Marcos 6

नासरत नगर मा यीसु को बेज्जती

1 उता लक हिटके यीसु आपरो गाँव नासरत मा आयो। अना ओको चेला ओको मंगा भई गईन। 2 यहुदीगीन को बिसराम दिवस*6:2पवीतर दिवस उ पिराथना घर मा सिक्सा देवन लगयो। लगत लोक ओकी आयक के अचंभा भईन अना कव्हन लगीन "यो मानूस ला यो गियान ओला कोन ना देईसेस? एको हात लक कसो-कसो अचंभा को काम होवासेत?" 3 क उ बढ़ई को टूरा नहाय? जो मरियम लक पैदा भयो से अना जोन याकूब योसेस यहूदा अना सिमोन को भाऊ से। का ओकी बहिन गीन आमरो बीच मा नही सेत? लोकगीन ओको कारन लक ठोकर खाईन।

4 यीसु ना उनलक कहीस, "✝6:4योहन 4:44भविस्यवक्ता को का आपरो नगर आपरो कुटुंब अना घर को सिवाय कोनी जघा मा कोनी बेज्जती नही होवासे।"

5 मंग काही बिमार पर हात धरके उनला साजरो करके काही अचंभा को काम नही कर सकयो, काहेका उनना यीसु पर भरोसा नही राखिन। 6 अना उनको अबिस्वास लक वोला मोठो अचंभा भयो! मंग उ गाँव-गाँव सिक्सा देवत फिरयो। *6:6अचंभा उपदेस

बारा चेला ला धाड़नो

7 बारा चेलागीन ला हाकलीस*6:7बुलायो अना उनला दोन-दोन करके धाड़ीस। अना भुत पलित कहाड़न को हक देइस। 8 अना उन ला साँगीस, की "रस्ता मा जावतो बेरा लाठी ला सोड़ काही नही लेवने। ना भाकर-वाकर, झोला-झंकड़ अना न बसनी मा पैसा-वैसा काही नोको ठेवने। 9 पर पनही घालने, अना कहीस, दुई दुई कुरता नोको धरने।" 10 अना "तुम्ही जोन घर मा जावने तो वोना नगर छोड़न तकन उतच रव्हने। 11 ✝6:11पेरीत 13:51; लूका 10:4-11 जेने घर मा तुमरो आवभगत नही होहेत, अना तुमरी गोस्टी नही आयकेत तबा आपरो पाय की धुल भी झड़ाय देने का उनको पर गवाही होहेत"

12 अना उनना जायके परमेस्वर की साजरा बारता को परचार करन लगीन, का पाप लक मन ला हटाव। 13 अना उ लगत भुत-पलीत ला हेड़त अना बीमारगिन पर तेल लगाय के साजरो करत होतिन।✝6:13याकूब 5:14

योहन बप्तिस्मा देवनवालो ला मारनो

14 * 6:14 हेरोदेस अंतीपास, गलील प्रान्त को प्रसासक हेरोदेस राजा ना यीसु को बारे मा चरचा आयकीस का लोक कव्हसेत, "योहन बप्तिस्मा देवनवालो मर गयो, अब जित्तो भयी से, एको लाई वोको लक यो अचंभा को काम होवासेत।"

15 पर काही लोक सोचत होतीन। "का उ एलिय्याह से अना कोनी जुनो जुग का भविस्यवक्ता मा लक एक समजत होतीन।"

16 पर हेरोदेस राजा कव्हत होतो की "योहन जोनको मीना डोस्का कपवायो सेव, उ जित्तो भई गई से।" 17 राजा हेरोदेस ना आपरो सिपाही हुकूम देके योहन ला धरके जँजीर लक बाँधके जेल मा डाक दियो, ओना यो एको लाई करीस, काहेकि हेरोदेस ना हेरोदियास लक बिहा करयो होतो अना वा ओको भाऊ फिलिप्पुस की बायको होती।✝6:17लूका 3:19-20 18 काहेका योहन हेरोदेस ला कहीस "मोसे को नियम लक असो साजरो नहाय की तुमी आपरो भाऊ बहु ला राखो।" *6:18उचित नही

19 एको लाई हेरोदियास योहन की गुस्सा करत होती, अना वा ओला मारन की तक्का मा रहोत होती, पर हेरोदेस को कारन मार नही सकी। 20 काहे का हेरोदेस योहन ला एक नेक अना पवीतर मानूस मानत होतो, एको लाय उ डरात होतो अना वोकी रक्सा करत होतो*6:20 भय, रक्सा। जबा उ ओकी आयकत होतो, तब उ लगत डरात होतो, पर ओको गोस्टी खुसी लक आयकत होतो।

21 अना ठीक बेरा जबा हेरोदेस ना आपरो जलम दिवस मा मुख सेनापति अना गलील*6:21गलील नगरवासी को मुख मानुसिन ला मोठो जेवन मा बुलाइस। 22 तबा वोकी भाउबहु हेरोदियास की टूरी ना नाचके हेरोदेस अना वोको पाहुना हुनला खुस करीस। तबा राजा ना वा टूरी लक कहीस, का " तु माँग मि तोरी मरजी ला पूरी करुँ।" 23 अना वोना कसम खाइस का "आपरो अरधो राज भी तोला दे देहू*6:23आधी सम्पती ।"

24 तबा वा टूरी आपरो माय जवर जायके? पुसिस,

अवो मायँ, मी काय माँगु? तबा वोकी माय ना वोला कहीस "योहन बप्तिस्मा देवनवालो को डोस्का।"

25 वा लवकर राजा जवर जायके कहीस, का "मि चाह्वसू का तु मोरो लाय भानी मा योहन बप्तिस्मा देवनवारा को डोस्का देजोस।"

