Milagres de Jesus

Yesu kowahonya vipofu waidi

27 Yesu kasegela baho, viyakalile yoita, vipofu waidi wamuwinza woguta nyangi wokema, "Mwana Daudi chionele bazi!" 28 Nayo Yesu viyengile mng’anda, wanhu wao waidi wamuwinza, nayo kawauza, "Ivo, motogola kua nodaha kuwahonya?" Nawo wamwidika,"Enaa Mndewa." 29 Baho Yesu kagamha meso gao, kalonga, "Na viwe ivo kama vumtogole."

30 Meso gao gaona, nayo Yesu kawalongela kwa kugangamiza na kulonga, "Seke mmulongele munhu yoyose mbuli ino." 31 Mbali wao wasegela, walongelela mbuli za Yesu muiisi ija yose.

Yesu kowahonya vipofu waidi

29 Yesu na waluko wake viwakalile yosegela muikae ya Yeliko, bumbila da wanhu dimuwinza. 30 Ivo, hakala na vipofu waidi mumgwazo wa nzila, na viwahulike Yesu kobita baho, wenula dizi, wakema "Mndewa, mwana Daudi, chionele bazi!" 31 Waja wanhu wengi, wawakomokela na kuwalongela wanyamale. Mbali wao waiyoha kwinula dizi, "Mndewa, Mwana Daudi chionele bazi!" 32 Yesu kema, kawakema na kuwauza, "Molonda niwasang’hanile choni?"

33 Vipofu waja wamwidika, "Mndewa chokupula meso getu gaone."

34 Ivo, Yesu kawaonela bazi, na kuwamha meso gao na bahaja wadaha kuona, nao wamuwinza.

Yesu kamhonya chipofu uko Betisaida

22 Yesu na waluko wavika kae ya Betisaida na wanhu wamgalila munhu imwe chipofu, wampula yamwamhe munhu iyo ili yamhonye. 23 Yesu kamwamha mkono iyo munhu chipofu na kamgala hamwande chidogo haikae iyo. Viyamtemele mate mmeso na kumwikila makono, Yesu kamuuza, "Koona chochose?"

24 Chipofu ija kalola, na kalonga, "Nowaona wanhu, wooneka kama mibiki igenda."

25 Yesu kamwikila kaidi makono mmeso. Amala meso gake gahona, kabwelela kulola na kakiona chila chinhu ivija vichili. 26 Yesu kamlaga yabwele ukae yake, kuno kamlalika, "Genda ukae yako seke ubitile hagati ya kae."

Yesu kamhonya munhu yakalile msuamagutwi na bubu

31 Amala Yesu kahalawa muikae ya Tilo kabita hagati ha Sidoni mbaka lamba da Galilaya, na kwingila Dekapoli manake kae kumi. 32 Uko, wanhu wamgalila Yesu munhu msuamagutwi, iyo ivija kakala na bubu, wampula yamwikile makono gake mditwi munhu iyo ili yamhonye. 33 Amala Yesu kamsegeza ija msuamagutwi hamgwazo hatali na wanhu, Yesu kagela vidole vake mmagutwi ga ija munhu. Amala kaitemela mate mmakono gake na kwamha lulimi lwa ija munhu kwa chidole. 34 Baho Yesu kalola kuulanga kwa Mulungu, kakwega muhe kwa ubazi na kamlongela,"Efata," maanake, "Vubuka."

35 Bahaja magutwi gavubuka na lulimi lwake lulekesigwa na kasonga kulonga. 36 Yesu kawalagiza seke wamlongele munhu yoyose mbuli izo. Mbali kila viyawagoma seke walonge, wao wokongeza kulonga chila hanhu. 37 Wanhu wakanganya ng’hani, walonga, "Katenda mbuli zose vinogile ng’hani! Kowadahiza mswamagutwi kuhulika na weli na ludanha kulonga!"

Yesu komhonya Batimayo chipofu

46 Amala Yesu na waluko wake wavika muikae ya Yeliko. Na viwakalile wolawa umo hamwe na bumbila kulu da wanhu, chipofu imwe zina jake Batimayo, mwanage Timayo, kakala yakalile hamgwazo nzila yopula wanhu wamwing’he vinhu. 47 Viyahulike kua Yesu kulawa kae ya Nazaleti kobita baho, kasonga kwinula dizi jake kakema, "Go Yesu, Mwana wa Daudi, unionele bazi!"

48 Wanhu wengi wamkomhokela, wamlongela yanyamale hupi, mbali yeye kakongeza kuguta kuno kolonga, "Go Mwana wa Daudi, nionele bazi!"

49 Yesu kema na kalonga, "Mkemeni yeze." Ivo wamkema ija chipofu kuno womlongela, "Gangamala! Ima, Yesu kokukema."

50 Nayo kenuka na kajasa golole jake kazumha, kamuwinza Yesu.

51 Yesu kamuuza, "Konda nikutendele choni?"

"Chipofu ija kamwidika, "Mfundaji, nokupula nie nolonda kulola."

52 Yesu kamlongela, "Haya genda, kutumanila kwako kukuhonya."

Bahaja kasonga kulola, kamuwinza Yesu nzila.

Yesu komhonya chipofu mpulaji

35 Yesu viyakalile behi na isi ya Yeliko, munhu imwe chipofu, kakala yakalile mnzila kuno yopula. 36 Chipofu iyo viyehulike bumbila da wanhu dobita kauza, "Kuna choni?"

37 Wamlongela, "Yesu wa Nazaleti kobita."

38 Baho chipofu iyo kenula dizi kalonga, "Yesu! Mwanage Daudi! unionele bazi! 39 Waja wakalile haulongozi hake wamkomhokela ili yanyamale. Mbali hatogole na kongeza kwinula dizi, "Mwanage Daudi! unionele bazi!."

40 Yesu kema na kuwalagiza wamgale kumwake, na viyavikile habehi, Yesu kamuuza,

41 "Kolonda nikutendele choni?" Kedika "Mndewa, nolonda nilole."

42 Yesu kamlongela, "Haya ulole! Tumanilo jako dikuhonya."

43 Bahaja kalola na kamuwinza Yesu, na kamwing’ha hewela Mulungu. Na wanhu wose viwaonile mbuli izo, wose wamtogola Mulungu.

