Milagres de Jesus
Os Evangelhos registram dezenas de milagres realizados por Jesus — curas, ressurreições, domínio sobre a natureza e libertações. Cada milagre revelava sua divindade e compaixão.
Curas de cegos e surdos
Jesus devolveu a visão aos cegos e a audição aos surdos, manifestando seu poder sobre toda enfermidade e deficiência.
दोन अन्धरागिन ला साजरो करनो
जबा यीसु उता लक पुढ़ा बढ़यो, ता दुई अँधरा ओको मंघा असा हाकलत हुया आइन, "ओ राजा दाऊद की संतान, आमरो पर रहम कर!"
जबा उ घर मा गयो, ता वय अँधरा ओको जवर आइन, अना यीसु ना उनको लक कहीस," का तुमला भरोसा से? का मि असो कर सकासु?"
उनना कहिन का, "हव पिरभु।"
तबा ओना ओको डोरा ला छीवके कहीस, "तुमरो को भरोसा लक, तुमरो लाय होय जाय।" अना उनका डोरा खुल गईन, अना यीसु ना उन ला चिता के कहीस, "सतरक रव्हने, कोनी एना बात ला नोको जाने।"
पर उनना हिटके सप्पा देस मा साजरा बारता यस फैला देईन।
दुई अँधरा ला साजरो करनो
जबा वय यरीहो नगर लक हिटत होतीन, ता एक मोठी भीड़ ओको मंघा भयी गयीन। अना दुई अँधरा रास्ता को किनार मा बसया होतीन। असो आयक के का यीसु जाय रहीसे, हाकलके कव्हन लगीन "हे पिरभु दाऊद की सँतान हमरो पर रहम कर।"
लोक गीन उनला डटकार के कहिन "उगो-मूगो रव्हो।" पर वय अखीन चिल्लाय के कहिन, "हे पिरभु दाऊद को सन्तान हमरो पर रहम कर।"
तबा यीसु ना उभो होयके, हाकलके कहीस, "तुमी का चाव्हासेव, मी तुमरो लाय काजक करू?"
उनना ओको लक कहिन, "हे पिरभु आमरो डोरा उघड जाय।"
यीसु ना तरस खायके उनको डोरा ला छुईस अना वय देखन लगीन, अना ओको मंघा होय गईन।
बैतसैदा मे एक अँधरा ला साजरा करनो
वय बैतसैदा गांव मा आइन। तबा लोकगीन एक अँधरा ला ओको जवर आनीन अना ओको लक बिनती करके कव्हन लगीन एला साजरो कर। अना यीसु ना अँधरा ला हात धरके गाँव को बाहेर ले गयो, अना ओना ओको डोरा मा लगावन साठी थुकीस, अना ओदो हात करके आपरो हात वोको डोरा मा राखके वोला पुसिस का "तोला काही चोवसे?"
डोरा उचलके ओना कहीस की "मि लोकगीन ला झाड़ जसो चलतो चोवसू।"
मंग दुबारा ओना अँधरा को डोरा मा हात राखीस तबा ओला साजरो-साजरो चोवन लगयो। यीसु ना ओला यो साँगके धाडीस, "मंग यो गाँव मा दुबारा पाय नोको राखजोस। पर आपरो घर जाय।"
यीसु ना बेहरा अना गुंगो मानूस ला साजरो करयो
मंग सुर सैदा को देस लक हिटके, दिकापुलिस मजे दहा नगर लक होतो, गलील को सागर कठा पहुचयो। अना लोकगीन एक बावरो ला जो हकलात होतो, ओको जवर आनीन अना बिनती करीन की ओको पर हात राख तबा वा बावरो ला भीड़ कन लक अलग ले गयो, अना आपरो बोट ला ओको कान मा डाकीस अना थुक के ओकी जुबान ला छुईस अना सरग कना देखके ओना पोट भर सांस लेके कहीस, "इप्फत्तह" मजे "उघड जाय।"
अना ओको कान उघड़ गईन अना जुबान को बंधन भी उघड़ गई मंग उ सप्पा-सप्पा बोलन लगयो। तबा ओना उनला कहीस, यो गोस्टी को कोनी ला परचार नोको सांगने, पर मना करनो पर वय अखीन ओको बारे मा सांगन लगीन, अना वय लगत चकित भयके कव्हत होतीन, "वोना जोन काही भी करीसेस, साजरोसे। उ मुक्कोपन ला बोलन अना भैरागीन ला आयकन को ताकत देसे।"
अँधरा बरतिमाई ला डोरा देवनो
यीसु अना ओको चेला यरीहो लक होयके जाय रही होतीन, तिमाई को टूरा बरतिमाई एक अँधरा भिखारी होतो, अना सड़क को कगर मा बसयो होतो। जबा ओना आयकीस, की उ नासरत वालो यीसु से, जोन जावासे, ता हाकल के कव्हन लगयो, "हे यीसु नासरी दाऊद को सन्तान! मोरो पर दया कर!"
लगत लोक ओला डटकारन लगीन की चुप रव्ह, पर उ अखीन जोर-जोर लक हाकलन लगयो, "हे दाऊद को सन्तान मोरो पर दया कर।"
यीसु रुकयो अना कहीस, "ओला बुलाव," लोकइन ना ओला बुलाइन
अना कहीन की "हिम्मत राख, उभो होय! उ तोला हाकलासे"
उ आपरी चद्दर फेकके उछल पड़यो, अना यीसु जवर आयो।
यीसु ना ओको लक पुसिस की "का चाव्हसेस मि तोरो लाई करु?"
अँधरा ना जवाब देइस की "गुरुजी मि चोवन चाव्हुसु।"
यीसु ना कव्हयो "जा तोरो भरोसा ना तोला साजरो करीसेस,"
अना उ चोवन लग्यो अना यीसु को मँघा भय गयो।
अँधरा ला डोरा देवनो।
जब यीसु येरीयो नगर को कठा पहुचयो, वहान एक अँधरा रास्ता को कीनार मा बसके, भीख माँग रहयो होतो। वोना भीड़ भाड़ जावन को आवाज आयकीस, अखीन पुसो "यो काजक होवासे"?
तबा लोकगीन वोला सांगिन "यीसु नासरी जाय रहि सेस।"
तबा उ जोर लक हाकलन लग्यो, "ओ यीसु दाऊद को खानदान मोरो पर दया कर!"
तबा पूढा चलन वालो लोग गीन, ना चुप्प होवन काजी डाटन लगीन, पर उ अखीन जोर लक, वसोच हाकलीस। "ओ दाऊद को औलाद, मोरो पर दया कर।"
यीसु थम गयो अखीन वोला वोको कठा, लावन को हुकूम दियो जबा उ जवर आयो, तबा यीसु ना पुछयो "तु काजक चाव्हासे, मी तोरो लाय काजक करु"?
वोना जवाब दियो मालीक मी चोवन चाव्हासू।
यीसु कव्हसे," तो चोव, तोरो भरोसा ना तोला साजरो करीसेस।"
वोच बेरा उ चोवन लग्यो, अखीन उ परमेस्वर को स्तुती बड़ाई करन लग्यो अखीन यीसु को, मघा जावन लग्यो सारी जनता यो चोवके, ना परमेस्वर को स्तूती करन लगीन।
जन्म को अँधरा ला साजरो करनो
मंग जातो बेरा ओना एक मानूस ला चोवीस, जोन जनम लक अँधरा होतो। एतरो पर यीसु को चेलाहुन ना ओको लक पुसिन, "हे गुरू कोन ना पाप करीसेस, की यो अँधरा जनम लेइसे, यो मानूस ना, का ओको माय-अजी ना?"
यीसु ना जवाब देइस, "ना तो ओना पाप करीसेस, ना ओको माय-अजी ना, पर यो एकोलाय अँधरो भयो की परमेस्वर को काम दिसायो जाहे। जोन मोला धाडिसेस आमीला ओको काम दिवस मा करनो से अना उ रात आनो पर से, जोनमा कोनी काम नही कर सका। जबा तकन मि दुनिया मा सेउ, तबा तकन दुनियाँ को उजाड़ो सेव।"
असो कव्हके ओना धरती मा थुकीस, अना वा थुक लक माटी ला सानिस अना उ माटी ला अँधरा को डोरा मा लगायके रगड़ देइस। अना ओला कहीस "जाय सीलोह को कुन्ड मा धोय ले! मंग अँधरा ना जायके डोरा ला धोय लेइस, जबा उ मंघा वापिस भयो ता ओला चोवन लगयो।"
Curas de paralíticos e enfermos
Paralíticos caminharam, leprosos ficaram limpos e todo tipo de doença foi curada pelo toque e pela palavra de Jesus.
