यीसु ना सुको हात वालो मानूस ला चंगो करनो
(मत्ती 12:9-14; लूका 6:6-11)
1 मंग जबा यीसु पिराथना घर3:1अरधनालय मा गयो अना उता एक मानूस होतो जेनको हात सुकयो होतो। 2 धरम गुरू ओला दोस लगावन लाई ओको दाव देखत होतीन की देखबिन, उ बिसराम को दिवस मा ओला साजरो करेत का नही। 3 ओना सुक्को हातवालो मानूस ला कहीस "बीच मा उभो होय।"
4 अना उन लक कव्हसे "का मोसे को नियम लक बिसराम दिवस साजरो करन लाई नही से? का जान ला बचावन लाई नही से" तबा वय चुपई भई गईन। 5 यीसु ना फरिसी को कड़ो मन ला चोयके उदास भय गयो, अना हिजड़ के चारो कन चोयीस अखीन ओनो मानूस ला कहीस "आपरो हात बढाव।" ओना बढाईस, अखीन ओको हात साजरो भई गयो। 6 तबा फरिसी बाहेर जायके गदने हेरोदि गीन को राजा को लोक गीन संग मा ओको विरोध मा सलाह3:6सम्मति करन लगासेत, की कसो करके ओला नास करबीन।
झील को कठा भीड़
7 अखीन यीसु चेला को संगा गलील झील को कन चली गयो। यहुदिया छेतर अखीन गलील लक एक मोठी भीड़ ओको मंघा भई गई। 8 अखीन यहुदिया अखीन येरुसलेम नगर अखीन इदुमिया लक अखीन यरदन नदी को पार अना सूर अना सैदा को इता उता लक एक मोठयो भीड़ यो आयक के की उ कसो अचंभा को काम करासे ओको जवर आइन। 9 3:9 मरकुस 4:1; लूका 5:1-3अखीन ओने आपरो चेला लक कहीस "भीड़ भई गई से एको लाई मोरो लाई एक नान्होसो नाव तैय्यार राखने जेनको लक वय मोला नही दबाय सकेत।" 10 काहे की ओना लगत ला साजरो करत होतो; एकोलाय जेतरा लोक कोढ को बीमार होतीन, ओला छुवन लाई ओको पर गिरत पड़त होतीन। 11 अना बुरो आतमा जबा ओला ताकत होतीन तो ओको पुढा गिरत पड़त होतीन अखीन चिल्लाय के कव्होत होतीन की "तु परमेस्वर को धाड़ो हुयो पवीतर टूरा आस"
12 यीसु ना उनला डटकार के हुकूम देसे, मोरो बारे मा कोनी ला नोको सांगना की "मी कोन सेव"
यीसु कन लक बारा पेरीत ला ठहरानो
(मत्ती 10:1-4; लूका 6:12-16)
13 यीसु मंग पहाड़ पर गयो अना जिन ला उ चाव्हत होतो उनला आपरो कठा हाकलीस। अना वय ओको कठा चली गईन। 14 तबा ओना बारा मानूस ला बेचयो "अना उनला पेरीत ठहाराइस की वय ओको सँग- सँग रहेत अखीन उ उनला धाड़ेह की वय साजरी बारता परचार करेत, 3:14परचार करे 15 अखीन बुरो आतमा को हेड़न को हक राखेत।"
16 अखीन वय यो सेति समौन जेनको नाव ओना पतरस राखिस। 17 अखीन जबदी को टूरा याकूब अना याकूब को भाऊ योहन जेनको नाव ओना बुअनरगिस मजे गरजन को टूरा3:17 सामरत को टूरा राखिस। 18 अखीन अन्दिरयास अना फिलिप्पुस अना बरतुल्मै अना मत्ती अना थोमा अना हलफई को टूरा याकूब अना तद्दै अना समौन कनानी 19 अना यूदूस इस्करियोति, जेने ओला धराइस।
यीसु अना बालजबूल3:20सैतान
(मत्ती 12:22-32; लूका 11:14-23; 12:10)
20 तबा यीसु घर आयो अना असी भीड़ उमड़ी की यीसु अना ओको चेला ला जेवन की बेरा3:20भाकर को खा नही सके। नही मिली। 21 जबा ओको नातावारा ना यो आयकिन तो ओला धरान लाई हिटीन काहे की वय कव्हत होतीन की "ओको दिमाग ठीकान मा नाहत।"
22 अखीन मोसे को नियम को गुरू जोन येरुसलेम लक आई होतिन यो कव्हत होतीन "ओमा बुरो आतमा3:22 बालजबुल से," अना यो भी की "उ बुरो आतमा को मुखिया बालजबूल को सक्ति लक बुरो आतमा ला हेड़ासे3:22मत्ती 9:34; 10:25।"
23 अना उ उनला जवर हाकलके उन लक हाना3:23द्रस्टांत देके साँगन लगयो "सैतान3:23बालजबुल कसो सैतान ला हेड़ सकसे?" 24 अना अदी कोनी को राज मा फुट पड़ जासे ता उ घर काय लाई अडिग रव्ह सकसे? 25 अना अदी कोनी घर मा फुट पड़ जाहे ता उ घर कायलाई अडिग रव्ह सकासे? 26 अदी सैतान आपरो विरोध करेत अना आपरो मा फुट डाकेह ता उ कायलाई बनो रव्ह सकासे? ओको ता सत्यानास होय जाहे।
27 "पर कोनी ताकतवर3:27बलवन्त मानूस को घर मा जायके जबा तकन बाँध नही लेहे, तब तकन ओको घर लुट नही सका।"
28 "मि तुमी लक खरो बात सागुंसू, की मानूस को सब पाप अना निन्दा जोन वय करसेति, छिमा कियो जाहेति। 29 पर जोन कोनी पवीतर आतमा को विरोध मा निन्दा3:29पवीतर आत्मा को निन्दा करेत, उ कबच छिमा नही कियो जाहे पर उ अमर पाप को दोसी ठहरेति3:29लूका 12:10।" 30 काहेकि वय यो कव्हत होतीन, की ओमा बुरो आतमा से।
यीसु की माय अना भाउ
(मत्ती 12:46-50; लूका 8:19-21)
31 यीसु की माय अना ओको भाऊ आइन, अना बाहेर उभा भयके ओला हाकलन धाड़ीन। 32 अना भीड़ ओको आजुबाजु बसी होतीन, अखीन ओन्हीसीन ओला कहीन "चोवो, तोरी माय अना तोरो भाऊ बहिन बाहेर तोला ढुढासेत।"
33 ओना जवाब साँगीस का "कोन मोरो माय अना भाऊ सेत" 34 ओना नजर इता-उता घुमायके कव्हयो "दिसो, यो आय मोरो माय अना भाऊ। 35 काहेकि जोन कोनी परमेस्वर को मरजी पर चलासे, वोच मोरो भाऊ अना बहिन अना माय आय।"