Milagres

26 Hazageno Jisasi’a ana mokizmi nezmageno amanage hu’ne, Vahe’mo’a amuho huntenkeno osugahie. Hianagi Anumzamo’a mika’zana amuhoa huontenkeno amne hugahie.

26 Hazageno Jisasi’a ana mokizmi nezmageno amanage hu’ne, Vahe’mo’a amuho huntenkeno osugahie. Hianagi Anumzamo’a mika’zana amuhoa huontenkeno amne hugahie.

37 Na’ankure Anumzamofontera mago’zamo’e huno amuho osugahie.

27 Nagra Ra Anumzana miko vahe’mofo Anumza mani’noankino, mago zamo’a nagritera amuhoa osugahie.

21 Anante Mosese’a hagerintega azana rusutegeno, Ra Anumzamo’a zage hanatitegati zaho huntegeno, ana kenagera zaho erino hagerina eri rupapa huno vuno eno higeno, mopamo’a hagege hu’ne. 22 Ana higeno hagerimo’a kantigma hihi huno vihu gna huno mreri’nege’za, Israeli vahe’mo’za ana hagerimofo amu’nompi hagege hu’nea mopare vu’naze.

11 Hianagi Anumzamo’ma hu’nea avu’ava zankura nagera okanigahue. Tamage, nagra korapa’ma ruzahu ruzahu kaguvazama hu’nana zankura nagera okanigahue. 12 Maka zama tro’ma hu’nana zankura nagesa antahigami vava nehu’na, ranra avu’avazama hu’nana zantmimofonku nagu’afina antahi vava hugahue.

14 Kagra ruzahu ruzahu kagu’vaza eri fore hu’nana Anumza mani’nane. Kagra vahe’mokizmi amu’nompi hankaveka’a erifore hu Anumza mani’nane.

20 Jisasi’a anage huno zamasmi’ne, Na’ankure tamagra osi tamentinti hu’naze. Nagra tamage hu’na neramasmue, masteti zafamofo osi avima’agna tamentintimo’ma hu’nena, anage hutma ama agonagura hugahaze. Amarera atrenka anture vuo hanageno’a, amne vugahie. Mago’zamo’a amuho huormantegahie.

21 Hu’za hazageno, Jisasi’a anage huno kenona zamirera hu’ne, Tamage hu’na neramasmue, tamentinti nehutma tare tagufa tamagesa ontahisnutma, tamagra fiki zafa huntoa kna’zana ageteretma amne hazasine. Hianagi ama’na agonagu hutma, otinka hage rimpi tka’uro hanageno’a amne ana hugahie.

23 Higeno Jisasi’a anage huno ana mofavremofo nefana asami’ne, Na’a higenka kagrama azahuga hunesunka azeri otio hunka nehane? Hagi mago’moma amentinti huno, maka’zana fore hugahie hanimofontera, amane maka’zana fore hugahie.

27 Hazageno Jisasi’a nezmageno ana kenona amanage huno hu’ne, Vahetfamota amanahu’zana hugara osu’nazanki, Anumzamo’a amane maka’zana hugara hu’ne.

27 Hianagi Jisasi’a anage hu’ne, Maka’zama vahe’mota osugazana, Anumzamo’a amne hugahie higeno,

58 Ana hu’negu rama’a kaguvazana amafina osugahie. Na’ankure zamagra zamentintia nosaze.

22 Israeli vahe’motma ama kea antahiho, Nazareti ne' Jisasina, Anumzamo azeri oti’nea ne’mo, kaguva zane ruzahu’zane, avame’zana Anumzamo’a, Agripi runtanino amuno tamifina eri’zana erigeta, keta antahita hu’naze.

31 Nunamu hutageno, anama zogitru hu’za mani’naza nomo’a kazakaza higeno, ruotge Avamumo’a zamagu’afi avitege’za, Anumzamofo nanekea reku osu’za agafa hu’za hu’naze.

Skevana 7ni’a mofavre naga’mokizmi naneke

11 Anumzamo’a Poli azampi huvazino rama’a ruzahu ruzahu avame’za mago’ane erifore hu’ne. 12 Ana hinogu asime nehamia tavravene (ankasip), tavaravenaza eri’za Poli avufare eme avako hute’za, eri’za kri vahe zamufare ome antageno, krizmimo’a vaganeregeno, havi avamumo’a zamagripintira atirami’ne.

12 Tamage aposol vahe’mofo avame’za tamagri amunompina hu’noa zama kesazana, avame’zama, kagu’vazama hanavenentike eri’zana eri’na kazigazi hu’na vu’noe.

