Milagres de Jesus

Jesu wakaponya bantu bobilo boofu

27 Mbuli Jesu mbwakalikweenda, basankwa bobilo boofu bakatalika kumuchilila, akolobezha kuli nguwe ati, "Mwana Devedi tunvile luzhalo!" 28 Chiindi Jesu nakanjila mu ng’anda, boofu bakaza kuli nguwe, alimwi Jesu wakababuzha ati, "Saa mulashoma kwaamba inga ndamuponya?"

bakanviila ati, "Tulashoma O Mwami!"

29 Amane Jesu wakajata menso abo, akwaamba ati, "A kuchitike anu bweenka mbuli mbumwashoma!" 30 Alimwi menso abo a kabona. Alimwi Jesu wakabachenjezha kwaamba, "Mutaambili naba omwi chachitika ichi!"

Jesu wakaponya muntu wakalinga chibuulu

31 Pesi balo bakajokela alimwi a kumwaya mulumbe wa Jesu kuminzhii yoonse.

Jesu wakaponya boofu bobilo

29 Mbuli Jesu abashichiiya bwakwe nibakalinga kweenda kuzwa ku Jeliko. Alimwi a bashichiiya bakwe, imbunga ya bantu yakabachilila. 30 Ono basankwa boofu bobilo, bakali kukkala mumbali a nzhila nibakanva ati Jesu utokwiinda, bakoolobezha, "Mwami, Mwana a Devedi tunvile luzhalo iswe!"

31 Imbunga ya bantu yakababwekela a kubambila, a mumune, pesi balo bakaindilizha koolobezha, "Mwami, Mwana Devedi tunvile luzhalo iswe!"

32 Amane Jesu wakaimikana a kubaita. "Ino mulanda muchitilenzhi?" wakababuzha.

33 bakanviila ati, "Mwami," tulanda kubona."

34 Jesu wakabanvila luse amane wakajata menso abo, peenka penka bakalanga a kumuchilila.

Jesu wa kaponya muntu wa kazhalwa kali Moofu

1 Jesu nakalinga kweenda wakabona musankwa wakazhalwa kali moofu. 2 Bashichiiya bakwe bakamubuzha ati, "Omuii, nchinyonyono chabaani chakapa kwaamba azhalwe kali moofu? chaakwe mwiine naa nchabazhali bakwe?" 3 Jesu wakanviila ati, "Tazhishi zhinyonyono zha muntu uyu, naa zhabazhali bakwe, abobo chakachitika bobu kwaamba nguzu zha Leza zhibonwe kwiinda mulinguwe. 4 Ono nakachili malumwi tulyeelele kusebenza nchito ya oyo wakantuma, nkambo mashiku alaza muntu ngatakonzhi kusebenza. 5 Kanchili munyika, ndi mumuni wanyika." 6 Nakamana kwaamba boobu, wakashipa mate anshi, akukanda bulongo angayo, wakananika moofu uyo mu meenso. 7 Wakamwaambila ati, "Kounka ukasambe mukazhiba ka Silomu." (ili liina lilaamba kwaamba, "Kutumwa.") Amane musankwa wakaunka wasamba, alimwi wakajoka kalanga.

2 Amane muntu wakalinga kuchite mankuntu, wakaza kufugama kuli Jesu a kwaamba ati, "Mwami naa koyanda nsalanzhe."

3 Jesu wakatandabika lyaanza lyakwe a muntu, akumwaambila ati, "Ndayanda," salala ono! Peenka penka muntu wakaponeshegwa kuzwa kumankuntu. 4 Ama ne Jesu wakamwambila kwaamba, nkonva utaambili uli oonse, pesi kounka ulitondezhe ku mu Paizhi a kupa muyasilo mbuli Mozesi mbwakalailila chintondezha ku bantu boonse kwaamba ati wasalazhigwa kumankutu.

2 Uko bantu bamwi nkubakamuletela muntu umwi wakalinga kuyuminine mubili, kawonene ampasa. Jesu nakabona lushomo lwabo, wakaambila muntu wakalinga kuyuminine mubili ati, "lya moyo mwanaangu, zhinyonyono zhako zhalekelelwa."