अना एक कोढ़ी ना जवर आयके ओला हात जोड़ के नमस्कार करीस अना कहीस, "ओ पिरभु! अदी तु चाव्हासेत, ता मोला साजरो कर दे"।
एतरो पर यीसु ना अपरो। हात बढायके ओला छीइस, अना कहीस, "मि चाव्हुसु! तु साजरो भई जाय", अना उ गदने कोढ लक साजरा भय गयो। यीसु ना ओला कहीस, ?"कोनी लक नोको कव्हजोस! पर मंदिर मा जायके आपरो आप ला याजक ला दिखावजोस, अना जसो पवीतर गिरंथ मा भेट चढावा मोसे भविस्यवक्ता ना तय करीसेस ओला चढावजोस, एको लाई की लोकगीन पर पूरुप मजे गवाही भई जाहेती।"
अना देखिन का लकवा वारा, ला खाट पर धरके ओको कठा आनीन। यीसु ना उनको बिस्वास देखके, लकवा को रोगी ला कहीस, "अरे टूरा हिम्मत राख! तोरो पाप छिमा भईन। "
एको पर कई मोसे को नियम को गुरू ना सोचिन का "यो तो परमेस्वर की निन्दा करासे।"
यीसु ना उनको मन की गोस्टी ला जानके कहीस, "तुमी आपरो-आपरो मन मा बुरो बिचार कायलाई करासेव।" "सरल का से? यो कव्हनो का तोरो पाप छिमा भईन, अना यो कव्हना का उभो होय, अना चल फिर।" पर एकोलाय तुमी जान लेव, का "मानूस को टूरा" ला धरती पर पाप छिमा करन को, अधिकार से, तबा ओना लकवा को रोगी ला कहीस, "उभो होय! अना आपरी खाट ला उठाव, आपरो घर जाय।"
उ लकवा को रोगी उभो होयके, आपरो घर चली गयो।
उता एक मानूस होतो जेनको हात सूक गयो होत्यो उनना यीसु पर दोस लगावन लाई पुसिन, "काय मोसे को नियम लक पवीतर दिवस मा बिमार ला साजरो करनो खरोसे?" उनना यीसु ला यो काजी पुसियो होतिन, का वय वोला दोसी साबीत करे।
वोना उनला सांगिस "तुमरो मा असो कोन सेत? जोनको, एकच मेढा होय, अना वा बिसराम को दिवस मा खोदरा, मा पड़ जाय, मंग तुम्ही वोला धरके बहार नही कहाड़ेत? अता तुमच मोला सांगो, मानूस मेढा लक कितरो किमती से? एकोलाय पवीतर दिवस, मा मोसे को नियम लक भला करनो साजरो से।" तबा यीसु ना उ मानूस ला कव्हयो,
"आपरो हात बढा" वोना आपरो हात बढाईस अना वा हात भी दुसरो, हात जसो भई गयो।
समौन की सासु बीमारी लक खाट मा लेटी होती एकोलाय वोको बारे मा यीसु ला सांगिन। तबा ओना जवर जायके ओको हात धर के ओला उचलीस अना ओको बुखार उतर गयो अना वा वोकी सेवा करन लगि।
कोढ को रोगी ला साजरो करनो
एको मंघा एक कोढी यीसु कठा आयके ओको लक बिनती करन लगयो अना ओको पुढा टोघरा टेकके कव्हयो! "यदि तु चाव्हसेस तो मोला साजरो कर सकसेस।"
ओना ओको पर दया करके हात बड़ाइस, अना ओला छुयके कहीस "मि चाव्हसू की तु साजरो होय जाय।" अना ओको कोढ सजरो भय गयो अना उ साजरो भय गयो।
अना चार मानूस एक लकवा को मारयो हुयो ला, ओको कठा आनीन। पर जबा वय जमघट को कारन ओको जवर नही पहुच सकीन, ता जोन छपरी मा यीसु होतो वोको सड्डन ला उघाड देईन। अना जोन खाट मा लकवा को मारयो हुवो होतो वोला वय उतार देईन। यीसु ना उनको भरोसा देखिस अना उ लकवा को मारो हुयो ला कहीस "ओ टूरा, तोरो पाप छिमा भईन।"
वहान पर काही मोसे को नियम को गुरू जी गीन उता बसी होतिन वय आपरो-आपरो मन मा सोचन लगीन। की "यो मानूस असो काय लाई कव्हसे? यो ता परमेस्वर की निन्दा करासे। परमेस्वर ला सोड़ कोनी पाप ला छिमा कर सकासे"
गदने यीसु ना आपरो आतमा मा जान लेइस, वय आपरो मन मा असो विचार कर रही सेत, एकोलाय यीसु न कहीस "तुमी असी गोस्टी कायला सोचासेव" का वोको लक यो कव्हनो खरोसे का, तोरो पाप छिमा भयो, या का यो कव्हनो, ज्यादा सरल से? "का अपरी खाट उचल" अना चल ? पर जेनको लक तुम जान लेव की "मी मानूस को टूरा ला धरती पर पाप छिमा करन को भी हक से।" ओना ओनो लकवा को रोगी लक कहीस, "मि तोला कहुँसू की उठ, आपरी खाट उचल अना आपरो घर ला जाय।"
उ गदने उठयो अना आपरी खाट ला उठायके, सबको पुढा लक हिटके चलो गयो, एतरो पर सबच अचंभा करन लगीन अना परमेस्वर को बड़ाई करता हुया, यो कव्हन लगीन "की आमी ना असो कभी नही चोयो।"
यीसु ना सुको हात वालो मानूस ला चंगो करनो
मंग जबा यीसु पिराथना घर मा गयो अना उता एक मानूस होतो जेनको हात सुकयो होतो। धरम गुरू ओला दोस लगावन लाई ओको दाव देखत होतीन की देखबिन, उ बिसराम को दिवस मा ओला साजरो करेत का नही। ओना सुक्को हातवालो मानूस ला कहीस "बीच मा उभो होय।"
अना उन लक कव्हसे "का मोसे को नियम लक बिसराम दिवस साजरो करन लाई नही से? का जान ला बचावन लाई नही से" तबा वय चुपई भई गईन। यीसु ना फरिसी को कड़ो मन ला चोयके उदास भय गयो, अना हिजड़ के चारो कन चोयीस अखीन ओनो मानूस ला कहीस "आपरो हात बढाव।" ओना बढाईस, अखीन ओको हात साजरो भई गयो।
कोढ को रोगी ला साजरो करनो
जबा उ कोनी नगर मा गयो होत्यो, ता वहान एक कोढी मानूस आयो। अना यीसु को पायमा, तोन्ड को बल पड़के ना बिनती करन लगयो, "हे पिरभू! यदि तु चाव्हजोस, ता मोला साजरो कर सकासेस।"
वोना हात छिवके कहीस, "मी चाव्हसू, तू साजरो भय जास, वोच बेरा वोको कोढ साजरो भय गयो।"
वोच बेरा काही लोग गीन खाट मा एक लकवा को रोगि ला आनीन। वय वोला भीतर ली जायके, यीसु को पूढा राखन चाव्हत होतिन। पर गरदी को कारन लक, वोला भीतर नही आन सकिन, ता वय सपरी मा चघ गईन। अना सड्डन कापके, रोगिला जहान यीसु बस्यो होतो, वहान पूढा मा खाट ला, खाल्या उतार देइन। उनको भरोसा ला चोवके, यीसु कव्हयो, "जा भाऊ, तोरो पाप छिमा भय गयो।"
एको पर मोसे को नियम को गुरू लेखक, अना पुरोहित एक दुसरो ला, जवाब करन लगीन। का" यो परमेस्वर को निन्दा करन वारा कोन से? परमेस्वर को सिवाय कोन, पाप छिमा कर सकासे?"
उनको यो जवाब जान के यीसु ना उनला जवाब दियो। "तुमारो मन मा यो जवाब काहे, उभो रहयो से?" "सबा लक सरल का से? यो कव्हनो तोरो पाप छिमा भय गयो। का उठ चल? पर एकोलाय का तुमला मालूम भई जाये, का मानूस को टूरा ला, धरती मा पाप छिमा करन को अधिकार से। "तबा उ लकवा को रोगी ला कहीस, "उभो होयके आपरी खाट उचल, अना घर जाय।"
वोनोच बेरा उ सबको पूढा उभो भयो, अना जोन खाट मा उ झोपयो होतो, वोला उचल के परमेस्वर को बड़ाई करत-करत आपरो घर चली गयो।
सुकयो हात वालो ला साजरो करनो
एक बेरा यीसु, पवीतर दिवस सभाघर मा जायके, सिक्सा देवन लगयो। अना वहान एक मानूस होतो, जेनको उज्जो हात सूकयो होतो। मोसे को नियम को गुरू आना धरमगुरू, एना गोस्टी को तक्का मा होतीन, की अदी यीसु पवीतर दिवस मा साजरो करासे, ता वय ओको पर दोस लगाय सकसेत। यीसु उनको मन को विचार जानत होतो, एको लाय वोना सुक्को हातवालो मानूस ला कहीस, "बीच मा उभो होय जाय! "तब उ उठ के उभो भय गयो। यीसु ना उनला कव्हयो, "मि तुमी लक पुससू मोसे को नियम लक पवीतर दिवस मा भलो करनो साजरो से का खोटो से? जान बचानो या जान ला लेवनो?" तबा वोना इता-उता सबला चोवीस, अना मानूस लक कहीस, "अपरो हात बढ़ाव, वोना वसोच करीस अखीन वोको हात जसो को तसोच साजरो भई गयो।"
सुबेदार को भरोसा
जबा उ लोग गीन ला, गजब सी गोस्टी सांग चुकयो तबा कफरनहुम नगर मा आयो। वहान एक सूबेदार को, एक नौकर बिमारी लक, मरन वालो होतो। सुबेदार वोला गजब चाव्हत होत्यो। यीसु की गोस्टी ला आयक के, सुबेदार यहूदिगीन आपरा सयानो गीनला, अना कई नावी मानूस, ला यीसु को जवर, बिनती करन धाड़िन, का जायके वोको नौकर ला बचाय लेय। गुरू गीन यीसु को कठा आइन, अखीन बिनती करके कव्हन लगीन। "उ सूबेदार यो काबील सेत, का वोको नौकर ला, तू साजरो कर दे। काहे का, यो सभाघर ला वोच ना बनवाइसेस। अना उ आमरो लोक गीन लक माया राखासे।"
यीसु उनको, संग-संग गयो, वय वोको, घर को, कठा पहुचयो होतिन, सुबेदार ना आपरो संगी गीनको जवर, यीसु को लाय यो खबर धाडीस। "पिरभू दुख नोको उठावस, काहेकी, मी यो काबिल नही सेव, का तुमी मोरो छत मा आव। एको काजी मी तोरो कठा नही आईसेव, पर तू वहाँच लक हुकूम दे, अना मोरो दास साजरो भय जाहेत। मी खुदच सरकारी अधिकारी सेव। अना सिपाई मोरो हात को खाल्या सेत, अना जबा मी, एक ला कव्हसू, तु जाय, तो उ जासे अना दूसरो ला कव्हासू तू आव तो उ आवासे। अखीन अपरो दास ला कव्हासू का तु यो कर त उ करासे।"
यो आयक के यीसु ला अचंभा भयो, वोना आपरो मंघा आवन वालो ला कव्हयो, "असो भरोसा ठेवन वालो मी, इसरायल लोक मा नही चोवीसेव।"
अना खबरिया, जबा घर मा आइन, तबा उ दास सजरो भय गयो होतो।
वहान एक बाई होती जोन ला 18 साल लक, एक कमजोर करन वालो, बुरो आतमा झोमो होत्यो वा वोअन केना, कुबड़ी भई गई होती। वा कसी, भी सीधी नही होय सकत होती। यीसु ना वोला चोवके, ना बुलायो अखीन वोला कहीस, "हे बाई तु साजरी भई गइसेस।" अखीन वोना वोको, पर हात रख्यो, उ वोच बेरा साजरो भई गई अखीन, परमेस्वर ला धन्यवाद बड़ाई देवन लगी।
फरीसी को घरमा यीसु
यीसु पवीतर दिवस मा कोनी, मोसे को नियम को गुरू को यहान जेवनार मा गयो होतो, लोग वोला फसावन को ताक मा होतिन। यीसु को पुढा एक जलोदर को रोगी आयो। यीसु ना मोसे को नियम को गुरू गीन ला पुसिस, "का मोसे को नियम लक पवीतर दिवस मा कोनी रोगीला साजरो करनो खरो काम सेत का खोटो काम सेत?"
