Milagres de Jesus

Yesu waramya kihumihumi

35 Yesu wakianga wasonda ikime murubungu rwa ku Yeriko, wákumana kihumihumi kima chabesenga charika mwendende n’ense nti kikonga-kongange. 36 Warekia warukira erukindo rw’ebea bingi betange, washisha mbu: «Mbeni kinki cheta nku?» 37 Ebea bamwire mbu: «Yesu wa ku Nasareti ng’wetange.» 38 Ekihumihumi ncho chakua mbu: «eYesu Musike wa Ndauti, nikwiri bonso!»

39 Ebea mbi babesenga basondora bamufine mbu wakobe, ina iwe wakua ketu na nguru mbu: «eYesu Musike wa Ndauti, nikwiri bonso!»

40 Yesu watindira, were bo mbu bamurishe hari we. Warekia weya kwihi na Yesu, Yesu wamushisha mbu: 41 «Ǒngo uhunange nikuronjei kinki?»

Wasako mbu: «eNyere Kuritu, nisondange mbu nikai tu.» 42 Nampo, Yesu wamwire mbu: «Eo ke kae tu! Erisimira rabe ramakuramya.» 43 Hiha-hiha wabucha tu ikae, wamisa Yesu na nt’utatange Ongo. Ebea mbi basunganga mbo nabo batata Ongo.

Yesu waramya mubembi

12 Yesu warekia uri m’ubungu ruma mu chuo ncho, kwasaa mwea uma nti urisere bibembi emubi uti. Warekia wasunga Yesu, windama embaso ieya n’ekwansi, n’imuhema mbu: «eNyere Kuritu, umasasa, umuniramya*.» 13 Yesu woro emwine, wamutinge mo n’imwire mbu: «Nashima! Rama!»

Hiha-hiha, emwea ngo warama ebibembi.

18 Bea bima beya na nti baria mwea wa rumbonsa mu kipoi. Basonda inse y’imukimisha kumunda n’enumba kongo bamutereka hamakako na Yesu. 19 Ina barukwa ense y’erimukimisha kumunda bushwa n’enteko nkiri y’ebea. Bushwa nancho, bataya hamambio enumba njo, bakakura mu matebura, bahicha emwea w’erumbonsa munkati-nkati n’ebea, nt’uri mu kipoi chae, n’imusicha mu makako a Yesu.* 20 Yesu warekia wamasunga erisimira rabo, weba mbu: «Emirani, esansambi sabe samasasirwa.»

21 Ebahani b’eMyomba n’eBafarisayo babucha kwishisha mbu: «Inye mwea ngu eukambange Ongo? Inye ngwamukocha isasira nsambi, kuba ntí Ongo wisine?» 22 Yesu warekia wamateerera emihaki yabo, washisha bo mbu: «Bushwa nki banu mwishishange ebinwa biti mbyo mu mitima yinu? 23 Kini kinwa nge chatamba, mu rieba mbu: ‹Esansambi sabe samasasirwa›, abe ieba mbu: ‹Simana, enda?› 24 Nisondange musibe mbu ani eMwana w’eMwea niri na maa erisasira esansambi hano hansi.» Ngebumbo, Yesu were emwea w’erumbonsa mbu: «Ani nge nikwirengi mbu: simana, ria ekipoi chabe na kuruka ku kwabe.»

25 Hiha-hiha, emwea ngo wasimana kubusondori nabo ebati. Waria ekipoi chabesenga chikindirengi mu we, wenda ku kwae nti utatange Ongo.

Yesu waramya mwea w’ikasa ra rumbonsa

6 Otu rumpe rwa Sabato, Yesu wakime mu sinangoki n’ibucha ihana ebea. Kumunda mo nti muri mwea uma wa rumbonsa mu rikasa r’ekwabume. 7 Ebahani b’eMyomba n’eBafarisayo babesenga bakairirengi Yesu kuti useramya mwea mu rotu rw’eSabato, kongo bashee kinwa chimusongere. 8 Ina bushwa Yesu wabesenga wosi emyanikiri yabo, ngerikia ke were emwea w’erumbonsa mu rikasa mbu: «Simana! Kensere habusondori n’ebea.» Nae wenda kasimana mpo. 9 Ngerikia ke Yesu were bo mbu: «Nibushishange: mbeni eMyomba yatukonga ikora byakonda abe ebyema mu rotu rw’eSabato? Iramya mwea abe imushura?»

