Milagres de Jesus
Os Evangelhos registram dezenas de milagres realizados por Jesus — curas, ressurreições, domínio sobre a natureza e libertações. Cada milagre revelava sua divindade e compaixão.
Curas de cegos e surdos
Jesus devolveu a visão aos cegos e a audição aos surdos, manifestando seu poder sobre toda enfermidade e deficiência.
ಯೇಸು ದೊಗಾ ಆಂದ್ಳ್ಯಾನಾ ಬರ ಕರ್ತೊ
ಯೇಸು ತಿಥ್ನಿ ಜಾ಼ತಾನಾ ದೊಗ ಆಂದ್ಳ ತ್ಯಚೆ ಮಾಗ್ನಿ ಗೆಲ. ತೇ ದಾವಿದಾಚಾ ಲೇಕಾ ಆಮ್ಚಿವ ದಯಾ ದ್ಯಾವ್ ಮನ್ಹುನ್ ಜೊ಼ರಾನಿ ವರಾಡ್ಲ.
ಯೇಸು ಗರ್ಹಾತ್ ಗೆಲಾ. ದೊಗ ಆಂದ್ಳ ತವಾ ತ್ಯಚೆ ಸಂಗ ಗೆಲ. ಯೇಸು ತ್ಯನಾ, "ಮಿ ತುಮಾನಾ ಬರ ಕರ್ತೊ ಮನ್ಹುನ್ ತುಮಿ ಇಸ್ವಾಸ್ ಥೆವ್ತಾಸಾ ಕ್ಯಾ? ಮನ್ಹುನ್ ಇಚಾರ್ಲ. ಅಂದ್ಳ, "ವ್ಹಯ್ ಪ್ರಭು, ಆಮಿ ಇಸ್ವಾಸ್ ಥೆವ್ತಾವ್" ಮನ್ಹುನ್ ಉತ್ತರ್ ದಿಲಾ.
ತವಾ ಯೇಸುನಿ ತ್ಯಂಚಾ ಡೊಳ್ಯಾನಾ ಹಾತ್ ಲಾವುನ್, "ತುಮಿ ಇಸ್ವಾಸ್ ಥೆವ್ಲ್ಯಾ ಶಾರ್ಕ ತುಮಾನಾ ಬರ ವ್ಹವುನಿ" ಮನ್ಲಾ. ತವಾಸ್ ತ್ಯನಾ ನದಾರ್ ಆಲಿ. "ಹಿ ಗ್ಯೊಶ್ಟ್ ಕುನಾಲಾ ಸಾಂಗು ನಕೊಸಾ" ಮನ್ಹುನ್ ಯೇಸುನಿ ತ್ಯನಾ ಖಡ್ಯಾವುನ್ ಸಾಂಗ್ಲ.
ಖರ ತೇ ಆಂದ್ಳ ತಿಥ್ನಿ ನಿಗುನ್ ಜಾ಼ವುನ್ ಯೇಸುಚಿ ಬಾತ್ನಿ ತೆ ಸಗಳೆ ದುನೆತ್ ಪಗಾಳ್ಳಿ.
ದೊಗಾ ಆಂದ್ಳ್ಯಾನಾ ಯೇಸುಪ್ನಿ ಬರ ಜಾ಼ಲ
ಯೇಸು ಆನಿ ತ್ಯಚ಼ ಶಿಶಾ ಯೆರಿಕೊವಿತ್ನಿ ನಿಗುನ್ ಯತಾನಾ ಖುಬ್ ಲೊಕ ಯೇಸುಚೆ ಮಾಗ್ನಿ ಆಲಿತ. ವಾಟಚೆ ಜ಼ವಳ್ ದೊಗಜಾ಼ನ್ ಅಂದ್ಳ ಬಸ್ಲ ಹುತ್ತ. ಯೇಸು ಹೆ ವಾಟನಿ ಜಾ಼ತ್ಯೊ ಮನ್ಹುನ್ ತ್ಯಂಚಾನಿ ಐಕ್ಲ ತವಾ, "ಪ್ರಭು, ದಾವಿದಾಚಾ ಲೇಕಾ ಆಮ್ಚಿವ ದಯಾ ದ್ಯಾವ್!" ಮನ್ಹುನ್ ವರಾಡ್ಲ.
ಲೊಕಾಂಚಾನಿ ಸಗ್ಳ್ಯಾ ಆಂದ್ಳ್ಯಾನಾ ದಪ್ಕ್ಯಾವುನ್, "ಗಪ್ ರಾವ್ಹಾ" ಮನ್ಹುನ್ ಸಾಂಗ್ಲ. ಫನ್ ತೇ ಆಂದ್ಳ, "ಪ್ರಭು, ದಾವಿದಾಚಾ ಲೇಕಾ, ಆಮ್ಚಿವ ದಯಾ ದ್ಯಾವ್!" ಮನ್ಹುನ್ ಖುಬ್ ವರಾಡ್ಲ.
ಯೇಸು ಉಬಾ ರಾಹುನ್, ತ್ಯಾ ಆಂದ್ಳ್ಯಾನಾ "ಮಿ ತುಮಾನಾ ಕ್ಯಾ ಕರಾಯಾ ವ್ಹಯಿ ಮಂಥಾಸಾ? ಮನ್ಲಾ.
ತವಾ ಆಂದ್ಳ, "ಪ್ರಭು, ಆಮಾನಾ ಬಗಾಯಾ ಮಜ಼ತ್ ಕರ್!" ಮನ್ಲ.
ಯೇಸುನಿ ತ್ಯಂಚಿ ಸಾಟಿ ದುಃಖಾನಿ ತ್ಯಂಚಾ ಡೊಳ್ಯಾನಾ ಹಾತ್ ಲ್ಯಾವ್ಲಾ. ತವಾಸ್ ತ್ಯನಾ ನದಾರ್ ಆಲಿ. ಮಂಗ್ ತೇ ಯೇಸುಚೆ ಮಾಗ್ನಿ ಗೆಲ.
ಯೇಸುನಿ ಬೆತ್ಸಾಯಿತ್ ಯಕಾ ಅಂದ್ಳ್ಯಾಲಾ ನದಾರ್ ದಿಲ್ಯಾಲಿ
ತೆ ಬೆತ್ಸಾಯಿತ್ ಆಲ. ತಿಥ ಲೊಕಾಂಚಾನಿ ಯಕಾ ಆಂದ್ಳ್ಯಾಲಾ ಯೇಸುಪ ಆನುನ್, "ಹ್ಯಲಾ ತು ಹಾತ್ ಲಾವಾಯಾ ವ್ಹಯಿ" ಮನ್ಹಾಯಾ ಲಾಗ್ಲಿತ. ತ್ಯನಿ ಅಂದಳ್ಯಾಚಾ಼ ಹಾತ್ ದರುನ್ ಗಾವಾಚೆ ಬಾಹಿರ್ ಗಿಹುನ್ ಜಾ಼ವುನ್ ತ್ಯಚಾ ಡೊಳ್ಯಾತ್ ಥುಕುನ್ ತ್ಯಚಿವ ಹಾತ್ ಥಿವುನ್, "ತುಲಾ ಕಾಯ್ ದಿಸಥ್ಯಾ ಕ್ಯಾ? ಮನ್ಹುನ್ ತ್ಯಲಾ ಇಚಾರ್ಲ.
ತ್ಯನಿ ಡುಯಿ ಉಚ್ಲು಼ನ್ ಬಗುನ್ "ಮನಾ ಮಾನ್ಸ ದಿಸಥ್ಯಾತ; ತಿ ಜಾ಼ಢಾಂಚೆಗತ್ ದಿಸ್ಲಿತ ತರಿ ಫಿರತ್ ಹಾತ" ಮನ್ಲಾ.
ತವಾ ಯೇಸುನಿ ತ್ಯಚಾ ಡೋಳ್ಯಾವ ಆನಿಕ್ ಹಾತ್ ಥೆವ್ಲಾ; ತ್ಯನಿ ಡೊಳ ಉಗ್ಡುನ್ ಬಗ್ಲ ತವಾ ತ್ಯಲಾ ಬರ ಜಾ಼ಲ ಹುತ್ತ; ಸಗ್ಳ ಚಾ಼ಂಗ್ಲ ದಿಸಾಯಾ ಲಾಗ್ಲ. ಯೇಸು ತ್ಯಲಾ "ತು ಲೊಕಾಂಚಿಪ್ನಿ ಆಲಾಸ್ ತಿಥ ಜಾ಼ವು ನಕೊಸ್" ತುಜಾ ಗರ್ಹಾತ್ ಜಾ಼ ಮನ್ಹುನ್ ಲಾವುನ್ ದಿಲಾ.
ಕಿವಂಡ್ಯಾಲಾ ಯೇಸುನಿ ಬರಕೆಲ್ಯಾಲ
ಯೇಸು ತುರ್ ಪೆಠತ್ಲ್ಯಾ ಸರ್ಬೌಥಚಾ ಪ್ರದೇಶ್ ಸುಡುನ್ ಸಿದೊನ್ ಪೆಠಚಾ ಮಾರ್ಗಾನಿ ದೆಕಪೊಲಿ ಪ್ರದೇಶಾತ್ನಿ ಗಲಿಲಾಯ್ ಸಮಿಂದೊರಾಪ ಗೆಲಾ. ಥೋಡ್ಯಾ ಜ಼ನಾಂಚಾನಿ ಯಕಾ ಚೊ಼ಚ್ರಾ಼ ಆನಿ ಕಿವಂಡ್ಯಾಲಾ ಯೇಸುಪ ಆನುನ್, "ಹೆಚಿವ ತುಜಾ಼ ಹಾತ್ ಥೆವಾಯಾ ವ್ಹಯಿ ಮನ್ಹುನ್ ತ್ಯಲಾ ಇನಂತಿ ಕಿಲಿ.
ತ್ಯನಿ ತ್ಯಲಾ ಮಾನ್ಸಾತ್ನಿ ಬಾಹಿರ್ ನಿಹುನ್ ಆಪ್ಲಿ ಬೊಟ ತ್ಯಚಾ ಕಾನಾತ್ ಗಾಲುನ್ ಥುಕುನ್ ತ್ಯಚೆ ಜಿಬಿಲಾ ಹಾತ್ ಲ್ಯಾವ್ಲಾ. ವರ್ ಬಗುನ್ ಉಸ್ಸಾಸ್ ಸುಡುನ್ ತ್ಯಲಾ "ಯಪಥಾ!" ಮನ್ಲಾ, ತ್ಯಾ ಸಬ್ದಾಲಾ "ಉಗ್ಡುನಿ!" ಮನ್ಹುನ್ ಆರ್ಥ. ತವಾಸ್ ತ್ಯಚ಼ ಕಾನ್ ಉಗಾಡ್ಲ; ಆನಿ ತ್ಯಚೆ ಜಿ಼ಬಿಚ ಬಾಂದಾನ್ ಸುಟ್ಲ ಆನಿ ತ್ಯೊ ನಿಟ್ ಬೋಲಾಯಾ ಲಾಗ್ಲಾ.
ತವಾ ಯೇಸುನಿ, "ಹ್ಯ ಕುನಾಲಾ ಸಾಂಗುನಕೊಸಾ" ಮನ್ಹುನ್ ಲೊಕಾನಾ ಸಾಂಗ್ಲ, ಫನ್ ತ್ಯಂಚಾನಿ ಸಗ್ಳಿಕ್ಡ ಸಾಂಗ್ಲ. ಐಕ್ಲ್ಯಾಲ್ಯಾನಾ ಆಜಾಬ್ ಜಾ಼ಲ "ಯೇಸು ಸಗ್ಳ ಬರ ಕರ್ತೊ! ಕಿವಂಡ್ಯಾಂಚಾನಿ ಐಕಿಜೊ಼ಗ, ಚೊ಼ಚ಼ರ್ಯಾಂಚಾನಿ ಬೋಲ ಜೊ಼ಗ, ಕರ್ತೊ!" ಮನ್ಲಿತ.
ಕುರ್ಡ್ಯಾಲಾ ನದಾರ್ ದಿಲ್ಯಾಲಿ
ಮಂಗ್ ತೆ ಯೆರಿಕೊ ಗಾವಾತ್ ಆಲ. ಯೇಸು ಆಪ್ಲ್ಯಾ ಶಿಶಾಂಚಿ ಸಂಗ ಆನಿ ಖುಬ್ ಲೊಕಾಂಚಿ ಸಂಗ ತ್ಯ ಗಾವ್ ಸುಡುನ್ ನಿಗಾಲಾ. ತಿಮಾಯಾಚಾ಼ ಲ್ಯೊಕ್ ಬಾರ್ತಿಲೊಮಾಯ್ ಮಂಥ್ಯಾಲಾ ಆಂದ್ಳಾ ವಾಟಚೆ ಕಡಸ್ ಬಸುನ್ ಭಿಕ್ ಮಾಗಿತಾ. ನಜ಼ರೆತಿಚಾ಼ ಯೇಸು ತೆ ವಾಟನಿ ಜಾ಼ತ್ಯೋ ಮನ್ಹುನ್ ಐಕುನ್, ಯೇಸುಗಾ! ದಾವಿದಾಚಾ ಲೇಕಾ! ಮಾಜಿವ ಕರ್ನೆದ್ಯಾವ್! ಮನ್ಹುನ್ ಜೊ಼ರಾನಿ ವರಾಡ್ಲಾ.
ಥೊಡ ಜಾ಼ನ್ ತ್ಯಾ ಆಂದ್ಳ್ಯಾಲಾ ದಪ್ಕಾವುನ್ ಗಪ್ ರ್ಹಾ ಮನ್ಲ. ಫನ್ ತ್ಯೊ ದಾವಿದಾಚಾ ಲೇಕಾ ಮಾಜಿವ ಕರ್ನಾ ದ್ಯಾವ!" ಮನ್ಹುನ್ ಆನಿ ಜೊ಼ರಾನಿ ವರಾಡ್ಲಾ.
ಯೇಸು ಉಬಾರಾಹುನ್, "ತ್ಯಲಾ ಹಾಕ್ಟಾ" ಮನ್ಲಾ.
ತವಾ ತ್ಯಂಚಾನಿ ತ್ಯಾ ಆಂದ್ಳ್ಯಾಲಾ ಹಾಕ್ಟುನ್, ದಿರ್ಹಾನಿ ರ್ಹಾ, ಉಟ್ ಯೇಸು ತುಲಾ ಹಾಕಟ್ಯೋ ಮನ್ಲ. ತ್ಯೊ ಆಂದ್ಳಾ ತವಾಸ್ ಉಬಾರಾಹುನ್ ಆಪ್ಲ ಕಾಂಬ್ರುನ್ ತಿಥಸ್ ಟಾಕುನ್ ಯೇಸುಪ ಗೆಲಾ.
ಯೇಸುನಿ, "ಮಾಜಿಪ್ನಿ ತುಲಾ ಕ್ಯಾ ವ್ಹಯಾ ವ್ಹಯಿ" ಮನ್ಹುನ್ ತ್ಯಲಾ ಇಚಾರ್ಲ.
ತ್ಯನಿ, "ಪ್ರಬು, ಮನಾ ಡೊಳ್ಯಾನಿ ದಿಸ ಶಾರ್ಕ ಕರ್" ಮನ್ಲಾ.
ಯೇಸು, "ಜಾ಼, ತುಜಾ ಇಸ್ವಾಸಾನಿ ತುಲಾ ಬರ ಜಾ಼ಲ್ಯಾ" ಮನ್ಲಾ. ತವಾಸ್ ತ್ಯಲಾ ದೀಸಾಯಾ ಲಾಗ್ಲ. ತ್ಯೊ ಯೇಸುಚೆ ಮಾಗ್ನಿ ತೆ ವಾಟನಿ ಗೆಲಾ.
ಯೇಸುನಿ ಆಂದ್ಳ್ಯಾಲಾ ನದಾರ್ ದಿಲ್ಯಾಲಿ
ಯೇಸು ಯೆರಿಕೊಚೆ ಜ಼ವಳ್ ಆಲಾ ತವಾ ವಾಟಚೆ ಕಡಸ್ ಬಸುನ್ ಭೀಕ್ ಮಾಗ್ತ್ಯಾಲಾ ಯೊಕ್ ಕುರ್ಡಾ ಹುತ್ತಾ. ತ್ಯನಿ ವಾಟನಿ ಹಿಂಡಾನಿ ಜಾ಼ತ್ಯಾಲ್ಯಾ ಲೊಕಾಂಚ಼ ಸಬ್ದ ಐಕುನ್ ಹ್ಯ ಕ್ಯಾ ಮನ್ಹುನ್ ಇಚಾರ್ಲ.
ತ್ಯಂಚಾನಿ ತ್ಯಲಾ, "ನಜ಼ರೇತಿಚಾ಼ ಯೇಸು ಹೆ ವಾಟನಿ ಜಾ಼ತ್ಯೊ" ಮನ್ಹುನ್ ಸಾಂಗ್ಲ.
ತವಾ ತ್ಯೊ ಕುರ್ಡಾ "ಯೇಸುಗಾ ದಾವಿದಾಚಾ ಲೇಕಾ ಮಾಜಿವ ಕರ್ನಾ ದ್ಯಾವ್" ಮನ್ಹುನ್ ಜೊ಼ರಾನಿ ಮನ್ಲಾ.
ಮೊರ್ಹ ಜಾ಼ತ್ಯಾಲ್ಯಾ ಲೊಕಾಂಚಾನಿ ಗಪ್ ರ್ಹಾ ಮನ್ಹುನ್ ತ್ಯಲಾ ದಪ್ಕ್ಯಾವ್ಲಾ ತವಾ ತ್ಯೊ, "ದಾವಿದಾಚಾ ಲೇಕಾ, ಮಾಜಿವ ಕರ್ನಾ ಥೆವ್" ಮನ್ಹುನ್ ಆನಿಕ್ ವರಾಡ್ಲಾ.
ತವಾ ಯೇಸು ಉಬಾರಾಹುನ್ ತ್ಯಲಾ ಆಪ್ಲಿಪ ಹಾಕ್ಟುನ್ ಆನಾಯಾ ಸಾಂಗ್ಲ ತ್ಯೊ ಜ಼ವಳ್ ಆಲಾ ತವಾ ಯೇಸುನಿ ತ್ಯಲಾ, "ಮಿ ತುಲಾ ಕ್ಯಾ ಕರಾ ವ್ಹಯಿ ಮಂಥೊಸ್" ಮನ್ಹುನ್ ಇಚಾರ್ಲ್ಯಾಲ್ಯಾಲಾ ತ್ಯನಿ, "ಮಿ ಆನಿಕ್ ಸಗ್ಳ ಬಗಿ ಜೊ಼ಗ ಕರ್" ಮನ್ಲಾ.
ಯೇಸು ತ್ಯಲಾ, "ತುಲಾ ದಿಸುನಿ; ತುಜಾ ಇಸ್ವಾಸಾನಿ ತುಲಾ ಬರಾ ಕೆಲ್ಯಾ" ಮನ್ಲಾ.
ತವಾಸ್ ತ್ಯಲಾ ದಿಸಾಯಾಲಾಗ್ಲ ತ್ಯೊ ದೇವಾಲಾ ವವ್ಯಾಳಿತ್ ಯೇಸುಚೆ ಮಾಗ್ನಿ ಗೆಲಾ ಲೊಕ ಸಗ್ಳಿ ಚಾ಼ಲ್ಯಾಲಿ ಹಾಕಿಗತ್ ಬಗುನ್ ದೇವಾಲಾ ಉಪ್ಕಾರ್ ಕರಾಯಾ ಲಾಗ್ಲಿತ.
ಯೇಸುನಿ ಜ಼ಲ್ಮತ್ ಅಂದ್ಳಾ ಆಸ್ಲ್ಯಾಲ್ಯಾಲಾ ಬರಾ ಕೆಲ್ಯಾಲಾ
ಯೇಸು ಚಾ಼ಲತ್ ಜಾ಼ತಾನಾ ಯೊಕ್ ಜ಼ಲ್ಮತ್ ಆಂದ್ಳಾ ದಿಸ್ಲಾ. ಯೇಸುಚ಼ ಶಿಶಾ, "ಗುರು ಹ್ಯೊ ಮಾನುಸ್ ಆಂದ್ಳಾ ವ್ಹವುನ್ ಜ಼ಲ್ಮಾಯಾ ಕುನಾಚ಼ ಪಾಪ್ ಕಾರನ್? ತ್ಯಚ಼ ಸ್ವತಾಚ಼ ಪಾಪ್ ಕ್ಯಾ? ತ್ಯಚೆ ಆಯಿ ಬಾಚ಼ ಪಾಪ್" ಮನ್ಹುನ್ ಇಚಾರ್ಲ.
ಯೇಸುನಿ ಆಸ ಸಾಂಗ್ಲ, "ತ್ಯಚ಼ ಪಾಪ್ ವ್ಹವುನಿ ತ್ಯಚೆ ಆಯಿ ಬಾಚ಼ ಪಾಪ್ ವ್ಹವುನಿ ಹ್ಯಲಾ ಕಾರನ್ ನವ್ಹ. ದೇವಾಚ಼ ಕಾಮ್ ತ್ಯಚಿಪ ದಿಸುನ್ ಯಯಾ ಆಸ ಜಾ಼ಲ್ಯಾ. ಮನಾ ಲಾವುನ್ ದಿಲ್ಯಾಲ್ಯಾಚ಼ ಕಾಮ್ ಆಮಿ ದಿಸಚ಼ ಕರಾಯಾ ವ್ಹಯಿ. ರ್ಯಾತ್ ಆಲಿಕಿ. ಕುನಾಲಾ ಕಾಮ್ ಕರಾಯಾ ವ್ಹಯಿತ್ ನಾಹಿ.
ಮಿ ಹೆ ದುನೆತ್ ಆಸ್ಥಾನಾ, ಮಿಸ್ ಹೆ ದುನೆಲಾ ಉಜಿಡ್ ಜಾ಼ಲ್ಯೊ" ಮನ್ಹುನ್ ಸಾಂಗ್ಲ.
ಯೇಸುನಿ ಹ್ಯೊ ಸಬೊತ್ ಸಾಂಗಲ್ಯಾ ನಂತರ್ ಜಿಮ್ನಿವ ಥುಕುನ್ ತ್ಯನಿ ಚಿಖುಲ್ ಕರುನ್ ಗಿವುನ್ ತ್ಯಾ ಮಾನ್ಸಾಚಾ ಡೊಳ್ಯಾನಾ ಲ್ಯಾವ್ಲಾ. ಯೇಸುನಿ ತ್ಯಾ ಮಾನ್ಸಾಲಾ, "ಜಾ಼ವುನ್ ಸಿಲೊವಾ ತಳ್ಯಾತ್ ಧು" ಮನ್ಹುನ್ ಸಾಂಗ್ಲ. ಸಿಲೊವಾ ಮಂಜೆ, "ಲಾವುನ್ ದಿಲ್ಯಾಲಾ. " ತಸಸ್ ತ್ಯನಿ ಜಾ಼ವುನ್ ದುತ್ಲ. ಆನಿ ಮಾಗಾರ ಯತಾನಾ ಡೊಳ್ಯಾಂಚಾನಿ ದಿಸಾಯಾ ಲಾಗ್ಲ.
Curas de paralíticos e enfermos
Paralíticos caminharam, leprosos ficaram limpos e todo tipo de doença foi curada pelo toque e pela palavra de Jesus.
ತವಾ ಯೊಕ್ ಕುಶ್ಟ ರೊಗಿ ಯೇಸುಪ ಆಲಾ. ತ್ಯೊ ಯೇಸುಚೆ ಮೊರ್ಹ ಆಡ್ವಾ ಪಡುನ್ "ಪ್ರಭು, ತು ಮನ್ ಕೆಲ್ಯಾವ ಮನಾ ಬರ ಕರ್ನಾರ್" ಮನ್ಲಾ.
ಯೇಸುನಿ ಆಪ್ಲಾ ಹಾತ್ ಲಾವುನ್, "ತುಲ್ಲಾ ಬರಕರಾಯಾ ಮನಾ ಮನ್ ಹಾ, ಬರಾಹೊ" ಮನ್ಲಾ. ತವ್ವಾಸ್ ತ್ಯಚಾ಼ ಕುಶ್ಟ ರೊಗ್ ಗೆಲಾ. ಯೇಸುನಿ ತ್ಯಲಾ, "ಐಕ್ ಹ್ಯ ಕಸ ಜಾ಼ಲ ಮನ್ಹುನ್ ಕುನಾಲಾ ಸಾಂಗು ನಕೊಸ್. ಅತ್ತಾ ತು ಜಾ಼ವುನ್ ಯಾಜಕಾಲಾ ತುಜ಼ ಆಂಗ್ ದ್ಯಾವ್. ಬರಜಾ಼ಲ್ಯಾಲ್ಯಾಂಚಾನಿ ಮೊಶೇಚಾ ನೇಮಾ ಶಾರ್ಕ ದೆತ್ಯಾಲಿ ದಿನ್ಗಿ ದೇ. ತು ಬರಾ ಜ಼ಾಲ್ಯಾಲ್ಯಾಲಾ ತೀ ವಳಕ್ ವ್ಹವುನ್ ರಾನ್ಹಾರ್" ಮನ್ಹುನ್ ಸಾಂಗ್ಲ.
ಥೊಡ್ಯಾಂಚಾನಿ ಯಕಾ ಪಾರ್ಶಿಚಾ ರೊಗಿಲಾ ಯೇಸುಪ ಆನ್ಲಾ ತ್ಯೊ ಆಪ್ಲ್ಯಾ ಹಾತ್ರು ನಾವ ನಿಜ಼ಲಾ ಹುತ್ತಾ. ಯೇಸುನಿ ಹ್ಯಾ ಲೊಕಾಂಚಾ಼ ಇಸ್ವಾಸ್ ಬಗುನ್, "ತ್ಯಲಾ ಲೇಕಾ, ದಿರ್ಹಾನಿ ರ್ಹಾ. ತುಜಿ ಪಾಪ ಮಾಪ್" ಜಾ಼ಲಿತ ಮನ್ಹುನ್ ಸಾಂಗ್ಲ.
ತಿತ್ಲ ಧರ್ಮೊಪದೇಶಕ್, "ಹ್ಯೊ ಮಾನುಸ್ ದೇವಾಚಿ ನಿಂದಾ ಕರ್ತೊ" ಆಸ ಆಪ್ಲ್ಯಾ ಆಪ್ಲ್ಯಾತುಸ್ ಬೊಲತ.
ತ್ಯಂಚಾನಿ ಆಸಸ್ ಯವಜ್ಲ್ಯಾ ಮನ್ಹುನ್ ಯೇಸುಲಾ ಸಮಾಜ್ಲ. ತ್ಯನಿ ತ್ಯನಾ, "ತುಮಿ ಕಾ ಬುರ್ಸ ಯವಸ್ಥಾಸಾ? ಕಚ಼ ಸಲ್ಪ? ಹ್ಯಾ ಲಕ್ವಾ ಮ್ಯಾರ್ಲ್ಯಾಲ್ಯಾ ರೊಗಿಲಾ, ‘ತುಜಿ ಪಾಪ ಮಾಪ್ ಜಾ಼ಲಿತ’ ಮನ್ಹುನ್ ಸಾಂಗಾಚ಼ ನಾಹಿತ ‘ವರ್ ಉಠುನ್ ಚಾ಼ಲ್’ ಮನ್ಹುನ್ ಸಾಂಗಾಚ಼ ಕ್ಯಾ? ಫನ್ ಮಾನ್ಸಾಚಾ ಲೇಕಾಲಾ ಪಾಪ ಮಾಪ್ ಕರಾಯಾ ದರ್ಥಿವ ಹಾಕ್ ಹಾ ಮನ್ಹುನ್ ಮಿ ತುಮಾನಾ ಖರ ಕರುನ್ ದ್ಯಾವ್ತೊ" ಮನ್ಲ್ಹಾ. ನಂತರ್ ಯೇಸುನಿ ಲಕ್ವಾ ಮ್ಯಾರ್ಲ್ಯಾಲ್ಯಾ ರೊಗಿಲಾ, "ಉಠುನ್, ತುಜ಼ ಹಾತ್ರುನ್ ಗಿಹುನ್ ಗರ್ಹಾತ್ ಜಾ಼" ಮನ್ಲಾ.
ತವಾ ತ್ಯೊ ಉಠುನ್ ಗರ್ಹಾತ್ ಗೆಲಾ.