तबा वोना ऊगा-मूगा रह गईन, तबा यीसु ना उ रोगि ला हात धरके ना साजरो कर देइस, अना वोला बिदाई दे देइस।
दहा कोढी गिनला साजरो करनो
यीसु येरुसलेम नगर जावत-जावत सामरिया अना गलील, परदेस को सिवमेढो मा लक होय कना, जाय रहिया होतिन। कोनी गाँव मा धसीन, ता उन ला दहा कोढी मिलिन वय गाँव को सिव मेढो पर उभा होतिन। वय उच्चो आवाज मा कहिन, का "यीसु हमरो पर दया कर!"
यीसु ना उनला चोवके उनला कहीस, जावो!
"अना अपरो आप ला याजक ला देखाव" जबा वय जाय रहया होतीन, त रास्ता मा च साजरा भय गईन। तबा वोमा लक एक असो चोय केना, का मी सजरो भय गयो कहेकर उच्चो आवाज लक, परमेस्वर को पिराथना बड़ाई करत, लवट गयो। उ यीसु ला धन्यवाद देता-देता वोको पाय पर टोन्ड को बल पड़ गयो, अना उ सामरी होतो। एको मघा यीसु ना सांग्यो, "का दहा साजरो नही भयो, तो मंग नउ कहान सेत? अखीन ऐना परदेसी ला छोड़ केना, असो कोनी नई हिटयो जेव लवट केना, परमेस्वर की बड़ाई करतो?" तबा यीसु न वोको लक कहीस, "का उभो होय जाय काहेका, तोरो भरोसा ना तोला साजरो करीसेस।"
अड़तीस साल को रोगी ला साजरो करनो
एको काही रोज बाद मा यीसु यहूदी लोकहुन को एक तिहार बेरा मा यरुसलेम तीरथ ला गयो। यरुसलेम मा भेड़ बेसकुड़ को जवर एक कुन्ड से, इब्रानी भासा मा येला बेतहसेदा कह्यो जासे। एको जवर पाँच छप्पर बनयो सेत। वोमा लगत सा बीमार अँधरा, लँगडा, अना लकवा वालो पड़या रहोत होतिन। वय पानी ला हिलन की रास्ता चोवत होतीन। काहे का पिरभू को सरग दुत बेरा-बेरा मा कुन्ड मा उतरके पानी ला हिलावत होतीन। पानी हिलन को बेरा जोन मानूस पहेले कुन्ड मा उतरत होतो, चाहे उ कोनी भी रोग लक होयहेत, उ साजरो भय जात होतो। उता कन एक मानूस होतो जोन अड़तीस बरस लक बीमार होतो। जबा यीसु ना वोला वहान लेटो चोयीस अना यो जानके का उ एतरो लम्बो बेरा लक रोगी से ता यीसु ओला कव्हासे, "का तू साजरो होवनो चाव्हासे?"
बीमार ना कहीस, "पिरभू! मोरो कोनी नाहात, की जोन पानी हिलन को बेरा मोला कुन्ड मा उतारहेत। मोरो उतरनो को पुढ़ा च, कोनी दुसरो मोरो लक पयले उतर जासे।"
यीसु ना वोला कहीस," उभो होय! आपरो दरी ला उचल अना हिंड।"
गदने उ मानूस चाँगलो भय गयो, अना आपरो दरी ला उचलके हिंडन लगयो।
राजा को करमचारी को टूरा ला साजरो करनो
यीसु मंग गलील छेतर को काना नगर मा आयो, जिता वोने पानी ला अंगूर को रस बनायी होतीस। उता एक करमचारी होतो, जोन कफरनहुम नगर को रव्होन वालो होतो, वोको टूरा बीमार होतो। जबा उ करमचारी ना कव्हयो, का यीसु यहुदिया छेतर लक गलील छेतर मा आइसे, तब उ वोको जवर आयो। अना ओको लक पिराथना करासे का, उ चलके वोको टूरा ला साजरो कर दे, काहेका वा मरनो पर होतो। यीसु ना वोला कहीस, "का तुमी निसान अना चमतकार ला चोयके मोरो पर भरोसा करोसो।"
यो गोस्टी पर करमचारी ना ओको लक कहीस, "पिरभू किरपा कर अना मोरो टूरा को मरन को पुढा चल।"
यीसु ना वोला कहीस, "जाय तोरो टूरा जित्तो से,"
उ वोको कव्हन पर भरोसा करके चलो गयो।
उ रास्ता पर जाय रहयो होतो, एतरो मा वोको दास गीन आयके वोला कव्हन लगीन, की "तोरो टूरा जित्तो से।"
वोना उन ला पुसयो, का "उ कोन सो बेरा मा साजरो भयो।" उनना वोला कहिन, "काल दिवस को एक बजे वोको बुखार ठीक भयो।" तबा उ समज गयो का ठीक वोच बेरा यीसु ना कहीस होतो, "का जाय तोरो टूरा जित्तो से।" अना वोने आपरो सप्पा घर सकट भरोसा करन लगयो।
यो यीसु को दुसरो निसान होतो। जो वोने यहुदिया छेतर लक आयके गलील छेतर मा दिसाईस।
A mulher com fluxo de sangue
Uma mulher que sofria há doze anos tocou a orla do manto de Jesus e foi curada instantaneamente pela sua fé.
एक बायको जोनको बारा बरस लक लाल धोवा जान की बीमारी होती। मंघा लक आयके ओको कपरा को कगर सेव ला छीव लेईस। काहे का वा आपरो मन मा कव्हत होती। "अदी मि ओको कपरा ला छी लेहुँ ता साजरी भयी जाहुँ।"
यीसु ना मुरकके, ओला देखिस अना कहीस, "अवो टूरी हिम्मत राख, तोरो बिस्वास ना तोला साजरो करीसेस।" अता वा बायको ओनो बेरा मा साजरो भयी गई।
अना एक बायको जोनको बारा बरस लक लाल धोवा जावत होती। अना जेना बइद गीन लक लगत दुख उचलीस होतीस, अना आपरो सब काही खरच डाकिस पर काही फायदा नही मिलयो होतो, पर अखीन रोग बढ गयो होतो। यीसु को चरचा आयक के भीड़ मा लक ओको मंघा आई अना कपरा को पल्लु ला छिवलेइस। काहेकि उ कव्हत होती "अदी मि ओको कपरा को पल्लु ला च छिव लेहु तो साजरी भई जाहु।"
अना गदने ओको रकत बहनो बंद भई गयो। अना ओना आपरो देह मा जान लेइस, की मि ओना बीमारी लक साजरी भई गई सेव।
एक बायको बारा बरस लक लाल धोवा को बीमारी लक, परेसान होती, वा साजरो होवन को लायक भी नहोती। वा आपरो सबा धन, बैद को जवर, इलाज मा लगा देयि होती, पर उ साजरो नही भई। वा आयके ना, कपरा को छोर ला, छिव लेयी, अखीन वोको रकत बहनो, बंद भई गई। तबा यीसु ना कव्हयो, "मोला कोन छिवी से?" सबको मना करन को मघा, पतरस ना कव्हयो,
"गुरूजी, तुम्ही भीड़ लक घिरोसव, अखीन भीड़ तोरो पर पड़ासे।"
यीसु ना कव्हयो, "कोनी ना जरुर मोला छिवी सेस, काहे का मी ना समज गई सेव, का मोरो लक, साजरो होवन वालो ताकत हिटी से।" तबा वा बायको ना चोयी, का मी लुक नही सकसू, तबा थरथारान लगी, यीसु को पाय पड़के ना, सब लोकगीन को पूढा सांगन लगी, का काहे छिवीसेव, अखीन उ कसो साजरो भई गई। यीसु ना वोला कव्हयो "बेटी, तोरो भरोसा ना तोला साजरो करीसेस। तू सान्ती लक घर जाय।"
Ressurreições
Jesus ressuscitou mortos — a filha de Jairo, o filho da viúva de Naim e Lázaro. Ele é Senhor sobre a morte.
