Milagres
Os milagres manifestam o poder soberano de Deus. Desde a criação até os sinais de Jesus e dos apóstolos, Deus intervém sobrenaturalmente na história para revelar sua glória e amor.
O Deus dos milagres
Para Deus nada é impossível. Ele abriu o mar, fez cair fogo do céu e ressuscitou mortos. Seu poder não tem limites.
Pig-inunu silan ni Jisus aw piglongan nan silan, "Diliꞌ na utaw mabatug yeiy, manang adti Tyumanem mabatug saba ya kadég."
Pig-inunu silan ni Jisus aw piglongan nan silan, "Diliꞌ na utaw mabatug yeiy, manang adti Tyumanem mabatug saba ya kadég."
Kay adti Tyumanem, walaꞌ saba ya diliꞌ nan mabatug."
Milagres pela fé
Se tiverdes fé como um grão de mostarda, movereis montanhas. A fé é a chave que acessa o poder miraculoso de Deus.
Aw tyumubag si Jisus kanilan, "Asuntu na walaꞌ pa to-o pakadalid ya pagpangintu-u mayu. Manang matinaw ya un ku paglongun kamayu: Kun awun tengteng pagpangintu-u mayu pangkay tagbiꞌ kasiling na biniꞌ na mustardo, mabatug mayu paglongun ya buntud ini, ‘Kay Buntud, ka-alin kaw adtu!’ aw ma-alin saba. Walaꞌ ya diliꞌ mayu mabatug.
Aw tyumubag si Jisus kanilan, "Matinaw ya un ku paglongun kamayu: Kun mangintu-u kamu sa Tyumanem aw diliꞌ magduwaduwa, mabatug mayu uman ya pig-imoꞌ ku adti kawuy na igira. Manang bekeꞌ oloꞌ na maynan, mabatug mayu uman paglongan ya buntud ini, ‘Kay Buntud, kawas kaw adti dagat!’ Aw ma-imoꞌ saba ya piglong mayu.
Aw miglong si Jisus, "Anangaꞌ kaw maglong, ‘Kun mabatug mu’? Mabatug saba adti utaw ya kadakulaꞌ kun awun pagpangintu-u nan kanak."
Aw pig-inunu silan ni Jisus aw law nan, "Diliꞌ na utaw mabatug yeiy manang mabatug saba na Tyumanem. Kay walaꞌ ya diliꞌ mabatug na Tyumanem."
Aw tyumubag si Jisus, "Ya diliꞌ mabatug na utaw mabatug saba na Tyumanem."
Aw asuntu na walaꞌ silan pangintu-u kanan, tabay ya manga milagru na pig-imoꞌ ni Jisus dun ni kanilan.
Sinais e prodígios
Os apóstolos realizaram sinais e maravilhas em nome de Jesus. Os dons do Espírito incluem a operação de milagres e a fé sobrenatural.
Migpadeleg si Pédro mig-ubat-ubat kanilan, law nan, "Kay manga kadégan ku na utaw na Isra-él, pakanyegi mayu ya tingeg ku! Ya Tyumanem ya migpa-edeꞌ na si Jisus na taga Nazarit ya pigpadala nan asini kanaten, aw kya-ede-an mayu kay pigmatinaw nan adti kamayu magi sa madég na manga pangilala aw milagru na pig-imoꞌ ni Jisus.
Pagkatigkas nilan manawagtawag, nya-eyeng ya pigkatipunan nilan, aw nyatmuꞌ ya kadég nilan na Ispiritu Santo aw mig-ubat-ubat silan sa kanan tingeg na walaꞌ ya kakallekan.
Madég ya pig-imoꞌ na Tyumanem na manga milagru magi kan Pablo. Pangkay ya manga panyuꞌ aw manga tuwalya ni Pablo, pigdala adti pyangkedelan, aw dayaw pyangkaguli-an ya magkedel nilan, aw ya eped na manga utaw lyumuwaꞌ lekat adti kanilan ya manga busaw.
Sa dun pa aku ni sayid mayu, madég saba ya manga pangilala aw milagru na nya-imoꞌ magi sa katulus na Tyumanem. Aw migpadeleg aku pangkay awun manga kalugan na kya-agiyan ku. Aw alag yeiy migmatinaw na apostol aku ni Kristu.
Aw dun ni palangad lawas ni Kristu, awun manga utaw na pigpamalliꞌ na Tyumanem: Ya tagnaꞌ manga apostolés, aw ya kadwa manga propita, aw ya katlu manga magpalna-uway. Pagkatigkas yan, pigpamalliꞌ nan uman ya manga eped pada maka-imoꞌ sa milagru, aw ya manga eped uman magpaguliꞌ sa manga kyedelan, aw ya manga eped magtabang sa manga utaw, aw ya manga eped maggagaday, aw ya manga eped makapaglong sa sangkapungan na tingeg na walaꞌ pa nilan lemena paglongan.