10 Yesu wakae bo ebati, kuruma nampo were emwea ngo mbu: «Oro erikasa rabe.»

Nae woro erikasa, n’erikasa rae rabesa tu shu.

Yesu waramya mukori wa mukwakare w’ebasura

1 Yesu wakianga wameba ebinwa biti mbyo kuri ebea mbi babesenga bamurukirange, wenda murubungu rwa ku Kaperenaumu. 2 Nanko kwabesenga mukwakare uma wa basura wa Baroma. Emukwakare ngo wabesenga na mukori wae uma washima we nguru. Emukori ngo wabesenga usambange nti uri mu nsanga nareke. 3 Entambi yakianga emukwakare o warukira emwasi wa Yesu, watuma kuri we bakungu bima ba Bayuta imuhema weye karamya emukori wae. 4 Ebakungu mbo barekia basaa hari Yesu, bamuhema nguru mbu: «Emwea uno wakomenwa umukori ebikuhemange we, 5 bushwa mbu iwe utushimanga bate eBayuta, nae ngwakutwimbenga n’esinangoki yitu.»

6 Naha Yesu wenda hima nabo. Warekia weya kwihi n’enumba y’emukwakare ngo, watuma bira bae bamweberi kuri Yesu mbu: «eNyere Kuritu, kiro winubya, bushwa mbu ani ntínakomenwa ikukoke mu mwani. 7 Ngyasingwa nasunga nti tínakomenwa ieya harikire ǒngo. Ina, ǒngo eba kinwa kima ho, n’emukori wani waserama. 8 Niri n’ebanisimanirenga mu murimo witu, ina nani niri nambi basimanirenga ani. Namere uma mbu: ‹Enda!› Nae ntwenda na! Namere umpe mbu: ‹Iya!› Naha nti weya! Namere ntumwa yani mbu: ‹Kora buno!› Nae nti wakora na bumbo!»

9 Yesu warekia warukira ebinwa mbyo, washishara bushwa n’emukwakare ngo. Wakae kuri ekikembe ch’ebamumisange, n’ieba mbu: «Nibwirengi, ntangasunganga mu chuo kiti cha ku Isiraeri mwea uri n’isimira nguru buri uno!»

10 Ebea mbi batumwanga barekia bakuruka ekunumba, bakumana emukori ngo ntwamarama.

11 Kai mu sinangoki mo nti muri mumina uma mukoni. Emumina ngo wabesenga wamaronja myaka ikumi na mumane nt’unubiwange n’ishumbu. Erishumbu ndo rabesenga rarimukunya, na nti watakochanga tu ioro emongo. 12 Yesu warekia wamusunga, wamubikira n’imwire mbu: «Ekoyo, umakinda irama ebukoni bwabe.» 13 Nampo Yesu watereka emine yae kuri we, nae woro emongo hiha-hiha n’ibucha itata Ongo.

Yesu waramya mukoni mu rotu rw’eSabato

1 Otu ruma rwa Sabato, Yesu wenda kara bio mu numba ya mukwakare uma wa Bafarisayo. Ebea mbi babesenga kumunda n’enumba barika nti bamukairirengi mwisunga ebisekora we. 2 Na habusondori na Yesu, kai nti hari mwea uma wasamba bukoni bwibimba-bimba emubi. 3 Yesu washisha ebahani b’eMyomba n’eBafarisayo mbu: «Mbeni eMyomba yitu yarisia abe yahangire iramya mwea otu rwa Sabato?» 4 Ina bibebere. Nampo ke, Yesu watinge mu mukoni, wamuramya n’imwire mbu wendi rae.

Yesu waramya babembi ikumi

11 Yesu wakianga wendange ku Yerusaremu, wetere mu byati by’echuo cha ku Samaria na cha ku Ngariraya. 12 Entambi wakianga wamakime mu kubungu kima, babembi ikumi beya kuri we. Basimana kore nae,* 13 na nti bakuange mbu: «eYesu Nyere Kuritu, tukwiri bonso!»

14 Yesu warekia wamasunga bo, were bo mbu: «Mwendi kishea kuri ebakuhani.» Barekia bendange ko, barama. 15,16 Uma mu bo wabesenga Musamaria. eMusamaria ngo warekia wamasunga mbu wamarama, iwe wakuruka kuri Yesu na nt’utatange Ongo mu murenge mukiri. Windamya embaso yae kwansi mu makako a Yesu. 17 Nampo ke Yesu washisha mbu: «Mbeni ntí bea ikumi nge bakurama? Ebampe mwenda bari kuni? 18 Mbeni kusira umpe munkati nabo wakuruka katata Ongo irenga emweni uno?» 19 Yesu were eMusamaria ngo mbu: «Simana, iiri rabe. Erisimira rabe ramakuramya.»

