1 ಯೊನನೆ ಯಹೊವಾನಿ ವ್ಯಾಕ್ಯಾ ಬೆವಾಸಲಾ ಐ, ವರಿ ಅಮ್ಮ ಕದ್ಯೊ. 2 "ತು ಉಟಿನ ಗೈನ ನಿನೆವಿ ಕವಾಲಾ ಮ್ಹೊಟಾ ಗಾಮೆಮಿ ತುನೆ ಕದಲ ಸಂದೆಶ ಕ್ಹಾರು ತ್ಯಾನಾ ರ‍್ಹಯಲವಾಲಾ ಮನಕ್ಹೊನೆ ಕೆ ಕೈನ ಕದ್ಯೊ. 3 ತೆಳಾಮಾ ಯೊನ ಉಟಿನ ಯಹೊವಾನಿ ಸಂದೆಶಲಿನ ನಿನೆವಿ ಗಾಮೆ ತನ್ನ ದಿನ್ನ ಪ್ರಯಾಣ ಯಕುಲು ಘನ್ನು ಮ್ಹೊಟುಗಾಮ ವ್ಹತ್ತು. 4 ಯೊನ ತೆ ಗಾಮ್ಮಾ ಗೈನ ಯಕ್ಕ ದಿನ್ನ ಯಕಲು ಪ್ರಯಾಣ ಕರ್ತೊ ಚಾ಼ಳಕ್ಹ ದಿನ್ನ ಥಯಲಪರ ನಿನೆವಿ ಕವಾನಾಗಾಮ ಪಾಡಾಲಗಾಡಿಪಡಸ" ಕೈನ ಕದ್ಯೊ.

5 ಎ ಐಕಿನ ನಿನೆವಿನಾ ಮನಕ್ಹೊ ಯಹೊವಾಪರ ಬರೊಕ್ಹೊ ಮ್ಹೆಲಿನ ಉಪಾಸ ಕರೊ ಕೈನ ಕದ್ಯಾ ಮ್ಹೊಟಾವೊತಿ ಧರಿನ ನ್ಹಾನಾ ಲಕ್ಕಾ ತೆಕಲಾ ಜ಼ನಾ ಕೊತಳಾ ಸುತ್ತಿಲಿದ್ಯಾ.

6 ಯೊನನು ಸಂದೆಶ ನಿನೆವಿನಾ ರಾಜಾ಼ನೆ ಮಳಿ ತೆಳಾಮಾ ತಿನಿ ಸಿಂಹಾಸನ ಛೊಡಿನ ಉಟಿನ ತಿನಾ ವಣ್ಣಾ ಕಾಡಿನ ಕೊತಳಾ ಸುತ್ತಿಲಿನ ರಾಕಮಾ ಬೈಟೊ. 7 ತೆ ತಿನಿ ವರಿ ರಾಜಾಧಿಕಾಧಿರಮಾತೊ ಆಗನ್ಯಾ ದಿದ್ಯೊ ಮನಕ್ಹೊ ಪ್ರಾಣಿಯೊನು ಹಿಂಡ ಸುಜ಼ ಸವಾದ ದೆಕು ನೈ ಖೌ ನೈಸೊ ವರಿ ಸುಜ಼ ಪ್ಯುನೈಸೊ, 8 ಕ್ಹಾರಾ ಘನ್ನಾ ಪ್ರಾಥನಾ ಕರಿಯೆ ಯಕೆಕ್ಲಾ ತ್ಯುನಾ ಕೆಟ ಕಾಮೊಚೊಡಿಪಾಡ್ಯಾ. ಮನಕ್ಹೊ ಜಾನವಬರಿ ಕೊತಳಾ ವಳ್ಳಿದ್ದಾ ತ್ಯುನಾ ಕೆಟ್ಟ ಕಾಮೊ ಛೊಡಿಪಾಡ್ಯಾ. 9 ಇಮ್ಮ ಕರ‍್ಯಾಮ ಯಹೊವಾ ಯಕ್ಕ ಟೈಮ ಮನಸ ಬದಲಾವಣೆ ಕರಲೆಸ ತಿನಿ ಶಿಟ್ಟ ಇಕ್ಹರಿನ ತಿನಿ ಮರಗಾ ಹಮ್ನೊನೆ ವಚಾ಼ಡಸ ಕೈನ ಕವಾನು ನಿನೆವಿ ಗಾಮ್ಮಾ ಕದ್ಯಾ.

10 ತೆಳಾಮಾ ಯಹೊವಾ ನಿನೆವಿನಾ ಗಮಾನಾ ತ್ಯುನಾ ಕೆಟ ಕಾಮೊ ಚೊ಼ಡಲ ದೆಕಿನ ಮರಗಿನ ತೆ ತ್ಯುನೊನೆ ಕೆಡಕ್ಹು ವಚಾ಼ಡ್ಯೊ.