3 Bamwi ba maii ba mulawo bakaamba mulwabo ati, "Uyu muntu uku nkusampaula nkwa tekuchita!" 4 Jesu nakazhiba nchibakalikuyeya, wakabaambila ati, "Nkambo nzhi chimuyeya zhibiibi mu myoyo yanu? 5 Nchili chuubu kwaamba ati, ‘Zhinyonyono zhako zhalekelelwa, naa kwaamba ati, ‘Nyamuka weende?’ 6 Ono pesi ndanda muzhibe kwaamba ati, Mwana a Muntu ulichite nguzu a nyika ano zhakulekelela zhinyonyono." Ono wakaambila muntu wakalinga kuyuminine mubuli ati, "Nyamuka, bweza mpasa yako, kounka ku ng’anda."

7 Peenka penka wakanyamuka a kuunka ku ng’anda.

10 Uuko kwakalinga musankwa umwi wakalinga mulema lyaanza. Amane bantu kabalangaula akumupela kaambo, bakamubuzha kwaambaati, "Saa chili mu mulawo kuponya muntu mu Nsabata?"

11 Alimwi wakabanviila ati, "Ino nguni ali ndimwe wiinga kachite mbelele yomwi yawiila muchilindi mu buzuba bwa Nsabata amana saa inga taigushi? 12 Alimwi muntu ulayandika maningi kwiinda mbelele! Abobo mulawo ulazuminya kuchita chilikabotu mu buzuba bwa Nsabata." 13 Nakamana Jesu wakambila musankwa wakalinga kuyuminine lyaanzaati, "Olola lyaanza lyako."

Amane wakalyolola lyaanza lyakwe alimwi lyakaba kabotu bweenka mbuli lyeenzhinyina.

Kuponeshegwa kukazhiba

1 Muchindi chimwi, Jesu wakaunka ku Jelusaluma ku pobwe imwi yaba Juuda. 2 Ono mu Jelusalema, kumbali amulyango wambelele, kwalinga kazhiba kakali kwiitwa ati Betisada muchi Hibulu. Ono kuchizhiba ichi kwakalikuyakilwe zhinvuka zhosanwe. 3 Mu zhivuka umo mwakalinga koona balwazhi baanji, mbuli boofu, balema a bayuminine mibili, bakalinga kulindilila kuvundaulwa kwamaanzhi muchiziba. 4 Ono chiindi achiindi mungeli wa Leza wakalinga kuza kunjila mukazhiba akuvundaula maanzhi. Abobo kufumbwa mulwazhi wafambana kuliwaala mukazhiba chiindi maanzhi nakavundaulwa wakalikupona kubulwazhi bwakwe. 5 Ono muchivuka chimwi kwakalinga muntu umwi wakachiswa kwa myaaka ili makkumi otatwe amyaka ili lusele. 6 Ono Jesu nakamubona kaonene alimwi wakazhiba kwaamba wakachiswa kwa chiindi chilaanfu. Wakaamba kuli nguwe ati, "Saa ulayanda kuponeshegwa?"

7 Mulwazhi wakanviila ati, "O Mwami, "Nshichite wakungwasha kungwaala mukazhiba chiindi maanzhi avundaulwa. Ndayanda kunjila, ndajana umwi wanyindila waliwaalila kale."

8 Amane Jesu wakamwaambila ati, "Nyamuka! Bweza mpasa yako uunke." 9 Peenka penka muntu uyu wakapona, wakabweza mpasa yakwe akunka.

Alimwi ichi chakachitika buzuba bwa Nsabata,

46 Jesu nakashika alimwi kumunzhi wa Kana ku Galili, uko nkwaakasandula maanzhi kuba waini. Alimwi kwakalinga umwi wachinenenene wakalikuchite mwana mulwazhi ku Kapenaumu. 47 Naakanva kwaamba Jesu wazwa kuchishi cha Judiya akuza ku Galili, wakaza kulinguwe akumulomba kwaamba akaponye mwana, nkaambo wakali kuyanda kufa. 48 Jesu wakamwaambila ati, chita imwe mwabona zhitondezho a zhikankamika," "Taaku naba omwi ukonzha kushoma."

49 Ono uyu muntu wachinenenene wakaambila Jesu ati, "O muii, koza mwana angu katana akufa."

50 Amana Jesu wakamwaambila ati, "Kounka boo, mwana ako ulapona." Muntu uyo wakashoma majwi akaamba Jesu, wakaunka ku munzhi wakwe. 51 Kachili munzhila, bazhike bakwe bakamuchingauzha akumwaambila ati, "Mwanaako ulapona!"

