22 झूठे लोकन सेइं यहोवा नफरत केरते

पन ज़ैना ईमानदैरी सेइं कम केरतन, तैन सेइं तै खुश भोते।

8 पन डरपोक, विश्वास न केरनेबाले, भिटे, खूनी, बदमाशी केरनेबाले, जैदू केरनेबाले, मूरती केरि पूज़ा केरनेबाले ते सब झूठां केरो हिस्सो तैस समुन्दरे मां मैल्हेलो ज़ै अग्गी ते गन्धकी सेइं बलतो रहते, ई दूइयोवं मौते।"

16 शा गल्‍लन सेइं यहोवा बैर रखते,

ते सत आन ज़ैन सेइं तैस नफरते:

17 मतलब घमण्डे सेइं च़ड़ोरी एछ़्छ़ी, झूठ ज़ोनेबाली ज़िभ,

ते बेकसूरेरे खून बगाने बाले हथ,

18 बेकार खियाल बनानेबालो मन,

बुराई केरने जो तेज़ दौड़ने बाले पव,

19 झूठ ज़ोने बालो गवाह

ते ढ्लां केरे दरमियाने मां लड़ाई पैदा केरनेबालो मैन्हु।

9 एक्‍की होरि सेइं झूठ न ज़ोथ किजोकि तुसेईं पुरानी इन्सानयत तैसेरे कम्मन समेत खोलोरीए।

25 एल्हेरेलेइ झूठ ज़ोनू शैरतां हर कोई अपने पड़ोसी सेइं सच़ ज़ोए, किजोकि अस एप्पू मांमेइं एक्‍की जानेरे अंग आम।

6 यीशुए तैस सेइं ज़ोवं, "बत, सच़्च़ी ते हमेशारी ज़िन्दगी अव्वें आईं, कोई मेरे ज़िरिये बगैर बाजी कां न एज्जी सके।

44 तुस अपने बाजी शैतानेरेथ, ते तैसेरी मर्ज़ी पूरी केरनि चातथ। तै त शुरू करां खूनी आहे ते सच़्च़े पुड़ बनोरो न राव, किजोकि सच़ तैस मां अथ्थी नईं। ज़ैखन तै झूठ ज़ोते त अपने स्भावेरे मुताबिक ज़ोते, किजोकि तै झूठो बल्के झूठेरो बाजीए।

9 झूठो गवाह बेकसूर न ठहरे,

ते ज़ै झूठ ज़ोते, तै नाश भोते।

7 ज़ै धोखो केरते, तै मेरे घरे मां न रेइ बटेलो,

ज़ै झूठ ज़ोते ते मेरे सामने खड़ो न रेइ बटे।

6 ज़ै दौलत झूठेरे ज़िरिये हासिल भोए, तै हवाई सेइं उडरने बाली ट्लेल आहे,

तैसेरे तोप्पने बाले मौती तोपतन।

19 ऐशी मरां निसोरी सच़्च़ाई हमेशा बनोरी राहेली,

पन ऐशी मरां निस्सोरू झूठ एक्‍की पलेरू भोते।

28 ज़ैनी कोई झूठी गल्‍लन सेइं ज़खमी कियोरो भोए तैए तैस सेइं बैर रखते,

ते मिट्ठी-मिट्ठी गल ज़ोने बालो नाशेरी वजा भोते।

6 तू तैन नाश केरेलो ज़ैना झूठ ज़ोतन;

यहोवा खून केरनेबालन ते धोखो देनेबालन सेइं नफरत केरते।

11 "तुस च़ोरी न केरथ, ते एक्‍की होरि सेइं न त धोखो केरथ, ते न झूठ ज़ोइयथ।