Milagres

26 Yesu nkaaweha, nkeera, "Vaattuni khavanooria nansho kuhiwe wa Nlhuku, ukhalhawaya wa Nlhuku chonkhaye chinowooriacha."

26 Yesu nkaaweha, nkeera, "Vaattuni khavanooria nansho kuhiwe wa Nlhuku, ukhalhawaya wa Nlhuku chonkhaye chinowooriacha."

37 Khiiwo ihinooria wa Nlhuku."

21 Ashinna Musa nkayookolha moono aya vachulhu ibahari, ni ayo Apwiiya Nlhuku nkayaakakha ibahari utulhi wo iphioo yo machiri yo ukhuma unosha nchuwa. Yeyo iphioo iyo yahowuka uhiyu nkwee, nkayaamianiha ibahari mipata miilhi uno ni uno, iriyari nkawaakhalha vo wuuma. 22 Aisraeli nkayaaviracha variyari ibahari vakitu voomilhe vawo, maashi nkaakhalha thoko ishiri wiimonono ni wiimushi waya.

20 Yesu nkaakhulha eeraka, "Wo ikekhiaye kinouhimeriani wiira, mwakhalhaka ni nrima inakhalhaka vakani thoko imbeyu yo iharadali, nnowooria wiirelha ulha mwaako ulha, ‘Nthame vaa nrwee uwo!’ Ni uyo unoorwaa. Nnowooria upanga ittu iriyoothe!"

21 Yesu nkaakhulha, "Ikekhiaye kinouhimeriani, Mwakhalhaka ni nrima wo urumelhelha uhiri ni nipampa, nnowooria kuhena wo upangaru chiicho, nansho ata mweerelhaka ulha mwaako ulha, ‘Uthame weerihelhe ubaharini,’ chinopangia chiicho.

23 Yesu nkeera, "Nneera kooriaka! Kila ittu inoworia wa ntu norumelhelha."

27 Yesu nkaaweha tho, nkeera, "Vaattuni khavanooria, nansho kuhiwe wa Nlhuku, ukhalhawaya wa Nlhuku chonkhaye chinowooriacha."

27 Yesu nkaakhulha, "Chihinooria wa nttuni, chinowooria wa Nlhuku."

58 Wo nlhatu no ulhipa waya nrima, khaapannge yo ushangiha iriyoothe wowo.

22 "Anenchi o Uisraeli, nkeewelhelhani alha malhove alha! Thoko chineera inyu wo uchuwelha, Yesu o Unazareti aari ntu o ikuru ya Nlhuku yoonihiye uwaninyu wo ithikineha ni cho ushangiha chaapannge awe iriyari inyu.

31 Yamalhiheke unlhapelha Nlhuku, vakittu vaakumanne aya valhe nkavaatikhinyia, onkhaye nkayachariya Iphumu ya Nlhuku. Nkayaahimiacha nlhove na Nlhuku wo uhoova.

Ashaana a Sikewa

11 Nlhuku ahopangacha ithikineha cho ushangiha wo miono chi Napaolo. 12 Attu yaari akushachaka ikitambaa ni ikuwo cho ukhuma mwiiruttuni mwa Napaolo, nkayaarwehelha areta ni ayo nkayaalhamihiya mareta aya. Ni mashoka o unanara yahothama wa attu.

12 Ithikineha ni cho ushangiha cho wooniha mwaari wiira mii phi karumiya e ikekhiaye, chahopangiya mmilhokoni mwinyu wo uvilhelha wonkhaye.

28 Nlhuku haathanlha attu mmilhokoni mwa attu awe, achokholhaka akarumiya, onayelhi anamilhohi, o neraru owiittuchiha, amalhekeru heesha alhe arii ni mahalha o upanga cho ushangiha ni olhamiha ni okaviha ni ahoolhelhi ni attu owulhumacha nuulhumo nilheto.