52 Ono wakababuzha chiindi mwana nchakalinva kabotu. Bakaamba ati, "Chakalinga chiindi cha malumwi (1 koloko) nakalinva kabotu." 53 Amane baishi bakazhiba kwaamba nchi chiindi Jesu nchakaamba kwaamba mwanaako ulapona." Ono walo aba ng’anda yakwe boonse bakashoma.

54 Ichi nchichitondezho chabili Jesu nchaakachita nakazwa muchishi cha Judiya kuunka muchishi cha Galilii.

20 Ono umwi Mukaintu wakalikuchiswa bulwazhi bwa kalobola kwamyaka ikkumi ayobilo wakaza kunze kuli Jesu a kukumya kweela a chisani chakwe. 21 Wakaamba mumoyo wakwe ati, "Nanjate boo chisani chakwe ndaba kabotu."

22 Jesu nakachenguluka wakamubona mukaintu. "Wakamwaambila kati, "Lya moyo mwanangu! Lushomo lwako lwakuponya." Peenka penka mukaintu wakapona.

Mwana mushimbi wa musololi a mukaintu wakakumya shisani cha Jesu kumpela

18 Ono Jesu kachaamba boo, musololi wa sinagogo wakaza a kufugama kuli Jesu, a kwaamba ati, "Mwanangu wafa ono ono. Ono koza ubike maanza ako a mwanangu amana ulaba kabotu,"

19 Jesu wakanyamuka antomwi a bashichiiya bakwe akumuchilila.

23 Jesu nakanjila mu ng’anda ya musololi wa sinagogo, imbunga ya bantu kaiyobeka akulizha mitolilo, 24 wakabaambila ati, "Amuzwile ansengwe noonse, nkambo mwaana tafile uloona boo." Bamane boonse bakamuseka. 25 Pesi imbunga ya bantu mbubakazwila boo ansengwe, Jesu wakanjiila mu ng’anda akujata mwaana kulyanza awalo mwaana wakabubuka.

Lufu lwa Lazalo

1 Ono musankwa wa liina lya Lazalo wakalinga kuchiswa, wakalinga kukkala ku Betani, mumuzhi mwakalinga kukkala Maliya a Maata. 2 Uyu Maliya, mukwabo Lazalo wakalinga kuchiswa, ngu nguwe wakananika Mwami Jesu mafuta, akumupukuta a misusu kumyeendo yakwe. 3 Amane bakwabo bakaintu bobilo aba bakatumya mulomo kuli Jesu wakwaamban ati, "O Mwami, mwenzhinyoko ngoyandishisha ulachiswa."

4 Ono Jesu nakanva majwi aya wakamba ati, "Uku kuchiswa teshi kukutole ku lufu. Taaku, nkwa bulemu bwa Leza kwaamba Mwana Leza alumbaizhigwe kwiinda mulinkuko."

5 Ono Jesu wakalinga kubayanda ba Maata a Maliya a Lazalo mukwabo. 6 Ono nakanva ati Lazalo ulachiswa wakachilinga kushite kubusena uko kwamazuba amwi obilo. 7 Nakamana mazuba aya wakaambila bashichiiya bakwe ati, "Atujokele ku chishi cha Judiya."

8 Bashichiiya bakanviila ati, "Omuii, " "Ono ono boo ba Juuda bakalinga kuyanda kukuuma mabwe, alimwi ulaanda kujokela?"

9 Jesu wakanviila ati, "Tee buzuba bulichite maoola ali kkumi aobilo? Muntu weenda malumwi talifumpuli, nkambo uleenda lizuba kalibala. 10 Mashiku bantu nibalifumpula, nkambo taaku mumuni." 11 Nakamana boo kwaamba, wakaunka mukwaaambila bashichiiya bakwe ati, "Mwenzhinyinesu Lazalo uloona, pesi ndaunka nkamubushe."

12 Bashichiiya bakanviila ati, "Mwami, naa uloona anu ulapona."

13 Ono Jesu wakalinga kwaamba koona kwa lufu, pesi balo bakalinga kuyeeya koona kwatulo. 14 Amane Jesu wakaamba chantangalala ati, "Lazalo wafa,

Jesu waumuzha mayuwe

23 Jesu wakanjila mu bwaato, alimwi bashichiiya bakwe bakamuchilila. 24 Peenka penka kwakaza muwo unene amulonga wakanyamuna mayuwe akatalika kuma kubwaato, pesi Jesu wakalikonene. 25 Bashichiiya bakwe bakaunka ku mubusha, akwaamba, "Mwami tuvune, twaloba!"