मरी टूरी अखीन रोगी बायको
यीसु उन लक यो गोस्टी कर रहयो होतो। तबच एक समाज को मुखिया आयके दुई हात जोड़के नमस्कार करीस अना कहीस, "मोरी टूरी मर गई। चलके आपरो हात ला ओको पर राख, ता वा जित्तो भयी जाहे।"
यीसु उभो होयके आपरा चेला गीन को संग मा, ओको मंघा चलन लगीन।
जबा यीसु मुखिया को घर मा पहुचियो। अना बंसरी बजावन वारा अखीन, भीड़ ला हुल्लड़ करतो देखीस। तबा कहीस हट जाओ "टूरी मरी नही पर जप मा से।" एको पर ओकी हसी उडावन लगीन। पर जबा भीड़ हेड़ पर देईन, ता उ भीतर जायके टूरी पर को हात धरीस, अना वा जित्तो भय गई।
अना याईर नाव को सभाघर को मुखिया मा लक एक मानूस आयके, ओको पाय पड़न लगयो। अना ओना यो साँगके बिनती करन लगयो, की "मोरी नहानी टूरी मरन पर से, तु आयके ओको पर हात राखजो ता वा साजरी भई जाय अना जित्तो रव्हे।"
तबा उ सँग गयो अना मोठी भीड़ ओको मंघा भई गई यहान तकन की लोकगीन ओको पर गिरत पड़त होती।
अना सभाघर को मुखिया को घर मा पहुचियो ता ओना लोकगीन मा हलचल चोविस। तबा ओना भीतर जायके भीड़ ला कहीस "तुमी कायला बेचैन सेव, अना रडसो? टूरी मरी नही से पर जपमा से।"
लोकगीन ओकी हसी उडाईन, पर ओना सबला बाहेर हेडके टूरी को माय-बाप अना उनको सँगी ला आन कन भीतर गयो, जिता वा टूरी होती। अना टूरी को हात धरके ओको लक कहीस, "तलीता कुमी।" जेनको लक मतलब से, "हे टूरी मि तोरो लक कव्हसू, उभो होय।"
अना टूरी गदने जाग के चलन फिरन लगीन। अना वा बारा बरस की होती। यो चोवके लोकगीन ला लगत अचंभा भयो।
यीसु ना कव्हयो, "अता मी, यो जुग को लोकगीन ला, कोनी को जसो समझू, यो कोनी को समान सेत? वय वोना टूरागिन को जसो से, जो हाट मा बस्यो एक दुसरो लक हाकलके कव्हासे, अमीना तुमरो लाय बंसरी बजाया, अखीन तुमी नही नाचिसेउ, हमी दुखी भयी सेजन, अखीन तुमी नही रड़ीसेव। योहन बप्तिस्मा देवन वालो कभी जेवन नही जेवो, न कभी दारू पिविस, मंग तुमीना कव्हयो, एको मा बालजबुल से। मानूस को टूरा जेवन करतो अना पिवतो आयो सेत अना तुम्ही कव्हसो चोवो, यो मानूस कसो अघोरी सेत? यो तो, बरगन लेवन वारा पापी गिनको संगी सेत। पर परमेस्वर की अक्कल अपरो सबा परजा को लक खरो दिसाईसेस।"
फरीसी को घरमा पापनी बायको ला छिमा करनो
कोनी मोसे को नियम को गुरू न बिनती करीस," की मोरो संग जेवन कर," तबा धरमगुरू को संग, ठाव मा बस्यो। नगर मा एक पापी बायको होति। वोला पता चलयो, का यीसु मोसे को नियम को गुरू को घर मा जेवन ला बसीसे, वहान वोना एक सीसी मा इतर आनिस।
वोना बेरा सभाघर मा, याईर नाव को एक मुखिया आयो। अखीन यीसु को पाव पड़के, ना बिनती करन लग्यो, का "मोरो घर चल",
काहेका वोकी एकच टूरी होती। वोको, उमर 12 साल होति, व आखीर सांस लेवत होति। यीसु वोको संग जावन लग्यो। रस्ता मा भीड़, यीसु ला, दबान लगीन।
यीसु साँगत होत्यो, तबच उ सभाघर को मुखिया लक एक मानूस आयो। अखीन कव्हयो, "तोरी टूरी मर गई, तु गुरूजी ला सांग दे।"
यो आयक के, यीसु न कव्हयो, "भेव नोको खाय, भरोसा राख, उ साजरो भई जाहेती।"
जब यीसु याईर को घर मा, पहुचयो। तो वोना पतरस योहन अना याकूब, अखीन टूरी को माय-बाबूजी को सीवा कोनी ला भीतर नही, आवन दियो। सब रड़त होतीन, यीसु ना कहेयो "नोको रडो, यो मरी नहाति, पर जप मा से।"
लोकगीन यीसु को मजाक उडावन लगीन, काहेका, सब जानत होतीन। का वा मर गईसे। यीसु ना टूरी को हाथ धरके ना कव्हयो, टूरी उठ ओ। तबा टूरी को जीव लवट के आई गई, अखीन उ जाग के ना बस गई। यीसु न कव्हयो, "एला काही जेवन देव।" वाको माय-बाबूजी चकीत भई गईन। पर यीसु न कव्हयो, "यो चरचा कोनीला नोको सागजोस।"
लाजर को मरनो
एक मानूस को नाव लाजर होतो, उ आपरो बहिन मरियम अना मारथा को संग बैतनिय्याह नगर मा रव्हत होतो, उ बिमार भई गयो। या वाच मरियम से, जेना पिरभू पर इतर डाकके ओको पाय ला चुन्दी लक मलन लगीन। वोको भाऊ लाजर बीमार होतो। एको लाई ओकी बहिन गीनना ओको जवर खबर धाड़िन, "ओ पिरभू, अता चोव, जेनको लक तु माया राखसेस, उ बीमार पड़यो से।"
यो आयक के यीसु ना कहीस, "यो बीमारी मरन लाय नहाय, पर परमेस्वर की महिमा लाय भईसे, जेनालक परमेस्वर को टूरा की महिमा होय।"
यीसु मारथा, ओकी बहिन अना लाजर सब लक माया राखत होतो। जबा ओना आयकीस की लाजर बीमार से, तबा उ जहान होतो उतच दुई दिवस अखीन रूकयो। तबा उ चेला गीन लक कहीस, "आव आमी यहुदिया ला चलबीन।" चेला गीनना कहिन, "गुरू, अबा तो यहूदी तोला गोटा मारत होतीन, अना अबा तु उता जावासेस?"
यीसु ना जवाब देइस, "का दिवस मा 12 तास नही होवासे? अदी कोनी दिवस-दिवस मा चलासे ता खोद्दा नही खावासे, काहेकि यो जगत को उजाड़ो चोवासे। पर अदी कोनी राति मा चलासे ता खोद्दा खावासे, काहेकि उ इंधारो मा चलासे।" यो गोस्टी सांगनो पर यीसु ना कहीस, "हमरो संगी लाजर जप मा से, मि ओला जगान जावासु।"
तबा चेला ना ओला कहिन हे पिरभू अदी उ जप मा से, तो उ साजरो भई जाहे।
यीसु ना तो वोको मौत को बारे मा सांगी होतीस, पर वय समजीन की जप को बारे मा सांगसेस। तबा यीसु ना उन लक सप्पा-सप्पा कह देइस "लाजर मर गई से,
Domínio sobre a natureza
Jesus acalmou a tempestade, andou sobre as águas e multiplicou pães. A natureza obedece à voz do seu Criador.
आँधड़ ला थामनो
जबा उ नाव पर चघयो, ओको चेला मंघा भय गईन। अना देखो झिलमा एक मोठो आँधड़ उठयो। अना नाव लहर लक ढकन लगी। मगं उ जपमा होतो। तबा चेला ना ओला जगाईन। अना कहिन, "हे पिरभु हमला बचा व हम मर जाबीन।"
ओना कहीस, "अरे कच्चो भरोसा कमजोर बिस्वासवारा! काय ला डरावसो?" तबा आँधी अना पानी ला डाटन लगिस, ता सफा उगा-मुगा भय गईन।
अना वय अचंभा भयके कहिन, "यो कसो मानूस से का आँधड़ अना, पानी एको हुकूम मानासेत।"
जबा झुलाखाली बेरा भई ता, ओको चेला गीन ना ओको कठा आयके कहीन, "वसोच उसीर भयी गयी से, अखिन यो सुनसान जघा से तु लोकगीन ला सार कर, की वय बस्ति मा जायके, आपरो लाई जेवन लेहेत।"
मंग यीसु ना जवाब देइस "उनको जानो जरुरी नाहत! तुमिच इनला जेवन लाई देव।"
चेला ना यीसु लक कहीन, की "आमरो कठा पाँच भाकर अना दुई मसरी सेत।"
यीसु ना कहीस "मोरो कठा आनो।" तबा वोना लोकगीन ला गवथ पर बसन लाई कहीस अना पाँच भाकर अना दुई मसरी ला लेके सरग कन चोवके परमेस्वर ला धन्य वाद देइस। अना भाकर ला तोड़के चेला गीन ला देइस। अना चेलागीन ना लोक गीनला देइन। जबा सबच खायके अघाय गईन, ता चेलागिन ना बचो टुकड़ा-टाकड़ी को बारा टोपली उचलीन। अना खानवारा लेकरा अना बायका गीनला छोडके, पाँच हजार मानूस को करिब होतीन।
अना यीसु सक्कारी को 3-6 बजे को बीच मा झील पर चलतो हुयो, उनको कठा आयो।
यीसु चार हजार लोक गीनला जेवानो
यीसु ना आपरो चेला गीन ला हाकलीस, अना कहीस, "मोला या भीड़ पर तरस आवासे काहे की वय तीन दिवस लक मोरो सँग से अना उनको लाई जेवन लाई काही नाहत? मि उनला भुखो, कसो धाड़ू। असो ना होहे की वय, रास्ता मा थक जाहेत। "
चेला गीन ना ओला कहिन, "हमी एना जँगल मा एतरो भाकर किता लक आनबीन। की हमि एना भीडला खिलाबीन? "
यीसु ना उन लक पुसिस, "का तुमरो जवर केतरी भाकर सेत?"
उनना साँगिन का, "सात, भाकर अना जरासी मसरी सेत।"
तबा यीसु लोकगीन ला जमीन मा बसन लाई कहीस, अना उन सात भाकर अना मसरी ला आन के सरग को परमेस्वर ला धन्यवाद देके तोड़ीस, अना आपरो चेला गीन ला देवत गयो। अना भीड़ जेयके अघाय गईन। अना चेला गीन ला बचा हुया भाकर को टुकड़ा बटोरन लाई कहीस। सबा तुकड़ा सात डलिया उचलिन। जेवन वालो मा बायका अना लेकरु, गीनला छोडके चार हजार को करिब मरद गीन होतीन।
मंदिर को जमा पटावनो
जबा वय कफरनहुम नगर मा पहुचिन तबा मंदिर को बरगन वसुलन वारा पतरस को कठा आयके पुसिन, का तोरो गुरु मंदिर को बरगन देवासे?