28 Hagi mono eri’za erisagu Anumzamo’ma huhamprizmante’nea vahera, esera aposol nagare, anantera kasanampa vahere, anantera rempi huzami vahere. Ana huteno Anumzamo’a kaguvazama hu vahera zamazeri onetino, mago’amokizmia vahe’ma krifintima zamazeri kanamare muse’za nezamino, mago’amokizmia vahe’ma zamaza hu muse’za nezamino, mago’amokizmia kva eri’za eri muse’za nezamino, mago’amokizmia ruzahu ruzahu ageru ru muse’za zami’ne.

8 Hagi mago’mofona Avamupina knare antahintahiza (wisdom) nemino, mago’mofona ama' antahi’za (knowledge) nemie. Hianagi magoke Avamu’mo, 9 mago’mofona amentinti hu’za nemino, mago’mofona vahe’ma azeri knamare museza ami’ne. Hianagi magoke Avamu’mo zanami’ne. 10 Hagi mago’mofona ruzahu ruzahu kaguvaza eri fore hu museza nemino, mago’mofona kasnampa ke huamahu museza nemino, mago’mofona avamutmima rezagneno ke museza nemino, mago’mofona ruzahu ruzahu zamegeru’maru museza nemino, hagi mago’mofona ruzahu ruzahu zamageru’ma rukrehe hu museza ami’ne.

39 Hianagi Jisasi’a anage hu’ne, I’o huonteho, na’ankure mago vahe’mo’e huno Nagri nagifima kaguvazama nehanimo’a, hantga huno hu haviza hu onantegahie. 40 E’ina hu’negu iza’o tagri’ma ha’marema norante’nimo’a, tagri kaziga mani’ne.

15 Hagi zamentinti nehu’za nunamu huntesageno, Ramo’a kri’ma eri’nea vahera azeri neganamreno azeri onetino, kumi’ma hunesiana, kumi’a atrentegahie. 16 E’ina hu’negu kumitamia huama hutma kumira otrente atrente nehutma, nunamuna ohunte ahunte nehinkeno, Ramo’a tamazeri kanamareno, fatgo ne’mofo nunamumo’a hanavenentake hu’neankino eri’za erigahie.

17 Elaija’a tagri kna ne’mo, ko’ma orinogura hanavenentake huno nunamuna higeno, mopafina 3'a zagekafugi 6si’a ikampina kora oru’ne. 18 Eteno Elaija nunamu higeno monafinti komo’a tagiramino mopafina korarigeno kavera fore hu’ne. (1 Kin 17-18)

16 Jisasi’a 5fu’a bretine tare noza’ene erino, monafi kesga huno negeno, Anumzamofo susu hunteteno, ana bretiramina eritamanasi zamizmi nehige’za, ana amagema nentaza disaipol naga’mo’za ana ne’zana eri’zami’naze. 17 Ana mikomo’za nazageno zamuma hutege’za, meama’a eritru hu’za 12fu’a eka eka kupi eriri’naze.

Jisasi’a mani fruhu kna zupa mago ara azeri so’e hunte’nea naneke

10 Mani fruhu (Sabati) knazupa Jisasi’a osi mono nompi umrerino rempi hunezmigeno, 11 mago ara 18ni’a kafu zagefi havi avamumo amagena azeri fagagigeno, pripri huno vano nehuno, oti fatgo huno vano nosia ara, 12 Jisasi’a negeno ke higeno egeno, Ama a’moka, krimofo kinafintira katufegantoe. 13 Nehuno ana a’mofo agofetu azana antegeno, ame huno ana kri’amo’a vagaregeno oti fatgo nehuno, agafa huno Anumzamofo agi erisaga hu’ne. 14 Hianagi osi mono nonte kva ne’mofona rimpa he’ne. Na’ankure Jisasi’ma mani fru knazupa (sabat) ana a’mofo eri so’e hunte’negu, maka veara amanage huno zamasmi’ne. 6si’a eri’za eneruna kna me’negu, tamazeri so’e hanie hanutma, e’i ana knafi egahaze. Hanki mani fruhu (Sabati) knazupa tamazeri so’e hanie hutma omeho. 15 Hianagi Ramo’a ana kenona’a anage huno asami’ne, Tamagra tavre vahe mani’naze. Makamotma mani fruhu (sabat) knazupa bulimakaotamifi, donki tamimofona kegina zamifinti ti nesnagu katufeta zamavareta novazo? 16 Hanki ama ara Abraha mofakino, Sata’a zaza kna 18ni’a kafuzagefi kina rentegeno mani’nege’na, mani fruhu (sabat) knazupa katufe netrogeta, mani fruhu knagi anahura osuo hutma nehazo? 17 Anagema nehigeno’a, ke ha’ma rentaza vahe’mo’za zamagazegu nehazageno, maka veamo’za hirozantfama hu’nea zankura muse hu’naze.

