Milagres
Os milagres manifestam o poder soberano de Deus. Desde a criação até os sinais de Jesus e dos apóstolos, Deus intervém sobrenaturalmente na história para revelar sua glória e amor.
O Deus dos milagres
Para Deus nada é impossível. Ele abriu o mar, fez cair fogo do céu e ressuscitou mortos. Seu poder não tem limites.
Yesu wɛlɛni ti ʋa, é ɠɛ ti ma: «Naa la zooga é ʋa ɠɛ nuɓusɛiti zea, kɛlɛ fai pɛ ka zoo ɠɛɛzu GALA zea.»
Yesu wɛlɛni ti ʋa, é ɠɛ ti ma: «Naa la zooga é ʋa ɠɛ nuɓusɛiti zea, kɛlɛ fai pɛ ka zoo ɠɛɛzu GALA zea.»
Mazɔlɔɔ faa nɔpɛ ge la ɓaani GALA zea.»
«Wɛlɛ! Nà ga Ɠɔoɠɔ GALAGI, fuluaniiti pɛ ta-ƓALAGI. Faa nɔpɛ ge la ɓaani zèa tago pa.
Názu ɠa Moize yeemaaleni la kpoloɗɛi ma, Ɠɔoɠɔ GALAGI kpoloɗɛi ɠaaɠaleni ma kpidii ɲɛgɛlɛin ga folo ɠulazu ʋele viilɛi, nii gola yeeɠaaɓaai. É kpoloɗɛi vɔɔni, ziɛi ʋali su. Izilayɛle nuiti ti lɔɔni kpoloɗɛi zaamaʋɛ ga ti-ɠɔɠɔa vɔai. Ziɛi ɠaalɛɛni ba, é ɠɛ ga siɠigi ti yeezazuʋɛ ta ti ɠɔʋɛzuʋɛ.
Wɛlɛ, nii gè bosu: «Nii ɠa é ga nà-kpɔlɔi ma ungi:
GALA nii é Anii-Pɛ-Unda, é la mɔ faiti kɛɛzu ga mɔungi ɠɛʋele.»
Nà ɠitoo Ɠɔoɠɔ GALAGI ɠɛɛ vaiti su.
Ungo, gè ɗa ɠizɛ laavɔɔ vaiti su, ti leʋegai.
Ee, GALA, ɗa-vaiti ɲadegɛ!
Galagi ɓɛgele ɠa bɔɔlɔai ga GALA kɛʋele?
Milagres pela fé
Se tiverdes fé como um grão de mostarda, movereis montanhas. A fé é a chave que acessa o poder miraculoso de Deus.
Yesu ɠɛni ti ma: «Wo la zooni wo ʋa kpɛ, tɔɔzei wa-ɠidaaleʋei lɔiʋɛ. Gè bo wo ma ga gaamai, ni wa-ɠidaaleʋei ɠɛni ga mutaalede kaei ɠɛʋele, wa la zoo ɠɛɛzu gizei nii ma: ‹Zeɠe ʋɛ, è li munu,› a la naa ɠɛ. Faa tanɔpɛ ge la ɓena ɓaa wo ya.
Yesu ɠɛni ti ma: «Gè bo wo ma ga gaamai, ni kidaaleʋei ɠa wo ya, wo la inɛinɛni, nii ɠani gè kɛai ga kooleɠoole gului nii, wa zoo wo kɛɠalai ɠɛ, kɛlɛ é ɓudɛ naa maazu, wa vɔlɔ wa ɠɛ gizei nii ma: ‹Wuzeɠe miná, è ʋili kpoloɗɛi wu,› tama naama vai ɠa ɠɛ nɔ ti.
Yesu gooɠaaʋoteni, é ɠɛ ma: «Lee vaa zu è ɠɛɛzu ma: ‹Ni ɗa zoo faa ɠɛɛzu su?› Fai pɛ ka ga kɛɛ vaa naama nui ʋɛ, nii ladalai zea.»
