Misericórdia

18 ይሼ ኣቲዳ ዜሬ ናጋራ ኣቶ ጊ ማሪዛ ኔ ማላ ጾሲ ኦኔ? ኔኒ ሜርናስ ሃንቄታካ፤ ማሮ ጌሊዛይሳን ኔ ኡፋዬታሳ።

ካዎ ዳዊቲ ላይማቲዳፔ ጉዬ ናቤ ናታኔይ ኢዛኮ ዪዳ ዎዴ ዳዊቲ ዛማሬታ ካቦስ ዬጺዳ ማዛሙሬ

1 ኣቤት ጾሳዉ!

ኔ ሜርና ሲቆዛ ማላ

ታና ማራ፤

ኔ ቃታ ዳሮን

ታ ሞሮዛ ቁጫ።✝

2 ታ ኢታቴ ኡባ

ታፔ ሜጫ፤

ታ ናጋራፔካ ታና ጌሻ።

6 ኣቤት ጎዳዉ!

ቤኒሶፌ ዲዛ ኔ ቃቴኔ

ኔ ኪያቴ ሃሳኣ።

7 ታ ዬላጋቴ ናጋራኔ

ሞሮ ሃሳኦፓ፤

ኣቤት ጎዳዉ!

ኔ ጊታ ኪያቴ ማላኔ

ኔ ሎኤቴ ኬና ታና ቆፓ፤

ፑዴ ኬዚሼ ዬጺዳ ማዛሙሬ

1 ኣቤት ጎዳዉ!

ታኒ ጪማ

ሜቶ ጊዶን ዳሼ

ኔኮ ዋሳይስ።

2 ኣቤት ጎዳዉ!

ታ ጬንጉርሳ ሲያ፤

ታኒ ሾቢዛይሳ

ኔ ሃይቲ ኤዝጌቶ።

11 ኣቤት ጎዳዉ!

ኔ ማሮቴ

ታፔ ሃሶፋ፤

ኔ ሲቆይኔ ኔ ቱማቴይ

ታና ኡባ ዎዴ ናጎ።

6 ኔ ኪያቴኔ ኔ ማሮቴይ

ታ ዴኦ ላይ ኡባን

ታና ካላና፤

ታኒ ጎዳ ኬን ሜርናስ ዳና።

13 ኣዋይ ባ ናይታስ

ቃቲዛ ማላ

ጎዳይ ባስ ያዪዛይታስ ቃቴስ።

15 ጊዲኮካ ኢዛ ኪያቴ ኢሞታይ ኣሳ ቆሆ ማላ ጊዴና፤ ኢሳዴይ ሞሪዳይሳን ዳሮ ኣሳይ ሃይቂኮካ ጾሳ ኪያቴኒኔ ኢሲ ኣስ ዬሱስ ኪርስቶሳ ኪያቴን ዪዳ ኢሞታይ ዳሮታስ ኬሂ ዳሪ ኢሜቲዴስ።

ጺሎቴ ኦሳንቻታ

15 ሂስቲን ኣይ ኦኖ? ዎጋ ጋርሳን ጊዶንታ ኑኒ ጾሳ ኪያቴ ጋርሳን ዲዛ ጊሻስ ናጋራ ኦኖ? ሙሌካ ኦናስ ቤሴና።

4,5 ጊዶ ኣቲን ጾሲ ኬሂ ሲቂዳ ጊሻስ ባ ማሮ ዳሮን ኑኒ ኑ ቆሆ ዳሮቴን ሃይቂዳይታ ጊዲ ዲሺን ኪርስቶሳ ባጋራ ኑና ኣሺዴስ፤ ኢንቴ ፓጺዳይ ኢዛ ኪያቴና።

9 ጊዶ ኣቲን ጎዳይ፥ «ታ ዎልቃይ ኩሜ ጊዲ ቆንጫናይ ኔ ዳቡርሳን ጊዲዳ ጊሻስ ታ ኪያቴ ኔስ ጊዳና» ጊዴስ፤ ሄሳ ጊሻስ ኪርስቶሳ ዎልቃይ ታ ቦላ ጊዳና ማላ ኣይ ዎዴፔካ ቦላራ ታኒ ዳቡርሺን ሄ ዎዴ ኡፋይሳን ጬቄታናስ ዶሳይስ።