11 Ama kaguvazana Agra’a ese erigafa huno Jisasi’a Galili kaziga Kana kumate nehuno, Agri’a hihamu masa zama’a eri ama hige’za, Agri amage nentaza disaipol naga’mo’za Agrite zamentinti hu’naze.

14 E’ina hige’za veamo’za ana kaguvazama Agrama hiaza nege’za, zamagra anage hu’naze. Ama’i tamage huno Kasnampa nere, ama mopafima henka’a egahie hu’za hu’naza ne' mani’ne. (Diu-Kas 18:15.)

29 Jisasi’a agrikura anage hu’ne, Kagra Nagri nagetenka kamentintia nehampi? Onage’neza zamentinti hanamo’za, Asomura erigahaze, huno Jisasi’a hu’ne.

30 E’izanku hakare’a kaguvazama Jisasi’a amage nentaza disaipol naga’mokizmi zamufi huzmeri’ne. Ana zantamina ama avontafepina kre onte’noe. 31 Hianagi ama kre’noa avomo hugasamisigenka kamentinti nehunka, Jisasi’a Tazahu ne', Anumzamofo Ne’mofavre, Kraisi’e hunka kamentinti hanunka kagra manivava mani’zana Agri agireti erigahane.

8 Anante amage nentea disaipoli ne’ma ese’ma kerire ehanati’nemo, mrerino ome negeno tamage huno amentinti hu’ne. 9 Na’ankure Anumzamofo avontafepima Jisasi’a friteno otigahie hu’naza nanekea, zamagra antahi ani osune’za ana hu’naze.

1 Hagi kasnampa vahero, ava’nama ke vahe’ma amu’notmifima fore huno henkama fore’ma hania avame’zanku tamasamige, kaguvazanku tamasamige hanigeno, 2 ana avame’zano kaguvazama efore hina, ana ava’nama ke vahe’mo’zama tamagrama antahita keta osu’ne’naza anumzanku’ma enketa mono huntamneno hanagetma, 3 ana kasanampa vahe keo, ava’na vahe’mofo ava’na kea ontahiho. Na’ankure Ra Anumzana tamagri Anumzamo’a tumotamireti’ene tamagu’areti huta avesintegahazo, reramaheno kegahie. 4 Ra Anumzana tamagri Anumzamofona amage’nentetma, koro huntetma agorga’a nemanitma, kasege’a nevariritma, ke’a nentahitma monora hunentetma, Agrira azeri kona hiho.

13 Ana hige’na kogeno agaza hunte osifavene, afi zagamofo agipinti’ene, havige kasnampa ne’mofo agipintira, 3'a agru osu avamutamina hogakna hu’naza atirami’naze. 14 Na’ankure zamagra hankrotamimofo avamutamimo’za, avame’zana erifore nehu’za, maka ama mopafi kini vahete vu’za ome zamazeri atru nehu’za, tusi’a hihamu hanave’ane Anumzamo’ma vahe’ma refko hania knare’ma, ha’ma hanagu zamazeri retro hu’naze.

Avame’za Jonante fore hu’nea naneke

38 Anante mago’a kasegere ugagota hu’naza vahe ene Farisi vahe’mo’za anage hu’za asmi’naze, Rempi Hurami ne’moka, mago avame’za Kagra hananketa kesunegu nehune. 39 Hianagi Jisasi’a kenona anage huno zamasmi’ne, Ama knafi vahe’mo’za kefoza nehu’za zamentinti nosaza vahe’mo’za avame’za kenaku nehazanagi, mago avame’zana onkegahaze, kasnampa ne' Jona avame’zanke kegahaze. (Jona 1:17) 40 Anahu kna huno, Jona’a tagufa zagegi tagufa haninki huno nozamemofo rimpafi mase’neankna huno Vahe’mofo Mofavremo tagufa zagegi, tagufa haninki huno mopa agu’afi masegahie.