Yesu komuhonya munhu yaleligwe chipofu

1 Zua dimwe Yesu viyakalile kobita kamona munhu imwe yakalile chipofu kulawa viyaleligwe.

2 Waluko wake wamuuza, "Mfundaji, yelihi yeli na malozo, munhu ino hebu Tati na mami yake mbaka yaleligwe chipofu?"

3 Yesu kedika, mbuli ino hailawile kwa malozo gake ino hebu malozo ga tata na mami yake, mbali kaleligwa chipofu ili udaho wa Mulungu uwoneke muugima wake. 4 Cholondeka kusang’hana sang’hano za ija yachitumile ing’hali imisi, kwa vija chilo yokwiza habule munhu yoyose yoodaha kusang’hana sang’hano.

5 Nihawa muuisi ino niye iyo bung’hulo da isi."

6 Viyakomeleze kugalonga gago, katema mate gake hasi, kasang’hana nhope kwa gaja mate gake, amala kasola nhope kamhaka mzing’hope za ija munhu chipofu,

7 amala Yesu kamlongela munhu ija, "Genda kasunhe chihanga chako mdilamba da Siloamu." Zina Siloamu manake yatumigwe. Na ija munhu chipofu, kaita kusunha chihanga chake amala kabwela yolola.

2 Ivo, keza munhu imwe yeli na dikulu, kamfugamila Yesu na kalonga, "Mndewa, wahalonda, kodaha kunihonya. 3 Yesu kagolosa mkono wake, kamwamha na kulonga, "Nolonda! Uhone." Bahaja munhu ija kahona utamu wake. 4 Amala Yesu kamlongela, "Tegeleza, sekeumulongele munhu yoyose, ila genda ukailaguse kwa mlava nhambiko, na kulava nhosa ija iyalagize Musa kuwagangamizila kua kuhona."

2 Baho wanhu wamgalila munhu imwe yaholole lukuli, katambalazigwa mchilago. Yesu viyaonile nhogolwa yao, kamlomgela munhu ija yaholole, "Mwanangu seke udumbe! Kulekeseligwa malozo gako."

3 Wafunda ndagizi za Musa wamwenga wasonga kutonga, "Munhu ino komliga Mulungu!"

4 Yesu kavimanya viwatonga, kalonga, "Habali motonga gehile mmoyo?

5 Dilihi dibuhile ng’hani, kulonga ‘Kulekeseligwa malozo gako,’ hebu kulonga ‘Ima ugende?’ 6 Ivo, nonda mvimanye kua Mwana Munhu kanao udaho muiisi wa kuwalekesela wanhu malozo gao." Labaho kamlongela munhu ija yaholole, "Ima, usole chilago chako uite ukae yako." 7 Munhu ija yakalile yakolole kenuka, kaita ukae yake.

10 umo kukala na munhu yaholole mkono. Mafalisayo wamwenga wakala baho ili kumgeza Yesu ili yapate mbuli, ivo wamuuza Yesu, "Ivo, yofaya kumhonya munhu mdizua da Kuhumula?" 11 Mbali Yesu kawalongela, "Yokuwaze mmwenu munhu imwe yeli na bung’hukilalo wake kengila mdikombo tali mdizua da kuhumula? Ivo hadaha kumwamha na kumlava mdikombo ijo? 12 Mbali munhu kofaya ng’hani kubita bung’hukilalo! Ivo, yofaya kutenda ganogile mdizua da Kuhumula." 13 Amala Yesu kamlongela munhu ija yaholole mkono, "Golosa mkono wako."

Kaugolosa mkono wake nawo uhona ukala kama uja umwenga.

30 Mama nkoi wa Simoni kakala mtamu wa mdikomwa, kolumwa homa, na bahaja viyavikile wamlongela Yesu mbuli iyo. 31 Ivo Yesu kamuwinza, kamgoga mkono na kamwinula. Baho homa ikunguzuka, nayo kasonga kuwasang’hanila.

Yesu komhonya munhu yeli na utamu wa dikulu

40 Munhu imwe yeli na utamu wa dikulu kamwizila Yesu, katumbala mavindi kampula, kamlongela, "Wahalonda kodaha kuninang’hana." 41 Yesu kamonela bazi kulu, kagolosa mkono wake kamwamha. Kamlongela, "Nolonda, unang’hane!" 42 Bahaja utamu wa dikulu umlawa, kanang’hana.

3 Ivo wanhu wamgalila Yesu munhu yaholole, yakalile yapapigwe na wanhu wane. 4 Mbali wapotigwa kumvikiza kwa Yesu kubitila haulwivi kwavija wanhu wakala wamema. Ivo wakwela kuchanha kuchiswili na watobola zonzo hachanha ha haja hayakalile Yesu, wamhulumusa kwa nzabi ija mtamu yaholole yeli mchilago chiagonele. 5 Yesu viyaonile vija viwamtogole, kamlongela ija mtamu yaholole, "Mwanangu, nikulekesela malozo gako."

6 Wafunda ndagizi za Musa wamwenga wakalile haja waitonga mbuli iyo mmoyo, 7 "Habali munhu ino kolonga vino? Ino komfukula Mulungu! Yelihi yodaha kulekesa malozo ga munhu badili ya Mulungu yaiyeka?"

8 Bahaja Yesu kavimanya viwatonga mmoyo, nayo kawalongela, "Habali motonga ivo mmoyo? 9 Mbuli ibuhile ilihi, kumlongela ino mtamu wa kuholola, ‘Nikulekesela malozo gako,’ hebu kulonga, ‘Ima, usole chilago chako uite?’ 10 Nolonda kuwagangamizila kua nie Mwana wa Munhu ninao udaho wa kuwalekesela wanhu malozo gao muiisi." Yesu kamlongela ija mtamu, 11 "Nokulongela, ima, usole chilago chako uite ukae yako."

12 Bahaja ija mtamu wa kuholola kema, kasola chilago chake kaita kuno wanhu womlola! Mbuli ino iwakanganya wose, wamtogola Mulungu, walonga, "Mbuli kama ino hachinaiona mbee!"

