Milagres

26 Jezu shêkɔ əndje ʉrrr ə pâ kə əndje ə pa: «Ərə ə̂në azü lï lï ndə kə ma nə ne, Ndjapä lï ndə kə ma nə.»

26 Jezu shêkɔ əndje ʉrrr ə pâ kə əndje ə pa: «Ərə ə̂në azü lï lï ndə kə ma nə ne, Ndjapä lï ndə kə ma nə.»

37 Mbrə ə̂në ə̈bə̈ ərə bale kə kra Ndjapä guta gu ne.»

20 Jezu kîrə əpʉ kə əndje ə pa: «Mbrə ə̂në lɔsu e sə kʉ teashe. Djatra əpʉ, mə pa kə e: kədə lɔsu e â sə mə mata ə̂ndjî ayɔ ə̂në əɨrɨ nə kə də̂ mutardə ə̂në ə sə teashe kɔ, e sə kə pa kə kaga səye ə pa: "Äfɔ kotəye ə kä mâ koye", ə sə kə afɔ. Ə̈bə̈ ərə bale sə sə kə ro pâ e ne. [

21 Jezu kîrə əpʉ kə əndje ə pa: «Djatra əpʉ, mə pa kə e: kədə e sə də lɔsu â sə sə də ashera tə̂ lɔsu e ne, e sə sə kə ma kʉtə̂ ərə ə̂në mə mâ gâ tə̂ ayɔ figə səye kɔ ne, bale, alɔ ə̂në e sə kə pa kə kaga səye ə pa: "Äfɔ kotəye ə të gâ lə ə̂ngû əngbrʉ", ərə nə sə kə ma nə.

23 Jezu pâ kə ətshə ə pa: «Bə pa: "Kədə bə lï…"? Ərə nɔ̂ lï ndə kə mbrə nə mbrə əzü ə̂në tshə za lɔsu ye kə Ndjapä!»

27 Jezu shêkɔ əndje ʉrrr ə pâ: «Ə sə tə ərə ə̂në azü lï lï ndə kə ma nə ne, bale ə də̂ Ndjapä də̂ ne, mbrə ə̂në Ndjapä lï ndə kə ma aərə nɔ̂.»

27 Jezu kîrə əpʉ ə pa: «Ərə ə̂në azü lï lï ndə kə mbrə nə ne, Ndjapä lï ndə kə mbrə nə.»

58 Jezu mâ aərə ə̈lü mâ ngbatshe kôto ne, mbrə ə̂në azü nə zâ lɔsu əndje zâ kə ətshə ne.

22 «Azü əgɔ Isərayalə, e djï əpʉ ə̂në mə sə kə pa nə kɔ: Jezu, əzü əgɔ Nazaratə, sə tə əzü ə̂në Ndjapä yîsə̂ nə gashu kə e ə pa əne kə wlâ ətshə kɔ. Tə̂ äwä ye, Ndjapä mbrə̂ aərə ə̈lü kpî kpî kpî lə takpa tə̂ e, mata ə̂në, e-e də ə̂tə̂ e, e wusə̂ nə kɔ.

31 Alɔ ə̂në əndje yû Ndjapä ə nglɔ̂ gâ ye kɔ, ətshe nə ə̂në əndje sə̂ tə̂ nə kɔ même tə̂ ye. Âgbɔ̂ Yîrə̂ sû əndje nɔ̂ trɔ̂ â əndje vɔ̂tə̂ kə mʉ Əpʉ Ndjapä mʉ də awa ne.

Aləvu Shevaa

11 Bale, Ndjapä mbrə̂ aərə ə̈lü ə̂në ə rô pâ kumu azü kɔ tə̂ äwä Palɔ nə. 12 Rəkɔ, azü kô aləba wala aama aləba ə̂në ə gôro akwa Palɔ nə kɔ ə kô gâ tə̂ alayïrəka â arəka nə nglɔ̂ tə̂ əndje â aafrɔ ayirə̂ wûtu lə əndje.

