O marido
A Bíblia define o papel do marido com clareza: amar a esposa como Cristo amou a Igreja, ser fiel, protetor e líder servo no lar.
Amar como Cristo amou
Maridos, amai vossas mulheres como Cristo amou a Igreja e se entregou por ela. O amor do marido deve ser sacrificial e incondicional.
Vawpaw hae, Khri nynh khriccaawbuu kha sungsah zah khriccaawbuu hanlan a pyaku hawte, nae zu hae kha sungsah oh.
Tukeiccuze vawpaw hae nynh mimaw mih pyn a sungsah hae hawte mih zu hae kha a sungsah hae aho. A zu a sungsahpaw tuh amaw a sungsakuhpaw nynh thua.
Tukeiccuze vawpaw hae nynh mimaw mih pyn a sungsah hae hawte mih zu hae kha a sungsah hae aho. A zu a sungsahpaw tuh amaw a sungsakuhpaw nynh thua. Pawccecize amaw a pyn a huapaw hum sanmah um khyh, Khri nynh khriccaawbuu kha do-oih zah a kua hawte, amaw pyn kha do-oih zah a kua,
Tuhzemah nanning lu raveih nynh naemaw na sungsaku oh hawte nae zu hae kha sungsah oh, te zu nynh a vawpaw kha saw a tua cih.
Hiinnaw Thawpaw elang Phung hae
Tukeiccuze hynbya kha nung biate, nanning lu raveih nynh nae innpaw hae ryte byaccing kha ho oh, pawccecize aening tuh lu kheit te lu kheit pyn kya-e hae nynh ah thua oh. Nae thinria salamah sei nan oh, nae thinrianaw khate khuanin ccawsah nan oh. Satan kha umnaw ua nan oh. Aruhpaw ccungccaw nynh kharouh ruh nan vae sah, thuasalama ahoboupaw ccungccaw kha pyabua lanpaw a hoi nawlan, amaw a kuih te ahoypaw ryalaw kha zuakute lah sah. Anungsikuhpaw bya kaw kheit san nae khalang kyate pou nan sah. Thuasalama a thaetu hae kha Pachia thawccinaw a neethungbua nawlan, thawzung tynsathungnaw hanlan athanepaw ahoypaw bya palia kha pousah oh. Sawkhawnaw nin hanlan nanning tazeih ae khianaw oh paw, Pachia Thyaa Muisaw kha thinlungccisah nan oh. Thinlung kya phang poipaw balyn, bungpawnaw, thinrianaw, sianuakupaw, te thethya hokupaw, milae rosah rynawpaw balyn kha nae kyate vua oh. lu kheit te lu kheit thawccihkuh thya oh lah ngaethyaumsakuh oh, Khri kya Pachia nynh ae ngaethya vae oh hawte lu kheit te lu kheit ngaethyakuh oh.
Vawpaw hae, nae zu hae kha sungsah oh lah, minmin kya reisakuh nan oh.
Innbyn hanlan Phung hae
Zu hae, Bawipaw kya angaekuhpaw athua hawte nae vawpaw hae kaw kha ngae oh. Vawpaw hae, nae zu hae kha sungsah oh lah, minmin kya reisakuh nan oh.
Hynh-e hae balyn laelan, accingpaw lunglokunaw liate pawpaw balyn a sueluapaw sungsakunaw khate ccaankuh oh.
Fidelidade conjugal
O casamento é honroso e o leito conjugal é santo. O marido deve ser fiel à esposa da sua juventude em pensamento e ação.
Ccungccaw balyn nynh zuvaw tangnaw hynh sawtua lanpaw nynh thua, te zuvaw tangnawpaw ikhung mah thusah lanpaw thua khyh; a ohhuakuh hae paw te milae zu milae vawpaw ryte a sei hae paw tuh Pachia nynh byapia cih hae.
Na tuidy kya-e tui,
na tuisung kyate aphyhpaw tui kha neih.
Na tuidy tuh atolang
phiariphiarae phiasakute,
vaw taraw hae tuh laanpi hae kya
luasah lan accan zawtou?
Tuh-e hae tuh na makhae hanlan thua sah lah,
ming hae ryte bungku lanpaw thua nan sah.
Na tuidy tuh hythuapya thuasah lah,
na no lya-e na zu kyakhe hoysahte umtua,
aning tuh ry lan umpaw sazuh,
apuithyapaw sazuh pinung hawte nynh thua.
A matei nynh accyh takyh kya
na lungry ae ccingsah sah;
a sungsahnaw khate zungzae la ruikhaekuh.
Ka ccapaw, pawcce ccangpaw nopi khate
na ruikhaekuh cih zah,
a ccouseikuhpaw by kha na pom cih?
Thuasalama kae hopya oh, humhung zemah nopi lu kheit kha seikhae rynaw mit te a do lanze a thinlung kya tuh-e nung kha phe a seikhae vae.
Thuasalama kae hopya oh, humhung zemah ohhuakunaw keiccu thua leite a zu kha a mya ze tuh-e nung kha milae vawpaw kya a seisahpaw nynh thua; te humhung zemah a mya hae paw nopinung kha zu lang a umkhaepaw tuh milae zu a seikhaepaw nynh thua.