Yesu wɛlɛni ti ʋa, é ɠɛ ti ma: «Naa la zooga é ʋa ɠɛ nuɓusɛiti zea, kɛlɛ é la ɠana GALA zea. Fai pɛ ka zoo ɠɛɛzu GALA zea.»
Yesu ɠɛni ti ma: «Nii é la zooga é ʋa ɠɛ nuɓusɛiti zea, GALA ka zoo naa ɠɛɛzu.»
É la ɠɛni laavɔɔ vaa mɔinmɔin kɛɛni ná, tɔɔzei ta-ɠidaaleʋelalai ʋa.
Sinais e prodígios
Os apóstolos realizaram sinais e maravilhas em nome de Jesus. Os dons do Espírito incluem a operação de milagres e a fé sobrenatural.
«À woilo niima wooiti ma, wɔi wo ga Izilayɛle nuiti, wa ɓɔɠɔi wo kwɛni ga GALA ge yeezeini Yesu Nazalɛte nui wu wo ɠaazu, mazɔlɔɔ GALA ge ɠɛni laavɔɔ vaiti, maaɓɛlɛ vaiti ta laavɔɔ vaiti kɛɛzu ga tɔun maaʋele wo zaama.
Ti ɓegai ma ga GALA fali, ʋɛ ti ɠɛni ná gaalɛbai zu, miná ɓalini, ti pɛ ti laaveni ga Zɛnvu Ɲadegai, ti tɔɔzei ga GALA daawooi laazeelia ga ladalai.
Seva ná-doun zunu lɔfelaiti
GALA ge ɠɛni laavɔɔ vaiti kɛɛzu ga Pɔle maaʋele, niiti ti la ɠɛni ɠɛɛzu pɔlɔma. Eyɛsu ti ɗa Pɔle ná-maaɓale seɠeiti ɓaa ná-seɠe maazu zeɠeiti pɛɛ seeɓɛ nuiti ma, ti ɗa ɠɛdɛ, zɛnvu ɲɔiti ti ɗa ɠula ti zu.
Kɛɛwotii niiti ti dɛɛzu ga nà ga keela ɠitei, naati ti ɠulani kɛlɛma wo zaama, ziilɔɔ laazeeliai zu, ʋoluɠulai ma zii pɛ su, naa ʋɛɛ poogiti ta maaɓɛlɛ vaiti ba, ta laavɔɔ vaiti.
Niiti GALA ge ti zeiɗai Egilisii zu, mɔunpa keelaiti, ná velesiɛi GALA goo wo nuiti, ná zaʋasiɛi kalamɔinti, naa ʋolu, niiti ti laavɔɔ vaiti kɛɛzu, naa ʋolu, niiti seeɓɛ nu ɠɛdɛ fai ma zobogi ti ya, ta kpɔba wo nuiti, ta niiti ti losu zɔiti tuɠɔ, ta niiti ti ɓɔɛzu zii woo ɠiligiti su.
Zɛnvu Ɲadegai ɠima ɓɔɛi wo fai veeʋɛ ta ya, Zɛnvu Ɲadega ɠila kpegi nɔ faaɠwɛ kpɔɛi ve taɠili zea. Zɛnvu Ɲadega ɠilagi naa nɔ ɠa, é kidaaleʋei veai taɠili zea, Zɛnvu Ɲadega ɠilagi naa nɔ nu ɠɛdɛ vebɛanii ve taɠili zea. Zɛnvu Ɲadegai ma zobogi veeʋɛ taɠili zea, é ɗa laavɔɔ vaiti kɛ, é vebɛanii ve taɠili zea, naa ɗa GALA gooi wo. É zɛnvuiti ta-vaiti zeeɠaaɠwɛ zobogi veeʋɛ taɠili zea. É ma zobogi veeʋɛ taɠili zea, é ɗa ɓɔɛ zii woo ɠiligiti su, é ma zobogi ve taɠili zea, é ɗa daawooleʋegi wo.