8 Iphumu ya Nlhuku nommaha ntu mmoka nttenga wo irusho, ni ummaha ntu nkina mahalha o uchuwelha chittu, chinothanana aya yeyo Iphumu ya Nlhuku uyo. 9 Iphumu ya Nlhuku yoyo nommaha ntu mmoka nrima, ni ummaha ntu nkina mahalha o waalhamiha attu.

10 Tho inommaha ntu mmoka mahalha o upanga cho ushangiha, nkina mahalha o anamilhohi, nkina mahalha o ulhamulha mahalha anovahiya ni Iphumu ya Nlhuku ni nlhoko wo chittu chihiri cho Iphumu ya Nlhuku, nkina mahalha o uchuwelha nuulhumo nilheto ni nkina mahalha o ulhamulha nuulhumo nilheto.

39 Yesu nkaakhulha nkeerelha, "Nhaachiichihe khaawo ntu nooria upanga cho ushangiha wo nchina naka nkoolhumacha chittu cho uhilhoka. 40 Ukhalhawaya kila ntu hinonikhota yoyo ri awihu.

15 Ukhalhawaya ulhapelha wo nrima unonlhamiha nreta. Athithi anonhokolhoshera machiri tho nreta uyo, noolhama. Ni vavawo yakhalhaka howonya noohiyereriya uwonya wawe.

16 Paahi etu nkhoromelhaneke uwonya winyu mwaashineneru, nlhapelhelhaneke wiira nlhamihiye. Ukhalhawaya ulhapelha wo ntu nopanga moombone thoko chinothanana awe Nlhuku uhanaa machiri o upanga chittu chinchi, alhapelhaka wo ukuruvalhelha.

17 Naeliya yaari o makhalhelho anolhikaana thoko hii. Yayo aholhapelha wo ukuruvalhelha wiira ipulha ihirupe, ni iyo khayaarumpe velhaponi wo iyaakha ttaaru ni nusu. 18 Yamalheke nkayaalhapelha tho, irimu nkayaattukuwa ipulha nkayaarupa, ilhapo nkayaamelha cholhia.

16 Yesu nkaakusha mikatte nthanu ni ihopa pilhi, nkaaweha wiirimu, nkalhapelhelha ibarakha, nkaamianihacha, nkaavaha owiittucha yaakawelhe attu. 17 Attu onkhaye nkayaalhia, nkayaawonacha, ni owiittucha nkayaarokottacha mahalhahalha aahanlhe, nkayaachariha ni ukusha makaya khumi ni melhi.

Yesu nonlhamiha nthiyana Nihuku no Wiittuwa

10 Nihuku no Wiittuwa nimoka Yesu aari eettuchihaka wi inupa yo unlhapelha Nlhuku. 11 Vavawo ahokhalha oopani amoka awereiya mashoka o unanara iyaakha choomalhaka khumi ni nane, iruttu aya yaari inaremanre ahookokwaka. 12 Yesu vonne awe, nkeehana ni weerelha, "Amma, nholhamihiya ikwerere inyu." 13 Nkeeshera moono awe, ni yeyo ikatema, iruttu aya nkayookwaa tho, nkayanthimicha Nlhuku.

14 Nansho olhupalhe emelhelha inupa yo unlhapelha Nlhuku ahorushiya chinene woona wiira Yesu honlhamiha ntu Nihuku no Wiittuwa. Paahi etu, nkayeerelha attu, "Arii mahuku sita o upanga ntheko, mmweeke yayo mahuku ayo mmwe mwaalhamihiya, nansho kuhiwe Nihuku no Wiittuwa!"

15 Athithi nkayaakhulha, "Mwa anafiki inyu! Mpani mmoka inyu hinonthaphulha mwannama awe ama iphuta awe nhiilhini wiira awurihe maashi Nihuku no Wiittuwa? 16 Vano etu, vaa haawo ulha mwaana a Aburahimu aremarihiye ni Nakare iyaakha khumi ni nane ulha. Chani khireenre wiira athaphulhiye Nihuku no Wiittuwa?" 17 Paahi nlhove naakhunlhe awe, nkanoolhiha muru attu anvenga ayo, nansho attu akina onkhaye aari anateelhiye mirima wo woona chittu cho nthimicho chaapangelhe.