पतरस ना कहीस हाँ देवासे,
जबा पतरस घर मा आयो। तबा यीसु ना पयले समौन लक पूछिस "तोरो का राय से? धरती को राजा गीन बरगन कोन लक वसुलसे, आपरो लेकरा लक या परायो लक"
तबा पतरस ना जवाब दियो का परायो लक तब,
यीसु ना वोला कहीस, "तब तो लेकरा छुट गयो।" पर आमी उन लोकहुन ला नाराज नही करबीन एकोलाई झील पर जाय अना अपरो गल फेक अना मंग जोन पयली मसरी धराहे ओको टोंड उघाड़ तोला चारअना को सिक्का मिलेह। ओला आन के मोरो अना आपरो लाई उनला दे-दे।
बिना फर को अँजीर को झाड़
सक्कार ला जबा उ नगर ला वापिस होय रहयो होतो, ता ओला भुख लगी। रास्ता को किनारो मा अँजीर को झाड़ चोयके उ ओको जवर गयो। तब पान ला छोड़ ओमा अखीन काही नही पायो अना झाड़ लक कहीस, "अता लक तोरो मा कबच फर नही लगहेत।" अना अँजीर को झाड़ तुरूत सूक गयो।
यो चोयके चेला तुरूत अँचम्भा भय गईन अना उनना कहीन, "यो अँजीर को झाड़ तुंरुत कसो सूक गयो।"
यीसु ना उन ला जवाब देके कहीस, मि तुमी लक खरो कव्हसु, "अदि तुमरो मा बिस्वास से, अना तुमरो मा संका नाहत तो तुम्ही येतरोच नही, जोन मी ना अंजीर को झाड़ लक करीसेऊ, बल्कि अदि तुम यो पहाड़ लक कव्हो, उचल अना सागर मा डूब जाय ता वसोच भयी जाहेत। जोन काही तुमी पिराथना मा बिस्वास करके, मांग लेव वय सबच तुमला मिल जाहेत।"
तबा मोठी आँधड़ आयी अना पहला चलन लक नाव मा पानी भरन लगयो। अना यीसु जहाज को मंघा गद्दी मा झोप रहयो होत्यो, तबा चेलागीन ना जगाय के कहिन "हे गुरुजी हमि नास होय रही सेजन, का तोला हमारो चिंता नाहत?"
तबा ओना जाग के आँधी अना पानी ला हुकूम देइस। "सानत हो अना थमजा" अना आँधी वोतरो बेरा मा थम गई। अखीन मौसम सानत भय गयो। ओना उन लक कहीस; "कायलाई डरासो? का तुमला अबा तकन भरोसा नहाय?"
अखीन वय गजब डराय गईन होतीन, अना आपसी मा कव्हन लगीन की "यो कसो मानूस से की जेकी हुकूम ला वारा अना पानी को लहर भी मानासेती?"
जबा दिवस बुढतो बेरा भयी होती, वोका चेला आयिन अना वोला कव्हन लगीन, "यो सुनसान जगह से। अना महातनी बेरा भय गयो। इनला साँग का इता उता गाव अना बस्ति मा जायके जेवन लाय काही आनबीन।"
तबा यीसु ना जवाब देइस "त तुमीच उनला काही खान लाय देव, उनना कहिन, का आठ महिना को बनी को सिक्का की भाकर खरिद आनबिन अना उन लाय देबिन?"
वोना उन लक कहीस "जायके चोवो तुमरो जवर केतरी भाकर सैत?"
उनना पता करीन ता "पाँच भाकर अना दुई मसरी सेत।"
यीसु ना चेलागिन ला हुकूम देइस, की सब ला हिवरो गवथ मा पंगत मा बसाय देव। वय संबर-संबर अना पन्नास-पन्नास करके पंगत मा बस गइन। वोना उन पाँच भाकर अना दुई मसरी ला लियो अना सरग कन चोयके परमेस्वर ला धन्य वाद करीस। अना भाकर ला तोड़के चेला ला देवत गयो। अना वय लोकगीन मा परसन लगीन अना वसोच दुई मसरी ला भी उन मा परोस देइन। अना सब पोट भर जेय लेइन चेलाइन ना भाकर अना मसरी को टुकड़ा को बारा टोपली भरके उचलीन। वय करिब पाँच हजार मानूसगिन जेवन करीन!
जबा यीसु ना चोयो की वय खेवत-खेवत घबराय गईन, काहे का वारा उल्टी चलत होती ता रात को 3 बजे को करीब मा उ झील पर चलत-चलत उनको जवर आयो, अना पुढा होवनो चाहत होतो। पर चेलागीन ना यीसु ला झील पर चलतो चोयके वय समजिन का भुत से। अना चिल्लान लगीन।
काहेका सब वोला चोय के घबराय गईन, पर वोना एकदम उन लक कव्हयो "हिम्मत राखो। मि सेउ, नोको डराव!" तबा उ उनको जवर नाव मा आयो ता वारा थम गई तब वय लगत चकित भय गईन।
चार हजार लोक गीनला जेवानो
ओनो दिवस मा जबा मोठी भीड़ एकठ्ठी भई अना उनको कठा काही जेवन ला नही होतो। तबा ओना आपरो चेला इन ला जवर बुलायके, उनला साँगीस। "मोला यो भीड़ ला चोवके तरस आवासे, काहेका अज तीन दिवस भयो, मोरो संग सेत, उनको कठा जेवन लाय काही नहात। अदी मि इनला भुखो घर धाड़ूसु, तबा यो रस्ता मा बेहोस भय जाहेत, उनमा लक लगत लोक बेजा दुहुर लक आई होतीन। "
यीसु को चेला गीन वोला जवाब देईन। "यो सुनसान जघा मा एतरो जेवन कहान मिलहेत?"
यीसु ना उनलक कव्हयो, "तुमरो जवर केतरी जेवन सेत?"
उनना जवाब देईन सात भाकर!
तबा ओना जनता ला जमीन मा बसन लाय कहीस, यीसु ना सात भाकर धरके परमेस्वर ला धन्यवाद देइस। अना भाकर को टुकड़ा करके चेला गीन ला देइस, तबा वय उनला परसन लगीन। उनको कठा काही लहान-लहान मसरी होतीन, वोला वसोच परमेस्वर ला धन्य वाद देके, उनला परसन ला कहीस। तबा वय लोक जेयके अघाय गईन, अना चेला गीन बचयो सात टोपली भरके उचलीन। अना लोक चार हजार को करीब मा होतीन। तबा उनला वोना सार करीस।
यीसु ना अँजीर को झाड़ ला सराप दियो
दुसरो दिवस जबा यीसु अना चेलागीन बैतनिय्याह लक आय रही होतीन, तबा यीसु मसीह ला भुख लगी। अना उ दुहुर लक अँजीर को झाड़ चोवके जवर आयो, जोन पत्ता लक ढकयो होतो। पर पत्ता ला छोड़ ओमा काही नही मिलयो, काहेकि फर को बेरा नही होती।
एतरो पर ओना झाड़ लक कहीस "अता सदा लक कोनी तोरो फर नही खाहेत!" अना ओको चेला आयकत होतीन।
सूक्को अँजीर को झाड़ लक सिक्सा
मंग पहट ला जबा वय उता लक जावत होतीन, त चेलागिन उ अँजीर को झाड़ जड़ ले सूक्को चोइन। तब पतरस ला वा गोस्टी हेत आई, अना ओना यीसु ला कहीस, "ओ गुरू जी चोव! यो अँजीर को झाड़ जेनला तुना सराप दियो होतो, उ सूक गयो से।"
यीसु ना ओला साँगिस का "परमेस्वर पर भरोसा ठेवो।" मि तुमी लक खरो कव्हसु "की जोन कोनी मन मा संका नही राखेत अना भरोसा राखके यो पहाड़ लक कहे, की तु उखड़ अना यहान समुंदर मा पड़ जाय त ओको लाई वसो होय जाहेत।" एकोलाय मि तुमी लक कव्हसु, की जो काही तुमी पिराथना करके माँगोह त भरोसा कर लेव की तुमला मिल गयो अना तुमरो लाई वसो होय जाहेत। अना जबा कभी तुमी उभा होयके पिराथना करासो, त तुमरो मन मा कोनी को बारे मा काही विरोध से ता छिमा करहो, एकोलाय की तुमरो सरग को बाबूजी भी तुमरो गलती छिमा करेत।
पहलो चेला गीनला हाकलनो
जनता जबा, परमेस्वर को गोस्टी आयकन को लाई, सबा जमा होय गईन। तबा यीसु गनेसरत झील को कीनार मा, उभो होत्यो। वोना झील को किनार मा, दुई नाव होतो, अखीन ढीमर जाल धोवत होतीन। वोना मा लक एक नाव, समोन को होतो। नाव मा यीसु बस गयो, अखीन समोन ला जघा लक जरा हटान ला, कव्हयो, अखीन यीसु सिक्सा देवन लगयो।
जबा सिक्सा देके ना भई गयो, तबा यीसु ना समोन ला कव्हयो, गहरो मा नाव लेचल, अखीन अपरो जाल डाख।
समोन ना कव्हयो, "हे मालीक, हमी रात भर मेहनत करीसेजन, अखीन काही हात नही लगयो तोरो कव्हनो को सनुसार, मी जाल डाखासु " । जबा वोना जाल डाखीस, तबा गजब मसरी जाल मा फस गईन, अखीन जाल फाटन लगी। तबा समोन आपरो संगीइन ला, हाकलिस, अखीन सबा आय केन, जाल हेड़न लगीन, नाव मसरी लक एतरो भर गयो, का नाव बुड़न लगी। असो चमत्कार चोवकेना, समोन यीसु को पाय मा पड़ गयो। अखीन वोला कहीस," हे मालीक मोरो जवर लक जाय, काहे का मी पापी मानूस सेव।"
काहेकि एतरो मसरी ला समट लेवन को कारन ओला अना ओको संगीगिन ला अचंभा भयो। वहान जबदी को टूरा याकूब, अखीन योहन भी होत्यो। तब जोन समोन को संगी होतिन, अचंभा करन लगीन, तबा यीसु, समोन लक कहीस, "भेव नोको करो अबा, लक तू मानूस ला, परमेस्वर को राज मा आनजोस।" अना उनना नाव ला किनारे जघा मा, आनीन अना सबा काही ला सोड़के वोको मंघा गईन।
