Milagres

26 Yesu jwaalingalia nukupwaga, "Kwa bandu lijambu heli ngaseliwesikana lakini kwaka Sapanga goka gawesikana."

26 Yesu jwaalingalia nukupwaga, "Kwa bandu lijambu heli ngaseliwesikana lakini kwaka Sapanga goka gawesikana."

37 Ndaba ngasindu sejusindwa kutenda Sapanga."

21 Musa jukunyosha kuboku kwaki kunani ju nhanga na Bambu Sapanga jwakanga masi gunhanga kwikimbonga kikolongu kuhuma ku mashaliki. Kimbonga hesi sapogali kelukelu nu kubagu nhanga pandu pabeli ni pikilanda kwapiti nndema nzomu. 22 Aizilaeli bapeta pikilanda junhanga pandu pajomu na masi gabia ngati ukuta upandi wabu uku malele nu uku mangega.

20 Yesu jajibua, "Ndaba nhuobale kasokopi. Numpwagi sakaka, ana pee mmbii na nhobale nzoku ngati imbeju ja haladali, mwiwesa kukipwagi kitombi ase, ‘Boka hapa ujenda pala,’ Nasombi kiitenda kujenda. Nga sindu sokapi sesisindikana kwinu.

21 Yesu jwapwaga, "Numpwagi sakaka, ana mwikuba ni lihobale bila lujogopu, unhuwesa kuhenga nga pe seehengiki mu nkongu ago pena, ila hata na mukipwagi kitombi ase, ‘Tupuka ulilekala munhanga,’ kwiihengika ahelahela.

23 Yesu ampwagila, "Ndaba jakii gupwaga ana nhwesa! Majambu goa gawesikana kwaka mundu joju hobale."

27 Yesu jalingaliya nakapwagi, "Kwa bandu ngakuwesikana, lakini kwaka Sapanga nga hela, ndaba kwaka Sapanga goa gawesikana."

27 Yesu japwaaga, "Ganga kuwesikana kwa bandu, kwaka Sapanga kiwesikana."

58 Ndienu ngasejatei nginyuli hinge ndaba ngase bunhobali pa musi jaki.

22 Mwabandu buku Izilaeli, nnzowaniniya malobi aga! Yesu juku Nazaleti jwabii mundu jojwayekuliwi pangwendu kupete uwesu goguhuma kwaka Sapanga kwinu kupete ndonduke, maajabu na nginyuli yejatei Sapanga kwinu mwanganya kupete jombi, ngati hemanyiki mwabeti.

31 Pabajomulya kunndoba Sapanga, pandu pabaketangini pala patenda kunyuka na boti batwelila loho jaka Sapanga. Na boti balandila malobi gaka Sapanga bila kujogopa.

Bana baka Sikewa

11 Sapanga jwahenga ndonduke yaki kupete maboku gaka Pauli. 12 Bandu babia ajuku hitambaa ni ingobu yengi yeyabii jitumi Pauli, biipelika kwa agonzu, nabombi batenda kulama, na bababii ni ilombu nayombi yatenda kwaaboka.

12 Majambu gagumanyisa nepani nu ntumi jwa sakaka yani nginyuli na ndondukela. Gahengika kati jinu sukuhinakali kukolongu,

28 Sapanga jubei kulikundi la bandu babuhobale Kilisitu, kwanza atumi, pili alota na batatu abola, bangi jubei bandu baabii niipaji yukutenda ndondukela, na bangi kulamisa na bangi kujangati na bangi aka kilongosi na bandu bukulonge luga ingeni.

8 Loho ampeke jumu malobi ga malangu na jongi malobi guumanyi ngati ejupala mweni Loho hoju. 9 Loho jojo ampeke jongi kuobale na jongi kipaji jukulamisa agonzu. 10 Ampeke jumu kipaji sukutenda ndondukela, jongi kipaji su ulota, na jongi hipaji yukutalikanisa Loho, bumpeke jumu hipaji ja kulonge kwa luga ingeni na jongi hipaji yukulandi mana ja luga ingeni.

39 Lakini Yesu jaapwaga, "Mwaankana, ndaba ngamundu jojutenda nginyuli kwi liina langu koni jumbwaga nepani liyaa. 40 Ndaba jwanga kutupenga twe jubii upandi wito.

15 Ana alobiki su kuhobale nngonzu jitenda kulama; Bambu ampekia womi, na mahakau gajahengiki gitenda kulekakewa. 16 Ndienu, mpwagannya mahakau ginu mwabe kwa mwabe, na kila mundu andobila nzaki, ili mpata kulama. Kuloba kwaka mundu jwa jojujetakeka palongi jaka Sapanga kubii na makili na gahenga lihengu ana julobiki sukukasana.

