Milagres

26 Thuasalama Jesu nynh minmin kha do hae zah, "Ccungccaw hanlan tuh hynh-e hynh thua kho khyh, thuasalama Pachia hanlan tuh pawpaw balyn athua kho," a ci.

26 Thuasalama Jesu nynh minmin kha do hae zah, "Ccungccaw hanlan tuh hynh-e hynh thua kho khyh, thuasalama Pachia hanlan tuh pawpaw balyn athua kho," a ci.

37 Pawccecize Pachia nynh a cyi kho leipaw pawpaw mah um khyh," a cipya.✝

27 Dotua, kae tuh Bawipaw ka thua zah, ccungccaw balyn Pachia nynh ka thua; ka hanlan myaryamaw arupaw paw sanmah a um zawtou?

21 Oute Moses nynh a kuih kha rili vawlan a dyng. Bawipaw nynh athawsaepaw nithua lang e khisan khate rili kha khuazi zidae mungsah zah rili tui tuh phiakuh zah aroupaw laephi lang a tang vae. 22 Israel hae tuh rili lungkhu aroupaw laephi kyakhe a cceih hae, tui tuh mih ranglang te mih voilang khe pang hawte a thungkuh.✝

11 Bawipaw ryalawnaw kha

ka tuathui cih;

langmawlya na la cyipaw

ngaeangthua lan um hae paw kha

ka liathui cih.

12 Na ryalaw balyn kha ka tuathui cih zah,

athungpaw na cyisahnaw hae kha

hoyte ka tua cih.

14 Nang tuh ngaeangthua lan umpaw

rya a lahpaw Pachia nynh na thua;

minphuin hae kyakhe na thungnaw kha

na langsaku vae.

20 Te Jesu nynh, "Nae zynnaw azya keiccu nynh thua. Pawccecize byaccaccing kae hopya oh, mungngia mung cia zynnaw na hoi oh zetuh e mua hynh, ‘E kyate khuhlang khuin nuekuh,’ na ci oh ze a nuekuh cih; na cyi kho lei oh paw pawpaw mah um lan khyh.✝

21 Jesu nynh minmin kha, "Byaccaccing kae hopya oh, lunghiinnaw hoi leite zynnaw na hoi oh ze, thaeku ku kya acyihkuhpaw kyalya thua leite, e mua hynh, ‘Nuekuh lah rili lungkhu lang phungkuh,’ na ci oh ze a phungkuh cih.✝

23 Jesu nynh, "Na zyn kho tou! Zynnaw a hoipaw elang tuh pawpaw tynre acyihkuh kho," a cipya.

27 Jesu nynh minmin kha do hae zah, "Ccungccaw hanlan thua kho khyh, thuasalama Pachia hanlan athua kho leipaw um khyh; pawccecize Pachia hanlan tuh pawpaw balyn athua kho," a ci.

27 Jesu nynh, "Ccungccaw hanlan athua kho leipaw kha Pachia hanlan tuh athua kho," a ci.

58 Minmin nynh a zyn khyh hae keiccuze Jesu nynh tuin kya ngaeangnaw patae rae khyh.

22 Israel ccungccaw hae, ka bya hynh ngaetua oh: naemaw nynh mah na ny oh hawte, Nazareth khuapaw Jesu tuh nanning laku kya Pachia nynh nawccawkhaepaw ccungccaw nynh thua, Pachia nynh amaw liate nanning laku kya ngaeang lan umpaw ryalaw hae, khuaruarunaw hae te muihsahnaw hae kha a langsaku.

31 Saw a sang kou hae te, a sueluakunaw hae inn tuh ahy; te minmin balyn tuh Thyaa Muisaw te beih hae zah Pachia bya kha rawhoyte a ho hae.

11 Pachia nynh Paul kha mangte acyihkuh boi leipaw ngaeangnaw hae kha a rae. 12 Paul a pyn kya-e pavua hae tuhkhyhze taeccia uccaw kha ngeccih hae kalan ccyngpah hae zah mih ccinaw tuh a dan hae, te ahoy leipaw muisaw hae mah a toikuh hae.

12 Locceihtu ccaccing ka thuanawpaw syntawnaw hae tuh, lungsaenaw balyn te nae kya ka langsakupaw syntawnaw hae, ngaeangnaw hae te athungpaw ryalaw hae kha nynh thua.