13 ባ ናጋራ ጌንዛ ኣሲ ኣጬና፤

ጊዶ ኣቲን ፓጺዛይኔ

ናጋራ ኣጊዛይ ማሬታና።

7 ኢታ ኣሲ ባ ኦጌ፥

ቆሂዛይካ ባ ቆፋ ኣጎ፤

ጎዳኮ ሲሞ።

ኢዚካ ኢዛ ማራና፤

ኢዛ ማሮቴይ

ዳሮ ጊዲዳ ጊሻስ

ኢዚ ኑ ጾሳኮ ሲሞ።

18 ጊዶ ኣቲን ጎዳይ ኢንቴስ

ኪያ ኦናስ ናጌስ፤

ኢንቴና ባ ቃቴ

ቤሳናስ ዴንዴስ፤

ጎዳይ ቱሙ ፒርዲዛ

ጾሳ ጊዲዳ ጊሻስ

ኣማኔቲዲ ኢዛ ናጊዛይቲ

ኣንጄቲዳይታ።

13 ሄሳ ጊሻስ፥ ‹ኢንቴ ቢዲ ያርሾ ጊዶንታ ማሮቴ ዶሳይስ› ጊዛ ቃላ ቢርሼ ታማርቴ። ናጋራንቻታ ጼይጋና ያዲስ ኣቲን ጺሎታ ጼይጋናስ ያቤኬ» ጊዴስ።✝

ማሮ ጊሻስ

21 ሄ ዎዴ ጴጽሮሲ ዬሱሳኮ ሺቂዲ፥ «ጎዶ! ታ ኢሻይ ታና ቆሂኮ ታ ኢዛስ ኣፑንቶ ኣቶ ጎ? ላፑንቶ ኣቶ ጎ?» ጊዴስ።✝

22 ዬሱሲካ ኢዛስ ዛሪዲ፥ «ላፑን ታሙቶ ላፑን ኣቲን ላፑንቶ ጻላ ጋ ጊኬ፤✝

14 «ኢንቴ ኢንቴና ቆሂዳይታስ ኣቶ ጊኮ ኢንቴ ሳሎ ኣዋይካ ኢንቴስ ኣቶ ጋና።

31 ጊዶ ኣቲን ኔ ማሮቴ

ጊታቴፌ ዴንዲዳይሳን

ኢስታ ኣጋቤካ፤

ኔ ኪያኔ ኣቶ ጊዛ

ጾሳ ጊዲዳ ጊሻስ

ኢስታ ይሳቤካ።

5 ኪያቴን ጮ ታልኢዛ ኣሳስ፥

ባ ኦሶ ሱሬቴን ኦዛ

ኣሳስ ዴኦይ ኢንጄታና።

17 ኣቤት ጎዳዉ! ኑ ጾሳዉ!

ኔ ኪያቴ ኑናራ ጊዶ፤

ኑ ኦዛ ኡባ

ኑስ ኢንጄሳ፤ ኤሮ!

ኑ ኦዛ ኡባ ኑስ ኢንጄሳ።

16 ሄሳ ጊሻስ ኑኒ ማሮቴ ኤካናሲኔ ኑና ኮሺዛ ዎዴ ኑና ማዲዛ ኢዛ ኪያቴ ኑ ዴማና ማላ ጌዴ ኢዛ ማሮቴ ኣልጋኮ ኣኔ ኣማኖን ሺቆስ።

ጾሳስ ቤሲዛ ዴኦ ያርሾ

1 ሄሳ ጊሻስ ታ ኢሻቶ! ኢንቴ ኣሳቴ ጌሺኔ ጾስ ኡፋይሲዛ ዴኦ ያርሾ ኦዲ ኢንቴ ሺሻና ማላ ታ ኢንቴና ጾሳ ቃታን ዎሳይስ፤ ሄሲካ ዎዚናማ ኣሳ ማላ ኢንቴ ጾሳስ ኦዛ ኦሶ።

