Medo da morte
O medo da morte é universal, mas Cristo o venceu. A Bíblia ensina que para quem crê, a morte perdeu o aguilhão — não é mais motivo de terror, mas porta para a eternidade com Deus.
Cristo venceu a morte
Jesus assumiu carne e sangue para, pela morte, destruir o que tinha o poder da morte e libertar os que viviam em escravidão pelo medo dela.
Jisasi’a tagri tazahuku fore hu’nea naneke
Hagi mofavre’mo’za zamavufagane korane mani’nagu, Agranena zamagrikna huno ama avufare eme frino, fri’zamofo hankavema Sata’ma kinama hurante’nea hanavea azeri amnezankna hu’ne. Hagi fri’zamofo korozampima kazokzo eri’za vahekna hu’za kina hu’za mani’namokizmia kazufe zmantege’za fruhu’za mani’naze.
Hu’neanagi ana kasri avufgamo’a onkasri avufga erisigeno’a, fri avufgamo’a ofri avufga erina, avontafepi amanage huno kre’nea kemo e’ama hugahie, Fri’zana Anumzamo ahe fanane hugahie! (Ais 25:8)
Fri’zamoka ina hanaveka’a me’ne? Fri’zamoka atama neminazanka’a ina me’ne?
(Hos 13:14) Kumi’mo fri’zamofo atazana eri fore nehigeno, kumi’mo’a hanave’a kasegefinti e’nerie. Hu’neanagi Anumzamofo muse huntesune, Rantimofo Jisasimpi Kraisimpi taza higeta hara agatenerone.
E’ina hu’negu tagra mono tima fronazamo’a, Kraisi’ene frunke’za aserente’naze nehie. Hagi Kraisima fripinti’ma azeri oti’neaza huno, Nefa’a Agra’a hankave’anu Kraisi’enema fri’nompintira tazeri oti’neankita, tagranena kasefa manizampi Kraisi’ene maninunku anara hu’ne.
Tagrama Kraisi’ene hagerafita fri’nonema hanuta, anahukna huno tagri’enena tazeri’otisigeta tasimura erigahune.
A promessa da vida eterna
Quem ouve a Palavra e crê já passou da morte para a vida. O amor perfeito lança fora o medo, até o medo da morte.
Nagra tamage hu’na neramasmue, aza’o Nagri nanekema nentahino hunantege’na e’nomofonte amentinti nehimo’a manivava asimu eri’neankino, vahe’ma refko hania knafina, fri’zana agatereno ko asimu erino mani’ne.
Jisasi’a amanage huno Matana asmi’ne, Fripinti otino asimu erino mani’zamofo agafa’a Nagra mani’noe, iza’o Nagrite’ma amentinti hanimo’a, frigahianagi asimu erino manigahie.
Tamagerfa hu’na neramasmue, Keni’a antahino amagema nentemo’a agra ofrigahie.
Anumzamo tusiza huno mopafi vaheku avesi nezmanteno, magoke ante’nea Ne’mofavre’a zami’ne. Agrite zamentinti hanamo’za fanane osu’za manivava zamasimu erigahaze.
Avesinte zampina koro’ma hu’zana omane’ne, hianagi tamage avesi’zamo’a, koroma hu’zana erinetre. Na’ankure koro’ma haniana refko’ma hurante’zankure. Knama eri’zanku’ma koro’ma hanimofona, avesinte’zana fatgo huno agripina omane’ne.
Não temas
Jesus disse: não temais os que matam o corpo. No vale da sombra da morte, o Senhor está conosco como pastor e protetor.
Tamufama tamahe fri vahekura korera osiho. Hianagi tamagu’a ahe ofrigahie. Anazanku kore’ma huntesnazana, tamagu’ane tamavufanema teve tirupima kre fanane hanimofo Anumzamofonku korera hunteho.
Ana nehu’na knazamo’ma rehanima hige’na, hanimpi neviankna hugahuanagi, anankna zamo’ma eme nazeri havizama hu’zankura korora osugahue. Na’ankure Ra Anumzamoka sipisipi kva vahe’mo’zama e’nerizankna azompaka’ane, sipisipima runeharizankna knonka’a eri’nenka nagrane mani’nanke’na ana zama negogeno’a, narimpamo’a fru nehie.
Ana nehuno maka zamavunura eri homu huzmante vagaresigeno, mago’ene fri’zana omnenkeno, zamasunku hu’za zavi’ma ate’zana omnena, zamatama krizana omnenigeno, ese’ma me’nea zantamina omnegahie.
Hanki ko, kagrama knazampi ufresnana knamo’a kofta nehianki korera osuo. Sata’a hanige’za mago’a nagatamia zamavare’za kina hunezmante’za, reramahe’za kesageta 10ni’a gnamofo agu’afi knazana erigahazanki, kazigazi huta nevuta ome frisagena, Nagra asimu erino mani asimura tamamigahue.
Fatgo zamavu zamava’ma nehaza vahe’ma nefrizana, matipi umase’za mani fru nehaze.
Na’ankure Iza’zo Ramofo agima ahesaza vahera zamaguvazigahie. (Jol 2:32)
Avontafemo’a anage hu’ne, Kagrikure nehu’za maka kna tahe nefrize. Sipsipi afumofo ananke akafriankna nehaze hu’ne. (Sam-Zga 44:22)
Hakare zana hurantega hazanagi, agatere hankavetia Kraisi’ma avesirante’nemo agra’a mani’ne. Nagrama hankave antahintahima nentahuana, fri’zamo’o, asimu erino mani’zamo’o, ankeromo’zo, havi avamumozo, meni fore nehaza zamozo, henka’a fore hanaza zamozo, mago’a hihamu hankvemozo, amunagamu me’nesaza zamo’zo, fenkagamu me’nesaza zamo’zo, makaza Anumzamo tro huzmante’nea zampinti mago' zamo’e huno Anumzamofo avesizama, Jisas Kraisi Rantmofompi me’nea avesi zampintira tazeri otregahie.