28 Pachia nynh masaty locceihtu hae, ccangningnaw profeh hae, ccangthumnaw ccangpahtu hae, tukoute ngaeangnaw a rae hae paw, tukoute ngeccih dansahnaw lasung a mue hae paw, ming hae a bawm hae paw, ming hae a ukthya hae paw, bya aphuinphuin a hothya hae paw kha khriccaawbuu kya ryalaw a pya hae.✝

8 Muisaw liate ccungccaw lu kheit kha hawnaw byahothyanaw pya zah, tuh-e Muisaw liate mingccangpaw kha nynaw byakhupaw hothyanaw kha a pya. 9 Tuh-e Muisaw liate mingccangpaw kha zynnaw pya zah, tuh-e Muisaw liate mingccangpaw kha ngeccih dansahnaw lasung kha a pya. 10 Mingccangpaw kha ngaeangnaw rae khonaw pya zah, mingccangpaw kha profehbya ho khonaw a pya, mingccangpaw kha muisaw hae phiathyanaw a pya; mingccangpaw kha bya hae aphuinphuin hothyanaw a pya, mingccangpaw kha bya hae asuilan ccaesah thyanaw a pya.

39 Jesu nynh, "Tuh-e paw tuh khee nan oh; pawccecize ka min te ngaeangnaw a rae koute ka thethya palou yn ho khopaw humhung mah um lan khyh. 40 Pawccecize aening oun rawse leipaw tuh oun pankhaepaw nynh thua.✝

15 Zynnaw kya-e sawsangnaw nynh ngeccih kha a khum cih zah, Bawipaw nynh tuh-e ngeccih tuh a thosah cih. Seinaw a la rae ze, aning tuh ngaethya athua cih. 16 Tukeiccuze na cyisei oh paw kha lu kheit te lu kheit hopakuh oh lah, dansah na thua nawlan oh lu kheit te lu kheit sawsangpakuh oh. Midingpaw sawsangnaw tuh myarya a thawsae zah athane.

17 Elijah tuh aening tahawpaw ccungccaw nynh thua; aning nynh khuaa araw khyh nawlan thawte saw a sang; te laephi vawlan kum thum te sawpaw sah taruh cia khuaarah khyh.✝ 18 Aning nynh saw bua sang zah vaawlang nynh khuaa a rawsah, te laephi nynh a thae a pousah.✝

16 Jesu nynh sanlou phe pangaw te ngasaw zaw ning kha lah zah vaawlang dothung zah lungtuabya a ho koute eih zah ccungccaw zapi malang nyapya lan a zuitu hae kha a pya hae. 17 Mih balynte ae hae zah mih vue aso koute alaepaw a eihpaw kha kee haw lae ning a khuin hae.

Sabbath Nin Nopinung A Dansah

10 Jesu nynh sabbath nin kya sinakok ccangkheit kyakhe a ccangpya hae. 11 Tuin kyakhe muisaw hoyleipaw nynh kum haw lae tarya cia a ngoisahpaw nopinung lu kheit a um; tuh-e nung tuh a ke ky zah lawbabin lan umthya khyh. 12 Jesu nynh tuh-e nung tuh he a muih te ko zah, "Nopinung, na ccinaw kyate na lue vae," a cipya. 13 Tuh-e nung tungvaw a kuih he a khang te, a ke tuh vaekheihmawte yn law zah Pachia kha the a hoysah. 14 Tuhte Jesu nynh sabbath nin kya a dansah keiccuze sinakok uktupaw nynh a thinria zah ccungccaw hae kyakhe, "Ryalaw lawku nin nintaruh a um, tuh-e nin hae kyakhe oun cceih oh lah dannaw mue oh, sabbath nin kya tuh mue nan oh," a cipya hae.✝ 15 Bawipaw nynh khung zah, "Thyaruh hae! Nanning lu kheit cci nynh sabbath nin kya nae tangnuapaw khyhze nae lann kha a inn kyate na supah oh zah tui nia lan na cciakhae khyh oh tou? 16 Kum haw lae tarya cia Satan nynh phang a heepaw, Abraham ccanung athuapaw, e nopinung hynh hynh-e heenaw kyate sabbath nin kya luesah lan ccan khyh tou?" a cipya. 17 Hynhte he a ho tuh, amaw a rawsetu hae balyn tuh maethya pong bongkuh hae; ccungccaw hae balyn tuh Jesu nynh a raepaw ngaeangnaw keiccuze mih lungtua.

