Medo da morte
O medo da morte é universal, mas Cristo o venceu. A Bíblia ensina que para quem crê, a morte perdeu o aguilhão — não é mais motivo de terror, mas porta para a eternidade com Deus.
Cristo venceu a morte
Jesus assumiu carne e sangue para, pela morte, destruir o que tinha o poder da morte e libertar os que viviam em escravidão pelo medo dela.
Ka bu baana mo bali bivaangu bi musunya na bi makila, Yisu nde mwakulu miikituha we bo. Nde adyati itwadi na bo, mana mu lipfu la nde, nde atwala uhesolo Saatana wu akaanga matwala ma lipfu, na uyobolo boosi ba boomo bu lipfu bwakakitusa we baviha mu idiingu hya bo hyoosi.
Bu nyutu yi yibaabolo yiniiyi, yulwata yi yibaavelebolo, bu nyutu yi yibaakwa yulwata yi yibaavelekwa, buuna dyambu libaasonehe liniili, sa litswiha:
«Nzambi miibiingala lipfu, nde miisukasa lo!
Lipfu, mbiingili a we ka yaayo?
Lipfu, matwala ma we ma ubaaduba ka maamo?»
Lipfu ubaabaha matwala ma uduba, mu nzila lisumu, na matwala ma lisumu ubaamata mu Mikele. Ka lifutalaani matondo huli Nzambi wu ubaava bisu mbiingili mu Pfumu a bisu Yisu Kristo!
Mu tondihili mo yiina yi lipfu, badiihi bisu kaka na nde. We bu Kristo hasuuhi mu babakwa mu muyusu a Taata, ni bumosi kaka, bisu luudyata mu moonyi wu munyatihi mu nde.
Ni mu buuna, tso bisu laaba itwadi na nde mu lipfu bibaayaka laafwanina na la nde, bumosi kaka, bisu luuba itwadi na nde mu tsuuhili yi yafwanina na ya nde.
A promessa da vida eterna
Quem ouve a Palavra e crê já passou da morte para a vida. O amor perfeito lança fora o medo, até o medo da morte.
Mu mbuli, mu mbuli me ndi mu undeele benu, muutu wu li mu uyuha mambu ma me, na li mu usa imiinu mu wuuna wu atsindaha me, nde li na moonyi wu bilima na bilima. Nde a hukoto mu tsundusu ve, ka nde amiimata mu lipfu na uvyoho hu moonyi.
Yisu aleeli nde: «Me, me ni tsuuhili na moonyi. Pasi muutu wu usiila me imiinu, sa aba moonyi, tso nde kwidi.
Mu mbuli, mu mbuli me ndi mu undeele benu, pasi wu ukeelese mikuma mya me a humono lipfu ve ka sa akwilala.»
Ka mbi bu Nzambi hatondi tsi, nde atsindihi Mwana a nde wu livingu, mana pasi nde wu usiila nde imiinu, avele bungana, ka nde sa abaha moonyi wu bilima na bilima.
Hutso litondo, boomo tso hoole ve. Ka litondo li laakuha, libaabinga boomo, mu tooni ati muutu nga boomo, ni wu ubaakeele tsyembili. Ni mu buuna, muutu nga boomo bwa Nzambi, litondo la Nzambi kini a laayele mu nde ve.
Não temas
Jesus disse: não temais os que matam o corpo. No vale da sombra da morte, o Senhor está conosco como pastor e protetor.
A libata boomo bwa ba bubaaduba nyutu na uveletwala uduba muvumu. Ka baataani boomo bwa nde wuuna wu utwala ubungasana muvumu na nyutu hutso a mbeenge a mbaahu.
Nde sa akombolo matsanga mu miisu ma bo. Lipfu a luubweba ve, tso lingebe, tso bililu, tso mapasi, mu tooni ati misamu myatsomi mi miidimbala.»
A mono tsisu mu tooni a pasi yi we umono ve. Yuha: Saatana ulobese benu, na ubwaha ba balahi mu benu mu kondaayi. Buutsuta benu mu bilumbu kuumi, ka ba ngetetee nate lipfu, na me upa we mutata a moonyi wu bilima na bilima.
Mu tooni ati, Mabasonehe ma Ngidi mali mu uleele: «Woosi wu uteele Pfumu mbila, sa ayoboho.»
We bu Mabasonehe mali mu uleele:
«Mu tooni a we, bali mu uyeholo bisu mu lipfu pasi ilumbu,
bali mu uvolo bisu we mandombo ma bali mu ubita hu uhehe.»
Ka mu mambu mo maana moosi, bisu laafulala mbiingili mu tooni a nde wuuna wu atondo bisu.
Eye, me ndi na tadi ti,
a hu bibaayaka na dyambu tso limosi,
bibaayaka luutwala utahula bisu na litondo la nde ve:
tso lipfu, tso moonyi,
tso bapofi, tso bipfumu,
tso taangu a loloyi,
tso taangu yi yili mu uya,
tso matwala ma pila mu pila,
tso matwala ma hu yulu, tso ma ŋa toto,
tso pasi iloho hi Nzambi havanga.
Isiha tso imosi utwala utahula bisu na litondo,
bibaayaka Nzambi hamweesi bisu mu Yisu Kristo Pfumu a bisu ve.