यीसु आँधड़ गरड़ ला सान्त करासे
अना एक दिवस यीसु, अखीन वोको चेला, डोंगा पर चढिन। वोना अपरो चेला लक कहीस, "आव हमी झिल को वोना गन जाबिन।" अना वोना नाव ला खोल देईन। जबा नाव चलन लगी, तो यीसु झोप गयो, तबा झिल मा आँधड़ चली, अना डोंगा पानी मा, बुड़न लगयो। अना वय संकट मा पड़ गेईन।
तबा उनना, जवर आयके वोला जगाईन, अना कव्हयो, "मालीक-मालीक हमी नास भई जाबिन, तबा वोना, आँधड़ अखीन पानी ला डटकार के हुकूम देइस, अखीन आँधड़ थम गयो, अना उनको मन मा, सुकुन आयो।"
तबा वोना उनला कहीस, "कसो, तुमरो भरोसा कहांन से?" अना वय डराय गयो होतीन, अना चकित होय के कव्हन लगीन "उ कोन आय जोकी हुकूम पानी अना आँधड़ भी मान सेती।"
यीसु आँधड़ गरड़ ला सान्त करासे
अना एक दिवस यीसु, अखीन वोको चेला, डोंगा पर चढिन। वोना अपरो चेला लक कहीस, "आव हमी झिल को वोना गन जाबिन।" अना वोना नाव ला खोल देईन। जबा नाव चलन लगी, तो यीसु झोप गयो, तबा झिल मा आँधड़ चली, अना डोंगा पानी मा, बुड़न लगयो। अना वय संकट मा पड़ गेईन।
तबा उनना, जवर आयके वोला जगाईन, अना कव्हयो, "मालीक-मालीक हमी नास भई जाबिन, तबा वोना, आँधड़ अखीन पानी ला डटकार के हुकूम देइस, अखीन आँधड़ थम गयो, अना उनको मन मा, सुकुन आयो।"
तबा वोना उनला कहीस, "कसो, तुमरो भरोसा कहांन से?" अना वय डराय गयो होतीन, अना चकित होय के कव्हन लगीन "उ कोन आय जोकी हुकूम पानी अना आँधड़ भी मान सेती।"
भूत झोमयो मानूस ला साजरो करनो
अना वय गिरोसेनियो नाव को देस मा पहुचीन। जोन ओनागन गलील परदेस को पुढा मा से।
जबा दिवस बुड़ता बेरा भयो, तबा 12 पेरीतगीन ना, आयके वोको लक कहिन, "भीड़ ला सार कर दे, वय चारो कन का गांव, अना बस्ती मा जाय के, रव्हन को इन्तेजाम करयेत, काहे की हमि, एक सुनसान जघा मा, सेजन।"
ओना उनको लक कहीस, "तुमी उनला जेवन ला देव,"
उनना कहिन, "हमरो जवर पांच भाकर अना दूई मसरी, ला सोड़ अखीन कहि नहात।" का तू कव्हसे, की "हमि जायके, सबा लोकगीन लाय, जेवन आनबीन? "
वहान पाँच हजार मानूस होतिन। मघं उ आपरो चेला गीनला, कहीस, "उन ला पचास-पचास की पंगत मा बसाय देव।"
उन ना असोच करीन, सबला बसाय देईन। तबा वोना पांच भाकर अना दोई मसरी लेईस, अउर सरग को कन चोवके ना, धन्य वाद कहीस, अउर तोड़-तोड़ के चेला गीनला देइस, क वय लोग गीन ला परसे। तबा सारा लोग खायकर खुसी भईन, अना चेला गीन ना, बचया हुयो टुकड़ा गीन ला, 12 डलीया मा उठाईन।
काना नगर मा लगन
मंग परो को दिवस गलील छेतर को काना नगर मा कोनी को बिहाव होतो, अना यीसु की माय भी उता होती। यीसु अना वोका चेला गीन भी नेवता मा आयो होतीन। जबा पिवनो को लाई अंगूर को रस खत्म भय गयो। ता यीसु की माय ना कहीस, "अता उनको जवर ता अंगूर को रस नाहती।"
यीसु न कहीस। "अवो माय, अबा मोरो काजक काम से? अबा यो काम करनो की बेरा नहात।"
ओकी माय नौकर गीनला कव्हासे, "उ जोन काही करन ला सांगेत वोच करने।"
उता यहूदी-जात सुध्द करन को रिती-रिवाज को लक गोटा को सह गजब मोठो भांडो राखी होतीन, उनमा एक-एक मा संबर लिटर को लगभग रस समावत होत्यो। यीसु ओन्हीसीन कव्हसे, "भांडो मा पानी भर देव, " अना यीसु को कव्हन लक, ओन्हीसीन भांडो ला टोंड तकन लबा-लब भर देयि होतीन। तबा वोना ओन्हीसीन कव्हासे, "हेड़के हांडी रांधिया को जवर ले जावो।" जबा हांडी रांधिया ना वा पानी ला चाखीस, जोन अंगूर को रस बन गयो होतो। अना ओन्हीसीन नही जान पाईन का किता लक आइसे, पर वोको नौकर गीनला यो सब कान्ड मालुम होतो। तबा हान्डी राँधिया ना नवरदेव ला हाकलके कहीस, "हर कोनी मानूस पुढा निट-नाट अंगूर को रस देवासे, अना जबा लोकगीन को जिव भर जासे तबा फिको देवासे, पर तुना अबा लक निट-नाट अंगूर रस बचाय राखिसेस।"
यीसु ना गलील को काना नगर मा आपरो यो पयलो निसान दिसाय के आपरी महिमा ला दिसाइस। अना ओको चेला ना वोको पर भरोसा ठेइन।
यीसु यो गोस्टी ओको परिक्सा लेवन को लाई कही होतीस, काहे का उ खुदच जानत होतो, का उ काजक करन जाय रही से?
फिलिप्पुस न ओला जवाब देइस, "का दुई सौ सिक्का की जेवन भी उनला ला कम पड़हेत। पर हरेक झनला जरा-जरा बाँटनो पर जरा, लगत बाँटा नही आहेत।"
ओको चेला मा एक अखिन, जोन समौन पतरस को भाऊ अन्दिरयास होतो, ओना यीसु ला कहीस, "इता एक टूरा से, जोको जवर, जौ को पांच भाकर अना दुई मसरी सेती। पर एतरो लोकहुन लाय नही होवन की।"
यीसु न कहीस, "लोकहुन ला गवथ मा बसाय देव।" तबा मरद-माना जिनकी गिनती पांच हजार को करिब होती। बर्रा मा गवथ पर बसाय देईन। तबा यीसु ना भाकर लेइस, अना परमेस्वर ला धनवाद करके लोकहून ला पगंत मा परस देइन, वसोच मसरी ला भी मन को मरजी लक बाट देइन। जबा वय जेयके के अघा गईन, तबा यीसु आपरो चेला गीन ला कहीस, "बचयो टुकड़ा-टाकड़ी ला सकेल लेव, नास नोको करो।" तबा जेवन को मंघा उनना जौ को भाकरी को बारा टोपली टुकड़ा-टाकड़ी ला जमा करीन।
तबा वय डोंगा चलात-चलात सह किलोमीटर तकन निकल गईन। तबा उनना यीसु ला सागर पर चलता, अना नाव को कठा आवता चोयीन, तो डराय गईन। तबा यीसु उनला कव्हसे, डराव नोको, "काहेकि मि सेऊ।" मंग उनना ओला गदने नाव मा चघाय लेईन, ता गदने डोंगा वोना जघा पर पहुच गयी, जिता उनला जानो होतो।
तिबिरियास झील को किनार मा चेला गीनला चोवनो
एको मंघा यीसु ना तिबिरियास झील को किनार मा मगं चेला गीनको जवर आपरो आप ला दिसायो। यो असो भयो, समौन पतरस अना थोमा जोनला दिदमुस भी कहव्सेत। अना गलील को काना नगर को नतनएल अना जबदी को टूरा अना ओको चेला मा दोन दिगर जन इकठ्ठा भईन। समौन पतरस ना उनको लक कहीस, "मि मसरी पकड़न लाई जावासू।" वय ओला कहिन "हमि भी तोरो सँग चला सेजन।"
वय चले गइन, नाव मा चघके मसरि पकड़न लगीन, पर उ रात उनला काही नही भेटियो। पहट को बेरा यीसु किनारे पर उभो होतो, पर चेला गीन नही चिन्हो का यो यीसु से। तबा यीसु ना उन लक कहीस, "ओ भाऊ तुमरो कठा कितरो मसरी सेत? "
तबा वय जवाब देईन," काही नाहती।"
ओना उन लक कहीस, "नाव की उज्जो कना जाल डाकहो तबा तो तुम पाहो।" एकोलाई: उनना जाल डाकिन, अना लगत सारी मसरी जेनला उनला झिकत नही बनयो।
तबा ओनो चेला ना जेनला यीसु माया राखत होतो। ओना पतरस ला कहीस, "यो तो पिरभू से।" समौन पतरस ना यो आयकीस, तो ओना कमर मा गमछा डाकके अना झील मा कूद गयो। पर दुसरो चेला नहानी डोंगी मा मसरी लक भरो जाल खिचत-खिचत आइन। वहान लक सिरफ 100 मिटर दुहुर लक धरती को किनार होतो। वय धरती मा उतरीन होतीन अना कोयले को स्तो अना ओको पर मसरी राखी गई होती अना भाकर चोवीन। यीसु ना उन लक कहीस "तुमीना जोन मसरी अबा धरियासेव, ओमा लक काही आनो।"
समौन पतरस ना डोंगी मा चघके एक सौ तिरेपन मोठो मसरी लक भरो हुवो जाल धरती मा झिकिस। अना एतरी मसरी होवनो पर भि जाल नही फटयो।
Libertações
Jesus expulsou demônios com autoridade. Os espíritos impuros não resistiam à sua palavra e saíam imediatamente.
