Milagres de Jesus
Os Evangelhos registram dezenas de milagres realizados por Jesus — curas, ressurreições, domínio sobre a natureza e libertações. Cada milagre revelava sua divindade e compaixão.
Curas de cegos e surdos
Jesus devolveu a visão aos cegos e a audição aos surdos, manifestando seu poder sobre toda enfermidade e deficiência.
O Isus sastarel e kore thaj e nemo manušen
Kana o Isus đelotar okotar, teljardine pale leste e duj kore manuša thaj čhonas muj pale leste: "Smilujisar tut amenđe, Čhaveja e Davidesko!"
Kana o Isus dija ando ćher e kore manuša avile pale leste, a o Isus phučla len: "Dali paćan kaj šaj te sastarav tumen?"
A von phendine lešće: "Ej, Gospode, amen paćas!"
Askal čhuta pire vas pe lenđe jakha thaj phendas: "Neka avel tumenđe sar paćan!"
Thaj ande godova časo lenđe jakha sastile. A o Isus askal phendas lenđe: "Na phenen khonikašće pale akava."
Ali von inkljistine andar o ćher thaj mothonas po sasto godova krajo pale leste.
O Isus sastarel e koren ando Jerihon
Kana o Isus thaj e učenikurja inkljenas andar o Jerihon, pale lende teljardas o but o them.
Thaj dik, pašo drom bešenas e duj kore manuša, pa kana ašundine kaj o Isus naćhel počnisardine te čhon muj: "Smilujisar tut amenđe Gospode, e Davidešće Čhaveja!"
O them čholas muj pe lende te na rknjin, ali von čhonas muj još majzurale: "Smiluisar tut amenđe Gospode, e Davidešće Čhaveja!"
A kana o Isus godova ašunda, ačhada pe paše lende, akharda len thaj phučla: "So kamen te ćerav tumenđe?"
A von phendine lešće: "Gospode, de te šaj dikhas."
O Isus sažalisajlo thaj čhuta pire vas pe lenđe jakha, thaj von ande data šaj dićhenas. Thaj teljardine pale leste.
O Isus sastarel e manušes savo bijandilo koro
Kana aresline ande Vitsaida, varesave manuša andine ko Isus jećhe kore manuše, thaj zamolisardine les te čhol pire vas pe leste. O Isus lijas e kore manuše palo vas thaj inđarda les avri andar o gav, čhungarda ande lešće jakha thaj čhuta pešće vas pe leste thaj phučla les: "Šaj dićhes vareso?"
A o manuš dikhla thaj phendas: "Dikhav e manušen, ličin manđe sago e kaš save phiren."
Askal o Isus palem čhuta pire vas pe lešće jakha, thaj e manušešće godova drom skroz bolda pe o vido. Thaj sa jasno dićhelas.
Askal o Isus bičhalda les ćhere thaj phendas lešće te na del ando gav.
O Isus sastarel e manušes savo si kašuko thaj nemo
Askal o Isus đelotar andar e tirske krajurja, thaj preko Sidono areslo dži ko Galilejsko jezero ande dekapoljsko krajo. Okote andine lešće jećhe kašuće manuše, savo vi phare ćerelas svato thaj zamolisardine e Isuse te čhol piro vas pe leste. O Isus inđarda les cara majdur katar o them te šaj avel lesa korkoro, čhuta pešće naja ande lešće kan, thaj pešće čhungarava dotaknisardas lešći čhib. Dikhla ando nebo, uzdahnisarda thaj phendas lešće: "Efata!", so znaćil: "Putar tut!"
Thaj odma bolda pe e manušesko sluho, thaj lešći phangli čhib putajli thaj šaj lačhe ćerelas svato.
O Isus zabranisarda e themešće te mothon bilo kašće pale akava. Ali so vo majbut branilas lenđe, von sa majbut ćerenas svato pale akava. But divinas pe thaj phenenas: "Sa so ćerel si zurale lačhe – vo ćerel te e kašuće manuša ašunen thaj e neme te ćeren svato!"
O Isus sastarel e kores
Askal aresline ando gav o Jerihon. Kana o Isus, lešće učenikurja thaj o but o them inkljenas andar o Jerihon, pašo drom bešelas o koro prosijako, savo akhardolas Vartimej, so značil e Timejesko čhavo. Kana ašunda kaj godova naćhel o Isus andar o Nazaret, počnisarda te čhol muj: "Isuse e Davidešće Čhaveja, smiluisar tut manđe!"
But džene opomeninas les te ačhel, ali vo još majzurale čholas muj: "E Davidešće Čhaveja, smiluisar tut manđe!"
O Isus ačhilo thaj phendas: "Akharen les akaring!" Von akhardine e kore manuše thaj phendine lešće: "Hrabro, ušti! O Isus akharel tut."
O koro manuš čhuda pestar o ogrtači, huklo pe pungre thaj avilo anglo Isus.
O Isus phučla les. "So kames te ćerav pale tute?" O koro manuš phendas: "Učiteljina, kamav te šaj te dikhav."
A o Isus phendas lešće: "Dža, ćiro paćipe sastarda tut!"
Thaj o koro odma šaj dićhelas, thaj teljarda dromesa palo Isus.
O Isus sastarel e kore manuše
A kana o Isus avilo paše dži ko gav o Jerihon, varesavo koro manuš bešelas po drom thaj prosilas.
A kana o koro manuš ašunda kaj naćhel okotar o but o them, phučlas so si godova. Phendine lešće: "Naćhel o Isus andar o Nazaret."
A vo pe godova čhuta muj: "Isuse e Davidešće Čhaveja, smiluitu tut manđe!"
A okola kaj džanas anglal o Isus ačhavenas e kore manuše te na čhol muj, ali vo još majzurale čholas muj: "E Davidešće Čhaveja, smiluitu manđe!"
Kana o Isus ašunda les ačhilo thaj phendas te anen les leste. Kana e kore manuše andine majpaše o Isus phučla les: "So kames te ćerav tuće?" A vo phendas:
"Gospode, te šaj dikhav."
A o Isus phendas lešće: "Akana šaj te dićhes! Ćiro paćipe sastarda tut."
E kore manušešće jakha odma putajle thaj počnisarda te dićhel, uputisajlo dromesa palo Isus thaj počnisarda te slavil e Devles. A sa o them savo godova dikhla dija slava e Devlešće.
O Isus sastarel e manuše savo sas koro katar o bijandipe
Kana o Isus naćhelas okotar, dikhla e manušes savo sas koro katar piro o bijandipe.
A lešće učenikurja phučline les: "Učiteljina, sostar akava manuš bijandilo koro? Zbog pire bezeha ili zbog e bezeha kaj ćerdine lesko dad thaj lešći dej?"
A o Isus phendas: "Naj vo koro zato kaj ćerdine bezeh vo, lesko dad ili lešći dej. Vo bijandilo koro te pe leste sikadol e Devlešći bari sila. Dok si o đes, trubul te ćeras buća katar okova savo bičhalda man. Kaj avel e rjat, kana khonik našti ćerela bući. A dok sem po them, svetlo sem e themesko."
Kana godova phendas, čhungarda pe phuv thaj katar e čhungara ćerda čik, thaj godole čikasa makhlas e kore manušešće jakha.
Askal phendas lešće:
"Dža thaj thov ćo muj ando Siloamsko bazeno!" (Siloam značil "Bičhaldo".) O manuš đelo, thoda piro muj thaj bolda pe ćhere gajda kaj šaj dićhelas.
Curas de paralíticos e enfermos
Paralíticos caminharam, leprosos ficaram limpos e todo tipo de doença foi curada pelo toque e pela palavra de Jesus.
Anglo Isus avilo jek gubavco, pelo pe koča angle leste thaj zamolisarda les: "Gospode! Te kames, šaj te sastares man katar e guba!"
O Isus čhuta po vas pe leste, thaj phendas: "Kamav, av sasto!" Thaj e guba odma nestanisardas lestar.
A o Isus phendas lešće: "Le sama te na phenes khonikašće pala akava, nego dža thaj sikav tu e rašaješće, thaj prinesisar o daro savo o Mojsije odredisardas palo svedočanstvo lenđe."
Okote andine lešće e line manušes pe nosilja.
Kana o Isus dikhla lengo paćipe, phendas e line manušešće: "Na dara čhaveja, jarton pe tuće ćire bezeha!"
A varesave katar e učitelja e Mojsiješće zakonestar phendine ande peste: "Dik akava hulil po Del!"