ತ್ಯಾ ಸಭಾಸ್ಥಾನಾತ್ ಯಕಾಚಾ಼ ಹಾತ್ ವಾಳ್ಳಾ ಹುತ್ತಾ. ಯೆಹುದ್ಯಾತ್ಲಿ ಥುಡಿ ಯೇಸುವ ಚು಼ಕ್ ವಾವಾಯಾ ಕಾರನ್ ಸುದಿತಿತ. ಮನ್ಹುನ್ ತ್ಯಂಚಾನಿ ಯೇಸುಲಾ ಆರಾಮಾಚಾ ದಿಸಾದಿಸಿ ಬರ ಕರಾಚ಼ ಶಾರ್ಕ ಕ್ಯಾ? ಮನ್ಹುನ್ ಇಚಾರ್ಲ.
ಯೇಸುನಿ, "ತುಮ್ಚಿಪ ಕುನಾಪ ತರಿ ಯಾಕ್ ಮೆಂಡಾರ್ ಆಸುನ್, ತ್ಯ ಮೆಂಡಾರ್ ಆರಾಮಾಚಾ ದಿಸಾದಿಸಿ ಘಳ್ನಾತ್ ಪಡ್ಲತ, ತುಮಿ ತ್ಯಾ ಮೆಂಡ್ರಾಲಾ ಘಳ್ನಾತ್ನಿ ವರ್ ಉಚ಼್ಲಾಚೆ ಆಂದಿ ರಾನ್ಹಾರ್ ಕ್ಯಾ? ಮಾನುಸ್ ಮೆಂಡ್ರಾವ್ನಿ ಖುಬ್ ಕಿಮ್ತಿಚಾ಼ ಹಾ ನವ್ಹ. ಮನ್ಹುನ್ ಆರಾಮಾಚಾ ದಿಸಾದಿಸಿ ಚಾ಼ಂಗ್ಲ ಕಾಮ ಕರಾಯಾ ಸಾಟಿ ಮೊಶೇಚಾ ಧರ್ಮಶಾಸ್ತಾರಾಚೆಗತ್ ಹಾ" ಮನ್ಲಾ.
ಮಂಗ್ ಯೇಸು ಹಾತ್ ವಾಳ್ಯಾಲ್ಯಾ ಮಾನ್ಸಾಲಾ, "ತುಜಾ಼ ಹಾತ್ ದ್ಯಾವ್" ಮನ್ಲಾ. ತ್ಯನಿ ಆಪ್ಲಾ ಹಾತ್ ತ್ಯಚಿಕ್ಡ ಕೆಲಾ. ತವಾಸ್, ತ್ಯಚಾ಼ ಹಾತ್ ದುಸ್ರ್ಯಾ ಹಾತಾಚೆಗತ್ ಜಾ಼ಲಾ.
ತಿಥ ಸಿಮೊನಾಚಿ ಸಾಸೊ ತಾಪಾನಿ ನಿಜ್ಲಿ಼ ಹುತ್ತಿ ತ್ಯಂಚಾನಿ ತಿಚಿ ಪರಸ್ತಿತಿ ಬಿಗಿನಿ ಯೇಸುಲಾ ಸಾಂಗ್ಲಿ. ಯೇಸು ಜ಼ವಳ್ ಯವುನ್ ತಿಚಾ಼ ಹಾತ್ ದರುನ್ ಉಚ಼ಲ್ತಾನಾಸ್ ತಿಲಾ ತಾಪ್ ಸುಡುನ್ ಗೆಲಾ; ಆನಿ ತಿನಿ ತ್ಯಂಚಿ ಸೆವಾ ಕಿಲಿ.
ಯೇಸುನಿ ಕುಶ್ಟ ರೊಗಿಲಾ ಬರ ಕೆಲ್ಯಾಲ
ಯೊಕ್ ಕುಶ್ಟ ರೊಗಿ ಯೇಸುಪ ಯವುನ್ ನಡ್ಗ ಗಾಲುನ್ "ತು ಮನ್ ಕೆಲ್ಯಾವ ಮನಾ ಬರ ಕರಾ ವ್ಹಯಿಲ್" ಮನ್ಲಾ.
ಯೇಸುನಿ ಕನಿಕರಾ ದಾವುನ್ ತ್ಯಲಾ ಹಾತ್ ಲಾವುನ್ "ಮನಾ ಮನ್ ಹಾ; ಬರಾ ಹೋ" ಮನ್ಲಾ. ತವಾಸ್ ತ್ಯಚಾ಼ ರೊಗ್ ಜಾ಼ವುನ್ ತ್ಯೊ ಬರಾ ಜಾ಼ಲಾ.
ತ್ಯವ್ಡ್ಯಾತ್ ಯಕಾ ಪಾರ್ಶಿಚಾ ರೊಗಿಲಾ ಚಾರ್ ಜ಼ನಾಂಚಾನಿ ಉಚ್ಲು಼ನ್ ತಿಥ ಆನ್ಲಾ ಲೊಕ ಖುಬ್ ಜ಼ಮ್ಲಿಹುತ್ತಿತ ಮನ್ಹುನ್ ತ್ಯಲಾ ಯೇಸುಚೆ ಜ಼ವಳ ನಿಹ್ಯಾ ಜಾ಼ಲಾ ನಾಹಿ ಮನ್ಹುನ್ ಯೇಸು ಬಸ್ಲ್ಯಾಲ್ಯಾ ಗರಾಚೆ ವೈಲಾ ಥಾಟ್ ಕಾಡುನ್ ವೈನಿ ಹಾತ್ರುನಾಸಾಹಿತ್ ತ್ಯಾ ರೊಗಿಲಾ ಯೇಸುಪ ಉತರ್ಲಾ. ಯೇಸುನಿ ತ್ಯಂಚಾ಼ ಇಸ್ವಾಸ್ ಬಗುನ್ ತ್ಯಾ ರೊಗಿಲಾ "ಲೇಕಾ ತುಜಾ ಪಾಪಾಂಚಿ ಮಾಪಿ ಜಾ಼ಲಿ ಮನ್ಲಾ. "
ಫನ್ ಥೋಡಜಾ಼ನ್ ದರ್ಮ ಸಿಕಿವ್ತ್ಯಾಲ ಶಾನ ತಿಥ ಬಸುನ್ "ಹ್ಯೊ ಕಾ ಆಸಾ ಬೊಲ್ತೊ ಹ್ಯನಿ ದೇವಾಲಾ ಅವ್ಮಾನ್ ವ್ಹತೊ ದೇವಾಲಾ ಸುಡುನ್ ಆನಿ ಕುನಾಲಾ ಪಾಪ ಮಾಪ್ ಕರಾಯಾ ವ್ಹಯಿತ್ನಾಹಿ? ಮನ್ಹುನ್ ಆಪ್ಲ್ಯಾ ಆಪ್ಲ್ಯಾ ಮನಾತ್ ಮನ್ಹಿತ್ ಹುತ್ತ.
ತ್ಯ ಯೇಸುನಿ ತವಾಸ್ ಆಪ್ಲ್ಯಾ ಆತ್ಮ್ಯಾತ್ ಸಮಜು಼ನ್ "ತುಮಿ ತುಮ್ಚಾ ಮನಾತ್ ಕಾ ಆಸ್ಲ ಯವಸ್ತಾಸಾ? ಕಚ಼ ಸಲ್ಪ; ತುಜ಼ ಪಾಪ್ ಮಾಪ್ ಜಾ಼ಲ ಮನ್ಹಾಚ಼ ಕ್ಯಾ ಉಠುನ್ ತುಜ಼ ಹಾತ್ರುನ್ ಗಿವುನ್ ಜಾ಼ ಮನ್ಹಾಚ಼? ಫನ್ ಪಾಪ್ ಮಾಪಿ ಕರಾಯಾ ಮಾನ್ಸಾಚಾ ಲೇಕಾಲಾ ದರ್ಥಿವ ಹಾಕ್ ಹಾ ಮನ್ಹುನ್ ತುಮಾನಾ ಸಮಜಾ಼ಯಾ ಪಾಯ್ಜೆ" ಮನ್ಹುನ್ ತ್ಯಾ ಪಾರ್ಶಿವಾಯಿ ರೊಗಿಲಾ ಬಗುನ್ "ಉಠುನ್ ತುಜ಼ ಹಾತ್ರುನ್ ಗಿವುನ್ ಗರ್ಹಾತ್ ಜಾ಼" ಮನ್ಲಾ.
ತ್ಯೊ ತವಾಸ್ ಉಠುನ್ ಆಪ್ಲ ಹಾತ್ರುನ್ ಗಿವುನ್ ಸಗ್ಳ್ಯಾಂಚೆ ಮದ್ನಿ ಗೆಲಾ. ತ್ಯ ಬಗುನ್ ಸಗ್ಳಿ ಗಾಬಾರ್ಲಿತ ಆಜು಼ನ್ ಪರ್ಯಾತ್ ಆಮಿ ಆಸ್ಲ ಕವಾಸ್ ಬಗ್ಲ ನಾಹಿ. ಮನ್ಹಿತ್ ದೇವಾಲಾ ಸ್ತುತಿ ಕರುನ್ ತ್ಯಚ಼ ನಾವ್ ಗ್ಯಾವ್ಲ.
ಹಾತ್ ವಾಳ್ಯಾಲಾ ಮಾನುಸ್
ಆನಿ ಏಕ್ ದಿಸಿ ಯೇಸು ಸಬಾ ಸ್ತಾನಾತ್ ಗೆಲಾ ತವಾ ತಿಥ ಹಾತ್ ವಾಳ್ಯಾಲಾ ಯೊಕ್ ಮಾನುಸ್ ಹುತ್ತಾ ಥುಡಿಜ಼ನ ಯೇಸುಪ ಚು಼ಕ್ ದರಾಯಾ ವ್ಹಯಿ ಮನ್ಹುನ್ ಸಬ್ಬತ್ ದಿಸಾತ್ ತ್ಯಲಾ ಬರಕರ್ತ್ಯೋಕ್ಯಾ ಬಗುಯಾ ಮನ್ಹುನ್ ಯೇಸುಲಾ ಟಪುನ್ ಬಗಿತ್ ಹುತ್ತ.
ತ್ಯನಿ ಹಾತ್ ವಾಳ್ಯಾಲ್ಯಾಲಾ. "ಉಠುನ್ ಮದ್ದಿ ಯೆ" ಮನ್ಹುನ್ ಸಾಂಗುನ್.
ತ್ಯನಾ "ಮೋಸೆಚಾ ಕ್ಯಾಯ್ದ್ಯಾಶಾರ್ಕ ಸಬ್ಬತ್ ದಿಸಾದಿಸಿ ಕಚ಼ ಕೆಲ್ಯಾಲ ಬರ? ಚಾ಼ಂಗ್ಲ ಕೆಲ್ಯಾಲ, ಕ್ಯಾ ಬಾದ್ ಕೆಲ್ಯಾಲ? ಜೀವ್ ಉರ್ವಾಚಾ಼, ಕ್ಯಾ ಕಾಡಾಚಾ಼? ಮನ್ಹುನ್ ಇಚಾರ್ಲ. ತೇ ಗಪ್ ಹುತ್ತ.
ತವಾ ತ್ಯನಿ ತ್ಯಂಚ಼ ಮನ್ ಕಠಿನ್ ಜಾ಼ಲ್ಯಾಲ ಬಗುನ್ ಬೆಜಾರ್ ಕರುನ್ ರಾಗಾನಿ ಸರ್ ಭವ್ಹಾರಾ ಬಗುನ್ ತ್ಯಾ ಮಾನ್ಸಾಲಾ "ತುಜಾ಼ ಹಾತ್ ಮೋರ್ಹ ಕರ್" ಮನ್ಲಾ. ತ್ಯನಿ ಮೋರ್ಹ ಕೆಲಾ; ಹಾತ್ ಬರಾ ಜಾ಼ಲಾ.
ಯೇಸುನಿ ಕುಶ್ಟ ರೊಗಿಲಾ ಬರ ಕೆಲ್ಯಾಲ
ಯೇಸು ಯಕಾ ಗಾವಾತ್ ಆಸ್ಥಾನಾ ಆಂಗ್ ಸಗ್ಳ ಕುಶ್ಟ ರೊಗಾನಿ ಬರ್ಲ್ಯಾಲಾ ಯಕಾ ಮಾನ್ಸಾನಿ ಯೇಸುಲಾ ಬಗುನ್ ಆಡ್ವಾ ಪಡುನ್, "ಪ್ರಭು ತುಲಾ ಮನ್ ಆಸ್ಲ್ಯಾವ ಮನಾ ಬರ ಕರಾಯಾ ವ್ಹಯಿಲ್" ಮನ್ಲಾ.
ತವಾ ಯೇಸುನಿ ಹಾತ್ ಮೊರ್ಹ ಕರುನ್ ತ್ಯಲಾ ಲಾವುನ್, ಮನಾ ಮನ್ ಹಾ ಬರಾ ಹೊ ಮನ್ಲಾ. ತವಾಸ್ ತ್ಯಚಾ಼ ಕುಶ್ಟ ರೊಗ್ ಗೆಲಾ.
ತವಾ ಥೊಡ್ಯಾ ಲೊಕಾಂಚಾನಿ ಯಕಾ ಪಾರ್ಶಿಚಾ ರೊಗಿಲಾ ಹಾತುರುನಾವ್ನಿ ಉಚ್ಲು಼ನ್ ಗಿಹುನ್ ಆನ್ಲ್ಹಾ. ಆನಿ ತ್ಯಲಾ ಆತ್ ನಿಹುನ್ ತ್ಯಚೆ ಮೊರ್ಹ ಥೆವಾಯಾ ಖಟ್ಪಪಟ್ ಕಿಲಿ. ಫನ್ ಲೊಕಾಂಚೆ ಗರ್ದಿಸ್ಲಾಗುನ್ ತ್ಯಲಾ ಆತ್ ನಿಹ್ಯಾ ವಾವ್ ಗಾವನಾ ಮನ್ಹುನ್ ತ್ಯಂಚಾನಿ ಗರ್ಹಾವರ್ ಚ಼ಡುನ್ ಖಾಪರ್ಯಾ ಕಾಡುನ್ ಹಾತ್ರುನಾ ಸಾಹಿತ್ ಖೊಲ್ಯಾತ್ನಿ ಯೇಸುಚೆ ಮೊರ್ಹ ಖಾಲ್ ಉತ್ತರ್ಲಾ.
ತವಾ ತ್ಯಂಚಾ ಇಸ್ವಾಸ್ ಬಗುನ್ ಯೇಸು ತ್ಯಾ ಪಾರ್ಶಿಚಾ ರೊಗಿಲಾ, "ಸೊಪ್ತ್ಯಾ ತುಜಿ ಪಾಪ ಮಾಪ್ ಜಾ಼ಲಿತ" ಮನ್ಲಾ.
ತ್ಯಲಾ ತೆ ಜಾಂತ ಆನಿ ಫರಿಸಾಯ್ "ದೇವಾಚೆ ಆಡ್ವ ಬೋಲ್ನಾರಾ ಹ್ಯೊ ಕೊನ್? ಪಾಪ್ ಮಾಪ್ಕರ್ನಾರಾ ದೇವ ತ್ಯವ್ಡಾಸ್? ಮನ್ಹುನ್ ಇಚಾರ್ ಕರಾಯಾ ಲಾಗ್ಲ.
ತವಾ ಯೇಸುನಿ ತ್ಯಂಚಾ಼ ಇಚಾರ್ ವಳ್ಕುನ್ ತ್ಯನಾ "ತುಮಿ ತುಮ್ಚಾ ಮನಾತ್ನಿ ಆಸ್ಲಾ ಇಚಾರ್ ಕಾ ಕರ್ತಾಸಾ? ಮನ್ಲಾ. ತುಜಿ ಪಾಪ್ ಮಾಪ್ ಜಾ಼ಲಿತ ಮನ್ಹಾಚ ಕ್ಯಾ? ನಾಹಿತ ರೊಗಿಲಾ ಉಠುನ್ ಚಾ಼ಲ್ ಮನ್ಹಾಚ ಹ್ಯಾತ್ಲ ಕಚ಼, ಮನ್ಹಾಚ ಸಲ್ಪ? ಖರ ದರ್ಥಿವ ಪಾಪಾಂಚಿ ಮಾಪ್ಕರಾಲಾ ಮಾನ್ಸಾಚಾ ಲೇಕಾಲಾ ಹಾಕ್ ಹಾ ಹ್ಯ ತುಮಾನಾ ಸಮ್ಜಾಯಾ ವ್ಹಯಿ ಮನ್ಹುನ್ ತ್ಯೊ ಪಾರ್ಶಿಚಾ ರೊಗಿಲಾ ಮನ್ಲಾ ಮಿ ತುಲಾ ಸಾಂಗ್ತೊ ಉಟ್ ತುಜ಼ ಹಾತ್ರುನ್ ಉಚ಼್ಲುನ್ ಗಿಹುನ್ ತುಜಾ ಗರ್ಹಾತ್ ಜಾ಼" ಮನ್ಲಾ.
ತ್ಯೊ ತವಾಸ್ ತ್ಯಂಚೆ ಹುಜು಼ರ್ ಉಠುನ್ ಕಸ್ಯಾ ವರ್ ತ್ಯೊ ಪಡುನ್ಹುತ್ತಾ. ತ್ಯ ಉಚ್ಲು಼ನ್ ಗಿಹುನ್ ದೇವಾಲಾ ವವ್ಯಾಳಿತ್ ಆಪ್ಲ್ಯಾ ಗರ್ಹಾತ್ ಗೆಲಾ.
ಹಾತ್ ವಾಳ್ಯಾಲಾ ಮಾನುಸ್
ಮಂಗ್ ದುಸ್ರ್ಯಾ ಯಕಾ ಸಬ್ಬತಾ ದಿಸಿ ಆಸ ಜಾ಼ಲ ಯೇಸು ಸಭಾಸ್ಥಾನಾತ್ ಜಾ಼ವುನ್ ಸಿಕ್ವಿತ್ ಆಸ್ಥಾನಾ ತಿಥ ಉಜ಼ವಾ ಹಾತ್ ವಾಳ್ಯಾಲಾ ಯೊಕ್ ಮಾನುಸ್ ಹುತ್ತಾ. ತವಾ ಶಾಸತ್ರಿ ಆನಿ ಫರಿಸಾಯ್ ಯೇಸುವ ಚು಼ಕ್ ವಾವಾಯಾ ವ್ಹಯಿ ಮನ್ಹುನ್ ಸಬ್ಬತ್ ದಿಸಾದಿಸಿ ರೊಗ್ ಬರಾ ಕರ್ತ್ಯೊ ಕ್ಯಾ ನಾಹಿ ಬಗಾಯಾ ಟಪುನ್ ರಾಯ್ಲ. ಫನ್ ಯೇಸುನಿ ತ್ಯಂಚಾ಼ ಇಚಾರ್ ವಳ್ಕುನ್ ತ್ಯಾ ಹಾತ್ ವಾಳ್ಯಾಲ್ಯಾ ಮಾನ್ಸಾಲಾ, "ಉಠುನ್ ಹಿತ್ತ ಉಬಾ ರ್ಹಾ" ಮನ್ಹುನ್ ಸಾಂಗ್ಲ ತವಾ ತ್ಯೊ ಉಠುನ್ ಉಬಾ ರಾಯ್ಲಾ.
ತವಾ ಯೇಸು ತ್ಯನಾ ಮನ್ಲಾ. "ಮಿ ತುಮಾನಾ ಇಚಾರ್ತೊ ಸಬ್ಬತ್ ದಿಸಾದಿಸಿ ಬರ ಕರಾಚ಼ ಚಾ಼ಂಗ್ಲ ಕ್ಯಾ ವಾಯಿಟ್ ಕರಾಚ಼ ಚಾ಼ಂಗ್ಲ ಜೀವ್ ಉರ್ವಾಚಾ಼ ಚಾ಼ಂಗ್ಲ ಕ್ಯಾ ಜೀವ್ ಕಾಡಾಚಾ಼ ಚಾ಼ಂಗ್ಲ?
ಮಂಗ್ ಯೇಸುನಿ ಸರ್ಬೌತಚಾ ಸಗ್ಳ್ಯಾಂಚಿಕ್ಡ ಬಗುನ್ ತ್ಯಲಾ ಮನ್ಲಾ, "ತುಜಾ಼ ಹಾತ್ ಮೊರ್ಹ ಕರ್" ತವಾ ತ್ಯನಿ ಮೊರ್ಹ ಕೆಲಾ ಆನಿ ತ್ಯಚಾ಼ ಹಾತ್ ಬರಾ ಜಾ಼ಲಾ.
ಯೇಸುನಿ ಶತಾದಿ ಪತಿಚಾ ಚಾ಼ಕ್ರಾಲಾ ಬರ ಕೆಲ್ಯಾಲ
ಮಂಗ್ ಹಿ ಸಗ್ಳಿ ವಚ಼ನ ಲೊಕಾಂಚಾ ಕಾನಾವ ಪಡ್ಲಿತ ತವಾ ಯೇಸು ಆಪ್ಲ ಬೋಲ್ನ ಉಬಕರುನ್ ಕಪೆರ್ನೌಮ್ ಪೆಠತ್ ಗೆಲಾ. ತಿಥ ಶಥಾದಿಪತಿಲಾ ಆವ್ಡಚಾ಼ ಯೊಕ್ ಚಾ಼ಕೊರ್ ಸಿಕ್ ಪಡುನ್ ಮರಾಯಾ ಜಾ಼ಲ್ಥಾ. ಶತಾದಿಪತಿನಿ ಯೇಸುಚಿ ಬಾತ್ನಿ ಐಕುನ್ ಯೆಹುದ್ಯಾಂಚಾ ವಡ್ಲಾನಾ ತ್ಯಚಿಕ್ಡ ಲಾವುನ್ ದಿವುನ್ ಆನಿ ತ್ಯಂಚಾನಿ ತು ಯವುನ್ ಮಾಜಾ ಚಾ಼ಕ್ರಾಲಾ ಬರಕರಾವ ಮನ್ಹುನ್ ಇನಂತಿ ಕರಾಯಾಲ್ಯಾವ್ಲಿ.
ತೇ ಯೇಸುಕ್ಡ ಯವುನ್, ತ್ಯನಿ ಖುಬ್ ಇಚಾರ್ಲ ಹ್ಯೊ ಮಾನುಸ್ ತುಜೆ ಮಜ಼ತಿಲಾ ಯೊಗೆತಾಚಾ಼ ಹಾ. ಕಾ ಮಂಜೆ ತ್ಯೊ ಆಮ್ಚಾ ಲೊಕಾಂಚಿವ ಮಾಯಾ ಆಸ್ನಾರಾ ಆನಿ ಹ್ಯನಿಸ್ ಆಮ್ಚೆ ಸಾಟಿ ಸಭಾಸ್ಥಾನ್ ಬಾಂದುನ್ ದಿಲ್ಯಾಲ ಹಾ" ಮನ್ಲ.
ತವಾ ಯೇಸು ತ್ಯಂಚೆ ಸಂಗ ಗೆಲಾ ಆನಿ ತ್ಯಚಾ ಗರ್ಹಾಚೆ ಜ಼ವಳ್ ಯತಾನಾಸ್ ತ್ಯನಿ ಯೇಸುಕ್ಡ ಆಪ್ಲ್ಯಾ ಸೊಪ್ತ್ಯಾನಾ ಸಾಂಗ್ ಲಾವುನ್ ದಿವುನ್ ಪ್ರಭು ತರಾಸ್ ಗಿಹು ನಕೊಸ್, ತು ಮಾಜಾ ಗರ್ಹಾತ್ ಯಯಿಜೊ಼ಗಾ ಮಿ ಮೊಟಾ ನವ್ಹ. ನಾಹಿತ ಮಿ ತುಜಿಪ ಯಯಾಚಿ ಯೊಗೆತಾಬಿ ಮನಾ ನಾಹಿ ಫಕ್ತ ತು ಯೊಕ್ ಸಬ್ದ ಸಾಂಗ್ಲಾಸ್ಕಿ ಮಾಜಾ಼ ಚಾ಼ಕೊರ್ ಬರಾ ವ್ಹಯಿಲ್. ಮಿ ಸಾಹಿತ್ ಆನಿ ಯಕಾಚಾ ಹಾತಾ ಖಾಲ್ ಆಸ್ಲ್ಯಾಲಾ ಮಾನುಸ್ ಹಾ ಮಾಜಾ ತಾಬ್ಯಾತ್ ಸಿಪಾಯಿ ಹಾತ; ಮಿ ಯಕಾಲಾ ಜಾ಼ ಮನ್ಲೊ ಮಂಜೆ ತ್ಯೊ ಜಾ಼ತೊ ದುಸ್ರ್ಯಾಲಾ ಯೆ ಮನ್ಲೊ ಮಂಜೆ ತ್ಯೊ ಯತೊ ಆನಿ ಆಪ್ಲ್ಯಾ ಚಾ಼ಕ್ರಾಲಾ ಆಮ್ಕ ಕರ್ ಮನ್ಲೊ ಮಂಜೆ ತ್ಯೊ ಕರ್ತೊ.
ಹ್ಯ ಐಕುನ್ ಯೇಸುಲಾ ಆಜಾಬ್ ವಾಟ್ಲ ಆನಿ ತ್ಯೊ ಗುಳ್ಹುನ್ ಆಪ್ಲೆ ಮಾಗ್ನಿ ಚಾ಼ಲತ್ಯಾಲ್ಯಾ ಲೊಕಾನಾ ಮನ್ಲಾ ಮಿ ತುಮಾನಾ ಸಾಂಗ್ತೊ ಆಸ್ಲಾ ಇಸ್ವಾಸ್ ಮನಾ ಇಸ್ರಾಯಲಾತ್ಬಿ ಕುಠ ದಿಸ್ಲಾ ನಾಹಿ.
ಮಂಗ್ ಲಾವುನ್ ದಿಲ್ಯಾಲ ಮಾನುಸ್ ಪರತ್ ಗರ್ಹಾತ್ ಆಲ್ಯಾವ ತ್ಯನಾ ತ್ಯೊ ಚಾ಼ಕೊರ್ ಬರಾ ಜಾ಼ಲ್ಯಾಲಾ ದಿಸ್ಲಾ.
ಆಟ್ರಾ ವರ್ಸಾ ದ್ನರಿ ಬರ್ಶಾ ಆತ್ಮ್ಯಾನಿ ಕಂಬಾರ್ ವಾಕುನ್ ಸೀಕ್ ಪಡ್ಲ್ಯಾಲಿ ಯೇಕ್ ಬಾಯಿಲ್ ಮಾನುಸ್ ಹುತ್ತಿ. ಯೇಸುನಿ ತಿಲಾ ಬಗುನ್ ಹಾಕ್ಟುನ್ "ಬಾಯಿ ತು ತುಜಾ ರೊಗಾತ್ನಿ ಸುಟ್ಕಿ ಜಾ಼ಲಿಸ್" ಮನ್ಲಾ. ಯೇಸುನಿ ತಿಚಿವರ್ ಹಾತ್ ಥೆವ್ತಾನಾಸ್ ತಿ ನಿಟ್ ಜಾ಼ಲಿ ಆನಿ ದೇವಾಚಿ ಮೈಮಾ ಗಾವಾಲಾಗ್ಲಿ.
ಯೇಸುನಿ ಯಕಾ ರೊಗಿಲಾ ಬರ ಕೆಲ್ಯಾಲ
ಯೇಸು ಯಕಾ ಸಬ್ಬತ್ ದಿಸಾದಿಸಿ ಪರಿಸಾಯಾತ್ಲ್ಯಾ ಯಕಾ ಅಧಿಕಾರಿಚಾ ಗರ್ಹಾತ್ ಜೆವ್ನಾಲಾ ಗೆಲಾ ತವಾ ಥುಡಿ ಲೊಕ ಯೇಸುಚೆ ಪಾಳತಿವ ಬಸ್ಲಿ ಹುತಿತ. ಆನಿ ಹಾತ್ ಪ್ಯಾ ಸುಜ್ಲ್ಯಾಲಾ ಮಾನುಸ್ ಯೇಸುಚೆ ಮೊರ್ಹ ಹುತ್ತಾ. ಯೇಸುನಿ ಶಾಸ್ತ್ರಿನಾ ಆನಿ ಫರಿಸಾಯಾನಾ ಸಬ್ಬತಾ ದಿಸಿ ರೊಗ್ ಬರಾ ಕರಾಚಾ಼ ಯೊಗ್ಯ ಕ್ಯಾ ನಾಹಿ? ಮನ್ಹುನ್ ಇಚಾರ್ಲ.
ತವಾ ತೇ ಗಪ್ ರಾಹಿಲ ಮಂಗ್ ಯೇಸುನಿ ತ್ಯಲಾ ಜ಼ವಳ ಗಿಹುನ್ ಬರಾ ಕೆಲಾ ಆನಿ ಲಾವುನ್ ದಿಲಾ.
