Maria

ईशूए ज़ल्म हणें बारै

26 इलीशिबा सुंदी हणें छ़हा भिन्‍नैं बाद छ़ाडअ परमेशरै जिबराईल नाओं स्वर्ग दूत गलील मुल्खै नासरत नाओंऐं नगरी एकी कुंआरी सेटा। 27 तैहा कुंआरी नाअं त मरिअम अर तेसे बरनीं ती दाबेदे राज़े खिंबे एकी युसुफा नाओंऐं मर्धा संघै हुई दी। 28 स्वर्ग दूत आअ तैहा सेटा भितरी संघा बोलअ तैहा लै, "तेरी हणीं बधाई, परमेशरै दैनअ ताल्है जश अर प्रभू आसा ताह संघै।"

30 तेखअ बोलअ स्वर्ग दूतै तैहा लै, "हे मरिअम, तूह निं फिकर करी ताल्है किई परमेशरै झींण। 31 भाल़, तूह हणीं सुंदी अर तेरअ हणअ एक शोहरू अर तूह डाहै तेऊ नाअं ‘ईशू।’✝ 32 सह हणअ महान अर परम प्रधान परमेशरो पूत। परमेशर बिधाता तेरै दाद-बाब राज़ै दाबेदे राज़गाद्दी तेऊ लै।✝ 33 तेऊ करनअ याकबे घरानै दी सदा राज़, अर सह हणअ सदा लै राज़अ।"✝

ईशूओ ज़ल्म

18 ज़धू ईशू मसीहो ज़ल्म हुअ, सह हुअ इहअ कि ज़धू तेऊए ईज मरिअम कुंआरी आसा ती, तेसे बरनीं लाई युसुफा संघै। तिन्‍नें बैहा हणैं का आजी हुई मरिअम पबित्र आत्मां करै सुंदी।

मरिअमो स्तोती भज़न

46 तेखअ बोलअ मरिअमै,✝

"मेरी आत्मां करा प्रभूए ज़ै-ज़ैकार

47 अर हुंह हुई उद्धार दैणैं आल़ै परमेशरा करै खुश।

48 किल्हैकि तेऊ भाल़ी हुंह ज़ुंण तेऊए दासी अर तैही भाल़ा,

एभा पोर्ही जुगे-जुगे लोगा बोल़णअ इहअ कि परमेशरै दैनी मुल्है बर्गत।

49 किल्हैकि स्वर्गे सारी सैने मालक परमेशरै किऐ मुल्है बडै-बडै काम

अर तेऊओ नाअं आसा पबित्र

50 अर तेऊए झींण हआ तिन्‍नां लै ज़ुंण तेऊए डरा हेठै रहा,

अर सह झींण रहा पोस्ती दर पोस्ती बणी।

51 "तेऊ रहैऊअ आपणीं बाहो बल✝

अर ज़ुंण आप्पू बडअ समझ़ा तै तिंयां दरल़ाऊऐ तेऊ सातै-बातै।

52 तेऊ किअ बडै-बडै राज़ैओ राज़ खतम,

अर दुखी-दल़िदर किऐ बडै।

53 भुखै दैनै तेऊ बधिया गल्‍ला करै रज़ैऊई

अर सेठ काढै रित्तै हाथै दरल़ाऊई।

54 "आपणैं च़ाकरी करनै आल़ै इज़राईलीए किई तेऊ हेर-सभाल़

कि तिंयां तेऊए झींण आद डाहे,

55 ज़ुंण आबरामा अर तेऊए खिंबा दी सदा रहणीं।

"ज़िहअ तेऊ म्हारै दादा-बाबा का बोलअ त।"✝

4 एता लै डेऊअ युसुफ बी किल्हैकि सह बी थिअ राज़ै दाबेदे खिंबा का। सह डेऊअ गलील मुल्खे नासरत नगरी का यहूदा मुल्खै बेतलेम राज़ै दाबेदे नगरी लै। 5 युसुफ बी डेऊअ मरिअमा संघै आपणीं हणैं आल़ी लाल़ी मरिअम ज़ुंण सुंदी ती, ज़हा संघै तेऊ बरनीं ती लाई दी ताकि सह नाअं दर्ज़ करी सके।

6 तेखअ तिन्‍नें बेतलेम नगरी रहंदी हुऐ मरिअमे सूंणें धैल़ै पूरै। 7 तैहा दैनअ आपणैं ज़ेठै शोहरू लै ज़ल्म अर तैहा पल़ेटअ सह झिकल़ै दी अर तेखअ डाहअ सह च़राठी भितरी। किल्हैकि तिन्‍नां निं सराईं भितरी रहणा लै ज़ैगा भेटी ती।