Kɛlɛ Yesu ɠɛni ma: «À mina pele leʋe tuɠɔ, tɔɔzei nu nɔpɛ ge la zooga é ʋa laavɔɔ vaa ɠɛ dàaseigi zu, kpega ʋoluma nɔ feya ga woo ɲɔiti bo dàalɔɠɔma. Zɔi é la ade laalɔɠɔma, naa ɠa ade ʋa.
Milagres de cura e provisão
A oração da fé salvará o enfermo. Deus provê, cura e intervém quando clamamos a Ele com fé genuína.
GALA falii é ɠɛɛzu ga kidaaleʋei, toɠa seeɓɛ nui ɠizo, Maliɠii ɠa kɛdɛyai ve bɛ. Ni é kotoa ɠɛɛʋɛ, naati suvaa ɠa yɛ bɛ. Deɠɛmu, à laa zɔ ga ɓɔɠɔ ɠaazu ga wa-ɠotoiti, wo GALA fali ɓɔɠɔ ʋɛ wo ɠilagilagi pɛ, naa ɠa a kɛ wo ɠɛdɛ. Zɛbɛi ɠa telebo nui ná-GALA falii ʋa, toɠa ɗa faa wola ʋaa.
Eli ɠɛni ga nuɓusɛi ga de ɠɛʋele, é ɠilini GALA falii ʋa ga tona mina ʋu, tona la ɠɛni ʋuuni zooi ma, eyɛsu kona saʋagɔ alu dɔzita. Naa ʋolu, é GALA falini mɔnɔ, geeɠɔlɔgi yeeɓe tonai ʋa, zooi ná-kulanumaiti fe.
Yesu ɓulu lɔɔlugɔi ta kale felegɔiti seɠeni, é ɠaazulɛ geezu, é mama fee ƓALA falii wo. Naa ʋolu é ɓuluiti kpulukpuluni, é ma ɓuɠaiti fe kaladopoiti zea ga ti gaaɠwɛ bɛbɛi ʋa. Ɛsɛ pɛ ge daamii woni, ti yiɠo. Kaladopoiti ti ɓulu ɓulukpulugi mɔtai ɠaalɛɛni ba, é ɠɛ ga kpɔlɔ puugɔ maazu felegɔ (12).
Yesu seeɓɛ anzanui ɠɛdɛ fai dooɠo foloi
Dooɠo foloi ta, Yesu ɠɛni kalagi wosu GALA dɛbi ʋɛlɛi gila bu. Anzanui ɠila ge ɠɛni ná, nii zɛnvu ɲɔi ta ɠɛni su, naa seeɓɛi ʋilini ma, é kɛɛni su ga kona puugɔ maazu lɔsaʋa (18). Kpiligai, é la ɠɛni zoosu é ʋa ɠaalɔ pɛ. Yesu kaai ma, é ɓɔɛni pɔ, é ɠɛ ma: «Anzanui, é viega ɗa-zeeɓɛi zu.» Naa ʋoluma é yeeiti daani ma. Gaamago nɔ, naa ɠaalɔni, é zɔle, é ɗa lɛbiyai ve GALA bɛ.
Kɛlɛ GALA dɛbi ʋɛlɛi ma ɠundiɠii yiiɠaawanani, tɔɔzei Yesu kɛdɛgi woni dooɠo foloi. É ɠɛni bɛbɛi ma: «Botiɠɛ voloi ɠa lɔzita. À ɗa ʋa wo ɠɛdɛ fai ma naama voloi gila su, kɛlɛ dooɠo foloi laade.» Maliɠii gooɠaaʋoteni, é ɠɛ ma: «Woovele nuiti! Wo ɠilagilagi, dooɠo foloi, wo la ɗa ga wa-nikɛiti ɓaa wa-zoovalegiti fiega ta-laami aniɲakai ʋa, wo ʋa li ga tiye kpɔɔle wosuʋɛ ɓaa? Anzanui tɛi ma, Abalaame mavofodai, nii Setana ɠɛa gilini kona puugɔ maazu lɔsaʋa (18) laawu, é la vizɔni ɓaa ga é vie dooɠo foloi?» Naama wooɠaaʋotegi unfegi yeini ga sili nuiti pɛ. Kɛlɛ bɛbɛi wola ɠoozunɛɛni, tɔɔzei faa ʋapa golaiti ba, é ɠɛni kɛɛzu.