ಯೇಸುನಿ ಧಾ ಜ಼ನಾನಾ ಬರ ಕೆಲ್ಯಾಲ
ಯೇಸು ಯೆರುಸಲೇಮಿತ್ ಜಾ಼ತ್ಯಾಲಾ ಆಸ್ಥಾನಾ ಸಮಾರ್ಯ ಗಲಿಲಾಯ್ ಸಿಮಂಚೆ ಮದ್ನಿ ಗೆಲಾ. ಯಕಾ ಖೆಡ್ಯಾ ಗಾವಾತ್ ಆಲಾ ತವಾ ಧಾ ಜಾ಼ನ್ ಕುಶ್ಟ ರೊಗಿ ತ್ಯಚೆ ಮೊರ್ಹ ಯವುನ್ ದುರ್ ಉಬರಾಹುನ್, "ಯೇಸು! ಪ್ರಭು! ಆಮ್ಚಿವ ಕರ್ನಾ ಥೆವ್" ಮನ್ಹುನ್ ವರ್ಡುನ್ ಸಾಂಗ್ಲ.
ಯೇಸುನಿ ತ್ಯನಾ ಬಗುನ್, "ತುಮಿ ಜಾ಼ವುನ್ ತುಮ್ಚಾ ಯಾಜಕಾಲಾ ಆಂಗ್ ದಾವಾ" ಮನ್ಹುನ್ ಸಾಂಗ್ಲ. ತೇ ಜಾ಼ತಾನಾಸ್ ಬರ ಜಾ಼ಲ. ತ್ಯಾತ್ಲ್ಯಾ ಯಕಾನಿ ಆಪ್ಲ್ಯಾಲಾ ಬರ ಜಾ಼ಲ್ಯಾಲ ಬಗುನ್ ಮೊಟ್ಯಾನಿ ದೇವಾಲಾ ವವ್ಯಾಳಿತ್ ಮಾಗಾರಾ ಆಲಾ ಆನಿ ತ್ಯೊ ಯೇಸುಚಾ ಪಾಯಾತ್ ಪಡುನ್ ತ್ಯಲಾ ಉಪ್ಕಾರ್ ಸಾಂಗ್ಲಾ ತ್ಯೊ ಸಮಾರ್ಯಾತ್ಲಾ. ಯೇಸುನಿ ಹ್ಯ ಬಗುನ್, "ಧಾ ಜಾ಼ನ್ಬಿ ಬರ ಜಾ಼ಲ್ಥ ನವ್ಹ? ಆನಿ ರಾಯ್ಲ್ಯಾಲ ನವುಜಾ಼ನ್ ಕುಠ? ಪ್ರಭುಲಾ ವವ್ಯಾಳಾಲಾ ಹ್ಯೊ ದುಸ್ರೆ ದೆಶಾತ್ಲಾ ಸುಡುನ್ ಆನಿ ಕಚಾ಼ಸ್ ಮಾಗಾರಾ ಪರ್ತುನ್ ಆಲಾ ನಾಹಿ ಕ್ಯಾ? ಮನ್ಹುನ್ ಸಾಂಗುನ್ ತ್ಯಲಾ, "ಉಠುನ್ ಜಾ಼ ತುಜಾ ಇಸ್ವಾಸಾನಿ ತುಲಾ ಬರ ಕೆಲ್ಯಾ ಮನ್ಹುನ್ ಸಾಂಗ್ಲ.
ತಳ್ಯಾಪ ಬರಾ ಜಾ಼ಲ್ಯಾಲಾ ದುಖನ್ಕರಿ
ತ್ಯಾ ನಂತರ ಯೇಸು ಯೆಹುದ್ಯಾಂಚಾ಼ ಯಕಾ ಸನಾಲಾ ಯೆರುಸಲೇಮಿತ್ ಗೇಲಾ ಯೆರುಸಲೇಮಿತ್ ಪಾಚ್ ಮಾಂಡ್ವಾಚಾನಿ ಮಿಳಾಲ್ಯಾಲ ಯಾಕ್ ತಳ ಹಾ ಇಬ್ರಿಯಾ ಬಾಶೆತ್ ತ್ಯಲಾ ಬೆತ್ಸಥ ಮಂಥ್ಯಾತ ಹ್ಯ ತಳ ಮೆಡ್ರಾಂಚ಼ ದಾರ್ ಮಂಥ್ಯಾಲ್ಯಾ ಜಾ಼ಗ್ಯಾಪ ಹಾ. ತಳ್ಯಾಪ ಆಸ್ಲ್ಯಾಲ್ಯಾ ಮಾಂಡ್ವಾತ್ನಿ ಖುಬ್ ರೊಗಿ ಪಡುನ್ ಹುತ್ತ. ತ್ಯಂಚಾತ್ಲ ಥೊಡ ಆಂದ್ಳ ಹುತ್ತ. ಥೊಡ ಲಂಗ್ಡ ಹುತ್ತ ಆನಿ ಥೊಡ ಲಕ್ವಾ ಮ್ಯಾರ್ಲ್ಯಾಲ ರೊಗಿ ಹುತ್ತ. ತೇ ಪಾನಿ ಹಲ್ತ್ಯಾಲ ರಾಖಿತ್ ರಾಹಿತ, ಕಾ ಮಂಜೆ ಪರತೇಕ್ ಖೆಪಾ ಥೊಡ್ಯಾ ಯಳಾ ನಂತರ್ ಪ್ರಭುಚಾ ಧುತ್ ಖಾಲ್ ಯವುನ್ ತಳಿತ್ಲ ಪಾನಿ ಹಲ್ವಿತಾ. ದುಖನ್ಕರ್ಯಾತ್ಲಾ ಕಚಾ಼ಬಿ ಯೊಕ್ ಮಾನುಸ್ ಪಾನಿ ಹಾಲ್ತಾನಾ ಆಂದಿ ಜಾ಼ತೊ ತ್ಯೊ ದುಖ್ನ್ಯಾತ್ನಿ ಬರಾ ವ್ಹತ್ತೊ. ತಿಸಾವ ಆಟ್ ವರ್ಸಾ ದರ್ನಿ ರೊಗಾತ್ ಆಸ್ಲ್ಯಾಲಾ ಯೊಕ್ ತಿಥ ಪಡುನ್ ಹುತ್ತಾ. ತ್ಯೊ ಖುಬ್ ವರ್ಸಾ ದರ್ನಿ ರೊಗಿ ವ್ಹವುನ್ ತಿಥ ರಾಯ್ಲ್ಯಾಲಾ ಯೇಸುಲಾ ಠಾವಾ ಹುತ್ತಾ. ಆನಿ ತ್ಯನಿ ತ್ಯಲಾ ಬಗುನ್ ತುಲಾ ಬರಾ ವ್ಹಯಾ ಮನ್ ಹಾ ಕ್ಯಾ? ಮನ್ಹುನ್ ಇಚಾರ್ಲ.
ತ್ಯೊ ದುಖನ್ಕರಿ, "ಪಾನಿ ಉತು ಯತಾನಾ ತಳ್ಯಾತ್ ಉತ್ರಾಯಾ ಮನಾ ಕೊನ್ ಮಜ಼ತ್ ಕರೀತ್ ನಾಹಿತ. ಮಿ ಸಗ್ಳ್ಯಾಂಚೆ ಆಂದಿ ಮಿ ಪಾನ್ಯಾತ್ ಉತ್ರಾಯಾ ಯತ್ನ ಕರ್ತೊ. ಫನ್ ಪರತೇಕ್ ಖೆಪಾ ಮಾಜೆ ಆಂದಿ ದುಸ್ರಾ ಉತಾರ್ತೊ" ಮನ್ಹುನ್ ಸಾಂಗ್ತೊ.
ತವಾ ಯೇಸು, "ಉಟ್! ತುಜ಼ ಹಾತ್ರುನ್ ಗಿಹುನ್ ಚ಼ಲ್" ಮನ್ಹುನ್ ಸಾಂಗ್ತೊ. ತವಾಸ್ ತ್ಯೊ ಮಾನುಸ್ ಬರಾ ವ್ಹವುನ್,
ಆಪ್ಲ ಹಾತ್ರುನ್ ಗಿಹುನ್ ಗೇಲಾ ಹ್ಯ ಸಗ್ಳ ಜಾ಼ಲ್ಯಾಲ ಸಬ್ಬತ್ ದಿಸಾ ದಿಸಿ.
ಯೇಸುನಿ ಗಲಿಲಾಯಾಚಾ ಕಾನಾ ಗಾವಾತ್ ಆನಿ ಯಂಗ್ದಾ ಭೇಟ್ ದಿಲಿ ತಿಥಸ್ ತ್ಯನಿ ಪಾನ್ಯಾನಿ ದರಾಕ್ಶಿಚಾ಼ ರಸ್ ಕೆಲ್ಯಾಲಾ. ತ್ಯಾಸ್ ಗಾವಾತ್ ಯೊಕ್ ಸರ್ಕಾರಿ ಅಧಿಕಾರಿ ಹುತ್ತಾ ತ್ಯಚಾ಼ ಲ್ಯೊಕ್ ಕಪೆರ್ನೌಮ್ ಪೆಠತ್ ಸೀಕ್ ಪಡುನ್ ಹುತ್ತಾ. ಯೇಸು ಯುದಾಯಾತ್ನಿ ಯವುನ್ ಆತಾ ಗಲಿಲಾಯಾತ್ ಹಾ ಮನ್ಹಾಚಿ ಬಾತ್ನಿ ತ್ಯನಿ ಐಕ್ಲಿ ಆನಿ ತ್ಯೊ ತ್ಯಚಿಪ ಜಾ಼ವುನ್ ಮರಾಯಾ ಠಕ್ಲ್ಯಾಲ್ಯಾ ಆಪ್ಲ್ಯಾ ಲೆಕಾಲಾ ಬರಾ ಕರಾಯಾ ಕಪೇರ್ನೌಮಿತ್ ಯೇ ಮನ್ಹುನ್ ಇನಂತಿ ಕೆಲಿ. ಯೇಸುನಿ ತ್ಯಲಾ ತುಮಿ ಮುಟಿ ಮುಟಿ ಅದ್ಬುತಾಚಿ ಆನಿ ಚಮತ್ಕಾರಾಚಿ ಕಾಮ ಬಗ್ಲ್ಯಾ ಸಿವಾರ್ ಮಾಜಿವ ಇಸ್ವಾಸ್ ಥಿವಿತುಸ್ ನಾಹಿಸಾ ಮನ್ಲ್ಹಾ.
ಸರಕಾರಿ ಅಧಿಕಾರಿ ಪ್ರಭು ಮಾಜಾ಼ ಲ್ಯೊಕ್ ಮರಾಚೆ ಆಂದಿಸ್ ತು ಮಾಜಿ ಸಂಗ ಚ಼ಲ್.
ಯೇಸು ತ್ಯಲಾ ಜಾ಼ ತುಜಾ಼ ಲ್ಯೊಕ್ ಜಿತ್ತಾ ರಾನ್ಹಾರ್. ಯೇಸುಚಾ ಸಬ್ದಾವ ಇಸ್ವಾಸ್ ಥಿವುನ್ ಮಾಗಾರಾ ಗರ್ಹಾತ್ ಜಾ಼ಯಾ ಗೇಲಾ. ತ್ಯೊ ಗರ್ಹಾತ್ ಜಾತಾನಾ ತ್ಯಚ ಆಳ್ ತ್ಯಚಿಪ ಯವುನ್ ತುಜಾ಼ ಲ್ಯೊಕ್ ಜಿತ್ತಾ ಜಾ಼ಲ್ಯಾ ಮನ್ಲ್ಹ.
ತ್ಯನಿ ಮಾಜಾ ಲೇಕಾಲಾ ಕಿತಿ ವಾಸ್ತಾ ಬರ ಜಾ಼ಲ? ಮನ್ಹುನ್ ಇಚಾರ್ಲ. ತವಾ ಸೇವಕಾಂಚಾನಿ ಕ್ಯಾಲ್ ದೊಪಾರಾ ಯೇಕ್ ವಾಸ್ತಾ ತ್ಯಚ಼ ತಾಪ್ ಗೇಲಾ ಮನ್ಲ್ಹ.
ತುಜಾ಼ ಲ್ಯೊಕ್ ಜಿತ್ತಾ ವ್ಹನಾರ್ ಮನ್ಹುನ್ ಯೇಸುನಿ ಸಾಂಗ್ಲ್ಯಾಲ ಹ್ಯಾಸ್ ಯಳಾಲಾ ಬಾನಿ ಸಮ್ಜುನ್ ಗೆತ್ಲ ತ್ಯನಿ ಆನಿ ತ್ಯಚಾ ಗರ್ಹಾತಲ್ಯಾ ಸಗ್ಳ್ಯಾಂಚಾನಿ ಯೇಸುವ ಇಸ್ವಾಸ್ ಥೆವ್ಲಾ.
ಯೇಸು ಯುದಾಯಾತ್ನಿ ಗಲಿಲಾಯಾತ್ ಆಲ್ಯಾವ ಕೆಲ್ಯಾಲ ದೊನ್ವ ಮೊಟ ಚಮತ್ಕಾರಾಚ಼ ಕಾಮ್ ಹ್ಯ.
A mulher com fluxo de sangue
Uma mulher que sofria há doze anos tocou a orla do manto de Jesus e foi curada instantaneamente pela sua fé.
ಬಾರಾ ವರ್ಸಾಠಾವ್ನಿ ಆಂಗಾವ್ನಿ ರಗಾತ್ ಜಾ಼ತ್ಯಾಲಾ ರೊಗ್ ಆಸ್ಲ್ಯಾಲಿ ಯೇಕ್ ಬಾಯಿಲ್ ಮಾನುಸ್ ತಿಥ ಹುತ್ತಿ. ತೀ ಬಾಯಿಲ್ ಮಾನುಸ್ ಯೇಸುಚೆ ಮಾಗ್ನಿ ಯವುನ್ ತ್ಯಚೆ ವೈಲೆ ಆಂಗಿಚಾ ಟೊಕಾಲಾ ಹಾತ್ಲ್ಯಾವ್ಲಾ. ತೇ ಬಾಯಿಲ್ ಮಾನ್ಸಾನಿ, "ತ್ಯಚೆ ಆಂಗಿಲಾ ಹಾತ್ಲ್ಯಾವ್ಲ್ಯಾವ ಪುರೊ, ಮಿ ಬರಿ ವ್ಹನಾರ್" ಮನ್ಹುನ್ ಇಚಾರ್ ಕೆಲಾ.
ಯೇಸು ಮಾಗಾರಾ ಪರ್ತುನ್ ತೇ ಬ್ಯಾಯ್ಕಾ ಮಾನ್ಸಾಲಾ ಬಗುನ್, "ಲೀಕಿ, ದಿರ್ಹಾನಿ ರ್ಹಾ! ತುಜಾ ಇಸ್ವಾಸಾನಿ ತುಲಾ ಬರ ಜಾ಼ಲ" ಮನ್ಹುನ್ ಸಾಂಗ್ತೊ. ತವಾಸ್ ತೀ ಬರಿ ಜಾ಼ಲಿ.
ತಿಥ ಬಾರಾ ವರ್ಸ ಅಂಗಾವ್ನಿ ರಗಾತ್ ಜಾ಼ತ್ಯಾಲಾ ರೊಗ್ ಆಸ್ಲ್ಯಾಲಿ ಯೇಕ್ ಬಾಯಿಲ್ ಮಾನುಸ್ ಹುತ್ತಿ. ತಿನಿ ಖುಬ್ ದವಾಖಾನ ಕೆಲ್ತ ಆಪ್ಲಿಪ್ಲ ಸಗ್ಳ ಪೈಸ ಖರ್ಚ ಕೆಲ ಖರ ತಿಲಾ ಕಾಯ್ ಗುನ್ ಗಾವ್ಲಾ ನಾಹಿ ರೊಗ್ ಚಾ಼ವಾಳಾ ಹುತ್ತಾ.
ತಿನಿ ಯೇಸುಚಿ ಖಬರ್ ಐಕ್ಲಿ, ಆನಿ ಲೊಕಾಂಚೆ ಮದ್ದಿ ಯೇಸುಚೆ ಮಾಗ ಆಲಿ. ತಿ ಆಪ್ಲ್ಯಾ ಮನಾತ್, "ಮಿ ತ್ಯಚಾ ಕಪ್ಡ್ಯಾನಾ ಹಾತ್ ಲ್ಯಾವ್ಲಾ ಪುರಾ ಮಿ ಬರಿ ವ್ಹನಾರ್" ಮನ್ಲಿ. ಆನಿ
ತಿನಿ ತ್ಯಚಾ ಕಪ್ಡ್ಯಾಲಾ ಹಾತ್ ಲ್ಯಾವ್ಲಾ. ತವಾಸ್ ತಿಚಾ ಅಂಗಾವ್ನಿ ರಗಾತ್ ಜಾ಼ಯಾಚ಼ ಬಂದ್ ಜಾ಼ಲ, ತಿಚಾ ಮನಾಲಾ ಆಪ್ಲ್ಯಾಲಾ ಬರ ಜಾ಼ಲ ಮನ್ಹುನ್ ಸಮಾಜ಼್ಲ.
ತ್ಯಾ ಹಿಂಡಾತ್ ಯೇಕ್ ಬ್ಯಾಯ್ಕಾ ಮಾನುಸ್ ಬಾರಾ ವರ್ಸಾದರ್ನಿ ರಗಾತ್ ಜಾ಼ಯಿತ್ ಆಸ್ಲ್ಯಾಲ್ಯಾ ರೊಗಾತ್ನಿ ತರಾಸ್ ಖಾಯಿತಿ ತಿನಿ ತೀಚಿಪ್ಲ ಆಸ್ಲ್ಯಾಲ ಪೈಸ ಸಗ್ಳ ಸಪಿವ್ಲ ಖರ ಕುನಾಲಾಸ್ ಬರ ಕರಾಯಾ ಜಾ಼ಲ ನಾಹಿ, ಯೇಸುಚೆ ಮಾಗ ಯವುನ್ ತ್ಯಚಾ ಕಪ್ಡ್ಯಾಲಾ ಹಾತ್ ಲ್ಯಾವ್ಲಾ ತವಾಸ್ ತಿಚ಼ ರಗಾತ್ ಜಾ಼ತ್ಯಾಲ ಥಾಂಬ್ಲ ಫನ್ ಯೇಸು ಮನ್ಲಾ ಮನಾ ಕುನಿ ಹಾತ್ ಲ್ಯಾವ್ಲಾಸಾ? ತವಾ ಸಗ್ಳಿ
ಜ಼ನ ಮಿ ನವ ಮಿ ನವ ಮನ್ಹಿತಿತ ತವಾ ಪೇತ್ರ, "ಪ್ರಭು ಲೊಕಾಂಚಿ ಗರ್ದಿ ತುಜೆ ಸರ್ಬವಾರಿ ಹಾ" ಮನ್ಲ.
ಫನ್ ಯೇಸು, "ಕುನಿತರಿ ಮನಾ ಹಾತ್ ಲ್ಯಾವ್ಲ್ಯಾ ಮಾಜಿಪ್ನಿ ದೇವಾಚ಼ ಬಳ್ ಗೆಲ ಹ್ಯ ಮನಾ ಸಮಾಜ಼್ಲ" ಮನ್ಲಾ ಮಂಗ್ ಮಿ ದಡುನ್ ರಾಹಿಲೆ ನಾಹಿ ಮನ್ಹುನ್ ಸಮಜು಼ನ್ ತೀ ಬ್ಯಾಯ್ಕೊ ಮಾನುಸ್ ಕ್ಯಾಪ್ರ ಬರ್ಹುನ್ ಮೊರ್ಹ ಯವುನ್ ತ್ಯಚಾ ಪಾಯಾತ್ ಪಡುನ್ ಆಪ್ನು ಕ್ಯಾ ಕಾರ್ನಾನಿ ತ್ಯಲಾ ಹಾತ್ ಲ್ಯಾವ್ಲಾ ತವಾಸ್ ಕಸಿ ಬರಿ ಜಾ಼ಲಿ ತ್ಯ ತಿನಿ ಸಗ್ಳ್ಯಾ ಲೊಕಾಂಚೆ ಮೊರ್ಹ ಸಾಂಗ್ಲ.
ತವಾ ಯೇಸು ತಿಲಾ, "ಲಿಕಿ, ತುಜಾ ಇಸ್ವಾಸಾನಿ ತುಲಾ ಬರ ಕೆಲ್ಯಾ ಶಾಂತಿನಿ ಜಾ಼" ಮನ್ಲಾ.
Ressurreições
Jesus ressuscitou mortos — a filha de Jairo, o filho da viúva de Naim e Lázaro. Ele é Senhor sobre a morte.
ಮರುನ್ ಜಿತ್ತಿ ಜಾ಼ಲ್ಯಾಲಿ ಪ್ಯೊರ್ ಆನಿ ಬರಿ ಜಾ಼ಲ್ಯಾಲಿ ಬ್ಯಾಯ್ಕಾ ಮಾನುಸ್
ಯೇಸು ಹ್ಯಾ ಗುಶ್ಟಿ ಸಾಂಗ್ತ್ಯಾಲಾ ಆಸ್ಥಾನಾ ಸಭಾಸ್ಥಾನಾತ್ಲಾ ಅಧಿಕಾರಿಯಕ್ಲಾ ತ್ಯಚಿಪ ಯವುನ್ ತ್ಯಲಾ ವಾಕುನ್ ಹಾತ್ ಜು಼ಡುನ್, "ಮಾಜಿ ಲೇಕ್ ಆತಾಸ್ ಮಿಲಿ. ಫನ್ ತು ಯವುನ್ ತಿಲಾ ಹಾತ್ಲ್ಯಾವ್ಲ್ಯಾವ ತೀ ಆನಿಕ್ ಜಿತ್ತಿ ವ್ಹನಾರ್" ಮನ್ಲಾ. ತವಾ ಯೇಸು ಉಠುನ್ ಅಧಿಕಾರ್ಯಾ ಸಂಗ ಗೆಲಾ. ಯೇಸುಚ಼ ಶಿಶಾ ಸಾಹಿತ್ ಗೆಲ.
ಮಂಗ್ ಯೇಸು ಅಧಿಕಾರ್ಯಾ ಸಂಗ ತ್ಯಚಾ ಗರ್ಹಾತ್ ಗೆಲಾ. ಮಡ ನಿಹ್ಯಾ ಆಲ್ಯಾಲ ವಾಜ಼ಪ ವಾಜಿವ್ತ್ಯಾಲ್ಯಾನಾಬಿ ರಡ್ತ್ಯಾಲ್ಯಾನಾಬಿ ಯೇಸುನಿ, "ದುರ್ ಜಾ಼ವಾ, ಪ್ಯೊರ್ ಮೀಲಿ ನಾಹೀ. ತೀ ನಿಜ್ಲೆ಼" ಮನ್ಲಾ. ಫನ್ ತ್ಯಂಚಾನಿ ಯೇಸುಚಿ ಟಿಂಗಲ್ನಾ ಕಿಲಿ. ಲೊಕಾನಾ ಬಾಹಿರ್ ಲಾವುನ್ ದಿಲ್ಯಾವ ಯೇಸು ಆತ್ ಜಾ಼ವುನ್. ಪುರಿಚಾ ಹಾತಾಲಾ ದರ್ಲ ತವಾಸ್ ತೀ ಪ್ಯೊರ್ ಉಠುನ್ ಉಬಿರಾಯ್ಲಿ.
ತವಾ ಸಬಾ ಮಂದಿರಾತ್ಲಾ ಅಧಿಕಾರಿ ಯಾಯಿರ್ ಮಂಥ್ಯಾಲಾ ತಿಥ ಆಲಾ, ಆನಿ ಯೇಸುಲಾ ಬಗುನ್ ತ್ಯಚಾ ಪಾಯಾತ್ ಪಡ್ಲಾ. ಆನಿ ಮಾಜಿ಼ ಲ್ಯಾಡ್ಕಿ ಲೇಕ್ ಮರ್ತೆ ತೀ ಜ಼ಗುನಿ ಮನ್ಹುನ್ ತು ಯವುನ್ ತಿಚಿವ ಹಾತ್ ಥೆವ್; ಮನ್ಹುನ್ ತ್ಯಲಾ ಖುಬ್ ಇನಂತಿ ಕರಾಯಾ ಲಾಗ್ಲಾ.
ಯೇಸು ತ್ಯಚೆ ಸಂಗ ಗೆಲಾ, ಖುಬ್ ಲೊಕ ಯೇಸುಚೆ ಸಂಗ ಜಾ಼ಯಿತಿತ ಆನಿ ತ್ಯಲಾ ರಿಟಿತಿತ.
ತೇ ಸಬಾಮಂದಿರಾತ್ಲಾ ಅಧಿಕಾರಿ ಜಾ಼ಲ್ಯಾಲ್ಯಾ ಯಾಯಿರಾಚಾ ಗರ್ಹಾತ್ ಆಲ, ತವಾ ಲೊಕ ಮೊಟ್ಯಾನಿ ರಡತ್ ತಳ್ಮಳತ್ ಗಾನ್ಹಾ ಕರ್ತ್ಯಾಲಿ ಬಗುನ್, ಯೇಸು ಆತ್ ಜಾ಼ವುನ್, "ತುಮಿ ಕಾ ರಡ್ತಾಸಾ? ಕಸ್ಯಾಲಾ ಯವ್ಡಾ ಗಾನ್ಹಾ ಕರ್ತಾಸಾ? ಪ್ಯೊರ್ ಮಿಲಿ ನಾಹಿ, ನಿಜ್ಲೆ಼" ಮನ್ಲಾ. ತವಾ ಲೊಕಾಂಚಾನಿ ತ್ಯ ಮಸ್ಕರಿ ಸಮಜು಼ನ್ ಹಾಸ್ಲಿತ.
ಫನ್ ಯೇಸುನಿ ತ್ಯನಾ ಸಗ್ಳ್ಯಾನಾ ಬಾಹಿರ್ ಗಾಲಿವ್ಲಿತ, ಆನಿ ಪುರಿಚಿ ಆಯಿ ಬಾಲಾ ಆನಿ ಆಪ್ಲೆ ಸಂಗ ಆಲ್ಯಾಲ್ಯಾನಾ ಗಿಹುನ್ ಆತ್ ಪ್ಯೊರ್ ಹುತ್ತಿ ತಿಥ ಗೆಲ. ಆನಿ ಪುರಿಚಾ಼ ಹಾತ್ ದರುನ್ ತಿಲಾ, "ತಲಿಥಾ ಕುಮ್!" ಮನ್ಲಾ. ಮಂಜೆ ಹ್ಯಚಾ಼ ಆರ್ಥ "ಬಾಯಾ ಉಟ್!" ಮನ್ಹುನ್.
ತವಾಸ್ ತೀ ಪ್ಯೊರ್ ಉಠುನ್ ಚಾ಼ಲಾಯಾ ಲಾಗ್ಲಿ, ತಿ ಬಾರಾ ವರ್ಸಾಚಿ ಪ್ಯೋರ್, ಹ್ಯ ಬಗುನ್ ಲೊಕಾನಾ ಆಜಾಬ್ ಜಾ಼ಲಾ.
ಯೇಸುನಿ ಹೆ ಪೀಡಿಚಾ ಲೊಕಾಂಚ಼ ಕ್ಯಾ ಸಾಂಗು ಹಿ ಲೊಕ ಕುನಾಚೆಗತ್ ಹಾತ್ತ? ತೀ ಕುನಾಶಾರ್ಕಿ ಹಾತ್ತ? ಹ್ಯಾ ಕಾಲಾತ್ಲಿ ಲೊಕ ಬಾಜಾ಼ರಾತ್ ಬಸುನ್ ಆನಿ ಯಕಾಮಕಾಲಾ ಹಳ್ಯಾ ಮ್ಯಾರ್ತ್ಯಾಲ್ಯಾ ಪೊರಾಂಚೆಗತ್ ಹಾತ್ತ.