43 Mu kikembe ncho mwabesenga mumina uma warisamba bukoni bwituka mo nchama. Wabesenga wamahea n’ebukoni mbo myaka ikumi na ibi. Wabesenga ntwamahea ebehe byae biti kuri ebanganga. Ina kwarukwa na uma ewakochanga imuramya. 44 Emumina ngo wasaire Yesu kuruma nae, waturana mwendende enchangi yae. Hiha-hiha, ebukoni bwae bwerituka enchama bwarama nakuba.

45 Yesu washisha mbu: «Inye ngwamanitinge mo?» Ebea bati bituna, ina Petero weba mbu: «eNyere Kuritu, utungasunga mbu bea bingi bakutimba n’ikukutakuta?» 46 Ina Yesu weba mbu: «Kuri ho mwea ewamanitinge mo, bushwa mbu nasunga ntyemaa amanituka mo.» 47 Emumina ngo warekia wasunga mbu bamamukima, wirisha wisine nti utitimanengi na boba na kwisunda mu makako a Yesu. Nampo habusondori n’ebea bati, watura echakusingwa wamutinge mo nambu wamarama we hiha-hiha. 48 Yesu ke wamwire mbu: «Emwisiani, erisimira rabe ramakushukaya. Enda rabe mu buhoro.»

31 Yesu weba tu mbu: «Nisusanye ebea ba runotu na banye? Ibo bea bari buni? 32 Barengekane na bana mbi barika kwansi mu butara nti babikirange babine mbu:

‹Twakubwombere ngoma ina ntímukumina!

Twakubusimbenga rumbo rwa kiro ina ntímukure!›

33 «Ngebuno hotu bweyanga Yohana Murubiki, iwe nti witinishanga irisa bio n’iomo ndifai. Banu nti mwebanga mbu uri na bifwasi. 34 Ani Mwana w’eMwea nameya nirisange n’iomo, banu mwebange tu mbu: ‹Mukai! Uno murohoroho tuna mutamiri, mwira w’ebakongori b’ehoro na bisa esansambi.› 35 Ina ebati mbi basimira Ongo, basibirira mbu ebutesa bwae bwaombokara.»

Yesu mu numba ya Simoni Mufarisayo

36 Mufarisayo uma wabikira Yesu mbu weye karisa bio mu mwae. Yesu wenda mu numba y’eMufarisayo ngo, warika n’irisa bio. 37 Na murubungu ndo mwarikanga mumina uma nti uri na nkuru yema. Emumina ngo warekia warukira emwasi mbu Yesu urisange bio mw’eMufarisayo, weya mo na nti wahata murangi uma urisere marashi a busi bwasuma.

41 Nampo, mukwakare uma wa sinangoki mbu nge Yairo weya. Wisunda ekwansi mu bisando bya Yesu n’imuhema mbu weye ku kwae, 42 bushwa mbu engomo yae y’ekikumi yabesenga iri mu nsanga nareke. Ekikumi ncho chabesenga kiri na myaka buna ikumi na ibi.

Yesu warekia wendange kwa Yairo, kikembe kikiri cha bea chabesenga nti kimukutakutange.

49 Yesu warekia ukiri webange ebinwa bya, kwa Yairo mukwakare w’esinangoki kwasaa mwea uma n’iere Yairo mbu: «Enyere kuritu, Oho! Mwisyabe wamakera emutima! Ang’inubya tu eMuhani.» 50 Ina Yesu warekia warukira mbo, were Yairo mbu: «Ang’isubaha, simira ho, waserama.»

51 Yesu warekia weya mu numba ya Yairo, ntíwananga ikime mo na umpe mwea warenga Petero, Yohana, Yakobo, hima n’ishe w’emwana na nina. 52 Ebea bati babesenga barengi na kwikama-kama bushwa n’erikwa r’ekikumi ncho. Ina Yesu were bo mbu: «Kiro mure, bushwa mbu ntíwakwa ina urere!» 53 Ebea mbo babucha imusea, bushwa ibo basibanga mbu wamakind’ikwa. 54 Yesu wamutinge mu rikasa n’imwire mu murenge mukiri mbu: «Emwisiani, simana!» 55 Hiha-hiha, wakurucha emutima, n’isimana. Yesu were bo mbu: «Mumunike bio.» 56 Ishe na nina bashishara nguru. Ina Yesu wahangire bo nguru mbu kiro bereka itura kuri mwea uti-uti imbi byamasunga bo.

