15 तेखअ पुछ़अ तेऊ तिन्‍नां का, "तम्हैं किज़ै बोला मुल्है? हुंह कुंण आसा?"

16 शमौन पतरासै बोलअ, "तूह आसा ज़िऊंदै परमेशरो पूत मसीहा।"

42 इहअ करै रहै तिंयां धैल़ भबनै अर घअरै-घअरै लागी एही शिक्षा दैंदै, "प्रभू ईशू आसा मसीहा" अर तेऊए खुशीए समादा खोज़णैं का निं पिछ़ू हटै आथी।

22 परमेशरे मज़ती करै आसा हुंह आझ़ तैणीं ज़िऊंदअ अर होछ़ै बडै सोभी नदरी दैआ हुंह ऐहा शाजत। इना गल्‍ला छ़ाडी निं हुंह होर किछ़ै बोल्दअ, ज़ुंण मोसा गूरै अर परमेशरे होरी गूरै बी आसा बधाना दी बोली दी कि आजू हणअ इहअ, 23 ‘मसीहा लागणअ दुख भुगतणअ अर सह सोभी का आजी मूंऐं दै मांझ़ा का ज़िऊंदै हई करनअ तेऊ म्हारै लोगा मांझ़ै अर होरी ज़ाती दी प्रैश्शैओ प्रच़ार।’"✝

6 हाम्हां लै हुअ एक लान्हअ पैईदा!

हाम्हां लै दैणअ एक शोहरू!

सह हणअ म्हारअ राज़अ।

तेऊओ नाअं पल़णअ "महान सलाहकार,"

"महान परमेशर" अर "सदकअ बाब"

"मेल़ ज़ोल़ करनै आल़अ राज़ कुंआर।"

11 आझ़ आसा हुअ राज़ै दाबेदे नगरी बेतलेम तम्हां लै उद्धार दैणैं आल़ैओ ज़ल्म, अर अह ई आसा मसीहा पबित्र प्रभू।

5,6 ईंयां लोग आसा पैहलै ज़ुंण भिई ज़िऊंदै हुऐ अर तिंयां आसा खास बर्गता आल़ै अर पबित्र। ईंयां निं दुजी बारी भिई कधि मरनै। ईंयां हणैं परमेशरा अर मसीहा लै प्रोहत अर इना करनअ तिन्‍नां संघै हज़ार साला तैणीं राज़। मूंऐं दै मणछा मांझ़ै निं होर कोहै हज़ार साला तैणीं ज़िऊंदअ हणअ।

44 इहै ई रहा तम्हैं बी हर बगत तैर्हुई। किल्हैकि हुंह मणछो पूत बी एछणअ तैहा घल़ी ज़ेभा लै तम्हैं सोठअ निं हणअ।