26 ईशू बोलअ तिन्‍नां बाखा भाल़ी, "ज़ुंण मणछे भलै हई निं सकदअ, सह सका परमेशरे भलै हई।"

26 ईशू बोलअ तिन्‍नां बाखा भाल़ी, "ज़ुंण मणछे भलै हई निं सकदअ, सह सका परमेशरे भलै हई।"

37 परमेशरे भलै सका सोभै गल्‍ला हई।✝

27 "जेरमयाह, हुंह आसा बिधाता अर हुंह आसा संसारे सोभी मणछो परमेशर। इहअ निं किछ़ आथी ज़ुंण हुंह निं करी सकदअ।

21 मोसा किअ समुंदरे पाणीं प्रैंदै आपणअ हाथ आजू अर बिधाता छ़ाडी पुर्बा बाखा ढिश-बागर। बागरी रही सारी राची लागी, समुंदरो पाणीं हुअ ओर्ही-पोर्ही दूई बाखा लै अर धरनीं निखल़ी शुक्‍की ज़ैगा। 22 इज़राईली मणछ लागै समुंदरै मांझ़ा-मांझ़ी शुक्‍की ज़ैगा बाती हांढदै अर तिन्‍नें दैहणै-बाऊंऐं थिई पाणींए दुआली बणी दी।✝

11 पर हे बिधाता, ज़ुंण महान काम तंऐं किऐ, तेता निं हुंह बिस्सरदअ,

पराणैं ज़मानैं तंऐं ज़ुंण नुआहरै काम किऐ, तिंयां डाहणैं मुंह आद।

12 आझ़ तैणीं तंऐं ज़िहअ बी किअ मुंह रहणअ तेते बारै सोठदै लागी,

मुंह करनअ तेरै तिन्‍नां महान कामों धैन।

14 च़मत्कार सका सिधअ तूह परमेशर ई करी,

तंऐं रहैऊअ देशा-देशा का आपणअ बल।

20 ईशू बोलअ तिन्‍नां लै, "तम्हैं निं परमेशरे शगती दी विश्वास करदै, ज़ै थारअ विश्वास शाऊईए दाणैं बराबर धख ज़िहअ बी होए, ज़ै तम्हैं ऐहा धारा लै बी बोले कि इधा का पेछ़ुई करै डेऊ दुजी बाखा लै, सह डेऊणीं अर तम्हैं सका सोभै गल्‍ला करी।

"इहै भूत निं प्राथणां अर ब्रत करनै बाझ़ी निखल़दै।"

21 ईशू दैनअ तिन्‍नां लै ज़बाब, "हुंह खोज़ा तम्हां का सत्त कि, ज़ै तम्हैं विश्वास करी बोले अर बैहम नां करे, तम्हैं सका इहअ करी ज़ुंण एऊ फेडूए बूटा संघै किअ। ज़ै तम्हैं ऐहा धारा लै बी बोले कि इधा का डेऊ पेछ़ुई समुंदरा लै! इहअ बी जाणअ हई।

23 ईशू बोलअ तेऊ लै, "ज़ै तूह करी सका, अह कै गल्‍ल हुई? विश्वास करनै आल़ै लै सका सोभ गल्‍ला हई।"

27 ईशू बोलअ तिन्‍नां बाखा भाल़ी करै, "ज़ुंण मणछे भलै नांईं हई सकदअ, सह सका परमेशरे भलै हई।"*आयू. 42:2; लूक. 1:37

27 ईशू बोलअ तिन्‍नां लै, "ज़ुंण मणछे भलै नांईं हई सकदअ, सह सका परमेशरे भलै हई।"

58 तिंयां निस्सै विश्वास करी अर ईशू निं तिधी किछ़ै बडै च़मत्कारे काम किऐ।

22 "हे इज़राईली मणछो, इना गल्‍ला शूणां कि नासरत नगरी रहणैं आल़अ ईशू, ज़सरअ परमेशरा बाखा का हणें सबूत आसा शगतीए नुआहरै काम अर स्वर्गे नछ़ैणां करे प्रगट। ज़ुंण काम परमेशरै तम्हां मांझ़ै करी तेऊ करै रहैऊऐ अर ज़ुंण तम्हैं आपणीं आछी भाल़ै।

31 ज़ांऊं तिंयां प्राथणां करी मुक्‍कै, सह ज़ैगा ज़िधी तिंयां कठा तै हुऐ दै तिधी हुई ज़ेही ज़ाज़री अर तिंयां सोभ भर्हुऐ पबित्र आत्मां करै अर परमेशरे बैणा रहै हैअ संघै खोज़दै लागी।

