Medo da morte

14 Bʉʼka mbʉ vâa nɔ bɛ bʉə ndə bɔ̂ŋ kie mbɔʼ-mbʉə ghɔŋbə fɔbʉəkə, Jiso nə mbəŋ-ɛŋ ghɔ nɔ kə gwè bɛ nə bɔŋ, kie mbɔʼ-mbʉə ghɔŋ fɔbʉəkə. Ɔ nɔ kə kie ntɛ mbʉə-ɔ̄ mbɔ tíŋ hə ndəŋ kwú, ɔ chʉʼ ghɔ́ʼ ghʉəʼ-Debulu-kə ndə ɔ kə kie ghʉəʼ-kwú-kə. 15 Bɔŋleʼ tíŋ hə bɔ̌ŋ yɔ̄ŋ-yə, mbɔ ɔ chʉʼ fí tʉ-bʉə-kə ndə bɔ̂ŋ nɔʼ kə bɛ fʉəhə ndə chîmbibə-ʉə nchəŋnchəŋ-ɛŋ bʉʼka bɔ̂ŋ nɔ nə kə́ fàa mbɔ bɔ̂ŋ bu kwú.

54 Ndʉʉ ndə bə bu kwɛ́nə mbʉəhə-ʉʼʉ, ndə bəkɔ i fɛ̀, ndə məbɛ mbʉə təmə i mə nə fɛ̀ fɛ, leʼ kwɛ́nə mbʉəhə ndə i tʉʼ kwú ndəŋ mbʉəhə təmə i mə nə kwú fɛ, ndʉʉmɛ, ŋgiekə bu fyú shʉəŋ ndə bə nə nyɔ̀ʼ mu ŋwɔʼnə-Nyii mbɔ,

"Bə nɔʼ yí kwú, yú chɔ̂-ɛ.*

55 Oo kwú, ghʉəʼkə-a ba?

Oo kwú, mənyɔ-a ba?"*

56 Bʉʼka mənyɔ-kwu ndə ɔ̃ tɛ́ wo nə yɔŋ nɔ bɛ bʉ̂ʼʉ, ghʉəʼ-bʉ̂ʼʉ-kə kə́ bɛ nuʼ ndə Mushi kə nyɔ̀ʼ. 57 Bɔŋ ndɔ tʉ Nyii ndə ɔ̃ kɔ́ ghʉəʼkə tʉ bʉʼʉ ndə məyú chɔ̂ tíŋ hə bɔ̌ŋ Jiso Klai Tiekətʉ-yʉʼʉ.

4 Nɔ, ndʉʉ ndə bʉʼʉ kə fí muu, bʉʼʉ nɔ kə kwú, bə tyuu bʉʼʉbə Klai mɔʼɔ. Mbɔ haʼ ndə bə kə bʉ̀nə kóʼhə Klai ndəŋ kwú tíŋ hə bɔ̌ŋ fɔŋ kəghʉəʼ Nyii mbʉ Tie, bəkɔ mbəŋ-yʉʼʉ ghɔ kie məchímbi fefe.

5 Bʉʼka mbɔ kaʼ bʉʼʉ nɔʼ tùo bʉʼʉ bɔŋ ndə ntɛ kwu-i, i nɔ dʉ̀ʼ mbɔ bʉʼʉ bu tùo ndə ntɛ məkoʼ-e ghɔ.

24 "M̈ɔ kɛŋ shyíi bii nə shʉəŋ mbɔ wotəmiyɔŋ ndə ɔ̈ yʉ́ ŋgiekə-ɔŋ bɔŋleʼ bɛ́ŋ wo ndə ɔ tə́ŋ mɔ nɔʼ kie məchímbi təmə liʼ-i ghɔ fɛ. Bə bieleʼ nə chʉ̀ə ŋkwɛ-ɛ bʉəbʉə fɛ, ɔ nɔʼ tíŋ hə ndəŋ kwú gɛ̀ ndə məchímbi.

25 Jiso ghɔ̀ŋ tʉ ɔŋ mbɔ, "Mɔ nɔ bɛ məbʉ̀nə kóʼ ghɔŋbə məchímbi. Wotəmiyɔŋ ndə ɔ bɛ́ŋ mɔ, kaʼ ɔ kwúkwú, ɔ bu kie məchímbi.

51 "M̈ɔ kɛŋ shyíi bii nə shʉəŋ mbɔ kaʼ wo tʉ́ʼ ŋgiekə-ɔŋ mu fyii-ɔ, ɔ nə nyíɛ kwú nə shʉ-i fɛ."

