1 ತೆ ನೈಸೊ ಎ ಕ್ಹಾರು ದೆಕಿನ ಯೊನ ಘನ್ನೊ ಬಾಜಾ಼ರ ಥೈನ ಶಿಟ್ಟ ಥಯೊ. 2 ತೆ ಸಿಟ್ಟ ಥೈನ ಯಹೊವಾನೆ ಪ್ರಾಥನಾ ಕರ‍್ಯೊ. "ಯಹೊವಾ ಮಿ ಮಾರಾ ದೆಶಮಾ ರಥಾ ಟೈಮಾಜ ಇಮ್ಮ ಥಾವಸ ಕೈನ ಕದ್ಯೊತೊ ನೈ ಇನಾಹುತಿ ಮಿ ಚು಼ಕೈಲಿನ ತಾರ್ಶಿಶಿನೆ ನ್ಹಾಟಿ ಚಾ಼ಲ್ಯೊತೊ. ತು ಮಯಾನು ರುಪ ವ್ಹೈ. ತು ದಯಾಳು ಮರಗಾಲೊ ವ್ಹೈ. 3 ತಿನಾಹುತಿ ಎ ಯಹೊವಾ ಮಾರೊ ಜ಼ಲಮ ಮಾರಾಮಾತೊ ಕಾಡ ಮಿ ವಾಚೊಬಿತಿ ಮರಿಜಾ಼ವಾನು ಚೊ಼ಕು ವ್ಹೈ" ಕೈನ ಮಾಂಗಿಲಿದ್ಯೊ. 4 ತಿನಾ ಹುತಿ ಯಹೊವಾ ತಿನೆ ತು ಸಿಟ್ಟ ಥಾವಾನು ಚೊ಼ಕು ವಹಿಸು? ಕೈನ ಪುಚ್ಯೊ. 5 ಪಚಾತೊ ಯೊನ ತೆ ಗಾಮ ಛೊಡಿನ ಪುರ್ವಬಗಲ ಗೈ ಯಕ್ಕ ಝುಪಡು ಭಾಂದಿಲಿನ ಗಾಮ್ಮಾ ಸು ಥಾವಾಡ್ಯುಸ ಕೈನ ದೆಕತೊ ಬೈಟ್ಯೊ. 6 ತೆಳಾಮಾ ಯಹೊವಾ ಯೊನಾನಾ ಉಪರ ಯಕ್ಕ ಬಳ್ಳಿನ ಬೆಳಸಿನ ಛವಲಿ ಕರ‍್ಯೊ ತಿನಿ ಹೊಂದಾಣಿಕೆ ಥವಾವರಕ್ಹು ಕರಲ ದೆಕಿನ ಯೊನನೆ ಘನ್ನಿ ಖುಶಿ ಥೈ. 7 ಮರ್ನಾ ದಿನ್ನೆ ಉಜಾಲು ಥಾತಾಮಾ ಯಹೊವಾ ಯಕ್ಕ ಕಿಡು ಕರ‍್ಯೊ. ವರಿ ತೆ ಕಿಡು ತೆ ಬಳ್ಳಿನೆ ಕುಕ್ಹೈನ ಜಾವಾವರಕ್ಹು ಮಾರ‍್ಯು. 8 ಸುರ್ಯೊ ಹುಟ್ತಾಮಾ ಯಹೊವಾ ಘನ್ಯೊ ಉನ್ನೊ ವಾರೊ ಕರ‍್ಯೊ ತೆಳಾಮಾ ತಡಕೊ ಯೊನಾನೆ ಮಾತಾಪರ ಲಾಗತಾಮಾ ಚಕ್ಕರ ಆವಾ ವರಕ್ಹು ಥಯು ಮನೆ ಮೌತ ಮಾಂಗಾಡ್ಯೊ ಮಿ ವಾಚಾ಼ತಿ ಬಿ ಮರಾನು ಚೊ಼ಕು ವ್ಹೈ ಕದ್ಯೊ. 9 ತೆಳಾಮ ಯಹೊವಾ ಯೊನನೆ "ತು ಬಳ್ಳಿನಾ ಹುತಿನ. ಶಿಟ್ಟ ಥಯೊಸ ಚೊ಼ಕು ವ್ಹೈಸು? ಕದ್ಯೊ ತೆ ಮಿ. ಮರಿಜಾ಼ವಾ ವರಕ್ಹೊ ಶಿಟ್ಟ ಥಾವಾನು ಚೊ಼ಕು ವ್ಹೈ ಕದ್ಯೊ. 10 ತೆಳಾಮ ಯಹೊವಾ ತು ಬಳ್ಳಿನಾ ಹುತಿ ಕಷ್ಟಪಡ್ಯೊನೈ ಬೆಳೆಶ್ಯೊ ನೈ ಯಕ್ಕ ರಾತಮಾ ಹುಟ್ಟಿನ ಯಕ್ಕ ರಾತಮಾ ನಾಷ ಥಯಲಹುತಿ ತು ಯಕ್ಲೊ ಕಾಳಜಿ ಕರಾಡ್ಯೊಸ. 11 ಇಮ್ಮ ರ‍್ಹತಾಮಾ ತ್ಯುನೆ ಸು ತಪ್ಪ ಕರಾಡ್ಯಾಸ ಕವಾನು ಗ್ವತ್ತ ನೈಸೊ ಯಕ್ಕ ಲಾಕ ಇಕ್ಹ ಹಜಾ಼ರ ಮನಕ್ಹೊನೆ ವರಿ ಜಾನವರೊನೆ ರ‍್ಹಯಲ ನೆನೆವೆ ಮ್ಹೊಟಾ ಗಾಮನೆ ಮಿ ಕೆಕ್ಲೊ ಚಿಂತಾ ಕರು ನೈಸು?. ಕದ್ಯೊ