Ya sambuk, pig-atagan na Ispiritu na mabatug nan ubat-ubat ya kakawasan na katadeng na lekat adti Tyumanem. Aw ya sambuk uman, pig-atagan na mabatug nan maglong adti manga eped sa pigpa-edeꞌ kanan na Ispiritu. Aw ya sambuk, pig-atagan na Ispiritu na madég ya ma-imoꞌ nan asuntu na dakulaꞌ ya pagpangintu-u nan. Aw adti sambuk, pig-atagan na katulus na un magpaguliꞌ sa manga utaw na kyedelan. Aw ya sambuk, pig-atagan na Ispiritu na katulus sa pag-imoꞌ sa manga milagru. Aw adti sambuk uman, pig-atag ya katadeng mag-ubat-ubat sa un pa-edeꞌ na Tyumanem. Aw adti sambuk, pig-atag ya katadeng kun ayin lekat ya piglong na eped na utaw, kun lekat adti Ispiritu Santo aw kun lekat adti manga busaw aw kun lekat oloꞌ adti anenganeng na utaw. Aw adti sambuk uman, pig-atag ya paglong sa sangkapungan na tingeg na walaꞌ pa nan lemena paglongan. Aw pig-atag uman na Ispiritu Santo adti eped ya katadeng mag-ubad sa kakawasan na tingeg na piglong na utaw yan.
Manang miglong si Jisus kanilan, "Ya-i mayu sakanan pagtageni! Kay ya utaw na maka-imoꞌ sa milagru magi dun ni kanak ngalan, diliꞌ uman sakanan maksay makapaglong sa malatay adi kanak. Kun singalan ya walaꞌ kele sa kanaten palna-u, yan ya syumambuk uman kanaten.
Milagres de cura e provisão
A oração da fé salvará o enfermo. Deus provê, cura e intervém quando clamamos a Ele com fé genuína.
Aw kun mangintu-u silan na tubagen na Tyumanem ya pagpanawagtawag nilan, kaguli-an ya utaw na awun magkedel. Aw kun nyakasalaꞌ sakanan adti Tyumanem, lanasen na Tyumanem ya manga salaꞌ nan.
Yanagaw, kun nyakasalaꞌ kamu adti Tyumanem, pag-ubat-ubatay kamu sa manga salaꞌ na nya-imoꞌ mayu, aw pagpanawagtawagay kamu adti Tyumanem, pada kaguli-an kamu. Kay dakulaꞌ saba ya mabatug na pagpanawagtawag na utaw na dyumalug sa pagkaliman na Tyumanem.
Anenganenga mayu ya propita na si Éliyas. Pangkay utaw oloꞌ sakanan kasiling tadun, nyanawagtawag sakanan adti Tyumanem na diliꞌ pa mulan, aw walaꞌ saba ulan seled na tulung ka͡umay aw tengaꞌ. Aw dun ni pagpanawagtawag da nan uman adti Tyumanem na mulan, yanagaw nyulan saba, aw bagu tyumulin ya manga tanem aw migkadég ya bunga na tanem nilan.
Pagkatigkas yan, pigkamang ni Jisus ya limallapid ya pan aw duwambulus ya isdaꞌ, aw lyumangad sakanan adti langit aw pigpasalamatan nan adti Tyumanem. Aw tigkas yan, pigtenga-tengaꞌ ni Jisus aw pig-atag nan adti kanan manga umagakan aw pig-atped-atped uman nilan adti kadég na manga utaw. Kyuman ya kadég nilan aw alag silan nyangkabiyag. Aw pigpan-imun na manga umagakan nan ya nyangkasamaꞌ, aw nyatmuꞌ ya sampuluꞌ tag duwa (12) ya be-en.