16 ጾሳ ና ኣማኒዛይ ዉሪ ሜርና ዴኦ ዴማናፔ ኣቲን ዮንታ ማላ ጾሲ ሃይሳ ኣላሜዛ ዳሮ ሲቂዳ ጊሻስ ባ ሜጺ ኢሲ ናዛ ኢሚዴስ።

29 ኢንቴ ኪርስቶሳ ኣማኒዛይታ ጻላ ጊዶንታ ኢዛ ጊሻስ ዋዬ ኤኪዛይታ ጊዳና ማላ ሃይሲ ጾሳ ኪያቴ ኢንቴስ ኢሜቲዴስ።

ፓዚጋ ባኣሌ ቦንቾ

1 ጎዳ ኢስራኤሌ ጾሳ ፓዚጋ ባኣሌ ቦንቻናስ ኢስራኤሌ ኣሳይ ኡባይኔ ዩሁዳ ኣሳይ ኡባይ ዬሩሳላሜን ዴኢዛ ጾሳ ኬ ያና ማላ ሂዝቂያሲ ኪቲዴስ፤ ቃሴ ኤፍሬሜ ኣሳሲኔ ሚናሴ ኣሳስ ዳብዳቤ ጻፊዴስ። 2 ካዎይ፥ ሃላቃቲኔ፥ ዬሩሳላሜን ሺቂዳ ኣሳይ ኡባይ ፓዚጋ ባኣሌ ናምኣን ኣጊናን ቦንቻናስ ቆፋ ቃቺዳ። 3 ቆዳን ጉ ቄሴቲ ጻላ ባና ጌሺዳ ጊሻሲኔ ዳሮ ኣሲካ ዬሩሳላሜን ሺቆንታ ጊሻስ ኣሳይ ፓዚጋ ዎዴራ ኮይሮ ኣጊናን ቦንቻናስ ዳንዳይቤና።✝ 4 ካዎዚኔ ዴሬዚ ሄ ቆፋይ ሎኦ ጊዲዳይሳ ቤኢዴስ። 5 ካሴ ዎጋን ኣዛዜቲዳ ማላ ፓዚጋ ባኣሌዚ ዳሮ ዎዴ ዳሮ ኣሳታን ቦንቼቲ ኤሮንታ ጊሻስ ኢስራኤሌ ጎዳ ፓዚጋ ባኣሌ ዬሩሳላሜን ቦንቻናስ ቤርሳቤሄፔ ቢዲ ዳኔ ጋካናስ ዲዛ ኢስራኤሌ ኣሳይ ኡባይ ያና ማላ ኣዋጃናስ ቆፋ ቃቺዳ።

6 ካዎዚኔ ኢዛ ሹሜቲ ኣዛዚን ኪቴቲዳይቲ ኢስራኤሌ ዴራሲኔ ዩሁዳ ዴራስ ኡባስ፥ «ኢስራኤሌ ኣሳዉ! ኣሶሬ ካዎታ ኩሼፔ ኬሲ ኤኪዲ ኣቲዳ ኢንቴኮ ጾሲ ሲማና ማላ ኢንቴካ፥ ጎዳ ኣብራሃሜ፥ ዪሳቃኔ ያቆቤ ጾሳኮ ሲሚቴ! 7 ኢንቴ ኤሪዛ ማላ ኢስቲ ቂስ ኬዛናሼ ጋካናስ ባንታ ኣዋታ ጎዳስ ኣማኔቶንታ ኢጺዳ ኢንቴ ኣዋታ ማላኔ ኢንቴ ኢሻታ ማላ ጊዶፒቴ። 8 ኢንቴ ጎዳስ ኣዛዜቲቴፔ ኣቲን ካሴ ኢንቴ ኣዋታ ማላ ዎዚና ሙሜ ጊዶፒቴ! ኢዚ ሜርናስ ዱማሲዳ ኬ ሃ ዪቴ። ኬሂ ያሺዛ ኢዛ ሃንቆይ ኢንቴፌ ሲማና ማላ ጎዳስ ሃጋዚቴ። 9 ኢንቴ ኢንቴ ጎዳኮ ሲሚኮ ጎዳ ኢንቴ ጾሳይ ቃቲዛዴኔ ማሪዛዴ ጊዲዳ ጊሻስ ኢንቴ ኢሻታኔ ኢንቴ ናይታ ዲኢ ኤፊዳይታ ሲንን ኢስቲ ማሮቴ ዴሚዲ ሃ ቢታ ሲማና፤ ኢንቴ ኢዛኮ ሲሚኮ ኢዚ ባ ሲን ኢንቴኮ ዛራና» ጊዛ ዳብዳቤ ኤፊዳ።