26 Wakabanviila ati, "Nubantu balushomo lushoonto, nkambo nzhi nchimutija?" Amane wakanyamuka a kukalalila muwo a mayuwe, amana kwakaba lumuno.

27 Alimwi ba sankwa bakakankamana a kubuzha, "Ino ngu muntu buti uyu? Wakwaamba muwo a mayuwe oonse alamunvila!"

15 Ono nakaba mangolezha bashichiiya bakwe bakaza kuli nguwe a kwaamba, "Kuno nkuushokwe amana kuluumwine, Bambile bantu baunke balyulile zhakulya zhabo mu minzhi."

16 Jesu wakabanviila ati, "Tabelele kuunka imwe a mubape chakulya,"

17 Bakanviila ati, "Tuli chite boo zhinkwa zhosanwe a tuswi tobilo.

18 Jesu wakabaambila ati, "Amuzhilete kuno,’ 19 Amane wakaambila bantu kukkala anshi abwiizu, wakabweza zhinkwa zhili zhosanwe a tuswi tobilo amana wakalanga ku julu a kupa kulumba ku Mwami, amane wakakomonakomona zhinkwa a kupa bashichiiya kwaamba babanye bantu. 20 Bakalya boonse a kukuta, alimwi bashichiiya bakabwezelela Mitaanga yazhakulya zhakashala ili Kkumi atobilo. 21 Basankwa bakalya bakalinga zhuulu zhosanwe, kutabalizha a bamakaintu a baana.

25 Kuseniseni nibwakacha Jesu wakaza kuli mbabo kaeenda mu chizhiba,

Jesu wakasanina zhuulu zhone zha bantu

32 Jesu wakaita bashichiiya bakwe alimwi akwaamba, "Ndabanvila nkumbu bantu aba, nkambo bali adime kwamazuba otatwe ono, alimwi tabachite chakulya. Nshiyandi kubaleke ati baunke anzala boo, nkambo bamwi inga bawa kunzala banokujokela mu nzhila."

33 Bashichiiya bakwe bakamubuzha ati, "Nkuli nkweshi tuule zhakulya zhakwaamba bantu aba balye muno munkanda?"

34 Jesu wakababuzha ati, "Ino mulichite zhinkwa zhongaye?" bakanviila ati, "zhili chiloba a tuswi tumwi tushoonto."

35 Amane Jesu wakaambila mbunga ya bantu kukkala anshi. 36 Ono wakabweza zhinkwa zhili chiloba atuswi, A kupa kulumba kuli Leza. Amane wazhikomaunakomauna a kupa bashichiiya, balo bakapa bantu. 37 Bakalya bonse akukuta, amane bashichiiya bakanyamuna mitaanga izwile yazhakulya zhakashala ili chiloba. 38 Ono basankwa bakalya, bakalinga zhuulu zhone, kutabalilizha a bamakaintu a baana.

Mitelo ya tempele

24 Ono Jesu a bashichiiya bakwe nibakashika mu Kapenaumu, bashi mitelo ba tempele bakaza kuli Petulo a kubuzha ati, "Saa muii wanu ulapa mitelo ya tempele?" 25 "Eeye Wakanviila Petulo. Chiindi Petulo kachili mu ng’anda Jesu wakamubuzha kutanguna ati, "Ino wayeeya buti Saimoni? Ino nkuli bamii ba nyika nkubabweza mitelo? Saa nkubana babo naa ku bantu boo?" 26 Petulo wakanviila ati, "Kuli bamwi," "Nkukwaamba baana tabapi mitelo," Jesu wakamwaambila ati. 27 "Nkambo tatuyandi kuba a mulandu ku bantu aba, kounka ku mulonga uwaale kanzabwe kako mu maanzhi. Inswi njeshi ujate kutaaguna, waijalula mulomo ulajana maali a kabulo, waabweze uunke ukape mutelo wako a waangu."

Jesu wakashinganya chisamu cha mukuyu

18 Chiindi chakuseni seni mbuli Jesu mbwakali kujokela ku munzhi wakanva nzala. 19 Nakabona chisamu chamukuyu kumbali a nzhila, amane wakaunka kulinchicho pesi taaku nchakajana kunze boo kwamateu. Amane wakaamba kuli nchicho, "Tokazhali michelo alimwi!" Peenka penka chisamu chakayuma.