O Isus džanglas lenđi gindimata thaj phendas lenđe: "Sostar gajda gndin bilačhe ande tumare ile? So si maj loće te phenel pe: ‘Jartome si tuće ćire bezeha’ ili: ‘Ušti thaj phir’? Ali, te džanen kaj man, e Čhaves e Manušešće si vlast pe phuv te jartosarv e bezeha." Askal phendas e line manušešće: "Ušti, le ćiri nosilja thaj dža tuće ćhere!"
Vo uštilo thaj đelotar pire ćherešće.
A okote sas jek manuš e šuće vastesa.
A e fariseja rodenas razlog te optužin e Isuse, zato phučline les: "Dali si muklo te sastarel pe savatone?"
A o Isus phendas lenđe: "Ko tumendar či lijasas te inkalel pire jećhe bakhres te savatone pelo ande hv? A kozom si o manuš majvredno katar o bakhro! Zato savatone si muklo te ćerel pe lačhipe."
Askal o Isus phendas godole manušešće: "Inzar ćo vas!" Thaj vo inzardas pesko vas, a lesko vas sastilo thaj postanisardas sasto sago vi okova aver.
A e Simunošći sokra pašljolas nasvali ande groznica, pa čim aresline odma mothodine Isusešće pale late. O Isus avilo dži late, lija lat palo vas thaj vazda lat. A e groznica nakhli latar thaj voj poslužilas len.
O Isus sastarel e gubavo manušes
Jek gubavco avilo ko Isus thaj počnisarda pe koča te molil les: "Te kames šaj te sastares man katar e guba!"
O Isus sažalisajlo, inzarda pesko vas pe leste thaj phendas: "Kamav, av sasto!"
Thaj e guba odma peli lestar thaj vo sastilo.
Askal avile dži ko Isus varesave štar džene, save anenas leste e nepokretne manušes. Ali, sar katar o but o them našti inđardine les andre ando ćher dži ko Isus, ćerdine hv po krovo opral po than kaj ačhelas o Isus pa mukline e nasvale kroz e hv pe nosilje maškare anglo Isus.
Kana o Isus dikhla lengo paćipe, phendas e line manušešće: "Čhaveja, jartonpe tuće ćire bezeha!"
A okote bešenas varesave učitelja e Mojsiješće zakonestar thaj ande peste gndinas: "Sostar akava gajda ćerel svato? Vo vređol e Devle! Ko šaj te jartol e bezeha osim o jedino Del?"
A o Isus odma džanglas ande pesko duho kaj von gajda gndin thaj phučla len: "Sostar gajda gindin? So si majloće te phenel pe akale nepokretne manušešće: ‘Jartome si tuće e bezeha’ ili ‘Ušti! Le ćiri nosila thaj dža’? Ali dokaživa tumenđe kaj man, e Čhaves e Manušešće, si vlast pe phuv te jartov e bezeha." Askal bolda pe ko manuš thaj phendas: "Tuće phenav: Ušti, le ćiri nosila thaj dža ćhere."
Thaj o manuš uštilo, odma lijas e nosilja thaj angle savorende inkljisto avri.
A savora sas zadivime thaj počnisardine te slavin e Devle, e alavenca: "Gajda vareso još či dikhlam!"
O Isus sastarel savatone
Kana o Isus palem dija ande sinagoga, okote sas jek manuš e šuće vastesa. Varesave andar e sinagoga inćarenas e jakha pe leste te dićhen dali sastarel lat ando savato te došaren les.
O Isus askal phendas e manušešće e šuće vastesa: "Ušti thaj av akate maškare!" Askal phučla e aver manušen: "Dali tromal pe savatone te ćerel pe lačhipe ili bilačhipe, o trajo te spasil pe ili te mudarelpe?"
Ali von khanči či mothonas.
O Isus ande holji dikhla pe lende thaj sas zurale žalosno zbog lenđe barune ile, askal phendas e manušešće: "Inzar ćo vas." Vo inzarda pesko vas thaj lesko vas sas palem sasto.
O Isus sastarel e manuše katar e guba
Kana sas o Isus ande jek gav, dijas pe jek manuš savo sas sa ande guba. Dikhla e Isuse thaj pelo angle leste e mujesa dži ke phuv, thaj zamolisarda les: "Gospode! Te kames šaj te sastares man katar e guba."
Vo čhuta po vas pe leste thaj phendas: "Kamav, av sasto!"
Thaj e guba odma peli lestar.
Askal aviline varesošće manuša save inđarenas pe nosilje e manušes savo sas lino. Kamline te anen les andre thaj te čhon les anglo Isus. Ali, sar katar o but o them našti dine lesa andre, line pe po krovo e ćheresko thaj kroz o krovo mukline les tele zajedno e nosiljasa maškare anglo Isus.
Kana o Isus dikhla lengo paćipe, phendas e line manušešće: "Manušeja, jartompe tuće ćire bezeha."
E fariseja thaj e učitelja e Mojsiješće zakonestar počnisardine te gndin: "Ko si akava kaj hulil po Del? Ko šaj te jartol e bezeha osim o Del?"
A o Isus džangla lenđe gindimata thaj phendas lenđe: "Sostar gajda gndin ande tumare ile? So si majloće te phenel pe: ‘Jartime si tuće ćire bezeha’ ili te phenel pe: ‘Ušti thaj phir’? Dokaživa tumenđe kaj man, e Čhaves e Manušešće, si vlast pe phuv te jartosarv e bezeha." Askal phendas e line manušešće: "Tuće phenav: ‘Ušti, le ćire nosilje thaj džatar tuće ćhere!’"
Vo odma uštilo angle lende thaj lija pe soste pašljolas thaj đelotar pire ćherešće thaj hvalilas e Devle.
O Isus sastarel savatone
A jek aver savato, o Isus dija ande sinagoga thaj sikavelas, a okote sas jek manuš e šuće vastesa. E fariseja thaj e učitelja e Mojsiješće zakonestar inćarenas e jakha pe leste te dićhen dali sastarel lat ando savato te došaren les.
A vo džanglas e gindimata lenđe thaj phendas e manušešće e šuće vastesa: "Ušti thaj ačh maškare." A vo uštilo thaj ačhilo angle manuša.
A o Isus phendas lenđe: Te phučav tumen: "Dali tromal pe savatone te ćerel pe lačhipe ili bilačhipe, o trajo te spasil pe ili te hasarelpe?" A von samo ačhenas.
O Isus dikhla pe lende savorende thaj phendas e manušešće e šuće vastesa: "Inzar ćo vas." A vo ćerda gajda thaj o vas lesko sastilo thaj sas sasto sago vi aver.
E kapetanesko paćipe
Kana o Isus dija gata sa godola alava anglo them, dija ando gav Kafarnaum. Varesave rimske kapetano sas robo savo sas nasvalo po smrto, a vo sas lešće but drago. A kana o kapetano ašundas palo Isus, bičhaldas lešće e židovske starešinen thaj molisarda les te avel te sastarel lešće slugo.
A von aviline ko Isus thaj počnisardine ilestar te molin les alavenca: "Zaslužisarda te ćeres lešće godova, kaj volil amare theme thaj vo vazdas amenđe e sinagoga."
A o Isus teljarda lenca.
Thaj kana sas već paše ko ćher, bičhalda o kapetano pire drugaren leste te phenen lešće: "Gospode! Na trudi tu, kaj Naj sem dostojno te des ande mungro ćher. Zato vi či inćara man dostojno te avav angle tute, nego samo phen alav thaj o sluga mungro sastola. Kaj, vi me sem manuš tale vlast thaj si man tale mande vojnikurja. Thaj kana phenav jećhešće: ‘Dža!’, vo džaltar. Thaj kana phenav averešće: ‘Av!’, vo avel. Thaj kana phenav mungre robošće: ‘Ćer godova!’ vo ćerel."
A kana godova ašundas o Isus, zadivisajlo e kapetanošće thaj bolda pe ko them savo džalas pale leste thaj phendas: "Phenav tumenđe: kasavo paćipe či arakhlem ke nijek manuš ando Izrael!"
A kana okola kaj sas bičhalde katar o kapetano boldine pe ćhere, arakhline e robo kaj si sasto.
Okote sas varesavi manušnji savi dešuohto brš sas grbavo thaj našti uspravilaspe. Ande late sas o bilačho duho savo ćerelas te avel nasvali. Kana o Isus dikhla lat, akharda lat peste thaj phendas: "Manušnjije, oslobodime san katar ćiro nasvalipe!" Thaj čhuta pire vas pe late, a voj odma uspravisajli thaj počnisarda te slavil e Devle.