Ya pagpaguliꞌ ni Jisus sa ka͡ubayan na nyasakung
Sambuk na Allaw na Paglagdeng, migpalna-u si Jisus adti sinagoga. Aw awun ka͡ubayan dun na nyasakung asuntu na pigpamulayaman na busaw seled da na sampuluꞌ tag walu (18) ya umay aw diliꞌ nan mabatug tuliden ya bagakwang nan. Sa pagkitaꞌ ni Jisus kanan, pigtawag nan sakanan aw piglongan nan, "Kaguli-an da kaw." Aw pigpandungan ni Jisus na kanan palad ya ka͡ubayan, aw dayaw nyatulid ya bagakwang nan aw to-o nan pigdeyen ya Tyumanem. Manang nyadaman ya magdadumala͡ay sa sinagoga, asuntu na migguliꞌ si Jisus sa utaw dun ni Allaw na Paglagdeng. Yanagaw miglong ya magdadumala͡ay adti manga utaw, "Seled na sangka simana, awun enemengallaw na pagtalabahu tadun. Aw yan galu ya manga allaw na pagkadi mayu kun malim kamu kaguli-an, manang diliꞌ galu Allaw na Paglagdeng!" Manang tyumubag si Jisus kanan, "Migtallalingu kamu! Endaꞌ, pangkay singalan kamayu ya awun baka aw asnu, pigtumbay mayu saba na alinen aw pigguyud adti pa-inemanan pangkay Allaw na Paglagdeng. Kun maynan ya pig-imoꞌ mayu sa kamayu manga ayep, na, anangaꞌ walaꞌ mayu tumbayan na paluwa-en ya ka͡ubayan ini sa pagti-is nan pangkay Allaw na Paglagdeng? Buwadbuwad saba sakanan ni Abraham, manang kasiling na pig-eketan sakanan ni Satanas seled na sampuluꞌ tag walu (18) ya umay." Sa paglong ni Jisus seiy, nyamulamula ya manga mig-ampang kanan kay kyatinawan silan. Aw migleya ya kadég na manga utaw sa manga pigpan-imoꞌ nan na to-o madyaw.
Yeiy ya nya-imoꞌ adti Cana, sakup na Galiliya, aw yan ya tagnaꞌ na milagru na pig-imoꞌ ni Jisus adti asdangan na manga utaw. Aw magi sa milagru yeiy, dun kita-a ni kanan ya katulus na pagka Tyumanem nan. Aw nyangintu-u kanan ya manga umagakan nan.
Sa pagkitaꞌ na manga utaw sa milagru na pig-imoꞌ ni Jisus, miglong silan, "Yeiy saba ya Propita na pigtagadan tadun na un padala na Tyumanem asini tas na lupaꞌ!"
Aw nyusip si Jisus kanan, "Unu, nyangintu-u la kaw na nyataw da aku lekat adti nyangkamatay asuntu na pigkitaꞌ aku mu? Madyaw ya kana manga utaw na nyangintu-u kanak pangkay walaꞌ aku nilan kita-a."
Ya tud ni Juan sa pagsulat sa libru ini
Na, madég pa uman ya manga milagru na pig-imoꞌ ni Jisus dun ni tampid na manga umagakan nan na walaꞌ ka͡abus pakasulat asini libru ini. Manang ya nyakasulat asini, pigsulat pada mangintu-u kamu na si Jisus yan ya Misiyas, ya Iseꞌ na Tyumanem. Aw magi sa pagpangintu-u mayu kanan, matagtun mayu ya ginawa na walaꞌ ya katigkasan.
Pagkatigkas yan, ya umagakan na nyaka-una dyumateng adti ilib, syumeled da uman. Aw sa pagkitaꞌ nan na walaꞌ da ya lawas dun, nyangintu-u sakanan na nyataw da si Jisus, pangkay walaꞌ pa nilan kalabeti ya kakawasan na pigpasulat na Tyumanem asini muna na ka-ilangan mataw si Jisus lekat adti nyangkamatay.
Discernimento nos sinais
A Bíblia alerta contra falsos milagres e sinais enganosos. Devemos provar os espíritos e não seguir sinais que desviam de Deus.
Aw awun kyinitaꞌ ku na tulu ya malatay na ispiritu na iman mu aw ambak. Lyumuwaꞌ ya sambuk lekat adti bakaꞌ na ulud, aw ya sambuk lekat adti bakaꞌ na tagnaꞌ na ayep, aw ya sambuk uman lekat adti bakaꞌ na kadwa na ayep na yan ya propita na galu-un. Ya tulu ya malatay na ispiritu yeiy, alag silan busaw, aw nyaka-imoꞌ silan sa manga pangilala magi sa kanilan katulus. Aw nyadtu silan ni manga hariꞌ na migdumala asini kadakulaꞌ na banwa. Kay ya tud nilan, yan ya pagtipun sa madég na manga sundalu na manga hariꞌ pada tanamen nilan ya Tyumanem. Manang dun ni allaw yan degen silan na Tyumanem na migdumala sa kadég.
