Medo da morte
O medo da morte é universal, mas Cristo o venceu. A Bíblia ensina que para quem crê, a morte perdeu o aguilhão — não é mais motivo de terror, mas porta para a eternidade com Deus.
Cristo venceu a morte
Jesus assumiu carne e sangue para, pela morte, destruir o que tinha o poder da morte e libertar os que viviam em escravidão pelo medo dela.
Asuntu na mangayseꞌ da kitadun na Tyumanem na awun lawas aw duguꞌ, yan ya du-an na migpaka-utaw uman si Jisus, pada magi sa pagkamatay nan, degen nan ya katulus ni Satanas na yan ya lyekatan sa pagkamatay. Aw magi uman sa pagkamatay ni Jisus, pigpaluwaꞌ nan ya manga utaw na nya-allang na kanilan kakallekan matay dun ni kadugay na pag-eyaꞌ nilan asini tas na lupaꞌ.
Yanagaw kun ya lawas tadun na magkamatay kasayuwan da na bagu na lawas na diliꞌ da magkamatay, dun da katuman ya pigpasulat na Tyumanem asini muna, law nan, "Pigdeg da ya kamatayen, aw walaꞌ da ya katulus nan!" Aw pigpasulat pa na Tyumanem asini muna, law nan, "Ayin da ya katulus na kamatayen? Aw ayin da ya bisa nan?" Ya bisa yeiy na kamatayen, yan ya pagpa-emel-emel na Tyumanem na un dumateng adti manga utaw asuntu sa manga salaꞌ nilan. Aw ya sampetan na salaꞌ, yan ya pagpa-emel-emel kay piglakadan na manga utaw ya suguꞌ na Tyumanem. Manang pigpasalamatan tadun ya Tyumanem kay pigdeg da nan ya salaꞌ aw ya kamatayen, aw pig-atag nan kanaten na mabatug da tadun uman degen ya kadég yeiy magi sa kanaten Matas na Pangulu na si Jisu-Kristu.
Yanagaw dun ni pagba͡utismu kanaten, nyaka-agad da kitadun dun ni paglebeng kan Kristu pada maka-agad uman kitadun adti pagkataw nan magi sa katulus na Ama, aw mabagu uman ya kanaten anenganeng.
Aw kun nyakasambuk da kitadun kan Kristu dun ni pagkamatay nan, makasambuk saba uman kitadun dun ni pagkataw nan.
A promessa da vida eterna
Quem ouve a Palavra e crê já passou da morte para a vida. O amor perfeito lança fora o medo, até o medo da morte.
"Matinaw ya un ku paglongun kamayu: Pangkay singalan ya migpakanyeg sa ubat-ubat ku aw nyangintu-u sa migpadala kanak, yan ya utaw na nyakatagtun da sa ginawa na walaꞌ ya katigkasan. Aw diliꞌ sakanan ukuman na pa-emel-emelen kay walaꞌ da sakanan ka-eleti adti Tyumanem aw pig-atagan da na tengteng ginawa.
Pagkatigkas yan, miglong si Jisus kanan, "Aku ya magpakamataw sa utaw na nyatay, aw aku uman ya mag-atag sa ginawa na walaꞌ ya katigkasan. Kun singalan ya mangintu-u kanak, pangkay matay pa sakanan manang mataw pa uman salut.
Matinaw ya un ku paglongun kamayu: Ya utaw na dyumalug sa palna-u ku, diliꞌ da saba matay."
Pigginawa͡an to-o na Tyumanem ya kadég na manga utaw, aw yan ya du-an na pig-atag nan ya kanan Iseꞌ na tamisa pada pangkay singalan ya mangintu-u kanan diliꞌ sakanan pa-emel-emelen, manang makatagtun baling sa ginawa na walaꞌ ya katigkasan.
Ya pagkallek aw ya pagginawa diliꞌ silan magkadengan, manang ya tengteng pagginawa na utaw sa Tyumanem aw sa eped nan, yan baling ya mag-alilin sa kakallekan. Kay ya pagpa-emel-emel, yan saba ya to-o pagkallekan. Yanagaw, kun kenneꞌ pa tadun nyallek sa pa-emel-emel, yan ya magmatinaw na walaꞌ pa kalingeb ya kanaten pagginawa kanilan.
Não temas
Jesus disse: não temais os que matam o corpo. No vale da sombra da morte, o Senhor está conosco como pastor e protetor.
Aw diliꞌ kamu magkallek sa manga utaw na un magpatay sa lawas mayu, kay diliꞌ nilan saba mabatug patayen ya kamayu kalaluwa. Yan baling ya kalleki mayu ya Tyumanem. Kay alag nan mabatug kalaten ya lawas aw ya kalaluwa na utaw adti atulun na diliꞌ pagkapatayan.
Aw galisan nan ya manga luwaꞌ dun ni manga mata nilan. Aw walaꞌ da ya pagkamatay nilan aw kakalatan na kanilan ginawa, aw walaꞌ da uman ya pagsugaw, aw diliꞌ da silan magti-is. Kay ya manga muna pagpakabetang lyumabay da."
Manang diliꞌ kamu magkallek sa pagti-is na un dumateng. Pakanyegi ya un ku paglongun! Seled na sampulungallaw un kamu pakalabusu ni Satanas pada tanda-en ya kamayu pagpangintu-u. Manang diliꞌ mayu pag-ayawan ya pagpangintu-u mayu kanak pangkay kamatayen pa ya kamayu datengan, aw un ta kamu tandanan na korona na yan ya ginawa na walaꞌ ya katigkasan.
Kay pigpasulat na Tyumanem asini muna: "Pangkay singalan ya magtawag adti Tyumanem, paluwa-en nan saba."
Awun pigsulat asini muna na maglong:
"Kay Tyumanem, asuntu sa pagpangintu-u nami kanmu, gayed nyakabetang ya pagka-utawun nami adti kalatayan.
Kasiling kami na manga karniro na un da tumba͡en."
Pangkay maynan ya pagpakabetang tadun, manang mabatug tadun saba degen ya kadég yeiy magi sa tabang ni Kristu na to-o gyuminawa kanaten. Kay kya-ede-an da ku na walaꞌ ya maka-elet kanaten lekat adti pagginawa na Tyumanem. Pangkay pa ya pagkamatay aw ya pag-eyaꞌ tadun, aw manga anghil aw manga busaw. Aw bekeꞌ na kakaypengan tadun adun aw kakaypengan sa unu ya un pa dumateng. Aw bekeꞌ na katulus na diliꞌ tadun pagkita-en, dala ya awun ni dalem na langit, aw ya awun ni dalem na lupaꞌ, aw pangkay unu na pig-imoꞌ na Tyumanem. Diliꞌ yeiy maka-elet kanaten lekat adti dakulaꞌ na pagginawa na pigpakitaꞌ nan kanaten magi kan Kristu Jisus na kanaten Matas na Pangulu.