Yesu komhonya Munhu mdizua da Kuhumula

1 Zua dimwenga da Kuhumula Yesu kengila mgati ya ng’anda ya kuiting’hanila da Wayahudi na umo kukala munhu imwe yeli na mkono uholole. 2 Mafalisayo wamwenga wakalile umo wakala womlola wamone kama kodaha kumhonya mdizua da kuhumula, ili wadahe kumwing’ha mbuli yakumgala mchitala. 3 Yesu kamlongela ija yeli na mkono uholole, "Izo hano hagati." 4 Amala Yesu kawauza, "Ivo, dilihi dilondeka mdizua da kuhumula, kusang’hana dinogile hebu dihile, kuhonya ugima hebu kukoma?" Mbali wao wanyamala hupii. 5 Yesu kawalola wose kwa ludoko, kagwa giogio ng’hani kwambuli ya udala wao wa kutogola. Baho kamlongela ija munhu yeli na mkono uholole, "Golosa mkono wako!" Mtamu ija kaugolosa, nawo mkono uhona kabisa!

Yesu komhonya munhu yeli na dikulu

12 Ikala zua dimwe Yesu viyakalile hanhu hamwenga, munhu imwe yeli na dikulu lukuli wose. Viyamonile Yesu katumbala mavindi kainamila hasi kampula Yesu kalonga, "Go Mndewa wahalonda kodaha kunihonya ili nidahe kumfugamila Mulungu!"

13 Yesu kagolosa makono gake, kamwamha kalonga, "Nolonda, uhone!" Bahaja munhu ija kahona utamu wa dikulu na nipata nyafasi ya kumtogola Mulungu.

18 Ivija weza wanhu fulani wampapa mdikomwa mtamu imwe yaholole lukuli lwake. Wageza kumwingiza muing’anda na kumwika haulongozi ha Yesu. 19 Mbali viwapotigwe kupata nzila ya kumwingiza muing’anda kwa dija bumbila kulu da wanhu, ivo wakwela kuchanha kuchiswili, watobola hanhu hayalile Yesu wapate nyafasi ya kumhulumusa imtamu na komwa jake haulongozi ha Yesu. 20 Yesu viyaonile nhogoli yao, kamlongela mtamu ija, "Mbwiga, malozo gako galekesigwa."

21 Mafalisayo na waja wafundaji wa ndagizi wasonga kuiuza wenyego, "Yelihi ino yomzeha Mulungu? Habule munhu yonda yalekese malozo mbali Mulungu yaiyeka!"

22 Yesu kavimanya viwatonga kawauza, "Habali mogatonga gano mmoyo? 23 Dilihi dibuhile kumwenu? Niye kulonga, ‘Kulekeseligwa malozogako, hebu kulonga, Ima uite?’ 24 Baho molondeka mvimanye kua Mwana wa Munhu kana udaho wa kulekesa malozo ga wanhu muiisi." Ivo kamlongela ija yaholole lukuli, "Nokulongela, ima upape komwa jako uite ukae yako."

25 Ija munhu yakalile yaholole lukuli kema bahaja hawali wanhu wose, kasola komwa jake diyagonele kaita ukae yake, kuno yomtogola Mulungu.

Yesu komhonya munhu yeli na mkono uholole

6 Vidivikile zua dimwenga da kuhumula, Yesu kengila muikae ya kuiting’hanila Wayahudi, na kawafunda, baho hakala na munhu imwe yakalile yaholole mkono wake wa kulume. 7 Mafalisayo na waja wafundaji wa ndagizi wakala womsepa Yesu walole kama komhonya mdizua da kuhumula, amala wapate mbuli ya kumgala mchitala. 8 Mbali Yesu kaimanya nhonga yao, baho kamlongela munhu ija yeli na mkono uholole, "Ima wize haulongozi ha wanhu." Bahaja munhu ija kema haulongozi hao wose. 9 Amala Yesu kawalongela waja wafundaji wa ndagizi na Mafalisayo, kalonga, "Mweye nowauzeni, "Dofaya dilihi mdizua da kuhumula, kusang’hana ganogile hebu gehile? Kulohola ugima wa munhu hebu kuubananga?" 10 Kawabunhulila meso gage mhande zose, kamlongela munhu ija yeli na mkono uholole, "Golosa mkono wako." Munhu ija kaugolosa mkono wake nao uhona kabisa.

Nogoli ya afisa wa Loma

1 Yesu viyakomeleze kugalonga gose gago kwa wanhu wakalile womtegeleza, kaita Kapelenaumu. 2 Na mtumigwa imwe yakalile Mkulu wa bumbila da jeshi wa Kilumi iyo yakalile na wende nayo, kakala mtamu ng’hani behi na kudanganika. 3 Iyo Jemedali viyahulike mbuli za Yesu, kawalagiza Wavele wa Kiyahudi waite kumpula Yesu yaite kumhonya ija mtumigwa wake. 4 Viwavikile kwa Yesu wampula ng’hani yamtaze ija Jemedali walonga, "Munhu ino kweli kolondeka yatazigwe mbuli ino na gweye. 5 Kwa vija iyo kowatogola wanhu wetu, ivija kachizengela kae ya kuiting’hanila."

6 Ivo Yesu kailongoza nawo. Viyawile behi na kuvika muikae ya ija Jemedali, ija afisa kalagiza mbwiga zake kumwake walonga, "Mndewa, seke ugae. Manake niye sifaya hata gweye wingile muikae yangu, 7 ivo nie mwenyego niiyona silondeka hata kwiza kumwako. Mbali longa mbuli imwe kumwake nayo mtumigwa wangu kohona. 8 Manake niye mwenyego nna mkulu wangu, na ivija nna wamilizi weli hasi yangu wonitegeleza malagizo gangu. Nihamlongela imwe ‘Genda!’ Nayo koita, nihamlongela imwenga ‘Izo hano!’ Nayo kokwiza; na iyo mtumigwa wangu, ‘Sang’hana chinhu chino!’ Nayo kosang’hana.’'

9 Yesu viyahulike mbuli izo kakanganya, amala kadihindukila bumbila da wanhu wakalile womuwinza, "Nowalongeleni, sinaiona nhogoli ng’hulu kama ino, hata mui Izilaeli!’'

