Milagres
Os milagres manifestam o poder soberano de Deus. Desde a criação até os sinais de Jesus e dos apóstolos, Deus intervém sobrenaturalmente na história para revelar sua glória e amor.
O Deus dos milagres
Para Deus nada é impossível. Ele abriu o mar, fez cair fogo do céu e ressuscitou mortos. Seu poder não tem limites.
Yegl digo, Jisas ye toro kandre, ye yegl di togwa, Yoba ta ye yene ere inaiglkwa i, kuno ta erekrabuka ba God taragl mudu erabuka keme paugwa pre ye ere inabuka i, waragne ta paikrumiwe dugwa.
Yegl digo, Jisas ye toro kandre, ye yegl di togwa, Yoba ta ye yene ere inaiglkwa i, kuno ta erekrabuka ba God taragl mudu erabuka keme paugwa pre ye ere inabuka i, waragne ta paikrumiwe dugwa.
I siragl pre God ye siragl ta eragledi prukwa i, erabuka keme yomiwe di, angelo i yegl dugwa.
Ana Moses ere mogl, ogo ake duglo si, mudi nigl buglo sugwa. Buglo sugo, Yawe ir podo dedugo, ir ade umara kra moglkwa udre, eduer mage ede pi kamun tagugwa igne pra magugwa. Ir mage u mudi nigl si pere pere edugo, makan suna i kugla dugwa. Makan suna i kugla dugo, Israel yoba mudi nigl okna mogl, ake wai dumara i, konbauna ede eigwa. Ye eimara i, mudi nigl koglo koglo kobuglo togl podo mere yegl bogl paugwa.
Milagres pela fé
Se tiverdes fé como um grão de mostarda, movereis montanhas. A fé é a chave que acessa o poder miraculoso de Deus.
Yegl digo, Jisas di ikne ede, yegl dugwa, Ene pre mediglkwa i, kebra kaima paugwa pre kuno erekrukwa. Na ene kaima di teiga, ene pre mediglkwa i, kebra panan, ene ama taragl podo eraiglkwa paugwa. Ene pre mediglkwa i, mastet mogo ta kebra kaima yomere yegl panabuka ba ene pre medigl moglsre, muglo meglbi ta magigl paugwa i di te, Ene dumo ta panara kide kodo, ede po dibi, kaima ede bage ta enabuka. Te, ene pre medigl meglbi, ene taragl swara ta erekraiglkwa i ta paikrabiwe di, Jisas yegl dugwa.
Yegl digo, Jisas di ikne ede, yegl dugwa, Ene ka kaima di teiga. Ene pre medigl mogl, kinano suo yekran, na ede fik ere teimere mere yegl eraiglkwa. Ersre, ene taragl podo ama ere, muglo meglbi magigl paugwa i, di tedre, Ene dumo ta panara i kide kodo, ede mudi nigl suna po dibi, ka kaima plau dinabuka.
Yegl dugo, Jisas di ikne ede te, yegl dugwa, Ene taragl ta eratnga kuno eran we di yegl dinga i we? dugwa. Ene na pre medigln, na taragl mudu eraglka keme pamiwe di, Jisas yegl dugwa.
Yegl digo, Jisas ye kandre, di ikne ede yegl dugwa, Yoba ye yene ere idre, ede suna enaiglkwa ta kuno erekrabuka. Ba God taragl mudu erabuka keme paugwa pre ye ere inabuka i, waragne ta paikrumiwe dugwa.
Yegl digo, Jisas di ikne ede, yegl dugwa, Yoba taragl tau eribi, kuno erekrabuka i, God erabuka keme pamiwe di, Jisas yegl dugwa.
Jisas yegl didre, dumo i kimagl mere ta erekrukwa. I siragl pre yoba i ye pre mediglkrikwa.
Sinais e prodígios
Os apóstolos realizaram sinais e maravilhas em nome de Jesus. Os dons do Espírito incluem a operação de milagres e a fé sobrenatural.
Ana Pita ka yegl didre, ye ka ta ama yegl dugwa, Ene Israel yoba meglkwa i, na ka ta dinaglka i, ene prio! dugwa. Na Jisas, ye dumo Nasaret nem moglkwa i pre dinaglka. God ye Jisas yobuglo togo, Jisas okna ene meglmara suna kimagl ya diu kane kane eruko, enene pre kan erikwa. Ye kimagl ya diu kane kane erukwa i, ene God ye dedugo, umedi kan pogl sinaiglkwa pre kimagl yegl erume dugwa.
Ana Jisas pre mediglkwa yoba i kamage yegl ere kodigo, God ye yugu ta makai si meglmara i piga dinabedi eruko, piga dugwa. Piga dugo, God Murubuglo ye mudu meglmara si kau si togo, ye kudugl goglkre, God kamo yoba di te pai meglkwa.