Naa ɠa é ɠɛni ga Yesu ná-laavɔɔ vaa mɔunpagi. Nii ɠɛɛni Kana, Galilé yooi zu. Zekana é ná-lɛbiyai ɠulani la kɛlɛma. Ná-kaladopoiti ti laani da.
Siɛgi zu naama nuiti ti laavɔɔ vai naa ɠaani la, nii Yesu kɛɛni, ti ɠɛni ɠɛɛzu ma: «Gaamazu, zunui nii ɠa ga GALA goo wo nui, nii maanɛai é ʋa eteai zu.»
Yesu ɠɛni Tomase ma: «Tɛi è kàai, naa ɠa é kɛa è ɠidaaleʋeai! Tama, undaanɛ nu ɠa ga naati, niiti ti ʋaazu ɠidaaleʋezu, tama ti la ɠaazulaani mà.»
Sɛʋɛi nii ɠɛɛ ungi
Yesu laavɔɔ vaa mɔinmɔin kiligaa ɠɛɛni ʋolu ná-kaladopoiti gaazu, niiti ti la zɛʋɛni niima zɛʋɛi zu. Kɛlɛ niiti ti zɛʋɛai ʋɛ, naati sɛʋɛʋɛ, nii a kɛ wo la da ga Yesu ɠa é ga Kilista, GALA Doun Zunui, ta nii a kɛ wa laana da, wo zɛnvui zɔlɔɔ ga maaʋele.
Kaladopoi zɔi é zeelini mɔunpa, naa ɓalaa lɔɔni kabai zu, é ná ɠa, naa ʋoluma é ɠidaaleʋe. Tɔɔzei, eyɛsu naama ziɛgi zeeli, é la ɠɛni dɛ gaaɠaani ga kɛni Yesu a la wuzeɠe, é ɠula saai ya, eɠɛʋelei GALA Sɛʋɛi bosu la.
Discernimento nos sinais
A Bíblia alerta contra falsos milagres e sinais enganosos. Devemos provar os espíritos e não seguir sinais que desviam de Deus.
Wa ɠolo devei kpein bɛ, nii gè feezu wo ya, wo makɛ, à mina tanɔpɛ da ma, à mina tanɔpɛ seɠe ba.
Kɔɔɠɔ gani kɔɔ nuiti maaɠolo vai Izilayɛle nuiti saama
Tanisu GALA goo wo nui ta ɠa wuzeɠe wo zaama, ɓaa kulakɛlɛma ɠaa nui, é poogi ta ve wo ya, é wo laavɔ, é maaɓɛlɛ vai ta lɛ ga woye. Ni poogi ɓaa maaɓɛlɛ vai é bogai, naa laa a zeelina, é ɠɛ wo ma: «Ade li, de ʋilɛ gala kiligiti polu, de ti lɛbi,» tama wo la galagi naati kwɛɛ, à mina woilo GALA goo wo nui naa wooi ma, ɓaa kulakɛlɛma ɠaa nui naa wooi ma, mazɔlɔɔ Ɠɔoɠɔ GALAGI wa-ƓALAGI seɠeʋɛ ga é wo ʋoluɠula la, nii a kɛ é kwɛɛ ni nɛɛʋɛ wo ʋɛ, gaamai zu, ga wo-yii pɛ, ta wo-yɛnvui pɛ.