O Isus palem sastarel ando savato
Jek savato avilo o Isus ando ćher ke jek vođa e farisejengo te hal lesa. Okola save sas okote lačhe lenas sama pe leste so ćerela. Kaj pojavisajlo anglo Isus varesavo manuš savo sas nasvalo gajda kaj sas les paj thaj šuljolas lestar.
Pe godova o Isus phučla e učitelja e Mojsiješće zakonestar thaj e farisejen: "Dali si muklino prema e Mojsijesko zakono te savatone sastarel pe o manuš ili naj?"
A von khanči či phendine.
Askal o Isus čhuta pire vas po nasvalo manuš, sastarda les thaj phendas lešće kaj šaj džaltar.
O Isus sastarel e deš manušen saven sas morćhako nasvalipe
Gajda dok putuilas majdur prema o Jerusalim, o Isus naćhelas maškar e Samarijaći thaj e Galilejaći regija. Kana delas ande varesosko gav, angle leste avile deš gubavcurja. Ačhiline cara majdur thaj počnisardine te čhon muj: "Isuse, Učiteljina, smiluisar tut amenđe!"
Kana o Isus dikhla len, phendas lenđe: "Džan thaj sikaven tumen e rašajenđe te dićhen tumen thaj phenen dali sen saste!" Thaj dok džanas dromesa sastile katar e guba.
Jek lendar dikhla kaj sastilo, bolda pe thaj slavisarda e Devle andar sasto glaso. Čhuda pes pe koča angle Isusešće pungre thaj zahvalisarda lešće. A sas godova varesavo manuš andar e Samarija.
O Isus phučla: "Či li sastile deš džene? Kaj si okola inja? Dali nijek lendar či bolda pe te del slava e Devlešće osim akava tuđinco?"
Askal phendas e manušešće savo sastilo: "Ušti thaj dža. Ćiro paćipe ande mande spasisarda tut!"
O Isus sastarel e banđe manušes ando savato
Posle akava, o Isus đelo opre ando Jerusalim po židovsko prazniko. Ando Jerusalim, ke Bakhrani kapija, sas bazeno savo pe židovsko čhib akhardolas Vitezda. Okote sas pandž terase. Tale godola terase pašljonas but nasvale manuša: kore, banđe thaj paralizime. [Ažućarenas te o paj zatalasil pe, kaj o anđelo e Gospodesko, fuljelas ando bazeno ande određeno vrjama thaj talasilas o paj. O prvo manuš savo nakon godova dija sas ando paj sastilosas katar bilo savo nasvalipe.]
A sas okote jek manuš savo sas bango trijanda thaj ohto brš.
Kana o Isus dikhla les sar pašljol thaj džanelas kaj već lungo vrjama si nasvalo, phučla les: "Kames te aves sasto?"
O nasvalo phendas lešće: "Gospode, naj man khonik te mućel man ando bazeno kana o paj lel te talasilpe. Dok me avav dži inća, vareko aver del andre majsigo mandar."
O Isus phendas lešće: "Ušti, le ćiri nosilja thaj phir!"
O manuš odma sastilo, lijas piri nosilja thaj ačhilo te phirel. A godova đes sas o savato.
O Isus palem đelo ando gav Kana ande regija e Galilejaći, kaj pretvorisardas o paj ande mol. A cara majdur ando gav Kafarnaum sas jek caresko službeniko savesko čhavo pašljolas nasvalo. Kana ašundas kaj o Isus avilo andar e Judeja ande Galileja, avilo dži leste thaj zamolisarda les te džal ando Kafarnaum thaj sastarel lešće čhaves, kaj si po meripe.
A o Isus phendas lešće: "Kasave sen tumen e manuša! Dok či dićhen e znakurja thaj e čudurja, či paćan."
E caresko službeniko phendas lešće: "Gospode, moliv tut, av majsigo nego so mungro čhavo merel!"
O Isus phendas lešće: "Dža ćhere, ćiro čhavo trajila."
O manuš paćaja ande okova so o Isus phendas lešće thaj đelotar.
Dok sas još po drom, angle leste aviline lešće sluge thaj phendine lešće: "Ćiro čhavo si džudo thaj sasto." Vo phučla len kana lešće čhavešće teljardas te avel majlačhe, a von phendine lešće: "E groznica mukla les araći varekaj katar jek sato mismere."
E čhavesko dad dija pe gođi kaj baš ande godoja vrjama o Isus phendas lešće: "Ćiro čhavo avela džudo thaj sasto." Thaj askal paćaja ando Isus – vo thaj vi savora save trajinas lesa ando ćher.
Godova sas dujto čudesno znako savo o Isus ćerda sar avilo andar e Judeja ande Galileja.
A mulher com fluxo de sangue
Uma mulher que sofria há doze anos tocou a orla do manto de Jesus e foi curada instantaneamente pela sua fé.
A varesavi manušnji savi sas nasvali dešuduj brš gajda kaj o rat thavdelas latar, avili pale lešće zeja thaj astarda pes e ćoškostar katar lešći haljina. Kaj gndisardas ande peste: "Te astarde man samo palo ćoško katar lešći haljina, avav sasti."
O Isus bolda pe, dikhla pe late thaj phendas: "Na dara čhejo. Ćiro paćipe sastarda tut." Thaj e manušnji sastili isto časo.
A sas okote maškar lende vi jek nasvali manušnji savi dešuduj brš patilas katar o ratvalipe. But patisajli dok phirelas pe but doktorja, thaj potrošisardas sa so sas lat, ali khanči či pomognisardas laće, nego sas laće sa majgore. Kana ašundas palo Isus, nakhli maškar o them thaj avili leste katar lešće dume thaj dotaknisarda lesko ogrtači, kaj phendas ande peste: "Te dotaknisardem samo lešće drze, avava sasti!" Thaj isto časo o ratvalipe ačhilo latar, a voj haćarda ande pesko telo kaj sastili katar piro baro nasvalipe.
A maškar o them sas jek manušnji savi sas nasvali katar o godova kaj dešuduj brš thavdelas o rat latar. Sa so sasla dija pe doktorja thaj khonik našti te sastarelas lat. Nakhli palal leste thaj astarda pe e ćoškostar katar e Isusešći haljina, thaj o rat odma ačhilo latar.
A o Isus phendas: "Ko astarda pe pale mungri haljina?"
Savora počnisardine te branin pe, a o Petar phendas: "Učiteljina, o but o them ćićidel tut thaj spidel pe, a tu phučes ko astarda pe pale mande."
A o Isus phendas: "Vareko astarda pe pale mande. Haćardem sar e sila inkljisti andar mande thaj vareko sastilo."
Kana e manušnji dikhla kaj či ačhili neprimetno, izdralas e daratar thaj peli pe koča angle leste thaj angle sasto them phendas sostar astarda pe pale leste thaj sar odma sastili. A vo phendas laće: "Čhejo, ćiro paćipe sastarda tut. Dža ando miro!"
Ressurreições
Jesus ressuscitou mortos — a filha de Jairo, o filho da viúva de Naim e Lázaro. Ele é Senhor sobre a morte.
O Isus sastarel zbog o baro paćipe e manušengo
Dok o Isus još motholas lenđe, avilo leste jek upravniko e sinagogako, pelo angle leste pe koča thaj phendas lešće: "E čhej mungri muli, ali tu av thaj čho ćo vas pe late thaj voj trajila."
O Isus uštilo thaj teljardas pale leste pire učenikonenca.
A kana o Isus avilo ando ćher e upravnikosko, dikhla e pogrebne sviračen thaj e themes sar kućin. O Isus phendas: "Inkljen avri! Kaj e čhori či muli, nego sovel."
A von asajine lestar.
Kana o them sas tradino avri, o Isus dija andre thaj astarda e čhora palo vas, thaj e čhori uštili.
avilo leste jek vođa e sinagogako alavesa Jair, thaj kana dikhla e Isuse, pelo pe pešće koča angle lešće pungre e mujesa dži ke phuv thaj zurale molilas les: "Mungri čhejori si po meripe. Av thaj čho ćire vas pe late, te sastol thaj te trajil." O Isus đelo lesa.
A palo Isus teljardas vi okova but them, savo spidelas pe oko leste.
Kana aresline ando ćher e sinagogaće vođasko, o Isus dikhla kaj o them rknil, rovel thaj kukil ando baro muj, dija andre thaj phendas lenđe: "Sostar gaći kukin thaj roven? E čhori či muli, samo sovel." A von asanas lestar. O Isus sa trada len avri, lija pesa samo e čhoraće dade, thaj laće deja thaj okole trin učenikonen kaj sas lesa, thaj dija andre okote kaj pašljolas e čhori. Askal astarda e čhora palo vas thaj phendas laće: "Talita kum!" so značil: "Čhejorije, tuće phenav, ušti!" E čhori odma uštili thaj ačhili te phirel (sas lat dešuduj brš) a von zaprepastisajle katar o čudo.