ಲಗ್ನಾಚ಼ ವಾಜಾ಼ಪ್ ವಾಜಿ಼ವ್ಲ
ತರಿ ತುಮಿ ನಾಚ಼ಲಾ ನಾಹಿಸಾ;
ದುಖಾನಿ ಲೊಳ್ಳಾವ್ ತರಿ ತುಮಿ
ರಡ್ಲಾ ನಾಹಿಸಾ
ಮಂಥ್ಯಾಲ್ಯಾಂಚಿಗತ್ ಹಾತ್ತ. ಬಾಪ್ತಿಸ್ಮಾ ಯೊಹಾನ್ ಬಾಕ್ರಿ ಖಾತ್ಯಾಲಾ ನವ್ಹ ದರಾಕ್ಶಿಚಾ ರಸ್ ಪಿತ್ಯಾಲಾ ನವ್ಹ ಆನಿ ತುಮಿ ತ್ಯಲಾ ಲಾಗಿರ್ ಲಾಗ್ಲ್ಯಾ ಮಂಥಾಸಾ. ಮಾನ್ಸಾಚಾ಼ ಲ್ಯೊಕ್ ಆಲಾ ತ್ಯೊ ಖಾತ್ಯಾಪಿತ್ಯಾಲಾ ಹಾ ಆನಿ ತುಮಿ ತ್ಯಲಾ ಮನ್ಲಾಸಾ ಹ್ಯೊ ಖಾದೊಡಾ ಪಿದೊಡಾ ಜ಼ಖತ್ ದಾರಾಂಚಾ಼ ಆನಿ ಪಾಪಿಂಚಾ಼ ಸುಪ್ತಿ ಮಂತಾಸಾ. ಫನ್ ದೇವಾಚ಼ ಗಿನ್ಯಾನ್ ಆಪ್ಲ್ಯಾಲಾ ಖರ ಮನ್ಹುನ್ ತ್ಯ ಕೊನ್ ವ್ಹಯ್ ಮಂಥ್ಯಾಲ್ಯಾ ಪೊರಾಂಚಿಪ್ನಿಸ್ ದಿಸುನ್ ಯತ.
ಯೇಸು ಫರಿಸಾಯಾ ಸಿಮೊನಾಚಾ ಗರ್ಹಾತ್
ಪರಿಸಾಯಾತ್ಲ್ಯಾ ಯಕಾನಿ ಯೇಸುಲಾ ಆಪ್ಲೆ ಸಂಗ ಖಾಯಾ ಸಾಟಿ ಇಂತಿ ಕೆಲಿ ತವಾ ಯೇಸು ತ್ಯಾ ಪರಿಸಾಯಚಾ ಗರ್ಹಾತ್ ಜಾ಼ವುನ್ ಖಾಯಾ ಬಸ್ಲಾ.
ಬಗಾ ತ್ಯಾ ಗಾವಾತ್ ಯೇಕ್ ಪಾಪಿ ಬಾಯಿಲ್ಮಾನುಸ್ ಹುತ್ತಿ. ಯೇಸು ಪರಿಸಾಯಾಚಾ ಗರ್ಹಾತ್ ಖಾಯಾ ಬಸ್ಲ್ಯಾ ಮನ್ಹುನ್ ಐಕುನ್ ತಿನಿ ಚಾ಼ಂಗಲ್ಯಾ ವಾಸಾಚಾ ತೇಲಾಚಿ ಬರ್ನ್ಹಿ ಗಿಹುನ್ ಆಲಿ.
ತವಾ ಯಾಯಿರ್ ನಾವಾಚಾ಼ ಯೊಕ್ ಮಾನುಸ್ ಆಲಾ ತ್ಯೊ ಸಭಾಸ್ಥಾನಚ಼ಾ ಅಧಿಕಾರಿ ಹುತ್ತಾ. ತ್ಯನಿ ಯೇಸುಚಾ ಪಾಯಾತ್ ಪಡುನ್ ತ್ಯನಿ ಆಪ್ಲ್ಯಾ ಗರ್ಹಾತ್ ಯಯಾ ಇನಂತಿ ಕಿಲಿ. ಕಾ ಮಂಜೆ ತ್ಯಲಾ ಸುಮಾರ್ ಬಾರಾ ವರ್ಸಾಚಿ ಯೇಕುಸ್ ಲೇಕ್ ಹುತ್ತಿ ತಿ ಮರಾಯಾ ಜಾ಼ಲ್ಥಿ
ತವಾ ಯೇಸು ತ್ಯಂಚಿ ಸಂಗ ಜಾ಼ತಾನಾ ಲೊಕ ತ್ಯಚೆ ಸರ್ಬೌತ ಜ಼ಮ್ಲಿ ಹುತ್ತಿತ.
ಯೇಸು ಬೊಲತ್ ಆಸ್ಥಾನಾ ಸಬಾಮಂದಿರಾತ್ಲಾ ಅಧಿಕಾರಿಚಾ ಗರ್ಹಾಕ್ಲಾ ಯೊಕ್ ಯವುನ್ ತ್ಯಾ ಅಧಿಕಾರ್ಯಾಲಾ, "ತುಜಿ ಲೇಕ್ ಮಿಲಿ ಆನಿ ಆತಾ ಪ್ರಭುಲಾ ಕಾಂಬು ನಕೊಸ್" ಮನ್ಲಾ.
ತ್ಯ ಐಕುನ್ ಯೇಸು ಯಾಯಿರಾಲಾ ಮನ್ಲಾ, "ಭಿಹುನಕೊ ಇಸ್ವಾಸ್ ತ್ಯವ್ಡಾಸ್ ರಾಹುನಿ ಮಂಜೆ ತಿ ಬರಿ ವ್ಹಯಿಲ್. "
ನಂತರ್ ತ್ಯಾ ಗರ್ಹಾತ್ ಆಲ ತವಾ ಯೇಸು, ಪೇತ್ರ, ಯೊಹಾನ್, ಯಾಕೊಬ್, ಆನಿ ಪುರಿಚಿ ಆಯಿ ಬಾ ಹೆಂಚಿ ಸಿವಾರ್ ಆನಿ ಕುನಾಲಾ ಆಪ್ಲಿ ಸಂಗ ಆತ್ ಯವುದಿಲ ನಾಹಿತ. ಮೆಲ್ಯಾಲೆ ಪುರಿಸಾಟಿ ಸಗ್ಳಿ ಲೊಕ ರಡತ್ ಹುತ್ತಿತ ಆನಿ ದುಃಖಾತ್ ಹುತ್ತಿತ ಫನ್ ಯೇಸು ಮನ್ಲಾ, "ರಡುನಕೊಸಾ ಕಾ ಮಂಜೆ ತಿ ಮೀಲಿ ನಾಹಿ ನಿಜ಼ಲೆ. "
ಫನ್ ಪ್ಯೊರ್ ಮೆಲ್ಯಾಲಿ ಸಮ್ಜುನ್ ತೀ ಲೊಕ ಸಗ್ಳಿ ಯೇಸುಲಾ ಹಸಾಯಾ ಲಾಗ್ಲಿತ. ಮಂಗ್ ಯೇಸುನಿ ತಿಚಾ಼ ಹಾತ್ ದರ್ಹುನ್ "ಬಾಯಾ ಉಟ್" ಮನ್ಲಾ. ತವಾಸ್ ತಿಚಾ಼ ಜೀವ್ ಪರತ್ ಆಲಾ ಆನಿ ತಿ ತವಾಸ್ ಉಟ್ಲಿ ಮಂಗ್ ತಿಲಾ ಕಾಯ್ತರಿ ಖಾಯಾ ದೇವಾ ಮನ್ಹುನ್ ಯೇಸುನಿ ಸಾಂಗ್ಲ. ತವಾ ಪುರಿಚಿ ಆಯಿಬಾ ಗಾಭಾರ್ಲಿತ: "ಫನ್ ಹಿ ಗಡ್ಲ್ಯಾಲಿ ಗ್ಯೊಶ್ಟ್ ಕುನಾಲಾ ಸಾಂಗು ನಕೊಸಾ" ಆಸ ಯೇಸುನಿ ತ್ಯನಾ ಖಡ್ಯಾವ್ಲ.
ಲಾಜ಼ರಾಚ಼ ಮರಾನ್
ಲಾಜ಼ರ್ ಮಂಥ್ಯಾಲಾ ಯೊಕ್ ಬರಾ ನವ್ತಾ. ತ್ಯೊ ಬೆತಾನ್ಯಾ ಮಂಥ್ಯಾಲ್ಯಾ ಗಾವಾತ್ ಹುತಾ. ಮರಿಯಾ ಆನಿ ತಿಚಿ ಭನ್ ಮಾರ್ಥಾ ಹ್ಯಾಸ್ ಗಾವಾತ್ ಹುತ್ಯಾ.
ಪ್ರಭುಲಾ ವಾಸಾಚ಼ ತ್ಯಾಲ್ ಲಾವುನ್ ತ್ಯಚ಼ ಪ್ಯಾ ಆಪ್ಲ್ಯಾ ಡುಯಿಚಾ ಕೆಸಾಚಾಂನಿ ಪುಸ್ಲ್ಯಾಲ ಹಿನಿಸ್. ಬರಾ ನಸಲ್ಯಾಲಾ ಲಾಜ಼ರ್ ಹ್ಯೊಸ್ ಮರಿಯಾಚಾ಼ ಬಾಹು ಜಾ಼ಲ್ತಾ. ಬನ್ಹಿಂಚಾನಿ ಯೇಸುಲಾ, "ಪ್ರಭು, ತುಜಾ಼ ಮಾಯೆಚಾ಼ ಸುಪ್ತಿ ಲಾಜ಼ರ್ ಬರಾ ನಾಹಿ" ಮನ್ಹುನ್ ಬಾತ್ನಿ ಲಾವುನ್ ದಿಲಿ.
ಯೇಸುನಿ ಹ್ಯ ಐಕ್ಲ ತವಾ, "ಹ್ಯ ದುಃಖ್ನ ಲಾಜ಼ರಾಚಾ಼ ಜಿವ್ ಕಾಡಾಯಾ ಆಲ್ಯಾಲ ನವ್ಹ ದೇವಾಚ಼ ಆನಿ ದೇವಾಚಾ ಲೇಕಾಚಾ ನಾವಾಚೆ ಮೈಮಾ ಸಾಟಿ ಆಲ್ಯಾಲ. ಮನ್ಲಾ.
ಯೇಸು ಮಾರ್ಥಾಚಿ ತಿಚೆ ಭನ್ಹಿಚಿ ಆನಿ ಲಾಜ಼ರಾಚಿ ಮಾಯಾ ಕರೀತಾ. ಲಾಜ಼ರ್ ದುಕ್ನ್ಯಾತ್ ಹಾ ಮಂಥ್ಯಾಲಿ ಖಬರ್ ತ್ಯನಿ ಐಕ್ಲಿ ತವಾ ಆಪ್ನು ಹುತ್ತಾ ತಿತ್ತಸ್ ಆನಿಕ್ ದೊನ್ ದೀಸ್ ರಾಯ್ಲಾ. ಮಂಗ್ ತ್ಯನಿ ಆಪ್ಲ್ಯಾ ಶಿಶಾನಾ ಆಮಿ ಯುದಾಯಾತ್ ಮಾಗಾರ ಜಾಯಾ ವ್ಹಯಿ ಮನ್ಹುನ್ ಸಾಂಗ್ಲ
ಶಿಶಾಂಚಾನಿ ಪ್ರಭು ಯುದಾಯಾಚ಼ ಯೆಹುದ್ಯಾಂಚಾನಿ ತುಲಾ ದೊಂಡ್ಯಾನಿ ಮಾರಾಯಾ ಯತ್ನಕಿಲಿತ. ತ್ಯ ಜಾ಼ಲ್ಯಾಲ ನಿಸ್ಥ ಥೊಡ್ಯಾ ಯಳಾಚೆ ಮಾಗ ತ್ಯವ್ಡಸ್ ಆತಾ ತು ಆನಿಕ್ ತಿಥ ಜಾ಼ಯಾ ವ್ಹಯಿ ಮಂಥೊಸ್ ಕ್ಯಾ? ಮನ್ಹುನ್ ಮನ್ಲ.
ತವಾ ಯೇಸು ದಿಸಾಚ಼ ಬಾರಾ ತಾಸ್ ಹಾತ್ತ ವ್ಹಯ್ ಕ್ಯಾ ನವ್ಹ? ದಿಸಾಚಾ಼ ಚಾ಼ಲತ್ಯಾಲಾ ಠ್ಯಾಸ್ ಲಾಗುನ್ ಪಡತ್ ನಾಹಿ ಕಾ ಮಂಜೆ ಹೆ ದುನೆತ್ಲ್ಯಾ ಉಜಿಡಾನಿ ಬಗ್ತೊ. ಫನ್ ರ್ಯಾಚಾ಼ ಚಾ಼ಲತ್ಯಾಲಾ ಪಡ್ತೊ ಕಾ ಮಂಜೆ ಬಗುನ್ ಚಾ಼ಲಾಯಾ ಕಸ್ಲಾ ಉಜಿಡ್ ತ್ಯಲಾ ರಾಹಿತ್ ನಾಹಿ ಮನ್ಹುನ್ ಉತ್ತರ್ ದೇತೊ ಯೇಸುನಿ ಹ್ಯಾ ಗುಶ್ಟಿ ಸಾಂಗ್ಲ್ಯಾ ನಂತರ್ ಆಮಚಾ಼ ಸುಪ್ತಿ ಲಾಜ಼ರ್ ಆತಾ ನಿಜ಼ಲ್ಯಾ ತ್ಯಲಾ ಉಟ್ವಾಯಾ ಮಿ ತಿಥ ಜಾ಼ತ್ಯೊ ಮನ್ಲಾ
ಶಿಶಾ ಪ್ರಭು ತ್ಯೊ ನಿಜ್ಲಾ಼ ಆಸ್ಲಾತ ಬರಾ ವ್ಹನಾರ್ ಮನ್ಲ.
ಯೇಸು ಲಾಜ಼ರಾಚಾ ಮರ್ನಾಚೆ ಗುಶ್ಟಿತ್ ಬೊಲತಾ ಫನ್ ಶಿಶಾಂಚಾನಿ ತ್ಯೊ ಸ್ವಾಬಾವಿಕ್ ನಿಜ಼ಚೆ ಗುಶ್ಟಿತ್ ಬೊಲ್ತ್ಯೊ ಮನ್ಹುನ್ ಯವಜ಼ಲ. ಯೇಸುನಿ ಲಾಜ಼ರ್ ಮೆಲ್ಯಾ ಮನ್ಹುನ್ ಶಾರ್ಕ ಸಾಂಗ್ಲ.
Domínio sobre a natureza
Jesus acalmou a tempestade, andou sobre as águas e multiplicou pães. A natureza obedece à voz do seu Criador.
ಯೇಸುಚಾ ಹುಕ್ಮಾಲಾ ವಾರಮ್ಯೊಡ್ ಥಾಂಬ್ಲಿ
ಯೇಸು ವ್ಹಡಿತ್ ಗೆಲಾ. ತವಾ ತ್ಯಚ಼ ಶಿಶಾ ತ್ಯಚಿ ಸಂಗ ಗೆಲ. ವ್ಹಡಿ ದರ್ ಸುಡುನ್ ಗೀಲಿ ತವಾ ಯಗ್ದಮ್ ಮುಟಿ ವಾವ್ಡಳ್ ಸಮಿಂದೊರಾತ್ ಆಲಿ. ಲ್ವಾಟಾಂಚಾನಿ ವ್ಹಡಿಲಾ ಜಾ಼ಕುನ್ ಗಿತ್ಲಿ. ಫನ್ ಯೇಸು ವ್ಹಡಿತುಸ್ ನಿಜ್ಲಾ಼ ಹುತ್ತಾ. ಯೇಸುಚ಼ ಶಿಶಾ ತ್ಯಚಿಪ ಯವುನ್ ತ್ಯಲಾ ಉಠ್ವುನ್, "ಪ್ರಭು ಆಮಾನಾ ಉರಿವ್! ಆಮಿ ಬುಡ್ತ್ಯಾವ್!" ಮನ್ಲ.
ಯೇಸುನಿ, "ತುಮಿ ಬಿತ್ತಾಸಾ ಕಾ? ತುಮ್ಚಿಪ ಪಾಯ್ಜೆ ತ್ಯವ್ಡಾ ಇಸ್ವಾಸ್ ನಾಹಿ" ಮನ್ಹುನ್ ಉತ್ತರ್ ದಿಲಾ ಉಠುನ್ ಉಬಾ ರಾಹುನ್ ತೇ ಮೊಟೆ ವಾರ ಮುಡಿಲಾ ಲಾಟಾನಾ ದಪ್ಕ್ಯಾವ್ಲ. ತವಾ ತ್ಯ ಸಗ್ಳ ಶಾಂತ್ ಜಾ಼ಲ.
"ತ್ಯೊ ಕಸ್ಲಾ ಮಾನುಸ್? ವಾರಮ್ಯೊಡ್ ಆನಿ ಪಾನಿ ಹ್ಯಚಾ಼ ಸಬ್ದ ಐಕ್ತ್ಯಾತ ನವ್ಹ" ಆಸಿ ಲೊಕ ಮನ್ಲಿತ.
ಶಾಂಜ಼್ ಜಾ಼ಲಿ ತವಾ, ಶಿಶಾ ಯೇಸುಪ ಯವುನ್, "ಹ್ಯಾ ಜಾ಼ಗ್ಯಾತ್ ಲೊಕ ರಾಹಿತ್ನಾಹಿತ ಆತಾಸ್ ಯೊಳ್ ಜಾ಼ಲ್ಯಾ. ಲೊಕಾಂಚಾನಿ ಆಪ್ಲೆ ಸಾಟಿ ಜೆವಾನ್ ಇಕತ್ ಗಿಹ್ಯಾ ಲಾವುನ್ದೆ" ಮನ್ಹುನ್ ಸಾಂಗ್ಲ.
ಯೇಸುನಿ, "ಲೊಕ ಜಾ಼ಯಾಚಿ ನಕೊತ. ತುಮಿಸ್ ತ್ಯನಾ ಜೆವಾನ್ ದೇವಾ" ಮನ್ಹುನ್ ಸಾಂಗ್ಲ.
ತವಾ ಶಿಶಾಂಚಾನಿ, "ಆಮ್ಚಿಪ ನಿಸ್ಥ್ಯಾ ಪಾಚ಼್ ಬಾಕರ್ಯಾ ಆನಿ ದೊನ್ ಮಾಸ ತ್ಯವ್ಡಸ್ ಹಾತ್ತ" ಮನ್ಲ.
ಯೇಸು ತ್ಯನಾ, "ತೀ ಮಾಜಿಪ ಗಿಹುನ್ ಯವಾ" ಮನ್ಲಾ. ಪರತ್ ತ್ಯನಿ ಲೊಕಾನಾ ಗವ್ತಾವ ಬಸಾಯಾ ಸಾಂಗುನ್ ಪಾಚ಼್ ಬಾಕರ್ಯಾ ಆನಿ ದೊನ್ ಮಾಸ ಗಿಹುನ್ ಪರಲೊಕಾಕ್ಡ ಬಗುನ್ ತ್ಯಚಿ ಸಾಟಿ ದೇವಾಲಾ ಸ್ತೊತ್ರ ಕರುನ್, ಬಾಕ್ರ್ಯಾ ಮುಡುನ್ ಆಪ್ಲ್ಯಾ ಶಿಶಾಂಚಾ ಹಾತಾತ್ ದಿಲ್ಯಾ. ಶಿಶಾಂಚಾನಿ ಬಾಕರ್ಯಾ ಲೊಕಾನಾ ವ್ಯಾಡ್ಲ್ಯಾ. ಲೊಕ ಸಗ್ಳಿ ಖಾವುನ್ ಸಮಾದಾನ್ ಜಾ಼ಲ್ಹಿತ. ಲೊಕ ಖಾವುನ್ ಜಾ಼ಲ್ಯಾವ ಉರಲ್ಯಾಲ ತುಕ್ಡ ಶಿಶಾಂಚಾನಿ ಗೊಳಾ ಕೆಲ ತವಾ ಬಾರಾ ಬುಟ್ಯಾ ಬರ್ಲ್ಯಾ. ಜೆವಾನ್ ಖಾಲ್ಯಾಲ್ಯಾತ್ ಬ್ಯಾಯ್ಕಾ ಮಾನ್ಸ ಆನಿ ಪ್ಯೊರಗ್ಯಾನಾ ಸುಡುನ್, ನಿಸ್ಥ ಗಡಿಸ್ ಪಾಚ಼್ ಹಾಜಾ಼ರ್ ಹುತ್ತ.
ತೇ ರ್ಯಾತ್ ಸರ್ತ್ಯಾಯಳಾಲಾ ಚಾರಾಕ್ಡ ತ್ಯಚ಼ ಶಿಶಾ ಹ್ವಡಿತುಸ್ ಹುತ್ತ. ಯೇಸು ಸಮಿಂದೊರಾಚಾ ಪಾನ್ಯಾವ ಚಾ಼ಲತ್ ತ್ಯಂಚಿಪ ಯಯಾ ಲಾಗ್ಲಾ.
ಚಾರ್ ಹಾಜಾ಼ರಾವ್ನಿ ಖುಬ್ ಲೊಕಾನಾ ಜೆವಾನ್ ದಿಲ್ಯಾಲ
ಯೇಸು ಆಪ್ಲ್ಯಾ ಶಿಶಾನಾ ಹಾಕ್ಟುನ್, "ಮಿ ಹ್ಯಾ ಲೊಕಾಂಚೆ ಸಾಟಿ ತರಾಸ್ ಖಾತೊ. ಹಿ ತೀನ್ ರೊಜಾ಼ ಠಾವ್ನಿಸಿ ಮಾಜಿ ಸಂಗ ಹಾತ್ತ. ಆತಾ ಹ್ಯನಾ ಖಾಯಾಲಾ ಕಾಯ್ ನಾಹಿ. ಹ್ಯನಾ ಭುಖಚಿ ಲಾವುನ್ ದಿಯಾ ಮನಾ ಮನ್ ನಾಹಿ. ಹಿ ಗರ್ಹಾತ್ ಜಾ಼ತಾನಾ ಚಕರ್ ಯವುನ್ ಪಡ್ತಿಲ" ಮನ್ಹುನ್ ಸಾಂಗ್ಲ.
ಶಿಶಾಂಚಾನಿ ಯೇಸುಲಾ, "ಹ್ಯಾ ಲೊಕಾಂಚಾ ಹಿಂಡಾಲಾ ಖಾಯಾ ಪಾಯ್ಜೆ ತ್ಯವ್ಡ್ಯಾ ಬಾಕರ್ಯಾ ಆಮಾನಾ ಕುಠ ಗಾವ್ನಾರ್? ಹಿತ್ತ ಕಚ಼ ಗಾವ್ ಜ಼ವಳ್ ನಾಹಿ" ಮನ್ಹುನ್ ಸಾಂಗ್ಲ.
ತ್ಯನಿ, "ತುಮ್ಚಿಪ ಕ್ಯವಡ್ಯಾ ಬಾಕರ್ಯಾ ಹಾತ್ತಾ? ಮನ್ಹುನ್ ಇಚಾರ್ಲ.
ಶಿಶಾಂಚಾನಿ, "ಆಮ್ಚಿಪ ಸಾತ್ ಬಾಕರ್ಯಾ ಹಾತ್ತಾ ಆನಿ ಥೊಡ ಬಾರಿಕ್ ಮಾಸ ಹಾತ್ತ" ಮನ್ಹುನ್ ಸಾಂಗ್ಲ.
ತವಾ ಲೊಕಾನಾ ಜಿಮ್ನಿವ ಬಸಾಲಾ ತ್ಯನಿ ಸಾಂಗ್ಲ, ತವಾ ತ್ಯಾ ಸಾತ್ ಬಾಕರ್ಯಾ ಆನಿ ಮಾಸ ಗಿಹುನ್ ತ್ಯಂಚಿಸಾಟಿ ದೇವಾಪ ಸ್ತೊತ್ರ ಸಾಂಗುನ್. ಮಂಗ್ ತ್ಯಾ ಮುಡುನ್ ಶಿಶಾಚಾಂಚಿಪ ದಿಲ್ಯಾ ತ್ಯಂಚಾನಿ ಲೊಕಾನಾ ವ್ಯಾಡ್ಲ್ಯಾ. ತವಾ ಲೊಕ ಸಗ್ಳಿ ಖಾವುನ್ ಸಮಾದಾನ್ ಜಾ಼ಲ್ಹಿತ. ಮಾಗ ಖಾಯಾಚೆ ಆಂದಿ ರಾಯ್ಲ್ಯಾಲ ಬಾಕ್ರಿಂಚ಼ ತುಕ್ಡ ಶಿಶಾಂಚಾನಿ ಗೊಳಾ ಕೆಲ ತವಾ ಸಾತ್ ಬುಟ್ಯಾ ಬರ್ಲ್ಯಾ. ತಿಸಿ ಖಾಲ್ಯಾಲ್ಯಾತ್ಲ ಗಡಿ ಮಾನುಸ್ ಕಮ್ಮಿಸ್ ಕಮ್ಮಿ ಚಾರ್ ಹಾಜಾ಼ರ್ ಜಾ಼ನ್ ಹುತ್ತ. ಯವ್ಡಸ್ ನವ್ಹ ಬ್ಯಾಯ್ಕಾ ಮಾನ್ಸ ಆನಿ ಪೊರಾಂಚಾನಿ ಜೆವಾನ್ ಖಾಲ್ತ.
ದೇವ್ಳಾಚಿ ಜ಼ಖತ್
ಯೇಸು ಆನಿ ತ್ಯಚ಼ ಶಿಶಾ ಕಪೆರ್ನೌಮತ್ ಗೆಲ. ದೇವ್ಳಾತ್ ಯೆಹುದ್ಯಾಂಚಿಪ್ನಿ ವರ್ಸಾಚಿ ಜ಼ಖತ್ ಗೊಳಾ ಕರ್ತ್ಯಾಲ ಥೊಡಜಾ಼ನ್ ಪೇತ್ರಾಪ ಯವುನ್ ತುಮಚಾ಼ ಸಿಕಿವ್ನಾರಾ ದೇವ್ಳಾಚಿ ವರ್ಸಾಚಿ ಜ಼ಖತ್ ದಿಯಿತ್ ನಾಹಿ ಕ್ಯಾ? ಮನ್ಹುನ್ ಇಚಾರ್ಲ.
ತ್ಯಲಾ ಪೇತ್ರಾನಿ, "ವ್ಹಯ್ ದೇತೊನು" ಮನ್ಹುನ್ ಉತ್ತರ್ದಿಲಾ.
ಮಂಗ್ ಪೇತ್ರಾ ಯೇಸು ಆಸ್ಲ್ಯಾಲ್ಯಾ ಗರ್ಹಾತ್ ಗೆಲಾ. ತ್ಯನಿ ತೀ ಗ್ಯೊಶ್ಟ್ ಸಾಂಗಾಚೆ ಆಂದಿ ಯೇಸುನಿ ತ್ಯಲಾ ದರ್ಥಿವ್ಲ ರಾಜ಼ ಲೊಕಾಪ್ನಿ ಕಿತಿಕಿ ತರಚಾ ಜ಼ಖತ್ ಗೆಥ್ಯಾತ ಖರ ಜ಼ಖತ್ ದೇತ್ಯಾಲಿ ಲೊಕ ಕೊನ್? ರಾಜಾಚಿ ಪ್ಯುರ್ಗಿ ಕ್ಯಾ ದುಸ್ರಿ ಲೊಕ? ತುಜ಼ ಮನ್ನ ಕ್ಯಾ? ಮನ್ಹುನ್ ಇಚಾರ್ಲ.
ಪೇತ್ರಾನಿ ದುಸ್ರಿ ಲೊಕ ಜ಼ಖತ್ ದೆತ್ಯಾತ ಮನ್ಹುನ್ ಉತ್ತರ್ ದಿಲಾ ಯೇಸುನಿ ಪೇತ್ರಾಲಾ ತಸ ಜಾ಼ಲ್ಹತ ರಾಜಾಚಾ ಪ್ಯೊರ್ಗ್ಯಾಂಚಾನಿ ದಿವು ನಾಹಿತ. ಖರ ಜ಼ಖತ್ ಗೊಳಾ ಕರ್ತ್ಯಾಲ್ಯಾನಾ ಆಮಿ ಕಾ ರಾಗ್ ಯಯಿ ಜೊ಼ಗ ಕರಾಚ಼? ತು ಜ಼ಖತ್ ದೇ. ಸಮಿಂದೊರಾತ್ ಜಾ಼ವುನ್ ಮಾಸ ಧರ್ ತುಲಾ ಆಂದಿ ಗಾವಲ್ಯಾಲ್ಯಾ ಮಾಶಾಚ಼ ತ್ವಾಂಡ್ ಉಗಡ್, ತ್ಯಚಾ ತೊಂಡಾತ್ ವರ್ಸಾಚೆ ಜ಼ಖತಿಚಾ಼ ದಿಯಾ ಯೊಕ್ ಪೈಸಾ ಬಗ್ನಾರ್. ತ್ಯೊ ಆನುನ್ ಜ಼ಖತ್ ಗೊಳಾ ಕರ್ತ್ಯಾಲ್ಯಾನಾ ದೇ ತ್ಯನಿ ಮಾಜಿ಼ ಆನಿ ತುಜಿ ಜ಼ಖತ್ ವ್ಹನಾರ್" ಮನ್ಹುನ್ ಸಾಂಗ್ಲ.