20 Bashichiiya nibakabona icho, bakakankama akubuzha, "Nkambo nzhi chisamu cha mukuyu ichi chayuma kufambana?"

21 Jesu wakabanviila ati, "Kashimpe ndamwaambila, nakamuchite lushomo lwakutajoka muunshi, inga mwachita chiinda chachitika ku chisamu cha mukuyu uyu. Pesi kutaashi boo ubo, inga mwachikonzha kwaambila mulundu uyu kwaamba, ‘Kounka, ‘Liwaale mu lweenge,’ alimwi chilakonzha kuchitika. 22 Naa kamushoma mulakonzha kutambula mfumbwa nchimwalomba mu mupailo."

Pobwe lya bwiinga ku Kana

1 Ono mubuzuba bwatatu pobwe lya bwiinga lyakaba mu munzhi wa Kana mu Galili, abanyina Jesu bakalinga ko. 2 Alimwi Jesu abashichiiya bakwe bakatambwa ku pobwe lya bwiinga ili. 3 Ono waini niwakamana, banyina Jesu bakamwaambila ati, "Waini wamana."

4 Jesu wakanviila ati, "Tamwelele kungambila chakuchita," chiindi changu tachina kushika."

5 Banyina Jesu bakambila basebenzhi ati, "Muchite zhoonse nzheshi amwaambile."

6 Ono kwakalinga nongo zha maanzhi afaafi zhili chisambomwe, zhakapangwa a mabwe ba Juuda nzhibakalinga kusebenzha kusamba mu chiindi cha chiyanza chakulisalazha. Nongo yomwi yakalikuzula makkumi obilo kushika kumakumi otatwe amagaloni amaanzhi (75-115). 7 Jesu wakaambila basebenzhi ati, "Amuzuzhe maanzhi mu nongo." Abalo basebenzhi zhoonse bakazhizuzha. 8 Alimwi wakabaambila ati, "Ono amutekule, mumutolele mwendelezhi upa chakulya mu pobwe, abalo bakatekula, 9 alimwi mweedelezhi wakalabila maanzhi akasandulwa kuba waini, alimwi taaku naakazhiba kwaamba waini wazwa kuli, (nakuba kwaamba basebenzhi bakatekula maanzhi bakalinga kuzhi.) Amane wakaita shibwinga ambali, 10 alimwi wakamwaambila ati, "Bantu boonse balataanguna kwaaba waini uli kabotu, alimwi beenzu bamana kukolwa, balaaba waini utali kabotu. Pesi waliyobwela waini mubotu kushikila ono!"

11 Ono izhi zhakalinga zhitondezho zhakutaanguna nzhakachita Jesu ku Kana mu Galili, mwakazubulwila bulemu bwakwe, alimwi bashichiiya bakwe bakamushoma.

6 Wakabuzha kuyanda kumusola, nkambo wakalikuzhi kale chakuchita.

7 Filipo wakamunviila ati, "Kwaamba omwi ajane kuluma kampanzhi kashoonto chilabweza maali avolwa mu myeenzhi ili chiloba."

8 Ono umwi waba shichiiya wakwe, Andulu mukwabo Saimoni Petulo, wakaamba ati, 9 "Ngoyu mwaana musankwa uchite zhinkwa zhili zhosanwe zha maila atuswi tobilo. Pesi ino inga zhaba buti zhiinji kwabana bantu baanji boonse aaba."

10 Jesu wakaamba ati, "Amubaambile bantu boonse bakkale anshi." Abusena awo akalinga bwiizu buunji. Amane bakakkala anshi, (bamasankwa bakakkala bakalinga kushika zhuulu zhosanwe). 11 Jesu wakabweza zhinkwa, wakapa kulumba kuli Leza, amane wakazhaaba kubantu bakalikushite. Wakachita bweenka a ku tuswi. 12 Ono boonse nibakakuta, wakakaambila bashichiiya bakwe ati, "Amubike antomwi zhoonse zhachaala. Kutabi nachiba chomwi chisowegwa." 13 Bakazhibika antomwi zhakashaala zhoonse akuzuzha mitaanga ili makkumi obilo atobilo ngubakashiya bakalinga kulya.