एक सुबेदार को भरोसा
जबा यीसु कफरनहुम नगर मा आयो। ता एक सुबेदार ना ओको जवर आयके ओको लक पिराथना करीस। "हे पिरभु! मोरो दास घर मा लकवा को बीमारी लक लगत दुख मा सेत।"
यीसु ना कहीस "चल मि आयके ओला साजरो करासू"
सुबेदार ना जवाब देइस की "ओ पिरभू! मी यो लायक नही सेउ का तु मोरी घर को छत को खाल्या आवजोस, ओ पिरभु तू तो इता लक सांग दे, ता मोरो दास साजरो भय जाहे।" "काहे का मि भी अधिकारी सेऊ सरकार को नौकरी करासू अना सिपाई मोरो बस मा सेति जबा मि एक ला कव्हसु जाय। ता उ जासे अना दुसरो ला, आव! ता उ आवासे अना जबा आपरो दास लक कव्हसु, यो कर! ता उ करासे।"
यो आयक के यीसु ला अचंभा भयो, अना जोन ओको मंघा होतीन, उन लक कहीस, "मि तुमला ला खरो कव्हसु की मीना इसरायल देसमा असो बिस्वास नही पायो।" अना मि तुमी लक कव्हसु, की "दिवस उगती अना दिवस बुड़ती लक लगत सा लोक आयके अबराहम अना इसहाक अना याकूब को संग सरग को राज मा बसेत। पर राज की संतान बाहेर इंधारो मा डाक दियो जाहे उता रोनो अना दाँत को पीसनो होहे"। तबा यीसु ना सुबेदार लक कहीस, "जाय! जसो तोरो बिस्वास से वसोच तोरो संग मा होहे।"
अना ओको दास ओनोच घड़ी मा साजरो भय गयो।
बुरो आतमा वालो ला साजरो करनो
जबा ओनागन गदरनियो को देस मा पहुँचीन, ता दुई मानूस जिनमा भुत-पलित झोमी होती, मरघट्टी लक हिटके ओला भेटिन वय एतरो ताकत वर होतीन, का ओ रास्ता लक कोनी नही जा सकत होतीन। वय हाकल के कहिन, "ओ परमेस्वर को टूरा, आमरो लक तोरो काजक काम से? का तु बेरा को पयले, अमीला, दुख देवन आईसेस?"
उनको लक काही दुहुर पर एक खालमानी की हेड़ चरत होती। बुरो आतमा ना उन लक यो कहके पिराथना करीन, का "तु हमला हेड़ासेस, ता खालमानी को हेड़ मा धाड़ दे।" ओना उनला हुकूम देइस, तबा वय हिटके खालमानी मा धस गईन। अना चोवो सप्पा, हेड़ जोर लक झपट के पानी मा चली गयो।
उनको चरान वारा, पराय के नगर मा यो गोस्टी ला साँगीन, जिनमा भुत-पलित होतीन उनको सप्पा हाल आयकावईन। तबा सबच नगर का लोक गीन यीसु लक भेटन साठी हिट के गईन, अना ओला देखके पिराथना करीन, की हमरो देस लक चली जाय।
एक मुका ला साजरो करनो
जबा उ बाहेर जाय रहयो होतो, ता लोक एक मुका ला जेनको मा भुत-पलित होती, यीसु को जवर आनीन। जबा उ भूत-पलित अना बुरो आतमा ला हेड देइस, तबा मुका बोलन लगयो। एतरो पर भीड़ ना अचंभा करके कहीस, "इसरायल देस मा असो कदीच नही चोवीसेव।"
यीसु अना बालजबुल
तबा लोकगीन एक अँधरा, गुंगो, भुत-पलित झोमयो, मानूस ला, वोको जवर आनीन, यीसु ना वोला साजरो कर देइस। अना उ गुंगो बोलन अना चोवन लग्यो।
कनानी जाति की बायको को बिस्वास
यीसु उता लक हिटके सुर अना सैदा, को देस कन चली गयो। उ परदेस लक एक कनानी बायका हिटी, अना चिल्लायके कव्हन लगी" हे पिरभु दाऊद की संतान मोरो पर रहम कर, मोरी टूरी ला भुत-पलित लगत सताय रहिसे।"
पर उनना ओला जवाब नही देइस, तबा ओको चेला ना आयके ओको लक कव्हयो, "एला सार कर, काहेकि वा हमरो मंघा चिल्लावत आय रहीसे।"
ओना जवाब देइस का "इसरायल को घरानो की भटकी हुयी मेढा ला सोड़ मि कोनी को जवर नही धाड़ो गई सेव।"
पर वा आई अना यीसु ला नमस्कार करके कव्हन लगी "हे पिरभु मोरी मदद कर।"
ओना ओक लक कहीस, की "टुरागीन की भाकर आन के कुतरा, को पुढा डाकनो साजरो नहात।" बायका न कहीस "पिरभु यो गोस्टी खरो सेत, पर कुतरा गीन भी जुठन-काठन ला जेवसेत। जोन मालीक को ठाव मा बचासे।"
येना गोस्टी पर यीसु ना ओला कहीस, "अवो बाया तोरो बिस्वास मोठो से जसो तु चाव्हसेस, तोरो लाई वसोच होहे," अना ओको टूरी ओनो बेरा साजरी भय गयी।
बुरो आतमा को सिकार टूरा ला साजरो करनो
जबा वय भीड़ को जवर आइन, तबा यीसु को जवर एक मानूस आयो। अना टोघरा टेकके, असो कव्हन लग्यो। पिरभु मोरो टूरा पर रहम कर काहेका, वोला मीरगी आवासे। अना वोला मिरगी एतरो बिकराल आवा सेत का उ बार-बार स्तो अना पानी मा पड़ जासे। मी वोला तोरो चेला गीन को कठा आनयो होतो। पर वय वोला साजरो, नही कर सकिन।
तबा यीसु ना जवाब दियो अरे भिरस्ट हुयो आबिस्वासी लोकहुन मी कितरो बेरा तुम्हरो संग अखिन रव्हिन? वोला मोरो जवर आनो। यीसु ना बुरो आतमा ला हुकूम देके डटकारीस अना बुरो आतमा टूरा मा लक हिट गयो, अना टूरा वोच बेरा साजरो भई गयो।
अना ओनो बेरा, यहुदीगीन को सभाघर मा एक मानूस होतो। जोनमा एक भुत होतो। ओना चिल्लायके कव्हयो "ओ यीसु नासरी हमरो लक तोरो काजक काम से? का तु आमीला नास करन ला आईसेस? मी तोला जानासू, तू कोन आस? परमेस्वर कन लक धाड़ो गयो पवीतर मानूस आस!"
यीसु ना भूत-पलीत ला डटकार के कहीस "उघो-मुघो रव्ह, अना ओमा लक हिट जाय।"
तबा भुत ओला मरोड़ के अना मोठो आवाज लक बेमीया के ओमा लक हिट गयो।
यीसु भूत झोमयो मानूस ला सुधारसे
यीसु अना ओको चेला झील को ओनागन गिरोसेनियो नाव को जघा मा पहुचीन। अना जबा उ नाव लक उतरीन तो गदने एक मानूस जेने पर बुरो आतमा धसी होतो, मरघट्टी लक हिटके ओला मिलयो। उ मरघट्टी म रव्हत होतो। अना कोनी ओला साकल लक बाँध नही पाइन। काहे की उ लगत गन साकल लक बाँधयो गयो होतो पर ओना उन साँकल ला भी तोड़ दियो होतो। अना बेडी ला भी टुकड़ा-टुकड़ा कर डाकिस, अना कोनी ओला बस नही कर पाइन काहेका उ लगत बलवान होतो। उ रोज-रोज मरघट्टी अना पहाड़ मा बेमियात होतो। अना आपरो आप ला गोटा लक घायल करत होतो।
उ यीसु ला दुहुर च लक चोवके धायो। अना वोनो होयके डोस्का टेकिस। अना उचो आवाज कव्हसे "हे यीसु सब लक वरता मा रव्हन वालो मोठो परमेस्वर को टूरा, मोरो लक तोरो का काम? मि तोला परमेस्वर को किरया देवसू की मोला तकलीफ नोको देस।" काहेकी यीसु न वोको लक कहीस "अरे भूत-पलीत यो मानूस मा लक हिट जाय।"
यीसु ना ओको लक पुसीस की "तोरो काजक नाव से?"
