Mal

13 Ra Anumzamofonku’ma koro’ma hunte’zana kefo avu’ava’ma huzankura kagotegahie. Agra’a agima erisga nehuno, avufga ra nehuno, havi avu’ava nehuno, akrahe akrehe ageru’ma aru’zana navesra hunentoe.

10 Ra Anumzamofoma avesima nentaza vahe’mota, kumimofona tamefi humiho. Tamagu’areti’ma huta amage’ma nentaza vahe’mota, Ra Anumzamo’a kegava huramantegahie. Ana nehuno kefo avu’ava zama nehaza vahe zamazampintira tamagu vazigahie.

14 Kefo kavukava’ma nehanazana atrenka knare kavukva huo. Arimpa fruma huno mani zankuke nehakenka, ana kavukavake huo.

133 Kagra huvempama hu’nana kante antenka, kama vanoma hanufina kegava hunanto. Ana’ma hanankeno’a kefo avu’ava zamo’a nazeri nagate oregahie.

16 Hagi tamagra ti fretma agru nehutma, Nagri navure’ma havi tamavu tamava’ma me’neana eri netreta, kumi’ma hu’zana atreho.

7 Kagraka’a antahizankura knare hu’ne hunka eri antesga osunka, Anumzamofonku koro huntenka agorga’a nemaninka, havi avu’ava zana kamefi humio. 8 E’i ana’ma hanankeno’a, kavufa kazeri neganamreno, zaferina ka’a kazeri hanavetigahie.

21 Tamagra atrenkeno havi avu’avazamo’a tamazeri agate’oreno, hianagi knare tamavutamava hutma havi avu’avara agatereho.

Avesintezamofo nanenke

9 Tamage hutma vahe’mofona zmavesizmanteho. Kefo avu’ava zana tamagena hunenteta, knare avu’ava zana azeri hankavetiho.

Poli’a vagare zmavumro zmante’nea naneke

17 Hagi nafu nagnahete, hankavetina ama kea neramasamue, Amu’nontamifima atane’zama avrenente’za, koma rempi huramigeta antahi’naza ke’ma, havigeretima eme rempi huramiza tamentintima eri kragogo negiza vahekura, kva hunetma mani kore hutma ogantu’a maniho.

5 Ana masamo’a hanizana remsa hunetreankino hanizamo’a agateore’ne.

15 Mago’mo’e huno havizama huntesimofona, nona’a havizana huonteno. Hianagi maka kna knare avu’avaza ohunte ahunte nehutma, maka vahetera anahukna tamavutmava huzmanteho.

21 Hianagi rezaganetma makazana ke so’e nehutma, knarema hunesiazana azeri akona hiho. 22 Ana nehutma, maka havi avu’ava zampintira maniganeta maniho.

13 Ana nehunka tatregeta rerahe’zampina uoframaneno. Hianagi hankromofo azampintira taza hunka tavro. [Na’ankure Kagri mona kumamo mevava hugahie. Tamage.]*

15 Nagra ama mopareti zamavare atrogura nosue, hagi havi ne’mofo azampinti zamazeri anovazisanegu nehue.

7 Ra Anumzamo’a kagrira kegava hugante’sigenka, so’e hunka nemaninka hazenkea e’origahane. 8 Meninteti’ma agafa huteno henkama maninoma vaniana, inantego vunka enka’ma hananana Ra Anumzamo’a avua anteno kegava hugante vava huno vugahie.

18 Ra Anumzamo maka havizampinti nahoke heno nenavreno, Agrama nemania kumate monafinka kva hunanteno navareno vugahie. Agra konaririnentake masa’afi nemanimofo agi’a maka zupa hentesga huvava hanune. Tamage.

11 Maka Anumzamofo ha' kukena eri hankreho, ana nehutma Sata’ma reramatgama hania zampina oti hanavetitma manigahaze.

12 Na’ankure tagra mopafi vahe’enena hara nosune, hagi mopafi kva hu’naza vahe’ene, hihamune havi avamutamine, mopafi hanizamofo kva hu’naza ha' vahe’ene, mona kankamumpima kefozamofo ha' avamu’ene hara nehune.

26 Tamarimpa hegahianagi, ana zampina kumira osiho, tamarimpa hesuta zaza kna omanita ko eri so’e hutenkeno zage’a ufreno. 27 Hankromofona (Satana) mago kankmuna tamagra omiho.

20 Tamagra nagrira nazeri haviza hu’nazanagi, Ra Anumzamo’a rama’a vahe zamaza hunaku nentahino anara hu’neankino, menina ana zamo’a fore nehie.

21 E’ina hu’negu mika agru osu avu’ava zana erinetreta, tamagu’afima kefo avu’avazama me’nesiana erinetretma, anteramitma, tamagu tamema tamaguma vazisia nanekema Anumzamo’ma tamagu’afima hankre’neana eriho.

9 Hianagi tagrama kumitima huama hanunkeno’a, Agra tamage huno fatgo hu’neankino, kumitia atreranteno maka fatgo osu avu’avapintira sese hurantegahie.

20 Hagi Jisasi’a anage huno zamasami’ne, Vahe’mofo zmaguafinti atiramiazamo, zamazeri pehena nehie. 21 Vahe’mofo agu’afinti’ma efore’ma nehiana, havi agu’agesa antahi’zane, monko zane, kumzafa se’zane, vahema ahe fri’zana ne-e, 22 arave hu’nea a’ene vene monko avu’ava hu’zane, agraguke antahi’zane, havi avu’ava’ene, vahe’mofo krunage hunte’zane, vahe’mofo kumipi avrente avu’avazane, vahe’mofo zanku kenunu hu’zama, knare vahe’mofo havige hunte’zane, neginagi avu’ava hu’zane, avufga eriantesga hu’zane, 23 ana mafkazana vahe’mofo agu’afinti atiramiazamo vahera azeri pehena nehie.

12 Vahe’ma antahi havizama hu’zamo’a, ha' fra hu’za eri fore nehie. Hianagi vahe’ma avesima ante’zamo’a, miko kefozana refi’nete.

9 Monafi sondia vahe’mofo Ra Anumzamo’a amanage hu’ne, knare huta maka vahe knazana refko nehuta, mago mago’mota asunku ohunte ahunte nehuta knare avu’ava ohunte ahunte hiho. 10 Ana nehuta kento a’nene, megusa mofavreramine, ruregati’ma tamagri’enema emani’naza vahe’ene, zamunte omane vahe’enena knazana zamita zamazeri havizana nosuta, tamagra ramagra ontahi haviza antahi havizana huta tamazeri haviza osiho.