ಯೇಸು ಅಂಜು಼ರಾಚಾ ಜಾ಼ಢಾಲಾ ಸರಾಪಲ್ಯಾಲಾ
ದುಸ್ರೆ ದಿಸಿ ಸಕಾಳ್ಚಾ ಯೇಸು ಯೆರುಸಲೇಮ್ ಮಂಥ್ಯಾಲೆ ಪೆಠ್ಹತ್ ಮಾಗಾರಾ ಜಾ಼ಯಿತಾ. ತವಾ ತ್ಯಲಾ ಭುಕ್ ಲಾಗ್ಲಿ. ತ್ಯನಿ ವಾಟಚೆ ಜ಼ವಳ್ ಯಾಕ್ ಅಂಜು಼ರಾಚ಼ ಜಾ಼ಡ್ ಬಗುನ್ ಫಳ ಖಾಯಾ ತ್ಯಚೆ ಜ಼ವಳ್ ಗೆಲಾ ಫನ್ ಜಾ಼ಢಾಲಾ ಪಾನ ತ್ಯವ್ಡಿಸ್ ಹುತ್ತಿತ ಮನ್ಹುನ್ ಯೇಸುನಿ ತ್ಯಾ ಜಾ಼ಢಾಲಾ, "ಹಿತ್ನಿ ಮೊರ್ಹ ತುಲಾ ಕವಾಸ್ ಫಳ ಲಾಗು ನಸುನ್ತ! ಮನ್ಲಾ. ತವಾಸ್ ಅಂಜು಼ರಾಚ಼ ಜಾ಼ಡ್ ವಾಳುನ್ ಗೆಲ.
ಶಿಶಾ ಹ್ಯ ಬಗುನ್ ಖುಬ್ ಆಜಾಬ್ ಜಾ಼ಲ್ಹ, "ಹ್ಯ ಆಂಜು಼ರಾಚ಼ ಜಾ಼ಡ್ ಯವ್ಡೆ ಬಿಗಿ ಕಸ ವಾಳುನ್ ಗೆಲ? ಮನ್ಹುನ್ ಇಚಾರ್ಲ.
ಯೇಸುನಿ, "ಮಿ ತುಮಾನಾ ಖರ ಸಾಂಗ್ತೊ. ತುಮಿ ಸಂವಶೆವ್ ಸಸ್ಥಾನಾ ಇಸ್ವಾಸ್ ಥೆವ್ಲಾಸಾತ ಮಿ ಹ್ಯಾ ಅಂಜು಼ರಾಚಾ ಜಾ಼ಢಾಲಾ ಕೆಲ್ಯಾ ಶಾರ್ಕ ತುಮಾನಾ ಕರಾಯಾ ವ್ಹನಾರ್. ಯವ್ಡಸ್ ನವ್ಹ, ತುಮಿ ಹ್ಯಾ ಕನ್ಯಾಲಾ, ‘ತು ಜಾ಼ವುನ್ ಸಮಿಂದೊರಾತ್ ಪಡ್’ ಮನ್ಹುನ್ ಪುರ್ಯಾ ಇಸ್ವಾಸಾನಿ ಸಾಂಗ್ಲಸಾತ ತಸಸ್ ವ್ಹನಾರ್. ತುಮಿ ಇಸ್ವಾಸಾನಿ, ಮಾಗ್ನ್ಯಾತ್ ಕ್ಯಾಬಿ ಮಾಗ್ಲಸಾತ ತುಮಾನಾ ತ್ಯ ಗಾವ್ನಾರ್" ಮನ್ಹುನ್ ಉತ್ತರ್ ದಿಲಾ.
ಆಸ್ಥಾ ಆಸ್ಥಾಸ್ ಮುಟಿ ವಾವ್ಡಳ್ ಆಲಿ ಆನಿ ಪಾನ್ಯಾಚಾ ಲ್ವಾಟಾ ವ್ಹಡಿವ ಅದ್ಳತ್ಯಾ ವ್ಹಡಿ ಪಾನ್ಯಾನಿ ಬರ್ಹತ್ ಆಲಿ. ಯೇಸು ವ್ಹಡಿಚಾ ಮಾಗ್ಲ್ಯಾ ಖನಾತ್ ಉಸ ಲಾವುನ್ ಸುಸೆಗಾತ್ ನಿಜ್ಲಾ಼ ಹುತ್ತಾ; ತವಾ ತ್ಯಚಾ ಶಿಶಾಂಚಾನಿ ತ್ಯಲಾ "ಉಟುವುನ್ ಪ್ರಬುಜಿ಼! ಆಮಿ ಬುಡುನ್ ಜಾ಼ತ್ಯಾವ್ ತ್ಯಚಿ಼ ತುಲಾ ಕಾಯ್ ಕ್ಯಾಳ್ಜಿ ನಾಹಿ ಕ್ಯಾ?
ತವಾ ತ್ಯನಿ ಉಠುನ್ ವಾರ್ಯಾಲಾ ಆನಿ ಲಾಟಾನಾ ದಪ್ಕಾವುನ್ "ಗಪ್ ರಾವ್ಹಾ! ಶಾಂತ್ ವ್ಹವಾ!" ಮನ್ಲಾ ತಸ ವಾರ ಬಂದ್ ಜಾ಼ಲ ಆನಿ ಸಮಿಂದೋರ್ ಶಾಂತ್ ಜಾ಼ಲಾ.
ಮಂಗ್ ತ್ಯೊ ತ್ಯನಾ "ತುಮಿ ಇತ್ಕ ಕಾ ಬಿಥಾಸಾ? ತುಮಾನಾ ಆಜು಼ನ್ ಇಸ್ವಾಸ್ ನಾಹಿ ಕ್ಯಾ? ಮನ್ಲಾ.
ತವಾ ತೆ ಬಿಹುನ್, "ಹ್ಯೊ ಕೊನ್ ಆಸಲ್? ವಾರ ಆನಿ ಸಮಿಂದೋರ್ ಸಾಯಿತ್ ಹ್ಯಚ ಸಬಾತ್ ಐಕ್ತ್ಯಾತ!" ಮನ್ಹುನ್ ತೇ ತೇಸ್ ಬೊಲತ್.
ಖುಬ್ ಯೊಳ್ ಜಾ಼ಲಾ ತವಾ ಶಿಶಾಂಚಾನಿ ಯವುನ್ ಸಾಂಗ್ಲ "ಆತಾ ಯೊಳ್ ಜಾ಼ಲ್ಯಾ ಹ್ಯೊ ಯೆಕಾನ್ಸಿ ಜಾ಼ಗಾ ಲೊಕಾನಾ ಲಾವುನ್ ದೇ ತೀ ಬೌತ್ತಚಾ ಗಾವಾತ್ನಿ ನಾಹಿತ ಸೆತಾತ್ನಿ ಜಾ಼ವುಂತ ತಿಥ ತ್ಯನಾ ಖಾಯಾ ಕಾಯ್ ತರಿ ಗಾವಲ್ ಮನ್ಲ.
ತವಾ ಯೇಸು, ತುಮಿಸ್ ತ್ಯನಾ ಜೆವಾನ್ ದೇವಾ ಮನ್ಲಾ.
ತ್ಯಲಾ ತೇ "ಆಮಿ ಜಾ಼ವುನ್ ದೊನ್ ಶಂಬರ್ ಆನ್ಯಾಂಚಾ ಬಾಕ್ರ್ಯಾ ಗಿವುನ್ ತ್ಯನಾ ಖಾಯಾ ದೇವಾವ ಕ್ಯಾ? ಮನ್ಹುನ್ ಇಚಾರ್ಲ.
ಯೇಸುನಿ ತುಮ್ಚಿಪ ಕ್ಯವಡ್ಯಾ ಬಾಕ್ರ್ಯಾ ಹಾತ್ತಾ? ಜಾ಼ವುನ್ ಬಗುನ್ ಯವಾ ಮನ್ಲಾ.
ತ್ಯಂಚಾನಿ ಬಗುನ್ ಯವುನ್, ಪಾಚ಼್ ಬಾಕ್ರ್ಯಾ ದೊನ್ ಬಾಂಗ್ಡ ಹಾತ್ತ ಮನ್ಲ.
ಯೇಸುನಿ ಆಪ್ಲ್ಯಾ ಶಿಶಾನಾ ಲೊಕಾನಾ ಗವ್ತಾವ ಪಂಗ್ತಿನಿ ಬಸ್ವಾ ಮನ್ಹುನ್ ಸಾಂಗ್ಲ. ತವಾ ಲೊಕ ಪಂಗ್ತಿಲಾ ಪನ್ನಾಸ್ ಶಂಬರ್ ಆಸಿ ಬಸ್ಲಿತ.
ಮಂಗ್ ಯೇಸುನಿ ಪಾಚ಼್ ಬಾಕ್ರ್ಯಾ ಆನಿ ದೊನ್ ಬಾಂಗ್ಡ ಗಿವುನ್ ವರ್ ಬಗುನ್ ದೇವಾಲಾ ದಾವುನ್ ತ್ಯಾ ಬಾಕ್ರ್ಯಾ ಮುಡುನ್, ಲೊಕಾನಾ ವಾಡಾಯಾ ಶಿಶಾಂಚಾ ಹಾತಾತ್ ದಿಲ್ಯಾ ಆನಿ ತೆ ದೊನ್ ಬಾಂಗ್ಡಬಿ ಸಗ್ಳ್ಯಾನಾ ವಾಡಾಯಾ ದೀಲ.
ತೀ ಸಗ್ಳಿ ಲೊಕ ಜಿ಼ವುನ್ ತ್ರಪ್ತ್ ಜಾ಼ಲಿತ. ಉರ್ಲ್ಯಾಲ್ಯಾ ಬಾಕ್ರ್ಯಾಂಚ಼ ಆನಿ ಬಾಂಗಡ್ಯಾಂಚ಼ ತುಕ್ಡ ಶಿಶಾಂಚಾನಿ ಗೊಳಾ ಕೆಲ ತೆ ಬಾರಾ ಟುಪ್ಲಿ ಬರ್ಲಿತ. ತಿಥ ಪಾಚ಼್ ಹಾಜಾ಼ರ್ ಬಾಪೊಯಿಸ್ ಹುತ್ತ.
ಶಿಶಾನಾ ಸಮೀಂದೋರಾತ್ ವ್ಹಡಿ ರೆಟಾಲಾ ವ್ಹಯಿನಾ ತ್ಯ ಬಗ್ಲ ಕಾ ಮನ್ಲ್ಯಾವ ವ್ಹಡಿಲಾ ಮುರ್ನಿ ವಾರ ಮಾರಿತ್ ಹುತ್ತ ಮನ್ಹುನ್ ಶಿಶಾ ವಳ್ನಾ ಮಾರಿತ, ತವಾ ತಿನಾಸ್ನಿ ಸಾಚೆ ಮದ್ದಿ ಯೇಸು ಪಾನ್ಯಾವ್ನಿ ಚಾ಼ಲತ್ ತ್ಯಂಚೆ ಕಡಸ್ನಿ ಮೋರ್ಹ ಜಾ಼ಯಿತ್ ಹುತ್ತಾ. ಯೇಸು ಸಮಿಂದೋರಾವ ಚಾ಼ಲತ್ಯಾಲಾ ಬಗುನ್ ಶಿಶಾಂಚಾನಿ ಭುತ್! ಮನ್ಹುನ್ ಸಮ್ಜು಼ನ್ ಬಿಹುನ್ ಜೊ಼ರಾನಿ ವರಾಡ್ಲ.
ತವಾಸ್ ಯೇಸು "ದಿರ್ಹಾನಿ ರಾವ್ಹಾ! ಮಿ ತ್ಯೊ. ಬಿಹುನಕೋಸಾ!" ಮನ್ಲಾ. ತವಾ ತ್ಯೊ ವ್ಹಡಿತ್ ಚ಼ಡ್ಲಾ ಆನಿ ವಾರ್ಯಾಲಾ ಥಂಡ್ ಕೆಲ ಹ್ಯ ಬಗುನ್ ಶಿಶಾನಾ ಆಜಾಬ್ ವಾಟ್ಲ.
ಯೇಸುನಿ ಚಾರ್ ಹಾಜಾ಼ರ್ ಲೊಕಾನಾ ಖಾಯಾ ದಿಲ್ಯಾಲ
ಹ್ಯ ಜಾ಼ಲ್ಯಾ ನಂತರ್ ಆನಿ ಯಂಗ್ದಾ ಖುಬ್ ಲೊಕ ಜ಼ಮ್ಲಿ ಹುತ್ತಿತ ತ್ಯನಾ ಜೆವಾನ್ ಕಾಯ್ ನವ್ಥ ತವಾ ಯೇಸುನಿ ಆಪ್ಲ್ಯಾ ಶಿಶಾನಾ ಜ಼ವಳ್ ಹಾಕ್ಟುನ್, "ಹ್ಯಾ ಲೊಕಾನಾ ಬಗುನ್ ಮನಾ ಬೆಜಾರ್ ವ್ಹತ್ಯೋ, ಹಿ ಮಾಜಿಪ ಯವುನ್ ತೀನ್ ದಿಸ್ ಜಾ಼ಲ; ಹ್ಯಂಚಿಪ ಖಾಯಾ ಕಾಯ್ ನಾಹಿ, ಹ್ಯನಾ ಉಪಾಸಿ ಗರ್ಹಾತ್ ಲಾವುನ್ ದಿಲ್ಯಾವ ಹಿ ಜಾ಼ತಾನಾ ವಾಟವ ಬುಕನಿ ಚಕರ್ ಯವುನ್ ಪಡ್ತಿಲ; ಕಾ ಮನ್ಲ್ಯಾವ ಹ್ಯಾತ್ಲಿ ಥುಡಿ ಜ಼ನ ದುರ್ನಿ ಆಲ್ಯಾತ" ಮನ್ಹುನ್ ತ್ಯನಾ ಸಾಂಗ್ಲ.
ತ್ಯಲಾ ಶಿಶಾಂಚಾನಿ, "ಹ್ಯಾ ಎಕಾಂತ್ ಪ್ರದೇಶಾತ್ ಯವ್ಡ್ಯಾ ಲೊಕಾನಾ ಕುಠ ಜೆವಾನ್ ಗಾವ್ನಾರ್" ಮನ್ಹುನ್ ಯೇಸುಲಾ ಇಚಾರ್ಲ.
ಯೇಸುನಿ ಶಿಶಾನಾ "ತುಮ್ಚಿಪ ಕ್ಯವಡ್ಯಾ ಬಾಕ್ರ್ಯಾ ಹಾತಾ. "
ಮನ್ಹುನ್ ಇಚಾರ್ಲ ತ್ಯಲಾ ತೆ, "ಸಾತ್ ಹಾತಾ" ಮನ್ಲ.
ತವಾ ಯೇಸುನಿ, ಲೊಕಾನಾ, "ಜಿಮ್ನಿವ ಬಸಾ" ಮನ್ಹುನ್ ಸಾಂಗ್ಲ ಆನಿ ತ್ಯಾ ಸಾತ್ ಬಾಕ್ರ್ಯಾ ಹಾತಾತ್ ಗಿಹುನ್ ಪರ್ಮೇಶ್ವರಾಲಾ ದಾವುನ್ ಬಾಕ್ರ್ಯಾ ಮುಡುನ್ ಶಿಶಾಂಚಾ ಹಾತಾತ್ ಲೊಕಾನಾ ವಾಡಾಯಾ ದಿಲ್ಯಾ; ತ್ಯಂಚಾನಿ ಲೊಕಾನಾ ವ್ಯಾಟ್ಲ್ಯಾ. ಆನಿ ತ್ಯಂಚಿಪ ಥೊಡ ಬಾರಿಕ್ ಬಾಂಗ್ಡ ಹುತ್ತ; ತೆ ಯೇಸುನಿ ಗಿಹುನ್ ಪರ್ಮೇಶ್ವರಾಲಾ ದಾವುನ್ ಶಿಶಾಂಚಾ ಹಾತಾತ್ ದಿವುನ್ ತೆ ಮಾನ್ಸಾನಾ ವಾಟಾಯಾ ಸಾಂಗ್ಲ.
ಪ್ವಾಟ್ಬ ಖಾವುನ್. ಆನಿ ಉರ್ಲ್ಯಾಲ ತುಕ್ಡ ಶಿಶಾಂಚಾನಿ ಜ಼ಮಾ ಕೆಲತೆ ಸಾತ್ ಟುಪ್ಲಿ ಜಾ಼ಲ. ಜೆವ್ಲ್ಯಾಲಿ ಲೊಕ ಕಮಿಸ ಕಮಿ ಚಾರ್ ಹಾಜಾ಼ರ್ ಹುತ್ತಿತ.
ವಾಳ್ಯಾಲ ಅಂಜು಼ರಾಚ಼ ಝಾ಼ಡ್
ದಿಸ್ರೆ ದಿಸಿ ತೇ ಬೆತಾನಿತ್ನಿ ಯಯಿತ್ ಆಸ್ಥಾನಾ ಯೇಸುಲಾ ಭುಕ್ ಲಾಗ್ಲಿ. ತ್ಯನಿ ಪಾನಾನಿ ಬರ್ಲ್ಯಾಲ ಯಾಕ್ ಅಂಜು಼ರಾಚ಼ ಜಾ಼ಡ್ ಬಗ್ಲ. ಆನಿ ತ್ಯಲಾ ಫಳ ಲಾಗ್ಲ್ಯಾತ ಕ್ಯಾ ಬಗಾಯಾ ತಿಥ ಗೆಲಾ. ಖರ ತ್ಯಲಾ ತಿಥ ಯಾಕ್ಬಿ ಫಳ್ ದಿಸ್ಲ ನಾಹಿ. ನಿಸ್ಥಿ ಪಾನ ತ್ಯವ್ಡಿಸ್ ಹುತ್ತಿತ ಕಾ ಮನ್ಲ್ಯಾವ ತ್ಯ ಪಿಕಾಚ ಸಿಜ಼ನ್ ನವ್ಥ. ಮನ್ಹುನ್ ಯೇಸುನಿ ತ್ಯಾ ಜಾ಼ಢಾಲಾ, ಹಿತ್ನಿ ಮೊರ್ಹ ತುಜ಼ ಫಳ್ ಕುನಿ ಖಾವು ನಾಹಿ ಆಸ ವ್ಹವುನಿ ಮನ್ಲಾ. ಯೇಸುಚಾ ಶಿಶಾಂಚಾನಿಬಿ ಹ್ಯೊ ಸಬೊತ್ ಐಕ್ಲಾ.
ಅಂಜು಼ರಾಚಾ ಜಾ಼ಢಾಚಾ಼ ಪಾಟಾ
ದಿಸ್ರೆ ದಿಸಿ ಸಕಾಳಚ಼, ವಾಟನಿ ಜಾ಼ತಾನಾ. ಮಾಗ್ಲ್ಯಾ ದಿಸಾ ದಿಸಿ ಯೇಸುನಿ ಸರಾಪ್ಲ್ಯಾಲ ಅಂಜು಼ರಾಚ಼ ಝಾ಼ಡ್ ತ್ಯಂಚಾನಿ ಬಗ್ಲ ತ್ಯ ಝಾ಼ಡ್ ಮುಳಾ ಸಾಹಿತ್ ವಾಳುನ್ ಗೆಲ್ತ. ಪೇತ್ರಾನಿ ಜಾ಼ಲಹ್ಯಾಲ ಯವಜು಼ನ್, ಯೇಸುಲಾ, "ಪ್ರಬು, ಬಗ್! ಕ್ಯಾಲ್ ತು ಸರಾಪ್ಲ್ಯಾಲ ಅಂಜು಼ರಾಚ಼ ಝಾ಼ಡ್ ವಾಳುನ್ಗೆಲ್ಯಾ" ಮನ್ಲಾ.
ಯೇಸು, "ದೇವಾವ ಇಸ್ವಾಸ್ ಥೆವಾ" ಮನ್ಲಾ. "ಮಿ ತುಮಾನಾ ಖರ ಸಾಂಗ್ತೊ. ಕೊನ್ತರಿ ಹ್ಯಾ ಗುಢ್ಯಾಲಾ, ತು ಉಪ್ಟುನ್ ಜಾ಼ವುನ್ ಸಮಿಂದೊರಾತ್ ಪಡ್, ಮನ್ಹುನ್ ಸಾಂಗುನ್, ಆನ್ಮಾನ್ ನಸ್ಥಾನಾ, ತ್ಯನಿ ಸಾಂಗ್ಲ್ಯಾಲ ವ್ಹನಾರ್ ಮನ್ಹುನ್ ಇಸ್ವಾಸ್ ಥೆವ್ಲ್ಯಾವ, ಪರ್ಮೇಶ್ವರ್ ತ್ಯ ತ್ಯಚಿಸಾಟಿ ಕರ್ನಾರ್. ಮನ್ಹುನ್ ತುಮಿ ಮಾಗ್ನ ಕರ್ತಾನಾ ಕಾಯ್ತರಿ ಮಾಗ್ಲ್ಯಾವ ತ್ಯ ಗಾವ್ಲ ಮನ್ಹುನ್ ಇಸ್ವಾಸ್ ಥೆವ್ಲಾತ ತವಾಸ್ ತುಮಿ ಮಾಗ್ಲ್ಯಾಲ ತುಮಾನಾ ಗಾವ್ಲ ತುಮಿ ಮಾಗ್ನ ಕರ್ತಾನಾ ತುಮಾನಾ ಕುನಾವತರಿ ಕಸ್ಲಾತರಿ ರಾಗ್ ಆಸ್ಲ್ಯಾಲಾ ಯದತ್ ಆಲ್ಯಾವ ತ್ಯಲಾ ಮಾಪ್ ಕರಾ.
ಯೇಸುನಿ ಪೈಲಾ ಶಿಶ್ಯಾಲಾ ಹಾಕಟ್ಲ್ಯಾಲ
ಯೇಕ್ ದೀಸ್ ಯೇಸು. ಲೊಕ್ ಸಮುದಾಯಾ ಯೇಸುಚೆ ಜ಼ವಳ ಗರ್ದಿಕರುನ್ ದೇವಾಚ಼ ಸಬ್ದ ಐಕ್ತಾ ಆಸ್ಥಾನಾ ತ್ಯೊ ಗೆನೆಜ಼ರೇತ್ ತಳಿಚೆ ದರವ ಉಬಾಹುತ್ತಾ. ತವಾ ತ್ಯನಿ ತಳಿಚೆ ದರವ ಲಾಗಲ್ಯಾಲ್ಯಾ ದೊನ್ ವ್ಹಡ್ಯಾ ಬಗಲ್ಯಾ; ಮಾಸದರ್ಥ್ಯಾಲ ತ್ಯಾತ್ನಿ ಬಾಹಿರ್ ಯವುನ್ ಆಪ್ಲಿ ಜಾ಼ಳಿ ದುಹಿತ್ ಹುತ್ತ. ತ್ಯಾ ವ್ಹಡ್ಯಾತ್ನಿ ಯೇಕ್ ವ್ಹಡಿ ಸಿಮೊನಾಚಿ ಹುತ್ತಿ. ತಿಚಿವ ಯೇಸು ಚ಼ಡುನ್ ದರ್ ಸುಡುನ್ ಜ಼ರಾ ಮೊರ್ಹ ರೆಟಾ ಮನ್ಹುನ್ ತ್ಯನಾ ಸಾಂಗ್ಲ; ಮಂಗ್ ತ್ಯೊ ವ್ಹಡಿತ್ ಬಸುನ್ ಲೊಕ್ ಸಮುದಾಯಾಲಾ ಶಿಕ್ಶನ್ ದಿಯಾಲಾಗ್ಲಾ.
ಆಪ್ಲ ಬೊಲ್ನ ಸಪ್ಲ್ಯಾವ ಯೇಸು ಸಿಮೊನಾಲಾ ಮನ್ಲಾ, "ಖೋಲ್ ಪಾನ್ಯಾತ್ ಚ಼ಲ್ ಆನಿ ಮಂಗ್ ಮಾಸ ದರಾಯಾಸಾಟಿ ತುಮಿ ತುಮ್ಚಿ ಜಾ಼ಳಿ ಖಾಲ್ ಸೋಡಾ."
ಸಿಮೊನ್ ಯೇಸುಲಾ "ಗುರು ಆಮಿ ಸಾರಿ ರ್ಯಾತ್ ಖುಬ್ ತರಾಸ್ ಕರುನ್ ಕಾಯೇಕ್ ಗಾವ್ಲನಾಹಿ; ಫನ್ ತುಜಾ ಸಾಂಗ್ನ್ಯಾನಿ ಮಿ ಜಾ಼ಳ ಶೊಡ್ತ್ಯೊ" ಮನ್ಲಾ. ಮಂಗ್ ತ್ಯನಿ ಆಸ ಕೇಲ್ಯಾವ ಮಾಸ ದರ್ಥ್ಯಾಲ್ಯಾಂಚಾನಿ ಮಾಶಾಂಚಿ ಮುಟಿ ರ್ಯಾಸ್ ಜಾ಼ಳ್ಯಾತ್ ಆಡಾಕ್ಲಿ ಆನಿ ತ್ಯಂಚಿ ಜಾ಼ಳಿ ಫಾಟ ಶಾರ್ಕಿ ಜಾ಼ಲಿತ. ತವಾ ತ್ಯಂಚಾ ಸೊಪ್ತ್ಯಾನಾ ಸಿಮೊನಾನಿ ಯವುನ್ ಆಪ್ಲ್ಯಾಲಾ ಮಜ಼ತ್ ಕರಾ ಮನ್ಹುನ್ ಹಾತಾನಿ ಖುನಾ ಕಿಲಿ. ತವಾ ತೇ ಆಲ್ಯಾ ನಂತರ್ ದುನಿ ವ್ಹಡ್ಯಾಬಿ ಬರ್ಹುನ್ ಬುಡಾಯಾ ಜಾ಼ಲ್ಯಾ.
ಹ್ಯ ಬಗುನ್ ಸಿಮೊನ್ ಪೇತ್ರಾನಿ ಯೇಸುಚಾ ಪಾಯಾತ್ ಪಡುನ್ "ಪ್ರಭು ಮಾಜಿ಼ಪ್ನಿ ಜಾ಼ ಕಾ ಮಂಜೆ ಮಿ ಪಾಪಿ ಮಾನುಸ್" ಮನ್ಲಾ. ಕಾ ಮಂಜೆ ಪೇತ್ರಾನಿ ದರ್ಲ್ಯಾಲ್ಯಾ ಮಾಶಾಂಚಿ ರ್ಯಾಸ್ ಬಗುನ್ ತ್ಯೊ ಆನಿ ತ್ಯಚೆ ಸಂಗ ಆಸ್ಲ್ಯಾಲ ಸಗ್ಳ ಸುಪ್ತಿ ಗಾಬಾರ್ಲ ಹುತ್ತ. ತಸಸ್ ಸಿಮೊನಾಚ ಜೆಬೆದಾಯಾಚ಼ ಲ್ಯಾಕ್ ಯಾಕೊಬ್ ಆನಿ ಯೊಹಾನ್ ಹೆ ಸಾಹಿತ್ ಗಾಬಾರ್ಲ ಹುತ್ತ. ತವಾ
ಯೇಸು ಸಿಮೊನಾಲಾ ಮನ್ಲಾ, "ಬಿಹು ನಕೊ ಹಿತ್ನಿ ಮೊರ್ಹ ತು ಲೊಕಾನಾ ದೇವಾಸಾಟಿ ಹಾಕಟ್ಯಾಲಾ ಕರ್ತೊ"!
ಮಂಗ್ ವ್ಹಡಿ ದರಲಾ ಲ್ಯಾವಲ್ಯಾ ನಂತರ್ ಸಗ್ಳ ಸುಡುನ್ ದಿವುನ್ ತೇ ಯೇಸುಚೆ ಮಾಗ್ನಿ ಗೆಲ.