17 Elia jabii mundu ngati twepani. Jaloba kwa mwoju iyula jiikuna, najombi ngasejakunike punndema kwa yaka itatu na miei sita. 18 Ndipala jaloba kabee, jakuna iyula kuhuma kunani nu nndema wapia ilebi.

16 Ndipala Yesu jajukua mabumunda unhwanu na homba ibeli yela, jalingalya kunani kwaka Sapanga kwaka Sapanga, nukuipengee. Ndienu janukula mabumunda nahomba, nakaapeke banafunzi baki baabagila bandu. 17 Bandu boha bakula, nukutupi. Na banafunzi baki batondwi makombu gagaigali itonga yeyatweli komi ni ibeli.

Yesu andamisa nyongo jumwa Lisoba lu Kupomulela

10 Lisoba limu Yesu jabia jaabola bandu mu nyumba jukuketangane Ayaudi Lisoba lu Kupomulela. 11 Papuje jabii mmbomba jumu jojabii nikilombu sesundwalisa miaka komi na nane. Nngongu waki wabii gupendiki ngasejwabia juwesa kulinyosa. 12 Yesu paambona, ankema nuku mpwagi, "Nyongo gulamisiki ugonzu waku!" 13 Ndienu Yesu ambekila maboku gaki nyongo we jola nukundobe kwaka Sapanga, apalapa nngongu watenda kunyoka nuku tumbuli kundumbali Sapanga.

14 Lakini kilongosi jwa nyumba jukuketangane Ayaudi jatenda kuyoma ndaba Yesu andamisa nyongo we hoju Lisoba lu Kupomulela, henu jaapwajila bandu ba baketangini pala, "Mbii na masoba sita gukuhenga lihengu. Nhika masoba ge haga mwilamiswa magonzu gii, lakini mwihika Lisoba lu Kupomulela ili kulamiswa."

15 Ndipala Bambu anzibua, "Mwee mwabandu babilikopake baambone! Nyaa kati ji ngase jubopulee ng’ombi jaki au liponda laki kuuma mwikisisi nukupeleka kunywa masi, hata na lakabi Lisoba lu Kupomulela? 16 Henu pamba jubii mbomba jo juhuma mulukolu lwaka Ibulahimu, joluntukali lijobi kwa miaka komi na nane. Boo, ngase kwabii lee sapi kunhogule Mlisoba lu Kupomulela?" 17 Yesu pajajomula kupwaga haga, bandu babumpenga bilijogwanya iyoni, lakini bandu bangi boti batenda kutogule ndaba ja majambu gu kusangasa goti gajwahengiki Yesu.

11 Yesu jahenga nginyuli ja kwanza ku Kana kunkoa uku Galilaya, jalangila ukolongu waki na banafunzi baki batenda kunhobale.

14 Bandu ebabona nginyuli yaka Yesu ejalangia, bapwaga, "Sakaka mundu jonzo ndi mlota jola jojuhika pani puundema!"

29 Yesu ampwagila, "Boo gunhobali le egumwene? Nambanga banga kubona, lakini ahobale."

Ndaba jukuandika kitabu senze

30 Yesu jatenda nginyuli nga yeyo mbeli ja banafunzi baki, yeyuye ngaseaandiki mukitabu senzeno. 31 Lakini ganiaga aandiki ili nnwesa kunhobale Yesu ndi Kilisitu Nkombosi, Mwana waka Sapanga, na sukunhobale jombi, mwanganya mwiipata womi wa masoba goa kwa makili gi liina laki.

8 Ndienu mmbolee waki jojalonguliya kuhika kulipoli jola najombi jajingala nkati nukubona itamba ye bahingalati nhyega jaka Yesu, nukuhobale. 9 Babia bakoni ngakuelewa Maandiku ga Sapi egapwaga kwabi, jupalika juyoka.

1 "Anajupitii mundu nndota au jojutapusili ndotu pikilanda jinu, kunndagi nu kuhenge nginyuli au ndonduke, 2 ana nginyuli heyi au ndonduke hei yeipitila, ndienu jupwaga, ‘Mwiitaputa isapanga yengi nu kuitumaki, isapanga yeyuye ngasemwiimanyike,’ 3 mwanzowanake malobi gaki nndota hoju au jojutapusili indotu, ndaba Bambu Sapanga, Sapanga winu, jaatumi bombi kundenga mwanganya, ili jumanya mumpala jombi Bambu Sapanga, Sapanga winu, kwa mwoju wii woti na kwa loho ji joti. 4 Mwampwata nu kuntende isima Bambu Sapanga, Sapanga winu, nu kupwata malagalaki gaki na kujijetake sauti jaki, mwantumakia nukujongana naku.