Yesu wabikira ebanafunsi baroso

1 Otu ruma, Yesu wasimana mu kirindo ch’enyansa Kenesareti* na bea bingi nti bamukutakutange kongo barukira ekinwa cha Ongo. 2 Wasunga mitumbu ibi kumushi n’eririba, n’ebarobi nti bamatuka kumunda nayo, babesenga bashuange etukira twabo. 3 Yesu wakime mu mutumbu uma, na nti nge wa Simoni. Yesu wamwire mbu wahimire o kore kakeke n’ensocho. Nampo warika mo, wabucha ihana ebea.

4 Warekia wamakind’ihana, washisha Simoni mbu: «Kensea emutumbu ehari emecha mingi na muhiche etukira twinu, murobe bikwa.»

5 Simoni wamusako mbu: «eMuhani, twamanuba n’eriroba emutu uti, twakuhina. Ina bushwa mbu ǒngo nge umeba, nasehicha tu etukira.»

6 Barekia bamahicha etukira, bashura bikwa bingi nguru n’etukira twahiere mu ngerero y’isonda ibereka. 7 Nampo basime banachabo b’emutumbu umpe mbu beye kasake bo. Nabo beya, barisia emitumbu ibi bikwa, nayo yabucha itia. 8 Simoni Petero warekia wasunga ebinwa mbyo, waanda emaru mu makako a Yesu n’ieba mbu: «Nyere Kuritu, umatukange kwihi nani, bushwa mbu ani mwea wa nsambi!» 9 Simoni webanga mbo bushwa iwe na babine bati bashishara nguru murisunga ebwingi bw’ebikwa ebyashuranga bo.

10 Yakobo na Yohana basike ba Sebendayo ebabesenga hotu barobi hima na Simoni, nabo bashishara. Yesu ke were Simoni mbu: «Kiro usubaha, itukire enompena ukukora murimo w’iroba bea.»

11 Ngerikia ke bakurura emitumbu yabo kumushi, bareke ebiti n’imisa Yesu.

Yesu wakobesha enyansa

22 Otu ruma Yesu wakime mu mutumbu hima n’ebanafunsi bae. Were bo mbu: «Tusoke mu o mwiri w’enyansa.» Benda. 23 Barekia basokange, Yesu wenda toro. Hiha-hiha, iuhu rasuma rikaso mu nyansa. N’emecha abucha ikime mu mutumbu, beya mu ngerero y’isonda itia. 24 Ebanafunsi bae bakensere kwihi nae, bamusimo nti bebange mbu: «Nyere Kuritu, Nyere Kuritu, twakwa!» Yesu warekia wabambuka, wafine emibimbi, nayo yakoba n’emecha na o akoba. 25 Nampo ke Yesu washisha ebanafunsi bae mbu: «Erisimira rinu riri kuni?» Basubaha n’ishishara, babucha ishishana mbu: «Mwea wa buni uno? Ufinengi emibimbi n’enyansa, nabyo byamusubaha nakuba!»

Yesu wakobesha enyansa

22 Otu ruma Yesu wakime mu mutumbu hima n’ebanafunsi bae. Were bo mbu: «Tusoke mu o mwiri w’enyansa.» Benda. 23 Barekia basokange, Yesu wenda toro. Hiha-hiha, iuhu rasuma rikaso mu nyansa. N’emecha abucha ikime mu mutumbu, beya mu ngerero y’isonda itia. 24 Ebanafunsi bae bakensere kwihi nae, bamusimo nti bebange mbu: «Nyere Kuritu, Nyere Kuritu, twakwa!» Yesu warekia wabambuka, wafine emibimbi, nayo yakoba n’emecha na o akoba. 25 Nampo ke Yesu washisha ebanafunsi bae mbu: «Erisimira rinu riri kuni?» Basubaha n’ishishara, babucha ishishana mbu: «Mwea wa buni uno? Ufinengi emibimbi n’enyansa, nabyo byamusubaha nakuba!»