Gè kɔzɔba yɛnvu saʋagɔiti kaani, ti ɠɛai eɠɛ zɔlɔgiti, ta ɠɛni ɠulazu vamɔɠɔgi laaʋɛ, ta ɗa ɠula filɛ zuai laaʋɛ, ta ɗa ɠula zɛɛ ɠala goo wo nui laaʋɛ. Tiya ɠa ti ga inɛ zɛnvuiti, ti laavɔɔ vaiti kɛɛzu. Zɛnvu saʋagɔi niiti ka ti liizu etea masagiti pɛ pɔ bɛti, ga ti ti ɠaalɛ ba kɔɔɠɔ vai ma, GALA Zɛbɛi-Pɛ-Maliɠii ná-folo wolai zu.
Laavɔɔ vaa maaɠaazaɠabo fai
Tɔ kalamɔin tanigaa ta Faliziɛinti ti ɠɛni Yesu ma: «Kalamɔn, gá pɔ gi è ɠa, è ɗa laavɔɔ vai ta ɠula kɛlɛma.» Yesu ti wooɠaaʋoteni, é ɠɛ ti ma: «Niizuʋɛ nuɓusɛ ɲɔiti, niiti ti ga wooʋalada nuiti GALA bɛ, naati ka ti laavɔɔ vaa maaɠaazaɠabosu! Tama poo kili nɔpɛ ge la vea ti ya, kɛni GALA goo wo nui Zonase ná-poogi. Mazɔlɔɔ ʋelei Zonase kɛɛni la ga folo saʋagɔ kpidi saʋagɔ kalei ɠoozu,. ʋele nɔ ɠana Nu ná-Doun Zunui a kɛɛ la ga folo saʋagɔ kpidi saʋagɔ zooi ɠoozu.
Kidaaleʋelala laaiti
Yesu zɛba é ɗa zeli ɓaaɓaagi lo taaiti ma, ʋɛti é ná-laavɔɔ vai bɔɔlɔzu ɠɛɛni náti, mazɔlɔɔ taai naati su nuɓusɛiti ti la ɠɛni ti-ziɛ ʋelei maavaliboni. «Maanɔɠɔi ɠa è ʋɛ, Kolazɛn, maanɔɠɔi ɠɛ è ʋɛ, Ɓɛtesayida! Mazɔlɔɔ laavɔɔ vai niiti ti ɠɛai wo ʋɔ bɛ, ni naa ɠɛɠalai ɠɛɛni Tiil ta Sidɔn laaiti su, eɠɛ kaite ti zu nuɓusɛiti ti ti-ziɛ ʋelei maavaliboga, ti saa wɔlɔ wo seɠeiti too ɠɔba, ti zuʋui ʋu tɔungiti su. Naa ɠa é ba, nà bosu wo ma ga: Tukpɔɠaaleʋe voloi, wa-lukpɔi ɠa ɓaa, é leʋe Tiil ta Sidɔn laaiti tɔnɔi ʋa. Ɗɔun, Kapɛɛlɛnawume, ɗa kaazu ga è-lɔɠɔi ɠa wɔɔlɔzu, è zeeli geeɠɔlɔgi zu ɓaa? Naa li poun! Ta è yei gɔvɛalaazu. Mazɔlɔɔ laavɔɔ vai niiti ti ɠɛai è ʋɔ bɛ, ni naa ɠɛɠalai ɠɛɛni Sɔdɔme taai zu, eɠɛ é ná dɛ zaaɠaza. Naa ɠa é ba, nà bosu wo ma ga: Tukpɔɠaaleʋe voloi, wa-lukpɔi ɠa ɓaa, é leʋe Sɔdɔme yooi nɔnɔi ʋa.»
A criação como milagre
O próprio corpo humano é milagre de Deus. Toda a criação testifica do poder e da sabedoria do Criador.
Kɛʋelei gè su, ɗa ɠa è kpɛ̀tɛai ɠana,
ɗa ɠa è fɛ̀lɛni dèe ɠoozu.