Zamagu’a rukarahe osu’naza kumamoza knaza erisaza naneke

20 Anante Jisasi erigafa huno mago’a kaguvaza higeza ke’naza ranra kumateti vahe’mo’za zamagu’a rukarehe osaza zanku, ke ontahi vahere huno huhaviza huzamantene. 21 Kva hiho Korasini vahe’mota! Kva hiho Bedsaita vahemota tusi nasunku huramantoe! Na’ankure kaguvazama huazama Tairine, Saidoni kumatema huasina, zamagra zamasunku kukena nehu’za, tanefa fare’za zamagu’a rukarehe ko hazasine. 22 Tamage hu’na neramasamue, Tairi vahe’mo’zane, Saidoni vahe’mo’za Anumzamoma vahe’ma refakoma huknare osi’a knaza erigahazanki, tamagra rama’a knaza zamagareta erigahaze. 23 Hagi tamagra Kapaniumu vahe’mota monarera marerigahafi? Anara osugahaze. Tamagra fri vahe’mofo kumapi Hedes uramigahaze, Nagrama tamagripima hua kaguvaza Sodomu huasina, meninena amane mesine. 24 Tamage hu’na neramasmue, vahe’ma refakohu knarera, Sodomu mopafi vahe’mo’za erisaza knazana, agateretma ra knaza erigahaze.

13 Na’ankure maka nagu’a navufga Kagra tro hunante’nane. Ana hutenka antanimofo rimpafima mani’nogenka maka navufga Kagra rehatinante’nane, 14 Kagrama nagrima tro’ma hunanana, so’e' zantfa hunku tro hunante’naku muse hunegantoe. Kagrama eri’nana eri’zamo’a, knare huno so’e zantfa hu’ne. Ana hu’neanki’na e’i ana zana nagra ke’na antahi’na hu’noe.

Deviti’a Ra Anumzamofo agi erisaga hu zagame kre’nea zagamere

1 Ra Anumzamofona mika nagu’areti hu’na susu hunente’na agi’a erisga nehu’na, hentofa zama tro’ma hu’nea zamofo agenkea eri ama hugahue.

14 E’ina hu’negu Ra Anumzamo’a Agra’a mago avame’zana tamaveri hugahie. Ana avamezamo’a amanahu hugahie, mago vene omsenesnia mofa’mo amu’ene huno mago ne' mofavre anteno,* Imanueli’e huno agi’a antemigahie.

22 Ama ana maka’zama efore hu’neana, korapa Ra Anumzamo kasnampa ne’te ke hunte’nea zamo nena’a efore hu’ne.

23 Keho vene omani’nea a’mo mofavre amu’ene huno, Ne’mofavre kasentegahie, ana hanige’za zamagra Agri Agi’a Imanueli’e hugahaze, ana agima eri rukrahe haniana, Anumzamo tagrane mani’ne hu’ne. (Ais 7:14)

49 zamagrama timofo agofetu nevigeza nege’za, zamagesama antahi’zana hankrore nehu’za zamagogo nehu’za krafa hu’naze. 50 Na’ankure makamo’za nege’za zmagogogu hu’naze. Hianagi hantaka huno anage huno zamasami’ne, Nagragi oti hanavenetita, korora osiho.

50 Hianagi Jisasi’a ananke nentahino, anage huno kenona hu’ne. Kagra korora osuo, kamentinti hugeno ana mofamo’a knamareno manino.

37 Ana’ma huno Olive agonare vu kantema uneramigeno hanatigeno, maka amagema nentaza disaipol naga’mo’za, Anumzamofo agi erisaga hu’naze. Na’ankure maka kaguvazama hige’za ke’naza zanku ranke hu’za musenkase nehu’za amrara hu’za, 38 ranke hu’za, Ramofo agifima ne-emofona ra agi amisune. Monafina rimpa fru menkeno, Anumzamofo hihamu hanavemo’a marerigateresie. (Sam-Zga 118:26, 148:1)

9 Ana naneke zamasmiteno, negageno hampompi ufrege’za onke’naze.

7 Anante nagra traka hu’na mopafi evuramugeno, mago agerumo’a nentahugeno anage huno nagriku hu’ne, Solio, Solio, na’a higenka Nagrira nazeri havizana nehane?

Kenu’tmimofo knazamofo naneke

1 Ra Anumzamo’a Mosesena asmino, Menina Feronte vuo, amama zamagri amu’nompima erifore nehua avame zantmi kesazegu agri antahintahizane eri’za vahe’amokizmi antahintahizana zamazeri hankveti’noe. 2 E’ina hu’nesnugeta kamohe’mofone kagehe’mofonena zamasmige’za nentahi’za, Nagrama Izipi mopafi vahe’ma zamazeri zmazanava nehu’na avame zantamima amu’nozmifima erifore hu’noazana nezamasmita, Nagrikura Ra Anumza mani’ne huta keta antahita hugahaze.