ಯೇಸುನಿ ವಾವ್ಡಳ್ ಥಾಂಬಿವ್ಲ್ಯಾಲಿ
ಯಕಸಿ ಯೇಸು ಆಪ್ಲ್ಯಾ ಶಿಶಾಂಚೆ ಸಂಗ ಯಕ ವ್ಹಡಿತ್ ಚ಼ಡುನ್, "ಸಮಿಂದೊರಾಚೆ ಪಲಿಕ್ಡ ಜಾ಼ವುಯಾ ಮನ್ಲ" ತವಾ ತ್ಯಂಚಾನಿ ವ್ಹಡಿ ಪಾನ್ಯಾತ್ ರಿಟುನ್ ನಿಗಾಲ್ಹ. ಮಂಗ್ ತೆ ಜಾ಼ತಾ ಆಸ್ಥಾನಾ ಯೇಸುಚಿ ನೀಜ಼್ ಲಾಗ್ಲಿ ತವಾ ಸಮಿಂದೊರಾತ್ ಯಗ್ದಮ್ ಮುಟಿ ವಾವ್ಡಳ್ ಸುಟುನ್ ವ್ಹಡಿತ್ ಪಾನಿ ಬರ್ಲ ಆನಿ ತೆ ದೊಖ್ಯಾತ್ ಪಡ್ಲ. ತವಾ ಶಿಶಾ ಯೇಸುಪ ಯವುನ್ ತ್ಯಲಾ ಜಾ಼ಗಾ ಕರುನ್ "ಪ್ರಭು ಪ್ರಭು" ಆಮಿ ಬುಡಾಲಾವ್ ಮನ್ಲ,
ತವಾ ತ್ಯನಿ ವಾರ್ಯಾಲಾ ಆನಿ ಪಾನ್ಯಾಲಾ ದಪ್ಕ್ಯಾವ್ಲ ತವಾ ವಾರ ಆನಿ ಪಾನಿ ಬಂದ್ ವ್ಹವುನ್ ಥಂಡ್ ಜಾ಼ಲ. ತವಾ ಯೇಸು ತ್ಯನಾ, "ತುಮಚಾ಼ ಇಸ್ವಾಸ್ ಕುಠ ಹಾ? ಮನ್ಲಾ ತವಾ ತೆ ಬಿಹುನ್ ಗಾಭಾರ್ಲ ಆನಿ ಯಕಾಮಕಾಲಾ, "ಹ್ಯೊ ಕೊನ್ ಆಸಲ್? ಮನ್ಲ ವಾವ್ಡಳಿಲಾ ಆನಿ ಪಾನ್ಯಾಚಾ ಲ್ವಾಟಾನಾ ದಿಕಿಲ್ ಹ್ಯೊ ದಪ್ಕ್ಯಾವ್ತೊ ಆನಿ ತಿ ತ್ಯಚ಼ ಐಕ್ತ್ಯಾತ" ಮನ್ಲ.
ಯೇಸುನಿ ವಾವ್ಡಳ್ ಥಾಂಬಿವ್ಲ್ಯಾಲಿ
ಯಕಸಿ ಯೇಸು ಆಪ್ಲ್ಯಾ ಶಿಶಾಂಚೆ ಸಂಗ ಯಕ ವ್ಹಡಿತ್ ಚ಼ಡುನ್, "ಸಮಿಂದೊರಾಚೆ ಪಲಿಕ್ಡ ಜಾ಼ವುಯಾ ಮನ್ಲ" ತವಾ ತ್ಯಂಚಾನಿ ವ್ಹಡಿ ಪಾನ್ಯಾತ್ ರಿಟುನ್ ನಿಗಾಲ್ಹ. ಮಂಗ್ ತೆ ಜಾ಼ತಾ ಆಸ್ಥಾನಾ ಯೇಸುಚಿ ನೀಜ಼್ ಲಾಗ್ಲಿ ತವಾ ಸಮಿಂದೊರಾತ್ ಯಗ್ದಮ್ ಮುಟಿ ವಾವ್ಡಳ್ ಸುಟುನ್ ವ್ಹಡಿತ್ ಪಾನಿ ಬರ್ಲ ಆನಿ ತೆ ದೊಖ್ಯಾತ್ ಪಡ್ಲ. ತವಾ ಶಿಶಾ ಯೇಸುಪ ಯವುನ್ ತ್ಯಲಾ ಜಾ಼ಗಾ ಕರುನ್ "ಪ್ರಭು ಪ್ರಭು" ಆಮಿ ಬುಡಾಲಾವ್ ಮನ್ಲ,
ತವಾ ತ್ಯನಿ ವಾರ್ಯಾಲಾ ಆನಿ ಪಾನ್ಯಾಲಾ ದಪ್ಕ್ಯಾವ್ಲ ತವಾ ವಾರ ಆನಿ ಪಾನಿ ಬಂದ್ ವ್ಹವುನ್ ಥಂಡ್ ಜಾ಼ಲ. ತವಾ ಯೇಸು ತ್ಯನಾ, "ತುಮಚಾ಼ ಇಸ್ವಾಸ್ ಕುಠ ಹಾ? ಮನ್ಲಾ ತವಾ ತೆ ಬಿಹುನ್ ಗಾಭಾರ್ಲ ಆನಿ ಯಕಾಮಕಾಲಾ, "ಹ್ಯೊ ಕೊನ್ ಆಸಲ್? ಮನ್ಲ ವಾವ್ಡಳಿಲಾ ಆನಿ ಪಾನ್ಯಾಚಾ ಲ್ವಾಟಾನಾ ದಿಕಿಲ್ ಹ್ಯೊ ದಪ್ಕ್ಯಾವ್ತೊ ಆನಿ ತಿ ತ್ಯಚ಼ ಐಕ್ತ್ಯಾತ" ಮನ್ಲ.
ಭುತ್ ದರ್ಲ್ಯಾಲ್ಯಾಲಾ ಯೇಸುನಿ ಬರ ಕೆಲ್ಯಾಲ
ಮಂಗ್ ಯೇಸು ಆನಿ ತ್ಯಚ಼ ಶಿಶಾ ಗಲಿಲಾಯಾಚಾ ಸಮಿಂದೊರ್ ವಲ್ಯಾಂಡುನ್ ಗೆನೆಜ಼ರೆತ್ ಸಿಮತ್ ಯವುನ್ ಪೊಚ್ಲ.
ದೀಸ್ ಮಾವ್ಳತ್ ಆಲಾ ತವಾ ತೇ ಬಾರಾಜಾ಼ನ್ ಅಪೊಸ್ತಲ್ ಕಡಸ್ ಯವುನ್ ಯೇಸುಲಾ ಮನ್ಲ, "ಲೊಕಾನಾ ಹುಕುಮ್ದೆ ಮಂಜೆ ತಿ ಬೌಥಚಾ ಗಾವಾತ್ನಿ ಆನಿ ಸೆತಾತ್ನಿ ಜಾ಼ವುನ್ ಖಾನ್ಯಾಚಿ ಸುಯಿ ಕರುಂತ ಕಾ ಮಂಜೆ ಆಮಿ ಯಾಕಾನ್ಸಿ ಜಾ಼ಗ್ಯಾವ ಹಾವ್. "
ಫನ್ ಯೇಸು ತ್ಯನಾ, "ತುಮಿಸ್ ತ್ಯನಾ ಖಾಯಾದೆವಾ" ಮನ್ಲಾ. ತವಾ ತೆ, "ಆಮಿ ಹ್ಯಾ ಸಗ್ಳ್ಯಾ ಲೊಕಾಂಚಿ ಸಾಟಿ ಜೆವಾನ್ ಇಕತ್ ಆನಾ ವ್ಹಯಿ ಕಾ ಮಂಜೆ ಪಾಚ಼್ ಬಾಕ್ರ್ಯಾ ಆನಿ ದೊನ್ ಮಾಸ ಯವ್ಡ್ಯಾ ಸಿವಾರ್ ಆಮ್ಚಿಪ ಕಾಯ್ ನಾಹಿ" ಮನ್ಲ. ಕಾ ಮಂಜೆ ತೇ ಜ಼ವಳ್ ಜ಼ವಳ್ ಪಾಚ಼್ ಹಾಜಾ಼ರ್ ಗಡಿ ಮಾನುಸುಸ್ ಹುತ್ತ ತವಾ ಯೇಸುನಿ ಆಪ್ಲ್ಯಾ ಅಪೊಸ್ತಲಾನಾ ಸಾಂಗ್ಲ ಪನ್ನಾ ಪನ್ನಾಸ್ ಲೊಕಾಂಚಾ ಪಂಗ್ತಿ ಬಸ್ವಾ.
ತ್ಯಂಚಾನಿ ತಸ ಕರುನ್ ಸಗ್ಳ್ಯಾನಾ ಬಸಿವ್ಲಿತ. ತವಾ ಯೇಸುನಿ ತ್ಯಾ ಪಾಚ಼್ ಬಾಕ್ರ್ಯಾ ದೊನ್ ಮಾಸ ಗಿಹುನ್, ಪರಲೊಕಾಕ್ಡ ಬಗುನ್, ತ್ಯನಾ ಆಶಿರ್ವಾದ್ ಕೆಲಾ ಆನಿ ತ್ಯಂಚ಼ ತುಕ್ಡ ಕರುನ್ ತೆ ಲೊಕಾನಾ ವಾಡಾಯಾ ಅಪೊಸ್ತಲಾಂಚಿಪ ದಿಲ. ತವಾ ಸಗ್ಳಿ ಜ಼ನ ಜಿವುನ್ ತ್ರಪ್ತ ಜಾ಼ಲ್ಹಿತ ಆನಿ ತ್ಯಂಚಾನಿ ಉರ್ಲ್ಯಾಲ ತುಕ್ಡ ಬರ್ಲತೆ ಬಾರಾ ಬುಟ್ಯಾ ಜಾ಼ಲ.
ಕಾನಾ ಗಾವಾತ್ ಲಗೀನ್
ತಿಸ್ರೆ ದಿಸಿ ಗಲಿಲಾಯಾಚಾ ಕಾನಾ ಗಾವಾತ್ ಯಾಕ್ ಲಗಿನ್ ಹುತ್ತ. ಯೇಸುಚಿ ಆಯಿಬಿ ಹುತ್ತಿ, ಯೇಸುಲಾ ಆನಿ ತ್ಯಚಾ ಶಿಶಾನಾ ಸಾಹಿತ್ ಹಾಕಟ್ಲ ಹುತ್ತ. ಲಗ್ನಾತ್ ವ್ಹಯಿ ತ್ಯವ್ಡಾ ದರಾಕ್ಶಿಚಾ಼ ರಸ್ ನವ್ಥಾ ಆಸ್ಲ್ಯಾಲಾ ದರಾಕ್ಶಿಚಾ಼ ರಸ್ ಸಗ್ಳಾ ಸಪ್ಲಾ ತವಾ ಯೇಸುಚೆ ಆಯಿನಿ ತ್ಯಲಾ, "ತ್ಯಂಚಿಪ ಕಚಾ಼ಸ್ ದರಾಕ್ಶಿಚಾ಼ ರಸ್ ನಾಹಿ" ಮನ್ಹುನ್ ಸಾಂಗ್ಲ. ತವಾ ಯೇಸುನಿ, "ಬಾಯಿ ಹ್ಯ ಸಗ್ಳ ಮನಾ ತು ಕಾ ಸಾಂಗ್ತಿಸ್? ಮಾಜಾ಼ ಯೊಳ್ ಆಜು಼ನ್ ಆಲಾ ನಾಹಿ" ಮನ್ಲ್ಹಾ.
ಯೇಸುಚೆ ಆಯಿನಿ ಸೇವಕಾನಾ ಯೇಸು ತುಮಾನಾ ಕ್ಯಾ ಸಾಂಗ್ತೊ ತ್ಯ ಕರಾ, ಮನ್ಹುನ್ ಸಾಂಗ್ಲ.
ದೊಂಡ್ಯಾನಿ ಕೆಲ್ಯಾಲ್ಯಾ ಸಾ ಬಾನ್ಯಾ ತಿಥ ಹುತ್ಯಾ. ಯೆಹುದಿ ಲೊಕಾಂಚೆ ಪದ್ದತಿ ಶಾರ್ಕ ಶುದ್ದಾಚಾರ್ ಕರಾಯಾ ಹ್ಯಾ ದೊಂಡ್ಯಾಚಾ ಬಾನ್ಯಾ ಗಿಹಿತ. ಪರತೇಕ್ ಬಾನ್ಯಾತ್ನಿ ಐಸಿಸ್ನಿ ಏಕ್ಸೆ ಈಸ್ ಲೀಟರಾ ಇತ್ಕ ಪಾನಿ ರಾಹಿತ. ಯೇಸುನಿ ಸೇವಕಾನಾ ತ್ಯಾ ಬಾನ್ಯಾತ್ನಿ ಪಾನಿ ಬರ್ಹಾ ಮನ್ಹುನ್ ಸಾಂಗ್ಲ. ತಸಸ್ ಸೇವಕಾಂಚಾನಿ ಬಾನ್ಯಾ ಪಾನ್ಯಾನಿ ಟುಮ್ ಬರಿವ್ಲ್ಯಾ. ತವಾ ಯೇಸುನಿ ಸೇವಕಾನಾ, "ಆತಾ ತ್ಯಾತ್ಲ ಥೊಡ ಪಾನಿ ಕಾಡುನ್ ಜೇವ್ನಾಚಿ ದೆಕ್ರೆಕಿ ಕರ್ತ್ಯಾಲ್ಯಾಪ ನಿಹುನ್ ದೆವಾ" ಮನ್ಹುನ್ ಸಾಂಗ್ತೊ. ತಸಸ್ ತ್ಯಂಚಾನಿ ನಿಹುನ್ ತ್ಯ ದಿಲ. ಜೇವ್ನಾಚಿ ದೆಕ್ರೆಕಿ ಕರ್ತ್ಯಾಲ್ಯಾನಿ ದರಾಕ್ಶಿಚಾ಼ ರಸ್ ಜಾ಼ಲ್ಯಾಲ್ಯಾ ಪಾನ್ಯಾಚಿ ಚ಼ವ್ ಬಗ್ಲಿ ಆನಿ ತ್ಯೊ ದರಾಕ್ಶಿಚಾ಼ ರಸ್ ಕುಠ್ನಿ ಆಲಾ ಮನ್ಹುನ್ ತ್ಯಲಾ ಠಾವಾ ನವ್ಥಾ ಫನ್ ತ್ಯ ಪಾನಿ ಕ್ಯಾಡಲ್ಯಾಲ್ಯಾ ಸೇವಕಾನಾ ಠಾವ ಹುತ್ತ. ಜೆವ್ನಾಚಿ ದೆಕ್ರೆಕಿ ಕರ್ತ್ಯಾಲ್ಯಾನಿ ನವ್ಹರ್ಯಾಲಾ ಹಾಕ್ಟುನ್ ಲೊಕ ಚಾ಼ಂಗ್ಲಾ ದರಾಕ್ಶಿಚಾ಼ ರಸ್ ಕವಾಬಿ ಆಂದಿ ವ್ಯಾಡ್ತ್ಯಾತ. ಪಾವ್ನ ಪಿವುನ್ ತೃಪ್ತ ಜಾ಼ಲ್ಯಾವ ತ್ಯನಾ ಸಾದಾ ದರಾಕ್ಶಿಚಾ಼ ರಸ್ ದೇತ್ಯಾತ. ಫನ್ ತು ಚಾ಼ಂಗ್ಲಾ ದರಾಕ್ಶಿಚಾ಼ ರಸ್ ಆಜು಼ನ್ ಪರ್ಯಾತ್ ಥೆವ್ಲ್ಯಾಸ್ ಮನ್ಹುನ್ ಸಾಂಗ್ತೊ.
ಕಾನಾ ಗಾವಾತ್ ಯೇಸುನಿ ಕೆಲ್ಯಾಲ ಪೈಲ ಚಮತ್ಕಾರ್. ತಿಥ ತ್ಯನಿ ಆಪ್ಲಿ ಮೈಮಾ ದ್ಯಾವ್ಲಿ. ತ್ಯಚಾ ಶಿಶಾಂಚಾನಿ ತ್ಯಚಿವ ಇಸ್ವಾಸ್ ಥೆವ್ಲಾ.
ಪಿಲಿಪಾಚಿ ಪಾರಕ್ ಕರಾಯಾ ಯೇಸುನಿ ಆಸ ಇಚಾರ್ಲ. ಫನ್ ಖರ್ಯಾನಿಸ್ ಆಪ್ನು ಕರಾಯಾ ವ್ಹಯಿ ಜಾ಼ಲ್ಯಾಲ ಕಾಮ್ ಆಂದಿಸ್ ತ್ಯಚಾ ಮನಾತ್ ಹುತ್ತ.
ಫಿಲಿಪ್ಪ ಮನ್ಲಾ, "ಹಿತ್ತ ಆಸ್ಲ್ಯಾಲ್ಯಾ ಪರತೇಕಾಲಾ ಥುಡಿ ಥುಡಿ ಬಾಕ್ರಿ ದಿಯಾ ವ್ಹಯಿತ, ದೊನ್ಸೆವ್ನಿ ಆಗಾವ್ ಚಾ಼ಂದಿಚ಼ ಆನ ವ್ಹಯಿತ. "
ಯೇಸುಚಾ಼ ಆನಿ ಯೊಕ್ ಶಿಶಾ ಜಾ಼ಲ್ಯಾಲ್ಯಾ ಆಂದ್ರೆಯಾ ಸಿಮೊನಾನಿ ಪೇತ್ರಾಚಾ಼ ಬಾಹುಜಾ಼ಲ್ಯಾಲಾ, ಅಂದ್ರೆಯ್ ಹಿತ್ತ ಆಸ್ಲ್ಯಾಲ್ಯಾ ಯಕಾ ಪ್ಯೊರ್ಗ್ಯಾಪ ಗವ್ಹಾಚಾ ಪಾಚ಼್ ಬಾಕ್ರ್ಯಾ ಹಾತ್ತಾ ಆನಿ ದೊನ್ ಮಾಸ ಹಾತ್ತ. ಫನ್ ತ್ಯಾ ಯವ್ಡ್ಯಾ ಲೊಕಾನಾ ಪುರ್ನಾರ್ ನಾಹಿತ, ಮನ್ಲಾ.
ಯೇಸು ಲೊಕಾನಾ ಬಸಾಯಾ ಸಾಂಗಾ ಮನ್ಲಾ ತ್ಯಾ ಜಾಗ್ಯಾತ್ ಗವಾತ್ ಲ ವಾಡ್ಲ ಹುತ್ತ ತಿಥ ಬಸ್ಲ್ಯಾಲ್ಯಾತ್ ಕಮಿಸ್ ಕಮಿ ಪಾಚ಼್ ಹಾಜಾ಼ರ್ ಗಡಿಸ್ ಹುತ್ತ. ನಂತರ್ ಯೇಸುನಿ ತ್ಯಾ ಬಾಕ್ರ್ಯಾ ಗಿಹುನ್ ತ್ಯಂಚಿಸಾಟಿ ದೇವಾಲಾ ಧನ್ಯಾವಾದ್ ಸಾಂಗುನ್. ಬಸ್ಲ್ಯಾಲ್ಯಾ ಲೊಕಾನಾ ವ್ಯಾಟ್ಲ್ಯಾ. ತ್ಯನಿ ಮಾಶಾನಾಬಿ ತಸಸ್ ಕೆಲ. ಸಗ್ಳ್ಯಾಂಚಾನಿ ಆಪ್ಲ್ಯಾಲಾ ವ್ಹಯಿ ತ್ಯವ್ಡ ಖಾಲ.
ತ್ಯಂಚ಼ ಸಗ್ಳ್ಯಾಂಚ಼ ಪ್ವಾಟ್ ಬರ್ಲ ತವಾ ಯೇಸುನಿ ಸಾಂಗ್ಲ ಆಪ್ಲ್ಯಾ ಶಿಶಾನಾ ಉರ್ಲ್ಯಾಲ ತುಕ್ಡ ಗೊಳಾ ಕರಾ ಕಾ ಮಂಜೆ ಕಚ಼ಸ್ ಹಾಳ್ ವ್ಹವುನಾಹಿ. ಆನಿ ಶಿಶಾಂಚಾನಿ ಲೊಕಾನಾ ವ್ಯಾಟ್ಲ್ಯಾಲ್ಯಾ ಗವ್ಹಾಚಾ ಪಾಚ಼್ ಬಾಕ್ರ್ಯಾಂಚಾ ಉರ್ಲ್ಯಾಲ್ಯಾ ತುಕ್ಡ್ಯಾಂಚಾನಿ ಬಾರಾ ಬುಟ್ಯಾ ಬರ್ಲ್ಯಾ.
ತೇ ಹುಟ್ ಗಾಲಿತ್ ಜ಼ವ ಜ಼ವಳ್ ತೀನ್ ಚಾರ್ ಮೈಲ್ ವ್ಹಡಿ ಚಾ಼ಲಿವಲ್ಯಾ ನಂತರ್ ಯೇಸುಲಾ ಬಗ್ಲಾ. ತ್ಯೊ ಪಾನ್ಯಾವ ಚಾ಼ಲತ್ ವ್ಹಡಿಪ ಯತ್ಯಾಲಾ ಬಗುನ್ ತೇ ಬಿಹ್ಯಾಲ. ಯೇಸು ತ್ಯನಾ, "ಭಿಹುನಕೊಸಾ, ಮೀಸ್ ತ್ಯೊ" ಮನ್ಲಾ ತವಾ ತೇ ಯೇಸುಲಾ ವ್ಹಡಿತ್ ಗಿಹ್ಯಾ ವ್ಹಯಿ ಮನ್ಹಿತ. ತ್ಯವ್ಡ್ಯಾತ್ ತೇ ಜಾ಼ಯಾಚಾ ಜಾ಼ಗ್ಯಾವ ವ್ಹಡಿ ಪುಚ್ಲಿ ಹುತ್ತಿ.
ಸಾತ್ ಜಾ಼ನ್ ಶಿಶಾನಾ ಯೇಸುಚ಼ ದರ್ಶಾನ್
ಮಂಗ್ ಯೇಸು ಆನಿ ಯಂಗ್ದಾ ಆಪ್ಲ್ಯಾ ಶಿಶಾನಾ ತಿಬೇರಿಯ ಗಲಿಲಾಯ್ ತಳಿಪ ದಿಸ್ಲಾ. ಥೊಡ ಶಿಶಾ ಯಂಗ್ದಾಸ್ ಜ಼ಮ್ಲ ತೇ ಕೊನ್ ಮಂಜೆ ಸಿಮೊನ್ ಪೇತ್ರ ದಿದುಮ್ ನಾವಾಚಾ಼ ತೊಮ ಗಲಿಲಾಯಾತಲ್ಯಾ ಕಾನಾ ಗಾವಾತ್ಲಾ ನತಾನಿಯೇಲ್ ಜೆಬೆದಾಯಾಚ಼ ದೊಗ ಪ್ಯೊರ್ಗ ಆನಿ ದೊಗ ಶಿಶಾ. ಪೇತ್ರಾ ತ್ಯನಾ ಮಿ ಮಾಸ ದರಾಯಾ ಜಾ಼ತ್ಯೊ ಮನ್ಲಾ. ರಾಯ್ಲ್ಯಾಲ ಶಿಶಾ ಆಮಿ ತುಮ್ಚಿ ಸಂಗ ಯತಾವ್ ಮನ್ಹುನ್ ಸಾಂಗ್ತ್ಯಾತ. ತವಾಸ್ ಶಿಶಾ ಸಗ್ಳ ಗೇಲ ವ್ಹಡಿತ್ ಚ಼ಡ್ಲ. ತ್ಯಂಚಾನಿ ರ್ಯಾತ್ ಸಾರಿ ಜಾ಼ಳಿ ಗ್ಯಾತ್ಲಿತ ಫನ್ ಯೊಕ್ ಮಾಸಾಬಿ ಗಾವ್ಲಾ ನಾಹಿ.
ತವಾ ಸಕಾಳಚ಼ಾ ಯೇಸು ದುರ್ ಉಬಾರಾಯಲ್ಯಾಲಾ ಬಗ್ಲಾ ಫನ್ ತ್ಯೊಸ್ ಯೇಸು ಮನ್ಹುನ್ ಶಿಶಾನಾ ವಳಾಕ್ಲಾ ನಾಹಿ. ತವಾ ಯೇಸುನಿ ಆಪ್ಲ್ಯಾ ಶಿಶಾನಾ ಸೊಪ್ತ್ಯಾನು ತುಮಾನಾ ಮಾಸ ಗಾವ್ಲ ಕ್ಯಾ? ಮನ್ಹುನ್ ಇಚಾರ್ಲ.
ಶಿಶಾಂಚಾನಿ ನಾಹಿ. ಮನ್ಹುನ್ ಉತ್ತರ್ ದಿಲಾ.
ಯೇಸು ತುಮ್ಚೆ ವ್ಹಡಿಚೆ ಉಜ್ವ್ಯಾಂಗ್ನಿ ತುಮ್ಚಿ ಜಾ಼ಳಿ ಗಾಲ್ಹಾ ತಿಥ ಥೊಡ ಮಾಸ ಗಾವ್ತಿಲ ಮನ್ಹುನ್ ಸಾಂಗ್ಲ ಶಿಶಾಂಚಾನಿ ತಸಸ್ ಕೆಲ ಖುಬ್ ಮಾಸ ಗಾವ್ಲ ಮನ್ಹುನ್ ತ್ಯನಾ ವ್ಹಡಿತ್ ಗಿಹ್ಯಾ ಗಾವ್ಲ ನಾಹಿತ.
ಯೇಸುಚಾ಼ ಮಾಯಾಚಾ಼ ಶಿಶಾ ಪೇತ್ರಾಲಾ ತ್ಯೊ ಮಾನುಸ್ ಪ್ರಭು ಮನ್ಹುನ್ ಸಾಂಗ್ಲ ತವಾಸ್ ಪೇತ್ರಾನಿ ಆಪ್ಲಿ ಆಂಗಿ ಗಾಲ್ಹುನ್ ಪಾನ್ಯಾತ್ ಉಡಿಮ್ಯಾರ್ಲಿ ಪೇತ್ರಾನಿ ಆಪ್ಲಿ ಆಂಗಿ ಕ್ಯಾಡ್ಲಿ ಹುತ್ತಿ. ಉರ್ಲ್ಯಾಲ ಶಿಶಾ ವ್ಹಡಿತ್ನಿ ದುರ್ ಗೇಲ ತ್ಯಂಚಾನಿ ಜಾ಼ಳಿ ಬರ್ಹುನ್ ಮಾಶಾನಾ ದರವ ವಡುನ್ ನೇಲ್ಹ ತೇ ದರಪ್ನಿ ಖುಬ್ ದುರ್ ನವ್ಥ ಜ಼ವಜ಼ವಳ್ ತಿನ್ಸೆ ಫುಟ್ ದುರ್ ಹುತ್ತ. ಶಿಶಾ ವ್ಹಡಿತ್ನಿ ಉತ್ರುನ್ ದರವ ಗೇಲ ತವಾ ಇಸ್ಥ್ಯಾಚ಼ ಇಂಗಾಳ್ ಬಗ್ಲ ಇಸ್ಥ್ಯಾವ ಮಾಸ ಹುತ್ತ ಆನಿ ಥೊಡ್ಯಾ ಬಾಖರ್ಯಾ ತಿಥ ಹುತ್ಯಾ. ಮಂಗ್ ಯೇಸುನಿ ತುಮಿ ದರ್ಲ್ಯಾಲ್ಯಾ ಮಾಶಾತ್ಲ ಥೊಡ ಆನಾ ಮನ್ಹುನ್ ಸಾಂಗ್ತೊ.
ಸಿಮೊನ್ ಪೇತ್ರಾ ವ್ಹಡಿತ್ ಜಾ಼ವುನ್ ಜಾ಼ಳ ದರಕ್ಡ ವಡುನ್ ಆಂತೊ ಜಾ಼ಳ ಮೊಟ್ಯಾ ಮಾಶಾಂಚಾನಿ ಬರ್ಲ ಹುತ್ತ, ತ್ಯಾತ್ ಯಕ್ಸೆ ಪನ್ನಾಸಾವ ತೀನ್ ಮಾಸ ಹುತ್ತ. ತೇ ಖುಬ್ ಜ಼ಡ್ ಜಾ಼ಲ ತರಿ ಜಾ಼ಳ ಫಾಟ್ಲ ನಾಹಿ
Libertações
Jesus expulsou demônios com autoridade. Os espíritos impuros não resistiam à sua palavra e saíam imediatamente.
ಬರಾ ಜಾ಼ಲ್ಯಾಲಾ ಅಧಿಕಾರ್ಯಾಚಾ಼ ಚಾ಼ಕೊರ್
ಯೇಸು ಕಪೆರ್ನೌಮ್ ಪೆಠತ್ ಗೆಲಾ. ತ್ಯೊ ಪೆಠತ್ ಗೆಲಾ ತವಾ ಶತಾದಿಪತಿ ಯೊಕ್ ಯವುನ್, "ಪ್ರಭು, ಮಾಜಾ಼ ಚಾ಼ಕೊರ್ ಪಾರ್ಶಿ ಮಾರುನ್ ಹಾತ್ರುನಾತ್ ಹಾ. ತ್ಯೊ ಖುಬ್ ದುಃಖಾನಿ ಕಳವಳ್ತ್ಯೊ" ಮನ್ಹುನ್ ಮಜ಼ತಿ ಸಾಟಿ ಮಾಗ್ತೊ.
