Maria
Maria, mãe de Jesus, é honrada nas Escrituras como a mulher escolhida por Deus para trazer ao mundo o Salvador. Sua fé, humildade e obediência são exemplo para todos os cristãos.
A escolhida de Deus
O anjo Gabriel anunciou a Maria que ela seria mãe do Filho do Altíssimo. Ela respondeu com fé: 'Faça-se em mim segundo a tua palavra.'
Jesu Pui lanpaw Hotynaw
Sawpaw sah taruhnaw lyakhe Pachia nynh vaawpaw Gabriel kha Galilee ram, Nazareth a ci hae paw khua kya umpaw liaccady kalan a saw, tuh-e liaccady tuh David ciihan athuapaw a min Josef a ci hae paw ccungccapaw elang a dypya vae hae paw thua zah a min tuh Mary acikuh. Vaawpaw nynh tuh-e nung kalan yn thua zah, "Maehoynaw a ccounung, na tungvaw hythuanaw um sah! Bawipaw tuh na kya a um," a cipya.
Vaawpaw nynh, "Mary, rih nan, pawccecize Pachia nynh nang kha maehoynaw ae pya. Ccaaw na poi cih zah Ccapaw na saah cih, a min tuh Jesu cite na phu cih. Aning tuh a lesaepaw athua cih zah Ahang Huaccepaw Pachia Ccapaw cite ko athua cih, Bawipaw Pachia nynh amaw tuh a minpaaw David kya-e bawitungkhung kha a pya cih. Aning nynh Jakob ciihan kha zungzae a uk cih zah a peenaw tuh thang boi lan khyh," a cipya.
Jesu Khri Puinaw
Jesu Khri a puinaw tuh hynhte nynh thua: a nung Mary kha Josef nynh a haaw, thuasalama a umkheih maw hae ze Mary tuh Thyaa Muisaw liate ccaaw a poi.
O Magnificat
Maria cantou: 'Minha alma engrandece ao Senhor!' Seu cântico exalta a misericórdia, o poder e a fidelidade de Deus.
Mary Hlaw
Mary nynh,
"Ka thinlung nynh Bawipaw kha
the a hoysah,
ka hiinnaw tuh yn Khumtu
Pachia kya a lungtua.
Pawccecize a seenung
a nyaanaw kha ningpah khyh.
Atu te she takyh kya
hythua ccounung cite
yn ko vae cih hae.
Pawccecize Athungpaw Pachia nynh
myarya lepaw uccaw hae kha
ka hanlan yn cyipya vae;
a min tuh athyaa.
A thawccinaw tuh amaw raw
a rih hae paw tungvaw kya
she takyh atyn.
A thungnaw khate
a thawzung kha a langsah;
mih thinlung kya
a lysakuh hae paw kha
pong a phiasaku hae.
Athungpaw ccungccaw hae kha
mih bawitungkhung kyate
sahbung hae zah,
a nyaa hae paw kha a hangthung hae.
Mih vuelaw hae paw kha
uccaw hoypaw te a kua hae,
mihoi hae kha mih kuih ccakaete
a cciasah hae.
Ah minpaawhae kya,
Abraham kya te
a ciihan hae kya a hosya vae hawte,
a ngaethya-umsahnaw kha liathui zah
a seepaw Israel kha
phe a bawm vae," a ci.
Josef mah David ciihan athua keiccuze, Galilee ram Nazareth khua kyate Judea ram Bethlehem a ci hae paw David khua lang a cceih. A zu lang a dykupaw Mary ryte milu riaku lan a cceih hae; Mary tuh ccaawpoi zah, tuin kya a um lya hae khe, neitaw pui lan aninsaw akyh. Mary a ccatawccaw tuh yn pui zah nolung te a lung koute, vaetua looh-aenaw kua kya a isah; pawccecize minmin hanlan mikhia thuanaw inn kya akhaan um vae khyh.
Mary nynh tuh-e balyn tuh a thinlung kya ccykekuh zah thawte a tua.