10 Na waja wanhu wakalile walagizigwe kwa Yesu viwabwelile ukae wamvika ija mtumigwa kahona.

11 Baho hakala na muke imwe yakalile mtamu wa milao kumi na nane, kwavija kakala yambule chinyamkela mbaka kamtenda yawe na kinhumbi ivo kapotigwa kwima kwa kugoloka. 12 Yesu viyamonile kamkema, akamlongela, "Gwee muke, ima kuhonyigwa kinhumbi ulinacho!" 13 Yesu viyamwikile makono gake muke iyo, bahaja kenuka goya na kumtogola Mulungu.

Yesu komhonya mtamu yavimbile lukuli lose

1 Mdizua dimwe da kuhumula Yesu viyagonekigwe kuja ndia muikae ya munhu imwe mkulu wa Mafalisayo, wanhu wakala womsepa. 2 Haulongozi ha Yesu hakala na mtamu imwe yavimbile lukuli wose. 3 Yesu kawauza wafundaji wa shalia na waja Mafalisayo, "Ivo vinoga kumhonya munhu mdizua da kuhumula da hebu havinogile?"

4 Wao wose wanyamala hupii. Baho Yesu kamgoga mkono na kamuhonya, amala kamlongela yaite kumwake.

Yesu kowahonya weli na dikulu kumi

11 Yesu viyakalile muumwanza kuita Yelusalemu, kobitila mzimhaka za isi ya Samalia na Galilaya. 12 Na viyakalile yokwingila mchijiji chimwe, kaiting’hanila na wanhu kumi weli na dikulu, wema kutali nayo. 13 Wenula dizi kulu walonga, "Gweye Yesu Mfundaji, chionele bazi!"

14 Viyawonile kawalongela, "Gendeni mkilaguse kwa Walava nhambiko."

Ivo viwakalile woita uko wahona na kutogoligwa kumfugamila Mulungu. 15 Nayo munhu imwe mmwao viyaonile kua kahona kabwela, kuno yomtogola Mulungu kwa dizi kulu, 16 kagwa chifudifudi mmagulu ga Yesu,’ na kumwing’ha hewela Yesu. Munhu iyo kakala Msamalia. 17 Yesu kalonga, "Ivo, hamkalile kumi niwahonyile na kupata chibali cha kutogoligwa kumfugamila Mulungu? Waja tisa wa kulihi? 18 Habule yoyose yabwelile kumtogola Mulungu ila ino nyambenyambe?" 19 Amala Yesu kamlongea, "Ima ugende, tumanilo uli nayo dikuhonya."

Yesu komhonya mbetembete mdizua da kuhumula da Wayahudi

1 Amala baho, hakala na lusona wa dini ya Kiyahudi, nayo Yesu kaita Yelusalemu. 2 Uko Yelusalemu behi na lwivi ukemigwa lwivi lwa ng’hondolo, hakala na lamba da mazi dikemigwa kwa Chiebulania Betizata, najo dikala na sanha tano vili na vizanda. 3 Umo muluhelengo wakala watamu wengi watambalale,wanhu hao wakala vipofu na mbetembete na waholole ng’huli wakala wobeta mazi gatibuligwe. 4 Manake hana chipindi na chipindi mtumigwa wa kuulanga kwa Mulungu kakala kohulumuka na kwingila mdilamba na kugatibula mazi. Baho yalongole kwingila mgamazi gatibuligwe kohona utamu wake wose yelinao. 5 Baho hakala na munhu imwe yakalile mtamu kwa milao selasini na minane. 6 Yesu viyamonile iyo munhu kawasa, kuno yovimanya mtamu iyo kakala baho kwa mazua mengi, kamuuza, "Vilihi, konda kuhona?"

7 Ija mtamu kalonga, "Muhenga niye nabule munhu wa kunigela mgamazi gatibuligwe. Kwa vija chila nihageza kwingila, munhu imwenga konilongolela."

8 Yesu kamlongela, "Ima, sola chilago chako ugende." 9 Bahaja mtamu ija kahona, kasola chilago chake kagenda.

Nayo ikala zua da kuhumula da Wayahudi ,

46 Amala Yesu kabwela kaidi muikae ya Kana isi ya Galilaya hanhu haja hayatendile mazi yageluke kua divai. Hakala na chilongozi imwe wa Silikali yeli na mwana mtamu uko Kapelenaumu. 47 Baho chilongozi iyo viyehulike Yesu kakala kalawa Yudea na kuvika Galilaya, kamuitila na kumpula yaite kumhonya mwanage yakalile mtamu lagalaga. 48 Yesu kamlongela, "Gweye kama huwonile vilaguso na uzonza honda mtogole mbe."

49 Chilongozi ija kamlongela, "Mhenga, nokupula chite kabula mwanangu hanadanganika."

50 Yesu kamlongela, "Genda tu mwanago kahona!"

Mkulu ija katogola ulozi wa Yesu, kasegela. 51 Viyakalile yobwela yang’hali mnzila waiting’hanila wamlongela kua mwanago kahona!"

52 Nayo kawauza saa nyingahi mwana iyo viyahonile, nao wamlongela ikala jana chipindi cha saa saba utamu wa homa uhona. 53 Ivo Tati yake kavimanya kua saa iija yalongiligwe na Yesu kua, "Mwanago kohona." Nayo katogola hamwe nawayage wose.

54 Chino chilaguso cha kaidi chiyasang’hane Yesu viyakalile yolawa Yudea kuita Galilaya.

20 Mama imwe yakalile na utamu wa kufua damu kwa milao kumi na midi, kamuwinza Yesu hachisogo kamha mhindo da valo jake. 21 Katenda ivo kwa kutonga mmoyo, "Nihajamha tu valo jake nohona." 22 Yesu kahinduka kamona, kamlongela, "Biti sekeudumbe! Nhogola yako ikuhonya," Mama ija kahona saa iija.

25 Baho hakala na muke yakalile na utamu wa kuzinga ngata kwa milao kumi na midi. 26 Muke iyo kakala kodununzika ng’hani na kahunganika kwa walaguzi wengi na katumila kila chinhu chiyelinacho yapate kuhona badili yake utamu umzamila ng’hani. 27 Mbali viyahulike mbuli ziyatendile Yesu nayo keza hachisogo ha Yesu mdibumbila da wanhu, kamha mhindo ya Yesu, 28 ivo kailongela mmoyo wake, "Kama nihadaha kwamha mhindo yake tu, nohona."