11 परमेशर रहैऊआ त पल़सी करै शगतीए बडै-बडै काम। 12 इधी तैणीं कि शाट्टै अर गाची निंयां तै लोग तेऊए देही का छुंआऊंई करै अर तिन्‍नां पाआ तै बमारा प्रैंदै अर तिंयां हआ तै सोभी रोगा का नरोगै अर दूत-भूता का आज़ाद।

12 असली शधाणूंए लछ़ण बी रहैऊऐ तम्हां मांझ़ै सोभी साबै सबर करनै अर नछ़ैणां करै, नुआहरै कामां अर शगतीए कामां करै।

28 मसीहे देही दी आसा परमेशरै टोली दी हाम्हां लै ज़ुदै-ज़ुदै काम दैनै दै, पैहलअ आसा शधाणूं,

दुजअ आसा परमेशरो गूर,

चिअ आसा सखाऊंणै आल़अ,

तेखअ शगतीए कामां करनै आल़अ,

नरोगै करनै आल़अ,

झींण करनै आल़अ,

इंतज़ामा करनै आल़अ,

कई रंगे बोली बोल़णैं आल़अ।

8 परमेशरे आत्मां एकी मणछा लै इहअ प्रच़ार करनैओ गूण ज़ेथ अक्लीए गल्‍ला आसा अर सह ई आत्मां दैआ दुजै मणछा लै इहअ प्रच़ार करनैओ गूण ज़ेथ खास्सअ ज्ञैन आसा।

9 कोई लै दैआ पबित्र आत्मां मसीहा दी पाक्‍कअ विश्वास डाहणेंओ गूण अर दुजै मणछा लै दैआ सह ई आत्मां बमार मणछा ठीक करनैओ बरदान। 10 पबित्र आत्मां दैआ एकी मणछा लै च़मत्कार करने शगती अर दुजै लै दैआ परमेशरो समाद खोज़णेंओ बरदान अर एकी होरी लै दैआ ऐहा गल्‍ला परखणैंओ बरदान कि ज़ुंण बरदान आसा, सह पबित्र आत्मां बाखा आसा कि कदुष्ट आत्मां बाखा आसा? कोई लै दैआ सह कई रंगे भाषा-बोली बोल़णैंओ बरदान ज़ुंण तेऊ कधि निं होए शिखल़ी दी, अर कोई लै दैआ सह तैहा भाषा-बोलीओ मतलब खोज़णेंओ बरदान ज़ुंण तेऊ कधि निं शिखल़ी।

39 ईशू बोलअ तिन्‍नां लै, "तेऊ रोक्‍कदै निं लागी किल्हैकि इहअ निं कोहै बी आथी ज़ुंण मेरै नाओंऐं च़मत्कारे काम करा अर तेभी बोले मुल्है बूरअ।

40 "ज़ुंण म्हारै खलाफ निं आथी सह आसा म्हारै पक्षा दी।

15 ज़ुंण प्राथणां तम्हैं परमेशरा सेटा विश्वास डाही करै करे तेता करै हेरनअ परमेशरा सह बमार मणछ तैहा बमारी का बच़ाऊई अर ज़ै तेऊ कोई पाप बी किऐ दै होए, तेते बी भेटणीं तेऊ लै माफी।

16 तैही मना तम्हैं आप्पू मांझ़ै एकी-दुजै सेटा आपणैं पाप, संघा करा एकी-दुजै लै परमेशरा सेटा प्राथणां, ज़िहअ करै तम्हैं भिई नरोगै होए। किल्हैकि धर्मीं मणछे प्राथणां करै सका सोभै गल्‍ला हई।

17 एलियाह बी त हाम्हां ज़िहअ दुख-सुख भुगतणै आल़अ मणछ, अर तेऊ किई लेरा लाई-लाई प्राथणां कि सरगा का निं पाणीं निं लोल़ी हुअ, अर साढै चिई साला तैणीं निं भूमी दी सरग हुअ।✝