Agigle agigle 7-pela ye murubuglo kide ta di meda edinamnedi erikwa
Ana Pol dumo Efesus moglkwa igne, God ye kimagl erabedi yobuglo togo, kimagl tau podo ere moglkwa. Ere moglko, yoba kandre, ye ere mogl, lap kebra mo kogon gagl ta Pol nagie baugwa i, i pi yoba kide sigwa mo murubuglo kide ta ye meglmara suna meglkwa i nagino mina padiglko, ye kideno aragan eruko, murubuglo kide ta meglmara suna meglkwa i ama kide kodo, ede meda wigwa.
Na okna ene bogl akie munga igne, na oglka erekre, adigl gigledi mogl, Jisas dedugwa yoba kaima moledi, i nogugl ediga. I siragl pre na ene meglmara kimagl ya diu mere kide eriko, ene kanigwa.
Ana nono God yugobunomo swara munga i, ye nono kogon yegl mere noro pere pere edugwa, ye komono kana yoba tau ye Jisas dedugwa yoba moraiglmedi tedre, okuo yoba tau ye kamo kep yoba moraiglmedi togwa. Te, mokomugl i ama yoba tau ye kamo yoba beke tenaiglmedi kogon togwa. Ye yegl ersre, yoba tau kimagl eraiglmedi tedre, tau yoba kide sinaiglkwa ere wakai ere tenaiglmedi tedre, tau yoba ake ple di tenaiglmedi togwa. Te, ye yoba tau kogon sugl yoba moraiglmedi tedre, tau ka pere pere mina ka dinaiglmedi togwa.
God Murubuglo ere mogl, yoba tau ye agroma abaroma nomane wakai tenaiglmedi nomane podo togwa. Te, God Murubuglo swara i ere mogl, yoba tau God kamo pre pogl sidre, di nogugl edinaiglmedi nomane togwa. Te, God Murubuglo swara i ere mogl, yoba tau God yobuglomo gigledi pre medraiglmedi ersre, te yoba tau ye yoba kide sinaiglkwa i ere wakai eraiglmedi togwa. God Murubuglo yegl ersre, yoba tau kimagl eraiglmedi yobuglo tedre, tau God kamo kep ere dinaiglmedi tedre, erukwa. Te, yoba tau yoba ta God kamo dumne digwa i ye pre yubu sinaiglmedi nomane togwa. Yoba God kamo dumne digwa i, God Murubuglo nomane togo, dimo mo Satan nomane togo, dimo mo i, ye yoba tau pre yubu sinaiglmedi nomane togwa. Tedre, ye yoba tau ka pere pere mina ka dinaiglmedi tedre, tau ye ka digwa i prisre, yake tenaiglmedi togwa.
Jon yegl dugwa ba Jisas di ikne ede, yegl dugwa, Ene ye mane di tekrio! Yoba ta na kagna daglsre, kimagl ta eran, yoba i aglke tabre ere mogl, na kenaglna ta sikrabuka. Yoba ta ere mogl, nono ere kide ere norokran, ye nono mina moglkwa.
Milagres de cura e provisão
A oração da fé salvará o enfermo. Deus provê, cura e intervém quando clamamos a Ele com fé genuína.
Yoba ta kide sugwa i, Yagl Kade ye ere wakai ere tenabedi pre mediglsre, kamage eribi, Yagl Kade yoba ta kide sugwa i, ere wakai ere tenan, kidemo bu yenabuka. Te, yoba i tadaglme ta erukwa panan, Yagl Kade ye tadaglmemo kide kodo tenabuka. Yegl pre kide ene sinan, ene kideno bu yenabedi pribi, ene tadaglme erikwa i, ikne ikne di poglsre, kamage ikne ikne eraiglkwa paugwa. Yoba du ta morabuka i, kamage eran, ye kamagemo i, yobuglomo panabuka pre ye kamage erabara i, taragl podo plau dinabuka.
Elaija okna moglkwa i, ene prio. Ye nono yoba munere mere kuno yegl moglkwa ba ye kamun si dinabedi kamage eruko, bugla yugu suota ya ba 6-pela kamun sikrukwa. Te, okuo ye aglke kor kamun sinabedi kamage eruko, kamun sugo, kaya mokna aglke kor boglkwa.
Ame di meglko, Jisas ye bret 5-pela ya buglo bagle suo ikra idre, kan heven ibo ede, God di wakai yei togwa. Di wakai yei tedre, ake buko didre, ye duglo beglkwa yagl yoba i pi tenaiglmedi te moglko, ye i pi teigwa. I pi teigo, yoba mudu neigwa, dano eruko, ye bret ya buglo bagle kawa te yogwa i, gade makai sidre, degigl gagl 12-pela gre kau sigwa.