12 E wû aərə ə̂në mə mbrə̂ lə takpa tə̂ e, ə̂në ə yîsə̂ nə ngâ gashu gâ ye ə pa mə sə tə əzü-awla kɔ: tə̂ äwä kə kânga tshelə əmə lə aərə nɔ̂, tə̂ äwä aərə kə za awa gâ lə azü də aərə ə̂në ə rô pâ kumu azü gâ ndə aərə aə̈lü.

28 Bale, Ndjapä kô azü gâ lə Laglizə rəke: azü-awla angbʉlînə, aawopandəma Ndjapä tə bishi nə, aawoyisə̂ ərə tə vəta nə. Mandânə, tshə kô azü ə̂në əndje sə də aâkrâ kə mbrə aərə ə̈lü kɔ. Gâ mandânə, tshə kô azü ə̂në əndje sə də âkrâ kə grɔ arəka tə̂ azü kɔ, də azü ə̂në əndje sə də âkrâ kə tɨ azü gâ lafɔ kɔ, də azü ə̂në əndje sə də âkrâ kə sə gâ pâ angâ əndje kɔ gâ ndə azü ə̂në əndje sə də âkrâ adongo aama aəgɔ kɔ.

8 Mbrə ə̂në, kə ə̈bə̈ əzü, Yîrə̂ nə zâ kə pa əpʉ tə̂ äwä kə wusə̂ âdâ ərə, kə ə̈bə̈ ata nə, kʉtə̂ Yîrə̂ nə bale zâ əpʉ kə wusə̂ ərə kə ətshə. 9 Kə ə̈bə̈ ata əzü nə kpî, kʉtə̂ Yîrə̂ nə zâ âkrâ lɔsu kə ətshə; kə ə̈bə̈ əzü nə, kʉtə̂ Yîrə̂ nə zâ âkrâ kə grɔ də arəka tə̂ azü kə ətshə. 10 Kʉtə̂ Yîrə̂ nə zâ âkrâ kə mbrə aərə ə̈lü kə ə̈bə̈ əzü, ə zâ âkrâ kə pa ndəma Ndjapä kə ə̈bə̈ ata nə. Tshə zâ âkrâ kə yerɔ kpro tshelə takpa tə̂ ərə nə̂ Âgbɔ̂ Yîrə̂ də ərə nə̂ aafrɔ ayirə̂ kə ə̈bə̈ əzü, ə zâ kə pa aama aəgɔ kpî kpî kpî kə ə̈bə̈ ata əzü nə. Tshə zâ kə ə̈bə̈ əzü nə kə pa ndəma aəpʉ də aama aəgɔ səkɔ.

39 Bale, Jezu kîrə əpʉ kə ətshə ə pa: «E shä shëra ətshə tə̂ nə ne. Mbrə ə̂në əzü â ma ə̈bə̈ ərə ə̈lü də əɨrɨ əmə, trale mandânə, tshə lï lï ndə kə pa əmbrʉ əpʉ də əɨrɨ əmə ne. 40 Əzü ə̂në tshə sə sə də əpʉ də əzə̂ ne, tshə sə djoko ndə əzə̂.

15 Kədə əndje yu Ndjapä nə â za lɔsu əndje gâ tə̂ əpʉ səkɔ, ə sə kə tshɔ əyïrəka nə, â Âgbɔ̂ Əyïngerə sə kə za ətshə gâ lafɔ. Kədə tshə mbrə̂ anyaka, tshelə anyaka nə sə kə gba nə. 16 Rəkɔ, e pä əpʉ anyaka nə̂ e gashu kə angâ e lə takpa tə̂ e, ə yü Ndjapä mbrə angâ e lə takpa tə̂ e, kanika arəka nə̂ e nglɔ. Kə yu Ndjapä nə̂ ə̂rɔ̂ əzü sə də awlra ngbatshe ndə kə pa ə mbrə ərə.