18 तेखअ किई तेऊ भिई प्राथणां, अर सरगा का हुअ पाणीं अर पृथूई हुई हरी भरी।✝

16 ईशू ढाकी तिंयां पांज़ रोटी अर दूई म्हाछ़ली हाथै, संघा किअ सरगा बाखा भाल़ी परमेशरा लै शूकर, संघा दैनी रोटी च़ेल्‍लै लै अर तिन्‍नैं दैनी लोगा लै बांडी। 17 तेखअ ज़ांऊं तिंयां खाई करै रज्ज़ै, बच़ी दी रोटीए च़कै तिन्‍नैं बारा च़ठै।✝

10 बशैघे धैल़ी त ईशू सभागृहा शिक्षा दैंदअ लागअ द, 11 तिधी ती एक बेटल़ी एही, तैहा ती ठारा साला ओर्ही एक दुबल़ै करनै आल़अ भूत शाचअ द। सह थिई एतरी कुबल़ी हुई दी कि सह निं आज़री खल़ी बी हई सकदी ती।

12 तैहा भाल़ी शादी सह ईशू आप्पू सेटा लै अर तैहा लै बोलअ, "हे ज़नानी, तूह गई ऐहा बमारी का ऐबै राम्बल़ी हई।" 13 तेखअ ईशू तैहा दी हाथ लाअ अर सह हुई आज़री खल़ी अर सह लागी परमेशरे ज़ै-ज़ैकार करदी।

14 ईशू किई ती सह बशैघे धैल़ी नरोगी, सभागृहे कारदारै बोलअ रोश्शै लोगा का इहअ, "हबतै दी आसा कामां करना लै छ़ह धैल़ै, अर नरोगै हंदै बी एछा तिन्‍नां ई धैल़ै, बशैघे धैल़ी एछणअ निं ठीक आथी।"✝

15 इहअ शूणीं प्रभू ज़बाब दैई बोलअ, "हे कपटी मणछो, बशैघे धैल़ी कै तम्हैं आपणैं गाधै अर बल्द खोल्ही करै पाणीं निं पणैंऊंदै? 16 अह बेटल़ी बी आसा आबरामे खिंबा का। राख्सै ती अह ठारा साला ओर्ही डाही दी बशै करी अर अह कै माल़ी गल्‍ल हुई कि आझ़ छ़ुटी अह बशैघे धैल़ी तैहा गल़ैऊंडी का?"

17 ज़ांऊं ईशू ईंयां गल्‍ला बोली, ईशूए सारै बरोधी हुऐ शर्मिंदै अर होर सारै लोग हुऐ ईशूए तिन्‍नां महान कामां भाल़ी खुश ज़ुंण सह करा त।

11 ईशू किई गलील मुल्खे काना गराऊंऐं अह पैहलअ नछ़ैण रहैऊई करै आपणैं प्रतप्पा प्रगट अर तेऊए च़ेल्‍लै बी हुअ तेऊ दी विश्वास कि अह आसा मसीहा।

14 ईशू किऐ दै एऊ च़मत्कारा भाल़ी बोलअ लोगै, "परमेशरो ज़ुंण गूर संसारै एछणैं आल़अ थिअ, सह आसा असली दी ज़रूर अह ई।"✝

29 ईशू बोलअ तेऊ लै, "तंऐं ता किअ मुंह दी भाल़ी हेरी करै विश्वास पर परमेशरा हणअ तिन्‍नां मणछा लै खुश, ज़ुंणी मुंह बाझ़ी भाल़ै हेरै किअ विश्वास।"

30 ईशू रहैऊऐ आपणैं च़ेल्‍लै का होर बी कई नछ़ैण ज़ुंण ऐहा कताबा दी निं आथी लिखै दै। 31 पर ईंयां गल्‍ला लिखी मंऐं एते तैणीं कि तम्हैं विश्वास करी सके कि ईशू ई आसा मसीहा परमेशरो पूत अर तेऊए नाओंआं दी विश्वास करी भेटणीं तम्हां सदा रहणैं आल़ी ज़िन्दगी।

8 तेखअ आअ सह दुजअ च़ेल्‍लअ बी घोरी भितरा लै ज़ुंण पैहलै पुजअ त, इहअ भाल़ी हुअ तेऊ बी भरोस्सअ। 9 तिंयां निं अज़ी बी पबित्र शास्त्रे ऐहा गल्‍ला समझ़ै, "तेऊ हणअ त मरी करै ज़िऊंदै।"✝