16 "Bʉʼka Nyii nə kʉ̀ʉ wʉʉnəmbikə yɔ́ŋyɔ́ŋ mənɔ, ɔ kɔ́ mbyu Vaa-ɛ imɔʼ mbɔ wotəmiyɔŋ ndə ɔ bɛ́ŋ ɔŋ, bíeleʼnə kwú bɛ́ fɛ, bɔŋ bu kie məchímbi təmə liʼ-i ghɔ fɛ.

18 Ntɛ ŋkʉ̂ʉ-ɔ kie faa-kwu-kə fɛ, bʉʼka ŋkɛŋ ŋkʉ̂ʉ ndə ĩ gɛ̀ kùu nɔ tyʉ́əŋhə faa-kwu-kə inchəŋ mɛ̀ʼ bɔ̌ŋ. Bʉʼka w̃o ndə ɔ fàa, nɔ gɛ̀ ghɔŋbə ŋkwɔʼtə mbɔ bə bu gwúu ɔ. Yɔ̄ŋ-yə dʉ̀ʼ mbɔ ŋkʉ̂ʉ-Nyii bɛ mu ɔŋ gɛ̀ kùu fɛ.

28 "Kə bii mə kə́ fàa bʉə ndə bəkɔ bɔ̂ŋ yí ŋkwê mbʉə-yii təmə mə yí lyʉʉhəkə-ii fɛ. B̈ii fàa bə wo ndə bəkɔ ɔ yí lyʉʉhə-wo-kə ghɔŋbə mbʉə-e kɔ́ mu viʼi.

4 Ɔ bu yʉ̀əʼ shʉmə shʉ-bɔŋ inchəŋ, təmə kwú leʼnə bɛ ghɔ fɛ, təkɔmə məlí kwú, təmə məgwía kwú bieleʼ nə bɛ ghɔ fɛ, təkɔmə mbʉə liŋnə bieleʼ nə bɛ ghɔ fɛ, bʉʼka nduɔŋ-bənu-hə nɔʼ tíŋ."

10 Kə bii mə fàa nubə ndə bii bɛ ndə mənyíɛ ŋgʉəʼ chɔ nduɔ fɛ. B̈ii nyíɛ! Debulu nɔ bɛ ndə məkɔ́ bəbɛʼbʉə mu bii chaŋ, mbɔ bə chʉʼ yúotə bii, bə bu chɔ́ŋhə bii ndə chîbə wuŋ. B̈ii lyʉ̀ʉtə́nə, kaʼ i buŋ bɛ bə kwú, mɔ bu fùɔ ŋgʉʼʉ məchímbi kətʉ-bii.

13 Ndə ŋwɔʼnə-Nyii ghɔ̀ŋ mbɔ, "Wotəmiyɔŋ ndə ɔ tʉʼ tíi Tiekətʉ mbɔ ɔ̈ kwáa ɔ, bu kie ŋkwaaNyii."

36 Buŋ bə nɔ nyɔ̀ʼ mu ŋwɔʼnə-Nyii mbɔ, "Bʉʼka yie-a, baʼa nɔ bɛ chu-kwú bəchibəchi, bə kə́ lɛ́nə baʼa nə binjyʉʉhə ndə bə tʉʼ gɛ̀ síi miitə-ʉə." 37 Bʉʼʉ bɔŋ nɔʼ ghɔ́ʼ nubə-ɔ̄ŋ nchəŋnchəŋ tə kùu, tíŋ hə bɔ̌ŋ mbəŋ-ɛŋ ndə ɔ kʉ̀ʉ bʉʼʉ. 38 Bʉʼka mɔ nɔ kínə mbɔ nubɛʼkə kaa ghɔ ndə bəkɔ i wɔ̀ʼtə bʉʼʉ ndə ŋkʉ̂ʉ-i fɛ, təkɔmə kwú byuunɔ məchímbi, təkɔmə bʉəntəŋNyii byuunɔ bʉə ndə bɔ̂ŋ tʉʼ sɔ́ʼ njəŋ-yuo-hə byuunɔ nubə ndə i bɛ nduɔ byuunɔ yi-yə ndə i bíe bəshʉ gwè byuunɔ ghʉəʼbə 39 təkɔmə wʉʉnəmbikə ndə i bɛ kweghɔʼ byuunɔ wʉʉnəmbikə ndə i bɛ mu sê, fɔbɛʼkə bɛ ghɔ ndə Nyii chìi ndə bəkɔ i wɔ̀ʼtə bʉʼʉ ndə ŋkʉ̂ʉ-Nyii ndə bʉʼʉ kie tíŋ hə bɔ̌ŋ Klai Jiso Tiekətʉ-yʉʼʉ fɛ.