1 "ಮಿ ರಾಕ್ನಿ ವ್ಹವುನ್ ರಾನ್ಹಾರ್. ರ‍್ಯಾಖತ್ಯಾಲ್ಯಾ ಮಾಳ್ಯಾವ ಚ಼ಡುನ್ ಉಬಾರಾನ್ಹಾರ್. ಪರಮೆಸ್ವರ್ ಮನಾ ಕ್ಯಾ ಸಾಂಗಿಲ್, ಕ್ಯಾ ಜ಼ವಾಬ್ ದಿಯಿಲ್, ಮನ್ಹುನ್ ವಾಟ್ ಬಗ್ನಾರ್."

2 ತವಾ ಪರಮೆಸ್ವರಾನಿ ಮನಾ ದಿಲ್ಯಾಲಾ ಉತ್ತರ್ ಹ್ಯೊ: ತು ಬಗಲ್ಯಾಲ ದರ್ಶಾನ್ ಲಿವ್. ವಾಚ್ವಾಲಾ ಬಿಗಿನಿ ವಾಚ್ವಿಶಾರ್ಕ ಫಳಿವ ಲಿವ್. 3 ನೆಮಲ್ಯಾಲ್ಯಾ ಕಾಲಾತ್ ತ್ಯ ದರ್ಶಾನ್ ಉಜಿಡಾಸ್ ಎನಾರ್. ತ್ಯಚ಼ ಸರ್ತ ದಿಸ್ ಬಿಗಿನಿಸ ಸಮಾಜ್ನಾ಼ರ್. ಯೊಳ್ ಜಾ಼ಲಾತರಿ ವಾಟ್ಬಗ್; ಫಸಿವ್ನಾರ‍್ನಾಹಿ. ತ್ಯ ಖರ‍್ಯಾನಿ ಗಡ್ನಾರ್; ಉಶಿರ್ ವ್ಹನಾರ್ನಾಹಿ. 4 ಬಗ್, ಮನ್ ಶಾರ್ಕ ನಸಲ್ಯಾಲಾ, ಫುಗಲ್ಯಾಲಾ ತ್ಯೊ ಬುರ್ಸಾ ರಾನ್ಹಾರ‍್ನಾಹಿ; ದೆವಾ ಸಂಗ ಚಾ಼ಂಗ್ಲಾ ರಾಯಲ್ಯಾಲಾ ಇಸ್ವಾಸಾನಿಸ್ ಜ಼ಗ್ನಾರ್.

5 ಸಾವ್ಕರ್ಕಿ ಫಸಿವ್ತಿ, ನಿಶಾ ಚ಼ಡಲ್ಯಾಲಾ ಗುಂಗಿನಿ ಯಕಿಕ್ಡ ರಾಹಿತ್ನಾಹಿ. ತ್ಯಚಿ ಆಶಾ ಪಾತಾಳಾ ಯವ್ಡಿ. ಮರ‍್ನಾಚೆಗತ್ ತ್ಯಲಾ ತ್ರುಪ್ತಿ ನಾಹಿ. ಸರವ್ಯಾ ದೆಶೆತಲ್ಯಾನಾ ಜಾ಼ಳ್ಯಾತ್ ಗೊಳಾ ಕರ‍್ತೊ. ಸಗಳ್ಯಾ ಲೊಕಾಂಚಿ ರ‍್ಯಾಸ್ ಕರ‍್ತೊ. 6 ಫನ್ ಆಸ ತ್ಯಚಿಪ್ನಿ ವಲ್ಯಾಲ ತ್ಯಚಾ಼ ಸಮಾಚಾರ್ ಉಚ಼ಲುನ್ ಕಿಂಡಲ್ ಕರತ್ಯಾಲ್ಯಾಂಚಿ ಗ್ಯಾಟ್ಮಾರುಂಥಿವ್ತಿಲ. ಆಪ್ಲ ನಸಲ್ಯಾಲ ಲ ಖುಬ್ ಬರ್ವುನ್ ಥೆವತ್ಯಾಲ್ಯಾಚಿ ಗತಿ ಕ್ಯಾ! ದುಸರ‍್ಯಾಂಚಿ ಆಸ್ತಿ ಆಡು ಥೆವಲ್ಯಾಲ್ಯಾಂಚಿ ಗತಿ ಕ್ಯಾ ಸಾಂಗು! ಕೆವ್ಡ ದಿಸ್ ಆಸ ಕರ್ನಾರ್?