O Isus phendas: "Kasa te usporediv e manušen katar akaja generacija? Kašće si slične? Lenca si sago e čhavrenca save bešen po sokako thaj jek avrešće čhon muj:
‘Svirosardam tumenđe veselo,
a tumen či ćheldine,
đilabadam tumenđe tužno,
a tumen či rujine!’
Gajda avilo o Jovano savo bolelas. Niti halas mangro niti pijelas mol, a tumen phenen: ‘O bilačho duho si ande leste!’
Avilem me, o Čhavo e Manušesko. Vi hav vi pijav, a tumen phenen: ‘Dik, o manuš halapljivo thaj matarno, drugari e carinikonengo thaj e bezehalengo.’ Savora save prihvatin e Devlešći mudrost sikaven kaj si voj čači."
O Isus šaj te jartol e bezeha
Varesavo farisejo zamolisarda e Isuse te hal leste. O Isus dija ande farisejsko ćher thaj lijas than pale sinija. Kana ake avili varesošći manušnji savi sas bezehali ando gav. Ašunda kaj si o Isus pale sinija ande farisejsko ćher, avili thaj andas e alabasterosko čaroro ande savo sas kuč mirisno ulje.
Thaj dik, avilo o manuš kasko alav sas Jair, savo sas jek katar e vođe ande sinagoga. Thaj pelo pe pire koča angle Isusešće pungre thaj zamolisarda les te del ande lesko ćher kaj sas po meripe lešći jedino čhej savja sas varekaj katar dešuduj brš.
Dok o Isus džalas ande Jairesko ćher oko leste ćićidelas pe sa o them katar sa e riga.
Dok o Isus još ćerelas svato e manušnjasa, avilo vareko andar e Jairesko ćher ko Jair savo sas vođa ande sinagoga thaj phendas: "Ćiri čhej muli. Na mučisar majbut e učitelje."
Ašunda godova o Isus thaj phendas: "Na dara! Samo paća thaj voj trajila!"
Kana o Isus areslo ando ćher, či mukla khonikašće te den andre lesa osim o Petre, o Jovane, o Jakov thaj e čhorako dade thaj laće deja. A savora save sas ando ćher rovenas thaj žalinas pale čhori. A o Isus phendas lenđe: "Na roven! Či muli, nego samo sovel!"
A von asanas lestar kaj džangline kaj muli. O Isus astarda lat palo vas thaj čhuta muj: "Čhorije, ušti!" Thaj lako duho bolda pe ande late thaj voj odma uštili, a vo naredisarda te denla te hal. A lako dad thaj laći dej čudisajle, a vo zapovedisarda lenđe te na phenen khonikašće so sas.
O Lazar merel
Varesavo manuš po alav Lazar sas nasvalo. Vo sas andar e Vitanija, andar o gav kaj trajilas e Marija thaj laći phen e Marta. E Marija sas okoja manušnji savi čhorela mirisno ulje pe Gospodešće pungre thaj khosela len, pire balenca. O Lazar savo sas nasvalo sas lako phral.
Gajda e pheja, e Marija thaj e Marta, poručisardine e Isusešće: "Gospode, nasvalo si okova saves tu volis."
Kana o Isus godova ašundas, phendas: "Akava nasvalipe či avela po meripe, već pe slava e Devlešće, te kroz late proslavilpe o Čhavo e Devlesko."
O Isus volilas e Marta, laće pheja thaj lenđe phrale e Lazare. Ali kana o Isus ašundas kaj si o Lazar nasvalo, ačhilo okote kaj sas još duj đes. Askal phendas pire učenikonenđe: "Hajde džas palem ande Judeja!"
A e učenikurja phendine lešće: "Učiteljina, či nakhlo but sar e židovske vođe kamenas okote te mudaren tut e barenca, a tu palem kames te džas inća?"
A o Isus phendas: "Naj li o đes lungo dešuduj saturja? Ko phirel e đeseja, godova či spotaknilpe te perel, kaj si les o svetlo akale themesko. Ali, ko phirel e raćava, godova spotaknilpe thaj perel, kaj najles svetlo te osvetlil lešće o drom." Phendas godova thaj lijas te mothol lenđe majdur: "Amaro drugari o Lazar sovljardilo, ali me džava te džungavav les."
E učenikurja phendine pe godova: "Gospode, ako sovel, značil kaj sastola." Ali o Isus gindilas pe lesko smrto, a e učenikurja haćardine kaj o Lazar čače sovel.
Askal o Isus jasno mothodas lenđe: "O Lazar mulo.
Domínio sobre a natureza
Jesus acalmou a tempestade, andou sobre as águas e multiplicou pães. A natureza obedece à voz do seu Criador.
O Isus smiril e oluja
A askal o Isus dija ando čamco, a pale leste dine vi lešće učenikurja. Andar jekhvar po jezero vazda pe gajda bari oluja, kaj e talasurja pherenas o čamco e pajesa. A o Isus sovelas.
Lešće učenikurja aviline dži leste, džungadine les thaj phendine: "Gospode, spasisar men kaj tasadosa!"
A o Isus phendas lenđe: "Sostar daran, cara paćivalen?" Askal uštilo thaj zapovedisardas e balvajenđe thaj e jezerošće te ačhen, a e oluja smirisajli thaj postanisardas bari tišina po jezero.
A e manuša, zadivime, phučline: "Ko si akava te e balvaja thaj o more pokorin pe lešće?"
Kana peli e rjat avile leste lešće učenikurja thaj phendine lešće: "Akava si pusto krajo, a već si kasno. Muk e theme te džal pe okolne gava te ćinen pešće vareso te han!"
A o Isus phendas lenđe: "Či trubun te džan. Tumen den len te han."
Von phendine lešće: "Amen naj akate khanči aver osim pandž mangre thaj duj mačhe!"
A o Isus phendas: "Anen godova mande." Askal zapovedisardas e themešće te bešel pe čar. Lijas e pandž mangre thaj e duj mačhe, dikhla prema o nebo thaj zahvalisarda e Devlešće palo habe. Phaglas o mangro thaj dija pire učenikonenđe, a e učenikurja e manušenđe. Thaj savora haline thaj čaljile. A e učenikurja ćidine još dešuduj pherde korpe katar e kotora save ačhiline. A okola save haline sas pandž milja muškarcurja, a nas đinade e manušnja thaj e čhavra save sas lenca.
A varekaj katar e trin dži ke šov saturja detharinako, o Isus avilo dži ke učenikurja gajda kaj phirelas po paj ando jezero.
O Isus pravarel majbut katar e štar milje manuša
A o Isus akhardas pire učenikonen thaj phendas lenđe: "Žao manđe e themestar, kaj si već trin đes manca, a najlen so te han. Či kamav te mukav len bokhale te džantar te na malaksin e dromesa."
A e učenikurja phendine lešće: "Kaj ande akaja pustinja te arakhas dosta mangro te pravaras gadići themes?"
A o Isus phučla len: "Kozom mangre si tumen?" A von phendine: "Efta mangre thaj cara mačhe."
Askal o Isus zapovedisardas e themešće te bešen pe phuv. Thaj lijas e efta mangre thaj e mačhen, zahvalisarda e Devlešće, phaglas e mangre thaj dija pire učenikonenđe, a e učenikurja dine e themešće. Savora haline thaj čaljile; thaj katar e kotora save ačhiline lenđe pherdine još efta bare korpe. A okola save haline sas štar milje muškarcurja thaj još vi manušnja thaj čhavra save nas đinade.
O Isus sikavel palo hramsko porezo
Kana aresline ando Kafarnaum, avile dži ko Petar okola kaj ćidenas o hramsko porezo thaj phučline les: "Tumaro učitelj poćinel o hramsko porez, si gajda?"
O Petar phendas: "Poćinel!" Askal dijas ando ćher, a o Isus odma lijasle anglal thaj phučlas: "So gndis, Simone, dali e themešće carurja ćiden e carina ili o porez katar pire ili katar averenđe čhavra?"
O Petar phendas lešće: "Katar averenđe čhavra," a o Isus pe godova phendas lešće: "Askal si lenđe čhavra oslobodime thaj či trubun te poćinen o porezo. Ali te na uvredisaras len, dža dži ko more thaj čhude e udica. Prvo mačhešće saves astares putar lesko muj, thaj araćheja andre lovoro. Le les thaj lesa poćin lenđe o porezo pale mande thaj pale tute."