26 तबा राजा कुम्हलाय गयो पर अपरो कसम खानो को कारन मना नही करीस। 27 अता राजा ना एकदम सिपाही ला धाडके वोको मान कापन को हुकूम देइस। उ गयो अना जेल मा वोको मान ला कापियो 28 अना वोला भानी मा आनके टूरी ला दे दियो, अना टूरी ना आपरो माय ला दे देइस। 29 यो आयक के ना योहन का चेला ऐना आइन, अना ओको लास ला मरघट्टी मा लीजाए के राखिन।

पेरीतगिन को लवटनो अना एकान्त मा रव्हनो

30 मंग पेरीतगीन *6:30 पेरीत यीसु को कठा एकठ्ठा भईन अना जोन काही उनना करयो होतीन, अना जनता ला सिकायो होतिन वा सब यीसु ला सांगीन। 31 यीसु ना आपरो चेलागीन ला कहीस, "चलबिन एकलो मा जाबिन, काहेकि यहान लोकगीन आवनो-जावनो करासेत, हमला जेवन को अना सुस्तान ला भी बेरा नाहत।" *6:31भीड़ के होवने से वय खा नही पाय

पाँच हजार को भीड़ ला जेवानो

32 एकोलाय वय नाव मा चघके, एक सुनसान जघा मा चली गयीन। 33 लगत लोक ऐना ना उनला जावत चोय लेईन अना चिन्ह लेईन तबा सब हिट के पाय-पाय धावके उन लक पुढा पहुचीन। 34 वोना खाल्या उतरके मोठी भीड़ चोयिस अना उन पर तरस आयो। काहेका वय असी मेढा ✝6:34मत्ती 9:36जसो होतीन जिनको कोनी रखवालो नही होतीन। उ उनला सिकावन लगयो, 35 जबा दिवस बुढतो बेरा भयी होती, वोका चेला आयिन अना वोला कव्हन लगीन, "यो सुनसान जगह से। अना महातनी बेरा भय गयो। 36 इनला साँग का इता उता गाव अना बस्ति मा जायके जेवन लाय काही आनबीन।"

37 तबा यीसु ना जवाब देइस "त तुमीच उनला काही खान लाय देव, उनना कहिन, का आठ महिना को बनी को सिक्का *6:37 दीनार एक दिवस की मजदुरी की भाकर खरिद आनबिन अना उन लाय देबिन?"

38 वोना उन लक कहीस "जायके चोवो तुमरो जवर केतरी भाकर सैत?"

उनना पता करीन ता "पाँच भाकर अना दुई मसरी सेत।"

39 यीसु ना चेलागिन ला हुकूम देइस, की सब ला हिवरो गवथ मा पंगत मा बसाय देव। 40 वय संबर-संबर अना पन्नास-पन्नास करके पंगत मा बस गइन। 41 वोना उन पाँच भाकर अना दुई मसरी ला लियो अना सरग कन चोयके परमेस्वर ला धन्य वाद करीस। अना भाकर ला तोड़के चेला ला देवत गयो। अना वय लोकगीन मा परसन लगीन अना वसोच दुई मसरी ला भी उन मा परोस देइन। 42 अना सब पोट भर जेय लेइन 43 चेलाइन ना भाकर अना मसरी को टुकड़ा को बारा टोपली भरके उचलीन। 44 वय करिब पाँच हजार मानूसगिन जेवन करीन!

यीसु को पानी पर चलनो

45 तबा वोना एकदम आपरो चेलाइन ला नाव पर चघन ला मजबुर करीस का चेला गीन वोको लक पुड़ा वोना गन बैतसैदा ला चली जाहेत। तबा मंघा ओना भीड़ ला सार करीस। 46 अना उनला सार करके यीसु पहाड़ पर पिराथना करन गयो। 47 जबा दिवस बुडता सँजा बेरा भई ता यीसु एकलोच भुई मा होतो, अना नाव झील को बीच मा होती। 48 जबा यीसु ना चोयो की वय खेवत-खेवत घबराय गईन, काहे का वारा उल्टी चलत होती ता रात को 3 बजे को करीब मा उ झील पर चलत-चलत उनको जवर आयो, अना पुढा होवनो चाहत होतो। 49 पर चेलागीन ना यीसु ला झील पर चलतो चोयके वय समजिन का भुत से। अना चिल्लान लगीन।

50 काहेका सब वोला चोय के घबराय गईन, पर वोना एकदम उन लक कव्हयो "हिम्मत राखो। मि सेउ, नोको डराव!" 51 तबा उ उनको जवर नाव मा आयो ता वारा थम गई तब वय लगत चकित भय गईन। 52 उन ला एतरो भीड़ ला जेवन करानवालो चमत्कार समजमा नही आयो। एकोलाय उनको मन कड़ो भय गयो होतो।

यीसु गन्नेसरत छेतर मा बीमारगीन ला साजरो करयो

53 वय उतरके गन्नेसरत गाँव मा धाड़िन अना नावघाट मा नाव लगाईन। 54 जबा वय नाव लक खाल्या उतरीन ता उता का लोकगीन गदने यीसु ला चीन्ह लेइन। 55 तबा यहुदिया अना इता-उता परान लगीन अना सब लोक बीमार गीनला खाट पर डाकके जितानि-उता खबर मिलयो का उ वहान से उतच लक आनन लगीन 56 अना जिता-जिता गाँव नगर अना बस्ति मा उ जावत होतो लोक बीमारगीन ला बाजार मा राखके ओको लक बिनती करत होतीन, का उ उनला आपरो कपरा को छोर ला छुवन दे, अना जेतरा वोला छुवत होतीन, वय सप्पा साजरो भय जात होतीन।