13 Ndienu niibona loho itatu yukusukisa yeibii ngati manyotu, ipita mu ndomu ugujoka gola na mu ndomu ji kinyama nu mu ndomu mwaka mlota jwi isoli. 14 Heyi ndi loho yi ilombu yeihenga ndondukela. Ndienu bajenda kwaka bambu nkolongu bu nndema yoti na kwaabeka pamu kwa ndaba ja ngondu ji lisoba likolongu laka Sapanga Jwana Makili goti.

Kupala nginyuli

38 Ndipala abola bangi ba Malagalaki na Afalisayu bumpwagila Yesu, "Mmbola, tupalika kulinga nginyuli kuhuma kwaku."

39 Lakini jombi jaapwagila, "Kibeleku siliya sanga kuhobaleka! Mpala nginyuli, lakini ngabampeke nginyuli ila nginyuli jaka Yona Mlota waka Sapanga. 40 Ngati Yona ejatama masoba matatu pipipipi na kelukelu mulutumbu ja homba ngolongu, ndienu Mwana waka Mundu ejitama pai ju nndema masoba matatu pipipipi na kelukelu."

Bandu ba Misi janga kuobale

20 Ndipala Yesu jatumbuliya kwaalakali bandu ba misi ye jwahengiki ndonduke yingi ndaba ngasebalekaki mahakau gabu. 21 "Misi mukiboni mwabandu buku Kolazini! Misi mukiboni mwa bandu buku Betisaida! Ana nginyuli yehengika kwinu yakahengika ku misi yuku Tilo nuku Sidoni, bandu baahoku bakabiya akotwiki mahakau toka mwandi nu kuwata magunii nukulipaki ilihu. 22 Lakini numpwagi, biiwesa kuhinakali mu masoba gukutemu bandu buku Tilo na buku Sidoni kupeta mwanganya. 23 Mwabandu buku Kapelinaumu! Boo, mwalikwea mbaka kunani kumaunde? Banhulua mbaka kumwotu wanga kususuka koatama bandu baawii! Ndaba, ana ndonduke yeihengiki kwinu mwanganya yakahengika ku Sodoma, musi wehogu wakabiya mbaka leleno. 24 Lakini numpwagi, lisoba lu kutemu Sapanga jaabonila ikia bandu buku Sodoma kupeta mwanganya."

22 Ndienu, haga goti gapitii ili litimia lilobi laka Bambu lejwapwaga kwi indela jaka mlota waka Sapanga, 23 "Linga, kamwali jwanga kuketanga na mwanalomi jwiitotula kitumbu, ambelika mwana mwanalomi, najombi bankema liina la Manueli." Maana jaki, "Sapanga jubii pamu na twepani."

49 Lakini pabumbona jujenda panani ja mase, bahambukya lihoka, batenda kujamali. 50 Ndaba boa pabumbona bajogipi ngamaa.

Apalapa Yesu jalongila nabu, "Nabi nepane! Mwijogopa! Ntama nuu."

50 Lakini Yesu ejwajowana ganiaga apwagila Yailo, "Gwijogopa, we guhobaliya pena, na mwana waku mbaka julame."

37 Yesu pajahegalya ku Yelusalemu, pi kihelelu si Kitombi si Mizeituni, nsambi nkolongu wa banafunzi baki batumbuliya kundumbali Sapanga koni atogule kwa sauti ngolongu ndaba ja majambu makolongu gabagabweni, 38 babia apwaga, "Jupengaliki Bambu nkolongu jojuhika ku liina laka Bambo! Kubia lukwali nu ulumbi kunani kwaka Sapanga!"

9 Pajajomula kulonge haga, jajenda kunani kwa mahundi, koni boka buku ndingaliya, na mahundi gatenda kunhyekale Yesu ngase jwabonikana kabee.

7 Apalapa nahabuka pai pwaa, ndi najowa sauti jaka mbwagila, ‘Sauli, Sauli! Ndaba jaki gung’alisa nenga?’

Lilapuli la nani halwa

1 Bambu Sapanga ampwagila Musa, "Gujenda kwaka Falau. Nenunhengiki jubia na mwoju gogunonwipi na aka atumisi baki ili nhwesa kuhenga nginyulii yenze kwabu, 2 ili mwanganya nhwesa kwaalandi bana binu na aka asoko bii, namuna he naapoiki lihamu Amisili kukuhenga nginyuli hei kwaabu. Henu mwiimanya nepani ndi na Bambu Sapanga."