17 Eli sə̂ leme-e tə əzü mata əzə̂: tshə yû Ndjapä pə tə̂ nə pə tə̂ nə ndə kə pa yavrɨ ni ni ne, â yavrɨ nî nî gâ pâ ashɔ lə ə̂ngû vəta də yipʉ mindû amanə bale ne. 18 Mandânə, tshə yû Ndjapä kwatə̂ye; bale yavrɨ âfɔ mâ lafɔ â nî, â ashɔ lê arəgo.

16 Bale, Jezu kô amapa nə mindû nə də agiangû nə bishi nə, ə lîshi gâ lafɔ ə ê ə̂rɔ̂ əpʉ gâ pâ nə ə ngɔ̂ tshelə nə ə kô kə atrawaya nə ndə kə pa əndje kru tshelə nə tə̂ ə̂kpû azü nə. 17 Azü nə nɔ̂ zɨ̂ rəgo nə â tshelə əndje sû. Əndje rɔ̂ ə̂dû rəgo nə ə sû kakli morofo amanə bishi.

Tə̂ əlo saaba, Jezu grɔ rəka tə̂ ə̈bə̈ yashe

10 Tə̂ ə̈bə̈ əlo saaba, Jezu sə̂ kə yisə̂ əpʉ lə ə̈bə̈ anda aangbɔ. 11 Ə̈bə̈ yashe sə̂ je ə̂në afrɔ yîrə̂ mbrə̂ tə̂ ye â tshə sə̂ də rəka tə̂ ye ə mâ ə̂ngû grʉvəta amanə vəta. Rəka nə lû ətshə gâ tə̂ nə, äwä kə gbətɔ tshelə ye ndji gûta gü ne. 12 Jezu wû ətshə ə ê ətshə ə pâ kə ətshə ə pa: «Yashe, rəka nə̂ zə nglɔ̂ gâ ye.»

13 Tshə zâ kəna ye gâ pâ yashe nə â trale tshə gbə̂tɔ tshelə ye ndji â vɔ̂tə̂ kə mbe Ndjapä. 14 Tshelə makɔndji anda aangbɔ nə kô ətshə mbrə ə̂në Jezu grɔ̂ rəka tə̂ yashe nə tə̂ əlo saaba. Bale, tshə pâ kə ə̂kpû azü nə ə pa: «Aəlo mindû amanə bale sə tə aəlo kə ma kosəra lə nə. E nä lə aəlo nə səkɔ ka əndje grɔ arəka tə̂ e, ə də̂ tə̂ əlo saaba də̂ ne!» 15 Âgbɔ̂ Əyïngerə nə kîrə əpʉ kə ətshə ə pa: «Alayïama bishi ə̂në e lə ye! Tə̂ əlo saaba, əzü bale bale lə takpa tə̂ e wora pagra wala kunda nə̂ ye wora lə ângâ ndə kə pa tshə na də ətshə ndə kə pa tshə ndju ə̂ngû ne a? 16 Bale, yashe səye ə̂në tshə sə tə ätä Abraamo, ə̂në Sataa î ətshə ə mâ ə̂ngû grʉvəta amanə vəta kɔ, mə lï lï ndə kə pa mə wora ətshə lə əyo ə̂në tshə sə lə nə kɔ tə̂ əlo saaba ne a?» 17 Alɔ ə̂në Jezu kîrə əpʉ rəkɔ, gana mbrə̂ alayïəpʉ nə̂ ye nə nɔ̂. Ə̂kpû azü, ənə̂ əndje, tshelə əndje mɔ̂ mbrə aə̂rɔ̂ aərə ə̂në tshə mbrə̂ kɔ.

11 Angbʉlî ərə ə̈lü ə̂në Jezu mbrə̂ mâ Kana lə ashɔ əgɔ Galile kɔ kə sə̂. Tshə yîsə̂ ə̂yî ye gashu, â atrawaya nə̂ ye zâ lɔsu əndje kə ətshə.

14 Alɔ ə̂në azü nə wû ərə ə̈lü nə ə̂në Jezu nə mbrə̂ kɔ, əndje pâ əpʉ ə pa: «Ətshə kə sə ngâ tə̂ Awopandəma Ndjapä ə̂në tshə sə kə na gâ pâ ashɔ kɔ.»