E smokvako kaš šućilo sago kaj o Isus phendas
Detharinako rano, kana boldelas pe ando Jerusalim, o Isus bokhajlo. Dikhla e smokva pašo drom thaj nakhlo dži late, ali pe late či arakhlas khanči osim patrja.
Zato phendas laće: "Nikada te na avel majbut rodo pe tute!" Thaj e smokva odma šućili.
E učenikurja pe godova začudisajle thaj phučline: "Sar e smokva gajda sigo šućili?"
A o Isus phendas lenđe: "Čače phenav tumenđe, te paćajine thaj či posumnjin, či ćerena samo godova so me ćerdem e smokvasa, nego te phendine akale planinaće: ‘Vazde tut akatar thaj čhude tut ando more!’, godova vi avela. Sa so zamolin ando paćipe, primina."
Thaj vazda pe gajda bari oluja kaj e talasurja pherenas e lađica e pajesa. A o Isus sas po paluno krajo e lađicako thaj sovelas po šerand. E učenikurja džungadine les thaj phendine: "Učiteljina, zar či hal tut e briga kaj tasadivas?" O Isus uštilo thaj oštro phendas e bavlajaće thaj e jezerošće: "Ačh! Smiri tut!" E balval ačhili thaj sas bari tišina. Askal o Isus phendas e učenikonenđe: "Sostar gadići daran? Zar još naj tumen paćipe?" A len lijas e bari dar, thaj phučenas jek avres: "Ko si akava te e balval thaj o jezero pokorin pe lešće."
Već sas kasno pa e učenikurja avile dži ko Isus thaj phendine: "Akava si pusto krajo, a već si kasno. Muk e theme te džantar pe okolne thana thaj gava te ćinen pešće vareso te han."
A o Isus phendas lenđe: "Den len tumen te han." A von phendine lešće: "So? Sar ćinasa gaći mangro? Trubujasas men duj šela rupune lovora te pravaras sa akale manušen."
A o Isus phučla len: "Kozom mangre si tumen? Džan thaj proverin!" Kana đinadine e mangre, phendine: "Si amen pandž mangre thaj duj mačhe."
O Isus askal naredisarda lenđe te bešen ande grupe pe zeleno čar. Thaj o them bešlo ande grupe po šel thaj po pandžvardeš džene.
Askal o Isus lijas e pandž mangre thaj e duj mačhe, dikhla opre ando nebo, zahvalisarda e Devlešće askal phaglas e mangre, thaj dijas pire učenikonenđe te čhon anglo them. Gajda podelisarda savorenđe vi e duj mačhe. Savora haline thaj čaljile. E učenikurja još ćidine dešuduj pherde korpe kotora save ačhiline katar e mangre thaj e mačhe. A haline pandž milje muškarcurja.
O Isus dikhla sar e učenikurja phare veslin kaj phurdelas e suprotno balval, pa varekaj katar o trito dži ko šovto sato detharinako, o Isus avilo dži lende gajda kaj phirelas po paj. Kamlas te naćhel paše lende, ali kana e učenikurja dikhline sar phirel po paj, gndisardine kaj si duho, thaj počnisardine te čhon muj. Kaj savora izdranas e daratar kana dikhline les,
a o Isus odma phendas lenđe: "Aven hrabre! Me sem! Na daran!"
Askal dijas lende ande lađica thaj e balval ačhili. A e učenikurja sas zurale začudime,
O Isus pravarel štar milje manuša
Ande godoja vrjama palem ćida pes o but o them. A sar nas len so te han, o Isus akhardas peste pire učenikonen thaj phendas lenđe: "Žao si manđe katar o them, kaj si već trin đes manca, a najlen so te han. Ako bičhalav len ćhere bokhalen, malaksina po drom. A varesave lendar avile dadural."
Lešće učenikurja phučline les: "Sar vareko pe akava pusto than šaj arakhla sas dosta mangro pale sa akala manuša te han?"
O Isus phučla len: "Kozom mangre si tumen?" A von phendine: "Efta."
Askal o Isus phendas e themešće te bešen tele pe phuv. Lijas e efta mangre, zahvalisarda e Devlešće, phagla e mangre thaj dijas e učenikonenđe, a von podelisardine e themešće. A sas len vi varekozom mačhora. O Isus zahvalisarda pale lende thaj phendas e učenikonenđe te vi len podelin e themešće. E manuša haline thaj čaljile. A e učenikurja ćidine efta korpe kotora katar o okova habe kaj ačhilo. A okote sas varekaj katar štar milje muškarcurja. Askal o Isus mukla len te džantar ćhere.
O Isus del romaja e smokva savi či dija piro plodo
Thejara o đes teljardine andar e Vitanija, a o Isus bokhajlo. Dadural dikhla jećhe smokva savi sas sa ande patrja thaj đelo dži late te araćhel vareso pe late te hal. Ali kana avilo late, či arakhlas pe late khanči osim laće patrja, kaj još nas e vrjama te e smokva bijanel pesko plodo.
Askal o Isus phendas e smokvaće: "Dži ko veko neka khonik majbut či hal ćiro plodo tutar!" A godova ašundine vi lešće učenikurja.
Sa so mangas ande molitva o Del dela men
Kana o Isus thaj lešće učenikurja aver detharin naćhenas paše okoja smokva, line sama kaj e smokva šućili andar o koreno.
A o Petar askal dija pe gođi thaj phendas e Isusešće: "Dik učiteljina! Šućili e smokva savja dijan romaja!"
O Isus phendas lenđe: "Nek avel tumen paćipe ando Del. Vi čače phenav tumenđe, ko god phenel akale goraće: ‘Vazde tut thaj čhude tut ando more!’ thaj či sumnjil ande piro ilo, nego paćal kaj avela gajda sar phendas – gajda avela lešće. Andar godova phenav tumenđe: sa so roden ande tumare molitve, paćan kaj primina, thaj avela tumenđe dino. Thaj kana len te molin tumen, jartosaren te si tumen vareso protiv varekaste, te vi tumenđe tumaro nebesko Dad jartol tumare bezeha."
O Isus akharel e učiteljen te sledin les
Jekhvar kana o Isus ačhelas pe obala ko galilejako jezero, o them spidelas pes pe leste te ašunen o alav e Devlesko. O Isus lija sama e duj čamcurija kaj ačhenas pe obala andar save inkljistine e ribarja thaj halavenas pire mreže. Thaj dija ande jek katar o čamco savo sas e Simonesko thaj zamolisarda les te spiden les cara majdur katar e obala. Bešlo andre thaj počnisarda te sikavel e theme andar o čamco.
A kana o Isus ačhilo te ćerel svato e themešće, phendas e Simonešće: "Otplovisar okote kaj si handuk o paj thaj čhude e mreže ćire thaj astar e mačhen."
A o Simon phendas lešće: "Učiteljina! Sasti rjat trudisajlam thaj khanči či astardam, ali ako tu gajda phenes, čhudava e mreže."
Kana ćerdine godova, astardine but mačhe, gaći kaj pharjonas lenđe mreže. Dine znako pire drugarenđe ando aver čamco te aven te pomožin len. Kana von aviline, pherdine e liduj čamcurija gajda kaj gata potonisardine.
A kana dikhla o Simon Petar, pelo pe pire koča angle Isusešće pungre thaj phendas: "Džatar mandar, Gospode! Me sem bezehalo manuš."
Thaj sas ando čudo o Petar thaj savora save sas lesa zbog e bute e mačhe kaj astardine. A gajda vi o Jakov thaj o Jovano sas ando čudo. Von sas e čhave e Zevedeješće thaj e drugarja e Simonešće.
A o Isus phendas e Simonešće: "Na dara! Katar akana e manušen astareja sago e mačhen."
Thaj crdine e čamcurja pe phuv, mukline sa thaj teljardine pale leste.
O Isus smiril e oluja
Jek đes o Isus phendas pire dešuduj učenikonenđe: "Hajde te nakhas pe koja rig e jezerošći."
O Isus thaj lešće učenikurja dine ando čamco thaj isplovisardine. Dok plovinas, e Isuse lija e lindri. Ande godova mukla pe e oluja po jezero. E lađica počnisarda te pherel pe e pajesa a von arakhline pe ande bari briga pale piro trajo.
Aviline ko Isus, džungadine les thaj čhutine muj: "Učiteljina, učiteljina, tasadosa!"
