1 Mu mwaka w'erikumi n'isanu w'ebwami bwa Tiberio mubake wa ku Roma, ebakoranga nae nge bano: Ponso Pirato nti nge wasimanire echuo cha ku Yundea, na Herote nti nge wasimanire ku Ngariraya, na musike wabo Firipo nti wasimanire echuo cha ku Iturea na cha ku Tarakoniti. Risania nae ntwasimanire echuo cha ku Abirene. 2 Anasi bana Kayafa nabo babesenga nti nge bakuhani bakiri. Mu matu ngo, Ongo waninka Yohana musike wa Sakaria ekinwa chae nti uri munkati n'ebweru. 3 Yohana wetana mu byuo biti bya mwendende erusi Yorondani, nti uhubiringi eMwasi Wakonda. Were ebea mbu: «Mubunduke kongo mureke esansambi sinu, murubikwe, na Ongo wasebusasira.»Yohana uhubiringi ebea 4 Ngebumbo, ebinwa byabererera ebyaandikanga mutahwa Isaya mu kitabo chae mbu:

«Murenge wa mwea ukuange mu bweru mbu:

‹Mutunganyanye ense ya Nyere Kuritu, muombore ekusetayo we!

5 Kira mpuku isebumbirwa.

Kira ntata na kira ou biserengechiwa.

Esanse saomba-omba siseomborwayo,

n'esanse s'ebiribu sisebumbirwayo.

6 Kira mwea wasungi imbu bukianga Ongo washukaya.›»

7 Nampo bea bingi beyerenga Yohana warubike bo. Nae were bo mbu: «Banu muri buri nsoka! Banu muhakange mbu mumakocha ibeka ebusubuke bwa Ongo imbu bweyange? 8 Kai mwendi mushea mu mikorere mbu mumabunduka mwireke esansambi sinu. Kiro mwendi mwitata ho mbu Iburahimu nge titanku winu. Nibwirengi mbu Ongo wamukocha ibundura emakoi ano abesi bana ba Iburahimu! 9 N'enompena, emwanda ngie uri hitina n'emiti. Kira muti ingu ntwabuta byuma byakonda usekerwa n'itawa munkati n'ekasha.»

10 Ngerikia ke ebea bamushisha mbu: «Tukie ke buni?» 11 Nae wasako bo mbu: «Kinsi ngu uri na nchangi sibi waninkane nima kuri ingu usira kikai, nangu uri na bio nae wakie hotu bubo.» 12 Batuanyi ba horo nabo bamweyere hotu kongo warubika bo. Bamushisha mbu: «eMuhani, tukie buni?» 13 Na Yohana mbu: «Kiro mwendi banu mutarikange bimpe hiyo nambi byakongwa mu mituro.»

14 Ebasura nabo bamushisha mbu: «Na bate tukie buni?» Nae wasako bo mbu: «Kiro mwendi muronja bukongobanya mu mwea uti-uti abe imuhambike kinwa, ina mwendi mumoere ebihembo byinu.»

15 Ebea babesenga barindirengi erieya ra Kirisitu, n'ebati baanikira mbu kuti ke Yohana nge iwe. 16 Nampo, Yohana were bo mbu: «Ani naburubika mu mecha, ina ingu weyange kuruma nani uri na maa inirenga. Kasa nani ntínakomenwa iobora n'emirí y'ebirato byae. Iwe useburubika mu Mutima Washurukara na mu kasha. 17 Watinge rweri mu mine yae mwifufura engano. Usekumanyanya engano n'iranga yo mu mwiso wae, ina waseshika ebifufuru mu kasha inki katarimanga.»

18 Yohana wabesenga uturengi ebea mbo eMwasi Wakonda n'ininka bo mahano mingi. 19 Emubake Herote wabinga Herotia mukari wa Firipo musikyabo. Wákora hotu bimpe bibí bingi. Bushwa nambyo, Yohana wamufine. 20 Ina Herote watarika tu kimpe kibi mwitaa Yohana mu mwiyororo.

21 Ebea bati mbo barekia bamarubikwa, Yesu nae warubikwa. Warekia uhemange, embingu yoboka, 22 eMutima Washurukara wahite hiyo nae kimubi buri pisho. Na murenge warukirwa ituka mu mbingu weba mbu: «Ǒngo nge musike wani kitwana chani, nakushima nguru.»Yohana warubika Yesu

23 Yesu warekia wabucha emurimo wae, wabesenga nti uri na myaka buna makumi ashatu. Ebea babesenga bahakange mbu Yesu musike wa Yosefu.