10 ኪቴቲዳይቲ ኤፍሬሜ ቢታኔ ሚናሴ ቢታ ካንዲ ዛቢሎኔ ቢታ ጋካናስ ካታማፔ ካታማ ቢዳ፤ ጊዶ ኣቲን ሄ ካታማታን ዴኢዛ ኣሳቲ ኢስታ ካዲ ኢስታ ቦላ ሚጪዳኔ ቂልጪዳ። 11 ጊዲኮካ ኣሴሬ ኣሳታፔ፥ ሚናሴ ኣሳታፔኔ ዛቢሎኔ ኣሳታፔ ጉቲ ባንታና ካዉሺዲ ዬሩሳላሜ ዪዳ። 12 ካዎዚኔ ኢዛ ሹሜቲ ጎዳ ቃላይ ጊዳ ማላ ኣዛዚዳይሳ ዩሁዳ ኣሳይ ኢሲ ዎዚናን ኣዛዜታና ማላ ጾሳ ኩሼይ ዩሁዳ ኣሳ ቦላ ዴስ።

13 ናምኣን ኣጊናን ኡኬ ባኣሌ ቦንቻናስ ኬሂ ዳሮ ኣሳይ ዬሩሳላሜን ሺቂዴስ። 14 ኢስቲ ዴንዲዲ ዬሩሳላሜን ዴኢዛ ያርሺዛሶሆታ ዴንዲ ኤጻኔ ያርሺዛሶሆታ ኡባ ዲጊዲ ቄዲሮኔ ዙሌ ኤፊ ኦሊዳ።

15 ሄሳፌ ጉዬ ናምኣን ኣጊናን ታማኔ ኦይዳን ጋላስ ፓዚጋ ዶርስ ሹኪዳ፤ ባና ጌሾንታ ቄሴቲኔ ሌዌቲ ዬላቲዲ ባና ጌሺዳ፤ ሂስቲዲ ጹጌቲዛ ያርሾ ጾሳ ኬ ኤሂዳ። 16 ሄሳፌ ጉዬ ጾሳ ኣስ ሙሴ ዎጋ ማላ ጾሳ ኬ ጊዶን ባንታ ሶሆን ሶሆን ኤቂዳ፤ ሂስቲዲ ቄሴቲ ሌዌታ ኩሼፔ ኤኪዳ ሱ ዉጺዳ።

17 ሄ ዱላታ ጊዶን ባና ጌሾንታ ዳሮ ኣሳቲ ዲዛ ጊሻስ ካሴ ዲዛ ዎጋ ማላ ባና ጌሾንታይታሲኔ ባንታ ያርሾ ዶርሳ ላቃ ጾሳስ ሺሻናስ ዳንዳዮንታ ኡባታስ ፓዚጋ ዶርሳ ሌዌቲ ሹካናስ ቤሴስ። 18 ኤፍሬሜ፥ ሚናሴ፥ ዪሳኮሬ፥ ዛቢሎኔ ቆሞታፔ ዳሮ ኣሳቲ ዎጋይ ኣዛዚዛ ማላ ባና ጌሾንታይሳ ጊዲኮካ፥ ፓዚጋ ባኣሌ ጊቢራ ሚዳ፤ ሄሳ ጊሻስ ካዎ ሂዝቂያሲ፥ 19 «ኣቤት ኣሳ ኡባስ ኪያ ጎዳዉ፥ ሃይቲ ካሴ ዎጋይ ጊዛ ማላ ባና ጌሾንታይታ ጊዲኮካ ኢስቲ ጎዳ ባንታ ኣዋታ ጾሳ ኮያናስ ባ ዎዚና ጊግሲዳ ኣሳታስ ኔ ኣቶ ጋ» ጊዲ ዎሲዴስ። 20 ጎዳይ ሂዝቂያሳ ዎሳ ሲዪዲ ኢስታስ ኣቶ ጊዴስ።

