26 For what profitith it to a man, if he wynne al the world, and suffre peiryng of his soule? or what chaunging schal a man yyue for his soule?

36 For what profitith it to a man, if he wynne al the world, and do peiryng to his soule?

9 For thei that wolen be maad riche, fallen in to temptacioun, and in to snare of the deuel, and in to many vnprofitable desiris and noyous, whiche drenchen men in to deth and perdicioun.

7 For we brouyten in no thing in to this world, and no doute, that we moun not bere awey ony thing.8 But we hauynge foodis, and with what thingus we schulen be hilid, be we paied with these thingis.

7 For we brouyten in no thing in to this world, and no doute, that we moun not bere awey ony thing.8 But we hauynge foodis, and with what thingus we schulen be hilid, be we paied with these thingis.

19 Nile ye tresoure to you tresouris in erthe, where ruste and mouyte destrieth, and where theues deluen out and stelen;20 but gadere to you tresouris in heuene, where nether ruste ne mouyte distrieth, and where theues deluen not out, ne stelen.

21 For where thi tresoure is, there also thin herte is.

21 Jhesus seith to hym, If thou wolt be perfite, go, and sille alle thingis that thou hast, and yyue to pore men, and thou schalt haue tresoure in heuene; and come, and sue me.

1 Betere is a good name, than many richessis; for good grace is aboue siluer and gold.

16 Welde thou wisdom, for it is betere than gold; and gete thou prudence, for it is precyousere than siluer.

16 Betere is a litil with the drede of the Lord, than many tresouris and vnfillable.

6 But a greet wynnyng is pitee, with sufficience.

17 Amen. Comaunde thou to the riche men of this world, that thei vndurstonde not hiyli, nether that thei hope in vncerteynte of richessis, but in the lyuynge God, that yyueth to vs alle thingis plenteuously to vse;

5 Be youre maneres withoute coueitise, apaied with present thingis; for he seide, Y schal not leeue thee,

5 Therfor sle ye youre membris, whiche ben on the erthe, fornycacioun, vnclennesse, letcherie, yuel coueitise, and aueryse, which is seruyse of mawmetis;

15 And he seide to hem, Se ye, and be ye war of al coueytice; for the lijf of a man is not in the abundaunce of tho thingis, whiche he weldith.

10 Where ben many richessis, also many men ben, that eten tho; and what profitith it to the haldere, no but that he seeth richessis with hise iyen?

15 Outirli it is a wretchid sijknesse; as he cam, so he schal turne ayen. What therfor profitith it to hym, that he trauelide in to the wynde?

18 while that we biholden not tho thingis that ben seyn, but tho that ben not seyn. For tho thingis that ben seyn, ben but durynge for a schort tyme; but tho thingis that ben not seyn, ben euerlastynge.

11 The catel of a riche man is the citee of his strengthe; and as a stronge wal cumpassinge hym.

4 Richessis schulen not profite in the dai of veniaunce; but riytfulnesse schal delyuere fro deth.

5 Reise not thin iyen to richessis, whiche thou maist not haue; for tho schulen make to hem silf pennes, as of an egle, and tho schulen flee in to heuene.

26 Al dai he coueitith and desirith; but he that is a iust man, schal yyue, and schal not ceesse.

8 Make thou fer fro me vanyte and wordis of leesyng; yyue thou not to me beggery and richessis; yyue thou oneli necessaries to my lijflode;

9 Also wymmen in couenable abite, with schamefastnesse and sobrenesse araiynge hem silf, not in writhun heeris, ethir in gold, ethir peerlis, ethir preciouse cloth; but that that bicometh wymmen,10 biheetinge pite bi good werkis.

32 And of al the multitude of men bileuynge was oon herte and oon wille; nether ony man seide ony thingis of tho thingis that he weldide to be his owne, but alle thingis weren comyn to hem.