Livro da vida

20 రైతోబి దుష్టంత్మాబి తూమ్‍నా ధేఖిన్‍ లోబాడుకరస్‍ కరి, ఖ్హూషీ నకో హూవో; తూమారు నామ్‍ పరలొకంమా లీఖైరూస్‍ కరి ఖ్హూషీ హూవొ.

3 హో, హాఃఛితి మద్దత్‍ కర్యొహొ యోబాయికా క్లెమెంతునాబి మారు అలాదా మద్దత్‍కరవాలతి సువార్త కామ్‍మా మారజోడ్మా ప్రయాసపడ్యుతే వాల అనహాఃజె ఇవ్నా మద్దత్‍కర్కరి తున బతిమాలుకరూస్‍. యో మద్దత్‍కరవాలను నామ్‍ జీవగ్రంథంమా లిఖ్కైరూస్‍.

8 జమీన్‍ఫర్‍ జవ్వాలుహాఃరుబి, కతొ ధర్తీఫైదాహుయూ* తెప్తూ కత్రాయిన్‍ఛాతె మ్హేండనుచెల్కునూ జీవగ్రంథంకనా కినూ నామ్ లిఖ్కాయ్‍రూకొయినికీ ఇవ్నే, యో జాన్వార్‍నా నమస్కారమ్‍ కర్చె.

8 తూ దేక్యొతె యోజాన్వర్ థూ పన్కి హంకెకొయిని; పన్కి యో గధర్ను పానిమతూ ఉప్పర్‍ ఆవనబీ నాష్‍ హువనాటేకెబి సిద్ధంతీ ఛా. జమీన్‍ఫర్‍ అద్మియేమా ధర్తికంతూ నిఖీన్‍ జీవగ్రంథంకనా కిను నామ్‍ లిఖ్కాయికోర్హాయినికీ ఇవ్నె, యోమృగంనూ హాఃమెతూస్‍ పన్కి హంకె కొయిని హుయూతొ అజు అగాడి ఆవ్సెతే సంగతి మాలంకర్లీన్‍ అష్యంహుషూ.

గొప్ప ధోళు సింహాషనంకనా తీర్పు

11 బుజు ధవళహుయూతె మోటుసింహాసనంనా ఇనహాఃమె బేసిన్‍ఛాతె ఏక్నా దేక్యొతొ; ధర్తీ, ఆకాష్‍ ఇన హాఃమెతూ దూర్‍ మిలాయ్‍లీదు; ఇవ్నా ఉబ్రనూ జొగొబి దెక్కాయుకొయినితిమ్‍ హుయు. 12 బుజు గొప్పవాలుహొ థోడువాలాహొ మర్యుహూ హాఃరు యో సింహాసనంనా హాఃమె ఉబ్రీన్‍ ర్హావను దేక్యొతొ. తెదె గ్రంథం చోఢాయు; బుజు జీవగ్రంథంనా అలాదు గ్రంథంనా చొఢొతెదె; యోగ్రంథాల్‍కనా లిఖ్కాయిన్‍ ఛాతె ఇవ్నాబట్టీన్‍ ఇవ్ను కామ్నుబట్టీన్‍ మర్యూహు న్యావ్‍ పొంద్యు. 13 ధర్యావ్‍మా ఇనమా ఛాతె మర్యూహునా ధరాయ్‍దిదూ; మరణ్‍నా పాతాళం ములక్‍నా ఇవ్ను కందెఛాతె మర్యూహునా ధరాయ్‍దిదూ; ఇవ్నమా హరేక్‍ జనూ ఇను కామ్‍బట్టీన్‍ న్యావ్ ‍పొంద్చె. 14 మరణ్‍నా మర్యూహుయు పాతాళంను ఆగ్ను గుండంమా నక్కాయ్‍గయూ; ఆ ఆగ్ను గుండంమాస్‍ బెంమ్మను మరణ్‍. 15 కినూ నామ్‍తోబి జీవగ్రంథంమా లిఖ్కాయుతిమ్‍ నాదెఖ్కాయుతొతెదె ఇను ఆగ్ను గుండంమా నఖ్కాయ్‍జాసె.

27 మ్హేండనుచెల్కనూ జీవగ్రంథంమా లిఖ్కాయుహుయు ఇవ్నేస్‍ ఇన్మా జావదీసె పన్కి నిషిద్ధ*హుయూతె కెహు హుయూతోబి, అసహ్యహుయుతోబి ఇనా ఛాడ్‍హుయూతె ఇనా కరావతె వాలొహుయోతోబి ఇనమహీ జాసేస్‍ జాసెకొయిని.

ఆఖిరిను వహాఃత్

1 యోధన్మా తారు అద్మియేను బాజు ఉబ్రిన్‍ ఛాతె గోప్ప అధిపతి హుయోతె మిఖాయేల్‍ ఆవ్సె. తెదె తారు అద్మియేను రాజ్యంనితర ఉబ్రిరూతె ధన్మా మొదుల్తూ ధరిన్‍ ఆ ధన్తోడి కెదెబి హుయుకొయిని యెత్రె ఆపదా హుషె; హుయితో తారు అద్మియేమ గ్రంథంమా నామ్‌ ఛాతె ఇవ్నె చుకైయి జాషె. 2 బుజు సమాధిమా నిందర్‍ లెంకరాతె కెత్రుకిజణూ హొషార్‍ హుషె; థోడుజణు నిత్యజీవంనా అనుభవించనటేకె; బుజు థోడుజణు నిందపాల్‍ హూవనటేకె; నిత్యంతీ అసహ్యులు హువనటేకె హషార్ హుషె.

5 జీతవాలొ ఇంనితరా ధోలు లుంగ్డనా పేర్లిసె జీవ గ్రంథంమాతూ ఇనూ నామ్‍ కెత్రేబి కన్నాకిదీస్‍ కొయినితిమ్, మార భానా హాఃమెబి ఇనూ దూతల్నూ హాఃమెబి ఇనా నామ్‍ ఒప్పిలీస్‍.

16 తెదే యెహోవా ఢర్ భక్తి వాలహుయున్ ఏక్తి ఏక్ మాట్లాడుకుంటున్నప్పుడు యెహోవా యో వాతే హాఃమ్జిన్ . యెహోవా ఢర్ భక్తి యో నామ్న గౌరవించే ఇవ్ను బారెమా జ్ఞాపకార్థంగా ఇను సన్నిధిన ఏక్ పుస్తకం లేఖనంమా లిఖాయ్రూస్.

32 అయ్యా థూ ఇవ్ను పాప్నా ఏక్తార మాప్ ఛాన, నహితో థూ లిఖ్యుతె తారు గ్రంథమ్ మాతు మారు నామ్ నుచ్ఛినాక్" కరి ఫొహ్ఃలాయిల్దొ. 33 అనటేకె యెహోవా కోన్ "మారు హాఃమె పాప్ కర్యొకి ఇను మారు గ్రంథమ్ మతూ నుచ్ఛినాఖిదీస్.