Ya pagsekat na manga Parisiyo sa pangilala adti kan Jisus
Na, awun manga magpalna-uway sa Uldin aw manga Parisiyo dun, aw piglongan nilan si Jisus, "Kay Sir, kaliman nami kumitaꞌ sa pangilala na yan ya magmatinaw na pigpadala kaw na Tyumanem." Manang miglong si Jisus kanilan, "Tay sa kalatay na manga utaw adun na manga allaw yeiy. Pigtalikudan nilan ya Tyumanem, aw kasiling silan na ka͡ubayan na miglakadenen. Gayed silan migsekat sa pangilala, manang ya pangilala na un ku atag kanilan, yan oloꞌ ya kasiling na nya-imoꞌ kan Jonas na propita na Tyumanem. Kay seled na tulungallaw aw tulunggabi ni Jonas dun ni buntit na dakulaꞌ na isdaꞌ, aw maynan uman ya ma-imoꞌ kanak na Iseꞌ na Utaw na seled na tulungallaw aw tulunggabi adti dalem na lupaꞌ.
Ya pagsalaꞌ ni Jisus sa manga utaw na walaꞌ pagselsel
Aw pagkatigkas yan, pigpalekat ni Jisus ya pagsalaꞌ sa manga eped na manga utaw na nyeyaꞌ dun ni manga lunsud na kya-imo-an nan sa madég na milagru, kay walaꞌ silan pagselsel. Yanagaw miglong si Jisus kanilan, "Kadég mayu na taga lunsud na Korazin aw Bétsayda, malatay ya un mayu datengan! Kay kyinitaꞌ da mayu ya manga milagru na pig-imoꞌ ku, manang tabay kamayu ya migselsel. Kun pig-imoꞌ pa ku yeiy adti manga syudad na Tiro aw Sidon, madugay da galu silan magselsel aw sumut sa kayab na saku aw magsabug sa abu adti kanilan ulu na yan ya pangilala sa kanilan pagselsel. Manang paglongun ta kamu: To-o pa baling mabegat ya pa-emel-emel kamayu na Tyumanem dun ni allaw na pag-ukum kay sa manga utaw na nyeyaꞌ dun ni Tiro aw Sidon. Aw kamu na nyeyaꞌ dun ni Kapirna-um, unu, iman mayu aw ya pagkadengganen mayu dyumateng adti tas na langit? Padalemen kamu saba, aw dala͡en kamu adti banwa na Kaludukan. Kay kun pigpan-imoꞌ pa ku dun ni Sodoma ya manga milagru kasiling na pig-imoꞌ ku dun ni kamayu, kenneꞌ pa galu na syudad yan adun. Manang paglongun ta kamu: Pagdateng da na allaw na pag-ukum, to-o pa baling dun mabegat ya pa-emel-emel na Tyumanem kamayu kay sa manga utaw na nyeyaꞌ dun ni Sodoma!"
A criação como milagre
O próprio corpo humano é milagre de Deus. Toda a criação testifica do poder e da sabedoria do Criador.
Na, dun ni kadég yeiy na nya-imoꞌ, nyatuman da ya pigpasulat na Tyumanem magi sa propita nan asini muna: "Pakanyegi! Awun sambuk na dalaga na mabdes pangkay walaꞌ pa ka-ilabeti, aw mag-iseꞌ sakanan sa iseꞌ na eseg aw pagtawagen nilan sakanan na Imanwél na ya kakawasan: Ya Tyumanem asini sayid tadun."
Manang pagkitaꞌ nilan na awun nyanaw adti tas na tubig, iman nilan aw ma-allekay sakanan. Aw mig-ulangag silan kay alag nilan pigkitaꞌ aw to-o silan nyallek. Manang maksay si Jisus migtawag kanilan, "Diliꞌ kamu magkallek! Aku saba ya ini! Pakabagsega ya ginawa mayu."
Pagdengeg ni Jisus sa piglong na utaw yan, miglong sakanan kan Jairus, "Diliꞌ kaw magkallek. Pangintu-u kaw oloꞌ aw kaguli-an ya iseꞌ mu."
Aw sa pagtubang ni Jisus dun ni Buntud na Manga Olibo na malapit da adti Jérusalim, to-o madég ya manga utaw na dyumalug kanan. To-o silan migleya aw migpansideyen silan sa Tyumanem sa dakulaꞌ na tingeg asuntu sa manga milagru na kyinitaꞌ nilan. Miglong silan, "Ini la ya Hariꞌ na pigpadala na Tyumanem dun ni kanan ngalan aw umbaꞌ sakanan deyen! Awun kalinaw adti tas na langit, aw deyen ya Tyumanem!"
Pagkatigkas ni Jisus maglong kanilan, nya-engat sakanan adti langit aw gayed nilan pigtandawan mendaꞌ na kyasalibenan na labun aw walaꞌ da nilan sakanan kita-a.
aw dayaw aku nyatuwad dun ni lupaꞌ, aw awun tingeg na dyengeg ku, ‘We Saulo! We Saulo! Anangaꞌ aku mu gayed pamulayaman?’