29 Bahaja utamu wake wakuzinga ngata kukanha, nayo kaona lukuli lwake luhona kabisa.

43 Ivija baho kukala na muke imwe yakalile yodununzika kwa utamu wa kulawa damu kwa milao kumi na midi, nayo katumila uzenzi wake wose kazambwila walaguzi wa kumhonya mbali wapotigwa kumhonya. 44 Na ija muke kabita hagati ha dija bumbila da wanhu mbaka kamvikila Yesu na kamha mhindo ya valo da Yesu, bahaja utamu wake uhona. 45 Yesu kauza, "Yelihi yanyamhile?"

Ivo wanhu wose wabela, mbali Petulo kamwidika, "Go Mndewa, wanhu wano wose wakumemela gweye."

46 Mbali Yesu kalonga, "Hana munhu kanyamha, manake nivimanya kua udaho unilawa." 47 Ija muke viyaonile hadaha kuifisa ija mbuli imlawilile, kalawilila kwa Yesu kuno kogudema, na kagwa mmagulu ga Yesu. Yeli haulongozi ha wanhu wose, kamlongela Yesu na wanhu wose wakalile haja, habali kamwamha Yesu na vija viyahonyigwe. 48 Yesu kamlongela ija muke, biti yangu nhogoli yako ikuhonya. Genda kwa utindiwala.

Biti afisa na mama imwe wohonyigwa

18 Yesu viyakalile yolonga gago, afisa imwe Myahudi kavika, kamtumbalila kalonga, "Biti yangu kadanganika sambi baha. Mbali nokupula chite ukamwikile mkono wako nayo kohona." 19 Yesu, kasegela hamwe na waluko wake kamuwinza.

23 Amala Yesu kengila mng’anda mwa ija afisa. Na viyaonile watoa filimbi za giogio na waja wanhu wamemile wolombekeza, 24 kalonga, "Segeleni hano, biti ino hadanganike ila kawasa tu." Nawo wamseka.

25 Baho bumbila da wanhu wakalile haja vidisegezigwe, Yesu kengila mng’anda kamwamha mkono biti iyo, nayo kenuka.

22 Amala imwe wa vilongozi wa ng’anda za kuiting’hanila wayahudi yakemigwe Yailo, kavika haja na viyamuonile Yesu katumtumbalila mavindi, 23 kampula kamlongela, "Biti yangu mtamu lagalaga. Chonde chonde nokupula izo umwikile makono gako mditwi umpulile utamu wake uhone."

24 Baho Yesu kailongoza nayo. Bumbila kula da wanhu diwawinza, wakala womzonga.

38 Viwavikile ukae kwa Yailo, Yesu kaona tulikizi, wanhu wolila chaka, weli na ndilo ili na kulombokeza ng’hani. 39 Baho Yesu kengila mng’anda, kawalongela, "Habali mogala tulikizi kuno molila? Mwana ino hadanganike ila kawasa tu."

40 Waja wanhu wamseka kwa kumzeha. Mbali Yesu kawalava kunze wose kuyawasile ija mwana, kawasola tata na mami yake imwana na waja waluko wake wadatu yelinao. Wengila mng’anda mbaka hayeli ija mwana. 41 Kamwamha mkono ija mwana na kamlongela, "Talita kumi!" Manake, "Biti, nokulongela lamuka!"

42 Bahaja biti ija kalamka kema, na kasonga kugenda Mwana iyo kakala na ukulu wa milao kumi na midi. Nao viwagaone gago gawakanganya ng’hani.

31 Yesu kagendelela kulonga, "Manye niwalinge na chinhu gani wanhu wa ulelo uno? Mmanye walinga choni? 32 Wao walinga kama wana wadodo wakalile mdigulilo wokema wayao na wowalongela, ‘Chiwatowela vibundo va lusona mbali hamvinile! chiwembila nyila za giogio mbali hamlilile!’ 33 Kwa vija Yohana imbatizi keza, na kakala hoja hebu kung’wa divai kuno yopula chila mala, wanhu walonga kambula kinyamkela. 34 Mwana wa munhu keza, nayo koja na kung’wa, na mweye molonga, ‘Mloleni ino! Mmelo na mng’waji upele, mbwiga wa wagoga kodi na waja weli na malozo! 35 Nzewele ya Mulungu zooneka kweli kwa waja wose wozitogola."

Muke yeli na malozo kombaka Yesu mavuta

36 Zua dimwe Mfalisayo kamgoneka Yesu waje hamwe ndia ya ichilo, nayo Yesu kaita kuikae yake kakala hasi yaje. 37 Na muikae ija hakala na muke imwe yakalile na malozo. Viyahulike Yesu koja muikae ya Falisayo keza na nhyupa yake imemile mavuta gonung’ila

41 Baho keza munhu imwe yokemigwa Yailo, iyo kakala mkulu mui Kae ya kuiting’hanila Wayahudi. Kamtumbalila mavindi Yesu na kumpula kuita ukae yake, 42 kwa vija biti yake yaiyeka yeli na milao kumi na midi kakala yolumwa behi na kudanganika.

Chipindi Yesu viyakalile koita uko wanhu wengi wammemela mhande zose.

49 Yesu viyakalile yang’hali kolonga gano, keza mtumigwa ija kulawa ukae kwa Yailo. Kamlongela Yailo, "Biti yako kadanganika, habali umgaze mfundaji?"

50 Mbali Yesu viyehulike gago, kamlongela Yailo, "Seke udumbe, togola tu, biti yako kohona."

51 Yesu viyavikile ukae ya biti Yailo, halondile kwingila mgati na wanhu wamwenga, ila kengila na Petulo na Yakobo na Yohana na tati na mami yake ija biti. 52 Wanhu wose wakala wolila na giogio kwa mwana iyo. Yesu kalonga, "Seke ulile, kwavija mwanago hadanganike mbali kawasa!"

53 Wose wamzeha kwa vija wakala wavimanyile mwana iyo kadanganika. 54 Mbali Yesu kamgoga mkono wa ija mwana na kamlongela, "Biti, ima!" 55 Ugima wake umbwelela, bahaja kenuka. Yesu kawalongela tata na mami yake mwing’heni ndia. 56 Tata na mami yake wakanganya ng’hani, mbali Yesu kawagomesa sekewamlongele munhu yoyose chija chilawilile.