11 Yesu aapannge yeyo yo ushangiha yo uchokholha iyo Ukaana ilhapo yo Ugalilaya, wowo nkooniha nthimicho wawe, ni owiittucha awe nkayanrumelhelha.

14 Attu yooneke yeyo yo ushangiha yaapangilhe awe Yesu iyo, nkayeeracha, "Wo ikekhiaye yolha phi namilhohi aaphwanelhiye uwa velhaponi!"

29 Yesu nkeerelha, "Chani, nnorumelhelha ukhalhawaya nhookoona? Ahoreeriya yayo anorumelhelha, nansho wo hikoona mii!"

Nnikwa uri nkitabuni

30 Yesu ahopanga cho ushangiha chikina chinchi vaari awe na owiittucha awe chihilhepiye nhina ilha ikitabu ilha. 31 Nansho chilha chilhepiye mwaatti nrumelhelhe wiira Yesu phi Kuristo Moopolhi, Mwaana a Nlhuku, ni wo urumelhelha winyu mpatte ukhalha ni ukumi wo ikuru yo nchina nawe.

8 Yamalheke owiittucha nkina aaholhenlhe uphiya unihiyeni uyo, nkaakelha ni uyo nhina. Nkoona, nkarumelhelha. 9 Yaari ahinaya uchuwelha Malhove Matakatifu yeenre wiira noohihimmwa ukhuma nnookhwani.

1 "Akhumelhelhaka namilhohi, ama ntu o uthaphulha itora munlhokoni mwinyu, owoonihakani ithikineha ni cho ushangiha, 2 nkayaakhumelhelha thoko chenre awe chiyo, nkeera, ‘Nittwareke etu milhuku chikina ni uvara mitheko chaya, milhuku chihinapacha inyu uchuwelha’, 3 nhiiwelhelhe malhove a yoyo ntu o uthaphulha itora uyo, ukhalhawaya Apwiiya Nlhuku inyu anaatumia yayo wo nlhatu no ulhikachani wiira achuwelhe yakhalhaka nnowaattuna Apwiiya Nlhuku inyu, wo nrima winyu wonkhaye ni wo nnepa winyu wonkhaye. 4 Mwaattwareke ni waarumelhelha Apwiiya Nlhuku inyu, ni uvarechesha iamuri chaya ni wiiwelhelha nlhove naya, mwaathimicheke ni walhutaana.

13 Yamalheke, nkakoona mashoka o unanara araru yoonia thoko amarapi, mmoka aakhuma umalhakuni wo inwaa yulhupalhe ilhe ni nkina umalhakuni mwo mwannama o ulhuma ulhe ni nkina umalhakuni mwo namilhohi o woothacha ulhe. 14 Alha araru alha phi minepa cho mashoka o unanara anopanga ithikineha. Phi ayo anorwaa wo mamwene o velhaponi onkhaye ni waathukumaniha vamoka wiira yaatakane ikhoto nihuku nulhupalhe na Nlhuku O machiri onkhaye nne.

Uvekelhiya woona cho ushangiha

38 Yamalheke, owiittuchiha Malhehero akina ni Amafarisayo nkayanlhelha Yesu, "Owiittuchiha, ninothanana woona mpangaka ithikineha." 39 Yesu nkaakhulha, "Mwinre chani attu o uhilhoka o ulhuva va! Nnovekelha woona cho ushangiha? Mena! Ithikineha inohalha inyu woonihiya iri ya anamilhohi Nayona vekha aya. 40 Iphiro yaakhanlhe aya Nayona mahuku mararu uthana ni uhiyu mmirimani mwo nankumi, phi chiicho Mwaana a Ntu chinohalha awe ulhokelha unaminepa wuuthi ilhapo mahuku mararu uthana ni uhiyu.