29 Jezu nə pâ kə ətshə ə pa: «Mbrə ə̂në bə wû əmə gâ ye kɔ də̂ bə yində nə də lɔsu zə nə kɔ a? Ənə̂ əndje tə ə̂rɔ̂nə, azü ə̂në əndje wû ərə wû ne â yində nə də lɔsu əndje kɔ!»

Âdâ fraka səye

30 Jezu mâ ndje alabə̈ aata aərə ə̈lü ngbatshe ətshi atrawaya nə̂ ye, ə̂në əndje tâ əpʉ nə tâ gâ lə fraka səye ne kɔ. 31 Bale, aərə sə̂ ə̂në əndje tâ əpʉ nə kɔ, ə sə ndə kə pa e yində nə də lɔsu e ə pa Jezu sə tə Kristə nə, tə Ɨrɨ Ndjapä, â tə̂ äwä kə yində nə də lɔsu e nə, e sə də sorô də əɨrɨ ye.

8 Bale, trawaya ətshə nə səkɔ, ə̂në tshə yî kumu ye ətshinə gâ tə̂ ama ə̂dû nə kɔ, lî ndje gâ lə ə̂dû nə. Tshə wû â yîndə nə də lɔsu ye. 9 Mbrə ə̂në əndje tê tê pa ə dji tshelə âdâ Fraka nə̂ Ndjapä ə̂në ə pâ Jezu lï ndə kə she lə takpa tə̂ akuzu kɔ ne.

13 Bale, mə wû aafrɔ ayirə̂ vəta, ə̂në əndje kô akpakpru kɔ, əndje tô lə ama əmbrʉ agia nə, lə ama agia nə, ndje lə ama afrɔ awopandəma ndjapä* nə ə sə̂ kə wutu gashu. 14 Ayirə̂ nə ə̂në Sataa wlâ əndje, ə̂në əndje mbrə aərə ə̈lü kɔ kə sə̂. Əndje sə kə na gâ tə̂ alayïngerə tshepashɔ nɔ̂ ndə kə pa əndje ngbo əndje gâ tə̂ nə mbrə kə tɔ kowɔ tə̂ âgbɔ̂ əlo nə̂ Ndjapä nə, tə Âgbɔ̂ Əyïworɔgbɔ.

Azü yîndə kə wu ərə ə̈lü

38 Bale, alabə̈ aawoyisə̂ âgbɔ̂ əpʉ nə̂ Mayïzə də alabə̈ Afariza zâ əpʉ ə pâ: «Awoyisə̂ ərə, mä ə̈bə̈ ərə ə̈lü ä wu ka ə pa Ndjapä kə wlâ əbə kɔ.»

39 Jezu kîrə əpʉ kə əndje ə pa: «Azü tshe kpəsəye ə̂në əndje sə tə aəmbrʉ azü ə dji əpʉ ama Ndjapä dji ne kɔ, əndje yində kə wu ə̈bə̈ ərə ə̈lü. Bale, əndje sə sə kə wu nə ne, kʉtə̂ ərə ə̈lü ə̂në ə wûtu gâ tə̂ awopandəma Ndjapä Jonasə kɔ ə lî gâ ye. 40 Mbrə ə̂në, äwä bale mata ə̂në Jonasə mâ əlo vəta lə əgerə giangû kɔ, Əgblə nə̂ Əzü sə kə ma ndje äwä bale əlo vəta lə ashɔ.

Aəgɔ ə̂në azü nə yîndə əpʉ nə̂ Jezu yî ne kɔ

20 Bale, Jezu vɔ̂tə̂ kə nga kə azü agala ə̂në tshə mâ aga aərə ə̈lü lə nə kɔ. Mbrə ə̂në əndje tshî äwä angbrɔ kə ma aərə nə̂ əndje tshî tʉ ne. 21 Tshə pâ: «Əyo gâ pâ e, azü gala Koraza! Əyo gâ pâ e, azü gala Betəsayida! Mbrə ə̂në, kədə azü aəgɔ Tirə də Sidɔ kə wû kəmə aərə ə̈lü ə̂në ə wûtu lə takpa tə̂ e kɔ, kandää kerə əndje yî kəmə ləba mbadja ə sə̂ gâ tʉ gâ lə mvrowo gâ ye ə tshî äwä angbrɔ kə ma aərə nə̂ əndje tʉ gâ ye. 22 Âdârə ə̂në mə pa kə e, tə̂ alɔ kə wa ngbanga nə̂ Ndjapä, ngbanga nə̂ e sə kə ro pâ ənə̂ azü agala Tirə də Sidɔ.