Simeon nynh minmin kha hythuapya hae zah a nung Mary kha, "E imua tuh Israel hae patae khulia nawlan te tho nawlan Pachia nynh a popaw nynh thua. Amaw tuh ccungccaw hae nynh a thethyasah hae paw te Pachia kyate yn thuapaw syntawnaw athua cih zah, mih thinlung kya-e tuanaw balyn kha a langsahtu lang a tang cih. Thaloi nynh namaw na thinlung kha mah ae thuing cih," a cipya.
A nung te a paaw nynh he a muih hae tuh, mih ngaeangthua zah, a nung nynh, "Ka ccapaw, pawccemou kaening hynh hynhte nae cyi? Dotua, na paaw te kae tuh thinphangte nang kha kae ccung," a cipya. Jesu nynh minmin kha, "Pawccemou nae ccung oh? Ka Paaw inn kya ka um lanpaw nynh ka thua cipaw na nyh khyh oh tou?" a cipya hae. A hopya hae paw bya kha minmin nynh thaethya khyh hae. Te Jesu tuh a nung a paaw hae ryte cceihbung hae zah Nazareth khua a thua hae, aning nynh minmin kaw kha a ngae. A nung nynh e konglang balyn hynh a thinlung kya a ccykeku.
Mãe fiel até o fim
Maria acompanhou Jesus desde o nascimento até a cruz. Ela estava entre os discípulos no Pentecostes, fiel em oração.
Misutui he athang tuh, Jesu a nung nynh, "Misutui hoi vae khyh hae," cite Jesu kha a hopya. Jesu nynh, "Nopinung, nang tuh kae te hein kya pawmou ah sekuh? Ka ccyh thua loh khyh," a cipya. A nung nynh thohae hae kha, "Aning nynh ae hopya oh paw miakaw kha cyih vae oh lou," cite a hopya hae.
Tuh ccyh lyakhe Jesu a vaelantung pe khe Jesu a nung te a nung neitawnung athuapaw Klopas zu Mary te Mary Magdalin tuh a thadyn hae. Tukeiccuze Jesu nynh a nung te a sungsahpaw a zuitupaw a thadyn hae paw kha he a muih tuh, a nung kha, "Nopinung, khah-e kha na ccapaw," a cipya. Tukoute a zuitupaw kha, "Khah-e kha na nung," a cipya. Tuin ccyh kyate tuh-e zuitupaw nynh Jesu nung kha a inn lang a cciakhae.
Jesu Vaeccaw hae Ccaccing
Jesu a nung te a neitawpaw hae tuh oun thua hae zah atolang khe a thadyn hae, te ccungccaw saw hae zah amaw kha a kosah hae. Jesu pepan a haung hae paw ccungccaw zapi nynh amaw kha, "Dotua, na nung te na neitaw hae te na ccianung hae nynh tungku ae ry hae zah atolang nynh a um hae," a cipya hae. Jesu nynh, "Hum hae mou ka nung te ka neitaw hae tuh?" cite a khung hae. Te a pepan a haung hae paw kha po do hae zah, "Dotua oh, e hae hynh ka nung te ka neitaw hae! Humhung zemah Pachia rynaw a raepaw tuh ka neitaw, ka ccianung te ka nung nynh thua," a ci.
E paw tuh lehccamapaw ccapaw thua khyh tou? A nung tuh Mary ci hae paw thua khyh tou? A neitaw hae tuh James, Joses, Simon te Judas thua khyh hae tou? Te a ccianung hae tuh mih balynte aening ryte a um hae paw kha thua khyh tou? Tuhteze paw kyate mou e paw nynh e uccaw hae balyn hynh a mue?" a ci hae.
E hae balyn tuh Jesu a nung Mary te a neitaw hae ry, nopi hae ryte lunglokute apaekuh lei lan saw a sang hae.
Este artigo te tocou? Faça uma oração!
+581 estão orando agora.
Junte-se à corrente de oração.