ಯೇಸುನಿ ತ್ಯಾ ಶತಾದಿಪತಿಲಾ, "ಮಿ ಯವುನ್ ತ್ಯಲಾ ಬರ ಕರ್ತೊ" ಮನ್ಲ್ಹಾ. ತವಾ ತ್ಯೊ ಶತಾದಿಪತಿ, "ಪ್ರಭು, ಮಾಜಾ ಗರ್ಹಾತ್ ತು ಯಯಿಶಾರ್ಕಾ ಮಿ ಮೊಟಾ ನವ್ಹ. ತ್ಯಲಾ ಬರ ವ್ಹವುನಿ ಮನ್ಹುನ್ ತು ಯೊಕ್ ಸಬ್ದ ಸಾಂಗ್ಲಾಸ್ ಪುರ ತ್ಯಲಾ ಬರ ವ್ಹನಾರ್. ಮೀಬೀ ದಿಸರ್ಯಾ ಯಕಾಚಾ ಹಾತಾಖಾಲ್ ಹಾ ಮಾಜಾ ಹಾತಾಚೆ ಖಾಲ್ ಸಿಪಾಯಿ ಹಾತ್ತ. ಮಿ ಯಕಾ ಸಿಪಾಯಿಲಾ ‘ಜಾ಼’ ಮನ್ಲೊತ ತ್ಯೊ ಜಾ಼ತೊ; ಆನಿ ಯಕಾಲಾ ‘ಯೇ’ ಮನ್ಲೊತ ತ್ಯೊ ಯತೊ. ಮಿ ಮಾಜಾ ಚಾ಼ಕ್ರಾಲಾ ಹ್ಯ ಕರ್ ಮನ್ಲೊತ ತ್ಯೊ ತಸಾ ಕರ್ತೊ. " ಮನ್ಲ್ಹಾ.
ಹ್ಯ ಐಕುನ್ ಯೇಸುಲಾ ಆಜಾಬ್ ವಾಟ್ಲ. ಯೇಸುನಿ ಆಪ್ಲಿ ಸಂಗ ಆಸ್ಲ್ಯಾಲ್ಯಾನಾ, "ಮಿ ಇಸ್ರಾಯಲಾತ್ ಬಿ ಯವ್ಡಾಸ್ ಇಸ್ವಾಸ್ ಆಸ್ನಾರ್ಯಾ ಮಾನ್ಸಾಲಾ ಬಗ್ಲಾ ನಾಹಿ ಮನ್ಹುನ್ ತುಮಾನಾ ಖರ್ಯಾನಿ ಸಾಂಗ್ತೊ ಮನ್ಲಾ. ಮಿ ತುಮಾನಾ ಸಾಂಗ್ತೊ. ಖುಬ್ ಲೊಕ ಉಗಾವ್ತೆ ಆನಿ ಮಾವಾಳ್ತೆ ಬಾಜೊ಼ಕ್ನಿ ಯತ್ಯಾತ. ತೀ ಸ್ವರ್ಗಾಚಾ ರಾಜಾತ್ ಅಬ್ರಹಾಮ್, ಇಸಾಕ್, ಯಾಕೊಬ್ ಹ್ಯಂಚಿ ಸಂಗ ಬಸುನ್ ಜೆವಾನ್ ಖಾತ್ಯಾತ. ದೆವಾಚಾ ರಾಜಾತ್ ಜಾ಼ನಾರ್ ಮಂಥ್ಯಾಲ್ಯಾನಾ ಬಾಹಿರ್ ಅಂದಾರಾತ್ ಟ್ಯಾಕ್ನಾರ್. ತಿಥ ರಡ್ನಾರ್ ಆನಿ ದಾತ್ ಖಾನಾರ್" ಮನ್ಲಾ. ಮಂಗ್ ಯೇಸುನಿ ತ್ಯಾ ಶತಾದಿಪತಿಲಾ, "ಗರ್ಹಾತ್ ಜಾ಼, ತು ಇಸ್ವಾಸ್ ಥೆವ್ಲ್ಯಾ ಶಾರ್ಕಾ ತುಜಾ ಚಾ಼ಕ್ರಾಲಾ ಬರ ವ್ಹನಾರ್" ಮನ್ಲಾ. ತವಾಸ್ ತ್ಯಚಾ ಚಾ಼ಕ್ರಾಲಾ ಬರ ಜಾ಼ಲ.
ಯೇಸುನಿ ಬುಥ ದರ್ಲ್ಯಾಲ್ಯಾ ದೊಗಾನಾ ಬರ ಕೆಲ್ಯಾಲ
ಯೇಸು ಸಮಿಂದೊರಾಚೆ ಗದರೇನ್ ಸಿಮತ್ ಆಲಾ. ತವಾ ತಿಥ ಬುಥ ಲಾಗ್ಲ್ಯಾಲ ದೊಗ ಯೇಸುಪ ಆಲ. ತೇ ಮಸುರ್ಡಿತ್ನಿ ರಾಹಿತ ಆನಿ ಖುಬ್ ಗಾತ್ಕಿ ಜಾ಼ಲ್ಥ. ಮನ್ಹುನ್ ಲೊಕ ತೇ ವಾಟನಿ ಜಾ಼ಯಿತ್ನವ್ಥಿತ. ತೇ ದೊಗ ಯೇಸುಪ ಯವುನ್. "ತು ಆಮಾನಾ ಕ್ಯಾ ಕರಾಯಾ ವ್ಹಯಿ ಮಂಥೊಸ್? ದೇವಾಚಾ ಲೇಕಾ, ದಿಲ್ಯಾಲ್ಯಾ ಯಳಾಚೆ ಆಂದಿ ಆಮಾನಾ ಶಿಕ್ಷಾ ದಿಯಾ ಹಿತ್ತ ಆಲಾಸ್ ಕ್ಯಾ? ಮನ್ಹುನ್ ತವಾಸ್ ಜೊ಼ರಾನಿ ವರಾಡ್ಲ.
ತ್ಯಾ ಜಾ಼ಗ್ಯಾಚೆ ಜ಼ವಳ್ ಡುಕ್ರಾಂಚಾ಼ ಮೊಟಾ ಹಿಂಡ್ ಚ಼ರತಾ. ತ್ಯಾ ಬುಥಾಂಚಾನಿ, "ಆಮಿ ಹ್ಯಾ ದೊಗಾನಾಬಿ ಸುಡುನ್ ಜಾ಼ಯಾ ವ್ಹಯಿ ಮನ್ಲಾಸ್ತ, ದಯಾ ಥಿವುನ್ ಆಮಾನಾ ತ್ಯಾ ಡುಕ್ರಾತ್ನಿ ಲಾವುನ್ದೇ" ಮನ್ಹುನ್ ಇನಂತಿ ಕಿಲಿ.
ಯೇಸು ತ್ಯನಾ, "ಜಾ಼ವಾ" ಮನ್ಲಾ. ತವಾ ತೀ ಬುಥ ತ್ಯನಾ ದೊಗಾನಾ ಸುಡುನ್ ಡುಕ್ರಾತ್ನಿ ಗಿಲಿತ. ತವಾಸ್ ಡುಕ್ರ ಸಗ್ಳಿ ಗುಢ್ಯಾವ್ನಿ ಖಾಲ್ ಪಳತ್ ಯವುನ್ ಸಮಿಂದೊರಾತ್ ಬುಡಾಲಿತ.
ಡುಕ್ರ ಚಾರತ್ಯಾಲ ಪೆಠತ್ ಪಳತ್ ಜಾ಼ವುನ್ ಭುಥ ಲಾಗ್ಲ್ಯಾಲ್ಯಾಂಚೆ ಸಂಗ ಜಾ಼ಲ್ಯಾಲ ಲೊಕಾನಾ ಸಾಂಗ್ಲ. ತವಾ ತೆ ಸಿಮತ್ಲಿ ಲೊಕ ಸಗ್ಳಿ ಯೇಸುಲಾ ಬಗಾಯಾ ಆಲಿತ, ಆನಿ ತ್ಯಲಾ ಬಗುನ್ ಆಪ್ಲಿ ಸಿಮಾ ಸುಡುನ್ ಜಾ಼ ಮನ್ಹುನ್ ಸಾಂಗ್ಲ.
ಯೇಸು ಯಕಾ ಮುಕ್ಯಾಲಾ ಬರ ಕರ್ತೊ
ತೇ ದೊಗ ಜಾ಼ತಾನಾ ಥೊಡ್ಯಾಂಚಾನಿ ದುಸ್ರ್ಯಾ ಯಕಾಲಾ ಯೇಸುಚೆ ಜ಼ವಳ ಆನ್ಲಾ. ತ್ಯಚಿಪ ಭುಥ್ ಹುತ್ತ ಮನ್ಹುನ್ ತ್ಯೊ ಮುಕ್ಕಾ ಜಾ಼ಲ್ಥಾ. ಯೇಸು ತ್ಯಾ ಭುಥಾಲಾ ಸುಡುನ್ ಜಾ಼ ಮನ್ಹುನ್ ತಾಕಿತ್ ಕರ್ತೊ. ತವಾ ತ್ಯೊ ಬೊಲಾಯಾ ಲಾಗ್ಲಾ ಹ್ಯ ಬಗ್ಲ್ಯಾಲಿ ಲೊಕ ಚಮತ್ಕಾರ್ ವ್ಹವುನ್, "ಇಸ್ರಾಯಲಾತ್ ಆಸ್ಲಿ ಕಾಮ ಬಗ್ಲಿಸ್ ನಾಹಿತ" ಮನ್ಲ.
ಯೇಸು ಆನಿ ಬೆಲ್ಜೆಬುಲ್
ತವಾ ಥೊಡ್ಯಾ ಲೊಕಾಂಚಾನಿ ಯಕಾಲಾ ಯೇಸುಚೆ ಕಡಸ್ ಆನ್ಲಾ. ತ್ಯಚಿಪ ಭುತ್ ಹುತ್ತ ಮನ್ಹುನ್ ತ್ಯೊ ಅಂದ್ಳಾ ಆನಿ ಮುಕ್ಕಾ ಜಾ಼ಲ್ಥಾ. ಯೇಸುನಿ ತ್ಯಾ ಮಾನ್ಸಾಲಾ ಚಾ಼ಂಗ್ಲ ಕೆಲಾ ಮನ್ಹುನ್ ಬೊಲಾಯಾ ಬಗಾಯಾ ಲಾಗ್ಲಾ.
ಯಕ ಬ್ಯಾಯ್ಕಾ ಮಾನ್ಸಾಚಾ಼ ಇಸ್ವಾಸ್
ಯೇಸುನಿ ತ್ಯೊ ಜಾ಼ಗಾ ಸುಡುನ್, ತುರ್ ಆನಿ ಸೀದೊನಾಚಾ ಸರ್ಬೌತಾಚಾ ಪ್ರದೇಶಾತ್ನಿ ಗೆಲಾ. ತ್ಯಾ ಜಾ಼ಗ್ಯಾತ್ನಿ ಕಾನಾನ್ಯ ಜಾ಼ಲ್ಯಾಲಿ ಯೇಕ್ ಬ್ಯಾಯ್ಕಾ ಮಾನುಸ್ ಯೇಸುಪ ಯವುನ್, "ಪ್ರಭು, ದಾವಿದಾಚಾ ಲೇಕಾ, ಮಾಜಿವ ಕರ್ನಾ ದ್ಯಾವ್!. ಮಾಜೆ ಲೀಕಿಲಾ ಭುತ್ ದರ್ಲ್ಯಾ ಆನಿ ತೀ ಖುಬ್ ತರಾಸ್ ಖಾತೆ" ಮನ್ಹುನ್ ಜೊ಼ರಾನಿ ವರಾಡ್ಲಿ.
ಫನ್ ಯೇಸುನಿ ತೇ ಬ್ಯಾಯ್ಕಾ ಮಾನ್ಸಾಲಾ ಉತ್ತರ್ ದಿಲಾ ನಾಹಿ. ಮನ್ಹುನ್ ಶಿಶಾಂಚಾನಿ ಯೇಸುಪ ಯವುನ್, "ತೇ ಬ್ಯಾಯ್ಕಾ ಮಾನ್ಸಾಲಾ ಜಾ಼ಯಾ ಸಾಂಗ್ ತೀ ವರ್ಡತ್ ಆಮ್ಚೆ ಮಾಗ್ನಿ ಯತ್ಯಾಲಿ ಹಾ" ಮನ್ಲ್ಹ.
ಯೇಸು, "ಚು಼ಕಲ್ಯಾಲ್ಯಾ ಮೆಂಡ್ರಾಂಚೆಗತ್ ಆಸ್ಲ್ಯಾಲ್ಯಾ ಇಸ್ರಾಯಲಾಂಚಿಪ ತ್ಯವ್ಡಾಸ್ ಮನಾ ಲಾವುನ್ ದಿಲ್ಯಾ" ಮನ್ಲಾ.
ತವಾ ತಿ ಬ್ಯಾಯ್ಕಾ ಮಾನುಸ್ ಯೇಸುಪ ಯವುನ್ ತ್ಯಚೆ ಮೊರ್ಹ ಆಡ್ವಿ ಪಡುನ್, "ಪ್ರಭು, ಮನಾ ಮಜ಼ತ್ ಕರ್" ಮನ್ಲ್ಹಿ.
ಯೇಸು, "ಪೊರ ಖಾತ್ಯಾಲಿ ಭಾಕ್ರಿ ಗಿಹುನ್ ಕುತ್ರ್ಯಾನಾ ಟಾಕಾಚಿ ಬರಿ ನವ್ಹ" ಮನ್ಲ್ಹಾ.
ತೀ ಬ್ಯಾಯ್ಕಾ ಮಾನುಸ್, "ವ್ಹಯ್ ಪ್ರಭು, ಫನ್ ಕುತ್ರಿ ಆಪ್ಲ್ಯಾ ದನ್ಯಾಚಾ ಮಂಚಾವ್ನಿ ಪಡ್ಲ್ಯಾಲ ಉಸ್ಟ ಖಾತ್ಯಾತ ನವ್ಹ" ಮನ್ಲಿ. ತವಾ ಯೇಸು, "ಆಯಿ, ತುಜಾ಼ ಇಸ್ವಾಸ್ ಮೊಟಾ. ತುಜ಼ ಮಾಗ್ನ ಮಿ ಪುರ್ನ ಕರ್ತೊ" ಮನ್ಲಾ ತವಾಸ್ ತಿಚಿ ಲೇಕ್ ಬರಿ ಜಾ಼ಲಿ.
ಭುಥಾನಿ ದರ್ಲ್ಯಾಲ್ಯಾ ಪ್ಯೊರ್ಗ್ಯಾಲಾ ಯೇಸುನಿ ಬರ ಕೆಲ್ಯಾಲ
ಯೇಸು ಆನಿ ತ್ಯಚ಼ ಶಿಶಾ ಲೊಕಾಂಚಿಪ ಮಾಗಾರ ಗೆಲ. ಯಕ್ಲಾ ಯೇಸುಪ ಯವುನ್ ತ್ಯಚೆ ಮೊರ್ಹ ನಡ್ಗ ಗ್ಯಾತ್ಲ, "ಪ್ರಭು, ಮಾಜಾ ಲೇಕಾವ ದಯಾ ದ್ಯಾವ್. ತ್ಯೊ ಫೀಟಚಾ ರೊಗಾನಿ ಖುಬ್ ತರಾಸ್ ಖಾತ್ಯೊ. ತ್ಯೊ ತವಾ ತವಾ ಇಸ್ಥ್ಯಾತ್ ನಾಹಿತ ಪಾನ್ಯಾತ್ ಪಡ್ತೊ. ಮಿ ಮಾಜಾ ಲೇಕಾಲಾ ತುಜಾ ಶಿಶ್ಯಾಂಚಾಪ್ನಿ ಆನ್ಲಾ ಫನ್ ತ್ಯಲಾ ಬರ ಕರಾಯಾ ತ್ಯನಾ ಜಾ಼ಲ ನಾಹಿ" ಮನ್ಲಾ.
ಯೇಸುನಿ, "ಯೇ, ಇಸ್ವಾಸ್ ನಸ್ಲ್ಯಾಲೆ ಆಡ್ವೆ ಪೀಳ್ಗಿ, ಆಜು಼ನ್ ಕಿತಿರೊಜ಼್ ತುಮ್ಚಿ ಸಂಗ ರಾಹು? ಆಜು಼ನ್ ಕಿತಿರೊಜ಼್ ತುಮಾನಾ ಸುಸ್ವುನ್ ಗಿಹು? ತ್ಯಾ ಪ್ಯೊರ್ಗ್ಯಾಲಾ ಹಿಕ್ಡ ಹಾಕ್ಟುನ್ ಆನಾ" ಮನ್ಹುನ್ ಉತ್ತರ್ ದಿಲಾ. ಯೇಸುನಿ ಪ್ಯೊರ್ಗ್ಯಾಪ ಆಸ್ಲ್ಯಾಲ್ಯಾ ಭುಥಾಲಾಮೊಟ್ಯಾನಿ ಭ್ಯಾ ಗ್ಯಾತ್ಲ ತವಾ ಭುತ್ ತ್ಯಲಾ ಸುಡುನ್ ಗೆಲ ತ್ಯಲಾ ತವಾಸ್ ಬರ ಜಾ಼ಲ.
ತವಾ ಲಾಗಿರ್ ಲಾಗ್ಲ್ಯಾಲಾ ಯೊಕ್ ಮಾನುಸ್ ಸಬಾ ಸ್ತಾನಾತ್ ಯವುನ್ ಜೊ಼ರಾನಿ. ತ್ಯೊ "ನಜ಼ರೆತಿಚಾ಼ ಯೇಸು, ಆಮ್ಚಿಪ್ನಿ ತುಲಾ ಕ್ಯಾ ವ್ಹಯಾ ವ್ಹಯಿ? ಅಮಾನಾ ನಾಸ್ ಕರಾಯಾ ಆಲಾಸ್ ಕ್ಯಾ? ತು ಕೊನ್ ಠಾವಾ ಹಾಸ್; ತು ಪರ್ಮೇಶ್ವರಾಪ್ನಿ ಆಲ್ಯಾಲಾ ಯೋಕ್ ಪವಿತ್ರ" ಮನ್ಹುನ್ ವರ್ಡುನ್ ಸಾಂಗ್ಲ.
ಯೇಸುನಿ ತ್ಯಲಾ ದಪ್ಕಾವುನ್ "ಗಪ್ಚಿಪ್ ರ್ಹಾ ಹೆಲಾ ಸುಡುನ್ ಜಾ಼" ಮನ್ಲಾ
ತವಾ ತ್ಯ ಲಾಗಿರ್ ತ್ಯಲಾ ವರ್ಡ್ಯಾವುನ್ ಲುಳ್ವುನ್ ಸುಡುನ್ ಗೆಲ.
ಭುತ್ ದರ್ಲ್ಯಾಲ್ಯಾಲಾ ಯೇಸುನಿ ಬರ ಕೆಲ್ಯಾಲ
ಮಂಗ್ ಯೇಸು ಆನಿ ತ್ಯಚ಼ ಶಿಶಾ ಗಲಿಲಾಯ್ ಸಮಿಂದೋರಾಚೆ ಪಲಿಕ್ಡ ಗೆನೆಜ಼ರೆತ್ ಸಿಮತ್ ಆಲ. ಆನಿ ತ್ಯೊ ವ್ಹಡಿತ್ನಿ ಬಾಹಿರ್ ಯತಾನಾಸ್, ಲಾಗಿರ್ ಲಾಗ್ಲ್ಯಾಲಾ ಯೊಕ್ ಮಾನುಸ್ ಮಸುರ್ಡಿತ್ನಿ ತ್ಯಚೆ ಮೊರ್ಹ ಆಲಾ. ತ್ಯೊ ಮಸುರ್ಡಿತ್ನಿ ರಾಥ್ಯಾಲಾ, ತ್ಯಲಾ ಬಾಂದುನ್ ಗಾಲಾಯಾ ಕುನಾಲಾ ಶಕ್ಯಾ ನವ್ಥಿ. ತ್ಯಲಾ ಸಾಕ್ಳಿನಿ ಬ್ಯಾಂದ್ಲಾ ತರಿ ಉಪೆಗ್ ವ್ಹಯಿತ್ ನವ್ಥ. ಬಾಂದುನ್ ಗ್ಯಾತ್ಲಾ ಖರ. ಸಗ್ಳ್ಯಾ ತುಡುನ್ ಟ್ಯಾಕ್ಲ್ಯಾ.
ಲೊಕಾಂಚಾನಿ ಖುಬ್ ಖೆಪಾ ತ್ಯಚ಼ ಹಾತ್ ಪ್ಯಾ ಸಾಕ್ಳ್ಯಾಂಚಾನಿ ಬ್ಯಾಂದ್ಲ ಹುತ್ತ. ಫನ್ ತ್ಯನಿ ತ್ಯಾ ಸಗ್ಳ್ಯಾ ತುಡುನ್ ಟ್ಯಾಕ್ಲ್ಯಾ. ತ್ಯಲಾ ದರ್ಥ್ಯಾಲಾ ಪೈಲ್ ವಾನ್ ತಿಥ ಕೊನ್ ನವ್ಥಾ. ತ್ಯೊ ಖಾಯಿಮ್ ರ್ಯಾತ್ದಿಸ್ ಗುಢ್ಯಾವ್ನಿ ಗಬ್ಹಿತ್ನಿ ವರ್ಡತ್ ರಾಹಿತಾ ಆನಿ ದೋಂಡ್ಯಾನಿ ಆಪ್ಲ ಆಂಗ್ ಜಿ಼ಜ್ರು಼ನ್ ಗಿಹಿತಾ.
ತ್ಯನಿ ಯೇಸುಲಾ ದುರ್ನಿ ಬಗುನ್ ಪಳತ್ ಆಲಾ ಆನಿ ತ್ಯಚೆ ಮೊರ್ಹ ನಡ್ಗ ಟಿಕ್ವುನ್ ಪಡ್ಲಾ: ಆನಿ ಜೊ಼ರಾನಿ ವರ್ಡುನ್, "ಯೇಸು ಪರಮೇಶ್ವರಾಚಾ ಲೇಕಾ, ಮಾಜಿ ಕ್ಯಾಳ್ಜಿ ತುಲಾ ಕಾ? ದೇವಾಶಪತ್ ಮನಾ ಜಾ಼ಚ಼್ ಕರು ನಕೊ" ಮನ್ಲಾ. (ಕಾ ಮನ್ಲ್ಯಾವ ಯೇಸು ತ್ಯಲಾ, "ಲಾಗಿರಾ ಹ್ಯಾ ಮಾನ್ಸಾಲಾ ಸುಡುನ್ ಬಾಹಿರ್ ಯೇ" ಮನ್ಹಿತಾ).
ತವಾ ಯೇಸುನಿ ತ್ಯಲಾ, "ತುಜ಼ ನಾವ್ ಕ್ಯಾ? ಮನ್ಹುನ್ ಇಚಾರ್ಲ.
ತ್ಯನಿ, "ಮಾಜ಼ ನಾವ್ ಹಿಂಡ್ ಕಾ ಮಂಜೆ ಆಮಿ ಖುಬ್ ಜ಼ನ ಲಾಗಿರ್ ಹಾವ್" ಮನ್ಹುನ್ ಉತ್ತರ್ ದಿಲಾ. ಆನಿ, "ಹ್ಯಾ ಜಾ಼ಗ್ಯಾವ್ನಿ ಲಾಗಿರಾನಾ ಗಾಲ್ವು ನಕೊಸ್" ಮನ್ಹುನ್ ತ್ಯೊ ಯೇಸುಲಾ ಮನ್ಹಿತಾ.
ತಿಥ ಗುಢ್ಯಾಚೆ ಬಾಜೊ಼ಲಾ ಯೊಕ್ ಮೊಟಾ ಡುಕ್ರಾಂಚಾ಼ ಹಿಂಡ್ ಚ಼ರತ್ ಹುತ್ತಾ. ತವಾ ಲಾಗಿರಾಂಚಾನಿ ಯೇಸುಪ, "ಆಮಾನಾ ತ್ಯಾ ಡುಕ್ರಾತ್ನಿ ಲವುನ್ ದೇ ಆಮಿ ಡುಕ್ರಾತ್ನಿ ಜಾ಼ತಾವ್" ಮನ್ಹುನ್ ಇನಂತಿ ಕೆಲಿ. ಆನಿ ಯೇಸುನಿ ತ್ಯನಾ ಮೊಕಳ್ ದಿಲಿ; ತವಾ ತೀ ಲಾಗಿರ ಮಾನ್ಸಾತ್ನಿ ಬಾಹಿರ್ ಯವುನ್. ಡುಕ್ರಾತ್ನಿ ಬರ್ಲಿತ ತೀ ಡುಕ್ರ ಗುಢ್ಯಾವ್ನಿ ಉತ್ರುನ್ ದಾವ್ಹತ್ ಜಾ಼ವುನ್ ದರವ್ನಿ ಸಮಿಂದೋರಾತ್ ಪಡ್ಲಿತ ಆನಿ ಪಾನ್ಯಾತ್ ಬುಡುನ್ ಮಿಲಿತ ತೀ ಕಮಿಸ್ಕಮಿ ದೊನ್ ಹಾಜಾ಼ರ್ ಹುತ್ತಿತ.
ಡುಕ್ರ ರ್ಯಾಕ್ನಾರ್ಯಾಂಚಾನಿ ಪಳತ್ ಜಾ಼ವುನ್ ಗಾವಾತಲ್ಯಾನಾ ಸೆತಾತ್ಲ್ಯಾನಾ ಜಾ಼ಲ್ಯಾಲಿ ಖಬರ್ ಸಾಂಗ್ಲಿ, ತವಾ ಕ್ಯಾ ಜಾ಼ಲ ಮನ್ಹುನ್ ಬಗಾಯಾ ಲೊಕ ತಿಥ ಆಲಿತ
ಖರ ತುಮಿ ತ್ಯನಾ ಆಸ ಸಿಕಿವ್ತಾಸಾ ಯಕಾನಿ ಆಪ್ಲೆ ಆಯಿಬಾಲಾ ಬಗುನ್, ಮಿ ತುಮಾನಾ ಬಾಳ್ಗಾಯಾ ಥೆವ್ಲ್ಯಾಲಿ ಆಸ್ಥಿ ಕೊರ್ಬಾನ್ ಕೆಲ್ಯಾ (ಮಂಜೆ, ದೇವಾಸಾಟಿ ಥೆವ್ಲೆ) ಮನ್ಹುನ್ ಆಯಿಬಾಲಾ ಬಾಳಗ್ಲ ನಾಹಿ ಮಂಜೆ ಚು಼ಕ್ ನಾಹಿ. ಆಸ್ಹಸ್ ತುಮಿ ದುಸ್ರ್ಯಾನಾ ಸಿಕಿವ್ತ್ಯಾಲ್ಯಾ ಶಿಕ್ಶೆನಾನಿ ದೇವಾಚಾ ಸಬ್ದಾಂಚಿ಼ ನಕಾರ್ ಕರ್ತಾಸಾ. ಆನಿ ಆಸ್ಲಿ ಕಾಮ ಕಿತಿತರಿ ಕರ್ತಾಸಾ" ಮನ್ಲಾ.
ಯಕಾ ಮಾನಸಾಲಾ ಬಾಟಿವತ್ಯಾಲ್ಯಾ ಗುಶ್ಟಿ
ಯೇಸುನಿ ಲೊಕಾನಾ ಪರತ್ ಆನಿ ಆಪ್ಲಿಪ ಹಾಕ್ಟುನ್ "ಮಿ ಸಾಂಗ್ಲ್ಯಾಲ ಸಗ್ಳಿ ಜ಼ನ ಐಕಾ ಆನಿ ಸಮಜು಼ನ್ ಗೆವಾ" ಮನ್ಲಾ. ಬಾಹಿರ್ನಿ ಮಾನ್ಸಾಚಾ ಪೊಟಾತ್ ಜಾ಼ವುನ್ ತ್ಯಲಾ ಬಾಟಿವ್ತ್ಯಾಲ ಕಾಯೇಕ್ ನಾಹಿ; ಖರ ಮಾನ್ಸಾಚಾ ಮನಾತ್ನಿ ಯತ್ಯಾಲಸ್ ತ್ಯಲಾ ಬಾಟಿವ್ತ ಮನ್ಹುನ್ ಸಾಂಗ್ಲ.