19 Ono nibakakwasula musinzo wa makilomita osanwe kushika ku chiloba, bakamubona Jesu kaza ku bwaato, kaeenda a maanzhi, alimwi bakatija. 20 Jesu wakabaambila ati, "Ndime, mutatiji!" 21 Amane bakamunjizha mu bwaato, peenka penka bwaato bwakashika kutala nkubakalinga kuunka.

Jesu wabonekela ku bashichiiya bali chiloba

1 Nikwakamana Jesu wakabonekela alimwi ku bashichiiya bakwe, ku lweenge lwa Tibeliyasi. Ono mboobu mbuchakachitika. 2 Simoni Petulo a Tomasi wiitwa mpuundu a Nasaneli waku Kana mu Galilii a bana a Zebedi a bamwi bashichiiya bobilo bakalinga antomwi. 3 Saimoni Petulo wakaambila bamwi ati, "Ime ndajokela mukuzela nswi,"

alimwi bakaamba ati, "Tulaunka andiwe," abobo bakazwa ansengwe akunjila mu bwaato, pesi mashiku taaku nibakajata chili choonse. 4 Kuseeniseni, Jesu wakashika waima kumbali a maaanzhi, pesi bashichiiya taaku nibakazhiba kwaamba ngu Jesu. 5 Jesu wakabaita, nubeenzuma, "Saa taaku nchimwajata?"

Abalo bakaamba ati, "Taaku."

6 Wakabaambila ati, "Amuwaale ntangala kululyo a bwaato bwanu mulajata zhimwi." Nibakachita boo, taaku nibakalinga kuchikonzha kukwela, nkambo kakuvula kwa nswi.

7 Kumana eenka shichiiya uyo ngwakalinga kuyanda Jesu wakaambila Petulo ati, "Ngu Mwami!" Saimoni Petulo nakanva kwaamba ati, ngu Mwami, wakalivumba chisani chakwe nkambo wakalinga kufuulile wakaliwaalila mu maanzhi. 8 Bamwi bashichiiya bakachilila mu bwaato, kabaya kukwela ntangala yabo kaizwile nswi. Bakalinga afaafi, bulaanfu bwantaamu zhilimwanda omwi. 9 Nibakazwa mu maanzhi akuzubukila atala, bakabona mulilo wamakalangasha, answi kazhiyokwa awo, alimwi kwakalinga a chinkwa ambali. 10 Jesu wakabambila ati, "Amulete zhimwi nswi nzhimwazwa kujata."

11 Abobo Saimoni Petulo wakanjila mu bwaato, wakwela ntangala yomwi yalikuzwile nswi zhinene, pesi zhakalinga mwaanda amakkumi osanwe azhotatwe, pesi ntangala taaku niyakakwamuka.

Musebenzhi wa shikalumamba munene

5 Ono Jesu nakanjila mu Kapenaumu, shikalumamba wachi Looma wakaza kuli Jesu a kulomba lugwasho, 6 Mwami, "Musebenzhi wangu wachiswa kuyuminina mubili ku ng’anda alimwi mubili uliyuminine maningi.

7 Jesu wakaamba ati, "Ndaunka muponye,"

8 "Shikalumamba wakanviila ati, "Toelele kwaamba uza ku ng’anda yangu. Amba boo majwi musebenzhi wangu ulapona. 9 Ime, ndi muntu upelwe nguzu zhakwendelezha bashikalumamba, ndalailila omwi, ‘Kounka!’ ulaunka, alimwi ndamulailila kwaamba koza!’ ulaza, a ku muzhike wangu ndamulailila ulachita bweenka."

10 Jesu nakanva makani aya, wakakankamana, alimwi wakaambila baali kumuchilila, "Kashimpe ndamwaabila, nshina kujana wa lushomo lunene mbuli ulu mu Izilaili. 11 "Ndamwaabila, baanji balakuzwa kujwe, kumbo a kukkala kulya antomwi a Ablahamu, Izeki a Jakobe mu bwami bwa ku julu. 12 Pesi abo belele kujanika mu bulelo balakuwalwa ansengwe a munshinzhe, kwalo nkweshi bakalile aku lumanya meeno." 13 Amane Jesu wakaambila shikalumamba ati, "Kounka ku ng’anda nchiwashoma chachitika."

"Peenka penka musebenzhi wakwe wakaponeshegwa.