È mama kɛ̀ɛzu ga kpɛtɛanii gola vizɔgai,
ɗa laavɔɔ vaa wolaiti kɛɛzu, gè naa zuɠwɛɛ ga pagɔ.
GALA sɔlegɛ
Guye loo ɠundiɠii nɔnɔi ʋe. Nii é loozu é zoloo guye wooi ma, nii daa ga: «Zunu loin ná-saai». Davide ná-guyei.
Naa ɠa é ba, Maliɠii ɓɔɠɔi ɠa poogi ve wo ya: Wɛlɛ, kogi ɠa anzalopoi ma, toɠa doun zunu zɔlɔɔsu, toɠa daasei pɛɛ ga Emanuwɛle, nii poluʋɛ ga ‹GALA ka ade ʋa›.
Naa pɛ ge ɠɛɛni, nii a kɛ Maliɠii wooi nii ʋilɛsu, nii GALA goo wo nui boni ga:
«Wɛlɛ, anzalopo ɓeai, nii é la dɛ zunu vaa ɠwɛɛ, naa ɠa kogi zeɠezu,
é zunu loun zɔlɔɔ, ta daasei pɛɛ ga Emanuwɛle.» bogɛ é zoloo Gɛlɛke woo zɛʋɛ wɔlɔmai ma.
Daaseigi naa ʋoluʋɛ ɠa ga «GALA ka ade ʋa».
Ti kaai ma, é ɗa ziɛ ziɛi ɠa, é ɠɛni ti ɠisu ga gɔvɛ mɔtai ta ʋe. Ti ɠɛni kpeei loozu. Tɔɔzei ɛsɛ pɛ ge kaani, dualuagi lɔ ti pɛ su. Kɛlɛ gaamago Yesu ɓɔɛni ti ʋɔ, é ɠɛ ti ma: «À zɛbɛzeɠe, nà ʋe de. À mina lua!»
Kɛlɛ Yesu naa mɛnigai ma, é ɠɛni Zayiluse ma: «Mina lua. Ɠidaaleʋe nɔ, toɠa ʋalo.»
É maaɓuɠaai ma Zeluzalɛme ʋa, Wolive wulu ɓelei ma ɠizei yeizuʋɛ, kaladopoiti ti-ma ʋɛbɛ wolai laaveni ga koozunɛɛi, ti tɔɔzei ga GALA maamusɛa ga woo wola, tɔɔzei laavɔɔ vaiti ba, niiti ti ti ɠaani. Ti ɠɛni ɠɛɛzu ma:
«Maliɠii tuya loo masagi ʋɛ, nii é ʋaazu daaseigi zu!
Ziilɛigi ɠɛ geeɠɔlɔgi zu, lɛbiyai ɠɛ GALA bɛ geeɠɔlɔgi ungaʋɛ!»
Yesu ɓegai ma ga naama ɓɔɛiti bo, ti ɠaazuyɛni ba, é lɛ geeɠɔlɔgi zu ʋele, naa ʋoluma tonaɓiingi dɔɔɠuni ti ʋa.
Gè looni zooi ma, gè wooi ta mɛnini, é ɗa ɠɛ mà: ‹Sɔle, Sɔle, lee vaa zu è wɔ̀inzeɠezu?›
Maanɔɠɔi lɔsaʋasiɛi: Kotogiti puu vai
Ɠɔoɠɔ GALAGI ɠɛni Moize ma: «Li Falaɠɔn ʋɔ bɛ, mazɔlɔɔ nà ɠa gè kigi ɓaai, ta ná-botiɠɛ nuiti zii, nii a kɛ gè nà-poogiti kula kɛlɛma ti zaama. Toɠa ɓalaa ga è suɠula è-lointi ma, ta ti-lointi, pelei gè Ezipete nuiti sogai da, ta poogi ma ziiti gè ti ɠulaai kɛlɛma ti zaama. Wa suɠwɛɛ naazu ga nà ɠa gè ga Ɠɔoɠɔ GALAGI.»