23 «Ənə̂ e azü Kaprənayɔmə, e wu ənə̂ e ə pa e sə kə o ʉrrr ə goro tshelafɔ a? Bale ne! E sə kə jerə ʉrrr mâ ə̂sə̂ akuzu-e. Mbrə ə̂në, kədə aərə ə̈lü ə̂në ə wûtu lə takpa tə̂ e kɔ kə wutu kəmə lə takpa tə̂ azü əgɔ Sɔdɔmə, kandää gala nə sə kə sə pə kəmə ʉrrr ndjɔ kpəsəye. 24 Âdârə ə̂në mə pa kə e, tə̂ alɔ kə wa ngbanga nə̂ Ndjapä, ngbanga nə̂ e sə kə ro pâ ənə̂ azü gala Sɔdɔmə.»

22 Aərə sə̂ nɔ̂ wûtu ndə kə pa əpʉ ə̂në Əyïlingû pâ tə̂ äwä awopandəma Ndjapä kɔ, ndəma nə mbrə. Tshə pâ:

23 «Wü! Amvera ə̂në tshə wusə̂ akoshe wu ne sə kə za əndu ə zu əgblə koshe.

Əndje sə kə dji əɨrɨ ye Emanuwalə,

âdâ nə kə də̂: "Ndjapä sə lə takpa tə̂ əzə̂".»*

49 Ə̂në əndje wû ətshə ə̂në tshə sə̂ kə na pâ ala ə̂ngû nə kɔ, əndje wû ənə̂ əndje ə pa də ə̈bə̈ ngandrə kə sə̂ â vɔ̂tə̂ kə ta râwâ. 50 Mbrə ə̂në, əndje wû ətshə nɔ̂ â awa zâ əndje. Trale, Jezu pâ əpʉ kə əndje ə pa: «Lɔsu e zɨ̈tɨ, əmə kə sə̂! Awa mbrə̈ e mbrə̈ ne!»

50 Ə̂në Jezu djî əpʉ nə rəkɔ, tshə pâ kə Jaruwusə nə ə pa: «Kätə̂ awa ə zä kʉtə̂ lɔsu zə kə Ndjapä, əgblə yashe nə̂ zə sə kə she lə kuzu.»

37 Ə̂në Jezu ndô trö də Jeruzalamə ə sə̂ kə jerə tə̂ kaga aayɔ ɔlivə nə kɔ, ə̂kpû atrawaya nɔ̂ sə də âgbɔ̂ ə̂rû tə̂ lɔsu əndje â vɔ̂tə̂ kə mbe Ndjapä tə âgbɔ̂, mbrə aərə ə̈lü ə̂në əndje wû kɔ. 38 Əndje pâ:

«Ndjapä tö ngwarə gâ pâ əyïngerə,

ətshə ə̂në tshə na də əɨrɨ Əyïlingû kɔ.

Tshe sə̈ bla mâ lafɔ,

a mbë Ndjapä ə̂në tshə sə mâ ngâ lafɔ kɔ!»*

9 Mandâ əpʉ səkɔ, ə̂në Jezu sə̂ kə o na ye gâ lafɔ â əndje sə̂ kə shekɔ ətshə kɔ, andra âfɔ â əndje wû ətshə wû kwatəndje ne.

7 Mə tê gâ tə̂ ashɔ ə djî ə̈bə̈ tshema ə̂në ə pâ əpʉ kə əmə ə pa: "Sɔlə, Sɔlə, bə sə kə gi əyo tə̂ əmə mbrə yekɔ?"