಾ ಥಾವಾನಿ ತ್ರಾಸ ಥಾವಸ; ತೆಳಾಮಾ ತಾರಾ ಮನಕ್ಹೊಮಾ ಕಯಾ ನಾಮೊ ಸುರಳಿಮಾ ರ‍್ಹವಸತೊ ತ್ಯುನೆ ಕ್ಹಾರಾಜ಼ ವಾಚ಼ಸ. 2 ಧುಳನಿ ಜಿಮಿನ್ಮಾ ಘನ್ನಿ ನಿಂದರ ಕರಾಲಾವೊಮಾ ಘನ್ನಾ ಜ಼ನಾ ಉಟಿನ ದಕ್ಹಾಜ಼ನಾ ಹಮೆಶಾನೊ ಜ಼ಲಮ ಹೊಂದಿನ ದಕ್ಹಾಜ಼ನಾ ಹಮೆಶಾ ಠುಕ್ರಾವಾನು ಅನುಭವಿಸಸ.

5 ಝಿತ್ತಾಲಾ ಹರಿ ಯಕ್ಕ ಮನಕ್ಹನೆ ಆ ಮನಕ್ಹೊ ನಿಂಗತ ಧೊಳಾ ವಣ್ಣಾ ಘಾಲ್ಲಿವಸ. ತೆ ಮನಕ್ಹನು ನಾಮ ಮಿ ಜಿವಬಾದೆ ಬುಕ್ಕಮಾತೊ ಕಾಡಿ ಪಾಡ್ತೊ ನೈ. ತೆ ಮಾರೊ ವ್ಹೈ ಕೈನ ಮಾರಾ ಬಾನಾ ಕ್ಹಾಮೊ ವರಿ ತಿನಾ ದುತೊನಾ ಕ್ಹಾಮೊ ಕೌಸ.

32 ತ್ಯುನಾ ಎ ಪಾಪನೆ ಮಾಫ ಕರ. ತು ತ್ಯುನೊನೆ ಮಾಫ ನೈ ಕರ‍್ಯೊಮ ತಾರಾ ಜಿವಭಾದ್ಯನಾ ಪಟ್ಟಿಮಾತೊ ಮಾರು ನಾಮ ಉಕ್ಲಿ ಪಡ" ಕೈನ ಪ್ರಾರ್ಥನಾ ಕರ‍್ಯೊ. 33 ತೆನೈಸೊ ಯಹೊವಾ ಮೊಶೆನೆ, "ಮನೆ ವಿರುದ್ದ ಥೈನ ಪಾಪ ಕರಾನಾ ಮನಕ್ಹೊನಾ ನಾಮೊ ಯಕ್ಕಜ ಮಾರಾ ಪುಸ್ತಕತು ಉಕ್ಲುಸ.