7 ತುಜ಼ ರಿನ್ಕರಿಸ್ ತವಾಸ್ ತುಜಿವ ಪರಾತ್ನಾರ್; ಉರಲ್ಯಾಲಸ್ ಉಟುನ್ ತುಲಾ ಭ್ಯಾ ಗ್ಯಾಲ್ನಾರ್. ಲೊಕಾತ್ಲಿ ಥುಡಿಮುಡಿ ಉರಲ್ಯಾಲಿ ತುಲಾ ಲುಟ್ನಾರ್. 8 ತು ಲ ಲೊಕಾನಾ ಲುಟಲ್ಯಾತಸ್. ಲೊಕಾಂಚ಼ ರಗಾತ್ ಶಾಂಡಲ್ಯಾಸ್. ದೆಶೆನಾ ಪೆಠನಾ ತ್ಯಾತಲ್ಯಾ ಮಾನ್ಸಾನಾ ತರಾಸ್ ದೆತ್ಯೊಸ್. ಹ್ಯಾ ಕಾರ್ನಾತ್,

9 ಗೊಲ್ಯಾತ್ನಿ ಉರವಾಲಾ ತುಜ಼ ಘರ್ ಉಚ಼್ ಕರುನ್ ಬ್ಯಾಂದಲ್ಯಾ. ತುಜಾ ಕುಟ್ಮಾಸಾಟಿ ದುಸರ‍್ಯಾಂಚಿ ಆಸ್ತಿ ಫಸ್ವುನ್ ಕಾಡುನ್ ಗಿತ್ಲಿಸ್, ತುಜಿ ಗತಿ ಕ್ಯಾ ಸಾಂಗು! 10 ತುಜಾ ಯವಜ್ನಾ಼ನಿ ತುಜಾ ಗರ‍್ಹಾನ್ಯಾಲಾ ಕಳಂಕಾ ಆನುನ್ ಗೆತ್ಲಸ್. ಖುಬ್ ದೆಸೆತ್ನಾ ಸತ್ಯಾನಾಸ್ ಕರುನ್ ತುಜಾ ವಂಶಾಲಾ ದೊಖಾ ಯಯಿಸಾರಾ ಕರುನ್ಗೆತ್ಲಾಸ್. 11 ಬಿತ್ತಿತ್ ಆಸಲ್ಯಾಲ ದೊಂಡಸ್ ತುಜೆ ಆಡ್ವ ವರಾಡ್ನಾರ್. ಗರ‍್ಹಾಚಿ ಬಾರ ಫನ್ ತ್ಯಲಾ ಸಾತ್ ದಿವುನ್ ಉಬಿರಾನ್ಹಾರ್.

12 ಮಾನ್ಸಾನಾ ರಗಾತ್ ಪಾಡುನ್ ಶಾರ್ ಬ್ಯಾಂತ್ಯಾಲ್ಯಾನಾ ಆನಿ ಮೊಸಾನಿ ಪೆಠಾ ಬ್ಯಾಂದಲ್ಯಾಲ್ಯಾಂಚಿ ತುಜಿ ಗತಿ ಕ್ಯಾ ಸಾಂಗು! 13 ಲೊಕ ರಾಬಲ್ಯಾಲ ಇಸತ್ಯಾತ ಪಡ್ನಾರ್. ಲೊಕ ಪಡಲ್ಯಾಲ ಮೆನ್ಹತ್ ಹಾಳ್ ವ್ಹನಾರ್. ಹ್ಯ ಸಗ್ಳ ಪರಮೆಸ್ವರ್ ದೆವಾಚ಼ ಮನ್ಹ ತ್ಯವ್ಡಸ್. 14 ಸಮಿಂದೊರ್ ಪಾನ್ಯಾನಿ ಬರಲ್ಯಾಲ್ಯಾಚೆಗತ್ ಜ಼ಗತಿವ ಪರಮೆಸ್ವರ್ ದೆವಾಚಾ ಮನಾನಿ ಆನಿ ಬುದ್ದಿನಿ ಬರುನ್ ರಾನ್ಹಾರ್.