Jesu wakaponya bantu bobilo bakalikuchite myuya ibibi

28 Jesu nakashika kutala a mulonga mumunzhi wa Gadala, wakaswangana a abasankwa bobilo balinga kuchite myuuya ibiibi kabazwa kunamaumbwe. Taaku naba muntu omwi wakalinga kwiinda nzhila iyo. 29 Penka bakaolobezha, "Ino ulandanzhi kulindiswe, O Mwana Leza? Saa waza mukutusubula chiindi kachitana kushika?"

30 Kakutali kulale akwankalinga nkumba zhakalinga kuchela. 31 Amana myuuya ibiibi yakamulomba Jesu ati, "Naulanda kututanda, tutandile mubu takanga bwa nkumba zhilya."

32 Jesu wakaambila myuuya ibiibi ati, "Kamuya!" alimwi yakazwa akunjila mu nkumba. Amane butakanga bwa nkumba boonse bwa kanyikila mu mulonga a kufa.

33 Bamane bembezhi ba nkumba bakabalika akunka mu munzhi kwaamba makani oonse, a nzhibakabona nzhakachitika ku basankwa ba myuuya ibiibi. 34 Munzhi oonse wakaunka kubona Jesu. Nibakamana kumubona Jesu, bakamulomba kwaamba azwe mu chishi chabo.

32 Ono mbuli mbubakali kuzwa, bantu bakamuletela Jesu muntu wakalikuchite myuya ubibi alimwi kaali chibuulu. 33 Alimwi ono muya ubibi niwakazwa muntu wakatalika kwaamba peenka penka, amana Imbunga ya bantu yoonse yakakankamana akwaamba ati, "Tatuna kubona ko chintu chabobu mu Izilaili."

Jesu bakamubejesha kusebenzha muya wa Belizebule

22 Amane bakamuletela muntu wakalinga kuchite myuuya ibiibi wakalinga moofu alimwi kalichibuulu, alimwi Jesu wakamuponya, kuchita kwaamba aambe akubona antomwi.

Lushomo lwa mukaintu

21 Ono Jesu nakazwa kubusena ubo, wakaunka kuchishi cha Teli a Sidoni 22 Ono mukaintu wa mukenani wakalinga kukkala mu munzhi umo, wakaza kuli Jesu, kaalila ati, "Mwami, "Mwana Devedi!" Wakalila a kwaamba ati, "Nviile luzhalo ime, mwanagu mukaintu wanjilwa myuuya ibiibi alimwi uli muchimo chibiibi."

23 Pesi Jesu taaku nakamunviila naliba lizwi lyomwi, amane bashichiiya bakwe bakaza kuli nguwe a kulomba Jesu ati, "Amwaambile kuunka mukaintu, nkambo utotuyobekela a kutuchilila."

24 Wakabanviila ati, "Ndakatumwabo ku mbelele nzhi sowekele, zha mu Izilaili."

25 Mukaintu wakaza a kufugama kuli Jesu, wakaamba ati, "Mwami mvune ime!"

26 Wakanviila ati, "Tachili kabotu kubweza chinkwa chabaana a kusowela babwa."

27 "Nchachobeni Mwami," Wakanviila mukaintu, "Pesi abalo babwa balalya tulokaila kuzwa atebule yaba shimalelo abo."

28 Amane Jesu wakaamba kulinguwe ati, "Uli mukaintu walushomo lunene! Kuyanda kwako kwapengwa." Alimwi a chiindi awo mukaintu mwana akwe wakaponeshegwa.

Jesu wakaponya Mwaana musankwa wakali kuchite myuuya ibiibi

14 Ono nibakaza ku mbunga ya bantu, umwi Muntu wakaza kuli Jesu a kufungama. 15 "Alimwi wakaamba ati, "Muii, munviile luzhalo mwanaangu! Ngu shikashiita alimwi ulapenzhegwa maningi, zhimwi zhiindi ulawila mumulilo naa mumanzhi. 16 Ndakamuleta ku bashichiiya bako pesi bakalilwa kumuponya." 17 Jesu wakanviila ati, "Imwe nubayumu myoyo alimwi nimutashomi! Ndakkala chiindi chilaafu buti andimwe? Alimwi ndamupengela chiindi chilaafu buti? Amumuleta Mwana musankwa uyo kuli ndime." 18 Amane Jesu wakautanda muuya ubiibi, peenka peenka mwaana musankwa wakaponezhegwa.