Mãe

13 Tsu na kamaci ka tsu kparusa maku ma̱ ni,

ta feu mi a kukparusa ɗa̱ nannai,

yi ta̱ a̱ kuciya̱ uremi wa̱ a̱ɗu n Urishelima.>>

3 Mayun, muku mo olobo kuneꞋe ku ɗa,

a̱ ubuta̱ u Vuzavaguɗu,

muku katsupu kaꞋa wa̱ ni.

Una̱singai wa aza a ukuna u mayun

1 Aza a̱ ma̱za̱nga̱ a ɗa ra̱ka̱

aza a na i a kupana wovon u Vuzavaguɗu,

aza a na i a nwalu a uye u ni.

2 Vi ta̱ a kulyaꞋa mele ma ulinga ma̱ nu,

m ma̱za̱nga̱ n kasingai

i ta̱ o ko okpo wa̱ nu.

Odoki u ka̱ɗa̱nga̱ni

8 Pana, Maku ma̱va̱, pana kadanshi ke esheku a̱ nu,

kpamu ka̱ta̱ vu ka̱sukpa̱ odoki a̱na̱ku a̱ nu ba,

9 adama a na kuyotsongu ku le

ki ta̱ o ku doku wu tsugbayin,

ka̱ta̱ okpo ili kuɗeku i singai a kuɗeku ku nu.

6 Yotsongu maku uye u na wa ku tono,

ko u kutsa ba ci wi a kucinukpa nu ɗa ba.

24 A̱ yi na utsu gbara maku ma̱ ni ba, u ciga ma ba,

ama a̱yi na u cigai maku ma̱ ni u tsu gbara ta̱ maku ma̱ ni mayin.

20 Maku mu ugboji u tsu zuwa ta̱ esheku a̱ ni u pana uyoꞋo

ama kalau ka tsu goyo ta̱ a̱na̱ku ni.

9 <<YaꞋin mayin, ka̱ta̱ i ka̱na̱ ka̱ci ka̱ ɗa̱ n tsuloboi adama a na ka̱ta̱ i cinukpa n i na a̱ɗa̱ ye enei n a̱shi a̱ ɗa̱ ba. Ka̱ta̱ kpamu i ka̱sukpa̱ ili i nampa yu uta̱ a̱ɗu a̱ ɗa̱, a ayin a na yi n wuma ba. Yotsongi muku n ɗa̱, ka̱ta̱ ele feu o yotsongu ntsukaya n ɗa̱.

12 <<Cikpa eshevu n a̱na̱vu, adama a na vi yongo ayin n a̱bunda̱i a iɗika i na Vuzavaguɗu Ka̱shile ka̱ nu ki e kuneke wu.

Vuka vu na vu tsu pana wovon u Ka̱shile

10 Yayi wa kufuɗa ku ciya̱ vuka vu usuɓi?

U lata̱ kazanariya ugain.

25 Uciyi koɓolo n usuɓi u ɗa aminya a̱ ni,

wi ta̱ o ku zoꞋoso a a yaꞋan e kelime.

26 U tsu yaꞋan ta̱ kadanshi n ugboji,

kuyotsongu ku ni ku singai ku ɗa.

27 U tsu la̱na̱ ta̱ muku ni mayin,

a̱ yi ili bura yi n wonvoli ba.

28 Muku ni n tsu ɗa̱ngu ta̱ ka̱ta̱ a cikpai

vali ni feu u tsu cikpai ta̱.

29 U tsu dana ta̱, <<A̱ma̱ci n a̱bunda̱i a tsu yaꞋan ta̱ i na a cikpa le,

ama avu vu laꞋa le ta̱ dem.>>

30 KuyaꞋan ku gaye u kuna u gbani u ɗa,

ama vuka vu na vu tsu pana wovon u Ka̱shile, a̱ yi ɗa ili ku cikpa.