15 ತುಜಾ಼ ರಾಗ್ ದಾರ್ವವ ಗಾಲುನ್, ಆನಿ ತುಜೆ ಸರ‍್ಬವ್ಹಾರ್ ರಾಥ್ಯಾಲ್ಯಾನಾಬಿ ಪಾಜು಼ನ್, ತ್ಯನಾ ನಾಗಡ್ಯಾನಿ ಬಕ್ತೊ ಮಂಥ್ಯಾಲಾ ತುಲಾ ತುಜಿ ಗತಿ ಕ್ಯಾ ಸಾಂಗು! 16 ತು ಮರ‍್ಯಾದಿಸಾ ನವ್ಹಸ್, ಕೊಠ್ಯಾಫನಾನಿ ಬರಲ್ಯಾಸ್; ತು ಪಿವು ಪಿವುನ್ ನಾಗ್ಡಾ ಹೊ. ಪರಮೆಸ್ವರಾಚಾ ಉಜ಼ವ್ಯಾ ಹಾತಾತ್ಲಿ ರಾಗಾಚಿ ಗಾಗ್ಹರ್ ತುಜೆ ವಾಟ್ನಿಲಾ ಯನಾರ್. ರಾಗುಸ್ ತುಜೆ ಮರೆದಿಲಾ ಎಡಾ ಗ್ಯಾಲ್ನಾರ್. 17 ತು ಲೊಕಾಂಚ಼ ರಗಾತ್ ಶಾಂಡಲ್ಯಾಸ್. ದೆಶೆನಾ ಪೇಠಾನಾ ತ್ಯಾತಲ್ಯಾ ಲೊಕಾನಾ ತರಾಸ್ ದಿಲ್ಯಾಸ್. ಲೆಬನೊನಚಿ ರಾನ ತುಡುನ್ ಗ್ಯಾತಲ್ಯಾತಸ್. ಆತಾ ತುಲಾ ತುಡುನ್ ಗಾಲ್ಹಾವ್ಹಯಿ. ತ್ಯಾತ್ಲಿ ಜ಼ನಾವಾರ ಪಕ್ಶಿ ನಾಸ್ ಕೇಲ್ಯಾತಸ್. ಆತಾ ತಿ ತುಲಾ ಇರುಕ್ಶಾಚೆಗತ್ ವ್ಹನಾರ್

18 ಬನಿವಲ್ಯಾಲ್ಯಾ ಪಾಶಾನಾನಿ ಉಪೆಗ್ ಕ್ಯಾ? ತ್ಯ ಬರ್ದಿ ಮಾನ್ಸಾಚ಼ ಕಾಮ್, ಲಬಾಡ್ ಸಾಂಗಾಯಾ ಥೆವಲ್ಯಾಲ ಮಾಯೆಚ಼ ಬಾವ್ಲ. ತ್ಯಲಾ ಕೆಲ್ಯಾಲ್ಯಾಲಾ ತ್ಯ ಕ್ಯಾ ಚಾಂಗ್ಲ ಕರಾಚ಼ ಹುತ್ತ? ತ್ಯ ಬೊಲಾಯಾ ಯಯಿತ್ನಸಲ್ಯಾಲ ಮುಕ ಬಾವ್ಲ ತೆವ್ಡಸ್. 19 ಜಾ಼ಢಾಚಾ ಕಂಡ್ಯಾಲಾ, ‘ಜಾ಼ಗಾ ಹೊ’; ಜಿವ್ ನಸಲ್ಯಾಲ್ಯಾ ದೊಂಡ್ಯಾಲಾ, ‘ಉಟ್’ ಮನ್ಹುನ್ ಸಾಂಗತ್ಯಾಲಾ ಖರಸ್ ಬುದ್ದಿನಸಲ್ಯಾಲಾ. ಬಾವ್ಲ ಬೊಲಲಕ್ಯಾ? ಚಾ಼ಂದಿ ಸೊನ ತ್ಯಲಾ ಗ್ಯಾತ್ಲಸಾ ಖರ. ತ್ಯಲಾ ಜಿವ್ ನಾಹಿಸ್ನಾಹಿ.

20 ಫನ್ ಪರಮೆಸ್ವರ್ ಪವಿತ್ರಾ ದೆವ್ಳಾತ್ ರಾನ್ಹಾರ್; ದುನ್ಯಾ ಸಗಳಿ ಗಪ್ ರಾಹುನಿ ತ್ಯಚಾ ಪವಿತ್ರಾ ದೆವ್ಳಾತ್.