14 ናይት አሾይነ ሱ ደኤይሳታ ግድያ ግሾ፥ የሱሲካ ኤንታዳ አሰ ግድስ። እ ሄሳ ኦዳይ፥ ሀይቆ ቦላ ዎልቅ ደእያ ፃላህያ ባ ሀይቁዋን ይሳናሳ። 15 ቃስ ባንታ ደኦ ላይ ኡባን ሀይቆ ያሻን አይለትድ ደኤይሳታ አይለተፈ ዎዛናሳ።

54 ሀይስ ዎቀይስ ዎቆናይሳ፥ ቃስ ሀይስ ሀይቀይስ ሀይቆናይሳ ማእያ ዎደ፥ ጌሻ ማፃፋን፥ "ሀይቆይ ፆኖን ምተትስ"✝ ግያ ቃላይ ፖለታና። 55 ሄሳዳካ፥

"ሀይቆ፥ ነ ፆኖይ አዉን ደኢ?

ሀይቆ፥ ነ ቆህያ ዎልቃይ አዉን ደኢ?"✝

ግዳ ቃላይ ፖለታና። 56 ሀይቆይ ዱክያ ዎልቃይ ናጋራ፤ ቃስ ናጋራ ዎልቃይ ህገ። 57 ሽን ኑ ጎዳ የሱስ ክርስቶሳ ባጋራ ኑስ ፆኖ እምያ ፆሳ ጋላት ጋኮ።

4 ኑ ፃማቀትዳ ዎደ ክርስቶሳራ ሀይቅዳነ ሞገትዳ። ክርስቶስ ፆሳ አዋ ቦንቾ ዎልቃን ሀይቆፐ ደንድዳይሳ መላ ኑካ ኦራ ደኦን ዳና።✝

5 ኑ እያ ሀይቁዋን እያራ እስኖ ግድኮ፥ ሄሳዳካ፥ እያ ደንዱዋን እያራ እስኖ ግዳና።

24 "ታኒ ህንተዉ ቱማ ኦዳይስ፤ ታ ቃላ ስኤይሳስነ ታና ኪትዳይሳ አማነይሳስ መርና ደኦይ ደኤስ። እ ሀይቆፐ ደኦን ፕንዳ ግሾ ፕርደተና።

25 የሱሲ ኢኮ፥ "ታኒ ደንዶነ ደኦ፤ ታና አማንያ ኦንካ ሀይቅኮካ ደኦን ዳና።

51 ታኒ ህንተዉ ቱማ ኦዳይስ፤ ታ ቃላ ናግያ ኦንካ ሀይቀና" ያግስ።

16 ፆሳ ናኣ አማንያ ኡባይ መርና ደኡዋ ላታናፐ አትሽን፥ ዮና መላ ፆሳይ ሀ አላምያ ዳሮ ዶስዳ ግሾ ባ እስ ናኣ እሚስ።

18 ሲቆን ያሽ ባዋ፥ ቱማ ሲቆይ ያሽ ከስ ሆሌስ። ያሽነ ፕርድ እስፈ ብያ ግሾ፥ ያይያ ኡራ ሲቆይ ፖሎ ግደና።

28 አሾፐ አትሽን፥ ሸምፖ ዎናዉ ዳንዳኦናይሳታስ ያዮፍተ። ሽን ሸምፑዋነ አሹዋ ጋናመን ይሳናዉ ዳንዳእያ ፆሳስ ያይተ።

4 ነ ታ ጎዳይ ታራ ደእያ ግሾ፥

ታ ሳካና ማ ግዶራ ቢኮካ፥

ኢታባ ያይከ።

ነ ፃምአይነ ነ ጉፈይ ታና ምንሶና።

4 ፆሳይ ኤንታ አይፈፐ አፉ ኡባ ቁቻና። ህዛፐ ሀይቆይ ዎይኮ ካዮይ ዎይኮ ዋሶይ ዎይኮ ዋየይ ዴና። ጋልአይ ኡባይ አስ" ያግስ።✝

10 ኔኒ ኤካናዉ ደእያ ዋይያ ባቦፋ። ፃላሄይ ህንተፈ እሶታ እሶታ ፓጫናዉ ቃሾ ኬን የጋና፤ ታሙ ጋላስ ጋካናዉ ህንተ ዋየታና። ሀይቃና ጋካናዉ አማነትዳይሳ ግዳ፤ ታ ነዉ ደኦ ካላቻ እማና።"

2 እ፥ ብድ ሳሮተ ደእያ በሲ ገሌስ፤

ሱረተን ሄመተይሳት ሀይቅድ፥

ሸምፖ ደሞሶና።

13 ጌሻ ማፃፋይ፥ "ጎዳ ሱን ፄግያ ኦንካ አታና"✝ ያጌስ።

36 ጌሻ ማፃፋን፥

"ኑኒ ነ ግሾ ኩመ ጋላስ ሀይቆስ፤

ሹካስ ኤፍያ ዶርሳዳ ታይበትዳ"✝

ጌተትድ ፃፈትዳይሳ መላ ግድስ።

37 ሽን ኑኒ፥ ኑና ሲቅዳ ክርስቶሳን ሀ ኡባ ፖሎ ፆኖስ።

38 ሄሳ ግሾ፥ ሀይቆ ግድን ደኦ ግድን ኪታንቾታ ግድን ሃረይሳታ ግድን ሀእ ደኤይሳ ግድን ስንፈ ያናይሳ ግድን ዎልቃማታ ግድን፥ 39 ሳሎ ዎልቃ ግድን ሳአ ዎልቃ ግድን አይ መተ ግድን ኑ ጎዳ፥ ክርስቶስ የሱሳን ደእያ ፆሳ ሲቁዋፐ ኑና ሻካናዉ ዳንዳኦናይሳ ታኒ ኤራስ።