Kudanganika kwa Lazalo

1 Hakala na munhu imwe yokemigwa Lazalo, mwenekae wa Betania, iyo kakala mtamu. Chijiji cha Betania chikala hanhu hawakalile Malia na Mata mdodo wake. 2 Ino Malia iyo ija yambakile Mndewa mavuta ga chinung’hila ga bei ng’hulu na kumhangusa magulu kwa mvili zake.

3 Baho lumbu zake wamtumila usenga Yesu na kumlongela, "Mndewa mbwigaako mkulu mtamu!"

4 Mbali Yesu viyahulike gago kalonga, "Lazalo hadanganika kwa utamu uno, mbali kwa mbuli ya Mulungu kutogoligwa, kalumwa ili kwa nzila iyo Mwana wa Mulungu yatogoligwe."

5 Yesu kakala na ubwiga mkulu na Mata na Malia na lumbujao Lazalo.

6 Viyapatile usenga kua Lazalo mtamu, Yesu kakala uko kwa mazua maidi kaidi. 7 Vigabitile mazua gago, kawalongela waluko wake, "Aya chiteni kaidi Yudea."

8 Waluko wake wamlongela, "Mfundaji, chipindi chiguhi chibita waja Wayahudi walonda kukukoma kwa mabwe, na gweye konda kubweleganya uko kaidi?"

9 Yesu kedika, "Ivo saa za imisi si masaa kumi na maidi? Baho munhu yahagenda imisi hadaha kuikwala, kwa vija kodiona bung’hulo da isi ino. 10 Mbali kama wanhu wahagenda ichilo woikwala kwa vija habule bung’hulo dakuwabung’hulila."

11 Viyakomeleze kugalonga gago, Yesu kawalongela, "Mbwiga yetu Lazalo kawasa ivo noita kumlamusa."

12 Baho Waluko wake wamlongela, "Mndewa kama kweli munhu iyo kawasa basi kolamka tu."

13 Yesu kakala yolonga mbuli ya ifa ya Lazalo, mbali waluko wake hawavimanyile, wao watonga kua Lazalo kawasa utulo.

14 Ivo Yesu kawalongela bila kufisa kua, "Lazalo kadanganika,

Yesu kogala utindiwala muing’humbi ya mazi

23 Baho Yesu kakwela muingalawa hamwe na waluko wake. 24 Bahaja bung’hukila ng’hulu da mazi dilawila mdilamba, mbaka ng’humbi da mazi disonga kuigubika ngalawa, mbali Yesu kakala yawasile utulo. 25 Waluko wake wamuwinza wamlamusa wolonga, "Mndewa chihonye chofa!" 26 Yesu kawalongela, "Mweye wanhu muli na nhogola ndodo, habali modumba?" Baho kenuka kadikomhokela beho na dija lamba, baho hakala hupii. 27 Waja wanhu wakanganyika, walonga, "Munhu ino wa vilihi! Mbaka beho na ng’humbi vomtegeleza!"

15 Viiviklie chigulogulo, waluko wake wamuwinza wamlongela, "Hanhu hano hamchiwala na zua diswa. Baho walage wanhu waite mvijiji waigulile ndia." 16 Yesu kawalongela, "Sio mbaka waite, weng’heni mweye ndia." 17 Mbali waluko wake wamlongela, "China migate mitano tu na somba waidi." 18 Yesu kawalongela, "Ngalileni hano." 19 Kawalagiza wanhu wakale hasi mmayani. Amala Yesu kaisola ijaa migate mitano na waja somba waidi, kalola uchanha kuulanga, kavipulila ganogile ga Mulungu. Amala kamega ija migate, kaweng’ha waluko wake, nao waweng’ha wanhu. 20 Wanhu wose waja weguta. Amala waluko wakunzanya visigale na wamemenza vigelo kumi na vidi. 21 Waja wadile walume wovikila elufu tano bila kupeta wanachike na wana wadodo.

25 Ichilo habehi na kukunguzuka, Yesu kawawinza waluko wake kuno yogenda uchanha mmanzi.

Yesu koweng’ha ndia wanhu elufu nne

32 Baho Yesu kawakema waluko wake kalonga, "Nowonela bazi wanhu wano kwa vija wakala na niye mazua madatu, nao sambi wabule ndia isigale. Sitogola kuwaleka wasegele bila kuja, sekewasinduke mnzila. 33 Waluko wake wamlongela Yesu, "Hano chamchiwala, chopatahi ndia ya kwenela wanhu wengi vino?" 34 Yesu kawauza,"mna migate mingahi?" Wamwidika, walonga, "Migate saba na visomba vidodo chidogo." 35 Baho, Yesu kawalagiza wanhu wakale hasi. 36 Kaisola ija migate na vija visomba, kamwing’ha hewela Mulungu na kamega, kaweng’ha waluko nao wawagolela wanhu. 37 Wose waja weguta. Amala wakunzanya vilagale na wamemeza vigelo saba. 38 Wao wadile wakala walume kubita elufu nne, bila kupeta wanachike na wana wadodo.

Kuliha kodi ya Nga’anda ya Mulungu

24 Viwavikile Kapelenaumu, wagoga kodi wa ng’anda ya Mulungu waita kwa Petulo, wamuuza, "Ivo, Mfundaji wenu koliha kodi ya ng’anda ya Mulungu?" 25 Petulo kedika,"Ena, koliha." Baho, Petulo viyeingile muing’anda, kabula hanalonga mbuli, Yesu kamlongolela kamuuza, "Simoni, gweye koonaze? Wafaume wa mziisi hukunzanya kodi kulawa kwa yelihi? Kulawa kwa wenekae hebu kulawa kwa nyambenyambe?" 26 Petulo kedika, "Kulawa kwa nyambenyambe." Yesu kawalongela,"Ena ivo, wenekae hawaliha. 27 Mbali kwa vija seke chigombe nao, genda kudilamba ukaloe somba, na umsole somba yasongile kwenzeka, mbalule mlomo wake, na mzinda mwake kovika sente ya kwenela kuliha kodi. Isole kwa mbuli yangu na kwa mbuli yako."