Tukeiccuze minmin tuh lu ning thua vae khyh hae, pyn pynkheit nynh athua vae hae. Tukeiccuze Pachia nynh a suelua vae paw kha humhung nynh mah phia nan sah," a ci.
Pise nynh vawpaw athuanawpaw a rya kha ccingsah sah lah, nopi nynh mah zu athuanawpaw a rya kha ccingsah sah; mih lu ning te mih rynaw kha lungryachikhaekuh kalang hae sah. Zu nynh amaw a pyn kya kaw hoi khyh, vawpaw nynh a hoi. Tuhawte vawpaw nynh mah amaw a pyn kya kaw hoi khyh, a zu nynh a hoi.
Sawsangnaw rae khylan accyh sosoh na khyakuh oh zah nawccawkheih te na sibia oh paw laelan, lu kheit te lu kheit nae rynaw kha myapakuh nan oh; tuh-e ccyh he athang te, bua umkheih oh, tuhteze nynh na sungku kho khyh oh keiccuze Satan nynh ae tuhou lan khyh oh.
Zu, vawpaw a hoi hae paw kha kae nynh kaw ka pya hae, thuasalama tuh-e tuh kamaw kyate thua khyh, Bawipaw kyate yn thuapaw nynh thua: Zu nynh a vawpaw kha mah nan sah. A mya ze vawpaw hoi leite um sah, tuhkhyhze a vawpaw te bua ccawkuhthui hae sah. Vawpaw nynh a zu kha mah nan sah.
Tuhlaepaw mingccang hae kalan, Bawipaw nynh thua leite, kae nynh ka hopaw tuh: zyntu lukhakheit nynh zynleitu athuanung kha zu lang hoi zah, tuh-e a zu nynh a vawpaw ryte umkheih lan a nawccaw ze, a zu kha mah nan sah.
Ohhuakunaw kha sibia oh! Ccungccaw nynh a raepaw seinaw miakaw tuh pyn atolang nynh a um; thuasalama ohhuakunaw a raepaw tuh amaw a pyn kya a sei vae.
Convivência com sabedoria
O marido sábio vive com a esposa com entendimento, dando-lhe honra como co-herdeira da graça. A união conjugal reflete Cristo e a Igreja.
Tuhawte vawpaw hae nanning, zu hae tuh a thawzya huapaw nopi nynh athua hae cipaw kha nyh oh; hiinnaw te asekuhpaw thawccinaw rho a ccoubua hae paw athua hae hawte sawtuanaw pya oh lah, thaekuthyanaw te umkheih oh; tuh-e tuh nae sawsangnaw akhawpaw a um khyh nawlan nynh thua.
Tukeiccuze pisepaw nynh a nung te a paaw kha cciataw zah a zu te a umkheih hae, te minmin tuh pyn pynkheit lang a tang hae.
Karankunaw, pooku minthaan rynaw te pawsang mah cyih nan oh, ming hae kha naemaw laeze ahoy huapaw lante zakawsangsakunaw thinlung te tua oh. Nanning lu raveih nynh mawmaw thanenaw kyalya kha do leite ming hae thanenaw kha mah dobia oh.
Khuanin kaw kya Pachia nynh ae pyapaw, accakaepaw na hiinnaw ccyh balyn kha na sungsahpaw na zu ryte lungpawte mang oh, pawccecize tuh-e tuh khuanin kaw na hiin lungkhu na hanpaw thua zah, thawte rya na law mee nynh thua.
Zu a muekuhpaw tuh
uccaw hoypaw
a muekuhpaw thua zah,
Bawipaw kyate
maehoynaw kha a mue.
Hum nynh sanmah lukhakheit tungvaw hoyleinaw kha hoyleinaw te a liaru khyh nawlan raeringkuh sah, naemaw te naemaw kya thuasah, ccungccaw balyn kya thuasah ahoypaw kha rae lan zuakuh zungzae oh.
Te Bawipaw kha na beik ry khyh oh ze, atunin kya na beik lan oh paw kha pokuh oh; Vaw khuraw lang e ram kya nae minpaaw hae nynh a la beik hae paw pachia hae tou, tuhkhyhze na umnaw oh Amor hae pachia hae kha tou na pokuh cih oh; thuasalama kae te ka innbyn hae tuh Bawipaw kha kae beik cih," a ci.
Ahiinpaw Pachia Beikinn
Zynleitu hae ryte anginkuh leipaw puihnawpaw ccong kha puihkheih nan oh. Pawccecize adingpaw te ading leipaw tuh pawtemou a mungkuh kho cih hae? Awnaw te mohnaw tuh pawtemou a vaeccawkuh kho cih hae?
Sungsakunaw tuh a lungsae zah thawccinaw a hoi; sungsakunaw tuh eiungnaw hoi khyh; sungsakunaw tuh pookuh khyh, lysakuh khyh, a othah khyh. Amaw thanenaw hanlan ccungkuh khyh, a thinriathya khyh, cyiseinaw kha phang ccyke khyh; hoyleinaw kya a lungtua khyh, thuasalama byaccing kya a lungtua; sungsakunaw tuh pawpaw balyn kha a ngaesang kho, pawpaw balyn kha a zyn, pawpaw balyn kha a ngaehoi, pawpaw balyn kha phang a ngaesang.