11 Jesu nynh a raepaw ngaeangnaw hae kyaze masaty a raepaw hynh-e ngaeangnaw hynh Galilee pee Kana khua kya rae zah a phu-enaw kha a langsahpya hae, te a zuitu hae nynh amaw kha a zyn hae.

14 Jesu nynh a raepaw muihsahnaw kha tuh-e ccungccaw hae nynh he a muih hae tuh, "E paw tuh lae vawlan yn thua cih a ci hae paw profeh ccaccing nynh thua," a ci hae.

29 Jesu nynh, "Thomas, nang tuh nae muih keiccuze na zyn. Kae hynh yn muih leite yn zyn hae paw tuh lungtuapaw nynh thua hae," a cipya.

Hynh-e Ccauh Eenaw

30 E ccauh kya azeikuh leipaw ccangpaw muihsahnaw patae kha mah Jesu nynh a zuitu hae muihnaw kya a langsaku. 31 Thuasalama Jesu tuh Messiah, Pachia Ccapaw nynh thua cipaw na zyn nawlan oh te tuhte na zynnaw oh liate amaw min te hiinnaw na hoi nawlan oh nynh hynh-e hae hynh zei athua.

8 Shaw kalan a thua typaw ccangpaw zuitupaw mah teebua zah a muih keiccuze a zyn. 9 Pawccecize Ccathyaa nynh Jesu tuh chinaw kyate a thoothui hahe cih a cipaw kha minmin nynh la thaethya loh khyh hae.

1 Nanning laku te profeh hae te maanleihthya hae paw yn langkuh hae zah syntawnaw hae te ngaeangnaw hae kha nanning kya muihsahte, 2 ae langsahpyaku oh paw muihsahnaw hae te ngaeangnaw hae tuh yn cyihkuh zah, na ny boi lei oh paw "Ccangpaw pachia hae kha zui oh sih lah beik oh sih," cite ae hopya oh zetuh, 3 tuh-e profeh hae te maanleihthya hae paw bya kha na ngaepah lan khyh oh; pawccecize Bawipaw nae Pachia kha nae thinlung balyn te nae tuanaw balyn te na sungsah ccaccing oh tou cipaw ny khylan Bawipaw nae Pachia nynh nanning kha ae syntawtua cih oh. 4 Bawipaw nae Pachia kha na zui cih oh, amaw kyalya kha na rih cih oh, a kawbya hae kha na zui cih oh, a roi kha na ngae cih oh, amaw kha na beik cih oh zah amaw kha tynkaring lan na kyngkuh cih oh.

13 Nakaa-hupi khalang, sarepaw khalang te ahme leipaw profeh khalang kyate buphaw te alokuhpaw athupaw muisaw hae ccangthum yn poupaw kha ka muih. 14 Tuh-e muisaw hae tuh muihsahnaw hae a langsakuhpaw raerangsaro hae kya-e muisaw hae nynh thua; Athung huaccepaw Pachia kya-e alesaepaw nin kya rhawtukku khylan minmin nynh laephi pynpi kya-e siapharan hae kha ccianua hae zah a suelua hae.

Jonah Muihsahnaw

38 Te kawbya sazae hae abang te Farasi hae nynh khung hae zah, "Bawipaw, na raepaw muihsahnaw ccangkheit kae muihtua ry," a cipya hae.✝ 39 Thuasalama Jesu nynh minmin kha, "Ahoy leipaw te a ohhuakuhpaw ciihan nynh tuh muihsahnaw kha leih a ngia, thuasalama profeh Jonah kya-e muihsahnaw laelan ccangpaw muihsahnaw kha langsahpya thua vae lan khyh.✝ 40 Pawccecize Jonah tuh nin thum te zi thum ngasawpi vue lungkhu a um hawte, Ccungccaw Ccapaw mah nin thum te zi thum laephi lungkhu a um cih.✝

Zynnaw Hoi leipaw Khua hae

20 Jesu nynh ngaeangnaw alunghua a raenaw khua hae nynh a ngaesiku khyh hae keiccuze hynhte a pe hae: 21 "Khorazin khua, nang na hanlan ngaethya lan kou um! Bethsaida khua, nang na hanlan ngaethya lan kou um! Pawccecize nanning kya rae athuapaw ngaeangnaw hae kha Tair khua te Sidon khua kyakhe rae a la thua ze, minmin tuh buri boeining lawkute buhhaw kya a toukuh cih hae zah khawlya mawte a ngaesikuh vae cih hae.✝ 22 Tukeiccuze kae hopya oh, byapianaw nin kya nanning hanlan laeze Tair te Sidon hanlan ngaesang kho a umhua cih. 23 Kapernaum khua,

nang tuh vaawlang cia

hangku na ry tou?