Vo džungadilo, thaj zapovedisarda e bavlajaće thaj e talasenđe thaj e talasurja smirosajle thaj nastanisarda tišina.
A o Isus phendas lenđe: "Kaj tumaro paćipe?"
A von ande dar thaj ando čudo phučenas jek avres: "Ko si akava te zapovedil e paješće thaj e bavlajaće, a von te pokorin pe lešće?"
O Isus smiril e oluja
Jek đes o Isus phendas pire dešuduj učenikonenđe: "Hajde te nakhas pe koja rig e jezerošći."
O Isus thaj lešće učenikurja dine ando čamco thaj isplovisardine. Dok plovinas, e Isuse lija e lindri. Ande godova mukla pe e oluja po jezero. E lađica počnisarda te pherel pe e pajesa a von arakhline pe ande bari briga pale piro trajo.
Aviline ko Isus, džungadine les thaj čhutine muj: "Učiteljina, učiteljina, tasadosa!"
Vo džungadilo, thaj zapovedisarda e bavlajaće thaj e talasenđe thaj e talasurja smirosajle thaj nastanisarda tišina.
A o Isus phendas lenđe: "Kaj tumaro paćipe?"
A von ande dar thaj ando čudo phučenas jek avres: "Ko si akava te zapovedil e paješće thaj e bavlajaće, a von te pokorin pe lešće?"
O Isus tradel andar o manuš e bilačhe duhonen
Askal o Isus thaj lešće učenikurja otplovisardine pe obala ke gerasinsko krajo, savo si pe koja rig katar o Galilejako jezero.
Kana avilo majpaše o krajo e đesesko kasno mismere avile ko Isus majpaše e dešuduj učenikurja thaj phendine e Isusešće: "Akava si pusto krajo, a već si kasno. Muk e theme te džal pe okolne gava thaj e thana te ćinen pešće vareso te han! kaj sam akate ando samotno krajo?"
A o Isus phendas lenđe: "Tumen den len te han!"
A von phendine, "Naj amen majbut katar pandž mangre thaj duj mačhe, osim te džas te ćinas hamasko pale sa o them." A sas varekaj katar pandž milje muškarcurja (či đinavenas pe e manušnja thaj e čhavra).
O Isus phendas pire učenikonenđe: "Phenen lenđe te bešen ande skupine po pandžvardeš džene." Thaj savora bešline. A o Isus lijas e pandž mangre thaj e duj mačhe, dikhla prema o nebo thaj blagoslovisarda len. Askal phagla o mangro pa dija pire učenikonenđe te podelin e themešće. Savora haline thaj čaljile. Thaj katar okova so ačhilo e themešće ćidine dešuduj pherde korpe kotora mangre thaj mačhe.
E svaturja ande Kana Galilejsko
O trito đes sas e svaturja ando gav Kana Galilejaći. Okote sas e Isusešći dej, a pe svaturja sas akharde vi o Isus thaj lešće učenikurja.
Kana nas len majbut mol, e Isusešći dej phendas lešće: "Najlen majbut mol."
A o Isus phendas laće: "Drago manušnjije, so si man tusa? Još či avilo mungro časo!"
Lešći dej phendas e slugenđe: "Ćeren sa so phenel tumenđe."
A okote sas šov bare barune ćupurja palo paj, saven e Židovurja koristinas palo obredno thoipe. Thaj ande svako lendar šaj ačhelas katar ohtovardeš dži ke šel thaj biš litre.
O Isus phendas e slugenđe: "Pheren e ćupurja e pajesa!" Thaj von pherdine len dži ko vrho.
Askal phendas lenđe: "Akana len cara thaj inđaren ko manuša savo si zadužime palo habe thaj pipe." Thaj von ćerdine gajda.
O manuš probisarda o paj savo postanisardas mol, ali či džanglas katar si. Godova džangline samo e sluge save line o paj. O manuš askal akhardas e džamutre thaj phendas lešće: "Svako manuš prvo inkalel e majlačhi mol, a kana e gosturja maton, askal e majslabo mol. A tu araćhejas e lačhi mol sa dži akana."
Gajda o Isus piro prvo čudesno znako ćerda ande Kana Galilejaći thaj javno sikadas piri slava, pa lešće učenikurja paćaine ande leste.
Godova phendas te probil les, kaj već džanglas so ćerela.
A o Filip phendas lešće: "Ni duj šela rupune lovora či avilosas dosta te ćinel pe dosta mangro te svako dobil barem kotororo!"
A jek aver učeniko savo akhardolas Andrija, o phral katar o Simon Petar, phendas e Isusešće: "Akate si jek čhavro saves si pandž mangre katar o ječam thaj duj mačhora. Ali so si godova pale gadići them?"
O Isus phendas lenđe: "Neka o them bešel tele!" Pe godova than sas but čar, pa e manuša bešline. Sas okote varekaj katar pandž milje muškarcurja.
Askal o Isus lijas godola mangre, zahvalisarda e Devlešće thaj podelisardas e themešće save bešenas pe čar. A gajda ćerda vi e mačhenca, thaj savora haline kozom kamline.
Kana savora čaljile, o Isus phendas pire učenikonenđe: "Ćiden e kotorora save ačhiline, te khanči či propadnil."
Gajda e učenikurja ćidine dešuduj korpe kotorora save ačhiline katar okola pandž ječmene mangre save o them halas.
Kana e učenikurja otplovisardine varekaj katar pandž dži ke šov kilometrja katar e obala, dikhline e Isuse sar phirel po paj thaj avel sa majpaše ke e lađica, a len astarda dar.
A o Isus phendas lenđe: "Me sem! Na daran!"
Askal line les ande lađica, thaj e lađica ande data arakhadili pe obala prema savi plovinas.
O Isus sikadilo angle efta učenikurja
O Isus posle godova palem sikada pe pire učenikonenđe po Tiverijadsko jezero. A sikadilo lenđe agajda: O Simon Petar, o Toma akhardo Blizanco, o Natanail andar o gav Kana Galilejaći, e Zevedeješće čhave thaj još aver duj e Isusešće učenikurja sas zajedno.
O Simon Petar phendas lenđe: "Džav te astarav mačhe."
A von phendine: "Džas vi amen tusa."
Inkljistine avri, dine ando čamco, ali godoja rjat khanči či astardine.
A rano ande detharin, o Isus ačhelas pe obala, ali e učenikurja či pindžardine kaj si godova vo.
Askal o Isus phučla len: "Čhavoralen, dali astardine vareso?"
A von phendine: "Či astardam khanči."
A o Isus phendas lenđe: "Čhuden e mreža pe desno rig katar o čamco thaj astarena."
Von ćerdine gajda thaj astardine gaći mačhe kaj našti crdenas e mreža katar e but mačhe save astardine.
Askal okova učeniko saves o Isus but volilas phendas e Petrešće: "Godova si o Gospod."
Kana o Simon Petar ašundas kaj si godova o Gospod, učharda pe kaj sas gata nango, thaj huklas ando jezero. A okola aver učenikurja avile e čamcosa. Crdenas e mreža e mačhenca pe obala, kaj e obala nas lendar dur, varekaj katar šel meterja. Kana inkljistine pe obala, dikhline već ćerdi jag katar o angar thaj pe late čhutino mačho thaj mangro.
O Isus phendas lenđe: "Anen varekozom e mačhe katar akala save akana astardine." Askal o Simon Petar dija ando čamco thaj inkalda pe obala e mreža savi sas pherdi bare mačhe, šel thaj pandžvardeš thaj trin kotora. Ali vi ako sas gaći but, e mreža či pharadili.
Libertações
Jesus expulsou demônios com autoridade. Os espíritos impuros não resistiam à sua palavra e saíam imediatamente.
O rimsko kapetano sikavel kaj snažno paćal e Isusešće
Kana o Isus avilo ando Kafarnaum, avilo dži leste jek rimsko kapetano thaj zamolisarda les: "Gospode, mungro sluga pašljol ćhere nepokretno thaj zurale mučilpe."
A o Isus phendas lešće: "Avava thaj sastarava les."
A o kapetano phendas: "Gospode! Naj sem dostojno te des ande mungro ćher; nego samo phen alav thaj o sluga mungro sastola! Kaj vi me sem manuš tele vlast thaj si man tale mande vojnikurja. Thaj kana phenav jećhešće: ‘Dža!’ vo džaltar. Thaj kana phenav averešće: ‘Av!’ vo avel. Thaj kana phenav mungre robošće: ‘Ćer godova!’ thaj vo ćerel."