Wakan kade ege Jisas abu kide sugwa ere wakai erukwa
Ana wakan kade ege ta yogo, Jisas ka mabuno yugu yugugl moglsre, yoba God kamo beke te moglkwa. Te, yugugl i, abu ta bugla yugu 18-pela mere murubuglo kide ta ye moglmara moglsre, abu i kide sinabedi eruko, ye moko buko dugo, adigl diglki di morabuka mere manugwa. Ana Jisas abu i kandre, ede wo dugo, ugo, Jisas ye di te, yegl dugwa, Abu yo, ene kidenen bu yomiwe dugwa. Yegl didre, abu i akugo, ye kidemo tabre kaima bu yogo, adigl, diglki di mogl, ye God debie si, kagie kade togwa.
Ba yagl ta ka mabuno yugu sugl moglkwa i, Jisas ye wakan kade ege taragl yegl eruko, kandre, dem kubrisre, yoba yegl di togwa, 6-pela de mina kogon eraiglkwa paugwa pre ene kideno bu yenabedi pribi, 6-pela de yomara suna i ye moglmara unaiglkwa ba wakan kade ege yogwa i, ene ukrio! dugwa. Yegl dugo, Yagl Kade Jisas di ikne ede, yegl dugwa, Ene ka didre, mabuno erikwa i, u swara pikrukwa yoba meglkwa. Wakan kade ege ene ama kogon erikwa yoba meglkwa. Ene kau ya donki kiglkwa i, kane poko ede, nigl nenaiglmedi auro i ede eimo mo pikrime? Abu i Abraham gawamo ta moglkwa ba ye bugla yugu 18-pela Satan si kane sugwa. Sumara i, na wakan kade ege ye kanemo pokenaglka i, ene mane di primo? dugwa. Jisas yegl dugo, ye kudamo ikne meglkwa i, agai podo geglkwa. Agai geglko, yoba mudu ye Jisas taragl wakai wakai erukwa i kandre, gun yeigwa.
Ana Jisas kimagl yegl erukwa i, dumo Kana, distrik Galili suna yomara i moglsre, erukwa. Te, ye kimagl i koragle ersre, kimagl tau mudu erukwa i, okuo erukwa. Ye kimagl i ersre, yobuglomo ya kagie kade i nogugl edugo, ye duglo beglkwa yagl i kandre, ye pre mediglkwa.
Ana Jisas bret ya buglo bagle idre, kimagl erukwa i, yoba kandre, yegl digwa, Yoba okna Ka Kep Yagl ta unabe digwa i we, ye ka kaima umiwe di, yegl digwa.
Dugo, Jisas ka yegl dugwa, Ene na kandre keme pre mediglnga ba yoba ta na kankre, pre medraiglkwa i, God ye ere wakai kaima ere tenabiwe dugwa.
Jon ye buk i siragl pre boglkwa
Ana Jisas ye duglo beglkwa yagl gumuglno mina kimagl tau mere erukwa i, na mudu pepa magigl i mina ta boglkrika. Na ye kimagl mudu erukwa i ta boglkrika ba tau boglka i, ene prisre, Jisas ye God Kere Yugwa Yagl moglsre, God Wam moglmedi pre medraiglkwa pre boglka. Te, ene pre mediglbi, ye kagie mina aimadi kamun kor moraiglkwa pre boglka.
Ana Pita yegl kanugo, Jisas duglo boglkwa yagl ta ede okna ugwa i, ama ede yugugl pi kandre, Jisas kaima adigl u kor omedi pre meduglkwa. Igne i, God kamo bage ta Jisas adigl u kor enabe dugwa i, ye prikrikwa.
Discernimento nos sinais
A Bíblia alerta contra falsos milagres e sinais enganosos. Devemos provar os espíritos e não seguir sinais que desviam de Deus.
Ana na taragl ta ama kaniga i, murubuglo kide suota koglko mere yegl meglko, na kaniga. Murubuglo kide swara ta toki podo ikra dra mina meda ugo, te ta agl bugla are ikra dra mina meda ugo, ta ama agl bugla are kamo kep yagl, ka kibi dugwa ikra dra mina meda ugo, erukwa.
Armagedon
King dumo uglo koglo koglo meglmara i, murubuglo kide pidre, kimagl tau ersre, king auro yunamnedi eigwa. Ye pi auro yunamnedi erikwa i, God ye yobuglomo pai kawa togwa moglkwa i, egemo kade unan, king i God kuda bogl tenaiglmedi pre pi, di makai sigwa.