Hell kalan sawbung na thua cih.

Pawccecize nang na kya rae athuapaw ngaeangnaw hae kha Sodom khua kya rae a la thua ze, atunin cia atyn ung cih paw.✝ 24 Tukeiccuze nang kae hopya, byapianaw nin kya nang na hanlan laeze Sodom khua hanlan ngaesang kho a umhua cih," a ci.✝

13 Ka lungkhu e miakaw yn raetupaw tuh

nang nynh na thua;

ka nung vue lungkhu khe nae rae,

14 Ngaeangthua lante ri lan a um lante

nae rae keiccuze kae thehoysah.

Na ryalaw balyn tuh ngaeangthua lan

a um cipaw hoyte ka ny.

Pachia Huhan te Dingnaw

1 Bawipaw kha ka thinlung balyn te

ka thehoysah cih;

ngaeang lan umpaw

na raepaw balyn kha ka ho cih.

14 Tukeiccuze Bawipaw amaw ccaccei nynh nanning kha muihsahnaw ae pya cih oh. Dotua oh, liaccady nynh ccaawpoi zah ccapaw a saah cih, a min tuh Immanuel* cite a phu cih hae.✝

22 Bawipaw nynh profeh kyate a hopaw kha accing nawlan nynh hynh-e balyn hynh acyiku.

23 "Dotua, liaccady nynh

ccaaw yn poi cih zah

ccapaw yn saah cih, a min tuh

Immanuel yn cikuh cih,"

(asuilan tuh, "Pachia kae kya a um," cipaw nynh thua).✝

49 Thuasalama minmin nynh rili vawlan a cciapaw kha a muih hae tuh khozi nynh thua cite tua hae zah a sia hae. 50 Pawccecize mih balyn te amaw kha muih hae zah a rih hae. Jesu nynh bya hopah kangmaw hae zah, "Nae thinphang nan sah, kamaw nynh ka thua, rih nan oh," a cipya hae.

50 Jesu nynh tuh-e tuh he a thae te Jairas kha, "Rih nan, zyn kyalya zyn lah na ccanung tuh a dan cih," cite a hopya.

37 Oliv Mua kyate rungbungnaw kya he a thua tuh, a zui hae paw zapi balyn nynh a muih hae paw ngaeangnaw hae balyn hanlan lungtuate Pachia kha roi accae lante thehoysah hae zah,

38 "Bawipaw min te yn thuapaw

Siapharan tuh hythuaccou sah!

Vaawlang khua kya

daenaw um sah lah

ahang huanaw vaawlang khua kya

phu-enaw um sah!" cite a sia hae.✝

9 E bya a ho koute minmin nynh a do cciamang lya hae khe Jesu tuh lawthung thua zah maeking nynh mih muihnaw kyate amaw kha zya a law.

7 Kae tuh laekhu kya ka khuliakuh zah, ‘Saul, Saul, pawccemou kae hynh nae tuaa nae sah?’ cite yn hopahpaw roi ccangkheit kha ka thae.

Vaetaryanaw Shethya: Tungkhipaw

1 Oute Bawipaw nynh Moses kha, "Faro kalan la cceih; pawccecize kamaw kya-e muihsahnaw hae kha minmin kya langsaku ka ry keiccuze Faro te a ryalahtu bawi hae mih lung kha ka khungsah vae hae, 2 Tuh-e tuh Izip hae kha a ngaeepaw ccungccaw lang pawtemou ka rae hae cipaw te minmin kya pawcihawpaw ngaeangnaw mou ka rae cipaw kha nae ccaaw hae te nae mintaw hae kha na hopah oh zah, tuhcite kae tuh Bawipaw nynh ka thua cipaw nae nyh cih oh," a cipya.