Kana ašundas godova, o Isus zadivisajlo lešće, thaj phendas okolenđe save džanas pale leste: "Čače phenav tumenđe, kasavo paćipe či arakhlem ke nijek manuš ando Izrael! A phenav tumenđe kaj but manuša avena andar o sasto them, katar o istok thaj katar o zapad thaj avela len than pe bari gozba e Avraameja, e Isakosa thaj e Jakovesa ando Carstvo nebesko, a but e Izraelcurja savenđe si pripremime e Devlesko carstvo, avena čhudine andar o carstvo, ande majhanduk tunjariko, okote avela o roipe thaj o škripipe e dandenca katar e duk."
Askal o Isus phendas e kapetanošće: "Dža, thaj neka avel tuće sar paćajan."
Thaj o sluga e kapetanesko sastilo ande godova časo.
O Isus sastarel dujen ande save sas e bilačhe duhurja
A kana o Isus areslo pe okoja rig e jezerošći, ando gadarinsko krajo, angle leste aviline duj manuša ande save sas e bilačhe duhurja save inkljenas andar e limorja, a sas gaći napasne kaj khonik či tromalas te naćhel godole dromesa. Von čhutine muj: "So si amen tusa, Devlešće Čhaveja? Avilan li akate te mučis men majsigo nego so si e vrjama?"
A majdur lendar čarjonas e but bale.
A e demonurja zamolisardine e Isuse: "Ako trades men, bičhal amen te džas ande okola bale."
A o Isus phendas lenđe: "Džan".
Thaj e demonurja inkljistine andar e manuša thaj dine ande bale. Pe godova, sa e bale pojurisardine niz o brego ando jezero thaj tasadile ando paj. Pe godova e manuša kaj lenas sama pe bale našline ando gav thaj phendine sa so dikhline thaj so sas e manušenca ande save sas e demonurja. Askal sa e manuša andar godova gav inkljistine anglo Isus, pa kana dikhline les počnisardine te molin les te džaltar andar lengo krajo.
O Isus sastarel e nemo manušes
Dok von inkljenas, odma pale godova andine leste e manušes savo sas nemo kaj o bilačho duho sas ande leste. O Isus trada e bilačhe duho andar o nemo manuš, thaj o nemo manuš odma počnisarda te ćerel svato. E manuša sas zadivime thaj phenenas: "Gajda vareso još či dikhlam ando sasto Izrael!"
E Isusešći vlast si katar o Del
Askal andine anglo Isus jećhe manuše ande savo sas o bilačho duho, a sas godova manuš koro thaj nemo. O Isus sastardas les, thaj o nemo manuš šaj dićhelas thaj šaj ćerelas svato.
E manušnji savi nas Židovka sikavel o baro paćipe
Askal o Isus đelotar okote thaj crda pe andar e Galileja po sever, ando tirsko thaj sidonsko krajo.
A jek manušnji, Hanaanejka andar godova krajo, avili dži leste thaj teljarda te čhol muj: "Smiluisar tut manđe Gospode, Čhaveja e Davidesko! Kaj mungri čhej zurale patil pe, zato kaj si ande late o bilačho duho!"
Ali o Isus khanči či phendas laće, pa lešće učenikurja aviline đi leste thaj počnisardine te molin les: "Phen laće te džaltar kaj čhol muj pale amende!"
A vo phendas lenđe: "Bičhaldo sem samo te pomogniv e Izraelošće themešće save si sago e hasarde bakhre."
A voj avili thaj peli pe koča angle leste thaj phendas: "Gospode, pomožisar manđe!"
A vo phendas laće: "Naj lačhe te lel pe o mangro e čhavrendar thaj te čhudel pe e džućhelenđe."
A voj phendas: "Ej, Gospode, kaj čak vi e džućhela han e prušuka save peren katar e sinija lenđe gospodarenđe!"
Askal phendas laće o Isus: "Baro si ćiro paćipe, manušnjije! Neka avel tuće sago kaj kames!"
Thaj ando isto časo sastili laći čhej.
O Isus sastarel e čhavres ande savo sas o bilačho duho
Kana aviline dži ko but o them, e Isuseste avilo varesavo manuš, pelo tele angle leste pe koča thaj phenelas lešće: "Gospode! Smiluisar tut mungre čhavešće kaj si mesečari thaj but trpil. Često perel te ande jag te ando paj. Andem les ke ćire učenikurja, ali von našti sastardine les."
A o Isus phendas: "Tumen bi paćako thaj rumome naraštajona, kozom još moraš te avava tumenca? Kozom još moraš te trpiva tumen? Anen les mande!"
Askal o Isus zapretisardas e bilačhe duhošće thaj vo inkljisto andar o čhavro savo isto časo sastilo.
Askal okote ande lenđi sinagoga sas jek manuš ande savo sas o bilačho duho thaj katar jekhvar ačhilo te čhol muj thaj te mothol: "So kames amendar, Isuse andar o Nazaret? Avilan te uništis amen? Džanav ko san: Sveco e Devlesko!"
A o Isus oštro phendas lešće: "Phandav ćiro muj thaj inklji andar leste!"
Askal o bilačho duho zurale ćhinosarda e manušes thaj e riknjimava andar o sasto glaso inkljisto andar leste.
O Isus sastarel e manuše ande kaste si e benga
Askal avile pe aver rig katar o jezero, ando gerasinsko krajo. Thaj samo so o Isus inkljisto andar e lađica, odma angle leste avilo andar e limorja jek manuš ande savo sas o bilačho duho. Akava manuš trajilas ande limorja thaj khonik majbut našti phandelas les čak ni ande lancurja. But drom phandenas lešće vas thaj lešće pungre ande lancurja, ali vo trgolas e lancurja thaj phađelas e okurja pe pešće pungre, thaj khonik nas gaći zuralo te inćarel les. Stalno, e đesenca thaj e raćenca lutilas pe limorja thaj pe bregurja, rknjilas thaj pećelas korkoro pes e barenca. Kana dadural dikhla e Isuse, prastaja dži leste thaj pelo angle leste pe pešće koča, thaj andar o sa glaso e rknjimava phendas: "So kames mandar, Isuse, Čhaveja e Majbare Devlesko? Dav tut solah e Devleja te na mučis man!" Kaj, o Isus već phendas lešće: "Bilačho duhona, inklji andar o manuš!" Askal phučla les: "Sar bučhos?" A vo phendas lešće: "Mungro alav si legija kaj sam but duhurja ande akava manuš sago vojska." Thaj uporno molilas e Isuse te na tradel len andar godova krajo. A okote po brego čarjolas o baro krdo bale, thaj e bilačhe duhurja zamolisardine e Isuse: "Bičhal amen ande okola bale, te das ande lende." O Isus mukhla len thaj e bilačhe duhurja inkljistine andar o manuš thaj dine ande bale. Pe godova o sasto krdo varekaj katar duj milje bale, prastajine e bregostar ando more thaj tasadile.
Pe godova e manuša kaj lenas sama pe bale našline ande pašutne gava thaj pe okolne thana thaj phendine pale akava so dikhline, thaj o them avelas te dićel so sas godova.
A tumen phenen: ‘Lačhe si te o manuš phenel pire dadešće ili pire dejaće: "Sa sova šaj pomogniv tut si te prinesiv kurbano – so značil žrtveno daro e Devlešće"’, gajda tumen či mućen e manušes te vodil briga pale piro dad ili pale piri dej. Thaj gajda odbacin e Devlesko alav tumare običajenca save sikaven avren. Thaj but gajda vareso ćeren."
O Isus phenel so meljarel e manušes
Askal palem akharda e theme peste thaj phendas: "Ašunen man savora thaj haćaren! Khanči so avrjal del ando manuš našti meljarel e manuše andral. Nego okova so inkljel andar o manuš meljarel e manuše andral.
O Isus pomožil e romnjaće savi nas Židovka
Pale godova o Isus andar e Galileja đelo ande tirske thaj sidonske krajurja thaj smestisajlo ande varesosko ćher. Či kamlas te bilo ko džanel kaj si okote, ali našti ačhilo garado. Varesavi manušnji ande kašći čhejori sas o bilačho duho, čim ašunda pale leste avili thaj peli angle lešće pungre pe koča e mujesa dži ke phuv. A godoja manušnji nas Židovka thaj sas bijandi ande sirisko Fenikija. Molilas e Isuse te tradel e benđe andar laći čhej.
O Isus phendas laće: "Muk majsigo te čaljon e čhavra, kaj naj lačhe te lel pe o mangro katar e čhavra thaj te čhudel pe e džućhelorenđe."