ओना जवाब देइस "सार संगाड़ से। काहे की हमि लगत सारी सेजन" अना वय वोको लक गजब बिनती करीन "आमीला यो छेतर लक नोको हेड़स।"
उता पहाड़ी को ढलान मा खालमानी को एक करप चरत होतो। सार-सांगड़ ना यीसु लक गीड़गीड़ायके बिनती करीन की "आमीला खालमानी मा डाक देव।" तबा यीसु ना ओला हुकूम देइस। की हिट जाव, तबा सारो सार संगाड़ ओमा लक हिटके खालमानी को करप मा धस गई। अना करप जिनको गिनती दोन हजार को होती, लवकर झपट के झील मा धस पड़यो। अना बूड़ के मर गयो।
अना चरानवारा ना धायके नगर अना गांव मा यो खबर बिखराय देइन।
पर तुम्हि सांगासो कोनी मानूस आपरो माय-बाप कहेत का, जोन काही पालन को खरचा से, ओला मि परमेस्वर ला भेट करासेऊ। ता वोला आपरो माय-बाप को लाय काही नही करन देसो। "यो तरीका लक तुम्हि आपरो रीत लक परमेस्वर को हुकूम ला टाल के ना आपरी रीती रिवाज ला मानासो।"
मानूस की असुध्द करनवारी गोस्टी
यीसु ना जनता ला आपरो कठा बुलाके उन ला साँगीस, "तुमी सब मोरी गोस्टी ला आयको अना समजो। असी कोनी बाहरी चीज नहात जोन मानूस को भीतर जायके वोला असुद करे। जोन भीतर लक बाहेर आवासे ता वा च असुद करासे।
गैरयहुदी टूरी ला साजरो करनो
मंग यीसु उता लक सुर अना सैदा देस को सीवमेढ मा आयो अना एक घर मा गयो। उ चाहत होतो की कोनीला पता नोको चले, पर उ लुक नहि सकयो। एक बायको, जोकि लहान टूरी, एक भूत को कब्जा मा होती वा यीसु को बारे मा आयक के आई। अना यीसु को पाय पडन लगी, वा बायको गैरयहूदी होती। जोन सीरिया देस की रव्हनवारी होती। वोना यीसु लक बिनती करी का मोरी टूरी लक भूत ला हेड़ दे। यीसु ना वा बायको लक कहीस, "पुढा टुरागीन ला अघान दे, काहे का टूरा को भाकर कुतरा को पुढा डाकनो साजरो नहाय।"
"वोना जवाब देइस।" पिरभु या बात खरो से, "पर कुतरा जुठन-जाठन जेवासेत।"
यीसु ना वोको लक कहीस, "तोरो भरोसा को कारन, भूत तोरी टूरी मा लक हिट गयो।"
जबा वा बायको आपरो घर मा जायके चोयी, टूरी खाट मा सोयी होती, अना भूत हिट गयो होतो।
भीड़ मा लक एक ने ओला जवाब देइस, "हे गुरुजी मि आपरो टूरा ला जेनको पर भूत झोमो से वोला तोरो कठा आनयो होतो।" जितानी-उतानी वा ओला धरके अना पटक देसे, ओला मिरगी आवासे मीना तोरो चेला ला भूत कहाडन लाय कव्हयो, पर वय कोनी काम को नाहत ओला नही कहाड़ सकीन।
यो आयक के ओना जवाब देइस" तुम्ही अबिस्वासी काहे बनयो सेव? मि कब लक तुमरो सहुँ? बिमार ला मोरो कठा आनो।"
तबा उ बीमार ला ओको कठा आनीन, तब ओना डोरा भरके ओला चोइस, अना वा भूत ओला मरोड़न लगयो, अना जमीन मा पटकन लगयो, अना उ टोन्ड लक फेसकुड़ फेकन लगयो।
तबा यीसु ना ओको बाबूजी ला कहीस, "एको हाल कब लक से?" ओना साँगीस का "नहानपन लक से।" अना वोना ओला नास करन ला कभी स्तो मा, कभी पानीमा पड़ात होतो, पर तु काही कर सकासेस, ता हमरो पर तरस खायके एला साजरो कर।
यीसु ना ओला कहीस, "अदी जोन भरोसा राखासेत, वोको लाय सब काही होय सकासे।"
टूरा को बाबूजी ना तुरत गिड़गिड़ाय के कहीस," हे पिरभु मी बिस्वास राखुसू तु मोरो अबिस्वास को उपाय कर।"
जबा यीसु ना चोविस की लोकगीन धावके भीड़ लगावसे, तो ओना भूत ला हुकूम देइस। "हे गुंगो अना बावरो भूत! एको मा लक हिट जाय, अना एको मा दुबारा नोको धसजोस।"
तबा भूत बेमियायके ओला लगत मरोड़के वोमा लक हिट गयो। अना उ टूरा मरो जसो भय गयो, एतरो तकन की लोग कव्हन लगीन, : " उ मर गईसे।" पर यीसु ना ओको हात धरके ओला उचलीस, अना उभो भय गयो।
यीसु ना गजब लोकगीन ला, साजरो करीस
उ सभाघर लक उभो होयके, समौन के घर मा गईस। अखीन समौन की सास ला गजब बुखार होतो। अना उनना वोको लाय वोको लक बिनती करीन। तबा यीसु ना ओको जवर उभो, होयके, बुखार ला हुकूम देयके डाटीस, अना बुखार उतर गयो। अना उ एकदम उठके उनको सेवा करन लग्यो।
जबा व डोंगा लक खालया मा उतरियो, तो उ नगर मा एक मानूस होतो। जेनको मा भूत-पलित धसी होतीन। उ बिना कपरा को रव्हत होतो, न तो घर मा रव्हत होतो, उ मरघट्टी को जघा मा रहोत होत्यो। व यीसु ला चोवयो, तो चिलवन लग्यो, अना ओको पुढा मा, पड़यो, अना उच्चो आवाज लक कव्हन लग्यो। "ओ मोठो, परमेस्वर को टूरा यीसु! मोला तोरो लक का काम से? तोरो लक बिनती करासू, मोला दुख नोको दे।" काहेका उ भूत-पलित ला हिटन को हुकूम देवत होतो। व ओला घड़ी-घड़ी झूमत होतो अना ओला साँकल अना बेड़ी मा बांधत होतिन, पर उ बंधन ला पटा-पट तोड़ देत होतो। अना जंगल मा भागतो फिरतो रहोत होतो।
यीसु न ओको लक पुसीस की, "तोरो काजक नाव से।"
वोना सांगिस, "मोरो नाव सार संगाड़ से," काहेका वोको भितर मा, लगत सारी बुरो आतमा होती। वोना बिनती करीस "हमला नरक मा जावन को हुकूम नोको देव।"
वहान, पहाड मा खालमानी को एक मोठो करप चर रहयो होतो। एको लाय उनना, ओको लक बिनती करीन, "हमला उनमा धसन देव। यीसु ना कहीस जाय!" तबा भूत-पलित ओनो मानूस लक हिटके, खालमानी मा धस गईन। अना हेड जोर लक झपटयो, अना झिल मा जायके बुड़ गयीन, अना मर गयीन।
तबा चरानवारा गीन, असो कान्ड चोय के पारय गेईन। अना नगर मा जाय के सबला सांगिन। लोग यो चोवन, लाई यीसु को कठा आइन, अखीन उ भुत वालो मानूस ला चोवके ना भेव मा पड़ गईन। काहेका उ मानूस कपरा घाल केना सान्त यीसु को कठा बस्यो होतो।
मि तुम्ही लोक गीन ला, खरोखर सांगासू, यहान काही लोकगीन सेत, जबा लक परमेस्वर को राज ला नही चोव लेहेत, वो नही मरहेत।"
यीसु को रूप बदलनो
यो गोस्टी को हपता भर बाद मा, यीसु पतरस योहन अना याकूब ला, आपरो सगंमा, पहाड़ मा ले गयो। अना वहान परमेस्वर लक पिराथना करन लगीन। पिराथना करत-करत, यीसु को टोंड चमकन लग्यो, कपरा उजरो भय गयो। एकदम चेला गीनला, यीसु को संग, दुई मानूस गोस्टी करत चोवयो, वोना मोसे, अखीन एलिय्याह भविस्यवक्ता होत्यो। वय दुई मा लगत तेज होत्यो, उ काही येरुसलेम मा होवन वारा, घटना को बारेमा, सांगत होत्यो।
पतरस अखीन वोको सगीं जपमा होतिन, मंग वय जप लक जाग गयो होतिन। ता वोना यीसु अखीन वय दुई ला तेज समेत चोईन। वय दुई, यीसु को जवर लक, बिदा हो रहयो होतो। तबा पतरस, यीसु ला कव्हयो, "मालीक, कितरो साजरो होतो, का हमि तिन मान्डो गाड़बोन, एक तोरो, एक मोसे, अखीन एक एलिय्याह काजी, "वोला पता नही होत्यो। क उ काजक, सांग रहि सेस?
अना भिड़ मा लक, एक मानूस ना चिल्लाय के कव्हयो, "हे गुरू मी तोरो लक बिनती करासू, का मोरो एकच टूरा से, वोको पर किरपा कर। वोला एक भूत धरसे, अना उ एकदम बेमियासे, आँग ऐठासे, टोन्ड मा फेसकुड़ आवासे, अखीन वो भूत वोलो कठनाई लक छोड़ासे। मि ना तोरो चेला गीन, लक बिनती करीसेव, का वोला हेड़ देव, पर कोनी नही हेड सकिन।"
तबा यीसु ना जवाब दियो, "ओ अबिस्वासी अना केड मानूस, मि कबा तकन तुमरो संग मा रहु? वोला यहान आनो।"
जसो टूरा समोर मा आयो, बुरो आतमा वोला धर के ना मरोड़ दियो, पर यीसु ना वोला डटकार के वोला परान को हुकूम दियो, उ टूरा साजरो भय गयो, अखीन वोला वोको बाबूजी ला सोप देइस।
आपरी मौत को बारे मा यीसु मंग सांगासे
सबा लोग गीन परमेस्वर कन लक यीसु को काम चोवके ना, चकित भई गईन। तब यीसु ना आपरो चेला गीन ला कह्यो
यीसु अना सैतान को बालजबुल
मंग वोना, एक गुंगो बुरो आतमा ला कहाड़िस। जबा उ बुरो आतमा हिट गयो तो, गुंगो हाका देवन लगयो, अखीन लोकगीन चकित भई गईन।
अखीन उनमा लक एक ना तरवार कहाडके ना मुखिया पुजारी को, दास को जेवनो कान उड़ाय देइस।
तबा यीसु न कव्हयो "बंद करो यो खून खराबा", अखीन वोको कान ला, वोको जगहा मा धरके ना, साजरो कर दियो।
जबा योहन को चेला चले गइन, त यीसु योहन को बारे मा लोग गीन ला संगिस, "तुमी जंगल मा का चोवन गयो होतो? का हवा लक हिलतो, झाड़-झड़ुला ला। तुमी का चोवन गयो होतो? का नरम कपरा पहरो हुवो मानूस ला, जोन सजरा कपरा पहिरिसेस, अना सुख लक रव्हसे? उ महीमा लक राज दरबार मा रव्हसे। तबा तुमी का चोवन ला गयो होतो, का कोनी भविस्यवक्ता ला? मि तुमरो लक कव्हसु, उ भविस्यवक्ता लक मोठो सेत। यो वोच से जेनको बारे मा लिखिसे, चोव मी, आपरो दूत ला, तोरो पूढ़ा-पूढ़ा धाड़सु, जो तोरो पूढ़ा लक रस्ता सीधो करयेत। मि तुमी ला कव्हसू, जोन बायको लक जलमो से, उनमा कोनी योहन लक मोठो नहात। पर जोन परमेस्वर को राज मा, सबा लक नाहनो सेत, उ योहन लक मोठो सेत।"
सबा जनता अखीन जमा लेवन वारा अधिकारी गीन, जबा यो आयकिन तो, उनना योहन को बप्तिस्मा लेवन को कारन, परमेस्वर को न्यायीपन ला खरो मान लेईन। अखीन धरमगुरू अना मोसे को नियम को गुरू ना, वोको बप्तिस्मा नही लेइन, अखीन परमेस्वर ना उनको लाय, जोन तरकिब हेड़ो होतो, वोला नापास कर देईन।