Yosefu wabesenga nti musike wa Heri,

24 na Heri wabesenga nti musike wa Matati,

na Matati wabesenga nti musike wa Rawi,

na Rawi wabesenga nti musike wa Mereki,

na Mereki wabesenga nti musike wa Yana,

na Yana wabesenga nti musike wa Yosefu.

25 Na Yosefu wabesenga nti musike wa Matatia,

na Matatia wabesenga nti musike wa Amosi,

na Amosi wabesenga nti musike wa Nahumu,

na Nahumu wabesenga nti musike wa Esiri,

na Esiri wabesenga nti musike wa Nake,

26 na Nake wabesenga nti musike wa Mati,

na Mati wabesenga nti musike wa Matatia

na Matatia wabesenga nti musike wa Simei,

na Simei wabesenga nti musike wa Yoseki

na Yoseki wabesenga nti musike wa Yota.

27 Na Yota wabesenga nti musike wa Yoanani,

na Yoanani wabesenga nti musike wa Resa,

na Resa wabesenga nti musike wa Serubaberi,

na Serubaberi wabesenga nti musike wa Saratieri,

na Saratieri wabesenga nti musike wa Neri,

na Neri wabesenga nti

28 musike wa Mereki,

na Mereki wabesenga nti musike wa Ati,

na Ati wabesenga nti musike wa Kosamu,

na Kosamu wabesenga nti musike wa Erimatamu,

na Erimatamu wabesenga nti musike wa Eri.

29 Na Eri wabesenga nti musike wa Yeshua,

na Yeshua wabesenga nti musike wa Erieseri,

na Erieseri wabesenga nti musike wa Yorimu,

na Yorimu wabesenga nti musike wa Matati,

na Matati wabesenga nti musike wa Rawi.

30 Na Rawi wabesenga nti musike wa Simioni,

na Simioni wabesenga nti musike wa Yuta,

na Yuta wabesenga nti musike wa Yosefu,

na Yosefu wabesenga nti musike wa Yonamu,

na Yonamu wabesenga nti musike wa Eriakimu.

31 Na Eriakimu wabesenga nti musike wa Merea

na Merea wabesenga nti musike wa Mena,

na Mena wabesenga nti musike wa Matata,

na Matata wabesenga nti musike wa Natani,

na Natani wabesenga nti musike wa Ndauti.

32 Na Ndauti wabesenga nti musike wa Yese

na Yese wabesenga nti musike wa Obeti,

na Obeti wabesenga nti musike wa Buasi,

na Buasi wabesenga nti musike wa Sarumoni,

na Sarumoni wabesenga nti musike wa Nasoni.

33 Na Nasoni wabesenga nti musike wa Aminatabu

na Aminatabu wabesenga nti musike wa Atimini,

na Atimini wabesenga nti musike wa Ramu,

na Ramu wabesenga nti musike wa Esironi,

na Esironi wabesenga nti musike wa Peresi,

na Peresi wabesenga nti musike wa Yuta.

34 Na Yuta wabesenga nti musike wa Yakobo

na Yakobo wabesenga nti musike wa Isake,

na Isake wabesenga nti musike wa Iburahimu

na Iburahimu wabesenga nti musike wa Tera

na Tera wabesenga nti musike wa Nahori.

35 Na Nahori wabesenga nti musike wa Serungu,

Serungu wabesenga nti musike wa Reu

na Reu wabesenga nti musike wa Perengi,

na Perengi wabesenga nti musike wa Eberi,

na Eberi wabesenga nti musike wa Sera, na Sera wabesenga

36 nti musike wa Kainama,

na Kainama wabesenga nti musike wa Aripakisati,

na Aripakisati wabesenga nti musike wa Semu,

na Semu wabesenga nti musike wa Noa,

na Noa wabesenga nti musike wa Rameke.

37 Na Rameke wabesenga nti musike wa Metusera,

na Metusera wabesenga nti musike wa Enoke

na Enoke wabesenga nti musike wa Yareti,

na Yareti wabesenga nti musike wa Mahareri,

na Mahareri wabesenga nti musike wa Kainama.

38 Na Kainama wabesenga nti musike wa Enosi,

na Enosi wabesenga nti musike wa Seti,

na Seti wabesenga nti musike wa Andamu,

na Andamu wabumbwanga na Ongo.