Iwani cho uhirumelhelha

20 Yesu nkaachokholha waakuphulhacha attu o mmawani mwaapannge awe cho ushangiha nansho khayaarumelhenlhe ni ukhoroma uhiya uwonya waya. 21 "Nhothapana inyu attu o Ukorazini! Nhothapana inyu attu o Ubethsaida! Ukhalhawaya cho ushangiha chipangiye uwaninyu chikaapangiye Utiro ni Usidoni, attu o wowo yammwara majuniya ni wiihika ituura wooniha wiira ahokhoroma ni uhiya uwonya. 22 Nansho kinouhimeriani wiira, inowa ukhalha ittu yo waalhuwa wo attu o Utiro ni attu o Usidoni uvilhelha ntwarusho uupwahani mwaattiva! 23 Ni inyu Nakapenaumu! Chani nnothanana wiiwelhiha mwaanene wiirimu? Nnoowa mwaawulhusheriya unaminepa etu! Ukhalhawaya, ikaari cho ushangiha chipangiye uwaninyu chikaapangiye Usodoma, yeyo iwani iyo yanlhokelha mpaka nna. 24 Nansho kinouhimeriani wiira, inowa ukhalha ittu yo waalhuwa wo attu o ilhapo yo Usodoma uvilhelha ntwarusho nawe uupwahani inyuva!"

22 Paahi alha onkhaye alha aakhumelhenlhe nitimire nlhove ni Athithi naahimiye ni anamilhohi wiira, 23 "Mwalhi hinaatameriya nowa urupalha irukulhu ni unnyara mwaana mwanlhopwana nchina nawe nowa wiihaniya Imanueli." Maana aya, "Nlhuku ri vamoka ni hii."

49 vaamwona aya eetaka vachulhu maashi, nkayaanyihera wiira aari "Nshoka!" Nkayaakhuwelhacha. 50 Onkhaye yaari yoovaka chinene vaamwonne aya.

Yesu nkoolhumacha eeraka, "Nvareke nrima! Phi mii Nhoove!"

50 Nansho Yesu nkeewa, nkeerelha Nayairo, "Nhoove, mpisheke nrima, noolhama."

37 Vaatameria awe Uyerusalemu, iphiro yaakelha uri Mwaako wo Mizeituni, nlhoko mwinchi wa owiittucha awe nkawaachokholha untotopelha Nlhuku akhuwelhaka voona aya cho ushangiha chonkhaye choona aya, 38 Yaari akhuwelhaka, "Nlhuku ammahe ibarakha mwene nowa wo nchina no Athithi uyo! Mpuha ukhalhe wiirimu ni nthimicho wa Nlhuku wiirimu!"

9 Amalhiheke wulhumacha yayo, ahokushiya wiirimu attu onkhaye amwoonaka, nihute nkanankhuneelha ahimwoonaka tho.

7 Vavawo nkakaawulhuwa vathi, nkakeewa nlhove nikiirelhaka, ‘Sauli, Sauli! Woonaka unookitwarusha?’"

Mariro o nane: Nashombe

1 Apwiiya Nlhuku nkayeerelha ashinna Musa, "Nrweeke u Nafarao, ukhalhawaya mii kihaathepiha itiyamaru, koonihe yayo vamoka ni anamitheko aya olhupalhe cho ushangiha cho woopiha munlhokoni mwaya, 2 wiira ni inyu mmwe mwaahimiachera achishaana inyu ni ashichulhu inyu, chinre aka wo waapangelha mattepwa attu o Umisri, wo upanga chechiyo cho ushangiha cho woopiha chiyo munlhokoni mwaya. Vavawo nchuwelhe wiira, mii phi Apwiiya Nlhuku."