1,2 मोसा बोलअ इज़राईली लै इहअ, "केभै सका आजू इहअ बी हई कि तम्हां सेटा कुंण गूर या इहअ मणछ एछे ज़ुंण तम्हां का नछ़ैण अर च़मत्कार रहैऊए या आजू हणैं आल़ी गल्‍ला प्रगट करी इहअ बोले, ‘च़ाल्‍ला हाम्हां डेऊणअ तिन्‍नां देअआ पूज़दै, ज़ेतो तम्हां का आझ़ तैणीं थोघ ई निं आथी।’ 3 ज़ै कुंण गूर इहअ बोले, तेऊए गल्‍ला निं मनी आथी! थारअ परमेशर बिधाता परखा तम्हां इना करै अर सह हआ ऐहा गल्‍ला भाल़अ लागअ द कि तम्हैं तेऊ लै आपणअ सारअ मन्‍न, प्राण अर आपणअ सारअ ज़ोर लाई झ़ूरा कि नांईं। 4 तम्हैं रहै आपणैं परमेशर बिधाता लै पठी शुचै-पाक्‍कै। तम्हैं मनै सिधै बिधाते हुकम अर तम्हैं करनी सिधी तेऊए ई च़ाकरी अर एता पूरै करना लै लोल़ी तम्हां सदा हैल़अ-फिकर हुअ।

13 मंऐं भाल़अ तैहा बडी दानुईंए खाखा, तेऊ पशूए खाखा अर झ़ुठै गूरे खाखा का चअन भूत मिंडके रुपै निखल़दै। 14 ईंयां भूत लागै झ़ुठै नछ़ैण अर च़मत्कार रहैऊई संसारे सोभी देशे राज़ करनै आल़ै लोगा कठा करदै ताकि तिंयां तैहा महान धैल़ी सर्वशक्तिमान परमेशरा संघै जुध करे।

38 ऐहा गल्‍ला लै बोलअ कई शास्त्री अर फरीसी ईशू लै, "हे गूरू, हाम्हैं च़ाहा ताखा सरगै एक नछ़ैण भाल़णअ ताकि हाम्हां इहअ भरोस्सअ होए कि तूह आसा परमेशरै हाम्हां सेटा लै छ़ाडअ द।"

39 ईशू दैनअ तिन्‍नां लै ज़बाब, "एऊ जुगे कदुष्ट अर विश्वास घाती मणछ लोल़ा नछ़ैण। पर जोना गूरे नछ़ैणां छ़ाडी निं तिन्‍नां लै होर किछ़ै भेटणअ आथी। 40 ज़िहअ परमेशरो गूर जोना रहअ चिई राची अर चिई धैल़ी पाणीं जैंदरी म्हाछ़े पेटा भितरी, तिहअ ई रहणअ हुंह मणछो पूत बी चिई राची धैल़ी पृथूई भितरी।

20 तेखअ बोलअ ईशू तिन्‍नां नगरीए लोगे बारै ज़ेथ तेऊ खास्सै च़मत्कारे काम किऐ तै। किल्हैकि तिंयां निं अज़ी बी आपणैं प्राश्त करी पाप करनअ छ़ाडअ।

21 "खुराजीन अर बैतसैदा नगरीए लोगो! तम्हां लै आसा आफ़त! ज़ुंण महान काम अर च़मत्कार तम्हां जैंदरी किऐ, ज़ै तिंयां काम सूर अर सैदा नगरीए होरी ज़ातीए लोगा मांझ़ै किऐ हंदै, तिन्‍नां करनअ त घेरी खिंथल़ै बान्हीं अर टाट पल़ेटी प्राश्त।

22 "पर हुंह खोज़ा तम्हां का सत्त कि ज़ेभै परमेशरा सोभिओ नसाफ करनअ, तेभै दैणीं तेऊ सूर अर सैदा नगरीए पापी मणछा लै सज़ा। पर थारी हणीं तिन्‍नां का बी खास्सी बूरी दशा।

23 "हे कफरनहूम नगरीए मणछो, तम्हैं निं इहअ सोठा कि थारअ हणअ स्वर्गै होरी लोगा का खास्सअ अदर? पर तम्हैं डेऊणैं उंधै जम्परी लै ज़िधी तम्हां सज़ा भेटणीं। ज़ुंण नछ़ैण अर च़मत्कार तम्हां सेटा आसा किऐ दै, ज़ै तिंयां सदोम नगरी दी किऐ हंदै, सह नगरी रहणीं ती आझ़ तैणीं बच़ी।

24 "पर हुंह खोज़ा तम्हां का सत्त ज़ेभै परमेशरा सोभिओ नसाफ करनअ तेभै दैणीं तेऊ सदोम अर अमोरा नगरीए पापी मणछा लै सज़ा। पर तेरी हणीं तेता का बी खास्सी बूरी दशा।"

13 तंऐं आसा मेरी देही भितरे सोभै गल्‍ला बणाईं दी,

मेरी आसा आपणैं हाथै मेरी माए ओदरै हुंह बूणअ द।

14 हुंह करा तेरअ शूकर किल्हैकि ताखा लागा डरनअ ई,

ज़ेऊ साबै तंऐं हुंह बणाअं सह आसा बडअ ज़बर अर नोखअ!