Yesu kowinukila mbiki wa ng’huyu

18 Yesu viyakalile yobwela muikae ya Yelusalemu mnzila kulawa Betania, lukwili kaona nzala. 19 Kauona mbiki wa ng’huyu hamgwazo ya nzila, kauwinza, mbali kauvika wabule chinhu ila mayani muhala. Baho kawinukila kaulongela, "Seke ulele manhunda ng’oo!" Bahaja uja mbiki wa ng’huyu unyala. 20 Waluko wake viwaonile gago wakanganya walonga, "Habali mbiki uno wa ng’huyu unyala gafula?" 21 Yesu kawedikila, ‘"Nowalongeleni kweli, kama mwahawa na nhogola na bila kudumba, modaha sio kutenda ivo tu, mbali hata mhaulongela lugongo luno "Somoka ukasigwe muibahali,’ yotendeka ivo. 22 Na mwahawa na nhogola chochose chimpula kwa kufugama, mokwing’higwa."

37 Bahaja halawila beho kulu mdilamba, digala ng’humbi da mazi ditoile ngalawa ija iyakalile Yesu mbaka ikala yomema mazi mgati. 38 Yesu kakala yawasile mgati hachisogo mwingalawa kuno kasigamiza ditwi jake mchilago. Waluko wake wamlamsa, wamlongela, "Mfundaji, hugesa kama chofa?"

39 Yesu kalamka, kadikomhokela beho dija, kadidikomhokela dija ng’humbi da mazi, "Nyamala hupi!" Bahaja, beho dinyamala, na lamba dikala na utindiwala mkulu. 40 Yesu kawalongela waluko wake, "Habali modumba ivo? Ivo, mng’hali hamtogola?" 41 Nawo waluko wake wakala wadumbile ng’hani, waiuza, "Yelihi ino mbaka beho na ng’humbi da mazi vomtegeleza?

35 Zua vidiswele, waluko wake wamuwinza Yesu, wamlongela, "Hanhu hano habule wanhu na zua diswa ng’hani. 36 Walage wanhu ili wadahe kuita mzikae na mvijiji vili behi, waigulile ndia."

37 Mbali Yesu kawalongela, "Weng’heni mweye ndia." Waja waluko wamlongela Yesu, "Hachidaha kugula migate ya kuwenela wahu wano wose, hata chihawa na dinali mia mbili.* Kwa chipindi icho dinali mia mbili ni sente za kwenela kumliha munhu imwe kwa miezi minane. 38 Kawauza, "Kuna migate mingahi? Gendeni mkalole."

Viwamalile kulola wabwela, na wamlongela, "Hana migate mitano na somba waidi."

39 Amala Yesu kawalagiza waluko wake wawagole wanhu wakale vilundo mmayani, 40 ivo wanhu wakala wamwenga wanhu mia na wamwenga hamsini hamsini. 41 Yesu kaisola ija migate mitano na waja somba waidi amala kalola kuulanga kwa Mulungu, kamwing’ha hewela Mulungu amala kaibanzula ija migate, kaweng’ha waluko wake wawagolele waja wanhu wose. Na ivija kaweng’ha waluko wake wawagolele waja somba waidi wanhu wose. 42 Wanhu wose waja, na weguta. 43 Waluko wake wakunzanya vihande visigale va migate na somba, wamemeza vigelo kumi na vidi. 44 Nao wadile ndia iyo walume wakala kama elufu tano.

48 Kawaona waluko wake wogaya kutoa ng’hafi kwa ludabwa, kuno beho kulu dowakimila. Habehi na lukwili, Yesu kawawinza waluko wake, kagenda uchanha ya mazi. Kakala behi na kuwabita, 49 ila viwamuone yogenda mmazi, wagesa mzimu, waguta nyangi, 50 kwavija wose wamona wadumba.

Bahaja Yesu kawalongela, "Gangamaleni! Iyo nie, seke mdumbe!" 51 Baho kakwela muingalawa yao na beho dinyamala! Waluko wake wazaganywa ng’hani,

Yesu koweng’ha ndia wanhu elufu nne

1 Mchipindi icho, bumbila kulu da wanhu diiting’hanila kaidi. Kwavija wakala wabule ndia, Yesu kawakema waluko wake kawalongela, 2 "Nodionela bazi bumbila dino da wanhu, kwavija chikalahamwe zua da kadatu sambi na wabule ndia. 3 Nihawalongelaga waite ukae na nzala, wosinduka nzila kwavija wamwenga wolawa kutali."

4 Waluko wake wamulongela, "Mbali hano chahachiwala chopatahi migate ya kwenela kuwalisa wanhu wose? 5 Yesu kawauza, "Mna migate mingahi?"

Wamwidika, "China migate saba."

6 Yesu kawalongela wanhu wakale hasi. Viyamalile kusola migate na kumwing’ha hewela Mulungu, kaibanzula na kuweng’ha waluko wake ili wawagolele wanhu, waluko wake watenda ivo. 7 Ivija wakala na visomba vidodo, Yesu kamwing’ha hewela Mulungu, kawalagiza waluko wake waweng’he wanhu. 8 Waja wanhu wose waija ndia iyo mbaka weguta, amala waluko wa Yesu wakunzanya vihande visigale wamemeza vigelo saba. 9 Wanhu wajile ndia ija wovika elufu nne. Viyakomeleze Yesu kawalaga wanhu waite kumwao,

Yesu kawinukila mbiki ukemigwa mtini

12 Igolo yake viwakalile wosegela mchijiji cha Betania kuita Yelusalem, Yesu kaona nzala. 13 Yesu kauona mtini kwa kutali, kaita yalole kama una manhunda. Viyauvikile, kauvika una mayani muhala, kwavija hauwile msimo wa manhunda. 14 Yesu kawinukila kaulongela mtini, "Tangia sambi hulela manhunda mbee."

Na waluko wake wamuhulika viyalongile ivo.

Hala kulawa mbiki wa Mtini unyalile

20 Imitondo yake, viwakalile wobita mnzila, wauona uja mbiki wamtini unyala wose mbaka mmazizi gake. 21 Petulo kakumbuka na kamlongela Yesu, "Mfundaji, ulole! Uja mtini uwinukile unyala!"

