Mal

13 Man we i stap ona long Hae God,

hem i no laekem ol fasin nogud,

i agens long olgeta.

Mi mi no laekem nating

fasin blong praod,

mo fasin blong luklukdaon long narafala man,

mo fasin nogud, mo fasin blong giaman,

mi mi agens long olgeta.

10 Hae God i lavem ol man blong hem.

Olgeta oli stap agens long ol rabis fasin,

mo hem i stap lukaot gud long laef blong olgeta,

mo taem we olgeta oli stap long

paoa blong ol man nogud,

hem i stap tekemaot olgeta.

14 Yufala i no moa mekem ol rabis fasin,

yufala i mekem ol samting nomo we i gud.

Long olgeta tingting blong yufala,

yufala i mas wok had blong mekem pis.

133 Plis yu lukaot gud long mi

blong mi no foldaon long sin.

Plis yu holem promes blong yu,

yu no letem rabis fasin i winim mi.

Psalms

16 Yufala i mas wasem yufala, blong yufala i kam klin. Yufala i mas finis long ol rabis fasin ya we yufala i stap mekem long fes blong mi. Yufala i mas lego ol fasin ya we oli no stret,

7 ✝I nogud yu ting se yu yu wan waes man. Yu mas tinghevi long Hae God, yu mas ona gud long hem, mo yu mas tanem baksaed long ol fasin nogud. 8 Sipos yu mekem olsem, fasin ya bambae i olsem gudfala meresin we i save mekem ol soa blong yu i finis, mo i save mekem ol sobodi blong yu i no moa soa.

21 Bambae yufala i no letem ol rabis fasin i winim yufala. Yufala i mas holemstrong ol stret fasin blong yufala, blong winim ol rabis fasin.

9 Yufala i mas lavem ol man, we yufala i no giaman. Oltaem yufala i mas agens long ol rabis fasin, be yufala i mas holemstrong ol gudfala fasin.

Lastok blong Pol long olgeta

17 Ol brata mo sista. Mi mi talem strong long yufala, se yufala i mas lukaot gud long olgeta we oli wantem mekem yufala i seraot, mo we oli wantem spolem bilif blong ol man. Yufala i no mas go klosap long olgeta. Olgeta oli stap agens long ol tok ya we yufala i kasem finis long ol man we oli tijim yufala long hem.

5 Laet ya i stap saen long tudak, mo tudak i no save winim hem.

15 Sipos wan man i mekem i no stret long wan long yufala, yufala i mas lukaot gud blong bambae yufala i no go givimbak fasin we i no stret long man ya. Yufala i mas traehad oltaem blong mekem i gud long yufala mo long ol narafala man tu.

21 Yufala i mas traem olgeta samting fastaem, nao yufala i save holemstrong ol samting we oli gud. 22 Be olgeta samting we oli nogud, yufala i mas agensem, yufala i no go klosap long olgeta.

13 Yu no letem ol samting oli kam traem mifala tumas,

mo yu blokem Setan* i no kam spolem mifala.’*

15 Mi mi no askem long yu blong yu tekemaot olgeta long wol ya. Mi wantem blong yu blokem man nogud ya Setan*, blong i no kam spolem olgeta, yu holem olgeta oli stap gud oli sef.

7 Hae God bambae i blokemgud yumi

blong trabol i no save kasem yumi.

Hem bambae i lukaot gud long yumi,

i sevem yumi.

8 Taem yumi goaot long haos blong yumi,

gogo yumi kambak bakegen,

be hem i stap lukaot gud long yumi.

Hem bambae i save lukaot gud long yumi oltaem nomo,

i stat naoia,

gogo i no save finis.

18 Masta ya blong yumi, hem bambae i tekemaot mi long han blong olgeta man nogud ya we oli wantem spolem mi, mo bambae i holem mi mi stap gud, gogo i tekem mi mi go long niufala wol ya we hem i king long hem. Yumi mas leftemap nem blong hem oltaem, gogo i no save finis. Amen.

11 Yufala i mas kasem paoa blong God, we i olsem olgeta samting blong faet we i blong blokem ara. Nao taem Setan* i stap wokem ol giaman trik blong hem, be bambae yufala i save stanap strong.

12 Olgeta ya we yumi stap faet agens long olgeta long laef blong yumi, oli no man. Yumi stap faet agens long ol devel we oli stap olbaot long wol ya. Hemia ol lida blong olgeta, mo olgeta we oli gat paoa, mo ol jif blong olgeta we oli stamba blong ol fasin blong tudak long wol ya.

26 ✝Mo Baebol i talem se, "Sipos yufala i kros, yufala i no letem we kros ya i lidim yufala, blong yufala i mekem sin." Mo yufala i no stap kros, gogo kasem san i godaon. 27 Yufala i mas no givim janis long Setan*.

20 Yufala i mekem plan blong mekem i nogud long mi, be God i kafsaedem plan ya blong yufala, i mekem we gudfala samting i kamaot long hem. Hem i yusum plan ya blong yufala blong mekem plante man oli stap laef. Olgeta ya oli stap laef tede, be from ol samting ya nomo we yufala i bin mekem.

21 Yufala i mas sakemaot olgeta rabis fasin i gowe long laef blong yufala. God i putum tok we i save sevem yufala i stap finis long tingting blong yufala, nao yufala i mas mekem tingting blong yufala i stap daon, blong harem tok ya.

9 Be sipos yumi talemaot ol sin blong yumi long God, yumi save bilif long hem, from we fasin blong hem i stret oltaem. Hem bambae i fogivim yumi from ol sin blong yumi, mo i tekemaot ol fasin blong yumi we i no stret, i mekem yumi klin.

20 Mo hem i talem se, "Be ol samting ya we i kamaot long insaed blong man, hemia nao i save mekem man i doti long fes blong God, 21 from we insaed long tingting blong man i gat ol samting olsem i save kamaot. Man i save gat rabis tingting, mo i save mekem nogud wetem gel, mo i save stil, mo i save kilim man i ded. 22 Man i save stilim woman blong narafala man, mo woman we i mared finis i save go slip wetem narafala man. Man i save wantem tumas ol samting blong narafala man, mo i save mekem ol fasin we i no stret. Man i save giaman, mo i save mekem doti bisnes, mo i save jalus. Man i save tok nogud blong spolem nem blong narafala man, i save flas, i save mekem ol krangke fasin. 23 Ol rabis fasin ya oli kamaot long tingting blong man, mo oli stap mekem man i doti long fes blong God."

12 ✝Man we i no laekem narafala man, i agens long hem, hem i stap pulum trabol i kam, be man we i lavem narafala man, hem i save fogivim hem from ol samting nogud we hem i mekem long hem.

9 "Mi mi Hae God, mo mi gat olgeta paoa. Bifo, mi mi bin givim tok blong mi long ol man blong mi, mi talem se, ‘Ol laen* blong Isrel.* Yufala i mas soemaot stret fasin blong jajem man, mo yufala i mas kaen, yufala i mas gat sore long ol narafala man. 10 Yufala i no mas mekem i strong tumas long ol wido, mo long ol pikinini we papa blong olgeta i ded, mo long ol strenja we oli stap wetem yufala. Yufala i mas givhan long ol puaman, mo yufala i no mas mekem plan blong spolem narafala man.’