21 ዬሩሳላሜን ሺቂዳ ኢስራኤሌ ኣሳይ ኡኬ ባኣሌዛ ጊታ ኡፋይሳን ላፑን ጋላስ ቦንቺዴስ፤ ሌዌቲኔ ቄሴቲ ዬ ሚሻታን ዬጺሼ ጋላስ ጋላስ ጎዳ ጋላቲዳ። 22 ሄሳፌ ጉዬ ሂዝቂያሲ ጎዳ ኦሶን ኣኬካራ ዲዛ ሌዌታ ኡባ ሚንዴስ።

ሌዌቲ ኡባይ ባንታስ ኢሜቲዳ ጊሻስ ኢሲፌቴ ያርሾ ያርሺሼ ጎዳ ባንታ ኣዋታ ጾሳ ጋላቲሼ፥ ሚሼኔ ኡዪሼ ባኣሌዛ ላፑን ጋላስ ቦንቺዳ። 23 ዱላታ ሺቂዳ ኣሳይ ኡባይ ካሊዛ ላፑን ጋላሳታን ባኣሌዛ ዛሪ ቦንቻናስ ቆፋ ቃቺዳ፤ ሄሳ ጊሻስ ኣሳይ ባኣሌዛ ሃራ ላፑን ጋላስ ኡፋዬቲሼ ቦንቺዴስ። 24 ዩሁዳ ካዎ ሂዝቂያሲ ሺቂዳ ዴራስ 1,000 ኮርማ ቦራታ፥ 7,000 ዶርሳታኔ ዴይሻታ ኢሚዴስ፤ ቃሴ ኢዛ ሹሜቲ 1,000 ኮርማ ቦራታ፥ 10,000 ዶርሳታኔ ዴይሽ ኢሚዳ፤ ኬሂፔ ዳሮ ቄሴቲካ ባንታና ጌሺዳ። 25 ኩሜ ዩሁዳ ኣሳይ፥ ቄሴቲ፥ ሌዌቲ፥ ኢስራኤሌፔ ዱላታ ዪዳ ኣሳይ ኡባይኔ ካሴ ኢስራኤሌ ቢታፌ ዪዲ ዩሁዳ ቢታን ዲዛ ኣሳይ ኡባይ ኡፋዬቲዳ። 26 ኢስራኤሌ ካዎ ዳዊቴ ና ሶሎሞኔ ካዎቴ ዎዴፔ ሃ ሲሚን ሃች ጋካናስ ዬሩሳላሜን ሃይሳ ማላ ባኣሌይ ቦንቼቲ ኤሮንታ ጊሻስ ዬሩሳላሜን ኣሳይ ኬሂፔ ኡፋዬቲዴስ። 27 ሄሳፌ ጉዬ ቄሴቲኔ ሌዌቲ ዴንዲ ኤቂዲ ዴራ ኣንጂዳ፤ ጾሳይ ኢስቲ ጊዛይሳ ሲዪዴስ፤ ኢስታ ዎሳይካ ሳሎ ኬ ጾሳኮ ጋኪዴስ።

ኣማኔቶንታ ኢጺዳ ኢስራኤሌ

1 «ኢሲ ኣሲ ባ ኬዮ ኣንጂ ዬዲን

ኢዛ ባዳ ሃራ ኣዚና ጌሊኮ፥

ካሴ ኣንጂ ዬዲዳዴይ

ሲሚ ኢዚኮ ቢዜ?

ኢዚ ቢኮ ሄ ቢታያ

ሙሌ ቱኔኬ?

ኔኒ ጊዲኮ ኔ ሲቂዛ

ጮራ ላጌታራ ላይማታዳሳ፤

ሂስታዳካ ሃኢ ኔኒ

ታኮ ሲማና ኮያይ?» ጌስ።

2 «ኣኔ ቁ ጋዳ ኣይኮይ ባይንዳ

ዙምቡላታ ጼላ፤

ኔኒ ላይማስ ኢቾንታሶይ

ሄሳን ዲዜ?

ቦንቃና ባዞን ኡቲዳ

ፓንጋ ማላ

ኦጌ ዶናን ኡታዳ

ኔ ላጌታ ናጋዳሳ፤

ሂስታዳ ኔኒ ላይማቴኒኔ

ኢታቴን ቢታዮ ቱኒሳዳሳ።

3 ሄሳ ጊሻስ ፑሴይካ

ፑሶንታ ማላ ዲጌቲዴስ፤

ባልጎ ኢራይካ ቡኮንታ ኣጊዴስ፤

ኔ ጊዲኮ ሃኖ ጋካናስ

ላይማቴ ኣጋቤካ፤

ኔኒ ዬላቶንታካ ኢጻዳሳ።

4 ሃኢ ኔኒ ታና፥

‹ታ ኣዋዉ፥

ታስ ናቴቴ ላጌዞ!