ಯಕ ಬಾಯಿಚಾ಼ ಇಸ್ವಾಸ್
ಯೇಸು ತಿಥ್ನಿ ನಿಗುನ್ ತುರ್ ಪೆಠತ್ಲ್ಯಾ ಸರ್ಬೌಥಚಾ ಪ್ರದೇಶಾತ್ಲ್ಯಾ ಯಕಾ ಗರ್ಹಾತ್ ಗೆಲಾ ತ್ಯ ಕುನಾಲಾ ಕಳುನಾಹಿ ಮನ್ಹುನ್ ತ್ಯಚಾ ಮನಾತ್ ಹುತ್ತ; ಫನ್ ಮಾನ್ಸಾನಾ ಚು಼ಕುವುನ್ ರಾಹ್ಯಾ ಜಾ಼ಲ ನಾಹಿ. ತಿಥ ಯಕ ಬಾಯಿಚೆ ಲಿಕಿಲಾ ಲಾಗಿರ್ ದರ್ಲ ಹುತ್ತ ತಿನಿ ಯೇಸುಚಿ ಬಾತ್ನಿ ಐಕ್ಲ್ಯಾ ಬರ್ಬರ್ ಯವುನ್ ಯೇಸುಚಾ ಪಾಯಾತ್ ಪಡ್ಲಿ. ತೀ ಯಹುದ್ದಿ ನವ ದುಸರೆ ಜಾ಼ತಿತ್ಲಿ ಗ್ರೀಕಾತ್ಲಿ ಸಿರಿಯಾ ಪ್ರದೇಶಾತ್ಲ್ಯಾ ಪೊಯಿನಿಕೆತ್ ಜ಼ಲಾಮಲ್ಯಾಲಿ. ತೀ ಆಪ್ಲೆ ಲಿಕಿವ್ಲ ಲಾಗಿರ್ ಸೊಡ್ವಾಯಾ ವ್ಹಯಿ ಮನ್ಹುನ್ ಯೇಸುಲಾ ಸಾಂಗಾಯಾ ಲಾಗ್ಲಿ.
ಯೇಸು ತಿಲಾ ಮನ್ಲಾ, " ಆಂದಿ ಪೊರಾಂಚ಼ ಪ್ವಾಟ್ ಬರುನಿ. ಪೊರ ಖಾತ್ಯಾಲಿ ಬಾಖ್ರಿ ಗಿಹುನ್ ಕುತ್ರ್ಯಾನಾ ಗಾಲಾಚಿ಼ ಬರ ನವ್ಹ. "
ತವಾ ಬಾಯಿ ಮನ್ಲಿ, "ಪ್ರಭು ಪೊರಾಂಚಾನಿ ಖಾವುನ್ ಉರ್ಲ್ಯಾಲಿ ಕುತ್ರಿ ಖಾತ್ಯಾತ. "
ತವಾ ಯೇಸು ತಿಲಾ, "ತು ಚಾ಼ಂಗ್ಲಾ ಉತ್ರಾ ದಿಲಾಸ್ ತವಾಸ್ ತಿಥ ತುಜೆ ಲಿಕಿಲಾ ಲಾಗಿರ ಸುಡುನ್ ಗೆಲ್ಯಾ ತ್ಯ ತು ಗರ್ಹಾತ್ ಜಾ಼ವುನ್ ಬಗ್!. ಮನ್ಲಾ
ತೀ ಗರ್ಹಾತ್ ಗಿಲಿತವಾ ತಿಚಿ ಲೇಕ್ ಪಲಂಗಾವ ಆರಾಮ್ ಹುತ್ತಿ; ಆನಿ ಲಾಗಿರ್ ತಿಲಾ ಸುಡುನ್ ಗೆಲ್ತ.
ಯಕಾನಿ "ಪ್ರಬು, ಮಾಜಾ ಲೇಕಾಲಾ ತುಜಿಕ್ಡ ಗಿಹುನ್ ಆಲ್ತೊ; ತ್ಯಲಾ ಲಾಗಿರ್ ಲಾಗ್ಲ್ಯಾ ತವಾಚಾನ್ ತ್ಯೊ ಬೊಲತ್ ನಾಹಿ; ತ್ಯ ತ್ಯಚಿವ ಕವಾ ಯತ ತವಾ ತ್ಯಲಾ ಪಾಡುನ್ ಗ್ಯಾಲ್ತ; ತವಾ ತ್ಯಚಾ ತೊಂಡಾತ್ನಿ ಫ್ಯೊಸ್ಯವುನ್ ಕಾರ್ ಕಾರ್ ದಾತ್ ಚಾ಼ವಿತ್ ತಾಠೊ. ತ್ಯ ಸೊಡ್ವಾಯಾ ತುಜಾ ಶಿಶಾನಾ ಸಾಂಗ್ಲ; ತ್ಯನಾ ಜಾ಼ಲ ನಾಹಿ ಮನ್ಲಾ.
ತ್ಯಲಾ ಯೇಸು, "ಆರ ಇಸ್ವಾಸ್ ನಸ್ಲ್ಯಾಲೆ ಪಿಳ್ಗೆ? ಮಿ ಆಜು಼ನ್ ಕೆವ್ಡ ದಿಸ್ ತುಮ್ಚೆ ಸಂಗ ರಾವು? ಆಜು಼ನ್ ಕೆವ್ಡ ದಿಸ್ ತುಮಾನಾ ಸಂಬ್ಯಾಳು? ಪ್ಯೋರ್ಗ್ಯಾಲಾ ಮಾಜಿ಼ಪ ಗಿಹುನ್ ಯವಾ.
ತ್ಯಾ ಪ್ಯೋರ್ಗ್ಯಾಲಾ ತ್ಯಚಿಪ ಗಿಹುನ್ ಆಲಿತ. ಯೇಸುಲಾ ಬಗ್ಲ್ಯಾ ಬರ್ಬರ್ ತ್ಯಾ ಲಾಗಿರಾನಿ ಪ್ಯೋರ್ಗ್ಯಾಲಾ ಟ್ಯಾಕ್ಲ ತವಾ ತ್ಯಲಾ ಫೀಟ್ ಆಲಿ ಆನಿ ತ್ಯಚಾ ತೊಂಡಾತ್ನಿ ಫ್ಯೊಸ್ಯವುನ್ ಲೊಳಾಯಾ ಲಾಗ್ಲಾ.
ಯೇಸುನಿ ತ್ಯಚಾ ಬಾಲಾ, "ಹ್ಯ ಹ್ಯಚಿವ ಯವುನ್ ಕ್ಯವ್ಡ ದಿಸ್ ಜಾ಼ಲ" ಮನ್ಹುನ್ ಇಚಾರ್ಲ ತವಾ ತ್ಯನಿ.
"ನ್ಹಾನ್ ಆಸ್ಥಾನಾಸ್ ಆಲ್ಯಾ; ಆನಿ ಹ್ಯಲಾ ಮಾರುನ್ ಟಾಕಾಯಾ ವ್ಹಯಿ ಮನ್ಹುನ್ ಕವಾ ಕವಾ ಇಸ್ಥ್ಯಾತ್, ಪಾನ್ಯಾತ್ ಪ್ಯಾಡ್ಲ್ಯಾ; ತುಜಿಪ್ನಿ ವ್ಹಯಾಚ಼ ಆಸ್ಲತ ಆಮ್ಚಿವ ಕರುನಾ ದಾವುನ್ ಆಮಾನಾ ಮಜ಼ತ್ ಕರ್" ಮನ್ಲಾ.
ಯೇಸು ತ್ಯಲಾ "ತುಜಿಪ್ನಿ ವ್ಹಯಾಚ಼ ಆಸ್ಲತ ಮಂಥೊಸ್? ಇಸ್ವಾಸ್ ಥೆವ್ಲ್ಯಾಲ್ಯಾಲಾ ಸಗ್ಳ ವ್ಹತ ಮನ್ಲಾ.
ತ್ಯಾ ಬರ್ಬರ್ ಪ್ಯೋರ್ಗ್ಯಾಚಾ಼ ಬಾ "ಇಸ್ವಾಸ್ ಥೆವ್ತೊ, ಮನಾ ಇಸ್ವಾಸ್ ಕಮ್ಮಿ ಆಸ್ಲಾತ ತು ಮಜ಼ತ್ ಕರ್" ಆಸಾ ಜೊ಼ರಾನಿ ವರ್ಡುನ್ ಮನ್ಲಾ.
ತವಾ ಯೇಸುನಿ ಲೊಕ ಗೊಳಾ ವ್ಹತ್ಯಾಲಿ ಬಗುನ್ ತ್ಯಾ ಲಾಗಿರಾಲಾ ದಪ್ಕ್ಯಾವುನ್, "ಯೇ ಐಕು ಆನಿ ಬುಲು ದಿಯಿ ನಸ್ನಾರ್ಯಾ ಲಾಗಿರಾ, ಹ್ಯಲಾ ಸುಡುನ್ ಜಾ಼; ಹಿತ್ನಿ ಮೋರ್ಹ ದರ್ಹುನಕೊ ಮನ್ಹುನ್ ಮಿ ತುಲಾ ಆಜ್ಞೆ ದೆತ್ಯೊ" ಮನ್ಲಾ.
ತವಾ ತ್ಯಾ ಲಾಗಿರಾನಿ ತ್ಯಲಾ ಜೊ಼ರಾನಿ ಲುಳ್ವುನ್ ಸುಡುನ್ ಗೆಲ. ತ್ಯೊ ಪ್ಯೊರ್ಗಾ ಮೆಲ್ಯಾಚೆಗತ್ ಪಡ್ಲಾ ತವಾ ಖುಬ್ ಲೊಕ, "ತ್ಯೊ ಮೆಲಾ ಮನ್ಲಿತ. ಖರ ಯೇಸುನಿ ಹಾತ್ ದರ್ಹುನ್ ಉಚ಼ಲ್ಲಾ ತಸಾ ಉಠುನ್ ಉಬಾ ರಾಯ್ಲ.
ಯೇಸುಪ್ನಿ ಬರಿಜಾ಼ಲ್ಯಾಲಿ ಮಾನ್ಸ
ಯೇಸು ಸಭಾಸ್ಥಾನಾತ್ನಿ ಉಠುನ್ ಸಿಮೊನಾಚಾ ಗರ್ಹಾತ್ ಆಲಾ, ತಿಥ ಸಿಮೊನಾಚಿ ಸಾಸೊ ಖುಬ್ ತಾಪ್ ಯವುನ್ ಪಡ್ಲಿಹುತ್ತಿ ತಿಚೆ ಸಾಟಿ ತ್ಯಚಿಪ ತ್ಯಂಚಾನಿ ಇನಂತಿಕಿಲಿ. ತವಾ ಯೇಸು ತಿಚಿಪ ಉಬಾರಾಹುನ್ ತ್ಯಾ ತಾಪಾಲಾ ದಪ್ಕ್ಯಾವಾಲಾ ತವಾ ತಿಲಾ ತಾಪ್ ಸುಡುನ್ ಗೆಲಾ, ತವಾಸ್ ತಿನಿ ಉಠುನ್ ತ್ಯಂಚಿ ಸೆವಾ ಕಿಲಿ.
ಯೇಸು ಜಿಮ್ನಿವ ಉತಾರ್ಲ್ಯಾ ಬರ್ಬರ್ ಗಾವಾತ್ಲಾ ಯೊಕ್ ಮಾನುಸ್ ತ್ಯಲಾ ಗಾವ್ಲಾ, ತ್ಯಲಾ ಲಾಗಿರ ಲಾಗ್ಲಿ ಹುತ್ತಿತ ಖುಬ್ ದಿಸ್ ತ್ಯನಿ ಕಪಡ ಗ್ಯಾತ್ಲ ನವ್ಥ ಆನಿ ಗರ್ಹಾತ್ ರಾಹಿತ್ ನವ್ಥಾ ಮಸುರ್ಡಿತ್ನಿ ರಾಹಿತಾ.
ತ್ಯನಿ ಯೇಸುಲಾ ಬಗುನ್ ಜೊ಼ರಾನಿ ವರ್ಡುನ್ ತ್ಯಚೆ ಮೊರ್ಹ ಪಾಯಾತ್ ಪಡುನ್, "ಯೆ ಯೇಸು ಪರಾತ್ಪರ್ ದೇವಾಚಾ ಲೇಕಾ ತು ಮಾಜೆ ಮಾಗ ಕಾ ಲಾಗ್ಲ್ಯಾಸ್? ಮಿ ತುಲಾ ಇನಂತಿ ಕರ್ತೊ ಮನಾ ಕಾಂಬ್ವು ನಕೊಸ್? ಕಾ ಮಂಜೆ ಯೇಸುನಿ ತ್ಯಾ ಲಾಗಿರಾಲಾ ತ್ಯಾ ಮಾನ್ಸಾತ್ನಿ, "ಸುಡುನ್ ಜಾ಼" ಮನ್ಹುನ್ ದಪ್ಕ್ಯಾವ್ಲ ಹುತ್ತ. ತ್ಯ ಲಾಗಿರ್ ತ್ಯಲಾ ದರ್ಹುನ್ ಖುಬ್ ದೀಸ್ ಜಾ಼ಲ ಹುತ್ತ. ಆನಿ ಸಾಕ್ಳ್ಯಾನಿ ಆನಿ ಬೇಡ್ಯಾನಿ ತ್ಯಚ಼ ಹಾತ್ ಪ್ಯಾ ಲೊಕಾಂಚಾನಿ ಬಾಂದುನ್ ಥೆವ್ಲಾ ಹುತ್ತಾ ತರಿಬಿ ತ್ಯೊ ತಿ ಬಾಂದ್ನ ತುಡಿತಾ ಆನಿ ಲಾಗಿರ ತ್ಯಲಾ ರಾನಾತ್ ಹಾಕ್ಟುನ್ ನಿಹಿತ.
ಯೇಸುನಿ ತ್ಯಲಾ, "ತುಜ಼ ನಾವ್ ಕ್ಯಾ? ಮನ್ಹುನ್ ಇಚಾರ್ಲ
ತ್ಯೊ "ಹಿಂಡ್" ಮನ್ಲಾ ಕಾ ಮಂಜೆ ತ್ಯಚಿಪ ಖುಬ್ ಲಾಗಿರ ಬರ್ಲಿ ಹುತ್ತಿತ. ತಿ ಯೇಸುಲಾ "ಆಮಾನಾ ಪಾತಾಳಾತ್ ಲಾವುನ್ ದಿವು ನಕೊ ಮನ್ಹುನ್ ಮಾಗ್ನ ಕರಿತಿತ.
ತಿಥ ಡುಕ್ರಾಂಚಾ಼ ಮೊಟಾ ಹಿಂಡ್ ಗುಢ್ಯಾವ ಚ಼ರತ್ ಹುತ್ತಾ ತ್ಯಾತ್ ಆಮಾನಾ ಲಾವುನ್ ದೇ ಮನ್ಹುನ್ ತ್ಯಾ ಲಾಗಿರಾಂಚಾನಿ ಯೇಸುಪ ಮಾಗ್ನ ಕೆಲ ತವಾ ಯೇಸುನಿ ತ್ಯನಾ ಲಾವುನ್ ದಿಲಿತ. ತವಾ ಲಾಗಿರ ತ್ಯಾ ಮಾನ್ಸಾತ್ನಿ ನಿಗುನ್ ತ್ಯಾ ಡುಕ್ರಾತ್ನಿ ಬರ್ಲಿತ ಆನಿ ತ್ಯೊ ಖಾಂಡ್ ದಾವತ್ ಜಾ಼ವುನ್ ಗುಢ್ಯಾವ್ನಿ ಸಮಿಂದೊರಾತ್ ಪಡುನ್ ಬುಡಾಲಿತ.
ಮಂಗ್ ಡುಕ್ರ ಚಾರ್ನಾರಿ ಮಾನ್ಸ ಹ್ಯ ಜಾ಼ಲ್ಯಾಲ ಬಗುನ್, ಪಳಾಲಿತ ಆನಿ ಗಾವಾತಲ್ಯಾ ಆನಿ ಸೇತಾತ್ಲ್ಯಾ ಲೊಕಾನಾ ಜಾ಼ವುನ್ ಸಾಂಗ್ಲ. ತವಾ ಕ್ಯಾ ಜಾ಼ಲ್ಯಾ ತ್ಯ ಬಗಾಯಾ ಲೊಕ ನಿಗಾಲಿತ ಆನಿ ಯೇಸುಪ ಆಲಿತ ತವಾ ತ್ಯಾ ಮಾನ್ಸಾತ್ನಿ ಲಾಗಿರ ನಿಗ್ಲಿ ಹುತ್ತಿತ ಆನಿ ತ್ಯೊ ಯೇಸುಚಾ ಪಾಯಾಕ್ಡ ಚಾ಼ಂಗ್ಲ ಕಪ್ಡ ಗಾಲ್ಹುನ್; ಚಾ಼ಂಗ್ಲೆ ಬುದ್ದಿನಿ ಬಸ್ಲ್ಯಾಲಾ; ತ್ಯನಾ ದಿಸ್ಲಾ ತವಾ ತೀ ಬಿಹ್ಯಾಲಿತ.
ಮಿ ಖರ ಸಾಂಗ್ತೊ ಹಿತ ಉಬಿ ಆಸ್ನಾರ್ಯಾತ್ ಕಾಯ್ ಥುಡಿ ದೇವಾಚ಼ ರಾಜ ಬಗಿ ಪರ್ಯಾತ್ ಮರ್ನಾರ್ ನಾಹಿತ ಮನ್ಲಾ.
ಯೇಸುಚ಼ ರುಪ್ ಬದಾಲ್ಯಾಲ
ಹ್ಯಾ ಬೊಲ್ನ್ಯಾ ನಂತರ್ ಆಟ್ ದಿಸಾನಿ ಪೇತ್ರಾ, ಯೊಹಾನ್, ಆನಿ ಯಾಕೊಬ್, ಹ್ಯನಾ ಸಂಗ ಗಿಹುನ್ ಯೇಸು ಗುಢ್ಯಾವ ಮಾಗ್ನ ಕರಾಯಾ ಗೆಲಾ. ಆನಿ ತ್ಯೊ ಮಾಗ್ನ ಕರೀತ್ ಆಸ್ಥಾನಾ ತ್ಯಚ಼ ತ್ವಾಂಡ್ ಬದಲುನ್ ತ್ಯಚ಼ ಕಪ್ಡ ಪಾಂಡ್ರ ಚ಼ಕ್ಚ಼ಕಿತ್ ಜಾ಼ಲ. ತವಾಸ್ ಮೊಶೆ ಆನಿ ಯಲಿಯಾ ಹೆ ದೊಗಜಾ಼ನ್ ತ್ಯಚಿ ಸಂಗ ಬೊಲತ್ ಹುತ್ತ.
ತೆ ದೊಗ ಚ಼ಕ್ಚ಼ಕಿತ್ ದಿಸ್ಲ ಆನಿ ಯೆರುಸಲೇಮಿತ್ ವ್ಹಯಾಚಾ ಮರನಾಚ಼ ಯೇಸು ಸಂಗ ಬೊಲತ್ ಹುತ್ತ.
ತವಾ ಪೇತ್ರ ಆನಿ ತ್ಯಚ಼ ಸುಪ್ತಿ ಪೆಂಗತ. ಫನ್ ತೆ ಜಾ಼ಗ ಜಾ಼ಲ ಆನಿ ತ್ಯನಾ ತಚಿ ಮೈಮಾ ಆನಿ ತ್ಯಚೆ ಸಂಗ ಉಬ ರಾಹಿಲ್ಯಾಲ ದೊಗ ಮಾನುಸ್ ದಿಸಲ. ಮಂಗ್ ತೆ ದೊಗ ಯೇಸುಪ್ನಿ ಜಾ಼ತಾ ಆಸ್ಥಾನಾ ಪೇತ್ರ ಯೇಸುಲಾ "ಪ್ರಭು ಆಮಿ ಹಿತ್ತಸ್ ರಾಯ್ಲ್ಯಾವ ಬರಹಾ ಆಮಿ ತೀನ್ ಖೊಪ್ಟ ಕರುಯಾ ತುಜೆ ಸಾಟಿ ಯಾಕ್ ಮೊಶೆ ಸಾಟಿ ಯಾಕ್ ಆನಿ ಯಲಿಯಾ ಸಾಟಿ ಯಾಕ್" ಮನ್ಲಾ ಹ್ಯ ಬೊಲತ್ಯಾಲ ತ್ಯಚ಼ ತ್ಯಲಾಸ್ ಸಮಾಜ಼್ಲ ನವ್ತ.
ತವಾ ಹಿಂಡಾತ್ಲಾ ಯೊಕ್ ಮಾನುಸ್ ಮೊಟ್ಯಾನಿ ವರ್ಡುನ್ "ಪ್ರಭು ಮಿ ತುಮ್ಚಿಪ ಮಾಗ್ನ ಕರ್ತೊ ಮಾಜಾ ಲೇಕಾಲಾ ಬಗ್ ಕಾ ಮಂಜೆ ಹ್ಯೊ ಮಾಜಾ಼ ಯಕ್ಲಾಸ್ ಯೊಕ್ ಲ್ಯೊಕ್ ಹಾ" ಮನ್ಲಾ. "ಆನಿ ಯಾಕ್ ಭುಥ್ ಹ್ಯಲಾ ದರ್ಥ ಆನಿ ಹ್ಯೊ ಯಕಾಯಖಿ ವರಾಡ್ತೊ ಆನಿ ಹ್ಯಚಾ ತೊಂಡಾತ್ನಿ ಫ್ಯೊಸ್ ಯತೊ ತ್ಯ ಹ್ಯಲಾ ಖುಬ್ ತರಾಸ್ ದೇತ. ಹ್ಯ ಕಾಡುನ್ ಟಾಕಾ ಮನ್ಹುನ್ ತುಜಾ ಅಪೊಸ್ತಲಾನಾ ಸಾಂಗ್ಲ ಫನ್ ತ್ಯ ತ್ಯನಾ ಕಾಡಾ ವ್ಹಯಿನಾ. "
ಯೇಸು ಮನ್ಲಾ "ಇಸ್ವಾಸ್ ನಸ್ಲ್ಯಾಲಿ ಆನಿ ಬುರ್ಸಿ ಲೊಕ ತುಮಿ ಮಿ ಕುಟ್ಪರ್ಯಾತ್ ತುಮ್ಚಿ ಸಂಗ ರಾಹು ಆನಿ ತುಮಾನಾ ಸುಸುವು? ತು ತುಜಾ ಪ್ಯೊರ್ಗ್ಯಾಲಾ ಹಿಕ್ಡ ಗಿಹುನ್ ಯೇ? ಮನ್ಲಾ.
ತ್ಯೊ ಪ್ಯೊರ್ಗಾ ಜ಼ವಳ್ ಯತಾನಾ ಲಾಗಿರಾನಿ ತ್ಯಲಾ ಆಪಟ್ಲಾ ಆನಿ ಪಿಳುನ್ ಟ್ಯಾಕ್ಲಾ ಫನ್ ಯೇಸುನಿ ತ್ಯಾ ಲಾಗಿರಾಲಾ ದಪ್ಕ್ಯಾವ್ಲ ಆನಿ ಪ್ಯೊರ್ಗ್ಯಾಲಾ ಬರಾ ಕರುನ್ ತ್ಯಚಾ ಬಾಚಾ ತಾಬ್ಯಾತ್ ಪರ್ತುನ್ ದಿಲಾ. ದೇವಾಚ಼ ಹ್ಯ ಮೊಟ ಕಾಮ್ ಬಗುನ್ ಸಗ್ಳಿ ಲೊಕ ಗಾಭಾರ್ಲಿತ.
ಯೇಸು ಆನಿ ಬೆಲ್ಜೆಬುಲ್
ಯಕಸಿ ಯೇಸು ಯಾಕ್ ಭುತ್ ಕಾಡಿತ್ ಹುತ್ತಾ. ತ್ಯ ಮುಖ ಹುತ್ತ ತವಾ ಭುತ್ ನಿಗಲ್ಯಾವರ್ ಮುಖಾ ಬೋಲಾ ಲಾಗ್ಲಾ ತ್ಯ ಬಗುನ್ ಲೊಕ ಗಾಭಾರ್ಲಿತ.
ತ್ಯಾತ್ಲ್ಯಾ ಯಕಾನಿ ಮದ್ಲ್ಯಾ ಯಾಜಕಾಚಾ ಆಳಾಲಾ ಮಾರುನ್ ತ್ಯಚಾ಼ ಉಜ್ವಾ಼ ಕಾನ್ ತ್ಯೊಡ್ಲಾ. ಫನ್ ಯೇಸುನಿ ಯವ್ಡ್ಯಾವಸ್ ಸೊಡಾ ಮನ್ಹುನ್ ಸಾಂಗುನ್ ತ್ಯಾ ಕಾನಾಲಾ ಹಾತ್ ಲಾವುನ್ ತ್ಯಲಾ ಬರಾ ಕೆಲಾ.
ಮಂಗ್ ಯೋಹಾನಾಚ಼ ಶಿಶಾ ಗೆಲ್ಯಾವರ್ ಯೇಸು ಯೊಹಾನಾಚಿ ಖಬರ್ ಲೊಕಾನಾ ಸಾಂಗಾಯಾಲಾಗ್ಲಾ. "ತುಮಿ ಕ್ಯಾ ಬಗಾಯಾ ರಾನಾತ್ ಗೆಲಾ ಹುತ್ತಾಸಾ? ವಾರ್ಯಾನಿ ಹಲ್ತ್ಯಾಲ ದಾಂಡ್ಹ ಕ್ಯಾ? ಕ್ಯಾ ಬಗಾಯಾ ಗೆಲಾ ಹುತ್ತಾಸಾ? ಚಾ಼ಂಗ್ಲ ಕಪ್ಡ ಗ್ಯಾತ್ಲ್ಯಾಲ್ಯಾ ಮಾನ್ಸಾನಾ ಕ್ಯಾ? ಬಗಾ ಚಾ಼ಂಗ್ಲ ಕಪ್ಡ ಗಾಲ್ಹುನ್ ಚೈ಼ನಿ ಮಾರ್ನಾರ ರಾಜ಼್ ವಾಡ್ಯಾತ್ ರಾಥ್ಯಾತ. ಮನಾ ಸಾಂಗಾ ತುಮಿ ಕ್ಯಾ ಬಗಾಯಾ ಗೆಲಾ ಹುತ್ತಾಸಾ? ಪ್ರವಾದಿಲಾ ಕ್ಯಾ? ವ್ಹಯ್ ಮಿ ತುಮಾನಾ ಸಾಂಗ್ತೊ ಪ್ರವಾದಿವ್ನಿ ಮೊಟ್ಯಾಲಾ ತುಮಿ ಬಗ್ಲಾಸಾ.
ಹ್ಯ ಯೊಹಾನಾಚ಼ಸ್ ಲಿವ್ಲ್ಯಾ ಬಗಾ ಮಿ ಮಾಜಾ ಶಿಶಾಲಾ ತುಜೆ ಮೊರ್ಹ ಲಾವುನ್ ದೇತೊ
ತ್ಯೊ ತುಜೆ ಮೊರ್ಹ ತುಜಿ ವಾಟ್ ತಯಾರ್ ಕರಿಲ್
ಯೇಸು ಮನ್ಲಾ, "ಮಿ ತುಮಾನಾ ಸಾಂಗ್ತೊ ಹ್ಯ ದುನೆತ್ ಜ಼ಲಾಮ್ಲ್ಯಾಲ್ಯಾತ್ ಯೊಹಾನಾವ್ನಿ ಮೊಟಾ ಕೊನ್ ನಾಹಿ ತರಿ ದೇವಾಚಾ ರಾಜಾತ್ ಕೊನ್ ಬಾರಿಕ್ ಹಾ ತ್ಯೊ ಯೊಹಾನಾವ್ನಿ ಮೊಟಾ ಹಾ.
ಜ಼ಖತ್ದಾರಾಂಚಾನಿ ಆನಿ ಸಗ್ಳ್ಯಾ ಲೊಕಾನಿ ತ್ಯ ಐಕುನ್ ದೇವಾಚಾ಼ ಮಾರ್ಗ ಶಾರ್ಕಾ ಹಾ ಕಾ ಮಂಜೆ ತ್ಯಂಚಾನಿ ಬಾಪ್ತಿಸ್ಮಾ ಯೊಹಾನಾನಿ ಆಂದಿಸ್ ತ್ಯನಾ ಬಾಪ್ತಿಸ್ಮಾ ದಿಲ್ತಿ. ಫನ್ ಫರಿಸಾಯ್ ಆನಿ ಕ್ಯಾಯ್ದದಾರಾಂಚಾನಿ ದೇವಾಚಿ ಯವಜ಼್ನಾ ಸುಡುನ್ ಯೊಹಾನಾಪ್ನಿ ಬಾಪ್ತಿಸ್ಮಾ ಗೆತ್ಲ ನವ್ಥ.