22 Yesu kawedika kawalongela, "Mtogoleni Mulungu. 23 Nomlongeleni ukweli, munhu yoyose yonda yaulongele lugongo luno, ‘Somoka ukasigwe mwibahali,’ na seke yagele shaka mmoyo, mbali yatogole tu kua gago gayalongile golawila, Mulungu komtendela ivo. 24 Kwaivo nowalongeleni, gogose gampula na mhamfugamila Mulungu, tumanileni kua mgabokela nago gawa genu. 25 Namweye mwahampula Mulungu, munhu yahawa na mbuli na miage yemlekese mmoyo nayo Tata yeli kuulanga yamlekeseleni na mweye malozo genu.

Yesu kowabagula waluko wa mosi

1 Zua dimwe Yesu viyakalile kema habehi na Lwanda lwa Genezaleti, wanhu wengi wammemela wamsung’hasung’ha wahulike mbuli ya Usenga wa Mulungu. 2 Kaziona ngalawa mbili hamgwazo ha ulwanda, zilekigwa baho na wavula somba wakalile wohambulahambula na kusonelela nyavu zao. 3 Yesu viyeingile mgati ya ija ngalawa imwe ikalile ya Simoni, kampula yeikwese mgamazi hamwande chidogo kulawa mhwani. Amala kakala hasi na kufunda wanhu yeli muingalawa. 4 Viyakomeleze kufunda, kamlongela Simoni, "Sambi sung’heni ngalawa muigale kuing’huta mvule somba. 5 Simoni kamwidika kalonga, "Go Mndewa, cheye chisang’hana sang’hano ichilo chose hachipatile chinhu, mbali kwa ulonzi wako, noutanda lwavu mmazi." 6 Nao viwazitandile nyavu izo, wavula somba wengi ng’hani mbaka nyavu zimema na zisonga kudegeka. 7 Ivo wawahungila makono kuwakema wayao wakalile muingalawa imwenga weze kuwataza. Nao weza wamemeza somba mzi ngalawa zose mbili zikala behi kudidimila. 8 Simoni Petulo viyaonile gaja galawilile, kafugama mafindi haulongozi ha Yesu kalonga, "Go Mndewa segela hamwangu kwa vija niye nna malozo!" 9 Simoni na wayage wose wazaganyika ng’hani kuvula somba wengi wengi 10 Ivija Yakobo na Yohana na wanage Zebedayo, wakalile wavula somba wayage Simoni. Baho Yesu kamlongela Simoni, "Sekeudumbe, kulawa sambi hua mvula somba, mbali kowalagala wanhu Kumwangu."

11 Viwakomeleze kuzivikiza mhwani ngalawa zao, waleka vose na wamuwinza Yesu.

Yesu kodikomhokela ng’humbi da mazi

22 Zua dimwe Yesu kawalongela Waluko wake, "Chiloke mbaka mmwambu mwa lamba." Amala wekwela muingalawa hamwe na waluko wake, wasonga kuloka. 23 Nawo viwakalile muingalawa Yesu kawasa. Hamwande chidogo beho kulu dilawila dilava ng’humbi kulu da mazi dilawila na kwingila muingalawa, baho ngalawa ikala muibung’hukila. 24 Nao waja waluko wake waita kwa Yesu na kumlamsa walonga, "Go Mndewa go Mndewa lamka chodanganika!"

Yesu kalamka kadikomhokela beho na ija ng’humbi ya mazi, na dija beho kulu dinyamala na hakala na utindiwala. 25 Labaho Yesu kawauza waluko wake, "Nhogoli yenu yakulihi?"

Mbali waja waluko wakanganya na kudumba na kuiuza wenyego, waiuza "Ivo munhu ino yelihi? Mbaka kodikomhokela beho na ng’humbi da mazi navo vomuhulika!"

Yesu kodikomhokela ng’humbi da mazi

22 Zua dimwe Yesu kawalongela Waluko wake, "Chiloke mbaka mmwambu mwa lamba." Amala wekwela muingalawa hamwe na waluko wake, wasonga kuloka. 23 Nawo viwakalile muingalawa Yesu kawasa. Hamwande chidogo beho kulu dilawila dilava ng’humbi kulu da mazi dilawila na kwingila muingalawa, baho ngalawa ikala muibung’hukila. 24 Nao waja waluko wake waita kwa Yesu na kumlamsa walonga, "Go Mndewa go Mndewa lamka chodanganika!"

Yesu kalamka kadikomhokela beho na ija ng’humbi ya mazi, na dija beho kulu dinyamala na hakala na utindiwala. 25 Labaho Yesu kawauza waluko wake, "Nhogoli yenu yakulihi?"

Mbali waja waluko wakanganya na kudumba na kuiuza wenyego, waiuza "Ivo munhu ino yelihi? Mbaka kodikomhokela beho na ng’humbi da mazi navo vomuhulika!"

Yesu komhonya munhu yambule chinyamkela

26 Amala Yesu na Waluko wake waloka mbakamhwani ya isi ya Wagelasi ikanhiza kuita ziwa da Galilaya

12 Muuswelo wa zua, waja waluko kumi na waidi wamgendela Yesu na kumlongela, "Walage wano wanhu ili waite mvijiji vili habehi, ili kuja ndia na hanhu ha kuwasa, kwa vija hano chili mchiwala."

13 Mbali Yesu kawalongela, "Mweye weng’heni ndia."

Wanhu waja wamlongela Yesu,wamidika wamlongela "Hano cheye china migate mitano na somba waidi. Mmane cheye chiite chikagule ndia ya kwiguta bumbila jose dino!" 14 Haja hakala na walume kama elufu tano.

Baho Yesu kawalongela waja waluko wake, "Walongeleni wanhu wao wakale chila bumbila wanhu hamsini."

15 Waja waluko wasang’hana kama viwalongiligwe, 16 Amala Yesu kasola ija migate mitano na somba waidi labaho kalola kuulanga kwa Mulungu, ivo kamtogola Mulungu na kamwing’ha Mulungu hewela na kaubena mgate na kuweng’ha waja watumigwa wa Yesu wake wagole kwa wanhu weli mmabumbila. 17 Wanhu wose waja ndia weguta, amala waja watumigwa wa Yesu wavidondola vija vihande visigale na kumemaza vigelo kumi na vidi.