5 ኔኒ ኡባቶ ታ ቦላ ሃንቄታኔ?

ኔ ሃንቆይ ሜርናሴ?› ጋዳሳ።

ኤ ኔኒ ሂዝጋሳ፤

ጊዶ ኣቲን ኔኒ ዳንዳይዳ ኬና

ኢታ ሚሽ ኡባ

ኦሳ» ጌስ።

ማሮቴስ ኢስራኤሌኔ ዩሁዳ ጼይጌቴ

6 ካዎ ኢዮሲያሲ ካዎቲዳ ላይ ጎዳይ ታስ፥ «ሃና ኣማኖይ ባይንዳ ኢስራኤሌይ ኦዳይሳ ኔኒ ቤኣዲ? ኢዛ ቃ ዙምቡላታ ቦላ ኬዛዳ ዳሻ ሚታ ጋርሳን ላይማታዱስ።✝ 7 ኢዛ ሃይሳ ኡባ ኦዳካ ታኮ ሲማና ጋዳ ቆፓዲስ ሺን ሲማቤኩ። ቃሴ ኣማኔቶንታ ኢዚ ሚቾ ዩሁዳይካ ሄሳ ቤያዱስ። 8 ኣማኖይ ባይንዳ ኢስራኤሌ ዴሬቲ ላይማቲዳ ጊሻስ ኣንጆ ዋራቃታ ኢማ ዬዳዲስ፤ ኢስራኤሌ ሚቾ ኣማኔቶንታ ዩሁዳይካ ሃይሳ ቤኣሼ ያዮንታ ኬዛዳ ላይማቲሺን ቤኣዲስ። 9 ባ ካዉሻቴን ቢታ ቱኒሳዱስ፤ ሚራካ ሹቻራካ ላይማታዱስ። 10 ሄሳን ኡባንካ ኢዚ ሚቺያ፥ ኣማኔቶንታ ዩሁዳይ ጮ ሲሚዳ ሚሳታዉሲፌ ኣቲን ኩሜ ዎዚናፔ ታኮ ሲማቤኩ» ጊዴስ።

11 ጎዳይ ታስ፥ «ኣማኔቶንታ ዩሁዳፔ ኣማኖይ ባይንዳ ኢስራኤሌይ ጺላ ቤታዱስ።

12 «ባ፤ ባዳ ፑዴሃ ባጋስ፥

‹ሃኔ ኣማኖይ ባይንዳ

ኢስራኤሌ ሲማ!