Yesu waramya mwea watingirwa na bifwasi

26 Kuruma nampo, Yesu n’ebanafunsi bae basoka enyansa. Basia emutumbu mu chuo ch’eBakerasi, mu o mwiri w’echuo cha ku Ngariraya.

12 Emwishi warekia wamabucha itamba, entumwa ikumi na sibi sa Yesu samweyere n’imwire mbu: «eNyere Kuritu, Reke ebea bano bendi kasonda nkambi na bio mu sambungu esiri kwihi-kwihi bushwa mbu hano turi hasira bea.» 13 Ina Yesu wasako bo mbu: «Banu bisine muninke bo bio!» Nabo bamusako mbu: «Bate turi ho na mikati isanu na bikwa bibí. Ǒngo uhunange mbu twendi kachure ebea bati bano bio?» 14 Himpo habesenga nti harikire babume buna erefu isanu. Yesu were esantumwa sae mbu sirikeche bo mu bikembe bya bea makumi asanu-asanu.

15 Esantumwa sakora bumbo, sarikecha ebea bati ekwansi. 16 Kuruma, Yesu watinge emikati isanu njo n’ebikwa bibí mbyo, wakae ekwio, watata Ongo. Nampo, wabengaa byo, waninka byo ebanafunsi bae mbu babanyii ebea bati. 17 Ebati barisa n’isukuta. Esantumwa sasombo ebyasianga bo, barísia mitundu ikumi na ibi.

Yesu waramya bakoni bingi

38 Yesu watuka kumunda n’esinangoki, wenda kakime mwa Simoni. Inabe wa Simoni wabesenga ntwamatingirwa na kaburura kasuma, bakonga ke Yesu wamuramye. 39 Yesu windama kwihi n’emumina ngo, wafine ekaburura mbu katuke kumunda nae, nako katuka. Hiha-hiha, emumina ngo wasimana n’ibucha ironjee bo bio.

27 Yesu wakianga watuka mu mutumbu, wakumanana na mwea uma murubungu ntwatingirwa na bifwasi. Emwea ngo wamananga matu mingi ntwatambaranga tu nchangi, na nti watarikanga tu mu numba, ina ekutuburi ho. 28 Warekia wasunga Yesu, wirake na kwirunda ekwansi mu makako a Yesu, n’ieba mu murenge mukiri mbu: «eYesu Musike wa Ongo ingu uri hiyo n’ebiti, mbeni kuri kinwa munkati ani nabe? Nikuhemange, ang’ininubya!»

29 Webanga mbo bushwa mbu Yesu wabesenga wamere kifwasi ncho mbu kituke kumunda n’emwea ngo. Ekifwasi ncho chabesenga kitingengǎ emwea ngo meta mingi. Nakiro mbu bamumina emaboko n’ebisando mu burebure na byuma kongo wataromboki, wabesenga ukekeraanga byo. Ekifwasi ncho chabesenga kimutaangǎ inku kutarikanga bea. 30 Yesu wamushisha mbu: «Erina rabe ng’inye?» Nawe wasako mbu: «Erina rani ‹Kikembe.›» Wasakonga mbo bushwa mbu kumunda nae kwabesenga bifwasi bingi. 31 Ebifwasi mbyo byakonga Yesu mbu wamahensa bo kiro warekera bo ekwirunga.

32 Nampo habesenga nti harikire iimba rikiri ra mpunu sihuange hambasiro n’erou. Ebifwasi mbyo byakonga Yesu nguru mbu wareki byo, bikimi mu riimba r’esampunu. Yesu warisia byo. 33 Ngerikia ebifwasi byatuka mu mwea ngo n’ikime mu sampunu. Eriimba riti r’esampunu rahita n’erou n’ikwirekera mu nyansa n’itia. 34 Ebasumba b’esampunu barekia basunga ekinwa ncho, benda tete katura emwasi ekumbuka n’ekutunsari. 35 Ebea beya kasunga ebyameta. Barekia beya hari Yesu, bakumana emwea ngo wamakuturwa mo ebifwasi ntwarika mu makako a Yesu. Emwea ngo wabesenga nti wamambara nchangi, n’ebwenge bwae nti bwamakuruka. Ebea mbo basubaha.