ऐहा गल्‍ला समझ़ा हुंह ज़ाथी राम्बल़ै करै।

1 महान बिधाता, मुंह करनी दिला का तेरी ई ज़ै-ज़ैकार,

ज़ुंण महान काम तंऐं आसा किऐ दै, तिंयां खोज़णैं मुंह सोभी का।

14 पर मालक बिधाता दैणअ तम्हां लै तज़ी बी नछ़ैण ज़रूर। एकी कुंआरी शोहरी का हणअ एक शोहरू, तेऊ शोहरू नाअं डाहणअ तैहा ‘इमानुएल।’✝

22 अह हुअ तैही कि ज़ुंण बैण प्रभू आपणैं गूर ईशायाह बाती बोलै तै, तिंयां पूरै होए,

23 "हेरा, एक कुंआरी शोहरी का हणअ एक शोहरू,

तेऊ शोहरू नाअं डाहणअ तैहा ‘इमानुएल’

तेतो मतलब आसा इहअ कि परमेशर आसा हाम्हां संघै।"

49 तिन्‍नैं च़ेल्‍लै भाल़अ सह समुंदरे पाणीं प्रैंदै हांढदअ। तिन्‍नैं सोठअ इहअ कि अह आसा भूत। तिन्‍नैं पाई डरै मारै ज़ोरै-ज़ोरै लैल़ा-पकारा। 50 तिंयां सोभै ज़ण्हैं डरै तेऊ भाल़ी करै। पर ईशू किई तेभी तिन्‍नां संघै गल्‍ला संघा बोलअ तिन्‍नां लै, "हैअ डाहा, डरा निं आथी हुंह आसा।"

50 ईशू दैनअ ऐहा गल्‍ला शूणीं तेऊ लै हैअ, "हैल़अ निं करी, तूह डाह सिधअ विश्वास, तै ज़ाणीं सह बच़ी।"

37 ज़ांऊं ईशू नेल़ ज़िहअ जैतून धारे ढल़ाना दी पुजअ, च़ेल्‍ले सारी टोली तिन्‍नां शगतीए काम ज़ुंण तिन्‍नैं भाल़ै तै, तिन्‍नां आद करी बडी खुशी-खुशी किअ परमेशरो ज़ै-ज़ैकार

38 तिंयां थिऐ इहअ बोल्दै लागै दै,✝

"परमेशर दैआ तेऊ राज़ै लै बर्गत ज़ुंण तेऊए नाओंऐं एछा,

स्वर्गै शांती अर सरगै लोल़ी परमेशरे प्रतप्प हुअ।"

9 इना गल्‍ला बोली डेऊअ प्रभू तिन्‍नां सम्हनै उझै स्वर्गा लै अर बादल़ै च़ोरअ सह तिन्‍नें आछी का दूर।✝

7 हुंह बधल़ुअ धरनीं, अर मंऐं शूणअ इहअ बैण, ‘हे शाऊल, ए शाऊल, तूह किल्है आसा मुंह दुखी करदअ लागअ द?’

"मंऐं पुछ़अ इहअ, ‘हे प्रभू तूह कुंण आसा?’

1 तेखअ बोलअ बिधाता मोसा लै इहअ, "मिसर देशे माहा राज़ै सेटा लै डेऊ, संघा भाल़, मंऐं किऐ राज़ै अर तेऊए कार-करिंदे मन्‍न होर बी काठै ताकि हुंह तिन्‍नां मांझ़ै च़मत्कार रहैऊं।

2 "अह किअ मंऐं एते तैणीं कि तम्हैं आजू आपणैं शोहरू अर पोचै का खोज़े कि मंऐं मिसर देशे लोगो आपणैं च़मत्कार रहैऊई किहअ सुहांग बणाअं। तेखअ लागणअ तम्हां सोभी का थोघ कि हुंह आसा बिधाता।"