ታኒ ማሮታይ

ኩሚዳዴ ጊዲዳ ጊሻስ

ኔና ኢታ ኣይፌን ጼሊኬ፤

ሜርናስካ ሃንቄቲኬ›

ጌስ ጎዳይ።

13 ጊዲኮኔ ኔኒ፥

‹ጎዳ ኔ ጾሳ ቦላ

ማካላቴን፥

ኔ ቦንቾካ ኣላጋ ጾሳታስ

ዳሻ ሚታ ጋርሳን

ኣ ኢሞኒኔ

ታስ ኣዛዜቶንታ ኢጾን ኔኒ

ሞራንቻ ጊዲዳይሳ

ጻላ ኣማና›

ጌስ ጎዳይ» ጊዴስ።

14 ቃሴካ ጎዳይ፥ «ኢንቴኖ

ኣማኔቶንታ

ኣሳቶ፥ ሲሚቴ፤

ታኒ ኢንቴስ ኣዚና፤

ታኒ ኢንቴ ጊዶፌ

ኢሲ ካታማፔ ኢሳ፥

ኢሲ ቆሞፌ ናምኣታ ዶራዳ

ጺዮኔ ኤሃና።

15 «ሄሳፌ ጉዬ ታኒ ታ ዎዚና ማላ ኢንቴና ኤራቴኒኔ ኣኬካን ሄሚዛ ሄንንቻታ ኢንቴስ ኢማና። 16 ቃሴካ ጎዳይ ኢንቴ ቆዳይ ቢታ ቦላ ጮራቲዛ ዎዴ፥ ‹ጎዳ ጫቆ ቃላ ታቦታ› ጊ ጼይጌኬታ። ኢዚ ኢስታስ ቆፌቴናኔ ኣኬኬቴና፥ ዬናኔ ሃራይ ኦሴቴና። 17 ሄ ዎዴን ኢስቲ ዬሩሳላሜ፥ ‹ጎዳ ኣራታ› ጊ ጼይጋና። ካዎቴ ኡባፌ ኣሳይ ጎዳ ሱን ቦንቻናስ ዬሩሳላሜ ሺቃና። ሄሳፌ ኢስቲ ባንታ ኢታ ዎዚና ሃኖቴ ካሌቴና። 18 ሄ ጋላሳታን ዩሁዳ ኣሳቲ ኢስራኤሌ ኣሳታራ ጋይቲዲ ፑዴሃ ባጋ ቢታፌ ታኒ ካሴ ኢንቴ ኣዋታስ ጺንጾ ሂስታ ኢሚዳ ቢታ ኢሲፌ ያና» ጌስ።

ጾሳ ዴሬይ ኤቃ ሚስሌታስ ጎይኒዳ ጎይኖ

19 ጎዳይ፥ «ታኒ ኔና

ኣቱማ ናይታ ማላ

ዎስታ ዎናኮ፥

ዶሬቲዳ ቢታዮኔ

ኣይ ካዎቴካ ዴሞንታ

ሎኦ ቢታዮ

ኔና ላቲሳና ቆፓዲስ።

ቃሴ ታና፥ ‹ታ ኣዋዉ!› ጋዳ

ጼይጋና ሚሳቲዴስ፤

ታና ካሊዛሶፔ

ጉዬ ሲሞንታ ሚሳታዳሳ፤

20 ጊዶ ኣቲን ኢስራኤሌ ኣሳዉ!

ኢንቴ ባ ኣዚናስ

ኣማኔቶንታ ማጫሳ ማላ

ታስ ኣማኔቲቤኬታ» ጌስ።

21 ኢስቲ ጎዳ ባንታ ጾሳ ባሊዲ

ባንታ ኦጌ ጌላሲዳ ጊሻስ

ኢስራኤሌ ዴራ ዋሶይ፥

ሚሻ ዬሆይ ኣይኮይ ባይንዳ

ዙምቡላታ ቦላ ሲዬቴስ፤

22 ኢስቲ፥ «ኢንቴኖ ኣማኖይ ባይንዳ

ኣሳቶ! ታኮ ሲሚቴ።

ኢንቴ ኣማኔታና ማላ፥

ታኒ ኢንቴና ፓና» ጊዴስ።

ሂስቲን ኢስታስ፥

«ኤሮ፥ ኑኒ ኔኮ ሲማና።

ኣይስ ጊኮ ኔኒ ጎዳ

ኑ ጾሳ።

23 ኑኒ ዙምቡላታ ቦላኔ

ዙማታ ቦላ ኤቃ ጾሳታስ

ጎይኖይ ቱማፔ ኑስ ባላ፤

ቱማፔ ኑስ ኢስራኤሌታስ

ኣቶቴ ጎዳ ኑ ጾሳፌ።

24 ኑኒ ዬላጋቴፌ ዶሚን

ኑ ኣዋቲ ዳቡሪ

ዴሚዳ ኣይፌታ፥

ኢስታ ዶርሳታኔ ሜሄታ፥

ኢስታ ማጫ ናይታኔ

ኣቱማ ናይታ

ቱና ጾሳቲ ሚ ይሲዳ።

25 ኑኒ ዬላጋቴፌ ዶሚዲ

ሃች ጋካናስ፥

ኑኒካ ኑ ኣዋቲካ

ጎዳ ኑ ጾሳ ቦላ

ናጋራ ኦዶስ፤

ጎዳስ ኑ ጾሳስ

ኣዛዜቲቤኮ፤

ሄሳ ጊሻስ ኣኔ ኑኒ ዬላቴ

ጉሉንቲዲ ኢቾስ፤

ቃሴ ካዉሻቴ ኑና

ኣፋላ ማላ ካሞ» ጌቴስ።