Yoba tau Jisas kimagl eran, kanamnedi prikwa
Ana okuo God lomo beke teigwa yoba ya Farisi yoba akie ede Jisas moglmara udre, yegl di prikwa, Tisa yo, ene kimagl ta etn, no kandre, pre medramniwe digwa. Yegl digo, Jisas di ikne ede, ye yegl di togwa, Ene yugobuno erme meglkwa i, ene u kide pi kodigwa. Abu ta wie kide kodo yagl ta bogl kunogl nebrere mere yegl ene God kide kodigwa. Na kimagl ya diu ta etn, kanamnedi prikwa ba na ta erekraglka. Na kimagl swara ta eribo, kanaiglkwa i, Jona okna erumere yegl eribo, kanaiglkwa. Jona buglo bagle kade dane wagle ege suota etne ya eduer moglmere mere yegl, na Yoba Wam moglka i, ege suota etne ya eduer makan atne pai moraglka pre diwe dugwa.
Yoba nomano yake tekrikwa i, ka tage inaiglkwa
Ana yoba dumo yegl meglkwa i, nomano yake tekrikwa pre ka togwa. Dumo yegl i, Jisas kimagl mere kide suna erukwa ba yoba mere nomano yake tekrikwa. Yegl pre Jisas yegl dugwa, Ene Korasin ya Betsaida yoba meglkwa i, yubun podo inaiglkwa. Na ene gumuglnomugl kimagl mere erika ba nomane yake tekrikwa pre diga. Na taun suo Tair ya Saidon kimagl yegl ta pi eria, taun suo i, kamun kuade nomano yake tedre, lap gagle yaglkwa pre, yugum pere edimara bolamugl ame digo. Ba na ene di teiga, God yoba ka tage tenabuka igne, Tair yoba ya Saidon yoba yubun tau kebra dagl inaiglkwa ba ene yubun podo kaima inaiglkwa.
Te, ene Kapernaum yoba ene mogl mitna edidre, heven ibo enaiglmo? Ta pikraiglkwa. Ene ede atne kaima pidre, yoba geglkwa pai meglmara enaiglkwa. I siragl pre na okna dumo Sodom pidre, kimagl tau ene meglmara erimere yegl eria, dumo Sodom erme pai moglko we dugwa. Ba na ene di teiga, God yoba ka tage tenabuka igne, Sodom yoba yubun tau kebra dagl inaiglkwa ba ene yubun podo kaima inaiglmiwe di, Jisas yegl dugwa.
A criação como milagre
O próprio corpo humano é milagre de Deus. Toda a criação testifica do poder e da sabedoria do Criador.
Aisaia yegl dugwa, Yawe yene kimagl diu ta eran, ene kanaiglmedi yegl erabuka, abai ta ege swara ta kumugl yagl bogl paikraiglkwa dane panan, yagl gak ta kurabuka. Kuglsre, ye kagie Emanuel we dinabiwe dugwa.
Ana taragl mudu yegl mere plau digwa i, okna ibo ka kep yagl ta Yagl Kade dra idre, dugwa i, mogo korabedi plau digwa. Ye kamo yegl paugwa, Ene prio! Abai ta ege swara ta kumugl yagl bogl paikraiglkwa i, dane panan, yagl gak ta kurabuka. Ye kuran, yoba yagl gak i kagie Emanuel we dinaiglmiwe di, yegl dugwa. Ana kagie Emanuel i, mabuno ta paugwa, God nono munara moglkwa.
Ede okna enagledi erukwa ba ye duglo beglkwa yagl mudu kandre, kudugl podo gogl, grigle di, Yoba goglkwa ta kiamo umiwe digwa. Yegl digwa ba Jisas oglade yegl di togwa, Ene kiede mogl, kudugl goglkrio! Na wiwe dugwa.
Yegl dugo, Jisas prisre, Jairus yegl di togwa, Ene kudugl goglkre, na yobuglna pre mediglo. Ene pre medigln, abutn u kor enabiwe dugwa.
Ana Jisas muglo Oliv konbauna ta yei ede atne umara i, ugo, ye duglo beglkwa yoba mere kide ye ede atne ugwa i, kandre, kimagl erukwa i, poglo di prisre, ka podo di, aglage kaglkane ere, God kagie kade teigwa. Ye yegl digwa, King i Yagl Kade dedugo, ugwa pre God ye ere wakai ere tenabuka. Te, God, mogl mitna kaima edugwa i, nono kagie kade tenamga paugwa. Ye ama deno muduno wida di norumiwe di, yegl digwa.
Jisas ede ikne heven ibo ogwa
Ana Jisas ka yegl di kodugo, God ye agre i ede heven ibo ogwa. God ye agre i ede heven ibo ogo, ye dedugwa yoba ikra kan meglkwa. Kan meglko, ye ede kamun kua mina ede atne ogo, kamun kua si torua eruko, ye ta kankrikwa.
na yage makandigle sidre, prika i, yoba ta ka di nare, yegl dugwa, Sol yo, ene siragl pre na ere kide ere nare motne? dugwa.