19 पर मरिअमै डाही ईंयां गल्‍ला आपणैं मन्‍नैं अर सह लागी आपणैं मन्‍नैं सोठदी।

34 तेखअ दैनी शमौनै तिन्‍नां लै बर्गत अर शोहरूए ईज मरिअमा लै बोलअ, "हेर, अह शोहरू आसा इज़राईले खास्सै मणछा लै बनाश अर खास्सै मणछा ज़िऊंदै हणां लै टांकअ द। अह हणअ परमेशरो एक नछ़ैण अर कई लोगा करनअ एऊओ बरोध।"✝ 35 इधी तैणीं कि कई मणछे गुप्त सोठ बी हणीं प्रगट अर तिछी तलबारा ज़िहै दुखा करै बिन्हणअ तेरअ आपणअ मन्‍न।

48 इहअ भाल़ी हुऐ तेऊए ईज-बाब बी रहैन अर तेऊए ईज मरिअमे बोलअ, "आरा शोहरूआ, तंऐं किल्है किअ हाम्हां संघै इहअ? हुंह अर तेरअ बाब थकै ताह लोल़ी-लोल़ी?"

49 तेऊ पुछ़अ तिन्‍नां का, "तम्हैं मुंह लोल़ै किल्है लागै? तम्हां का इहअ निं थोघै कि मुंह आसा आपणैं बाबे घअरै रहणअ ज़रूरी?" 50 पर ज़ुंण अह गल्‍ल तेऊ तिन्‍नां का बोली, तिंयां निं ऐहा गल्‍ला समझ़ै।

51 तेखअ डेऊअ सह तिन्‍नां संघै अर नासरत नगरी पुजै अर सह रहअ तिन्‍नें साबै तिधी अर तेऊए ईजै डाही ईंयां गल्‍ला आपणैं दिलै।

3 ज़ांऊं बरातू लै दाखे रसे कामीं पल़ी। ईशूए ईज लागी बोल्दी, "घअरा आल़ै का निं दाखो रस रहअ।"

4 ईशू बोलअ तैहा लै इहअ, "ईजै, ताह निं एते फिकर करने ज़रुरत आथी?

"अज़ी निं मेरअ बगत आई।"

5 तेखअ बोलअ ईशूए ईजै दासा लै, "ज़िहअ-ज़िहअ अह तम्हां लै बोले, तिहअ-तिहअ करै।"

25 ईशूए ईज, तेसे बैहण, अर कलोपासे लाल़ी मगदल़ गराऊंए मरिअम ती तिधी क्रूसा सेटा खल़्हुई करै भाल़ी लागी दी। 26 ज़ांऊं ईशू आपणीं ईज अर आपणअ च़ेल्‍लअ ज़हा संघै ईशू झ़ूरी करा त, तिधी खल़ै भाल़ै, ईशू बोलअ आपणीं ईजा लै, "ईजै, भाल़, अह आसा तेरअ शोहरू।" 27 तेखअ बोलअ ईशू तेऊ च़ेल्‍लै लै, "अह आसा तेरी ईज।" तेखअ निंईं तेऊ च़ेल्‍लै तेभी सह आपणैं घअरा लै।

ईशूए ईज अर भाई

31 तेखअ आऐ ईशूए ईज अर भाऊ तेऊ भाल़ै। तिंयां खल़्हुऐ घअरा बागै अर तिन्‍नैं दैनअ ईशू लै समाद कि बागै एछी कर हाम्हां संघै गल्‍ला।

32 ईशू फेर तै खास्सै मणछ कठा हुऐ दै, तिन्‍नां मांझ़ै बोलअ एकी ईशू लै, "भाल़, तेरी ईज, तेरै भाऊ अर बैहण आसा बागै ताह न्हैल़ै लागै दै, तिंयां च़ाहा ताह संघै गल्‍ला करनी।"

33 ईशू दैनअ तिन्‍नां लै ज़बाब, "मेरी ईज अर मेरै भाई अर बैहण कुंण आसा?" 34 तेखअ भाल़अ ईशू आप्पू फेर अर ज़ुंण तिधी थिऐ, तेऊ बोलअ तिन्‍नां लै, "भाल़ा, मेरी ईज अर मेरै भाई अर बैहण आसा ईंयां। 35 मेरी ईज, मेरै भाई बैहणी आसा तिंयां ज़ुंण ज़िहअ परमेशर बोला तेही ई ज़िन्दगी ज़िऊआ।"

55 अह कै युसुफ छदाणो शोहरू निं आथी? एऊए ईजा नाअं मरिअम निं आथी? एऊए कान्हैं भाऊ नाअं याकब अर युसुफ, शमौन अर यहूदा निं आथी? 56 एऊए सारी बैहणी कै हाम्हां मांझ़ै निं आथी? तै एऊ ईंयां सोभै गल्‍ला किधा का भेटी?

14 ईंयां सोभै शधाणूं तै कबल्‍लै एक मन्‍न हई प्राथणां करदै लागै दै। तिन्‍नां मांझ़ै तै प्राथणां करदै होर च़ेल्‍लै बी अर कई बेटल़ी ज़ुंण प्रभू ईशू संघै हआ तै अर प्रभू ईशूए ईज मरिअम अर ईशूए दूई भाऊ।