27 Iira, nibwirengi mbu: bima mu banu mbi muri hano, batakwiyo kuti ntíbasunga nensi ebwasimana eBwami bwa Ongo.»

Yesu wabundurwa embaso

28 Kuruma na matu buna munani Yesu warekia wamakinda ieba ebinwa mbyo, iwe waringa Petero, Yakobo na Yohana, wataya nabo hiyo n’erou kahema Ongo. 29 Warekia uhemange, embaso yae yabinduka, n’esanchangi sae wasana n’inyenya nguru. 30,31 Nampo, kumunda n’echaka ncho kwasaa babume babi, Musa bana Eria. Ebabume babi mbo, babesenga nti bebanange na Yesu bushwa n’ebusekinda we emurimo wae, mu rikwire ku Yerusaremu.

32 Entambi njo, Petero na babine babesenga bamenda toro twingi. Ina barekia basimuka, basunga ebusime bwa Yesu n’ebabume babi mbo babesenga basimana hima nae. 33 Ebabume babi mbo barekia basonda isiana na Yesu, Petero wamwire mbu: «eNyere Kuritu, rakonda buno buri bate hano. Twimbe hema ishatu: nima yabe, impe ya Musa na impe ya Eria.» Nae wabesenga webange nti tíwosi echebange we.

38 Hiha-hiha, mwea uma munkati n’ekikembe wakua mbu: «eMuhani, nakukonga unikairi mu musikyani, bushwa mbu iwe nge mwanani uma ho! 39 Ukiange wamatingirwa n’ekifwasi, hiha-hiha, emwana ntwirake, nti chamuinya-inya nguru n’erihuro nti ramutuka mu bunu. Ekifwasi ncho kitangamutuka mo tete, kimunubyange nguru. 40 Nakongayo ebanafunsi babe mbu bahense cho, ina karankuso.»

41 Yesu wasako mbu: «Ah! Banu ebea b’ematu ano, banu bea bema! Murukwa n’erisimira! Naserikayo ninu tu matu anga? Niseshireyo kuni n’erirukira ebinwa binu? Risha musikyabe hano.» 42 N’emwana ngo warekia weyange hari Yesu, ekifwasi ncho chamutaa ekwansi n’imuinya-inya nguru. Ina Yesu wakeme cho, waramya emwana n’imukurucha kuri ishe. 43 Ebea bati bashishara mu risunga ebunkangwe bwa Ongo.

Yesu watura tu ebusesiburwa we

Ebea bati barekia bashisharange mu binwa biti ebyamaronja Yesu, iwe were ebanafunsi bae mbu:

Yesu wahensa ebifwasi

14 Otu ruma, Yesu wabesenga uhensange kifwasi inchi chabunduranga mwea uma wabe karumbu na mutwitwi. Ekifwasi ncho chakianga chatuka, hiha-hiha emwea ngo wabucha ieba. Ebea bashishara nguru.

50 Hiha-hiha uma mubo wakera ekote kw’ekwabume kw’ekahungu k’emukwakare w’ebakuhani. 51 Ina Yesu weba mbu: «Koko, burombo!» Watinge mu kote kw’emwea o n’imuramya.

24 Ebanafunsi ba Yohana barekia bamakuruka kuri we, Yesu wabucha iture ebikembe by’ebea emyasi yeba kuri Yohana mbu: «Mbeni mwendanga mu bweru kasunga ko nki? Mbeni eriseke indi rabesenga rirubyiwange n’eriuhu? Anga! 25 Mwendanga kasunga ko inki ke? Mbeni mwea ingu wambara nchangi yahunda? Anga! Ebambarangǎ nchangi sa busi bwasuma na bari mu muanoano, barikanga mu manumba ebwami. 26 Mbeni mwendanga kasunga nki ke? Mutahwa? Ae, nibwirengi banu mbu iwe wabesenga nti mukwakare irenga emutahwa. 27 Yohana ngo nge washembwa mu Mitiro Yashurukara mbu:

‹Rukira! Natuma entumwa yani ikusondori,

kongo yatunganya ense yasetere mo ǒngo!›»*

28 Nibwirengi mbu: «Mu bea mbi barikire mu chuo, kusira mukwakare warenga Yohana. Ina kinsi ingu mwanunke mu Bwami bwa Ongo, iwe nge mukwakare imurenga.» 29 Ebea bati mbi barukiranga Yohana, n’ebakongori b’ehoro hotu basimira mbu Ongo nge waombokara, na Yohana warubika bo. 30 Ina eBafarisayo n’ebahani b’eMyomba ibo bitinire ebisondange Ongo kuri bo. Bushwa nancho, batina mbu batarubikwi na Yohana.