A voj phendas: "Gajda si, Gospode, ali vi e džućhelora tale sinija han e prušuka kaj peren e čhavrenđe."
Askal o Isus phendas laće: "Zbog godova kaj phendan akava, dža ćhere. O bilačho duho inkljisto andar ćiri čhej."
Kana e manušnji đeli ćhere, arakhla e čhora sar pašljol ando kreveto, a o bilačho duho već inkljisto andar late.
A jek manuš andar o them phendas lešće: "Učiteljina, andem tute mungre čhaves, savo našti te ćerel svato, kaj si ande leste o bilačho duho thaj zbog godova si nemo. Kana astarel les, čhudel les pe phuv, thaj e spuma del lešće po muj, škripol e dandenca thaj kočil pe. Phučlem ćire učenikonen te traden e nemo duhos andar leste, ali von našti tradine les."
O Isus pe godova phendas lenđe: "O bipaćivalo naraštajona, dži kaj još trubula te avav tumenca? Dži kaj još trpiva tumen? Anen e čhavre mande."
Thaj von andine e čhavres leste. Kana o duho dikhla e Isuse, odma zurale ćhinosarda e čhavres, savo pelo pe phuv thaj ačhilo te valjil pes pe sa e riga, a po muj delas lešće e spuma.
O Isus askal phučla lešće dades: "Kozom vrjama si kasavo?"
O dad phendas: "Katar lesko ciknipe. Svako cara o duho čhudel les vi ande jag vi ando paj te mudarel les. Ali te šaj vareso te ćeres, smiluisar tut amenđe thaj pomožisar amen!"
O Isus phendas lešće: "Phučes man: ‘Te šaj’? Sa si moguće okolešće savo paćal!"
A e čhavesko dad odma čhuta muj: "Paćav! Pomožisar manđe te majbut paćav!"
Kana o Isus dikhla kaj sa majbut them prastajas dži lende, strogo ukorisarda e bilačhe duho gajda kaj phendas: "Duhona savo phandaves e manušenđe čhibja te našti ćeren svato thaj lenđe kan te aven kašuće, zapovediv tuće inklji andar leste thaj majbut na te boldes tut ande leste!"
Thaj o bilačho duho čhuta muj thaj zurale ćhinosarda e čhavres thaj inkljisto andar leste. A o čhavro ačhilo te pašljol tele sago mulo thaj but džene phendine kaj mulo. Ali o Isus lija les palo vas, vazda les opre thaj o čhavro uštilo.
O Isus sastarel e Simonešće sokra
Kana inkljisto andar e sinagoga thaj đelo ande Simonesko ćher. E Simonešće sokra sas e bari jag thaj ćhinolas lat e groznica, pa zamolisardine les te sastarel lat. Vo banđilo paše late thaj zapovedisardas e jagaće te mućela thaj e jag nestanisardas. Voj odma uštili thaj ačhili te služil len.
Dok o Isus inkljelas pe obala, avilo angle leste o manuš ande savo sas e bilačhe duhurja. Već dugo či inđarelas e drze pe peste, niti trajilas ando ćher nego trajilas ande limorja.
Kana o manuš dikhla e Isuse, čhuda pes pe koča angle leste thaj ande sasto glaso čhuta muj: "So kames mandar, Isuse, majbare Devlešće čhaveja? Moliv tut na muči man!" (Kaj o Isus zapovedisardas e bilačhe duhošće te inkljel andar godova manuš. Kaj već lungo vrjama o bilačho duho inćarelas les ande piri vlast, Čak vi kana phandenas les ande lancurja thaj ande okurja, o manuš trgolas e lancurja thaj o beng inđarelas les ande pustinja.)
O Isus pe godova phučla les: "Sar bučhos?"
Vo phendas: "Legija", kaj ande leste dine e but bilačhe demonurja. Thaj zamolisardine e Isuse te na naredil lenđe te džantar ando bezdan.
A okote ande gora sas bari gomila bale save čarjonas. Askal e demonurja zamolisardine e Isuse te mućel len te den ande bale. Thaj vo mukla len. Askal e bilačhe demonurja inkljistine andar o manuš thaj dine ande bale. Thaj e bale pojurisardine niz o brego ando jezero thaj tasadile.
A kana dikhline okola manuša kaj lenas sama pe bale so sas, našline thaj phendine pe gava thaj pe okoline thana so dikhline. A o them inkljisto te dićhel so sas. Avile dži ko Isus thaj dikhline e manuše andar savo inkljistine e bilačhe demonurja sar bešel dži ke Isusešće pungre, furjardo ande drze thaj saste gođasa e dar askal dijas pe lende.
"Čače phenav tumenđe: ‘Varesave save si akate tumendar či merena dok či dićhena e Devlesko carstvo.’"
O Del phenel e trin učenikonenđe kaj si o Isus pomazaniko
A kana nakhla varekaj katar ohto đes katar godola alava o Isus lijas pesa e Petre, e Jovano thaj e Jakove ande gora te molin pe. Dok molilas pe, lesko muj promenisajlo, a e drze pe leste postanisardine parne thaj sjajne. Ande godova pojavisajle duj manuša thaj ćerenas svato e Isuseja. Sas godova o Mojsija thaj o Ilija. Pojavisajle ande slava thaj ćerenas lesa svato pale lesko smrto savo trubuja te podnesil ando Jerusalim te pherdol o Lil.
E Petre thaj lešće drugaren lija e lindri. Kana džungadile, dikhline lešći slava thaj duj manušen save ačhenas lesa. Thaj dok godola duj džene džanastar lestar, o Petar phendas e Isusešće: "Učiteljina, lačhe kaj sam kate. Te ćeras trin senice: jek pale tute, jek palo Mojsije thaj jek palo Ilija." Či džanelas so phenel.
Askal varesosko manuš savo sas maškar o them čhuta muj: "Učiteljina, moliv tut dik mungre čhave, kaj si manđe jedinco. Inćarel les o bilačho duho. Andar jekhvar počnil te čhol muj; čhudel pes thaj e spuma del lešće po muj. Gata nikada či mućel les thaj uništil les. Molisardem ćire učenikonen te traden e bilačhe duho andar leste avri ali von našti tradine les."
A o Isus phendas lenđe: "O bilačhe thaj bi paćako manušalen! Kozom semasa tumenca, a tumen či paćan. Phučla man kozom još trpiva tumen! An akaring ćire čhave!" Dok o čhavro avelas paše, o bilačho duho harada les pe phuv thaj ćhinosarda les. A o Isus zapretisardas e bilačhe duhošće thaj odma sastarda e čhave thaj dijale lešće dadešće. Savora divisajle okolešće so o Isus ćerda.
O Isus dujto drom po dujto drom phenel pale piro smrto
Thaj dok savora čudinas pe okolešće so ćerelas o Isus, o Isus phendas pire učenikonenđe:
E Isusešći sila avel katar o Del
Jekhvar o Isus trada e bilačhe duho andar o manuš savo sas nemo. Kana inkljisto o bilačho duho, o nemo manuš počnisarda te ćerel svato. Thaj o but o them divisajlo.
A jek lendar zamahnisardas e mačesa pe šorvale rašajesko sluga thaj čhinda lesko desno kan.
A o Isus phendas: "Mućen len te ćeren godova! Na oduprin tumen majbut!" Askal čhuta o vas pe lesko kan thaj sastarda les.
A Kana e Jovanošće učenikurja đeletar, o Isus počnisarda te mothol e themešće palo Jovano: "So đeline te dićhen ande pustinja? E trska, savja ljuljil e balval? Na! So đeline te dićhen? Manušes savo lija pe peste šukar drze? Na! E manuša save inđaren pe peste e šukar drze thaj trajin ando raskoš, von si ande carošće dvorurja. So dakle inkljistine te dićhen? E proroko? Ej, me phenav tumenđe, vo si majbut vi katar o proroko. Kaj o Jovano si okova pale savo o Del phendas ando Sveto lil:
‘Ake, me bičhalav angle tute mungre glasniko
savo pripremila o drom angle tute.’
Phenav tumenđe: katar sa e manuša save sas ikada bijande, khonikal naj majbaro katar o Jovano savo bolelas, a okova savo si majcikno ande Devlesko carstvo majbaro si lestar."
Kana sa o them thaj vi e carinikurja save sas bolde e Jovanošće boldimasa, ašundine e Isuse sar ćerel svato priznaisardine kaj si e Devlesko sikavipe ispravno. A e fariseja thaj e učitelja e Mojsiješće zakonestar, či kamenas te bolel len o Jovano. Von odbisardine so o Del planirisarda pale lende.